رواية حطمت قلبي كاملة بقلم لولا عبر مدونة دليل الروايات
رواية حطمت قلبي الجزء (2) الفصل الخامس و العشرون 25
هايدي بعياط مغلطيش لما شبهتي عليا يا عشق انا كنت الست دي واللي كان علي دراعي واللي سكت في حضنك هو ابنك الحقيقي ادم مامتش ياعشق ادم هو ده اللي قدامك ابنك انتي ومراد ادم مراد السيوفي
الجميع اتصدم من الخبر وحل صمت رهيييب وكل واحد منهم في داخله سؤال واحد ازاااي
مراد بدموع كنت واثق من حاجه زي كده و وطي قومه واكمل بدموع انا ابني ميوطيش راسه ابدا لحد حتي لو كان انا
عشق بصدمه نزلت دموع من عنيها واكملت يعني يعني ده ادم وفقدت الوعي
اسر بخوف ماااماا ومسكها قبل ماتقع
مراد بخوف راح عندها واكمل وهو بيضرب براحه علي وشها عشق عشق قومي يا عشق قومي ابنك رجعلك يا حبيبتي وخدها من اسر وطلع بيها اوضتهم وطلعوا وراها
مراد حطها علي السرير وابتدي يفوقها وهو خايف عليها جدا فا الصدمه كانت شديده عليها واكمل بوجع ده اكيد انهيار عصبي هي مش هتستحمل حاجه زي كده
اسر بعصبيه حقهاااا احنا اصلا ازاي نصدقهم دول ناس زباله مش كفايه اللي حصل من تحت راسهم وطلع هو اهو اللي عمل فيك كده يعني مكنتش غلطان
مراد بعصبيه انت بتعلي صوتك عليا انت اتجننت ده اخووك عايز تحبس اخوك يا اسرر
اسر بعصبيه ده مش اخويا اللي يحاول يقتل ابويا ميبقاش اخويا ولا عايزو انا لو كنت اعرف انه زباله كده مكنتش اتمنيت يكون عايش اصلا
مراد ضربه بلقلم بقوه فشهقت اسيل من صدمتها واكمل بحده انت شكلك علشان بكبرك وبحترمك ومديك هيبتك وانك تكرر معاايا كل حاجه شوفت نفسك يا اسر
اسيل بحزن خالي هو اكيد ميقصدش بس ده من خوفه عليك
مراد بحده يقوم يزعق ويعلي صوته ده اللي صح يعني هيكبر عليا يا اسيل خدي جوزك من قدامي علشان انا الللي فياااا مكفيني
اسيل بحزن تعالي يا اسر
اسر مشي بعصبيه وهو طالع شاف ادم واقف بعيد نسبيا عن الاوضه ومعاه هايدي راحله واكمل بحده انا لو كنت اعرف ان هيجي يوم حد يتجرأ ويدخل بيت السيوفي ويحاول يقتل ابويا كنت قتلته بدم بارد حتي لو كان اخويا واكمل بسخريه يا جاسر انت ده لايق عليك اكتر واكمل وهو ماشي انما اخويا ادم مات
اسيل استني يا اسر اسررر
اسر بحده اسيل لو سمحتي سيبيني لوحدي دلوقتي ونزل علي الجنينه
هايدي بدموع حقك عليا يا ادم هما كرهوك بسببي يارتني عرفتك بعد ما طارق مات انا عارفه اني سبب بردو يابني
ادم بدموع انا مش زعلان اسر صح انا فعلا زباله
اسيل بحزن متزعلش منه هو بس متعصب علشان خالي ضربه بلقلم بسببك ودي اول مره خالي يعمل كده لان اسر في البيت زيه زي خالي وكبير اخواته فهو بقي مش طايق نفسه
ادم بحزن انا السبب فكل ده ياريتني اقدر اصلح ده كله بس خلاص
اسيل تقدر تصلح اللي جاي سيبك من اللي عدا يا ادم
ادم بابتسامه هحاول ثم اكمل بوجع يعني انتي قريبتي بس يؤسفني اقولك انتي مين معلش انا اسف
