رواية حطمت قلبي كاملة بقلم لولا عبر مدونة دليل الروايات
رواية حطمت قلبي الجزء (2) الفصل الثاني و العشرون 22
مريم بخوف سندته واكملت مالك يازين فيك ايه يا حبيبي فاجاه فقد وعيه تماما وهي مسكاه
مريم بصراخ زييين واكملت بعياط عمو ادهم حد يجيي بسرعه
ادهم بخوف في ايه يا مريم ايه ده ماله زين
ندي بصدمه ابني ونزلت حضنته واكملت بعياط مالك يا نن عيني فيك ايه
ادهم بحده اوعي يا ندي مش وقته دلوقتي عايز اشيله من الارض
وفعلا مريم وادهم قوموا زين ونيموا في السرير
ادهم حصل ايه مريم وصله لكده
مريم بعياط وهي قاعده جمبه اكملت معرفش دخلت اصالحه لقيته تعبان ووقع مش عارفه يا عمو ماله
ندي جابت برفيوم وابتدت تشممهوله وهي بتعيط يازين فوق يا حبيبي متوجعش قلبي عليك
زين وهو بيفتح عينه اكمل بوجع اااه اااه
مريم بعياط مالك يا حبيبي سلامتك من ال اه فيك ايه يازين
ندي بعياط حصل اي ياقلب امك قولي يا حبيبي
زين تجاهل مريم وباس راس امه بتعب واكمل بصوت ضعيف معرفش يا امي انا دوخت وتعبت وحاسس جسمي واجعني
ادهم بخوف قوم نكشفلك يا حبيبي نشوف ده من ايه
زين بتعب لا مش قادر اتحرك سبوني عايز انام وانا هبقي اكشف
ندي بعياط يابني علشان نطمن ارجوك
زين متقلقيش يا حبيبتي انا بخير هو ارهاق عادي وبرد في المعده اكيد علشان رجعت
مريم بدموع انا شايفه انك تكشف احسن يا حبيبي علشان نطمن اكتر
زين بحده وهو بيفرد جسمه واتغطا اكمل انا عايز انام يابابا لو سمحتوا برا
ادهم بحزن حاضر يا زين ومسك مريم واكمل يلا يا مريم
مريم بدموع باست راس زين وهو مغمض وخرجت
زين فتح واكمل هي اللي عملت كده ??
ندي بدموع بتحبك يابني متبقاش قاسي علمها غلطها
زين بحزن ربنا يسهل يلا عايز انام وخرجت ندي وقفلت
زين بدموع بحبك اكتر من نفسي بس مصدوم فيكي يا مريم وياريت مرتاح بردو تعبان لتعبك ده
———————————–
مريم طلعت من عند زين بتعيط
ادهم بحزن حضنها واكمل حقك عليا انا عارف انك مكنش قصدك كل ده وهو والله بيحبك بس زعلان شويه انما زين ميقدرش يعيش من غيرك يا مريم
مريم بعياط ولا انا يا عمو اقدر اعيش من غيره و اول مره في حياتي ازعله ووعد مش هكررها بس يسامحني بس
ادهم باس راسها واكمل هيسامحك والله انتي بس زني
مريم بدموع يارب بجد
مكه مريم تعالي عايزاكي
ادهم بحب يلا روحي مع اختك ولو زين صمم سيبهولي انا
مريم بدموع ماشي ياحبيبي
ومكه خدتها ودخلوا الجنينه
مكه بحزن انا وسليم اتصالحنا يامريم خلاص وحقك عليا انا السبب فكل ده يارتني ماقولت هروح ولا زفت بس اوعدك هصلح علاقتك بزين
مريم بفرح مسحت دموعها وخدت اختها في حضنها واكملت كفايه انتي وسليم اتصاالحتوا دي عندي بلدنيا ان ربنا اخيرا هداكي وفكرتي بعقلك
سليم بضحك ده مرمطت اهلي
مريم بضحك حصل بس المهم النهايه ايه يا سولي
مكه بدموع انتي ازاي كده
مريم كده ازاي
مكه بدموع انتي بتموتي من جواكي وواقفه بتضحكي وفرحانلي علشان تداري وجعك ليه يا مريم انا عارفه انك مش كويسه
