رواية حبي الغامض كاملة بقلم سلسبيل احمد عبر مدونة دليل الروايات
رواية حبي الغامض الفصل السابع 7
– الو ركز معايا يا ادهم الى هتعمله ده مينفعش تعمله لوحدك و..
= ششششش انا هاروح اجيب ليلي يا اسر حتي لو طلعت فين ومش ههدا غير لما اشوفها
– طب اسمعني اديني وقت هاجيلك و هجيب معايا البيتا ( المجموعه )
= هقفل في وشك لو قولتلي استني تاني!
– خلاص دور بطريقتك لحد ما تعرف كل حاجه واحنا هنيجي بطريقتنا برضو انت فاهم؟ مش هنتأخر..
ادهم بيقفل مع اسر وبيفتح الفون على صورة ليلي بيلمس الشاشة بهدوء: انا مش هسيبك.. مش هسيبك قلقانه او خايفة هاجي يا ليلي عشانك
___________________________
صلي على محمد 🩷🦋
* في مكان بعيد مفيش حولية اي بشر بيت كبير وسط منطقه فاضيه ليلي بتصحي بتلاقي نفسها ف اوضه مقفولة و معاها بنت قاعده على الارض *
– انتي مين !! انتي معاهم !! خرجيني من هنا انا عايزه اخرج من هنا حالااا
ليلي فضلت تسرخ بالعربي وبعدين افتكرت انها مش هتفهمها قبل ما تتكلم انجلش البنت بصتلها
= انا مخطوفة هون متلي متلك
– انتي عربيه!!
= ايي من سوريا
– مين دول وخطفونا ليه!!! احنا هنمو**ت؟؟؟
= ما بعرف انا ممرضه بالمشفي يلي
ليلي قاطعتها بسرعه: وانا دكتورة!! يبقي اكيد في حاجه اكيد خطفونا عشان حاجه
فضلت تعيط بقلق: انا لازم اكلم اهلي كده ها
قاطعهم دخول واحد بسرعه من الى خطفوا ليلي وكان بعد خطفها ب ساعة بالظبط وبدأ يتكلم
– Move with us.. now!!!!
الترجمه: اتحركوا معانا دلوقتي
” ليلي والبنت الى معاها قامو بخوف مشيوا وراه دخلوا اوضه مجهزه على أعلى مستوي بأجهزه طبيه و البنت الى اضربت بالرصاص على سرير طبي ”
– You have to treat it , if something bad happens to her, you are dead
الترجمه: عالجوها لو حصل لها اي شيء سيء انتوا في حكم الميتين.
كالبنت الى مع ليلي:
– Do the treatment first
– لو عالجنها هنمشي؟؟؟
– Do the treatment first !
= تتعالج الاول !
