رواية عشقت عالمها الصغير كاملة بقلم رحيق الورود عبر مدونة دليل الروايات
رواية عشقت عالمها الصغير الفصل السادس 6
عدي اكتر من شهر علي ابطالنا وبيزيد جو الحب والالفه ومراد حب المكان ونسي موضوع الزاكرة وداليدا زاد تعلقها بمراد واعتبرته جزء من عالمها الصغير واجمل جزء الجدة كانت قلقه علي حفيدتها ولا تريد أن تتعلق كثيرا بمراد لانها تعلم سوف يأتي الوقت ما ويذهب ولاكن حبت مراد ووثقت به جدا ولم تعد تخاف منه لانها رأته محترم وشخصيته جميلة جدا علي عكس ما توقعت وكل يوم بياكد لها ذلك …
_______
داليدا بحماس غير طبيعي …صبااااااااااح الخيررررررر
مراد ببتسامة خطفت انفاسها..صباح النور
الجدة بحب.. صباح النور
داليدا باستغراب…ايه ده يعني مافيش حاجه متغيره ..احم النهارده يوم مش عادي
الجدة باستغراب..اشمعنا
داليدا باستغراب اكتر ..نعم يعني ايه اشمعنا ..احم هو انتي ياسوسو لسه ما فوقتيش والا ايه
مراد ..هو فيه ايه
الجدة ..دي هبله سيبك منها
داليدا…اهااا النتيجه..ذهب اتجاه الحائط وقطعت منها ورقه وراحت قعدة علي السفرة
داليدا بخبس … حطت الورقه قدام الجدة وحاولت تخليها تنتبه لها ..هو النهارده كام في الشهر
الجده بلا مبلاه..معرفش يا داليدا خلاص صدعتيني النتيجه عندك و اعرفي..وسابتها ودخلت المكتبة
داليدا بصدمة وخفوت..معقوله تكون نسيت
مراد ..بتقولي حاجه
داليدا بحزن..لا ابدا…………. وكملت اكلها وخرجت . داليدا قاعدة زعلانه وبتفكر ..ازاي هي نسيت عيد ميلادي دي والا مرة نسيته كانت تفضل تحضر ليه قبلها بيوم لا لا اكيد هتفتكره دلوقتي …خرج مراد وراها
مراد ..مالك
داليدا بحيرة وحزن ..مش مصدقة انها نسيت ع .. قاطعهتم الجدة
الجدة بحدة ..هو انتو قاعدين هنا ليه يلا اتفضلو شوفو شغلكم يلا النهارده عيزاكم تجنو جميع الفاكهه وكمان تجمعو البيض وتنضفو الاسطبل لان التجار بيجو اخر الشهر داليدا بمقاطعة وحماس
داليدا ..ومافيش حاجه بتفكرك باخر الشهر غير التجار ..ها ها
الجدة ..حاجة ايه يا داليدا انتي رغايه اووي مية مرة بقلك انا بصدع بسرعه. يلا ما تتعبنيش
داليدا وهي علي وشك البكاء …حاضر …
_______
قاعدة بتقطف الفاكهة في حزن وعبوس
مراد بتصنع التعب ..انا تعبت اووي مش قادر انا هروح ارتاح وكملي انتي
داليدا برقت له..انت هتسبني لوحدي
مراد وهو بيمشي..مع نفسك انتي سلاام
كملت وهي بتشتم فيه وزعلانه اووي كانت علي وشك انها تبكي بس كانت بتواسي نفسها
داليدا لنفسها ..عادي يعني يا داليدا نسيت جل من لا يسهو يعني عادي هي يمكن تعبانه شويه عشان كده نسيت عادي اكيد هتعوضهولك اعااااا😥😭😭😭لا لا ما تبكيش يلا يلا كملي
كملت باقي الشغل كله لحد ما تعبت اووي وتبهدلت في شيل الفاكهه ودتها المخزن بعد كدة راحت علي الاسطبل
داليدا ..اكيد حاموكشه حبيبي مستيني وهيحتفل معايا صفرت ……حااااموكشه لقيته نايم
داليدا بدموع ..حتي انت يا حموكشه نستني طب هحتفل مع مين طيب 😢😢😥مسحت دموعها العالقه بكمها وقعدة في الاسطبل زعلانه وبتكلم الحصان وهو نايم لحد ما ابتدا النهار يخلص حسمت أمرها انها مش هتزعل وهتدي عزر لجدتها وهي بتقول اكيد هتعوضلي اليوم بيوم احلي لما تفتكر وروحت …
