رواية ملائكة بالف وجه كاملة بقلم اروي طاهر عبر مدونة دليل الروايات
رواية ملائكة بالف وجه الفصل العشرون و الاخير 20
صلو علي النبي قبل كل شي ومتنسوش رايكم في كومنت❤️
تغيرات الدنيا معانا مش ثابته ابدا !
مره تتحول حياتنا من ورديه لي ضباب …….ضباب يخليك مش شايف شي ولا فاهم كيف انقلب كل شي فجأه 💔
كانت واقفه وهيا حاسه نفسها بي حلم !
الزحمه يلي كانت معبية الدنيا قدامها وصوت الناس هدرزتهم وضحكهم يلي كان عااالي
كانت في دوامه وتفكير زايد على حده لين فاقت على صوت نداء الطياره الاخيره
شافت حواليها بخوف لما ملقتش حد جنبها !
قدمت خطوه وهيا تشوف لي الناس بتوتر مش عارفه وين تمشي ولمنو !
لين فجأه سمعت صوت وراها ينادي فيها
شيييييخه شيخه
شيخه:ابتسمت وكانو عيونها مدمعات لما شافاته جاي من بعيد
نجم الدين :كان معلق في رقبته الف شنطه ويجر وراه في شنطة كبيره بس كان محافض جدا على كوب القهوة يلي كان ماسكه بين يديه وقرب وهوا مبتسم عليها …..هاك تعرفي نجري من غادي باش القهوة متبردش
شيخه:كانت تشوفله بي استغراب وهيا مبتسمه …..
نجم الدين:تي هاك خودي ……اشربيها صحصحي شويه قبل ما نركبو
شيخه:خدت القهوة وهيا ساكته وقعمزت على اول كرسي كان وراها
نجم الدين:كان داهش ويرتب في نفسه وفي الشناطي يلي جايبهم معاه ويتأكد من اوراقه
شيخه:لو ندى روحت لي راجلها متين وين بيقعد
نجم الدين :بترفعه معاها متخافيش عليه فهمتها كويس متعطيه لي حد وادير بالها عليه
شيخه:تنهدت بحزن ……انا مكنتش نبي هادا كله انا م………
نجم الدين :قاطعها وهوا معصب…..خلاص
اخر مره نسمعك تحكي فيه الموضوع هادا توا خلينا مركزين في صحتك ونفسيتك اهم شي الباقي زايد كله
شيخه:فلوسك يا نجم !
علاش تخسر في فلوسك في شي عارفه انه شي فاضي !
نجم الدين :فلوس شنو تحكي انتي!!!!!!!!!
فلوس شنوووووو؟؟
تي انا نخسر روحي ودنيتي وكل شي مش فلوس بس!
هدت نبرة صوته شوية وقال بحنية ……فداك فلوسي وعمري كله !
وبعدين مافي شي فاضي اشر بي صبعه لي طابور العوده
الايام الجايه رح نرجعو من هادك المكان ونجيبلك زكرة قدام المطار احتفال بي شفاك ورجعتك بي السلامه❤️
شيخه:سكتت وهيا مبتسمه❤️
بس كانت في خاطرها تعرف كويس انها مش معطله في ها الدنيا
_________________________________
بنفس الكيفية انقلبت حياة ندى من حب وغرام وحمااااس للحياة الجديده
لي طلاق واتهام في شرفها ومصير مجهول
ياترى يصدقها ولا يفقد منها الامل ويكدبها لانها مش اول مره !
كانت ماسكة متين وتشوفله بحب ❤️
لأول مره جي في خاطرها بيبي من نذير بيبي يخليهم يتمسكو في بعض ✨
بس كان الشي هادا بعيد نوعا ما بعد ما اطلقت 💔
كفاح:وين سارحه يا حبيبه ؟
ندى:تنهدت ……ولا شي مستغربه من سفرة نجم الدين وكفاح فجأه هكي !
