رواية قدري و نصيبي كاملة بقلم السيد محمد عبر مدونة دليل الروايات
رواية قدري و نصيبي الفصل السادس 6
وفجأه يظهر شخص ،، ويحمل في ايده اوراق ليضعها امام فداء
– فداء بخضه ايه ده يا زيد ،، شكلك هتدبسني وهتخليني احاسب علي الليله ولا ايه
: زيد بضحك يبنتي انتي ايه مبتبطليش اهمدي شويه
– فداء،ايه الورق ده يا برنس
: دا يا ستي عقد المكان ده كتبته بأسمك
– فداء تنحت ،، انتا قولت ايه
: بقلك كتبت المكان ده بأسمك وافتحي العقد وشوفي
– فتحت فداء العقد لقيته فعلا بأسمها ،، فرحت فداء قوووي ،، انا مش مصدقه نفسي يا زيد ،، بس انتا بتعمل كل ده ليه
: بحاول ارضيكي يا فداء ،، وانا قولتلك سبيلي نفسك يوم وانا هوريكي قدراتي
– فداء بصوت منخفض ،،لا دا لو كان كده اسيبلك نفسي عمري كله
: نعم ، بتقولي ايه ،،،،،،
– لا ولاحاجه متاخدش في بالك
* يتعشو زيد وفداء علي ورد وشموع وضوت موسيقي هادئ ويخلصو السهره بتعتهم ويروحو
– فداء لزيد ،، مش عارفه اشكرك ازاي علي الخروجه دي بجد انبسطت
: انا اللي انبسطت بصراحه بقالي كتير مخرجتش خروجه زي كده من اخر مره كنت مع مليكه وجيجي
فدا تبصله بتجحيره كده وبصوت كله غيظ ،، ادخل نام يا زيد بدل مخليك تنزل الاكل اللي لسه مطفحه ومتتهناش بيه
: زيد، لا انا اروح انام احسن
تاني يوم
تخرج فداء علي صوت زيد في الريسبشن وهو بيتكلم في الفون
: معقوله انتي ومليكه جايين في الطريق خلاص اعملو حسابكم ان هعزمكم في مطعم ونتعشي سوا ،، هستناكي يلا سلام
– فداء بغيظ ،، وليه يا زيد توديهم مطعم دول ضيوف بردو ،، هاتهم هنا وانا هجهز عشا بنفسي ،، قال تعزمهم في مطعم قال
: زيد باستغراب، ايه ده انتي طلعتي بتعرفي تعملي اكل وكنتي بتشتغليني ولا ايه
– مترغيش كتير ويلا علشان اروح اجهز الاكل
: وانا هروح علشان الحق اجبهم من المطار
– فداء في سرها ،، يارب العربيه تتقلب بيكم وهما يم*وتو وانتا بس اللي تعيش
بعد شويه
زيد يرن علي فداء ومبتردش
: زيد لنفسه دي شكلها ولعت في نفسها ولا ايه وفي وقفته تدخل عليه جيجي ومليكه ،، جيجي دي بنت في سن فداء تقريبا كده شكل جميل وبشرتها بيضه وعيونها ملونه ولابسه لبس ديق وقصير وشيله علي ايدها قطه كده بنت ناس قوووي
: زيد اول ميشوفها يروح عليهم ويمسك القطه ،، وحشتيني قووي يا مليكه
/ جيجي، تصدق اول مره اشوفها فرحانه كده من يوم مسبتها
: ازيك يا جيجي عامله ايه وايه اخبار الشغل واشركه
/ يعني ينفع لسه جايه من سفر وتعب وتكلمني عن الشغل ،، طب مش نتغدا ونرتاح وبعد كده نتكلم في الشغل
: عندك حق يلا هنروح نتغدي بس المره دي مش هنروح مطاعم ،، فداء علمنا اكل وهنروح نتغدي من ايدها
/ هيا اسمها فداء
: اه ،، هيا زمنها جهزت الاكل دلوقتي ومستنيه علشان تسلم عليكي
/ يلا بينا انا كمان نفسي اشوفها واشوف ذوقك
بعد شويه يوصلو البيت
* يدخل زيد وجيجي ومليكه
: فداء انتي فين يبنتي احنا جينا تعالي سلمي علي الضيوف
– في الوقت ده تخرج ملك من المطبخ ةاول متشوف جيجي تتصدم من لبسها القصير والديق ،، مين عروسة المولد دي
: زيد بضحك ،، دي صديقتي جيجي يا فداء هيا اللي شايله كل شغلي هناك لما بكون هنا ودي بقا مليكه اللي بحبها قووي
