رواية نجمة في الصعيد كاملة بقلم ملك نصر الله عبر مدونة دليل الورايات
رواية نجمة في الصعيد الفصل التاسع 9
نجمه بصت لحمزه بصدمه
واللي في الكليه كانو اتلموا و في شباب جات يسلكوا حمزه عن الشاب
حمزه بزعيق: قسما بالله اللي هيقرب هيضرب معاه وهيترفد من الكليات كلها واظن انتوا عارفين حمزه رضوان يقدر يعمل ايه
كلهم رجعوا لورا
حمزه راح عند نجمه اللي كانت بتعيط واخدها في حضنه وقال
حمزه بحنيه : خلاص يا نجمه انا هرفده من الكليات كلها بطلي عياط
نجمه بعياط وصوت واطي: ابعد حضرتك الجامعه كلها بتتفرج
حمزه بهدوء: طب تعالي معايا
حمزه جر الشاب وراح علي مكتب العميد
العميد: أهلا وسهلا دكتور حمزه نورت في أي مشكله ، مين ضرب دا كده
حمزه بهدوء: عايز عصير ليمون
العميد طلب العصير وحمزه اخده واداه لنجمه
العميد بتوتر: ايه حصل يا دكتور حمزه
حمزه بحده: ازاى الحيوان دي يعيب في مراتي
العميد بتوتر: حمزه بيه هو اكيد ميعرفش انها مرات حضرتك
حمزه بحده: يعرف ولا ميعرفش هو ليه يتكلم معاها اصلا ، الحيوان دا يترفد ويتكتب في الفايل بتاعه اللي مايخليش اي جامعه تانيه تقبل بيه
العميد: أوامر حضرتك يا دكتور حمزه
حمزه قام واخد نجمه معاه
في العربيه
حمزه بضيق: بطلي عياط بقا يا نجمه
نجمه كانت بتعيط ومش بترد
وصلوا البيت
الجده بخضه: بتعيطي ليه يا نجمه في ايه يا حمزه
حمزه بسرعه: مفيش حاجه يا عمتي
الحاج رضوان: مفيش ازاى يا حمزه
حمزه بتوتر: انا طالب ايد نجمه
الحاج رضوان بحده: احكي يا حمزه اللي حصل
حمزه: محصلش حاجه يابويا
نجمه بحده: طب انا عايزه اتكلم مع حضرتك علي انفراد
حمزه بصلها بتوتر وبص لباباه
الحاج رضوان: روح معاها يا حمزه
حمزه أحدها وخرج الجنينه بتاعت البيت
نجمه بحده: ايه اللي حضرتك بتعمله دا
حمزه بهدوء: بعمل ايه انا ، عملت كده علشان مقولش الحوار اللي وصلنا لحد هنا ويبقي منظرك مش كويس قدامهم
نجمه بخنقه: بقولك ايه انا مش عملت حاجه غلط علشان موقفي يبقي مش كويس ، و بعدين كل اللي حصل منك ، انا كان مالي ومال دا كله
حمزه بهدوء: طيب هنتجوز لمده 6 شهور وبعدين نطلق وهنقول محصلش نصيب
نجمه بخضه: جواز !! جواز ايه
حمزه: ما هو دا الحل الوحيد لو الحاج رضوان عرف هيقولك تقاليد الصعيد ويجوزك غصب عنك
نجمه قعدت في الأرض وعيطت
نجمه بخنقه: مش لاقيت غير دي مراتي كنت قول اني بنت عمتك كان هيحصل ايه
حمزه: اللي جه في دماغي قولته ، هما 6 شهور وهنطلق
نجمه: …..
حمزه: ردي يا نجمه علشان هما مستنين جوا
نجمه بتوتر: هنكون اخوات مش زي ما عملت في الكليه
حمزه: اه
نجمه: احلف طيب
حمزه: اخلصي يا نجمه انا مش هضحك عليكي
نجمه: لا احلف قول واللهِ هنكون اخوات
حمزه بابتسامة: واللهِ هنكون اخوات
حمزه اخد نجمه وخرجوا
حمزه بهدوء: ها يا عمتي انا طالب ايد نجمه
الجده: القول قولها يا حبيبي وافقت علي خيره الله
الحاج رضوان: موافقه يا نجمه
نجمه بتوتر بصت لحمزه اتك علي عينه كأنه بيطمنها
نجمه بتوتر: م موافقه
الحاج رضوان: ماشي يا بنتي الف مبروك ..
