رواية حنين (كاملة جميع الفصول) حصريا عبر دليل الروايات بقلم هايدي احمد
رواية حنين الفصل السابع عشر 17
حنين 17
نزلوا فطروا وبعدين اتمشوا على البحر وهم ماسكين ايد بعض ومستمتعين بالجو
حنين :احمد ..احمد ..احمممد
احمد وهو ماسك ودنه :ايييه ماانا جمبك اهو روحت فين ..قولى عايزه ايه
حنين ببراءة:عايزه انزل البحر
احمد :نعم ..قولى تانى كده مش سامع
حنين :بقولك عايزه انزل البحر يلا
تحمد :يلا فين يا حبيبتي
حنين ببراءه :ننزل يا حبيبي
احمد :طب يلا انجرى قدامى مفيش نزول
حنين بصتله بعيون القطط ومشيت وبعدين راحت نحية الميه واخدت منها وقعدت ترشها عليه
وبعدين جريت وهى بتضحك خايفه يمسكها
احمد بصدمه :يا بنت المجنونه حنييين تعالى هنا
قعدت تجرى وهى بتضحك على شكله
احمد : طب ايه رايك هتتحاسبى على العمله دى خدى هنا
حنين وهى بتطلعله لسانها : لااا مش جايه
احمد وهو بيضحك : انتى الى جبتيه لنفسك
جرى نحيتها وبعدين مسكها من خصرها وهو بيمسكها وقعت حنين وهو وقع فوقها
حنين : اااه يا ضهرى
احمد : هنستعبط انا ساند على الرمل كان لزمتها ايه الفرهده من الاول ها
حنين وهى بتربع ايديها :تستاهل عشان انا عايزه انزل البحر وانت مش راضى
احمد : وانا مش قولت مفيش نزول مش المفروض تسمعى كلمتى ولا لا
حنين :ايوه بس انا عايزه انزل
احمد :ايوه وعابزه تنزلى برضه ملكيش حل ..طيب يا ست حنين يكش يطمر بس عدى الجمايل
حنين وهى بتسقف: هيه هيه
احمد وهو بيضحك :هبله والله العظيم
قام احمد وشالها وهى مسكته من رقبته ونزل بيها البحر
__________________________
: ايه بتقول ايه
: زى ما بقولك كده التهم نزلت من عليه
حسن : ازاى ده فيه تسجيلات كاميرا يا بنى ده انا مديهالهم بإيدى
: صدقنى رجع وهو الى حاطك الامتحان بتاعه فى الكليه يمكن سابوه عشان فترة الامتحانات دى
حسن قلق اكتر من سيرة الامتحان يبقى اكيد هنا هتشوفه وهتخاف اكتر : طب خلاص اقفل انا هتصرف معاهم وخصوصا العميد ابن ال...ده والله لاوريه
وبعدين قفل السكه وهو بيفكر يتصل بهنا ولا لا بس لغى الفكره وفكر فى واحده تانيه
_______________________
نزل احمد وحنين البحر وقعدوا يلعبوا سوى فى الميه شويه
احمد : مش يلا بقى
حنين : لا خلينا شويه كمان شويه صغيرين بس
احمد :حاضر يا ستى شويه وهنطلع علطول بس مش خايفه من سمكة القرش
حنين : لا هى مجتش هنا لسه
احمد : امال ايه الى وراكى ده
حنين اتخضت ومسكت فيه وهو بيضحك
قعدت تضربه على كتفه بغيظ : يا رخم خضتنى
احمد: طب ايه هتطلعى
حنين : لا عنداً فيك مش هطلع ها
وبعدين بدأت تعوم وترجع ورى وهى بتضحك ومبسوطه فى الميه
احمد بقلق : حنين مترجعيش ورى اوى خليكى هنا جمبى
حنين بضحك : انت خواف كده ليه ده احنا لسه هلى البر
احمد : بر ايه بس ده احنا فى نص البحر
حنين : يا احمد نص ايه بس ده لسه بدرى استنى هوريك النص الى بتقول عليه
عامت وبعدت عن احمد لقدام
احمد : حنين تعالى هنا بس كفايه يلا نطلع
بصتله وضحكت : لا استنى
احمد قلق لما لقى الميه واصله لرقبتها وراح بسرعه نحيتها بضيق من تصرفاتها واتجنن اكتر لما لقاها بتغطس فى الميه وبتطلع شدها ليه واخدها وطلعوا من الميه
________________________
بدأت هنا امتحانات وهى متوتره ومكنتش مركزه فى المذاكره بسبب المشكله الى كانت فيها وفضلت تفكر فيها
: هنا
هنا :ايوه يا ماما
الام:بتذاكرى يا حبيبتي
هنا: ايوه يا ماما منمتيش ليه لعند دلوقتى يا حبيبتي
الام: معرفش انام غير لما اطمن عليكى انتى واخواتك ها قوليلى المذاكرة عامله ايه
هنا بقلق :ت.تمام الحمدلله
قربت منها وقعدت جمبها : مالك يا حبيبتي قوليلى المذاكره تقيله عليكى
هنا :ها ايوه يعنى يا ماما انتى عارفه عشان سنه واولى وكده
الام:امم طب ادعى ربنا يسهلهالك واعملى الى عليكى وخير ان شاء الله ومتخافيش من الامتحانات
هنا :حاضر ربنا يستر