___________
وصلت للمنزل للتتفاجئ بانارة المنزل الجميلة وصوت المسيقي الهادئة وتزين طرقة المنزل بالورود وممر شرفي لها مزين بالورود والالوان التي تحبها داليدا وهي غير مصدقه ومشيت بخطوات بطيئه للتأكد ولاكن خارج الممر
مراد بغضب ..بجد ياسوسو حفيدتك غبيه اووي يعني يعني انا فضلت ازين الطريق ده ليكي عشان تمشي فيه بتمشي من بره
الجدة بمرح..قولي اعمل ايه قدري انها غبيه ههههه
داليدا بدموع وفرحة غير مصدقه وشاورت علي نفسها بغير تصديق …دا ليا اناااااا
هز مراد رأسه ببتسامه .وهي مشيت داخل الممر المزين بالورد لا ان وصلت لجدتها واحتضنتها وظلت تبكي بحرقه
الجدة بحنان ..طب انتي بتعيطي ليه دلوقتي المفاجاءة مش عجبتك
داليدا بدموع ..عجبتني اووي بس انا افتكرت انك نسيتي عشان كده زعلت اوووي
الجدة بحب …انا انسى نفسي والا انسي اجمل يوم اللي النور اللي عايشه بيه ينور حياتي..احتضنتها جدتها بحب كبير وعطتها علبه كبيرة
الجدة ..ادخلي قيسي ده
داليدا بحب حاضر ..وتوقفت عند مراد وهمست بغيظ ..بقا كنت عارف وبتشتغلني هردهالك
ضحك مراد بخوف ههه انا ماليش ذنب تخطيط سوسو ههه …همست داليدا بتهديد..مااااااشي… ثم دخلت لتقيس الفستان والجدة ومراد يحضرو ويولعو الشمع وظلو منتظرينها تخرج …..بعد بعض من الوقت
________
وقف مراد وهو متسع العينين ومخطوف الأنفاس غير مصدق ما تراه عيناه …
خرجت داليدا وهي ترتدي فستان طويل من السيتان الحريري الازرق اللون وكان تخطف الأنفاس به لقد جعلها غاية في الجمال والأناقة قد تكون مثل اميرات ديزني بل اجمل كانت حورية من حوريات الارض بملامحها الهادئة عكس شخصيتها
نظرت جدتها بحب وحنان ثم تحركت إليها وهي تقرا ايات من القرآن لتحميها وهي تهمس..اميرتي الجميله
ظل مراد متصنم مكانه وانتبه لصوت داليدا .
داليدا ..هو انت متنح كده ليه هو وحش
مراد بزهول…هااا لا ابدا حلو حلوو اوي كمان ..ذهبت الجدة الي المطبخ لتحضر التورتها التي احضرتها لها
اقترب مراد من داليدا وفك لها الضفيرتين وجعل شعرها حرا منطلقا يتطاير مع نسمات الهوا وهو تايه في عينيها..وهي مبتسمه ومش حاسه بحاجه أغمضت عينيها الي حين ينتهي فتحت عينيها عندما قال بهمس
_كده احلي بكتير ….
ظلا يحتفلون بعيد الميلاد ويرقصون علي الموسيقي في الاول رقص مراد هو والجدة باستمتاع وضحك ثم نظر الي تلك الأميرة التي بجاوره
داليدا ..احم وانا كمان عايزه ارقص بس مش بعرف
الجدة كانت سترفض ولاكن رأت السعادة في عين حفيدتها لا تريد أن تحزنها ثم سمحت لها واخذها مراد بين يديه وظلو يتراقصو مع نغمات الموسيقي الهادئة وهو لا ينظر لسوي العينين التي اثاروه منذ أن راهم وظلو يستمتعو باليوم وكان اجمل يوم في حياة داليدا..
_______
علي الجهة الاخري
حمزة بخوف…بابا لقو عربية سليم عامله حادثه في منطقه علي الجبال ….
_ سلييييييييم ما ان سمعت تلك الجملة ووقعت الام هامده علي الارض فاقده الوعي
- يتبع الفصل التالي اضغط على ( رواية عشقت عالمها الصغير ) اسم الرواية