رواية عشق الاسد كاملة بقلم ندي سامي عبر مدونة دليل الروايات
رواية عشق الاسد الفصل الاول 1
ايه الى انت بتقوله ده يا بابا انت شايفنى طفله عشان تجيبلى واحد يحرسنى
– ايوه يا عشق بتصرفاتك الطايشه دى فايوه انتى محتاجه حد يبقى معاكى 24 ساعه
عشق : يا بابا بس ..
– من غير بس انا قولت إلى عندى البودى جارد هيكون موجود بليل
قال كده و مشى و هى نفخت بضيق و طلعت جناحها
( عشق 21 كليه تجاره انجلش قسم اداره اعمال .. بشرتها بيضه و عيونها عسلى و شعرها بنى مشقر شخصيه عنيده جدا و مش بتحب حد يمشى كلامه عليها و كمان لبسها مش احسن حاجه و اغلب صحابها وحشين و مفيش غير بنت واحده الكويسه … بنت رجل من أغنى رجال الأعمال ” احمد الشرقاوي” و مامتها سوريه كانت السكرتيره بتاعت باباها قبل ما يتجوزو بس هى اتوفت )
~~~~~~~~ فى جناحها
طلعت عشق و رزعت الباب وراها و قعدت على السرير بضيق و بعد شويه فونها رن و لقت واحده صحبتها فردت
_ ايه يا عشق برن عليكى من بدرى مش بتردى ليه
عشق : معلش حصل حوار مع بابا و مكنتش اعرف انك بترنى
_ طيب هتيجى بليل فى حفله
عشق : فين
_ عندى فى البيت حفله لينا و الشله و ناس من الجامعه
عشق : تمام على الساعه كام
_ تعالى فى اى وقت بس هى الحفله الساعه 9 ل 2
عشق : تمام اقفلى بقى أما اشوف هلبس ايه
_ اشطات يا عسل باى
قفلت معاها و قامت دخلت اوضه اللبس و قعدت تدور على حاجه تلبسها لحد ما لقت فستان اسود قصير و مفتوح من الضهر و استقرت عليه فشالته على جمب و جهزت اكسسوريز و طلعت الميكب عشان لما تيجى تجهز و نزلت تحت
~~~~~~~~ تحت
نزلت لقت باباها قاعد قدام التليفزيون فقربت منو و قعدت جمبو
عشق : بابا حبيبى انت لسه زعلان منى
_ …..
عشق : خلاص بقى يا حوده متبقاش قفوش
احمد : ايه حوده دى انا ابوكى
عشق : ايه يعنى اما ادلعك شويه
احمد : خير عايزه ايه
عشق : احم انا هروح لچاسمين الفيلا انهارده عشان عاملين حفله
احمد بعصبيه : چاسمين تانى يا عشق انتى مبتزهقيش
عشق : يا بابا صحبتى و انت عارف مش هقدر ابعد عنها
احمد : يا بنتى الصحبه دى مش كويسه و هتضيعك ما انتى عندك غاده صحبتك بنت محترمه و طيبه دى اكتر واحده انتى مقلله كلام معاها و رايحه للش*مال
عشق : يوووه يا بابا بقى كل مره تقولى كده انا مينفعش مروحش الحفله
احمد : ماشى روحى بس هيبقى معاكى اسد
عشق : اسد مين
احمد : البودى جارد إلى جايبه ليكى
عشق : يا بابا ايه ده لا طبعا هيبقى شكلى ايه و انا داخله و معايا واحد يحرسنى و يبقى معايا فى كل حته هو انا طفله
احمد : يعنى هما الممثلين ولا المشاهير اطفال ما هما بيمشو ببودى جاردات برضو
عشق وهى بتقوم بضيق و توعد : طيب يا بابا خليه يجى
عشق فى سرها : والله لاوريك
_ احمد بيه الغدا جهز
احمد : تمام اتفضلى انتى ( كمل لعشق ) يلا عشان الغدا
~~~~~~~~ على الغدا
احمد : الحفله الساعه كام
عشق : من 9 ل 2
احمد : قبل 12 ونص تبقى فى البيت
عشق : هو ايه ده يا بابا هو انا سندريلا الشله
احمد : إلى عندى قولته غير كده مفيش مرواح
