رواية لكنه لي الفصل الرايع عشر 14 - بقلم جيهان احمد

   رواية لكنه لي كاملة بقلم جيهان احمد عبر مدونة دليل الروايات 

 رواية لكنه لي الفصل الرايع عشر 14

  

مي بغضب ،العقد اللي فرقبتك دا بتاع مين

سهر بفزع ، انتي مجنونه ابعدي عني

شدت مي من ضغطت يدها علي رقبت سهر أكثر ،انطقي احسنلك

سهر بتألم وهي تحاول أن تتنفس ، سبيني ي مجنونه انتي عقد اي اللي بتتكلمي عنه دا بتاعي انا

ضغطت مي علي رقبتها أكثر

سهر بتألم ، هقولك سبيني والنبي هقولك

نظرت لها مي بضيق وابعدت يدها عن رقبتها

ظلت سهر تسعل بشده

مي بضيق ، اخلصي انطقي

سهر بخبث واقترب منها بسرعه وامسكتها من شعرها وتحدثت بغل ،بتخنقيني انا ي بت مبقاش غير واحده زيك اللي تمد أيدها عليها

عضتها مي من يدها بغل ف ابتعدت عنها سهر بسرعه

سهر بتألم ، اه ي حيوانه اي الغباء دا ولم تكمل كلامها حتي انقضت عليها مي ف اوقعتها ع الأرض ووقعت فوقها وهي تضربها بغيظ ، بتمدي ايدك عليا ي كلبه الشوارع انتي انا هربيكي

ظلت سهر تصرخ بشده فلم تستطع أن تبعد مي عنها حتي جاء الخدم مسرعين لكي يفصلوا بينهم ولكن لم يستطع أحد منهم أن يبعدها حتي قامت مي بهدوء عنها بعد أن أخذت العقد من رقبتها

قامت سهر من ع الأرض وقد مزقت اجزاء من ثيابها وتبعثر شعرها بشده ف أصبحت مثل المشردين تماما

مي بغضب ، العقد دا بتاع ماما الله يرحمها جبتيه منين

سهر بخوف محاوله اخفائه ، ملكيش دعوه وأمجد لما يجي هخليه يشوف شغله معاكي ي مجنونه انتي

نظرت مي الي الخدم ببرود ،كل واحد يروح يشوف وراه اي يله

واكملت بضيق ، شكلك عايزه تضربي تاني العقد دا كان ف اوضه ماما جبتيه ازاي

نظرت لها سهر بخوف فهي تعلم أن امجد لديه ابنه مزاجيه جدا ولكن لم تعلم أنها حاده لهذه الدرجه ،مكنتش اعرف انها اوضتها

ابتسمت مي بسخرية ، والله عالعموم رجلك لو عتبت الاوضه دي تاني هزعلك جامد واظن انتي شوفتي انا اقدر اعمل اي واكملت بتحذير اي حاجه اخدتيها ترجع مكانها وزي م قولت احسنلك تتجنبيني

هزت سهر راسها بخوف وتركتها مي وصعدت الي الاعلي بضيق

ابتسمت سهر بخبث ،ماشي ي ست مي وحياتك لدفعك تمن اللي عملتيه دا غالي

**********

خرج الاثنان من المصعد وتوجهوا الي السكرتيره الجالسه ف الاستقبال

احمد بهدوء ،مساء الخير دكتور مصطفي موجود

السكرتيره ب ابتسامه ، مساء النور ي دكتور احمد اه دكتور مصطفي جوه بس معاه حاله ممكن بس حضرتك تنتظره هنا وهو خمس دقايق بالكتير وهيكون خالص

احمد بهدوء ، ماشي شكرا

اخذ احمد سلمي من يدها لكي يجلسوا ف غرفه الانتظار حتي يحين دورهم

سلمي بتوتر ، مصطفي مين دا انا اعرف ان الدكتور اللي هنا اسمه محمد وبعدين المكان شكله اتغير اوي

احمد بهدوء ، اه العياده اتغيرت وبقت عياده دكتور مصطفي وأكمل ببعض التوتر دكتور نفسي

