رواية العشق الابدي كاملة بقلم لبنى دراز عبر مدونة دليل الروايات
رواية العشق الابدي الفصل السابع 7
فـ ڤيلا المزرعة
حلم فـ اوضة المكتب بتخلص شغلها مع حازم و ألاء وبعد شوية خبطت فاطمة و أذنت لها
حلم:: تعالى يا فاطمة .. فى حاجة
فاطمة:: أخوات حضرتك برة
حلم::بأستغراب .. أخواتى ؟! مين؟! فين هنا
فاطمة::انا معرفش والله يا انسة حلم انا اول مرة اشوفهم بس فيهم واحد قالى اقولك هشام بيه وعزة هانم مراته وأحلام هانم و جلال بيه جوزها
حلم::بهمس لـ نفسها..الله دى هتحلو اوى..وبعدين بصت لـ فاطمة..هى ماما لسة فـ اوضتها؟
فاطمة::أه ست الحاجّة لسة فـ أوضتها وكمان الست نجوى لسة مانزلتش مافيش غير أنسة ياسمين و أنسة عاليا اللى موجودين
حلم::طيب روحى انتى يا فاطمة شوفيهم يشربوا ايه..وبصت لـ حازم يلا نكمل شغل
بعد ماخرجت فاطمة من المكتب
حازم::بأستفسار..انتى مش هتطلعى تشوفيهم عايزين ايه
حلم::ببرود..لأ لما أخلص شغل
ألاء::دماغك فيها يابنت الرشيدي
حلم::دماغى فاهمة أخواتى كويس..وطالما جايين بربطة المعلم كدا يبقى حاجة من اتنين إما عايزين فلوس او خايفين لا أتجوز وساعتها الهيصة دى تروح عليهم و فـ الحالتين هيجرّوا ناعم
حازم::يخر بيت دماغك معقول اللى بتقوليه ده
حلم::بتأكيد..ده هو ده المعقول نفسه وبكرة أفكركم..وأكبر دليل ع كدا انهم اول مرة ييجوا المزرعة وده لأنهم أكيد عرفوا ان طنط نجوى و ولادها هنا ومش بعيد يقولوا
برة فـ الليڤنج
فاطمة::انسة حلم بتخلص شوية شغل وجاية..تحبوا تشربوا ايه؟
هشام::أعمليلى قهوة مظبوطة و شوفى الهوانم وجلال بيه يشربوا ايه
جلال::قهوة مظبوطة
أحلام::بتعالى..انا وعزة هانم عصير مانجا..وأه اسمعى يا اسمك ايه شوفى الولاد برة فـ الجنينة جعانين أعمليلهم شوية سندويتشات مع العصير
فاطمة::حاضر ومشيت
عزة::بغرور..ايه قلة الذوق دى..مش المفروض الهانم عرفت اننا هنا..تسيب اللى فـ ايدها وتطلع تقابلنا
هشام::اهدى يا حبيبتى احنا كدا كدا قاعدين كام يوم
أحلام::لـ هشام..لأ بجد فعلا مراتك عندها حق..طالما الشغالة بلغتها كانت المفروض تطلعلنا
جلال::بسماجة..ياحبيبتى المفروض ده عند المكوجى ههههههههههههه
عاليا::بهمس سمعته ياسمين يخر بييت سماجتك ياشيخ
ياسمين::بنى أدم سمج فعلا..بت ياعاليا شكلهم مطولين هنا
عاليا::بتأكيد..شكلهم كدا..ربنا يستر
شوية وطلعت فاطمة بواجب الضيافة و هى بتقدمه ليهم.
أحلام::بنرفزة..هى الست البرنسيسة مش ناوية تطلع ولا ايه
هشام::بتكبر..انتى يا اسمك ايه انتى..روحى بلغيها تانى يمكن تكون نسيت وجودنا ولا حاجة
حلم::وهى خارجة من اوضة المكتب ومعاها ألاء وحازم.. روحى انتى يا فاطمة
فاطمة::حاضر يا ست البنات تؤمرينى بحاجة
حلم::لا يابطوط روحى انتى ولما اعوزك هبعتلك وقربت من أخواتها وحطت سـ لا حها ع تربيزة الليڤنج وقعدت بكل شموخ وكبرياء..قالت بترحيب اهلا بـ أخواتى حبايبى منورين الڤيلا والمزرعة كلها
عزة::بغيظ متدارى بتشاور ع الـ سـ لا ح ايه ده يا حور
حلم::ببرود لـ عزة ده..ده بندق حبيبى مش بيفارقنى أبدا
هشام::بعصبية..بتهـ دد ينا بيه يعنى ولا ايه
حلم::بنفس البرود..مين انا لأ خالص
أحلام::شكلها بتقولنا أمشوا بس بالذوق يا هشام
جلال::ههههههه أكيد يا جماعة ما تقصدش مش كدا يا حور ولا ايه
حلم::بهدوء ماكر..برضوا ده اسمه كلام..ايه اللى بتقولوه ده..ده انتوا اخواتى حتى و اول مرة تدخلوا بيتى
حازم::بهمس لـ الاء انا مش مرتاح لها البت دى
ألاء::اتفرج وانت ساكت..الفيلم شكله ابتدا
حازم::بهمس..عارفك يا لولو بتحبى تستمتعى بالفرجة اوى
ألاء::هششش بقى اسكت خلينى اتفرج
حلم::بصوتها كله لدرجة أن الكل..اخواتها وحازم والاء وعاليا وياسمين اتخضوا..بدررررررررر
بدر::الحارس الخاص ليها جوة المزرعة..جه جرى..تحت أمر حضرتك