عشق باستلطاف : طب يا حبيبتى ما انت قولت إلى اسمو اسد ده هيجى معايا
احمد : سمعتى قولت ايه مش كده !؟
عشق بضيق : يووه ماشى يا بابا بس انا كده مش هلحق اقعد
احمد : مش مشكلتى
قال كده و سكت و كمل اكل و بعد ما خلصو اكل الباب خبط و واحده من الخدم راحت تفتح و راحت لاحمد تانى
_ فى واحد بيسأل على حضرتك يا بيه و بيقول اسمو اسد
احمد : دخليه طبعا
دخل اسد و احمد استقبله و قعدو فى الصالون
~~~~~~~~ ف الصالون
احمد : بص يا ابنى انا جبتك عشان واثق فيك و أن انت الى هتعرف تظبطها انا مش عايزها تمشى كلامها عليك و متقولش انا ممكن ازعل لو عملت حاجه بالعكس أنا عايزها تتلم و انا يا ابنى مش قادر عليها و عايزها تبعد عن شله صاحبها إلى هى ريحالهم انهارده دول و عايزك لو حصل اى حاجه تحميها و تبقى معاها
اسد : متخافش حضرتك كل حاجه هتبقى تمام و تحت السيطره أن شاء الله
احمد : أن شاء الله بص هى رايحه الساعه 9 حفله فى بيت صاحبتها مع الشله إلى بقولك عايزها تبعد عنهم عايزك عينك عليهم و على طول معاها تمام هى عنيده شويتين تلاته كده فهتقولك متدخلش متسمعش كلامها مهما تعند معاك انا عارف انت هتعانى من الموضوع ده بس المهم هى الساعه دلوقتى 7 ونص يعنى شويه و تلاقيها نازله عشان بتروح بدرى عايزك تروح معاها و تفضل ملازمها
اسد : تحت امرك متقلقش كلو هيبقى تمام أن شاء الله وانا كده كده مش بحب العند و بعرف اتعامل مع الناس العنيده كويس فمتقلقش
احمد : وانا واثق فيك يا ابنى
( اسد 25 ببشره مايله على السمار عينو لونها اخضر و شعرو اسود .. وسيم جدا و عندو عضلات بس شكلها حلو و عصبى بس بيعرف يتمالك اعصابو أحياناً و عنيد مع الناس العنيده و بيعرف ياخد حقه بطريقتو بس طيب جدا و حنين و كاريزما و فى حاجه كمان هنعرفها مع الاحداث )
بعد نص ساعه نزلت عشق و هى لابسه الفستان و فارده شعرها و حاطه ميكب خفيف و كان شكلها حلو جدا
عشق : بابا حبيبى انا خارجه
احمد : استنى يا عشق تعالى
راحتله عشق بملل و هى عارفه هو هيقول ايه : نعم يا بابا
احمد و هو بيشاور على اسد : ده اسد هيبقى معاكى ع طول
عشق بملل : اهلا وسهلا انا ماشيه يا بابا عشان هتأخر
احمد بص لاسد بمعنى وراها و فعلا طلع وراها
~~~~~~~~ برا
عشق كانت لسه هتركب العربيه لقت اسد بيقفل الباب و فتحلها الباب الى ورا
عشق : ايه ده بتعمل ايه
اسد ببرود : اركبى ورا انا إلى هسوق
عشق : لا انا بعرف اسوق روح شوف وراك ايه
اسد : انتى إلى ورايا
عشق : ايه !!؟
اسد ببرود : ايه ؟ اركبى يلا لو مش عايزه تروحى مفيش مانع
عشق : انت ايه عضلاتك إلى مقويه قلبك دى
اسد : واضح أننا مش هنخلص لو مش عاجبك الباب وراكى ارجعى مكان ما خرجتى
عشق : انت فاكر نفسك مين عشان تقولى كده
اسد : بلاش شغل التكبر ده ده ابوكى مش متكبر كده مش عارف جايبه الثقه و الغرور دول منين امال لو كنتى حلوه شويه
عشق بصدمه : انت قليل الادب على فكره انا لولا انى متأخره و لازم اروح كان هيبقى فى تعامل تانى
قالت كده و ركبت العربيه و قفلت الباب وراها جامد و اسد بصلها ابتسم بانتصار و ركب
اسد : رايحه فين