نظرت له سلمي بصدمه ، نعم نفسي

احمد بخوف من ردت فعلها ف مازال هناك الكثير لكي تسمعه ، ممكن تهدي انا عارف ان الموضوع صعب بس والله العظيم انا بعاني اكتر ف لو سمحتي اسمعيني للآخر وحاولي تصدقيني ي سلمي قطع حديثهم صوت السكرتيره ، دكتور احمد ممكن تتفضل دلوقتي دكتور مصطفي ب انتظارك

قام الاثنان ودخلا اليه

مصطفي ب ابتسامه وهو يسلم علي احمد ، اهلا ي ابو حميد عامل ايه

احمد بهدوء ، الحمدلله اعرفك دي

مصطفي ب ابتسامه ، سلمي دي مدام سلمي

نظرت له سلمي بتعجب ثم نظرت الي احمد وكأنه تسأله من هذا

احمد بهدوء ، دا دكتور مصطفي ي سلمي وأكمل ببعض الحزن انا بتابع معاه

صعقت سلمي مما سمعت ،بت اي

مصطفي محاولا تهدءت الوضع ، ممكن تفضلوا نقعد ونتكلم براحتنا

ظلت سلمي تنظر لهم بصدمه سحبها احمد بحنان واجلسها بجانبه

مصطفي ب هدوء ، بصي ي مدام سلمي انا عارف ان الموضوع صعب شويه ولكن احنا الحمدلله ف تطور كبير جدا من فتره فمش عايزك تخافي

سلمي محاوله ان تجمع شتات عقلها ، موضوع اي انا مش فاهمه حاجه

تنفس احمد بعمق ثم نظر إليها وتحدث بنبره حزينه ،انا عندي انفصام ي سلمي

صدمه اخري نزلت عليها وكأن أحدهم سكب دلو ماء مثلج علي رأسها

مصطفي بسرعه ، بس هو دلوقتي ف مراحل متقدمه من العلاج

ظلت سلمي تنظر إلي احمد بصدمه ف لا تدري ماذا تفعل حتي فاقت علي لمسه يده عندما امسك يدها

احمد بحنان ،سلمي انتي كويسه مالك وشك بهت كدا ليه

تحدثت سلمي بدموع ، يعني اي الكلام دا

مصطفي ب هدوء ، ممكن بلاش عياط والله الموضوع مش صعب بس محتاج شويه مجهود وينتهي وانا مبسوط جدا من دكتور احمد أنه جابك وعرفك ب حالته وجود حضرتك معاه هيفرق جدا ف العلاج

سلمي بهدوء عكس ما بداخلها ، ممكن اتكلم معك لواحدنا ي دكتور مصطفى

نظر لها احمد بخوف فهو لا يدري ماذا ستفعل والأهم لماذا ردت فعلها بارده هكذا ظل ينظر إليها مطولا ولكنها تفادت النظر في عينيه فقام احمد بهدوء ،هنتظر بره

سلمي بهدوء ، عايزه اعرف كل حاجه عن حالته

مصطفي بتعجب من ردت فعلها ،هو ليه طلبتي منه يخرج

سلمي ، مش حابه اشوف النظره اللي فعينه دي ولا اني اشوفه خايف ومكسور كدا ياريت تعرفني كل حاجه عنه

مصطفي ، تمام طبعاً انتي عارفه انه كان مرتبط بواحده اسمها نور

شعرت سلمي بوخزه قويه في قلبها فكانت تخاف بشده من أن تكون نور سبب حدوث أي مشكله ف حياتها ولكن يبدوا أنها ستظل تعكر صفو حياتها دائماً

مصطفي ب هدوء ، حضرتك كويسه

سلمي ببعض التعب ،كويسه كمل واه عارفه عنهم كل حاجه

مصطفي ب ابتسامه ،جميل جدا بصي ي مدام سلمي دكتور احمد مشكلته الوحيده أنه لما جه يتخطي عدم وجود نور ف حياته عمل دا غصب عنه