الام:هنا انتى مخبيه عليا حاجه
هنا:انا ..لا يا ماما ابدا
الام:شكلك بيقولى كده مش مطمنه يا هنا لو فى حاجه يا بنتى قوليلى وريحينى
هنا بتوتر:هو بصراحه
الام:ها قولى
هنا :اييي..دكتور عندى بس مادته صعبه و حالف يسقط الدفعه
الام:ايه ده دكتور ايه ده الى معندوش قلب يسقط عيال ملهاش ذنب ايه مش خايف يحصله فى ولاده مفيش حد يوقفله
هنا بضيق :لا مش خايف الى زى دول معندهمش قلب وليهم ضهر يحميهم
الام بقلق:مالك يا حبيبتي هى الماده دى صعبه للدرجادى
هنا :يعنى يا ماما
الام:بصى طلاما بتعملوا الى عليكم يا بنتى وربنا شايف ده يبقى ميهمكوش ولا دكتور ولا غيره ادعى انتى ربك زى ما قلتلك وميهمكيش حد ما شى يا حبيبتي يلا انا هقوم انام
هنا: ربنا يخليكي لينا
الام:ويحفظكوا ليا يا حبيبتي وباست راسها ومشيت
هنا:تصبحى على خير
الام بإبتسامه:وانتى من اهله
ارتاحت هنا لما سمعت كلام مامتها ودعت ربنا يسترها معاها فى مادة بكره دى لان دى مادة د حسام
____________________________
:احمد استنى احنا وسط الناس متشدنيش استنى
احمد بعصبيه : بس مش عايز اسمع صوتك فاهمه
حنين سكتت لما شافته متعصب اخدها وطلعوا على اوضتهم دخلها وسابها وراح الحمام
حنين : ليه ده كله مش فاهمه ما اى حد بينزل البحر
احمد طلع وهو بينشف شعره : ادخلى غيرى هدومك دى يلا يا هانم
حنين دخلت بضيق واخدت هدوم وراحت الحمام
بعد شويه طلعت وهى لفه فوطه على شعرها
احمد بصلها : الى حصل ده ميحصلش تانى سامعه الكلمه لما اقولهالك تسمعيها تطلعى يعنى تطلعى
حنين بضيق: انا مش فاهمه الى حصل لده كله عملت ايه يعنى ها
احمد بتهكم : عملتى ايه وبتسألى ما انتى مكنتيش شايفه نفسك والميه واصله لرقبتك خلاص لا والمصيبه بتغطسى كمان فى الميه انتى مجنونه يا بت انتى بتختبرى صبرى
حنين بعصبيه : يووه محسسنى انى روحت لاخر البحر ما انا كنت قدامك وجمبك وبعدين انا بعرف اعوم الكلام ده تقوله لما اكون مبعرفش بس طلاما واخده احتياطاتى ايه المشكله مش ذنبى انك خواف
احمد :خواف ده الى قدرتى عليه انتى مالك واخداها بسهوله البحر مش زى مانتى فكراه البحر غدار فأى لحظه ممكن مش الاقيكى افهمى انا خايف عليكى وانتى وخداها بهزار وبتضحكى
مشى وسابها ورزع الباب وراه
__________________________
تانى يوم هنا راحت الكليه وهى قلقانه
سلمى : ايه يا بنتى مالك اهدى كده
هنا :مش قادره خايفه اوى يا سلمى خايفه اشوفه اكتر من الامتحان نفسه
سلمى: اهدى يا بنتى متقلقيش ربنا معانا بإذن الله ميهمكيش لا الدكتور ده ولا الماده بتاعته ربنا على الظالم
هنا : يارب يلا عشان فاضل عشر دقايق
سلمى :يلا
دخلوا الامتحان والورق اتسلم وفجأة دكتور حسام دخل اللجنه وهنا كانت بتحاول متبينش قلقها وتتماسك
حسام : طبعا كل نقطة فى الامتحان انا حاططها الامتحان سهل ومش صعب بس عايز تفكير وبالتوفيق ان شاء الله قال اخر جمله وهو بيبص لهنا بسخريه وبسبب نظرته زاد خوفها اكتر وبعدين بدأو يحلوا الامتحان
______________________
تانى يوم حنين صحيت ولقت احمد نايم على الجنب التانى بصتله كويس لانها كانت قلقانه عليه امبارح لما اتأخر قامت دخلت الحمام وبعدين راحت تجهز فطار على لما يصحى وكانت محتاره ما بين تكلمه ولا تخاصمه بس سابت التفكير ورنت على حماتها هى الى هتفهمها تعمل ايه لانها اكيد فاهمه ابنها اكتر منها
__________________
هنا طلعت من الامتحان وهى بتعيط والواضح انها مكنتش لوحدها لان تقريبا تلت اربع الدفعه كان كده من صعوبة الامتحان
سلمى : ابن ال.. لا وبيقول الامتحان سهل ابن ...
يلا ربنا ينتقم منه
هنا : انا خايفه معديش واشلها
سلمى :خير ان ان شاء الله يا هنا احنا عملنا الى علينا وان شاء الله هتعدى بساتر ربنا
هنا :يارب يارب عديها بسترك ملناش غيرك
:ايه مالك بتعيطى ليه
هنا بصدمه :انت..
•تابع الفصل التالي "رواية حنين" اضغط على اسم الرواية