عشق : فيلا ****
مشى سليم بيها من غير ولا كلمه طول الطريق و كل ده عشق بتستحلفله
_______________________
فى فيلا صاحبتها
دخلت عشق و لقت أن اسد داخل وراها فلفتله بعصبيه فجأه وهى ماشيه و هو كان ماشى وراها فخبطت فيه
عشق بوجع : اه يخربيتك انت ايه حديد
فضل باصللها ببرودة و سكت
عشق : انت مش ناوى تمشى
اسد : لا
عشق : هو ايه الى لا هتدخل تعمل ايه يعنى
اسد : دى اوامر
عشق : استنى برا عند العربيه
جت تمشى لقته ماشى وراها فوقفت تانى
عشق بانفعال : ايييه بقى ما تمشى
اسد : قولت لا دى أوامر ولازم افضل معاكى
عشق بصتله بعصبيه و مشيت و هو راح وراها لحد ما دخلو الحفله و راحتلهم صاحبه عشق و كان شكلها وحش جدا و خاصتا باللبس إلى لابساه
_ ايه يا بنتى اتأخرتى ليه ( بصت لاسد و قالت بإعجاب ) مين المز
عشق بضيق : كان فى رخامه بعيد عنك يلا يا بنتى ندخل
_ استنى بس اما نتعرف على القمر ده
قربت منو وراحت تسلم عليه و قالت بدلع : هاى انا چاسمين وانت
اسد بقرف : اسد
چاسمين : اسمك حلو زيك
ابتسملها ابتسامه مزيفه و سكت و عشق شدت چاسمين و مشيت و اسد مشى وراهم
بعد وقت من الحفله و طول الوقت اسد كان مع عشق جه فى نص الحفله چاسمين و شله بنات و ولاد شدوا عشق عشان تروح معاهم و اسد كان رايح معاهم بس عشق وقفته
عشق : ايه هتدخل بينى و بين صحابى كمان عايزين نقعد لوحدنا
اسد : صحابك دول لما يبقو بنات بس و كويسين إنما مش دول وانا عندى اوامر افضل ملازمك
عشق : يخربيت الأوامر و بعدين انت مالك صحابى كويسين ولا لا و بنات ولا لا كنت جوزى وانا معرفش
جاسمين : بقولك ايه يا قمر ما تفكك من الأوامر و تدخل معانا الشله وانت عسل كده
عشق : احنا هنهزر ولا ايه يا چاسمين فكك منو يلا وانت استنى هنا مش هيحصل حاجه يعنى
اسد سكت وهى مشيت معاهم و هو استنى 5 دقايق و راح وراهم
~~~~~~~~ عند الشله
كانو قاعدين كلهم و فجأه واحد من الشباب جاب ازازه و وزع منها على كله
عشق لجاسمين : هو ايه ده
جاسمين بكدب : معرفش تلاقيه عصير اشربى و خلاص
عشق كانت لسه هتشرب بس اسد أتدخل و خد منها الكاس و رماه على الأرض
اسد بعصبيه : انتو ايه القرف إلى بتعملوه ده بتشربو خم*ره انتو للدرجاتى متعرفوش ربنا
_ ايه يا نجم انت ما تروق انت مين اصلا
اسد : بلاش اعرفك انا مين
قال كده وشد عشق وهى بتحاول تمنعه بس مش عارفه فاستسلمت ف الآخر لحد ما ركبو العربيه و مشيو
_______________________
فى الطريق
عشق : انت ايه إلى عملتو ده و ازاى تكلم صحابى كده
اسد : اكلمهم عدل لما يبقو هما عدلين اصلا و ياريت تسكتى عشان كلمه كمان و هعرف باباكى انك بتشربى
عشق سكتت بخوف انو يقول لباباها عشان هى عارفه انو لو عرف مش هيسكت و كمان هى مكانتش تعرف أن دى خم*ره
_______________________
فى الفيلا
احمد : ايه ده جيتو بدرى
عشق مرتدش و طلعت على جناحها بضيق من إلى اسمو اسد ده و اسد فضل تحت مع احمد
احمد : ايه إلى حصل مالها
اسد : مفيش حضرتك عارف انها اكيد هتبقى مضايقه من وجودى