حلم::امسك بندق عايز يتنضف كويس ويتظبط علشان طلعة بالليل وخد بالك من نفسك بندق لما بيتـ هور بيعـ ور
بدر::باستفسار..حضرتك هتطلعى النهاردة؟
حلم::بتأكيد..أيوا وجهز زيد كويس من دلوقتي أكله ما تسيبهوش جعان وقول لـ عم عطية يجهز ريزو
بدر::تحت امرك..عن أذنك
حلم::شاورت له يخرج..وبصت تانى لـ أخواتها ماقولتوش بقى ايه اللى فكركم بيا
أحلام::ابدا يا حور اصل ماما وحشتنا قولنا نيجى نقعد معاها يومين وبالمرة العيال تتفسح وتغير جو
حلم::بغمزة بصت لـ حازم و الاء وضحكت بصمت..و رجعت تانى لـ أختها وماله يا حبيبتى بيتكم و مطرحكم طبعا تنوروا
أدهم::كان دخل من بداية الحوار سلم و قعد جنب اخواته..بهمس هو فى ايه
ياسمين::بنفس الهمس اخواتها جايين شكلهم ناويين ع حاجة بس مش عارفة ايه هى
عاليا::بس تحس كدا يا دومى انها فاهمة دماغهم فيها ايه
أدهم::اممممم قولتولى
نرجع لـ حلم
عزة::بأمر..انا عايزة أعرف طالعة فين بالليل ياحور ومين زيد و ريزو دول اللى انتى طالعة معاهم
حلم::ببرود..حطت رجل ع رجل..وانتى مالك
عزة::وانا بقولك عايزة أعرف رايحة فين
حلم::ع نفس وضعها..ما يخصكيش وياريت تلزمى حدودك طول ما انتى قاعدة هنا..أنا هنا بس اللى أأمُر و أنهى ياعزة وماتنسيش انك ضيفة
وشوية ودخلوا ولاد أختها بنتين توأم عمرهم 10سنين
لميس::خالتو وحشتينى موووووت
هاميس::حورى وحشتينى اوى جدا خالص
حلم::عدلت قعدتها وفتحت دراعتها وأخدتهم فـ حضنها..بناتى الحلوين انتوا كمان وحشتونى ايه رأيكم تطلعوا معايا اوضتى أغيّر هدومى ونرغى شوية فوق
لميس وهاميس::yes yes yes
حلم::قامت وقفت طيب يلا بينا..وبصت لـ اخواتها عن اذنكم و قبل ماتطلع ندهت ع فاطمة
فاطمة::أؤمرينى يا ست البنات
حلم::انتى و فتحية خدوا شنط اخواتى و بتدوس اوى ع الكلمة وطلعوهم اول اوضتين فوق ع السلم و هاتوا شنط البنات فـ اوضتى وانزلوا جهزوا غدا يليق بأخواتى اللى اول مرة يزورونى
فاطمة::تحت امرك يا انسة حلم
مشيت فاطمة تنفذ اللى طلبته منها حلم و هى طلعت مع بنات أختها بعد ما حازم استأذن هو ألاء و مشيوا
_______________________
فـ المدافن
بعد ما حسونة أقنع عبده يشتغل معاه وابتدا يرتب معاه الخطة وعرفه هيعمل ايه و يروح فين قال
حسونة::يلا بقى يا جن ادخل نام لك ساعتين عشان تقوم فايق وتقدر تسد فـ الشغلانة دى
عبده::ماتقلقش يامعلم حسونة انا عبده الجن اللى مافيش حاجة تأثر فيه لا قلة نوم ولا غيره وبعون الواحد الأحد هنسد فـ الشغلانة وبضاعتك هتوصلك صاغ سليم
حسونة::قد القول ياجن بس برضوا انا غرضى تريح شوية قبل العملية
عبده::وجب ياسِيد المعلمين نريح شوية وماله
و راح عبده الحوش اللى بينام فيه واتمدد ع السرير قصاد الكاميرا بيكلم نفسه
عبده::وأخيرا يا جن هترجع تشتغل من تانى..ده الايد البطالة نجـ…. ياجدعان
أنا لازم اثبت للمعلم حسونة انى جن بصحيح و ياسلاااااام بقى لو أبقى دراعه اليمين
عند حسونة قاعد وبيراقب عبده..شايفه وسامعه ع اللاب توب بعد ما وصلهوله سمير بالكاميرات اللى فـ الحوش وقال لـ محروس
حسونة::بخبث..خلى الرجالة تجهز بالحاجة فـ المكان اللى اتفقنا عليه
محروس::بقلق..انا قلقان يا معلمى انت كدا بتسلم رقبتنا لعشماوى
حسونة::بثقة..ماتقلقش ياض انا عارف بعمل ايه كويس و اهو انت شوفت بنفسك جيبناله تلفون محمول و الواد سمير رِكِب التلفون عشان لو كلم حد نعرف..وكمان ما يعرفش ان الحوش فيه كامرات ولغاية دلوقتى أبيض
محروس::بهمس..شكلك بتلعب فـ عداد عمرك يا حسونة
حسونة::بتبرطم تقول ايه ياض انت
محروس::مابقولش ياسِيد المعلمين
وبعد كام ساعة نده حسونة ع عبده
حسونة::يلا يا جن عشان الرجالة مستنية قبل الليل ما يرحل
عبده::والجن جاهز يا معلم بس عشان نبقى ع نور من قبل ما نطلع مافيش كلمة بعد كلمتى يا معلم