اسيل بابتسامه لا ولا يهمك انا اسيل مازن الكيلاني بنت خالك مازن وعمتك اسراء ومرات الباشا اللي نازل متعصب ده
ادم بابتسامه يعني مرات اسر بردو ده كده قريبتي من 3 نواحي يلا شدي حيلكم بقي وفرحينا بابنكم او بنتكم
اسيل بضحك لالا انت فهمت ايه هو مش جوزي اوي يعني
ادم بضحك ازاي اومال نص جوزك
اسيل بضحك لا بس لسه ده كتب كتاب بس
ادم ااااه الفرح لسه يعني
اسيل بابتسامه اممم بلظبط
ادم ممكن اسألك سؤال
اسيل اكيد طبعا
ادم بعيون فيها دموع اكمل تفتكري هيسامحوني
اسيل بتنهيده حزن امك وابوك فااصلا سامحوك انما لو علي اخواتك البنات اه طبعا والباقي كويس جدا وطيبين بس هي طنط تفهمنا ده حصل ازاي
هايدي بحزن لما تصحي عشق
ادم بدموع واخويا ??
اسيل بتوتر لعبت في صوابعها واكملت هو انا مقولتوش
ادم بدموع خلاص عرفت الاجابه شكرا لصراحتك
اسيل بحزن متزعلش مني بس اديك شوفت اسر في طبيعته حااد اوي واتعود يكون كده من صغره عارف كان في تالته ابتدائي وانا اولي لو حد ضربني كان يعدمه العافيه
ادم بيحبك من زمان
اسيل بحب اه واكملت واتعود يحمي اخوااته البنات خالي دايما كان يقوله ابقي جامد وقد المسئوليه لانك الراجل الوحيد بعدي واخوهم الكبير وكمان شغله بيتطلب حده في المعامله فبقي كده والله حتي انا لما بيقلب عليا بفضل سنه احايل فيه بس لما بيحب اي حد ممكن يضحي بأي حاجه علشانه زي مثلا انه وافق علي مصطفي علشان ايلين عايزاه صحيح كان رافض بس لما لقي ان سعاده اخته معاه قال لو بيحبها ماشي
هايدي بفرح بجد يابنتي
اسيل بابتسامه اه بس الدنيا اتوترت ربنا يستر
هايدي يارب يابنتي يارب
ادم وكان رافض مصطفي ليه علشان ابن طارق ?
اسيل تعرف هو قال كده اه بس مش بلصيغه دي قال علشان ابن اللي قتل اخويا انا كنت محتاجه وهو مصعبش عليه وموته اطمن علي اختي مع ابنه ازاي
ادم بدموع وادي اخوه طلع عايش وهو مش عايزو
اسيل بحزن اللي حصل مش سهل يا ادم وانا قولتلك اسر صعب شويه بس بجد حنين اوي واالله هو بس علشان متعصب انما قلبه مفيش اطيب منه ابيض وبيسامح
ادم بابتسامه بتحبيه اوي كده ده انتي حفظاه جدا
اسيل بحب بعشق امه وربي مش بحبه وطبيعي يابني متربيه معاه وكلنا هنا كبرنا سوا
ادم. تنهد بحزن واكمل يارب نفرح بيكم يا حبيبتي اخوكي الصغير بقي عادي اقولك كده
هايدي بحزن بصتله فهمت هو حزين من ايه علشان كان بيتمني يكبر وسط اهله واخواته عاش حياه مالوش علاقه بيها وبعد كل ده دمر اهله الحقيقين
اسيل بضحك قول اللي يعجبك طبعا ده انت اخو الحب
ادم بضحك طب اتقلي مش قدامي علشان مفضحكيش
اسيل بضحك هو عارف اني واقعه لا تقلق
——————————–
في اوضه عشق كلهم قاعدين مستنين تفوق
عشق فتحت عنيها بتثاقل وكان جمبها مراد فاكملت بتعب مراد
مراد بخوف ايه يا حبيبتي اخيرا صحيتي مالك حاسه بايه
عشق قامت اتعدلت علي ااسرير واكملت بوجع عايزه ابني يا مراد
مراد بحزن ندي لو سمحتي ناديه
ندي حاضر
ندي ادم تعالي كلم مامتك يلا
ادم بخوف دلوقتي ?