كفاح:خليها بالك راجلها يفك شويه ويبدا جوه مليح 😂
ندى:اقسم بالله خوي نجم لايطاق بجديات مفهمتش كيف عاشراته كل ها السنين
كفاح:هوا للامانه فيه مميزات وعيوب ره ……من ناحية صح عصبي ونفاخ لكن لحق مش منقص عليها شي
ندى: بسيف عليه حبيبتي مش مرته وولده امالا على منو عابي يصرف عليهم !
كفاح:سكتت
طه:خش عليهم ……..كفاح في عشاء ؟
كفاح :لا والله مادرنا اليوم بالك شوي وندير مبكبكه
طه:تمام ….انا بنخش نرقد كان طيبتو حاجه نوضوني
كفاح:به حاضر
اول ما خش طه مدت ندى متين لي كفاح
ندى:شديه شويه ونجيك
كفاح:مسكاته …..خلي نحطهولك في غرفتك مره وحده
طه:نحا جاكيته وكيف بدي يتمدد على الفراش
ندى:خشت وسكرت الباب
طه:بالله اطلعي وسكري الباب بنرقد تاعب
ندى:نوض ادوي معاي وجاوبني على اسئلتي تحرك
طه:اسئلت شنو !
ندى:ربعت يديها وخدت نفس……عارفه كويس انك ورا خطفتي يا طه
طه:ضحك بهزوه ……هه خيرك انتي شن تدوي ؟
اطلعي بنرقد بلا هبال
ندى:بقوه ……..مش طالعه لين تجاوبني علاش درت فيا هكي !
كيف اختك ادير فيها هكي شنو الهدف من هادا كله هااا!؟؟
طه:تي خيرك انتي بتبليني بي قصة خطفك شن جايك بري روحي بالله عليك !
ندى:تمام كيف ماتبي بس انا سكتت هلبا ومحكيتش حرف لانك وقتها كنت مسافر مع مرتك ومكنتش نبي نخرب عليك
بس توا رح نراجي بابا لين يروح ونحكيله كل شي بتفصيل
طه:تفصيل ؟
ندى:اي لان سمعت الكلام والهدرزه يلي دارت بين الاولاد الزوز يلي كانو معاي
وحكو كل شي وكيف تفاهمت معاهم بس السبب لعند توا معرفتاش
علاش يا طه ؟
شنو الشي يلي ريته مني باش ادمر حياتي هكي علاش ؟
طه:اءءءء انا
ندى:عرفت كويس ان خطتها مشت عليه لما تكلمت بي ثقه ان سمعتهم شن يحكو رغم انه يلي خلاته ينكشف تفاصيل بدله عرسه يلي حكو عليها
طه:اءء انا مش انا
ندى:تكلم علاااااش !
طه:مكنتش نبيهاااااا
منبيهاش وانتي تعرفي ان بوك لصقها فيا كنت نبي اي شي يتفركس العرس بيها وكنت غبي هلبا نعرف
مكانش في حل قدامي غير هكي ونسحابه بوك بيلغي كل شي لكن تكتم ع الموضوع و…..