– فداء في سرها بقي اللي كنت بغير منها طلعت قطه 🙂 يعني مكنش ينفع لين تبقي مكانها
: ودي فداء مراتي يا جيجي
/ هاي يا فداء كيفك، ،، وتمد ايدها لفداء
– فداء واقفه ومتنحه في لبس جيجي ومش بترود
: زيد، يا فداء سرحانه في ايه جيجي بتقلك ازيك وبتسلم عليكي
– فداء ، اه الحمدلله تمام انتي عامله ايه
/ جيجي، الحمدلله كويسه
: زيد: جيجي مولوده في ايطاليا يا فداء، بس عايشه في الامارات وده السبب اللي خلاني اتعرف عليها هناك
:فداء: تعرف تسكت يا زيد هو انا سالتك في حاجه ،، ولا هيا عينتك المتحدث الرسمي ليها
:زيد: انا بقول يلا ندخل علي الصفره علشان نتغدي
– فداء: اتفضلو علي الصفره وانا هجيب الاكل من المطبخ
/ جيجي: انا هاجي اساعدك يا فداء
– لا متاخفيش يا ست جيجي انا هعرف اجبهم لوحدي انا ست بيت شاطره ولا ايه رايك يا برنس
: برنس: اه يا فداء بصراحه انا مشوفتش في جمال اكلك ،، وفي نفسه يقول دا انا بطني اتهرت من اكل المطاعم
تدخل فداء بالمطبخ وتاتي بالاكل ،، ويجلس زيد وفداء وجيجي علي الصفره
– فداء: يوووه انا نسيت الميه هقوم اجبها
: زيد لا والله منتي قايمه انا هروح اجبها كفايه تعبتك والنهارده وخليتك عملتي الاكل ،، ويقوم زيد ويدخل المطبخ
/ جيجي لفداء : بصراحه برافو عليكي يا فداء قدرتي توقعي زيد وتتجوزيه بسهوله وتعملي اللي انا وغيري معرفناش نعمله في سنين
– لسه فداء هترود عليها ،، قطعتها جيجي بالكلام .. انا مستغربه ازاي زيد يتجوز دا كان رافض فكره الجواز دي خالص بعد وفاة مراته بس شكلك قدرتي تسيطري عليه وتخليه يتجوزك ،، ليأتي زيد بالمياه ويجلس تاني علي الصفره
– فداء اتصدمت من كلام جيجي ومش قادره تصدق اللي سمعته من جيجي
: زيد: فداء مالك يا قلبي سرحانه في ايه
– لا يا زيد مفيش حاجه
– فداء في نفسها ،، يعني طلعت متجوز قبل كده وكمان كان رافض الجواز ،، امال اتجوزني ليه ،، انا حاسه الموضوع فيه حاجه غريبه ولازم اعرفها
: زيد بصوت عالي فداء ،، ايه يبنتي انتي في غيبوبه ولا ايه
– انتا بتكلمني انا معلش اسفه مخدتش بالي
* وبدأو ياكلو وفداء منزلتش عينها من علي عين جيجي ونفس الامر كمان جيجي منزلتش عينها من علي فداء
/ جيجي لفداء: انتي شغاله ايه بقا يا فداء
-فداء: انا لسه متخرجه من سنتين من كلية تجاره
: زيد: بجد طب كويس خالص دي فرصه بقي تمسكي حسابات الشركه بتعتي
/ جيجي يبان عليها الزعل ،، بس الحسابات دي محتاجه خبره يا زيد وشهادات وفداء اكيد مشتغلتش الفتره اللي فاتت دي فنا بقول مينفعش نلبسها في منصب زي ده
-فداء بعصيبه ،، اظن ان حضرتك منزلتيش من بطن مامتك سكرتيره يا استاذه جيجي
: زيد يحس ان الامور هتشد بينهم فقرر يدخل ،، تسلم ايدك يا فداء يا حبيبتي الاكل تحفه
/ جيجي: اه بصراحه اكلك طعمه جميل يا فداء ،، تعرفي يا فداء انا معايا شهايد خبره من كذا دوله وبتكلم تلت لغات وانتي بقا معاكي ايه
– انا معايا ربنا واربع ملايكه
: زيد ينهار بالضحك علي فداء ،
– فداء بغيظ انا قايمه عن اذنكم ،، وتدخل فداء المطبخ وفجأه، ،،،،،،،،
- يتبع الفصل التالي اضغط على ( رواية قدري و نصيبي ) اسم الرواية