محروس::بزعيق..وده ليه ان شاء الله تكونش فاكر نفسك هناك فـ الجبل مع المطاريد بتوعك ولا ايه
عبده::لـ حسونة..كلامى معاك يا معلم مش مع صبيك عشان اطلع معاكم العملية دى مافيش حد يتنّى ليا كلمة قولت ايه يا معلم
حسونة::خلاص ياجن مافيش قول بعد قولك..أمسك يا عبده السـ لا ح ده خليه معاك يمكن يحصل فـ الامور أمور
عبده::مسك السـ لا ح بص فيه شوية..وقال وماله يامعلم مع انه مالوش لزوم بس مايضرش
وفعلا مشى عبده مع رجالة حسونة وصلوا المكان اللى هيستلموا فيه السـ لا ح
ابتدا يستلم الصناديق
فتح أول صندوق والتانى و التالت كله تمام وشاور لرجالة حسونة يشيلوا باقى الصناديق
عبده::يلا يا رجالة حمّلوا الصناديق ع العربيات بسرعة خلونا نلحق نرجع قبل النهار ما يشقشق
الرجالة::وجب يا ريس
وفجأة وهم بيحمّلوا السـ لا ح حصل ضـ رب نـ ار من الجماعة اللى استلم منهم عبده السـ لا ح وضـ رب عليهم وبقى كله بيضـ رب فـ كله وعبده بيـ عور بس ما بيـ قتـ لش وبعد ما وقعهم كلهم خد العربيات ورجالة حسونة و رجع ع المدافن
حسونة::حمدالله ع السلامة يا جن
عبده::الله يسلمك يا معلم بضاعتك اهى وصلت بأمان يا سِيد المعلمين
حسونة::بضحك..افتح يابنى الصناديق دى وخلى عبده يفضيها بنفسه..ولما فتحوها قصاد عبده وشاف اللى فيها
عبده::ايييييييه ده زللللط..ازاااااى كدا ده انا…
حسونة::بمقاطعة..اهدى ع نفسك يا جن كل ده كان لعبة
عبده::نعععععم لعبة..بقى عبده الجن يتعمل علييييه لعععبة..انت بتجربنى يا معلم حسونة بقى وانا كنت هموووووت وفـ الاخر تقولى لعبة ليييييه
حسونة::بأسف..سامحنى يا ريس عبده انت عارف شغلنا خطر ولامؤاخذة كان لازم اطمن من ناحيتك قبل ما نشتغل مع بعض الشغل التقيل ولا ايه يا ريس
عبده::بغضب ولو يامعلم ده مااسمهوش كلام..ده انا عبده الجن برضوا سيطى مسمّع وأسمى معروف تيجى انت كدا وتعمل عليا لعبة ماكانش العشم يا معلم حسونة
حسونة::خلاص بقى يا ريس عبده سماح..أعذرنى كنت لازم اتأكد انك معانا مش مزقوق علينا
عبده::بقى ده اسمه كلام برضوا اذا كنت بقولك جايلك هربان م الحكومة تقولى مزقوق عليكم..يا راجل قول كلام غير ده
____________________
فـ ڤيلا المزرعة
حلم طلبت من فاطمة تجهيز غدا مناسب لـ أخواتها و فعلا اتغدوا كلهم وبعد الغدا
حلم::بهدوء..أدهم لو سمحت تعال عايزاك فـ المكتب
وقامت بكبريائها المعتاد ودخلت مكتبها
أدهم::شاور لها بالموافقة وقام استأذن و راح وراها
حلم::بمرح..تعال ياعم انت لسة هتخبط أدخل أدخل
أدهم::بدهشة من تحولها المفاجئ..أنتى طبيعية يا حور
حلم::بضحك..هههههههههه انا طبيعية جداا
أدهم::لأ بجد انا من وقت ما رجعت من المستشفى وانا مش فاهم حاجة وبتتحولى فجأة كدا مش عارف ازاى
حلم::ماتشغلش بالك..خلينا بس فـ الشغل..أمسك كدا العقد ده اقراه وعايزة أمضتك عليه
أدهم::بأستفسار..عقد ايه ده
حلم::بتوضيح..ده عقد توليك منصب المدير العام للمستشفى رسمياً مش نائب لأن خلاص د/فريد استقال نهائياً وهيهاجر
أدهم::قرا العقد و مضاه فعلا..وهو بيسلمها نسخة العقد..بس انا برضوا مش فاهم انتى ليه مع اخواتك بشخصية و معانا شخصية تانية
حلم::هريحك..انا زى ماقولتلك قبل كدا..انا حلم وقت الجد والشغل وكمان مع أى حد يفكر انى بنت ضعيفة او عايز يستغلنى وطبعا انت شوفت بنفسك أخواتى كانوا بيتكلموا ازاى عشان كدا كان لازم حلم المعروف عنها القوة والكبرياء هى اللى تتكلم..لكن حور البنت البسيطة الشقية زى ما اصحابى وماما بيقولوا بتكون مع الناس النضيفة من جوة فهمت يا دكتور و ع فكرة اتعود ع كدا هتشوف من ده كتير هههههههههههه
أدهم::وماله يا ستى نتعود..اقوم انام انا بقى علشان عندى عمليات كتير بكرة
حلم::بلهفة فارس فين؟ ماجاش ليه؟!
