رواية حلم ظننته حياة كاملة بقلم بسملة عبر مدونة دليل الروايات
رواية حلم ظننته حياة الفصل الثالث عشر 13
يارا: ايوه ي خالد عامل اي.. امال صاحبك فين مش بيرد عليا لي عقلو ي عم مينفعش كل شويه يقلقني كدا… طب اديهولي معلش ي خالد.. وهو زعلان مني ولا اي مش بيرد عليا
خالد: زعلان منك اي بس انتي عارفه ان روحو كانت فيكي واد اي هو متعلق بيكي وبيحبك
يارا: اي الكلام دا ي خالد ف اي.. حمزه كويس
خالد بتوتر: اصل.. اصل.. اصل..
يارا: متقول ي ابني ف اي اصل اي
خالد: هقولك بس مش تعرفيه اني قولتلك حاجه
يارا: حاضر ي عم مش هعرفو بس طمني
خالد:اصل حمزه عاملك مفاجاه حلوه اوي وهيجي النهارده روحي استنيه ف بيتكو بقا عما يجي عشان انتي كمان تفاجئيه
يارا: طب هروح بيتنا ازاي لوحدي وانت عارف اني حالا اولد طب اديهولي كدا
خالد: اصل هو مش هنا هو بيشتريلك حاجات انتي بتحبيها ولو كلمتيه كدا المفاجاه هتبوظ.. يلا سلام بقا عشان هو جاي …
ويقفل معاها ويعيط واعصابو انها’رت ومش عارف يتصرف واول مره ف حياتو يحس انو قليل وعاجز اوي للدرجادي.. ويطلع موبايل حمزه ويفتح الباسورد الي طبعا حمزه عاملو بعيد ميلاد خالد ويرن علي بابا يارا
خالد: سلامو عليكم عمي إبراهيم
عمي ابراهيم: ايوه ي حمزه ي ابني عامل اي
خالد: لا ي عمي انا خالد صاحبو
عمي ابراهيم: خير ي ابني ف حاجه ولا اي
خالد: والله ي عمي الحقيقه انا مش عارفه اقول لحضرتك اي بس انت مؤمن بربنا وعاارف ان كل حاجه بيجبهالنا اكيد خير
عمي إبراهيم: ونعم بالله ي ابني.. خير قلقتني ف اي
خالد: والله مش عارفه اقولها ازاي بس الامر صعب عليا اوي اوي بجد ويكمل عيا’ط
عمي ابراهيم: اهدي ي ابني ف اي وحد الله كدا ي حبيبي وبالراحه
خالد: الا اله الا الله… حمزه ي عمي.. حمزه.. حمزه.. حمزه مااااااااااااااات
عمي ابراهيم: حمزه مين؟
خالد: حمزه صاحبي وجوز بنتك ي عمي
عمي إبراهيم: ي ابني حرا’م عليك الراجل لسه رايح المصيف النهارده وكان عندي امبارح جايب بنتي يارا والله راجل فيه الخير خاف لتقعد لوحدها ف جابها تقعد معانا عما يرجع… بطل هزار ي ابني انا راجل كبير مش حمل هزار الشباب دا
خالد: والله انا عارف انها حاجه صعبه اوي اوي عليا وعليكو وخصوصا مرااتوو بس دا امر وقضاء ربنا
عمي ابراهيم بصدمه: حمزه.. حمزه.. جوز بنتي.. الي دايما يهزر معايا كاني صاحبو وينده عليا ي هيما ويقولي نكت وف زعلنا كلنا نضحك بسببو.. حمزه الي عمره ما نزل دمعه عشان محدش يزعل عشانو.. حمزه.. حمزه الي يوم جوازو من بنتي وعدني مش هيسيبها طول حياتو.. حمزه
خالد: ايوه هو حمزه.. 💔…. ارجوك ي عمي متعرفش حد ولا تعرف يارا الا اما نيجي هناك عندو ف البيت وانا لسه مكلم يارا دلوقتي وقولتلها ان حمزه عاملها مفاجاه ورايحلها للبيت وقولتلو تروح هيا كمان بيتها وتعملو مفاجاه هناك.. ف خدها من غير ما تعرف ووديها وجهز كل حاجه علي السكت عما نوصل