مريم بدموع انا حقيقي مش كويسه بس كفايه عليا اني اطمنت عليكي وزين هصالحه متقلقيش انتي بنتي يا مكه مش بشوفك اختي التؤام لا انا بحافظ عليكي وبحبك كانك بنتي
مكه حضنتها وهي بتعيط واكملت حقك عليا يا نورعين اختك وعد هصلح كل حاجه وهنبدا بأسر علشان صاحي
سليم عرفتي منين انه صاحي
مكه مش ناقصه ذكاء اهو بلكونه اوضته منوره كمان اسيل عنده مش هينام غير لما تمشي
مريم بخوف مابلاش انهارده
مكه. بخوف صدقيني خايفه اكتر منك بس لازم نصالحهم عاجلا ام اجلا
سليم يلا يلا يبقي يكلمكم انا معاكم
مريم بضحك ما بلاش فتحه الصدر دي
سليم ضحك واتجهوا انهم يطلعوا
في اوضه اسر
اسيل ممكن تهدي عمال رايح جاي في الاوضه خايلتني
اسر بحده انا هطق هتشل ازاي عرفوا يعملوا كده انا اخواتي يطلع منهم كل ده
اسيل بتنهيده مفيش حد مبيغلطش يا اسر المهم يتعلموا من الغلط ده
اسر بحده غلط عن غلط يفرق
اسيل علشان خاطري مش انت وخالي عليهم يا اسر صالحهم وخلي خالي يصالحهم
اسر بحده بتستعبطي انتي صح يصالح مين دول لازم يتربوا الاول
والباب خبط فتحت اسيل
اسيل ادخلوا
اسر مين يا اسيل
مكه بدموع احنا يا حبيبي
اسر بحده انا مش عايز اتكلم مع حد خالص
سليم بهدوء ممكن تكبرني يا اسر انا جاي معاهم اقعد واسمعهم علشان خاطري
اسر بحده خاطرك كبير يا سليم بس فعلا مش طايق ابص في وشهم
سليم بقولك علشان خاطري
اسر بتنهيده قولوا اللي عندكم
مريم ومكه من غير مايترددوا حضنوا وهما بيعيطوا واتكلموا وهما في حضنه
مكه بعياط حقك عليا يانورعيني عارفه اني غلطت وان مكنش يصح اكلم اي حد اصلا بس انا كنت غبيه وكنت فاكره اني كنت بغيظ سليم فهيتكلم بس ورحمه اخوك اول ما مرات عمي قعدت معايا ونصحتني غيرت رايي وقولت علشان بس عزمني هروح كاعيد ميلاد عادي بس بردو ده غلط ومريم كانت قصدها تثبتلي انه وحش فكانت هتتأذي انا لو اعرف كل ده كان هيحصل مكنتش عملت كده ابدا واالله ما هكررها
مريم بعياط انت عارف اختك يا اسر اختك لو مشيت وسط مليون راجل بتعرف حدودها كويس اوي بس كنت بفوق مكه من دماغها الغلط فكل تصرفاتها وعلشان عارفه مدي حبها لسليم واكملت بانهيار مكنتش اقصد اكسر ثقاتكم فيا ابدا ولا اكسر زين بلطريقه دي حقك عليا يا غالي حقك عليا زعلك واجعني يا اسر
اسيل بدموع اسر وحياتي خلاص هما ندموا
اسر بدموع خلتوني ضعيف مابين عايز اضربكم علي اللي عملتوا ومابين عايز اسامحكم
مكه بعياط والله غلطه ومش هتكرر
مريم بعياط اه والنبي وحياه اسيل خلاص
اسر بدموع ضمهم ليه وقال خلاص مش زعلان
مكه بفرح بتتكلم جد
مريم بفرح بجد مش زعلان
اسر بحب وهو بيمسح دموعهم اكمل لا مش زعلان واكمل بحب وهو حاضنهم انا لو بقسا عليكم فعلشان بحبكم انا مليش غيركم انتوا والاوزعه اللي تحت واكمل بتنهيده حزينه ادم الله يرحمه وانا الراجل اللي فيكم فواجب عليا اخاف عليكم واحميكم طول حياتي حتي وبابا موجود
مكه بدموع ربنا يخليك لينا يا غالي
مريم بدموع ربنا ميحرمناش منك يا نورعيني ويرحم ادم يارب