سلمي بتعجب ،غصب ازاي

مصطفي ، انتي عارفه سبب انفصالهم عن بعض

سلمي ،لا بس اللي عرفته أن حصل بينهم مشاكل يمكن أكبرها أن تصرفات نور بدءت تتغير للاسوء

مصطفي ، حلو سبب الانفصال كان أن نور خانت احمد مع واحد من أصحابه

سلمي بصدمه ،خانته ازاي

مصطفي ب هدوء ، لا دا موضوع احمد هو المسؤول عن أنه يحكيه ليكي ولكن الاهم عندي واللي عايزاك تعرفيه دلوقتي بالذات احمد بينازع بقاله ثلاث سنين عشان يخرج من اللي هو فيه دا ولما انتي دخلتي حياته حالته بدءت تتحسن جدا وطيف

نور اللي كان ملاحقه بدء يختفي نوعا ما ولكن لازالت الصدمه اللي اخدها مآثره عليه ف دا ادي لخلق شخصيه كل هدفها هو أن نور تكون موجوده مره تانيه طبعا هو فضل عايش ف اكتئاب لفتره طويله جدا بعد انفصاله عن نور ولكن لحد م انتي دخلتي ل حياته وبدء التغيير وبدء حبه ليكي يزيد مع الايام وذكري نور بدءت تختفي اتخلقت شخصيه رافضه وجودك تماما وان حد ياخد مكان نور رغم أن الشخصيه اللي بتفضل وجود نور معترفه بالخيانه وان نور م تستحق ولكن العامل الزمني فرق هنا وان نور تعتبر بنت احمد لانه هو اللي مربيهاوكبرت قدامه كل السنين دي ف دا بقا بمثابه محفز ليه أنه يسامحها تاني ،ولما وجودك انتي بدء يكبر وحب احمد ليكي بدء يزيد عن حبه لنور الشخصيه التانيه دي بدءت تظهر رفضها للواقع دا وبدء تظهر أعراض الانفصام من هنا احمد جواه شخصين واحد عايز نور ترجعله مهما كان الثمن وواحد بيحارب عشان يحافظ عليكي وللاسف الشخصية اللي بتميل لوجود نور شخصيه عدوانية جدا ولما بتكون متحكمه ممكن تعمل اي حاجه في سبيل إنهاء وجود الشخصيه الاساسيه

ظلت سلمي تنظر إليه بصدمه حاولت جاهده ان تتحدث ولكن لم تستطع

مصطفي بخوف ، مدام سلمي حضرتك كويسه انتي سمعاني مدام سلمي

دخل احمد بسرعه عندما سمعه ينادي عليها فخاف أن يكون حدث لها شئ

احمد بخوف ،سلمي سلمي انتي كويسه حاول أن يحركها ولكن فجأة وقعت بين يديه

احمد بفزع ، سلمي انت قولتلها اي سلمي فوقي بالله عليكي قام بسرعه بوضعها علي الاريكه بهدوء وقام بفحصها ف تأكد انها بخير ولكن انخفض ضغط دمها كثير أعطها مصطفي بعض الادويه وتركها احمد لكي ترتاح قليلا حتي ينتهي المحلول الذي علقه مصطفي لها

ظل احمد ينظر إليها بحزن شديد حتي غلبته دموعه

مصطفي محاولا أن يهون عليه ، هتكون بخير م تقلق

احمد بحزن ، انت قولتها اي

مصطفي ، قولتها حالتك اي بالضبط بس م دخلت ف تفاصيل زي م قولتلك قبل انت المسؤول عن انك تحكي القصه كامله ليها انا عملت اللي عليا لحد كدا انت اشرحلها كل حاجه وان شاء الله هي تتفهم وتساعدنا ف العلاج

احمد بحزن ،قولتك بلاش اعرفها مكنش هيحصل كل دا

مصطفي ب هدوء ، احمد انا عايز مصلحتك مش عشان انت المريض بتاعي انت عارف انك غالي عندي واعز صاحب ليا وجود سلمي معاك هيساعدك تتعافي بسرعه وكمان مش هتبقا خايف طول الوقت عليها وع رده فعلها وبعدين انت الاول كنت خايف عشان مرضها بس دلوقتي هي تعافت وبقت بخير ف ملوش داعي خوفك دا وصدقني سلمي هي الشخص الوحيد اللي هيقدر يساعدك بجد