اسيل. بضحك متخافش حماتي طيبه اوي
ادم بحزن عارف بس مليش عين اشوفها
هايدي بحزن تعالي يا ادم
في الاوضه دخل وهو عنيه مدمعه وموجوع اوي
عشق شافته قامت بسرعه من علي السرير وحضنته بقوه وبشووق 22 سنه واكملت بعيااط هستيري ااااااه يا ادم اااااه يا نورعيني كنت حاسه بيك يا حبيبي كنت حاسه بيك يا قلبي اول ماعرفت انك عملت حادثه قلبي واجعني يا ادم شوفتك حسيت عايزه اقولك انت ابني واخدك في حضني 22 سنه يا ادم بموت عليك 22 سنه كل عيد ميلادك بروح قبر مفيهوووش ابني وبعيط قداامه اتقهرت عليك واتكسرت واتعاالجت نفسيااا اااه يا عمري انت كويس انك بخير يا قلب امك وفضلت تبوس في خده وتحضنه تاني واكملت بعياط الحمدلله يااااارب الحمدلله مش عااايزه حاجه تاني يااارب الحمدلله يانورعيني انك عايش 22 سنه بحالهم معرفتش اكون جمبك واخلي بالي منك وانت في الدنيا ومش عارفه المحك مش عارفه اخدك في حضني منستكش يوم يا حبيبي كل يوم بعيط من وجعي عليك يا قلبي منه لله اللي حرمني منك منه لله اللي بعدك عن حضني وحرمني من اني اشوفك بتكبر قدام عيني وعصاك علي اهلك منه لله 22 سنه معيشك في وهم وكدب مش مسمحاااك ياطااارق مش مسمحاااك ابداااا ده بللي عمله موتني انا يانورعيني مش انت موتني انا يا ادم كنت بتمني اكون بحلم واصحي الاقيك والحمدلله كان حلم طووويل اووي بس انتهي بوجودك جمبي يا نورعيني الام تستحمل اي حاجه الا ان حد يلمس ولادها وانا كنت بموت عليك كل ليله وانت بعيد عني
ادم بدموع باس راسها واكمل بوجع حقك عليا يا ماما حقك عليا
عشق بدموع هستريه و فرح حضنته واكلمت يا قلب ماما يا قلب ماما يا ادم ماما كانت بتموت من غيرك يا حبيبي وانت جيت وجبت الفرح لقلبي كفايه ماما اللي طلعت من بوقك دي عوضتني كل اللي فات يا حبيبي
ادم بدموع انتي تستاهلي اكتر من كده يا ماما وخلتيني قرفان من نفسي المفروض بعد اللي عملته تضربيني قلمين مش تاخديني في حضنك وتعيطي عليا انا حقيقي حاسس بلقرف تجاه نفسي
عشق بدموع لا يا حبيبي لا انت اه غلطت بس دي تربيه طارق فعملت كده وانا ومراد معندناش اغلي منك انت واخواتك مقدرش اجي عليك يا حبيبي الاهل بيسامحوا اولادهم وبيعلموهم الصح من الغلط ومراد مش زعلان منك
ادم بدموع بس انا مستاهلش كده انا وحش اوي وكنت هقتل ابويا علشان كلب ولايسوي مرحمش حد حتي الناس الغلابه كان بيموتها
عشق بدموع عيب يا ادم عيب يابني انا صحيح قولت منه لله ومش هسامحه بس مراته واقفه ميحصش كلامك ده
هايدي بحزن والله العظيم انا مش مغلطاه هو فعلا كده وسامحيني ياعشق صدقيني انا حافظت علي وعدك ليا وخليت بالي منه وربيته احسن تربيه وبقي دكتور صيدلي بس طارق بوظ كل ده ويشهد عليا ربنا حاولت اعرفه الحقيقه هددني وحاولت امنعه يأذي مراد بردو بس كان طارق مليه كره ناحيه ابوه
