رواية حب بالصدفة الفصل السابع 7 - بقلم ملك ناصر

  رواية حب بالصدفة كاملة بقلم ملك ناصرعبر مدونة دليل الروايات 

رواية حب بالصدفة الفصل السابع 7

 

تاني يوم بتقوم دارين على صوت خبط على الباب وبتكون لابسه بيجامه بيضي كات وهوت شورت قصير وشعرها نازل على وشها..

تقوم تفتح تلاقي لميس..

لميس: صباح الخير يا دودو يالا اجهزي علشان نفطر..

دارين: صباح النور حاضر هجهز وانزل وراكي..

قفلت الباب وراحت تشوف الساعه كام على التليفون..

دارين: دي لسه الساعه اتناشر مصحيينا بدري كده ليه..

سمعت صوت خبط على الباب..

فتحت دارين الباب وهي مغمضه عنيها بنوم..

دارين: ايه يا لميس عايزة ايه ت.. برقت عنيها بصدمه لما لقته اودامها: كناان!!

قفلت في وشه🙂

كنان ضحك بصوت عالي وصل لدارين اللي غمضت عنيها بأحراج: غبيه يا دارين غبيه..

دخلت واخدت شاور وصلت ولبست ترنج بكم ورفعت شعرها..

تحت»»

دارين: صباح الخير

الكل: صباح النور..

قعدت دارين على السفره..

صفاء: اتأخرتي ليه يا حبيبتي..

دارين بابتسامه: اصلي نمت امبارح متأخر شوية فقومت بصعوبة..

عنيها جت في عين كنان اللي غمزلها ..

دارين اتحرجت وشرقت.. كنان ناولها كوباية الميه بضحك

لؤى: في حاجه يا دارين؟!

دارين: ها لا مفيش يا عمو انا تمام..

فهد: انتي نازله المدرسة مع لميس يا دارين صح..

دارين بصت للؤى..

لؤى: طبعا دي دارين تنزل قبل لميس كمان..

دارين بصتلوا بأمتنان وابتسامه..

لميس: الله لا انا كده اغير يا لؤى بيه..

الكل ضحك عليها..

تالا: انتي كده في سنه كام يا دارين..

دارين كانت هتتكلم قاطعها صوت لارا المزعجه..

لارا بضحك وهي بتاكل: في سته ابتدائى اكيد..

تالا بصتلها بتحذير علشان تسكت..

دارين: نينينني..

نازلي: لارا..

دارين: انا في تالته ثانوي يا تالا..

لميس بفرحه: وانا كمان كده نروح مع بعض بقا..

كنان: تمام تعالو معايا النهارده علشان اقدملكم في المدرسة..

لميس: اشطا خالص هطلع اجهز انا بقا..

حمزه: مع ان مش باين خالص انك لسه في تالته ثانوي يا دودو..

كنان بصلوا بعصبيه وغمض عينه وهو بيتخيله كيس ملاكمه وبيضربه في وشه..

دارين ببرود وهي بتقوم: معليش..

فهد ولميس وتالا ضحكوا بصوت واطي..

طلعت دارين تلبس وكانت لابسه(بنطلون بوي فريند اسود وتيشرت احمر بنص كم وفردت شعرها القصير الويڤي على ضهرها وخرجت)

اتجهت لاوضة لميس وهي ماشيه وقفها حمزه: اوبا كل مره بتبهريني بجمالك يا دودو..

دارين: شكرا.. وكانت جايه تمشي وقف اودامها: استني بس رايحه فين مي بنتكلم..

دارين وقفت اودامه بنفاذ صبر: بقولك انا مستحملاك انت واختك الحربوقه دي بس علشان طنط صفاء وعلشان انا ضيفه هنا في البيت بس واقسم بالله لو ضايقتني تاني هرسملك في وشك الحلو ده خريطه سااامع..

حمزه ضحك باعجاب: لا عجبتيني احبك وانت قطه مخربشه كده..

دارين ضربته برجلها في بطنه وهو صرخ بالم..

دارين بابتسامه نصر: احسن تستاهل يا وجه البرص انت..

ومشيت ببرود.. كان متابع الحوار ده كله كنان اللي كان واقف مبسوط وبيضحك على الطفله المجنونه دي..

»» بعد وقت

كانوا في العربية..

دارين بحزن وهي بتلعب في صوابعها..

دارين : عايزة وانا راجعه اروح لماما وبابا..

كنان: تمام..

خلصوا تقديم وركبوا العربية تاني وراحوا عند قب.ر مامت وابو دارين..

وقفت دارين اودام قب.رهم ووراها كان واقف كنان ولميس..

وفجاه………..

• يتبع الفصل التالي اضغط على ( رواية حب بالصدفة ) اسم الرواية