أدهم::أستغرب لهفتها..بس قال مسافر..ربنا يطمنا عليه ويرجع بالسلامة
حلم::بقلق..يرجع منين يا أدهم؟!
أدهم::بص ليها بأستغراب ع قلقها..طالع مهمة تبع شغله و طول ماهو مسافر مافيش أى اتصال منه لغاية ما يرجع او تيجيله فرصة ويعرف يكلمنا ومافيش فـ إيدنا غير اننا ندعيله يرجع بالسلامة
حلم::قعدت مكانها وشردت فـ فارس وكلام أدهم لدرجة انها ماحستش انه خرج من المكتب
فـ الليڤنج
هشام قاعد هو وعزة وأحلام و جلال مع أمينة ونجوى وعاليا وياسمين شافوا أدهم خارج من المكتب ماسك ورق فـ ايده
هشام::مااا تيجى يا دكتور تسهر معانا
أدهم::برفض..لا معلش سامحونى عندى عمليات كتير بدرى ولازم ارتاح
جلال::بتطفل..هو ايه الورق اللى فـ ايدك ده يا دُك؟
أدهم::بص له من فوق لتحت وهز دماغه..بهمس لا حول ولا قوة إلا بالله بنى أدم رزل صح وبصوته كله تصبحوا ع خير
عزة::بخبث.. لـ أمينة وحشتينا يا ماما ماتتصوريش انا بحبك قد ايه ودايما دايما اقول لـ هشام نفسى ماما تيجى تعيش معانا..مش كدا يا حبيبى
هشام::أه والله يا أمى فعلا عزة دايما تقول كدا..بس انا عارف انك مش بترضى تسيبى حور لوحدها مع انها ع طول سيباكى وقاعدة هنا
أمينة::حور اختك عمرها ما سابتنى لوحدى..حتى لو مشغولة هنا مش بتنشغل عنى ابدا
أحلام::بغيرة من حور..أه طبعا ليكى حق تدافعى عنها كأنك ما خلفتيش بنت غيرها مش كدا يا ست ماما
أمينة::لأ مش كدا يا أحلام كلكم ولادى وغلاوتكم واحدة بس انتوا اللى بعيد ومهما أكلمكم دايما مش عندكم وقت ومش فاضين ربنا يعينكم ع حالكم يابنتى
حلم::سمعت كلام اخواتها بس ما ردتش عليهم..وبهدوء قالت ماما..انا طالعة دلوقتى عندى تدريب هتعوزى حاجة أجيبهالك يا حبيبتى وانا راجعة
أمينة::لأ ياقلب أمك بس خلى بالك من نفسك
وطلعت فعلا حلم بـ ريزو و أخدت بدر و زيد معاها
نجوى::تدريب ايه ده يا أمينة اللى حور رايحاه دلوقتى
أمينة::بتطلع تضـ رب نـ ار كل فترة ومعاها بدر الحارس و زيد الكلب بتاعها
هاميس::لـ أمينة..الكلب اللى فـ الجنينة ده يا تيتة..ده جميل خالص
لميس::لأ شكله يخوف..انا خوفت منه يا تيتة والله ده قد الفيل كبيييير خالص
هشام::بس مش غريبة يعنى يا أمى بنتك ماشية بحراسة جوة المزرعة بس و برة لأ
أمينة::لأنها حاطة الحراسة ع المزرعة بس يا هشام انما برة هتعمل بيها ايه
جلال::بسماجة..المفروض ياحماتى هى سيدة أعمال ههههههه لأ سيدة أيه أنسة أعمال ههههههه المفروض يعنى تخاف ع نفسها وتمشى بحراسة لا حد يخـ طفـ ها ولا يأ ذيها
أمينة::يا ساتر عليك تف من بوقك الملافظ سعد
عاليا::بهمس..أبو تقل دم أمك يا شيخ..مابحبوش خالص الراجل ده
بعد ساعتين رجعت حلم من ضـ رب الـ نا ر ودخلت لاقت أخواتها سهرانين مع أمينة و نجوى
حلم::بتعب قعدت وحطت بندق ع التربيزة..السلام عليكم
أمينة::وعليكم السلام يا نور عيني
حلم::بصت لـ نجوى..مالك يا خالتو
عزة::هيكون مالها يعنى ما هى كويسة أهى يا حور
نجوى::بأبتسامة حزن لـ حلم..مافيش يا حبيبتى
حلم::قامت بغيظ من عزة..وهمست لـ نجوى وهى طالعة أوضتها..هيرجع بالسلامة ماتقلقيش بس انتى ادعيله
نجوى::بصت لها..يارب يابنتى يطمنى عليه
حلم::باست راسها..ان شاء الله يا خالتو وجواها ربنا يطمنى عليه..وندهت ع فاطمة
فاطمة::امرك يا ست البنات
حلم::حضرى العشى ع مااطلع أغيّر هدومى وأنزل وابعتى حد ينادى د/أدهم وعاليا وياسمين
وفعلا طلعت حلم اوضتها وفاطمة راحت تجهز العشى
فـ المطبخ اثناء تجهيز العشى
فاطمة::باستغراب..أنا مش عارفة يابت يا توحة أخوات انسة حلم مش زيها ليه
فتحية::تصدقى يابت يا بطة انا مش مرتاحة ليهم خالص.. متكبرين كدا والغرور ماليهم