ليلي بدأت تشوف جرحها وكارمن بتساعدها وكل الادوات الى احتجوها كانت موجوده خرجت الر*صاص من بطنها وكان الموضوع فمنتهي الصعوبة و خيطت الجرح وخرجت الناس بره وقبل ما تناديهم بصت للبنت
– انتي اسمك اية؟
= كارمن
– تفتكري هيسبونا نمشي؟؟
= بعتقد ايي
– هما ليه مودوهاش مستشفي احنا مش مرتاحه
= ما بعرف شو بدك تعملي هلا؟
– يفهموا انها لسه محتاجه رعايه مننا لحسن يقتل**ونا
= ونحاول نفل ؟
– يعني اية
= بنهروب يعني
– ايوه اكيد في مصيبه ومش هيسبونا بسهوله وهما شكلهم عصابة عشان كده مرحوش مستشفي! وخطفونا نعالجها فا نكدب ونقولهم انها لسه فخطر وكدا كدا مش هيعرفوا يتأكدوا مفيش قدامهم دكاترة غيرنا
= ايي معك حق بنعمل هيك زي ما حكيتي
ليلي و كارمن خرجوا لهم وبدأو كلام:
– She is under the influence of anesthesia now. We have operated in the abdominal area and she needs intense care from us to keep her alive cuz she’s dangerous
الترجمه:
هي تحت تاثير البنج دلوقتي احنا عملنا عمليه ليها فالبطن وهي محتاجه رعايه شديدة عشان تفضل عايشة لانها فخطر
” الرجالة بصوا لبعض واتكلموا بلغة غير الألماني والانجلش و ليلي كانت مستغربة انما كارمن مركزة جدا معاهم بتحاول تفهم ”
– You will stay with us until I am assured that she is fine
= هتفضلوا معانا لحد ما نطمن انها كويسة
” وفعلا رجعوا تاني للاوضه و جابو لهم اكل “
كارمن بيأس: ايي بيقدمولنا اكل كتير وبهتموا فينا لحتي تفيق البنت و يقت**لونا
ليلي بحضه: بس انا مرعوبة لوحدي كلي وانتي ساكته
كارمن: ما حنقدر نفل من هون ما بنعرف حتي عددون كام ولا اي شي
ليلي: لازم نعرف بكره الصبح لازم نحاول نخرج لأي سبب متستسلميش ارجوكي
كارمن وهي بتاكل بملل: انوه ما فارق لي
ليلي: ليه!
كارمن: لانو ما اول مره حس بخطر
ليلي بأسف: هنخرج انا حاسة متفقديش الامل
__________________________
الحمد لله 🩷🦋
بنرجع عند ادهم الى بيكون عدا عليه 5 ساعات تانين عرف فيهم حاجات كتير.. بيعمل مكالمه لأمير و بيكلمه من ابلكيشن عشان ميعرفش انوه بره مصر
– الو
= ادهم! وحشتني اوي يا ادهم انت لازم ترجع احنا مش عارفين نوصل ل ليلي و فاطمه قلقانه اوي
ادهم مسح بأيده على وشة وحاول يهدي: هتكون راحت فين يعني اكيد مشغولة يا امير انشف كده وطمن فوفا جرا اية انا مش قولتلك خلي بالك منها؟
– ادهم صدقني احنا حاسين ان في حاجه مش طبيعيه محدش من الى معاها بيردوا
= امير ده مؤتمر هما مش فاضين ليكوا وبعدين خلاص انا هعرف اوصلهم و اكلمهم خلاص ياعم ؟؟ طمن فوفا بس وقولها اني هتصرف
– طب هترجع امتي
= قريب يا حبيبي
امير: انا بحبك اوي يا ادهم اوعي تزعل مني عشان اخر مره كلمتك وحش
ادهم عيونه دمعت: انت ابني يا عبيط يلا روح ذاكر عشان هاجي انفخك
امير ضحك وقفل معاه اما ادهم الغل و الغضب كانوا بيجروا فعروقة و مستني اسر بفارغ الصبر
___________________________
استغفر الله 🩷🫶
* فالمستشفي *
دكتور محمد: انتوا متأكدين؟ انها مشيت الوقت ده
– ايوه الكاميرا جابتها وهي ماشية عكس اتجاه الفندق
= اكيد تايهه
فريده بقلق: هنعمل اية دلوقتي يادكتور؟
– هنبلغ..