عشق راحت عندها واكملت خلاص اللي فات مات يا حبيبتي بس انا عايزه اشكرك علي انك حافظتي علي ابني طول السنين دي ومش عايزه اجي عليكي لاني عارفه كويس خطوره الشخص اللي انتي متجوزاه وانتي مربتيش غلط ابدا والدليل ادب واخلاق مصطفي بس هو طارق قصد يعمل من ابني واحد شبهه فكل حاجه
هايدي بدموع ده حقيقي و مكرر كده من زمان. قال لمراد هيوجعه في حاجه غاليه هي دي
عشق بتنهيده حزينه مش مهم خلاص جوزي بخير وابني رجعلي مش عايزه حاجه تاني
ادم راح ناحيه مراد اللي كان قاعد علي كرسي في الاوضه ووطي لمستواه وباس ايده واكمل بدموع حقك عليا حقك عليا ياباابا كانت تتشل ايدي قبل ماعمل فيك كده مكنتش هسامح نفسي لو بعد الشر حصلك حاجه انا اسف يا حبيبي سامحني ارجوك سامحني واديني فرصه تانيه انا عارف اني حقيير وزباله ومستاهلش ام واب زيكم بس وغلاوه ولادك ادي فرصه لادم انما جاسر مات من انهارده انا ادم وبس ادم مراد السيوفي
مراد قومه ومسح دموعه واكمل وادم مراد السيوفي مبيعيطش ولا حاجه في الدنيا تهزه مسامحك يا حبيبي خلينا في اللي جاي
ادم حضنه بحب واكمل ربنا يخليك لينا يارب
ادهم بضحك مفيش حضن لعمك ولا كله لماما وبابا بس
ادم بحب لا طبعا فيه وحضنه
ادهم بحب ربنا يحميك ويخليك لينا يا حبيبي الف حمدلله علي سلامتك
ادم بحب الله يسلمك يا حبيبي
ايمان بدموع تعالي في حضني يا قلب ستك تعالي
ادم باس ايديها وحضنها بفرح كبير وسلم علهم كلهم وعرفهم وكانه فعلا كان فاقد احساس دفا العيله واللمه واهميتها
مراد بتنهيده حصل ازاي ده بقي يا ام مصطفي
هايدي بحزن اتفق مع الدكتور اللي ولد عشق وبدل الطفل وكان هيموته بس انا صممت اربيه بس
مراد بصدمه يعني علي كده هو السبب اني اعمل حادثه
هايدي اه علشان متعرفش ان ابنك اتولد كويس لما انت تدخل مع عشق
ادهم والله انا ما لاقي كلمه توصف البني ادم ده
هشام كبرو دماغكوا وسيبكم من اللي فات فكروا في اللي جاي ومتخلهوش يضيع هو كمان
حسام بفرح اه انا شايف كده بصراحه واخيرا شملنا اتلم ومش ناقصين
هايدي بتوتر بلنسبه لمصطفي يا دكتور فا
مراد بمقاطعه انا هقعد مع مصطفي متشغليش بالك
ادم بابا اقسم بالله مصطفي. كويس اوي واكمل بحزن هو الغدر كان مني انا هو اصلا ميعرفش كل الاحداث طارق كان بيحكي معايا انا وطبعا انت فاهم ليه
مراد عارف يا ادم عارف ومن اول مره شوفته كمان وانت دلوقتي بتتكلم بصفتك اخو البنت اللي هو بيحبها فاكيد مش هتضر اختك
ادم بحب اه بس هي فين مشوفتهاش هي ولا مكه ومريم من ساعه ما ماما تعبت من شويه