فاطمة::سبحان الله اللى يشوف أنسة حلم وهى بتتكلم معانا كأننا اخواتها ولا أصحابها مش شغالين عندها..ما يشوفش أخواتها و هم بيتأمروا ويتشرطوا ع الأكل والشرب كأنه بيتهم
فتحية::عارفة يابت اللى عرفته ان الخير ده بتاع انسة حلم بس و هم أصلا ماعندهمش حاجة..وشكلهم كدا بيتنططوا ع حسها..ومش عارفة ليه حاسة انهم طمعانين فيها
فاطمة::بقولك ايه يابت انتى راعى أكل عيشك و مالكيش دعوة..الانسة حلم الله يبارك لها و يكفيها شر ولاد الحرام مش مخليانا محتاجين حاجة..واللى بينها وبين أخواتها مالناش دعوة بيه
فتحية::يووه يا فاطمة انا بقولك بس احساسى
فاطمة::ماتقوليش ولا حتى لنفسك اخرسى خالص واسكتى وخلينا نحافظ ع أكل عيشنا يابنت الناس لاننا مش هنلاقى راحة ولا خير زى هنا
وحضرت فاطمة العشى و طلعته ع السفرة
وشوية نزلت حلم وعاليا و ياسمين والكل موجود ماعدا أدهم اللى رفض ينزل وقال عايز ينام
_______________________
فـ المزرعة
تانى يوم جات هاجر و رانيا يقضوا يوم مع حلم و الاء وحازم فـ وسط الخضرة و الجو النقى
حلم::بترحيب..حبايبى اللى منورينى النهاردة
رانيا::حلمى وحشتينى يا جلبى
حلم::بغيظ مصطنع..اتلمى يا رنوش وبطلى حلمى دى احسنلك بدل ما تتعلقى ع باب الزر يبة
هاجر::بقولك يابت يا حور
حلم::قولى ياقلب حور خير
هاجر::هو استفسار صغنن قد كدهو🤏هو انتى بتعرفى تحلبى الجو مو سة؟
حلم::برفعة حاجب..لأ ليه
هاجر::ليه؟ علشان أغنيلك ست الحلايب ياحليبة انتي
رانيا::بضحك منك لله هههههههههه حلم بقت ست الحلايب هههههههههه ااه مش قادرة ولا لما عريسها المستقبلى يعرف مين ست الحلايب هههههههههه
حلم::والله ياهاجر الكـ لب لو سمعتك بتقولي كدا تاني هعقلك ع باب الزر يبة مع رانيا
رانيا::بضحك هههههههههه احسن تستاهل قال ست الحلايب قال..اتلمى بقى بدل مانتعلق احنا الاتنين ههههههههههههه..بس بتسألى ليه يعنى
هاجر::الله يا رانيا مش لازم تبقى عارفة..افرضى دلوقتي انا عايزة لبن طازة اعمل ايه يعنى و لـ حلم مش هتقدري عليا يا حور هههههههههه
حلم::بتريقة..والله ماخدتش فـ المدرسة ازاى احلب الجا مو سة و ماتقلقيش يا بلـ وة حياتشى هقدر اعلقك..و بعدين لما تحبى تشربى لبن ابقى اشترى ياختى مش فاتحاها سبيل ههههههههههههه
رانيا::اومال حازم و الاء فين يابنتى
حلم::دلوقتي ييجوا..تلاقيهم بس لسة ماخلصوش شغلهم
رانيا::ع كدا بقى انتى قاعدة هانم وهما طلعان عينيهم طول اليوم
الاء::من وراها ومين قالك يا رنوش..لا هى هانم ولا احنا طلعان عينينا..حور بتشتغل بإيدها أكتر مننا
رانيا::لولو وحشتينى ياقمر
هاجر::الاااااء وحشتينى يا جَمر
الاء::وانتوا والله وحشتونى بقالنا كتير ماتقابلناش
رانيا::اه يابت يالولو لينا سنة تقريبا
حلم::فاكرين يا عيال لما البت هاجر دخلت المنحل أخر مرة عايزة تجيب العسل بنفسها
الاء::يالهوى ده كان حتة يوووم
هاجر::لـ الاء بغيظ..أه ياختى وجوزك شايفنى والنحل بيجرى ورايا ويلسعنى و واقف بيضحك عليا
حلم::ههههههههههههه هاجر يا أم نحلة كنتى عايزاه يعملك ايه يعنى..انتى اللى استعجلتى وماصبرتيش ع رزقك كنت هدخل وقتها واجيبلك انا العسل
رانيا::بضحك هههههههههه ام نحلة وست الحلايب هههههههههه
هاجر::لـ حلم طب بقولك ايه عايزة طبق غويط
حلم::بقلق..عايزة طبق ليه
هاجر::هحلب الجا مو سة
حازم::من وراهم..طيب ياحلم انا هاخد مراتى واجرى عايزة حاجة ههههههههههههه يلا يا لولو
الاء::لأ استنى يا زوما عايزة اتفرج بليييز
رانيا::لـ الاء يابنتى خافى ع اللى فـ بطنك ههههههههههههه من ام نحلة وست الحلايب