احمد : ايوه عندك حق معلش يا ابنى استحملها هى عبيطه والله بس بتمثل التكبر و الغرور و حاجات كتير عشان محدش يجى عليها
اسد بصوت واطى : هى من ناحيه عبيطه فهى عبيطه فعلا
احمد : بتقول حاجه يا ابنى
اسد : لا يا فندم .. اى خدمه تانى
احمد : لا تسلم هى لو جت تروح حته تانى هقولك
اسد : تمام عن اذنك
_______________________
بعد يومين
عشق : صباح الخير يا حبيبى
احمد : صباح النور يا حبيبتى صاحيه بدرى يعنى
عشق : رايحه الجامعة
احمد : ياه عشق هانم نازله الجامعه اخيرا
عشق : يا بابا م انت عارف انى مش بحب الجامعه
احمد : معلش يا حبيبتى ما لازم تروحى عشان متسقطيش يرضيكى الناس تمشى تقول عليكى الساقطه اهى
عشق : لا طبعا يا حبيبى ما انا بذاكر فى البيت المهم سيبنى افطر عشان الحق انزل
احمد : ماشى يا لمضه كلى
عشق كلت و سلمت على باباها و حمدت ربنا انو مجابش سيره اسد بس خرجت لقته واقف مستنيها عند العربيه
عشق بملل : حقيقى انت لازقه
ابتسملها اسد بسماجه و فتح باب العربيه عشان تركب
عشق فى نفسها : شوف رغم كل ده قمر بس برضو لااا
اسد : عارف انى حلو بس هتتاخرى
عشق : يلهوى على الثقه مش يمكن بشتمك فى سرى مثلا
اسد ببرود : يلا اركبى
عشق بصوت واطى : بارد
قالت كده و ركبت و هو بصلها ببرود و ركب و بدأ سواقه
_______________________
فى الجامعه
وصلو و عشق نزلت و اسد نزل وراها فبصتلو بضيق و مشيت و هو فضل وراها لحد ما دخلت المدرج و فضل على الباب و عمل مكالمه بعد ما هى دخلت
~~~~~~~~ جوا
كانت جاسمين كل شويه تكلم عشق لحد ما الدكتور شافهم بس للاسف شاف عشق بس و هى بتتكلم
_ الانسه إلى بتتكلم ورا
المدرج كلو هدى و بص مكان ما الدكتور بيبص و كان مكان عشق و صحابها و هما بصو للدكتور باستغراب
_ إلى لابسه اسود تطلع
عشق باستغراب : انا !؟
_ ايوه تقدرى تقولى كنت بقول ايه
عشق : …..
_ طبعا ما لازم متبقيش عارفه بقول ايه و انتى عماله ترغى جمبك ولما نشيلكو الماده بتزعلو
عشق : حضرتك بتكلمنى كده ليه انا معملتش حاجه اصلا
_ صوتك ميعلاش وانتى بتكلمينى سامعه
عشق : لا ما انا مش فاهمه حضرتك بتكلمنى كده ليه انا كنت بسألها على حاجه فى المنهج على فكره
_ اطلعى برا
عشق : اي…
_ براااا و اعتبرى نفسك شايله الماده
عشق خدت حاجتها و هى حابسه دموعها و نزلت و بصت للدكتور و فتحت الباب و خرجت جرى و اسد استغرب و راح وراها لحد ما هى راحت فى مكان فاضى فى الجامعه و قعدت تعيط
اسد : مالك حصل ايه
مرتدش عليه و فضلت تعيط فقعد جنبها و أداها منديل
اسد : اتخانقتنى مع حد جوا
عشق بصوت رايح : مع الدكتور
اسد باستغراب : ازاى حصل ايه
عشق : جاسمين كانت بتكلمنى ولما رديت عليها الدكتور قومنى و قالى كنت بقول ايه و لما معرفتش ارد زعق و قال عماله ترغى مع إلى جمبك ولما نيجى نشيلكو الماده بتزعلو و فى الآخر طردنى و قالى اعتبرى نفسك شايله الماده
اسد : طب اهدى طيب انتى كان عليكى دكتور ايه
عشق : دكتور محمد شافعى
اسد : بجد ! طب حلو متيسره ده صاحب ابويا تعالى
عشق باستغراب : هتعمل ايه
اسد : تعالى بس
قومها و راح جابلها مايه و بعدين راحو مكتب الدكتور و استنوه لحد ما جه