وبصوت عالي .. حسين يا حسين ادبح وفرق علي البلد وقولهم ولدي بيتجوز .. تعالوا عايزكم في المكتب (لـ حمزه ونجمه)
فاطمه قعدت تزغرط هي وهدي(عقبال عندكم😂♥️)
وشيرين طلعت علي اوضتها وقعدت تعيط دخلت عليها ميرنا
ميرنا بزعل: خلاص يا شيرين هو كده مش نصيبك
شيرين بعياط: انتي عارفه اني بحبه من زمان صح وبنيت كل احلامي وهو فيهم بيبني معايا أيده بأيدي .. ليه بقا في دقيقه كل دا يتهد ليه
ميرنا: عوض ربنا جميل يا شيرين ، فاكره لما دخلتي ثانوي خدمات وربنا عوض عليكي ودخلتي الكليه اللي نفسك فيها ، اتمني ليهم خير وربنا هيعوضك كتير
شيرين: بسهوله كده
ميرنا: ربنا معاكي وهيسهلك انك تخرجيه من قلبك ، بس علشان خاطري حاولي
شيرين: حاضر هحاول والله
ميرنا: قومي بقا نغسل وشك القمر دا ونلبس دريس قمر كده ونظبط شعرك السايح النايح دا
(شيرين وميرنا مش محجبين)
ميرنا ظبطت شيرين و نزلوا تحت
(الاخت نعمه يا جدعان ومفيش احن منها زيي كده♥️)
في المكتب
الحاج رضوان: انا عارف ان جوازكم دا وراه حاجه مانا مش نايم علي ودني ، بس انا هسيبكم لحد ما تيجوا تقولوا لوحدكم
حمزه افتكر لما شاف عز الكليه وقت الخناقه
Flash back ..
في الكليه
حمزه وهو داخل من الباب لمح مصطفي اللي بيبص علي نجمه واتعصب وكان رايح يضربه لحقه عز ومسك أيده
حمزه: انت بتعمل ايه هنا
عز بهدوء: اهدا يا حمزه ، وبعدين انت مالك متعصب كده
حمزه بحده: اهدي !! مش شايف بيبصلها ازاى
عز بخبث: وانت ايه مزعلك ما يمكن يكون هيتقدملها
حمزه مسك عز من دراعه جامد
حمزه بحده: بقولك ايه انا مش فايقلك يا زفت انت
عز بخبث: طب انت مضايق ليه الوقت
حمزه بلخبطه: مش عارف مش عارف انا بضايق ليه لما حد بيبصلها بس انا بكون عايز اموته ضرب
عز بهدوء: انت بتحبها يا حمزه ، اخطبها
حمزه بتوتر: لا حب ايه
عز: لا بتحبها اسمع مني اخطبها ، حتي علشان لو اضايقت أن حد بيكلمها يبقي ليك حق
حمزه: امشي يا عز شوف انت رايح فين
حمزه ساب عز وراح عند نجمه وحصل اللي حصل
End flash back..