هاجر::وانا قولت هحلبها يعنى هحلبها..وبالفعل اتجننت هاجر و راحت لقضاها قصدى راحت تحلب الجا مو سة وكل ما تقرب منها الجا مو سة تضـ ربها
حلم::يابنتى هتتشحورى كدا غلط
هاجر::لااااا يمكن لااااازم أحلبها
رانيا::هاجر ياحبيبتى حنني الاول يا ماما..مش كدا
هاجر::بغيظ.. هى الجا مو سة مديانى فرصة
الاء::بضحك..ماهو انتى بتتعاملى بعنف ياحبيبتى..هى شكلها عايزة ست الحلايب هههههههههه اه يابطنى
حلم::بغيظ..عجبتك اوى يا ألاء فاكرة اسمك ايه ولا مش فاكرة وانتي ياست رانيا فاكرة يوم جنينة الحيوا نات هههههههههه
رانيا::بضحك بتفكرينا ليه ..ذكريات زبا لة ههههههههههههه
حلم:: لـ رانيا ما تبس أنتي كمان يا أم القرود هههههههههه
وضحكوا كلهم جامد من قلبهم وفجأة اتصدموا لما شافوا
هاجر:: الحقوووووني عاااااااااااااا الجا مو سه بتجري ورايا عاااااااااااااا
حلم::بصوتها كله هههههههههه هههههههههه منك لله بعيدة ايه اللى نيلتيه ده
هاجر:: علشان خاطري وقبل ما تكمل كلامها وقعت وكلهم أنفـ جروا من الضحك ع شكلها وهى متشحورة وأخيرا لحقتها حلم و حلبتلها الجا مو سة وأديتلها طبق اللبن هههههههههههههههههه
_______________________
فـ المدافن
حسونه::نده بصوته كله ياااااااا سمييير انت ياااازفت
سمير::بقلق نعم يامعلمى
حسونه::بأمر أطلع لـ الرجالة اللي برة و أركب معاهم العربيه عندنا طلعة دلوقتي..وانا جاي وراك انا والجن
سمير::حاضر يا سِيد المعلمين.. وهو طالع قال جواه انا لازم اعمل مكالمة حالا..وخرج أتصل بـ حد فعلا وقاله اللى حصل وبعد المكالمة كـ سر الشريحة وحـ رق التليفون ومشى راح ناحية العربيه اللى موجود فيها الرجالة
فـ الحوش
عبده الجن نايم و فجأة دخل عليه حسونة يصحيه بسرعة
حسونة::أصحى يا ريس عبده..ياعبده
عبده::بنوم..خير يامعلم بتصحينى ليه بالطريقة دى
حسونة::قوم يا جن عندنا طلعة حالا
عبده:: بتساؤل..طلعة ايه اللي حالا دى انت بتهزر؟؟
حسونة::بجدية..ده مش وقت هزار ياجن..ولا انا عيل قدمك عشان أهزر معاك..شحنة الـ سـ لا ح اللى قولتلك عليها وصلت
ودي ساعه الصفر بنسبالنا..قدامك اقل من خمس دقايق وتكون جاهز و راكب العربية معانا
عبده::بتوتر..اييه بتقول ايه يا معلم حسونة اقل من خمس دقايق ازاى يعنى؟! ولا ده شغل اى كلام كدا وكدا يعنى بتجربنى تانى فيه ولا ايييه
حسونة::بعصبية انت هتفضل تتكلم وترغى كتيييررر يلااا اخلص..وشد عبده من ع السرير قومه
عبده::بغيظ منه..طب اصبر طيب أغيّر هدومى
حسونة::بأستعجال بيشد عبده بقولك مافيش وقت أخلص و أركب وفعلا ركبوا العربية وقال حسونة
انت عارف احنا هنطلع فين دلوقتي ياجن
عبده::بهدوء اي مكان يامعلم انا معاك.. بس ماينفعش الطريقة اللي صحيتني بيها دي
حسونه::لا مؤاخذة يا عبده بس الشغل مابيستناش و دى شحنة كبيرة و أى تأخير فيها بأرواحنا
عبده::طب ماقولتليش هنروح ع فين
حسونة::هنروح ع الصحراوي هنستلم الـ سـ لا ح من هناك والعربيات اللي ورانا دي هتاخده ع المخازن
عبده::اتفاجئ..الصحرواي!!! مخازن!!! انا مش فاهم حاجة
حسونة::مش لازم تفهم..انت تمشي زي ما انا عايز وبس.. بتحذير.. عارف ياجن لو فـ يوم فكرت تغدر بيا اقسم بالله الدبان الارزاق ما هيعرف لك طريق
عبده::بهدوء مصطنع ومن جواه قلقان..ومين بس اللي جاب سيرة الغدر يا معلم ما انا حكيتلك ظروفي وعارف انى اصلا هربان من الحكومة يبقى هغدر بيك ازاى يعنى
حسونة::بتأكيد..انا بحذرك بس لان ضـ ربتي والقـ بر علي طول
في القسم
بعد مكالمته مع سمير راح للوا حسين
سيف::حكي عن مكالمة سمير بس يافندم دا اللي حصل وانا قلقان ع الراجل بتاعنا لا يتكشف