اسيل ايلين في اوضتها ومكه ومريم في قاعدين في اوضه مرسم
ادم طب عن اذنك يابابا انا
مراد بضحك من غير متستأذن دول اخواتك يا ادم واكمل بحب هتتعود يا حبيبي هتتعود
ادم ابتسم بحب ونزل واسيل عرفته اوضهم فين ومشيت
في اوضه ايلين. ادم خبط
ايلين ادخل
ادم ممكن اتكلم معاكي
ايلين طبعا ادخل يا جاسر واكملت بحزن معلش قصدي ادم
ادم قعد ومسك ايديها واكمل انسي جاسر خالص انا ادم اخوكي عارف ممكن تكون دي حاجه جديده علينا بس هنتعود وانا بصراحه محتاجلكم اوي يا ايلين
ايلين حضنته واكملت بدموع انت عارف معزتك عندي كانت ازاي يا حبيبي حتي قبل ماعرف انك اخويا بس موضوع بابا ضايقني منك بس هشفعلك علشان اتربيت مع طارق والحمدلله كل حاجه بقيت كويسه
ادم باس راسها واكمل بضحك بتعزيني علشان مصطفي مش كده
ايلين بضحك اه اكدب عليك وحضنته واكملت بس ميمنعش انك بقيت اخويا اناااا واهو علي الاقل يبقي ليا اخين كبار واحد سو كيوت والتاني اكملت بضحك التاني ربنا يجعل سيرتنا خفيفه عليه
ادم بضحك مربيلكم الرعب اسر
ايلين بضحك مش كده بس هو اكبرنا و اكبر مني انا ب 8 سنين بقي وليه وضعه هنا شخصيته حاده شويه يعني هو ظابط فا تلاقيه عنده ظبط وربط مستقيم كده بس مع اسيييل يوووه شوفهم روميو زمانه وزين فيه من شخصيته شويه بس زين فرفوش سيكا بس هو اسر علشان اخو البنات من زمان شايل همنا وبيخاف علينا اوي فتلاقيه لو غلطنا يخرب الدنيا زيه زي بابا ومريم بقي دي العاقله بتاعتنا راسيه كده وهاديه انما مكه طقه منها شويه
ادم بضحك شردتي العيله
ايلين الله مش بعرفك وصح زين ومريم بيحبوا بعض وسليم ومكه زيهم واسر واسيل كاتبين كتاب وليان بنت خالو حسام وعمرو ابن صاحب بابا ييحبوا بعض بردو وحطت ايديها بتفكير عند دماغها واكملت ناقص مين يابت يا ايلين ناقص مين واكملت بضحك لا خلاص مش ناقص حد غير انا وصاصا وغمزت واكملت وانت بقي
ادم بضحك انتي مسبتيش حد مجبتيش سيرته و لا انا مين سيبيني في حالي ياما انا اهو لسه هشم نفسي
ايلين بغمز طب سيب اختك تختارلك
ادم مسكها من قفاها واكمل وديني اوضه اخواتك اسيل قالتلي نسيت بردو سلمت عليهم كلهم حتي زين وسليم بس هما واسر لسه
ايلين بحزن اسر قلبه طيب بس لو قالك اي حاجه متزعلش ها
ادم لا هو قال وخلص وعنده حق انا مش زعلان يا ايلين
————————————-
في اوضه مكه ومريم خبطت ايلين ودخلت ووراها ادم
ادم بحزن انا اسف اني جيت ممكن تكونوا مش حابين تشوفوني بعد اللي حصل بس والله انا ندمان اشد. ندم وكفايه ضميري مكمل عليا مش طالب غير تدوني فرصه وتسامحوني ارجوكم