عمي ابراهيم من غير كلام قفل السكه بعد ما سمع كلام خالد وتلقائي اتصل علي زوجتو “ام يارا”
عمي ابراهيم: ايوه ي ام يارا بقولك اي يارا عندك
ام يارا: ايوه ي ابو يارا هنا اهي بتجهز حاجتها عشان هترجع بيتها وتعمل لحمزه مفاجاه
عمي ابراهيم: طب كويس بس مش هنسيبها لوحدها هنروح معاها وناخد اختها واخوها كمان وبالمره نغير شوية جو
ام يارا: ماشي ي ابو يارا متغيبش بقا ف الشغل وتعالي بدري عشان نمشي ف النور قبل الدنيا ما تضلم
عمي ابراهيم: نص ساعه ان شاء الله واكون عندك وتجهزو كلكو عشان قبل ما اقرب من البيت هرن عليكو تطلعو واقفلو حاحه كويس
ام يارا: اي ي عم مستعجل كدا لي براحتنا ومش هنلحق نعمل كل حاجه ف نص ساعه
عمي ابراهيم: اتصرفي ي ام يارا وبسرعه ويلا سلام
قفل السكه وراح لصاحب الشركه
عمي ابراهيم: معلش مضطر استاذن دلوقتي ولازم امشي ضرورى وطمعان ف طلب من حضرتك.
صاحب الشركه: خير ان شاءالله يعم ابراهيم.. اتفضل اطلب الي انت عاوزو
عمي ابراهيم: عاوز اجازه اسبوعين او يمكن اكتر شويه
صاحب الشركه: طب اتفضل استريح عما اخليهم يجيبو طلب الاجازه ويجو
ويقعد عمي ابراهيم مع صاحب الشركه صاحب الاربعون عام
صاحب الشركه: ممكن اعرف اي سبب الاجازه المفاجاه دي واي الزعل الي علي وشك دا
عمي ابراهيم: لسه ي ابني جايلي مكالمه من صاحب حمزه. جوز بنتي وبيقول انو ماااااات. ومحدش يعرف ف البيت الا انا وززي ما انت عارف انو من محافظه بعيده جدا عن المحافظه الي احنا عايشين فيها ولازم نوصل هناك قبل ما هما يوصلو
صاحب الشركه: لا حول ولا قوة الا بالله شد حيلك ي عم ابراهيم… والله مش عارف اقولك اي.. ربنا يكون ف عونكو ويقويكو ويصبر قلبكو يارررب
عم ابراهيم: فيك الخير ي ابني
عم ابراهيم: ربنا يكرمك ي ابني يارب ومش هكسفك والله بس بسرعه معلش عشان منتاخرش
بعد نص ساعه كان راح وخد اهل بيتو واتحركو علي بيت حمزه
عند خالد كان قدامو اكتر من تلات ساعات عما يوصل والدنيا قربت تضلم والشمس هتغرب ويقوم واخد طريق مختصر عشان يوصل اسرع وبالفعل بعد. ساعه ونص كان وصل وكان يدوب اهل يارا داخلين العماره الي فيها بيت حمزه ولسه مطلعوش البيت حتي وفجاه يارا تبص وراها وكان خالد شايل حمزه علي ايدو وطالع
يارا بشقهه: هييييييييييي حمزه.. حمزه
ويغمي عليها ف نفس الثانيه الي نطقت فيها اسم حمزه
خالد: وسعولي بسرعه محدش يقف قدامي
ويروح صاحب الشركه الي كان عارف هو وبابا يارا ويشيلو حمزه مع خالد ويدخلوه الاصنصير ويطلعوه شقتو
- يتبع الفصل التالي اضغط على ( رواية حلم ظننته حياة ) اسم الرواية