الحاج رضوان: انت معايا يا حمزه
حمزه بهدوء: مفيش وراه حاجه يا بابا
الحاج رضوان: ماشي يا ولدي .. هتعملوا الفرح امتا
حمزه: بكره إن شاء الله
الحاج رضوان: موافقه يا نجمه
نجمه: ايوا يا جدو
نزلوا ونجمه قعدت مع الحريم
بليل…
كانوا بيحطوا حنه والستات كانوا بيرقصوا
عند الرجاله كان حمزه قاعد راح عز شدوا ورقصوا ومراد معاهم و صاحبهم أسر
بعدين جه وقت كتب الكتاب الحاج رضوان كتب الكتاب والشيخ قال( بارك الله لكما وبارك عليكما وجمعا بينكما في خير )
حمزه حس بفرحه غريبه جواه
كتب الكتاب خلص والناس مشيوا وحمزه أصر علي أن أسر يبات معاهم و أسر وافق
الحاج رضوان: خد مراتك يا حمزه اقعد معاها شويه قبل ما نتعشي
حمزه بهدوء: حاضر
الحاج رضوان: وانتي يا فاطمه خدي البنات واعملوا الاكل
فاطمه بحب: حاضر
عند نجمه وحمزه
حمزه: الف مبروك
نجمه بتوتر: هو كده خلاص الكتاب اتكتب
حمزه بهدوء: ايوا وبقيتي مراتي علي سنه الله ورسوله
نجمه بلخبطه: اه ربنا يبارك فيك
حمزه كان بيقرب منها
نجمه بتوتر: بتقرب ليه ، خليك عندك
عند شيرين…
كانت خارجه الجنينه بتاعت البيت وخبطت في حد
شيرين بتوتر: اا انا اسفه
اسر بهدوء: ولا يهمك حصل خير
شيرين سابته ومشيت وهو قال ( مين القمر دي اكيد اخت من اخوات مراد)
عند حمزه…
حمزه بهدوء: اهدي بس انا مش هعمل حاجه
حمزه قرب واخدها في حضنه
نجمه بخوف: ابعد حضرتك كده غلط
حمزه بهدوء همس: لا ، دا حضن كتب الكتاب
نجمه بحده: بس انت حلفت أننا هنكون اخوات
حمزه بنفس الهمس: يعني هما الاخوات مش بيحضنوا بعض ، وبعدين فاكره لما كان ليا عندك التنازل بتاع الجيلي كولا
نجمه بتوتر: اا ااه
حمزه: طيب اتنازلي بقا عن الحضن دا ، ونبقا خالصين
نجمه: ….
حمزه بحنيه: انا مش هخون اتفاقي معاكي ولا
هقرب منك وانتي مش راضيه بدا حتي لو مكنتش حلفت ، وكلها 6 شهور ونطلق ، وشك مخطوف ليه متخافيش مني
نجمه بخنقه: انا مش خايفه منك ، انا مش بخاف
حمزه بهدوء: طب خايفه من ايه
نجمه بخنقه وزعيق: من كلام الناس ياخويا .. بعد 6 شهور هيتقالي اللي أطلقت راحت اللي أطلقت جت
حمزه بحنيه: ما يمكن نتفق مع بعض الله اعلم
نجمه بلخبطه: نتفق !!
حمزه بهدوء: ايوا تعالي هتفق معاكي اتفاق
نجمه بحده: تمام بس ابعد بقا خلاص الحضن خلص
حمزه بضحك: لا خليكي كده ، وبلاش تطلعي عليا جعفر اللي جواكي دا
نجمه سكتت
حمزه بهدوء: الاتفاق هو ندي لبعض فرصه واللي فيه الخير يقدمه ربنا ، ديل
نجمه براحه الي حد ما: ديل
حمزه: تعالي بقا نقعد ، وريني بقا رسمه الحنه بتاعتك
نجمه بتوتر فتحت أيدها: المفروض حرفك في الرسمه دي دور عليه بقا
حمزه مسك أيدها فاترعشت
نجمه بحده: انت لازم تتنيل تمسك ايدي
حمزه بهدوء: هسكت انهاردة ومش هرد علي زعيقك علشان انتي مضغوطه بعد كده الله اعلم
نجمه بصتله بحنق
حمزه فضل يدور كتير وفي الاخر لقاه
حمزه بغيظ: اخيرا اهو
نجمه ضحكت علي غيظه
حمزه بمغزاله: ايوا كده اضحكي خلي الشمس تطلع
نجمه بصت لـ الأرض بتوتر بعدين قالت
نجمه بتوتر: بقولك ايه انا جو التلزيق دا مش ليا فيه اشطا
حمزه بحنق: طب واللهِ انتي ما وش نعمه
الباب خبط
حمزه بهدوء: ايوا
عز: انا يا كبير بيقولك عمي تعالي يلا علشان تتعشوا
حمزه: حاضر
عز بخبث: حاضر ! ، من حقك صراحه اخدت القمر كله لوحدك
- يتبع الفصل التالي اضغط على ( رواية نجمة في الصعيد ) اسم الرواية