~~~~~~~~ فى المكتب
محمد (الدكتور) : ايه ده اسد عامل ايه
اسد : الحمدلله ازى حضرتك
محمد : الحمدلله ابوك عامل ايه وحشنى اوى
اسد : والله لو عرف انك هنا هيجى جرى كل شويه يقولى عايز اشوفه بس انت كنت غيرت رقمك و معرفش يوصلك
محمد : اه غيرت الخط هبقى اديك الرقم
بص لعشق إلى قاعده و قال : خير مش المفروض بنستاذن قبل ما نخش ولا م صدقتى انى مش موجود
اسد : لا هى معايا
محمد باستغراب : معاك ازاى
اسد : تبعى يعنى كنت عايز اعرف ايه إلى حصل مع الدكتور بتاعها و عرفت انو انت و ده شئ حلو يعنى
محمد : و اكيد هى حكتلك حصل ايه
اسد : ايوه بس كنت عايز اسمع من حضرتك يعنى
محمد : الهانم قاعده فى المحاضره بتتكلم مع صاحبتها و لما قومتها اسألها كنت بقول ايه معرفتش ترد و كانت بتتكلم بطريقه وحشه و كدبت قالت بتتكلم فى المنهج و لو سألتها دلوقتى حاجه عنو مش هتعرف ترد
اسد بص لعشق و بعدين بص لمحمد و قال : طب معلش عشان خاطرى انا اخر مره هتحصل اعتبرها عيله و غلطت
عشق بصتله بصدمه بس سكتت عشان متشيلش اكتر ماده بتكرها
محمد : اخر مره عشان خاطرك انت بس يا اسد إنما المره الجايه هتوصل لانى اقول لوالدها
اسد : تمام شكرا ليك جدا … هات بقى رقمك عشان اديه لبابا
محمد اداله الرقم و اتكلمو شويه و اسد خلى عشق تعتذر و خرجو
~~~~~~~~ برا
اسد بغمز : اشكرينى بقى لولايا كان زمانك شايله الماده
عشق بابتسامه : شكرا بجد
اسد بتمثيل الاستغراب : ايه ده انتى شكرتينى فعلا !؟
عشق : تصدق انك بارد
اسد : عارف
كانو واقفين و جت واحده مره واحده بتجرى على اسد و بتحضنه
_ اسدددد وحشتنى اوى بقالى كتير مشوفتكش
اسد : ايه ده انجى عامله ايه
انجى : الحمدلله انت عامل ايه
اسد : الحمدلله مكنتش اعرف انك فى الجامعه دى
انجى : ياااه انا هنا من زمان انت بتعمل ايه هنا
عشق كانت بتبصلهم بغيظ و اسد بصلها و قال : كنت جاى معاها الجامعه بوصلها
انجى بصتلها من فوق لتحت و قالت : و مين دى بقى
عشق و هى بتسلم عليها و مبتسمه باستفزاز : عشق انا عشق وانتى
انجى بقرف : انا انجى كنت صاحبه اسد المقربه زمان و اكيد هبقى مازلت مش كده
قالت كده و هى بتبص لاسد و هو بصلها و ابتسم و سكت
قالت كده و مشيت و اسد مشى وراها لحد ما خرجو من الجامعه
اسد : انتى معندكيش محاضرات تانى
عشق : لا .. هروح اجيب حاجه من الصيدليه و اجى
اسد : قولى عايزه ايه طيب و انا هجيب
عشق : لا هروح انا خليك
اسد : مينفعش تروحى مكان لوحدك
عشق : ما هو انت برضو مينفعش تيجى معايا
اسد : ليه يعنى ايه الى خلاه مينفعش
عشق بصتله و سكتت فهو فهم
اسد : احم طيب روحى بسرعه
راحت عشق و اسد سابها بس كانت عينو عليها لحد ما لقى حد بيضايقها فراح بسرعه
اسد : ايدك يا وحش عايز ايه
_ وانت مالك دى خطيبتى
اسد : خطيبه مين يلا انت اهبل
الوالد اتوتر و حس أن اسد يعرفها بس مبينش وراح ناحيه عشق و لسه هيشدها اسد ضربه بالبوكس و مسك فيه لحد ما الواد جه واحد صحبو و …..
_______________________
- يتبع الفصل التالي اضغط على ( رواية عشق الاسد ) اسم الرواية