حسين::طيب و مستنى ايه اتحرك يا سيادة الرائد ونفذ
سيف::أدى التحية..تمام يافندم.. وبالفعل خرج سيف بالقوة واتحرك ناحية مكان التسليم
وصل حسونة للمكان
حسونة::يلا يا رجالة عايزين نخلص بدرى بدرى قبل ما حد يشم خبر
محروس::بقلق..انت برضوا يا معلمى جبت عبده الجن فـ شغلنا
حسونة::ببرود أه..ياض بطّل قلق ياض..ما انت شوفت جربناه وكمان من يوم ما وصل و احنا مراقبينه مافيش حاجة عليه حتى تلفونه ماكلمش منه حد أصلا
محروس::وانت تضمن منين يا معلمى بس مش يمكن معاه واحد تانى بيتكلم منه
حسونة::انت غبى ليه ياض انت ماهو طول الوقت قصاد عينينا هيتكلم امتى ولا فين يعنى دا حتي كان نايم وانا اللي صحيته حتي مالحقش يغيّر هدومه
محروس::انا مش مستريح وخلاص
حسونة::يلا ياض بلاش رغى كتير عايزين نخلص ونكون قبل الفجر فـ المدافن
محروس::بغيظ منه حاضر
حسونة::يا سمير خد الرجالة وحمّلوا الـ سـ لا ح بسرعة
سمير::وجب يامعلمي..هطلع اشد الرجالة وساعه زمن بعون الله ونكون خلصنا ونمشى
حسونه::وانت ياجن هتأمن الرجالة لـ حد مايخلصوا تحميل العربيات
عبده::تمام ياسِيد المعلمين
عند سيف
فعلا اتحركوا وصلوا مكان التسليم وبالفعل عدت أول تلاتة عربيات
وقبل ما تعدى العربية الرابعه هجم سيف عليهم وابتدا الاشتباك بينهم و ابتدوا يضـ ربوا ع بعض النـ ار
هانى::سيف باشا لازم نسيب العربيه الاخيرة تعدي ومنها هنقدر نوصل للمخازن بتاعتهم
سيف::هو ده اللي بفكر فيه اصلا
وبالفعل عدت العربية الرابعة و من وراها عربية القوة اللى فيها سيف وقال لـ هانى اوعى يفلتوا منك
هانى::تمام يافندم
سيف::لـ ياسر..عاوزك تخلى بالك وانت بتـ ضر ب نـ ار ع الراجل بتاعنا وهو وسطهم
ياسر::تمام يافندم ما تقلقش
بعد فترة كبيرة من الاشتباك وقع ناس كتير من رجالة حسونة وعبده كان بيضـ رب بمهارة يصيب وما يقتـ لش
حسونة انتبه له وقبل ما يتكلم
كان
عبده::شده خد بالك يامعلم الر صـ اص كان هيجي فيك
حسونة::بغضب رجالتنا بتمووووت امّنلنا الطريق عشان نرجع..الشحنه خلاص تمت وانا مش عايز خساير اكتر من كدا
عبده::تمام يامعلم و بينادى ع سمير
سمير::نعم ياريس عبده
عبدو::هات العربية وقربلنا هنا عشان خلاص هنرجع
سمير::حاضر ياريس
ياسر ::وهو بيـ ضر ب الـ نا ر.. سيف باشا الخزنة اللي معايا قربت تخلص
سيف::خلاص احنا هنسيبهم يعدوا..وصلتنا أشارة أننا ننسحب
ياسر::تمام يافندم
سمير::يلا يامعلم حسونة اركب وانت ياجن يلا…. قطع كلامه صوت
عبده::حااااسب يامعلم وهو بيزق حسونة فجأة اتصاب بر صا صة فـ دراعه..ااااااااه
حسونة::متخافش ياجن الر صا صة فـ دراعك وبعون الله هخرجهالك بس يلا نمشي بسرعه وفعلا خلال ثواني اتحركت العربية بيهم و رجعوا المدافن
و دخل عبده الحوش الخاص بيه نام علي السرير بتعب واضح ومعاه حسونة وسمير
حسونة::بأمر لـ سمير سـ خن السـ كيـ نة جامد عايزها زي الجـ مر عشان اعرف اطلّع الر صا صة
سمير::حاضر وقام فعلا بتسـ خين السـ كيـ نة و أدهاله
حسونه::امسك دراع الجن جامد ياسمير
سمير::وجب يامعلم..وفعلا نفذ كلام حسونة
حسونة::أخد السـ كيـ نة من سمير و ابتدا يطلع الـ ر صا صة و يكوى جرح عبده
عبده::بـ صرخة ألم..ااااااااااااه
حسونة::أستحمل شوية خلاص خلصنا..وبالفعل حسونة كوى الجرح لـ عبده و ربطهوله وسابه وخرج
سمير::خلاص ياجن المعلم خلص سلامتك
عبده::بتعب شديد الله يسلمك
حسونة::بأمتنان طلعت جدع يا جن انت من النهارده دراعي اليمين هسيبك ترتاح دلوقتي وهطمن عليك بكرة..و لـ سمير انت هتفضل مع الجن لا يسخن ولا حاجه
سمير::حاضر يامعلم