اسيل يارب وميحرمنيش منك انا كمان
سليم بضحك دول اخوات انتي ايه حشرك دلوقتي
اسيل راحت مسكته من جاكته واكملت بضحك ملكش دعوه يابن عمي بلموضوع ده علشان مزعلكش وراحت حضنت اسر واكملت وهي بتطلع لسانها جوزي وبقول ربنا يخليه ليا ايه غايزكم انتوا. اللي متغاز مننا يعمل زينا
اسر بضحك قلب جوزك من جوه اصلا
سليم بضحك طب تعالي يا مكه نعمل زيهم
اسر بحده تعمل ايه ياحيوان انت عايز تحضن اختي ويبجاحتك بتقولها قدامي كمان اتظبط بدل ماظبطك
سليم بضحك خلااااص يخربيتك ماصدقت اتفتحت وغمز لمكه واكمل ماترضي عني ونكتب كتابنا يا كوكي
اسر بحده وهو بيقرب منه ياض انت بتتغمز فيها قدامي انت اتجننت
سليم بضحك خلاص خلاص هتعمل ايه ابعد طيب علشان مزعلكش
اسر وهو ماسكه من قميصه اكمل انا عايزك تزعلني
مكه بضحك بس يا اسر سيبه
سليم بضحك ممكن جدا ازعلك بس صعبان عليا بنت عمي الغلبانه دي. تترمل قبل ماتتتجوز اصلا
اسيل بخضه يخربيتك بعد الشر عنه يخش اللي يكرهوا
اسر بضحك ياض انا مش عايز اخرشم وشك ماصدقت البت رضيت عنك فمش عايزها تخاف وتسيبك لما تشوفك متبهدل
مكه بضحك لا عادي حتي لو ايه بحبه بردو وهاخده
اسر هو انتي يابت معداش عليكم مبدا التربيه ده خالص الصبح ايلين وبليل انتي هي مريوم المحترمه
اسيل بضحك الحب يعمل اكتر من كده
مريم بحزن هو كده كده مش طايقني علشان اقول عن اذنكم عايزه انام
اسر استني يا مريم وراح وقف قدامها واكمل بيحبك والله هو بس تقلان شويه علشان زعلان يهدي وهيصالحك
مريم بدموع عارفه يا اسر عن اذنك
سليم طيب يلا يا مكه علشان اخوكي ينام
مكه بحزن يلا وطلعوا
اسيل يلا يا حبيبي هطلع انام انا
اسر بحب باس خدها واكمل ماشي تصبحي علي خير يا نورعيني
اسيل بحب وانت من اهله
عند مكه وسليم
مكه بحزن زعلانه علشان مريم
سليم بتنهيده بكره هنشوف حل كده كده معندكيش محاضرات في الخميس فنصحي بدري نشوف
مكه تمام يلا تصبح علي خير يا حبيبي
سليم بحب باس راسها واكمل وانتي من اهلي يارب
مكه بضحك سليم انا فاهمه انك رومانسي وقمر بس دي بتتقال بين الحبايب الاغراب ياابن خاالي
سليم بضحك يابت انتي عديمه الاحساس خالص طيب وانتي علي اسمي يارب ها دي فيها اغراب او قرايب
مكه بحب لا مفيهاش يارب فعلا
———————————–
في اوضه مراد
عشق بحزن هتفضل صاحي لحد امتي
مراد انتي صاحيه يا عشق
عشق هو انا عارفه انام وانت قاعد حزين كده
مراد بتنهيده تفتكري اي السبب اني دلعتهم زياده وادتهم حريتهم ولا ايه ايه يوصلهم لكده
عشق بحزن مراد هما غلطوا انا عارفه بس دي غلطه ناتجه عن طيش مش تربيتنا ليهم ابدا بناتك قد الثقه وميعملوش حاجه غلط ابدا مقدره صدمتك من اللي حصل بس علشان خاطري هدي نفسك وريح شويه وبكره نشوفهم
مراد بدموع لو زين مكنش راح كانت بنتي ضاعت يا عشق انا مش متخيل كنت هحس بايه بجد
عشق بدموع وهي بتمسح دموعه اكملت لالا والله ماتعيط الف بعد الشر عليها مريم بخير نشكر ربنا متفكرش كده
