رواية تدابير القدر (كاملة جميع الفصول) حصريا عبر دليل الروايات بقلم شروق خليل
رواية تدابير القدر الفصل التاسع 9
فريده : طيب انا هعيش فين
عمار : في بيتى طبعا
فريده قامت بغضب : نعمممم ؟!
عمار : قصدي يعنى في شقه من بيتى انا قصدى إن انا البيت اللى انا فيه اصلا بتاعى و انا مأجره و الشقه اللى قصادى فاضيه
فريده اتنهدت براحه : اممم بس أنا من رأيي اقعد مع طنط هاله و مريم
عمار : مش هينفع عشان اخوكى
فريده : بس أنا مينفعش اعيش لوحدى في شقه و الا كنت عملت كدا من زمان
عمار : و مين قال انك هتعيشي لوحدك
فريده : مش فاهمه
عمار : قومى يلا بس نروح لطنط هاله و بعدين هفهمك
في مكان آخر
على بمكر : كل حاجه بقيت ليا و لسه
… انت ازاى عرفت تاخد من اختك كل حاجه و هى ساكته
على : الحب يعمل اكتر من كدا
.. مش فاهم
على : خطيبها اختارها و اختار انها تبقي في امان مقابل كل حاجه
.. هتبيع البيت !
على بمكر : اصبر اصبر الصبر حلو لسه مفيش حاجه باسمي لحد دلوقتى
.. ازاى يعنى
على : هو قال هيسيبنى اعيش حياتى و اقدر اتحكم في البيت من غير ما هى تطلب حقها بس أنا حسيت انه مش خطيبها اصلا و دى لعبه اتأكد بس و بعدين اخد كل حاجه بحق و حقيقي
.. اوف اوف اوف
عند هاله
مريم : ادخلوا
عمار بعد ما قعد و هاله جابت الشاى : طنط انتم هتيجو تعيشوا عندى
هاله : هنعمل ايه عندك يابنى انا في بيتى و مرتاحه
عمار : عشان فريده ، انا عارف انك بتحبيها و انت اللى مربياها و عشان كدا بقولك تبقوا جنبها و تحت عينى عشان محدش يحس بحاجه من ناحيتكم هنا و يقول لاخوها
هاله : بس يابنى مينفعش نعيش معاك معلش انت شاب و معايا بنتين
عمار : لا يا طنط انا فاهم حضرتك انتم هتعيشوا في الشقه اللى قصادى
هاله : مش هجادلك لانى خايفه على فريده اوى و انت ابن حلال ربنا بعتك لينا
عمار ابتسم و باس راسها بود : خلاص يلا بينا
وصلوا البيت
عمار : دى الشقه ثانيه ادخل اجيبلكم مفتاح
دخلوا البيت و شافوه و قرروا يرتاحوا لان يومهم كان مرهق و بعدين يبقوا يرتبوا حياتهم
فريده كانت بتحاول تنام بس مقدرتش كانت بتفكر في كل حاجه حصلت و إنها مبقتش فاهمه حياتها ماشيه و هتمشي ازاى بعد كدا
الموبايل رن
فريده استغربت : عمار ! نعم في حاجه
عمار باحراج : اسف صحيتى بسببي !
فريده : لا انا مكنتش نمت اصلا
عمار : والله
فريده : اه كنت عاوز حاجه
عمار : كنت عاوز اقولك إننا هنطلع من البيت سوا الصبح
فريده : ليه
عمار : عشان حسيت إن اخوكى مدخلش عليه جو انى خطبتك بسرعه كدا و هنتجوز بسرعه برضو فأكيد هيحوم ورانا
فريده : فهمت انا اسفه انى سببتلك كل دا
عمار : واجب صداقه و لا يهمك
فريده : طيب انا هقفل
عمار : تصبحي على خير
عدى الليل بسلام و فريده قامت براحه رغم أنها نامت حوالى 4 ساعات بس و لكن اول مره تحس انها مش قلقانه
فريده باست هاله من خدها : صباح الخير
هاله : صباح الورد يا حبيبتى
فريده : انا هطلع علشان هروح الشغل مع عمار هو قال نروح سوا علشان لو اخويا شاكك
فريده خرجت لما عمار خبط على باب شقتها : صباح الخير
عمار : صباح النور يلا
… كدا هتمشي من غير ما تقولي
عمار التفت و نزل لمستواها : حبيبتى انت كنت نايمه
ميار باسته من خده : خد بالك من نفسك يا بابا
فريده اتحولت ابتسامتها لصدمه : بابا ؟!
•تابع الفصل التالي "رواية تدابير القدر" اضغط على اسم الرواية