مريم بدموع انت عارف يوم ما عرفنا ان اخونا ميت برغم اننا كنا سنتين بس لما كبرنا وفهمنا اتوجعنا اوي اسر ساعتها كان خمس سنين وكان مدرك مش عايزه اقولك عمل ايه ساعتها كان بيبكي كانه فقد امه وبيصرخ انا عاوز اخويا من زمان واسر اكتر حد موجوع لغيابك وبرغم وجود زين وسليم وعمرو جمبه دايما الا انه دايما يقول انتوا في حمايتي انا لوحدي ياريت ادم كان موجود يشيل معايا واخرهم قريب عريس اختك رفضه لما عرف ان ابوه سبب في موتك وانا ومكه لما نفتكر نعيط وندعيلك بلرحمه فانك تكون عايش بعد كل ده شئ يخليني اطير من الفرح علشان انت اخويا الصغير يا ادم واكملت بابتسامه تصدق عمري ماحسيتها ابدا علشان اسر الكبير انما انت اخويا الصغير مسمحاك يا حبيبي مسمحاك لان غلطك نتج عن تربيتك والبيئه اللي نشأت فيها وكلام طارق ليك
مكه بدموع عمري ماكنت اتخيل انك تطلع عايش ابدا يا ادم بس دي حاجه مخلياني عايزه اطير من الفرح مريم كل كلمه قالتها صح وانا بردو مسمحاك وموافقه نبدا من جديد كفايه تعبت بقي
وهما الاتنين راحو في حضنوا وكانوا بيعيطوا من فرحتهم ان اخيرا اخوهم معاهم
ايلين الله ماتدخلوني في الحضن ولا مش اختكم انا
ادم تعالي يا لمضه وحضنوا بعض بحب وفرح
ادم بحب باس راسهم واكمل ربنا يخليكم ليا يا حبايب قلبي يا اخواتي الكبار واكمل بضحك وانتي بقي هتفضلي الصغيره
ايلين بتمثيل حزن الدنيا جايه عليا اوي ياخويا والله
مكه بضحك اخيرا لينا ولد اكبر منه ياااه
مريم بضحك فعلا. احساس حلو اوووي
زين دخل واكمل بضحك الله الله ايه الاحضان دي كلها يبختك يا عم ادم
ادم بضحك ماتحترم نفسك شويه
مريم بخجل عايز تتربي انت ها
زين بحب طب مانتجوز وتربيني براحتك
مكه واد بطل محن قولنا بعد ما اسر يتجوز
سليم دخل واكمل بضحك انا اخر ما ازهق هرمي اسر واسيل في اقرب قاعه مش كده بجد
زين بضحك وعمرو كمان لسه كنت بكلمه هيتشل من النظريه بتاعت بعد اسر دي اللي مبتجيش خالص
ادم بتنهيده شايل همه جدااا مش طايقني
زين لالا متخافش ده اكتر حد بيحبك علي فكره ومفتقدك عارف تشبه بايه هقولك اسر جوز هند
وهنا كانت معديه اسيل واكملت بصراخ وغضب اسر مين الللي جووز هند اسر مين اسر جوزي ??? مين هند دييي و اتجوزها امتي انتوا بتستعبطوا
وكلهم فضلوا بيضحكوا عليهااا بشدده ومش عارفين يوقفوا
اسيل ماسكه دموعها اكملت. زين بالله ماتهزر بتضحكوا علي ايه بجد ايه اللي انت قولته ده
سليم بضحك كبير يخربيت اهلك بوظتي الحكمه مش قااااد بجد
ادم بضحك والله ماقادر اقف همموووت
اسيل بحزن انتوا بتتضحكوا علي ايه انا هنزل اسالو
زين بضحك مسكها واكمل يابنت الهبله بشرح لادم شخصيه جوزك فبقوله انه جوز هند دي حقيقه
اسيل بعصبيه هيقولي جووووز هندددد تاني
سليم بضحك ده تشبيه معداش عليكي في العربي ??