مراد بحزن غصب عني ياعشق دول بناتي وخايف كانت حاجه تأذيهم
عشق وبناتك عارفين حددوهم والغلطه مش هتكرر ممكن بقي تريح شويه علشان لو هتصحي بدري
مراد صح فعلا فكرتيني علشان بكره رايح المستشفي اطمن علي شاب ضربته بلعربيه من غير قصد
عشق قلبها نغزها فاجاه بس مهتمتش واكملت بصدمه ايه وهو كويس يا مراد ولا لا
مراد مش عارف لسه بكره هشوف علشان مش هيفوق غير بكره
عشق بدموع مش تخلي بالك يا مراد افرض كان حصله حاجه اهله كانوا هيحسوا بايه ده لسه شاب
مراد عشق انتي بتعيطي?? متهزريش انا اكيد مقصدش اضربه هو عدا الطريق والعربيات ماشيه غباء منه
عشق بدموع انا بعيط لان حاسه باهله لو كان جراله حاجه تعرف فات كام سنه يا مراد
مراد بحزن 22 الله يرحمه يا حبيبتي
عشق بحزن ودموع يارب
————————————-
تاني يوم الصبح في اوضه سليم الباب خبط
سليم ادخل
مكه بقولك يا سليم
سليم ساب الكتاب اللي كان بيقرا واكمل تعالي يا كوكي
مكه بفرح لقيت طريقه بس مجنونه شويه
سليم مش عايزين مشاكل يا مكه فكري بعقل
مكه بضحك لا اركن العقل وشوف انا بفكر في ايه
سليم بتنهيده قولي يا اخره صبري
بعد شويه في اوضه زين صحي تعبان جدا ومصدع بص جمبه لقي بوكيه ورد في قمه الجمال وفي كرت مكتوب فيه ( صباح النور يا حبيبي بص انا عارفه اني غلطت وغلطه كبيره بس حقك عليا انت عارف بحبك قد ايه يازين وطالبه منك طلب بعدها قرر تسامحني او لا ممكن لما تشوف الكارت تيجي الاوضه اللي في الجنينه الخلفيه عاوزه اقولك علي حاجه مهمه وارجوك مترفضش بحبك)
زين ابتسم وهو بيقرا واكمل طيب اما اشوف اخرتها معاكي يا بنت مراد وقام لبس وخد الكرت ونزل وراح علي الاوضه فعلا مستني مريم
في اوضه مريم صحيت لقيت بوكيه ورد قمه الجمال جمبها وكرت مكتوب فيه ( مع اني زعلان منك بس صباح النور علي اجمل عيون في دنيتي لما تشوفي الكرت تعاالي الاوضه اللي في الجنينه الخلفيه بحبك)
مريم بفرح لا انا اكيد بحلم ده زين بجدددد وقامت لبست دريس احمر وطرحه من نفس اللون وحطت ميكاب هادي وخدت الكارت ونزلت
في الجنينه واقفين من بعيد عن الاوضه اللي اخر الجنينه ورا الفيلا مكه وسليم
سليم اختك اتاخرت ليه كده زين هيمشي
مكه تلاقيها بتتظبط انا عارفاها
سليم بضحك والله مافي احلي مننا شويه مايه وكريم شعر وبرفان و شكرا
مكه برفعه حاجب تقصد ايه ها
سليم بضحك ولا حاجه يا حبيبتي استني بقي علشان اختك جات وطي
في الاوضه دخلت مريم لقيت زين قاعد االلي مننكرش انه انبهر بجمالها بس بين الجمود
زين بحده خير عايزاني في ايه
مريم بستغراب نعم ازاي يعني منتا اللي بعتلي ورد وقولتلي اجي
زين انتي هتستعبطي انتي بعتيلي ورد وقولتيلي اجي
مريم بستغراب لا طبعا انا معايا الكرت استني اوريهولك
زين ماهو معايا انا كمان
وفي ثواني كان كل منهم بيوري التاني كارته
زين ومريم بصدمه واستغراب في نفس واحد ازااي كده
مكه بضحك وهي بتقفل الباب بلمفتاح اكملت انا وسليم اللي عملنا كده
مريم بعصبيه وهي بتخبط علي الباب تصدقي انك حيوااانه افتحي