وبعد ما خرج حسونة قام سمير بتعطيل الكاميرات
سمير::بقلق عامل اى دلوقتي يا ريس عبده
عبده::بتعب..تعبان جدا مش قادر.. افتح الشنطة بتاعتي هتلاقى فيها شريط مسكن هات لى منه حبايتين
سمير::حاضر وفعلا أداله المسكن وكوباية الماية
عبده::وهو بياخد المسكن..القوة عرفت ازاي
سمير::انا اللى عرفتهم لان حسونة قالّى ع العمليه قبل ما يدخلك فأتصلت بـ الباشا و حكيتله كل حاجه
عبده::شكرا ياسمير..شغل بقى الكاميرا لان حسونة اكيد هيفتح الجهاز عشان يتأكد انى نايم مكانى
سمير::حاضر وشغل فعلا الكاميرات من تانى
وبعد شوية حط ايده ع دماغ عبده اللى كانت حرارته مرتفعة و راح جاب طبق فيه ماية ساقعة و ابتدا يعمل كمادات لـ عبده لغاية ما نزلت حرارته
بقلمى✍️_______________ لبني دراز
فـ ڤيلا عابد الوزير
قاعد عابد مع سيلين و بتسأل عن الصفقة اللى قال عليها
سيلين::بيدو حبيبى عملت ايه فـ الصفقة اللى قولت عليها لـ بابى
عابد::بنرفزة..انا مش قولتلك بلاش بيدو دى..كااام مرة أقولك الكلام ده
سيلين::بغيظ منه..أشمعنى كنت بتقبلها زمان من حبيبة القلب ولا عشان الكلمة بتفكرك بيها
عابد::بخبث..حبيبتى أديكى قولتى بنفسك الكلمة واللى كانت بتقولها بقت ماضى مش عايز افتكره..انما انتى الحاضر و المستقبل يا سيلي
سيلين:: بجد يا عابد نسيت حلم خلاص
عابد::بجد يا روح عابد..مافيش فـ قلبى غيرك انت ياقمر..و بغمزة تعالى بقى نطلع فوق عشان عايز اقولك موضوع خطييير
سيلين::بدلع وهى بتضحك بمياصة..موضوع ايه يا عابودى
عابد::يالههههوى كدا هنا ما ينفعش..احنا نطلع فوق و احكيلك وتحكيلى ونسهر نتناقش فـ كل المواضيع هههههههههههههه
وقبل مايطلع رن موبايله برقم برايڤت بص لـ مراته وبغمزة اطلعى انتى يا قمر حضرى ملف المناقشات لغاية ما أشوف المكالمة دى وأجيلك ياجميل ههههههههههههه
وفعلا طلعت سيلين وهو رد
عابد::الووو
مجهول::ازيك يا عابد
عابد::تمام ايه الاخبار
مجهول::كله تمام الصفقة تمت والبضاعة أتشحنت وخلال أيام هتوصل
عابد::تمام اوى نص الفلوس هتكون فـ حسابكم بكرة الصبح والنص التانى عند التسليم
مجهول::تمام نتقابل عند التسليم سلام
عابد::سلام..و بشرود..ياااااااه صفقة العمر كله تخلص بس ع خير وافضالك بعدها ياحلم ومسيرك تبقى بتاعتى و ملكى..فاق من شروده ع صوت
سيلين::بتنادى عليه عاااابد مش هتيجى بقى ولا هتفضل عندك
عابد::طالع يا روحى اهو انا اقدر اتأخر عليكى ياقلبى
وقبل مايطلع جاتله مكالمة تانية و رد
#::الووو بيدو عامل ايه ياقلبى
عابد::حبيبى اللى واحشنى عاملة ايه يا قمر طمنينى عنك وعن جوزك
#::كله تمام يا باشا ههههههههه
عابد::اخبار المزرعة و اللى فيها ايه
#:: بمكر..المزرعة حلوة بتسلم عليك..بس اللى فيها انت مش فـ دماغها خالص يا عابد
عابد::بتقولى كدا ليه
#::شكلها كدا فى حد فى دخل حياتها بس مين مش عارفة
#::بقلق..ناوى ع ايه يا عابد
عابد::بشرود..ناوى أخد بالعا فية اللى ماعرفتش أخده بالذووق وفاق ع صوت مراته وهى بتنادى عليه ..طب سلام ياقمر و ابقى سلميلى ع جوزك وقفل المكالمة وطلع اوضته و دماغه مشغولة بحلم وبيفكر ازاى ياخد منها اللى هو عايزه
فـ اوضة النوم
سيلين::بتذمر..كل ده يا عابد بتتكلم فـ الموبـ
عابد::بخبث..حبيبتى بخلص شغل يابيبى..و أدينى فضيتلك اهو ياقمر وبغمزة مش هنراجع الملفات بقى ههههههههههههه
نسيبهم بقى يراجعوا ملفاتهم براحتهم ومالناش دعوة بيهم
ههههههههههههه
_______________________
حسونه::مش حذرتك يا جن و قولتلك كله الا الغدر
*: لااااااااااااااااااااااااااا
- يتبع الفصل التالي اضغط على (رواية العشق الابدي) اسم الرواية