رواية اميرة الصعيد كاملة بقلم سما حسين عبر مدونة دليل الراويات
رواية اميرة الصعيد الفصل الثاني عشر 12
هند اكلت وطلعت تراقب ليلي بس اتفجات لما لقت شخص قدامها والشخص ده كانت هالة ام زين
هند : ايه ده …..ازيك يا طنط
هالة بهمس: انتي بتعملي ايه
هند : بسرقكوا
هالة : نعم …… وكانت لسة هتصوط
هند حطت أيدها علي فم هالة : بس يا ولية بس
هالة : ولية
هند : آسفة يا طنط تعالي معايا وانا هفهمك
في غرفة فيروز
هند : بقولك ايه يا فيروز مرات عمك شافتني وانا براقب العقربة احكيلها بقي كل حاجة عشان انا مش قادرة احكي
فيروز : تعالي يا طنط بس اوعديني الاول أن محدش يعرف الحكاية دي
فيروز حكتلها كل حاجة
هالة : انا مش فاهمة حاجة بردو
هند : هو انتي وابنك عليا يعني ايه مش فاهمة يا طنط
هالة : انسدي يا بت
هند : انسديت
هالة : انا اقصد انا مش فاهمة انتم هتعملوا ايه وبعدين هي لسة قاعدة في البيت ليه
فيروز : المشكلة أنها لسة بابا مطلقهاش
هالة : مطلقهاش ليه
هند بسخرية : أصله دايب في دباديبها
هالة : انسدي يا بت
هند : حاضر
فيروز : عشان خايف لما يطلقها تعمل فيا حاجة بس هي هنا قدام عنينا مش هقدر تعملي اي حاجة
هالة : طب يمكن بتفكر في حاجة
هند : دي حمارة مبتعرفش تفكر
هالة : انسدي يا بت
هند : حاضر
فيروز بضحك: مش هتلحق
هالة : ازاي
فيروز : حنا مسكنا عليها أدلة توديها في داهية بس مستنيين الوقت المناسب
هند : لا ومش اي داهية دي داهية ما تطلعش منها
هالة : انسدي يا بت
هند : لا بقولك ايه يا ولية انا سكتالك من الصبح عشان انتي اكبر من امي لكن لحد هنا وبس
هالة : اترزعي يا بت
هند : حاضر يا طنط
هالة : فيروز انا طالعة دلوقتي وانتي انزلي عشان تفطري
فيروز : حاضر
هند : طب وانا مليش نفس
هالة : مش انتي نزلتي ابني ف عز الحر يجيبلك بيتزا واكلتيها عايزة ايه تاني ده انتي قادرة ده انا ابني عمره ما عملهالي ونزل في عز الحر عشان يجيبلي حاجة
هند : هو انا زيك يا طنط
هالة : هو انتي تطولي
هند عملت نفسها بتعيط وقالت : انتي ليه مش طيقاني يا طنط لو عايزاني امشي همشي علي فكرة
هالة : لا اعصري عينك كمان شوية عشان تنزل دمعتين وبعدين ما اسمعكيش تقولي همشي دي تاني انتي زي فيروز
هند : هو انتي بتعاملي فيروز كده
هالة : انا نازلة أفطر
بعد ما هالة مشيت
هند : دا ايه العيلة السمجة دي
فيروز : خلي بالك من كلامك كويس عشان انا من العيلة
هند : ما انا قولت كده عشان انتي من العيلة
فيروز : يلا يا حلوة عشان تفطري
هند : بصي هو انا …..