اسيل ازاي يعني
زين بضحك مش عااايز غباء انا شبهت اسر. بانه زي جوز الهند بلظبط وجه الشبهه ايه بقي الصلابه من برا باينه جامده اوي ومش بتتهز وصعب حد يكسرها انما من جوه طريه وبيضه وهو ده بلظبط وصفه واكمل لادم بضحك سوري بس ااحمكه باظت اتمني تكون فهمت
ادم بضحك انا فهمت وفهمت ان لو اسر فكر في ان الشرع حلل اربعه وحب يجرب اسيل هتدخل مستشفي المجانين
اسيل بغضب طب يبقي يعملها اقتله
مكه بضحك قد كلامك
اسيل وهي بتربع ايديها بثقه طبعا قده وواثقه انه اصلا مستحيل يعملها انا عنده ببنات بلدنيا كلها
سليم بضحك بنت عمي جامده والله
اسيل بضحك اه طول عمري يلا هنزل لجوزي اللي خلل في الجنينه ده وكل مايشوف خلقتي يقول عايز اقعد لوحدي
ادم بتنهيده روحي ولما تطلعي هنزله
اسيل تمام يلا باي
زين بضحك باي يا مجنونه
————————————-
في الجنينه
اسيل حضنته من ضهره واكملت واخده علي خاطري منك
اسر لفلها واكمل حقك عليا بس انا لما بكون مخنوق مش بحب اتكلم بحب اقعد لوحدي واعيد افكاري
وجاله تليفون
اسر الو
اسر تمام متقلقش عليا معايا مسدس دايما معايا ياباشا
اسر حاضر والله هزود الحراسه شكرا لمعاليك سلام
اسيل بقلق في ايه
اسر متشتغليش بالك شغل
اسيل بقلق وانا اقول المسدس في جيبك ليه وتقولي شغل في ايه
اسر بتنهيده ماسك قضيه صعبه وقبضت علي عناصر منها وعناصر لا فا اللي برا عايزين يموتوني علشان قربت اوصل لطرف ااخيط
اسيل بقلق قضيه ايه دي
اسر سلاح
اسيل انت عارف اني بدعمك من واحنا صغيرين وكنت بقولك متستسلمش وتسيب حلمك وانت عملت كده بجداره بس حقي اخاف عليك انا من غيرك مسواش ارجوك فكر فيا
اسر باس ايديها واكمل متقلقيش بقي اللي ربنا عايزه هيكون يا اسيل وحقيقي انتي اللي ليكي االفضل بعد ربنا فاللي وصلتله حققت في شغلي نجاحات كتير بسبب دعمك ليا طول الوقت ربنا يديمك في حياتي يارب
اسيل بحب ويديمك يا حبيبي يارب ويعليك اكتر واكتر يلا هروح احضر الغدا ها
اسر لا متدخليش المطبخ ارجوكي
اسيل بحزن متخافش انا هنظم الاكل علي السفره بس
اسر بحب ماشي ياحبيبتي ومش عايزك تضايقي انا خايف عليكي مش حاجه تاني
اسيل بحب عارفه يا اسر
اسر انا بقولك بس علشان متاخديش الكلام بطريقه تانيه
اسيل بحب من غير ماتقول يا حبيبي. وطلعت
علي الجهه التانيه من الفيلا شخص قدر يعدي من البواب بعد ماضربه وضرب اي حد قابله علي دماغه ودخل من ورا الفيلا ووقف قريب من الجنينه وابتسم اما شاف اسر واقف واكمل بشر كده مهمتي اسهل بكتير وكان واقف علي بعد كام متر يعني لا هو بعيد ولا قريب من اسر ورفع مسدسه في اثناء دخول ادم الجنينه واللي من بعيد شايف الاتنين بوضوح واسر سرحان خالص ومش واخد باله من االراجل
ادم اتصدم لما شاف الراجل هيضرب نار عليه فجري بسرعه البرق واكمل بصراااخ حاااااسب يا اسرررر
اسر استغرب هو ليه بيصرخ كده فبيلف كان ادم وصله وزقه وقعه ووقع معاه بس في نفس وقت انطلاق الطلقه فاادم اتصاب في دراعه ووقع
- يتبع الفصل التالي اضغط على ( رواية حطمت قلبي ) اسم الرواية