__________________________
” عند ادهم كان بيقفل مع الدكتور الى قاله معلومات بالنسباله مش مهمه اصلا لأنه يعتبر عرف كل حاجه و اسر والى معاه وصلوا لي ”
– يلا هنتحرك دلوقتي انا مش هستني
اسر: طب بس فهمنا عرفت اية
– هحكيلك فالطريق يلااااا
________________________
صلي على محمد 🩷🦋
” عند ليلي و كارمن البنت الى بيعالجوها فاقت ”
ليلي: هيعملوا اية فينا دلوقتي
البنت اول ما فاقت دورت علي الرجالة بتوعها وبصت لكارمن و ليلي بقرف وبعدين نادت: مااارشال
” الرجالة دخلوا بسرعه وفضلوا يتكلموا برضو كتير بلغة غريبة البنت اتعصبت جدا عليهم مره واحده وزعقت وهي بتشاور على ليلي و كارمن كارمن برقت بعيونها وحاولت تتمالك اعصابها “
” دخلوا كارمن و ليلي الاوضة وقفلوا عليهم ”
ليلي كانت مرعوبة تماما وبتبص لكارما بستغراب: انتي ساكتة ليه؟؟ عامله كده ليه
– كانو بيحكوا روسي
ليلي: انتي فهمتي قالو اية؟؟
كارمن هزت راسها بشموخ و توهان
ليلي بخوف: قالو اية؟
– بيق*تلونا
ليلي بصدمه: اية !!
__________________________
* ادهم عالطريق *
امجد واحد معاهم: احنا قدامنا قد اية هنا ؟
ادهم: هنخرجها ونمشي مش هينفع نستني اصلا
امجد بشك: انت متأكد وانت بتجمع المعلومات محدش عرفك؟ او شك فيك
ادهم بعصبيه: قولت ايوه
اسر: طب فهمنا بقي الموضوع؟؟
ادهم: عصابة روسيا جت هنا ق*تل*ت ألمان عشان صفقة مخدر**ات كبيره والتقيلة ان الراس بتاعتهم واحده و اتصابت منهم فا ركنوا فحته فاضيه وكانت نفس الحتة الى ليلي تاهت فيها وطبعا هي متعرفش حاجه لقت البنت واقعه راحت تعالجها ولما الألمان كبسوا على الروسين خلصوا عليهم فا هي خافت جت تمشي خدر**وها وخدوها معاهم
اسر: الروسين؟؟
ادهم: ايوه
اسر: عايز تفهمني اننا هنروح ناخدها من عند الروسين الى خلصوا عالألمان
ادهم: ايوه
اسر: ولو الحكومة عندنا خدت خبر
امجد: هو ده الى همك؟؟ ده لو رجعنا من عندهم عايشين تبقي بركه يأخي
ادهم: الي يخاف يقولي انزله هنا
امجد: مبنخافش احنا
ادهم: يبقي اسكت دي مش اول مره ندخل فحاجه زي دي ومش اول نقف قدام اي حكومه الفرق بس اننا على أرض غير ارضنا فا عشان كده هنخدها ونهرب قبل ما نتعرف وطبعا هنرجع بطريقتنا..
___________________________
صلي على محمد 🩷🦋
* عند ليلي *
كانت بتعيط: قوليلي سمعتي اية متأكده انك سمعتي صح
– اها البنت يلي كانت بتزعق عشان اخدونا من غير ما يتأكدوا مننا وعرفنا شكلهم وشكل البنت فا الناس الى معاها قالوا انوه الدكتور يلي كان تحت ايدهم ات**ق*تل فا اضطروا يجبونا انا وانتي ننقذها
– البنت عصبت عليهم لأن من الواضح انهم مافيا روسيه لكن فاسدين ومش عاوزين يتعرفوا انهم هنا ف ألمانيا فا قالت لهم يجيبوا دكتور تبعهم فورا ولما بيجيي بيخلصوا علينا ، لكن بنحاول نهرب ما تخافي
” ليلي كانت مصدومه وحطت وشها ف ايدها وهي بتعيط وخايفة و اول مره تكون حاسه بالاحساس ده القلق هيموتها فضلت تعيط وبعدين ضربت الباب برجلها جامد و زعقت ”
كارمن شدتها: روقي نحنا عرفنا المكان من الخارج بس نحط خطه وبنهرب من هون
ليلي زعقت: احنا خلاص هنمو**ت
الباب اتفتح عليهم و كارمن بصت و…
- يتبع الفصل التالي اضغط على ( رواية حبي الغامض ) اسم الرواية