زين بعصبيه انتي بتنمري من بدري علي علقه محترمه يا مكه افتحي علشان بعد كده هتزعلي بلجامد
سليم بضحك متقدرش تكلمها ايه يابابا ملهاش حد يقفلك ولا ايه
مكه بضحك حبيبي ياناس وردهالك يا زينو علشان قولت الكلمه دي لاسر قبل كده يلا بقي باي باي يا حبايبي نيجي بعد 5 او 6 ساعات تكونوا اتصالحتوا وكل واحد قال اللي عنده
مريم بعصبيه اتصالحتوا ايه ده احنا نكون موتنا من الجوع والعطش
سليم بضحك وهي دي تفوتنا فطاركم وشربكم عندكم
زين بعصبيه مينفعش اقعد معاها لوحدنا كل ده انتوا مجانين
مريم برفعه حاجب ليه انشاء الله هتحرش بيك ده ايه ااقرف ده
زين بحده لمي نفسك يا مريم انا بتكلم علشان دي اصول افتح يا سلييم ولم نفسك
سليم بضحك لا اذا كان علي الاصول فانت ابن عمها وحبيبها يعني محدش هيحميها ويخاف عليها قدك مش دي بنت عمتي اللي سايبها معاك دي انا واثق فيك ابسط يا عم
مكه بطريقه كوميديه لا ميصحش يا ولدي تجعد معاه لوحديهم التار ولا العار ياولدي لازما تتجوزها وكده كده معروفه البت لواد عمها
سليم بضحك يخربيت الضحك بت اسكتي خالص
زين بعصبيه انا لما اطلعلك يا حيوانه انتي
سليم سيبك منه ميقدرش يعملك حاجه
مكه يلا احنا ياروحي سلام ربنا يهديكم حبايبي هقول للي هيسال انك نايمه يا مريوم وزين برا باي بااااي
مريم بعصبيه اه يا حيوانه انتي
زين بعصبيه سليم انت يااالا مشيوا ولاد اللذينه
مريم بحزن زين انت بجد مش طايق تقعد معايا
زين بعصبيه بيقولك ايه عدي الكام ساعه دول علي خير ونقطينا بسكاتك
مريم بدموع انت ليه بتعاملني كده يا زين والله عارفه اني غلطت بس سامحني ده ربنا بيسامح
زين حتي لو سامحتك ثقتي فيكي مش هترجع يا مريم
————————————-
في الصاله كلهم قاعدين علي الفطار
ادهم اومال فين ابنك يا ندي
ندي مش عارفه يا ادهم منزلش ليه لحد دلوقتي
سليم زين نزل قالي رايح مشوار شوفته
ادهم بستغراب غريبه راح فين ده بدري كده
اسر تلاقي شغل ولا حاجه
عشق فين اختك يا مكه
مكه مريم نايمه يا ماما قالتلي مش جعانه وهتنام علشان سهرت امبارح
عشق ماشي علي راحتها
اسر سيلا فرح واحد صاحبي بعد كام يوم عايزك معايا وروحي مع عروسته الفندق علشان ملهاش اخوات بنات لو مش هتضايقي
اسيل بحب لا طبعا ايه يضايقني يا حبيبي عيوني حاضر
اسر غمز لمازن وعمل بايده تمام
مازن هز راسه ب اه وابتسم
————————————
عند زين ومريم
مريم واقفه بتعمل الاكل والشاي وسرحت بحزن وهي بتصب الشاي بايديها الشمال فدلقت المايه المغليه علي ايديها
مريم بصراخ ووجع ااااه اااه
زين بخوف جري عليها مالك يا مريم
مريم بعياط ايدي اتحرقت
زين بخوف مش تاخدي بالك يا مريم حرام عليكي وفضل يدور في الدولاب لقي مرهم للحروق واكمل بخوف تعالي تعالي وقعدها وقعد جمبها وبدت يحطلها من المرهم
مريم بوجع اااه يا زين
زين بخوف حقك عليا يا حبيبتي معلش
مريم سرحت فيه بدموع وفي حبه الواضح ليها وندمت اشد ندم علي كسر ثقته فيها
مريم بدموع حبيبتك! !!