فيروز : ملكيش نفس
هند : لا طبعا انا بس كنت عايزة أسألك انتوا عاملين ايه علي الفطار
فيروز : عنك حق والله يا ابن عمي انا كنت بفكر في ايه يوم ما صاحبتك
هند : مش عارفة والله ياختي
فيروز : انا نازلة عشان لو فضلت اكتر من كده يا اقتلك يا اقتل نفسي
هند : طب جربي كده انتي عارفة ايه اللي هيحصل لك
فيروز : ايه اللي هيحصلي
هند : هتدخلي الأحداث
فيروز : هو انا طفلة عشان ادخل الأحداث
هند : بيقولوا
فيروز : ارحمني يا رب
هند : يا رب
فيروز نزلت
هند لنفسها : دي عيلة مجانين كلها بيخرجوا الواحد عن شعوره وبيقرفوه وفي الاخر يطلبوا الرحمة من ربنا دي عيلة معاتيه
فيروز : سمعاكي
هند : بتتصنتي عليا
هند لنفسها : أما انزل آكل عشان جعانة
فيروز : يلا ياطفسة
هند : بس يا بت
علي السلم
هند أمام الجميع : الله اكل
زين في سره : يا بت المفجوعة
هند فضلت تاكل وزين بيبص عليها باشمئزاز
هند : ايه في ايه بتبصلي كده ليه
زين : بتحسر علي فلوسي اللي دفعتها في البيتزا
هند : وانا بقول بطني وجعتني ليه
زين : وانتي في حاجة بتوجعك
هند : لا لم نفسك الناس قاعدة
فيروز : وانتي عاملة حساب للناس
هند : انا آسفة يا جماعة
هند لزين بصوت خافت : ماشي حظك أن في حد لولا كده كنت عملتك كبدة انهاردة
زين : اسكتي
هند حطت أيدها علي دقنها وبتتوعد له علي نية سودة
بعد الاكل
في غرفة فيروز
هند : بت هاتيلي اي حاجة ألبسها
فيروز : ليه
هند : اصلي رايحة فرح
فيروز : مين
هند : فرحي……. يا بنتي احنا مش هنقابل الزفت اخويا
فيروز : اه صح ……طب اهدي بقا لما اكلم زين عشان يجي معانا
بعد شوية وصلوا للمكان بس فيروز نسيت موبايلها في العربية بتاعت زين
فيروز : طب روحوا انتم علي ما اجيبها
هند : علي اساس ان انا كنت هستناكي
زين : خدي يا فيروز المفتاح اهو ومتتاخريش عشان هتيجي تلاقي حد فينا ميت
فيروز ضحكت
زين لهند : مشي قدامي يا هانم
هند : مشي يالا
زين : احم حاضر
ودخلوا هما الاتنين وقعدوا
زين : بقولك ايه
هند : يا نعم
زين : انتي ليه مش بتطقيني
هند :هو كده مش بتنزلي من زور
زين : طب نوسع زورك شوية ونبطل خناقات
هند : شششش
زين : بقولك ايه ما تعمليش فيها جامدة وانتي عاملة شبه البيضة المسلوقة
هند بدموع : ده ازاي يعني
زين : انا فاهمك كويس وعارف أن انتي لطيفة وطيبة من جواكي
انما من براكي بتبيني عكس كده عشان محدش ياخد باله انك ضعيفة وشخصيتك دي عجباني اوي علي فكرة
هند بدموع : اقولك علي حاجة
زين : نعم
هند : انت اول واحد يفهمني بالرغم اني معرفكش غير من وقت قليل حتي فيروز عمرها ما فهمتني مع انها اقرب شخص ليا
زين : يعني ايه صافي يا لبن
هند بابتسامة : رز بلبن
زين ضحك
هند :حليب يا قشطة
عند فيروز
فيروز : ايه ده حازم
حازم : عاملة ايه
فيروز : الحمد لله
حازم : انتي هنا لوحدك
فيروز : لا معايا هند وزين
حازم : هما فين
فيروز : جوا
حازم : اومال انتي بتعملي ايه هنا
فيروز : اص انا نسيت موبايلي في العربية بتاعت زين فروحت عشان اجيبه وهما دخلوا
حازم : طب يلا اتفضلي
فيروز : ياريت عشان زمانهم قتلوا بعض جوا
دخلوا هما الاتنين
ولقوا زين وهند بيضحكوا
فيروز حطت أيدها علي رأس هند وقالت :انتي سخنة
هند : لا في ايه
فيروز : انتي بتضحكي في مكان زين موجود فيه
هند : هبقي احكيلك بعدين
حازم : احم احم السلام عليكم
الكل : وعليكم السلام ورحمه الله وبركاته
حازم لزين : انا حازم اخو هند
زين : وانا زين ابن عم هند اقصد فيروز
هند : ايه الاخبار
حازم : الحمد لله كنت تعبان شوية وخفيت
هند : لا الحمد لله ماقولتليش ليه كنت عملتلك كمادات
حازم : لا ماكنش له لزوم
هند : يا حبيبي ……… انا كنت بسالك عملت ايه لقيت حاجة ضد الولية دي
حازم : اه لقيت
هند : لقيت ايه
حازم : بصي انا عرفت انها بتكلم واحدة اسمها ناهد
هند : وبعدين
حازم : ولا قبلين بس كده
هند : بس كده يا فرحتي
زين لهند : دا ايه المجايب العسل دي لا انا متفائل
حازم : هي قالت علي عنوان هتقابلها فيه بس المشكلة أنه
فيروز: المشكلة أنه ايه
حازم : العنوان دا في القاهره
هند :طب كويس ……..حازم انت عارف العنوان دا فين
حازم : انا حافظه زي اسمي
هند : طب انت اسمك ايه
حازم : نعم ….
هند : ربنا يستر
وفجأة موبايل فيروز رن
فيروز : الو يا ……
- يتبع الفصل التالي اضغط على ( رواية اميرة الصعيد ) اسم الرواية