تنفس احمد بتعب ،ان شاء الله خير

****

نزلت مي عندما أخبرها أحد الخدم بوصول والدها

فكان جالسا يشرب قهوته ومعه سهر

مي ببرود ، عايزه اتكلم معاك

نظر لها امجد مطولا ثم وضع كوب القهوه من يده وذهب الي مكتبه تبعته مي بهدوء

أما سهر فظلت تحوم حول نفسها بغضب فمنذ قدوم امجد كانت تشتكي له من مي وتحاول أن تجعله يغضب منها ولكن امجد لم يبالي لكلامها ولم يفعل اي شيء لمي

في المكتب

امجد بهدوء ، جايه ليه

مي بسخرية ،تصدق كنت فاكراك هتاخدني بالحضن وتقولي وحشتيني ي اخي دا انت لو جايبني من الشارع هتعاملني ب اسلوب احسن من كدا

امجد ببرود ،انتي اللي اخترتي فمتجيش تتكلمي

مي بغضب ، وانت اب وزوج فاشل معرفتش تحافظ علي بيتك وعيلتك كل همك منصبك وشغلك اتخليت عنا وجاي دلوقتي تقول انتي اللي اخترتي

امجد بضيق ،صوتك ميعلاش ولو جايه عشان تسمعيني اسطوانه كل مره ف احب اقولك ملوش لازمه ياريت ترجعي بيتك

مي بحزن، انت ازاي كدا ليه قاسي للدرجه دي

حاول امجد أن يظل علي موقفه ولا يلين لها فهو يحارب نفسه لكي يبتعد عنها ،روحي ي مي مفيش حاجه هتتغير

مي بضيق ،انا مليش دعوه بيك واعا تفتكر اني جايه عشان اشوفك انت ميت بالنسبالي

شعر امجد بسكينه دخلت في قلبه من كلامها أما مي ف امتلأت عيناها بالدموع ف أبعدت نظرها عنه

امجد بهدوء ،عايزه اي

مي ،عايزه أطلق من رامي

نظرت له مي بصدمه من رد فعله ،سيب ايدي بتوجعني

امجد بغضب ،جنانك وغبائك دول ليهم حدود ولو هتموتي ي مي مش هتطلقي من رامي

نظرت له مي بحزن شديد وتحدثت بضعف، اللي انت متمسك بيه دا اغتصبني وضربني واهاني اكتر من مره

ابتعد امجد عنها ونظر لها بهدوء ،جوزك وليه حق يعمل اللي هو عاوزه

مي بدموع ، انت راضي اني اعيش مع واحد بيعاملني كدا

امجد ببرود ،اه وبعدين انتي جايه ليا ليه هو مش انا ميت بالنسبالك جايه عايزه اي

نظرت له مي بغضب وقامت بتكسير اي شي أمامها بقوه وهي تصرخ ،انا بكرهك انت اسوء منه كلكم وحشين بكرهكم كلكم

ظل امجد ينظر إليها بحزن فهو يريد أن يضمها إليها ولكن لم يستطع أن يتحرك من مكانه

تقدمت مي نحوه وتحدثت بغضب ، زي م أجبرتني اتجوزه هتطلقني منه والا قسما بالله ل افضحك وشغلك اللي فضلته عن بيتك ومراتك وبنتك هخليك تسيبه غصب عنك انا مش هيعش فجحيم لواحدي

امجد ببرود ،اللي عندك اعمليه

مي بسخرية ،عندي كتير اي رايك الناس كلها تعرف أن ماما ماتت بسببك وانت اللي قتلتها وبنتك كانت مدمنه وماتت بسبب اهمالك

نظر لها امجد بغضب ووو

• يتبع الفصل التالي اضغط على ( رواية لكنه لي ) اسم الرواية