زين رفع عنيه بص في عنيها واكمل وانتي حد قالك اني بطلت احبك مبطلتش ولا هبطل وده ملوش علاقه بزعلي
مريم بدموع والله بحبك اكتر من نفسي وزعلك مني بيموتني يا نورعيني سامحني واوعدك اني هرجع ثقتك فيا تاني
زين بتنهيده كلي يا مريم بعدين نتكلم
مريم بخبث ايدي اليمين اتحرقت وانت تسلملي ايديك لفتهالي اكل ازاي
زين برفعه حاجب بترسمي علي ايه يابنت عمي
مريم بضحك هزت راسها ب اه واكملت اللي جيه في دماغك
زين بحب عادي يا حبيبتي وجاب صنيه الاكل وبدا ياكل مريم بايديه وهي مبسوطه جدا وبعد ماشبعت مسكت اامعلقه بايديها اليمين
زين برفعه حاجب الله ما اليمين بتتحرك زي الفل اهي
مريم بضحك تتحرك لاجل زين الرجال كلها مش انت اكلتني جيه دوري
زين بضحك لا والله
مريم وهي بتاكله اكملت بحب اه والله يا نورعيني
وبعد شويه مريم اكلته
مريم بحب عملتلك ااقهوه اهو زي مابتحب وعملت ليا شاي احكي بقي
زين مسك منها القهوه واكمل تسلمي يا حبيبتي بس انا عايز اسمعك انتي
مريم بتنهيده حزن انا مش هعرف اوصفلك كميه الوجع اللي انا حاسه بيه بس هقولك حاجه يازين انا عارفه اني غلطت اوي وكنت طايشه في تصرفي وكدبت عليك لاول مره في حياتي وكل ده مش سهل عليا لاني قبل ماتوجع علي غلطي اتوجعت اني زعلت حبيب عمري كله انت فعلا متستاهلش مني كده عمرك ماجيت عليا ولا زعلتني دايما مدلعني ومفرحني بس انا فعلا استغبيت اوي ومش طالبه منك غير تسامحني وتديني فرصه تانيه اثبت اني لسه مريم اللي مش بتخبي عليك مريم اللي بتعشقك مريم اللي عمرها ماتشوف راجل غيرك او تتخيل ان ممكن حد يتجوزها ويبقي ابو ولادها غيرك يازين
زين بحب وانا موافق يا مريم اديكي فرصه تانيه
مريم حضنته واكملت بفرح ربنا يخليك ليا احلي حاجه حصلتلي في حياتي
زين باس راسها واكمل ويخليكي ليا يا نورعين زين من جوه
مريم بضحك بقولك ايه شكلها السهره مطوله هما اكيد مش هيتخيلوا زيي انك كنت تتصالح بسرعه كده فا تعاالي لاعبني كوتشينه
زين بحماس موافق
———————————
في المستشفي
مراد حمدلله علي سلامتك يا حبيبي حقك عليا بس انا مقصدش اخبطك انت عديت والعربيات ماشيه
ادم مش فاهم عربيات ايه وعديت امتي قدام حضرتك
ادهم بصدمه يانهار اسود
مراد بضحك لا متهزرش هو ده بيحصل في الحقيقه
هشام بحده انت فايق تهزر يا مراد
مراد استني بس انت اسمك ايه يا كابتن
ادم بتفكير اكمل بتعب مش عارف مش عارف اجيبه
مراد بصدمه نعم ده ازاي يعني هو ايه اللي مش عارف تجيبه هو برطمان في رف عالي ده اسمك
ادم بتعب بجد مش فاكر حاجه خالص
ادهم مراد الواد ده شكله فقد الذاكره
هشام بحده شكله ?? انت عبيط انت التاني مابيقولك مش فاكر هي محتاجه فكاكه
مراد مين فيكم مخ واعصاب
هشام انا قلب
ادهم وانا باطنه
مراد بضحك وانا نسا والله عيب عيب اوي 3 دكاتره واقفين مفيش فيهم واحد مخ واعصاب
ادهم بحزن ابن عمك الله يرحمه كان مخ واعصاب
مراد بحزن الله يرحمه ويسامحه يا ادهم
هشام طب هنعمل ايه انا هروح انده علي اي دكتور مخ واعصاب
مراد ماشي
بعد شويه جيه الدكتور وكشف عليه
الدكتور بحيره مش شايف سبب واضح لفقدان الذاكره بس كده تبقي فقدان مؤقت يمكن اقصي حاجه 3 ايام
مراد بتنهيده طيب شكرا يا دكتور
ادهم هتعمل ايه كده
مراد بص لادم بحب واطمن ليه جدا واكمل انا السبب في اللي هو فيه هاخده يقعد في اوضه الضيوف لحد مايبقي كويس ويرجع لوضعه الطبيعي
هشام اانا شايف كده بردو
ادهم مفيش مشكله
ادم مش عايز اتعب حضرتك معلش انا همشي هدور علي اي مكان
مراد بحب انت زي ابني مش هتفرق انا معايا اكبر منك 3 يا حبيبي عادي دي فتره لحد ماتبقي كويس واهو ابقي عملت اللي عليا للاخر
ادم مش عارف اقول لحضرتك ايه
مراد لاولا حاجه يلا بينا
———————————
في فيلا السيوفي
مراد عشق الشاب اللي خبطه للاسف فقد الذاكره مؤقت فهيعد معانا لانه حتي مش عارف اسمه فجهزي اوضه الضيوف معلش يا حبيبتي
عشق بحزن يعيني يابني حاضر يا حبيبي. حالا
ثم دخل ادم وظل ينظر لكل من في البيت بابتسامه
ادهم اتفضل يابني اوضتك اهي
ادم شكرا ودخل وشاف عشق ومجرد مشافته قلبها دق بعنف فاكملت مستغربه نفسها ازيك ياحبيبي سلامتك بص بقي مراد اكيد ميقصدش يخبطك بس ده قضاء وقدر وعايزاك اعتبرني زي ماما بلظبط والبيت بيتك طبعا
ادم بابتسامه اكيد يا امي ده الشرف ليا
عشق ادمعت عنيها فهو استغرب واكمل حضرتك مضايقه من ايه
ادم بستغراب الله يرحمه
ايلين نزلت من اوضتها واكملت ماما انتي فين
مراد بتظبط اوضه الضيوف يا ايلي
ايلين بستغراب ليه مين جيه
هشام بضحك ابوكي خبط شاب بلعربيه فقده الذاكره فجابه هنا لحد مانشوف حالته هيحصل فيها ايه الواد حتي مش عارف اسمه
ايلين بضحك يالهوي عليك يابابا يلا انا داخله لماما عايزاها
في الاوضه
ايلين دخلت واكملت مامي عايزاكي في حاجه بس سكتت فاجاه واتصدمت من الواقف امامها وهمست في سرها بصدمه شديده جاااسر
- يتبع الفصل التالي اضغط على ( رواية حطمت قلبي ) اسم الرواية