ندى:ضرباته على كتافه …….حقييييييييييييييير
مفكرتش في اختك شنو بيصير فيها حتى 1%
مفكرتش الناس شنو بيحكو عليها ولا كيف بيعاملوها ولا حتى كيف بيشبحولها لما تطلع
معقوله حقارتك توصلك هكي هدمت حياتي عشان مصلحتك وياريت اصلا خديتها مصلحتك
طه:تنهد بعمق …..انا
انا اسف ندى اسف ع كل شي
ياريت متقولي شي لي حد يكفي يلي صاير فيا بجديات
وبعدين انتي اهو مشت امورك تزوجتي وحياتك لوز شوفي انا شن صاير فيا
لانبي يلي يبيني
ولا يلي نبيه يبيني
ندى:بجد مش عارفه شنو نرد عليك ……..الشي يلي يغفرلك ان الكارثه يلي درتها عرفتني على راجل تحلم بيه كل بنت
كنهادا صدقني مستحيل نفوتهالك هكي الله لا تربحك ……. وطلعت من الغرفه
طلعت ندى وهيا معصبببببببة من الغرفه وكانت كفاح واقفه وماسكة متين بين يديها
ندى:صحيتي كفاح هاتيه
كفاح:ندى لو عارفه روحك تعبانه ومتقدريش على دوشة الصغار خلي نروح بيه يقعد عندي
ندى:اءء لا والله يخفف عليا القعده بروحي ويونسني في ها الليل
صحيتي كفاح
كفاح:الله يسلمك هاك ديري بالك عليه
وتصبحي ع خير
ندى:تلاقي الخير حبيبت قلبي❤️
__________________________________
كانت نضراته لي مرته غريبه كأنه قلبه حاس بي شي
سالها بهدوء
حمزه:شن كان يبي خوك ؟
هديل:بلعت ريقها ……اءء ولا شي صاير سوء تفاهم بينه وبينه مرته
والباين انه روح بيها لي حوش اهلها
حمزه:وانتي شن ليك علاقه بينهم ؟
هديل:صاحبتي هلبا كانت وجي سألني ع كم حاجه خاصه بينهم ….
حمزة:علاش روح بيها !
هديل:ناضت من على السرير……..خلاص فوتهم توا شن دخلنا بيهم
ولا تتهرب من العشي اليوم متبيش تعشيني برا ؟
حمزة:ضحك…….بري وتي روحك خلي نلحقو لان الدنيا ليل
هديل:ابتسمت …….دقايق هي ونكون جاهزه ……..وخشت بسرعه للحمام
اما نضرات حمزة كانت متبشرش بي خير ابدا وحس ان مرته ليها يد في الموضوع بسبب طريقة خوها في الكلام !
نذير :روح وهوا حامل هموم الدنيا على قلبه💔
من جيها صدق اخته يلي كان واضح انها متأثره ومن جيها تانيه يعاود في الرساله اكتر من مره وهوا مش قادر يتصل بي الراجل
حس انه لو كلمه رجولته رح تنهان
شنو بيقول مثلا انت يلي مصاحباتك مرتي عليا لاني طرطور ومش معبي عينها؟
للاسف مكانش يبي يرجع لنفس الشعور يلي عاشه قبل
لهادا قرر يعالج حزنه بروحه في شقته مسكر على نفسه بدون ما يحكي مع حد او يقابل حد
وكان يحمل في قلبه
غضب وحقد دفين اتجاه ندى
______________________________
الضلام احتوى كل المكان مفيش غير شوية الضي الخافت يلي كان طالع من الحوش الصغير والهدوء كان يوحي ان بجديات مفيش ولا اي كائن حي قريب من ها المكان
الباب الخارجي كان مسكر ولو حد بيفتح الباب رح يطلع صوت قوووي
مكانش فيه حل غير السور يلي كان جدا عالي بس فيه شوية حديد طالع منه يقدر الشخص يتسلق بيهم …..
وفعلا هادا يلي دراته نجمه 🔥
تسلقت من اطراف الحديد يلي طالعه من الصور لين وصلت للقمه شافت المسافه عليا بس الشي هادا مخلهاش تخاف انها تنقز او تتراجع لان الوقت كان يمر وكل ثانيه بي حسابها
وهادي فرصتها الوحيده يلي ممكن تهرب فيها✨
توكلت على ربي ونقزت لكن ها النقزه هادي كلفتها هلبا💔
لان لما نزلت ع الارض فجأه رزن جسمها كلها جي علي يدها ومن الالم كانت خلاص بتعيط بس مسكت نفسها بي السيف
وناضت على رجليها تجررررري
كل جريها كان بين حوايز والضلام كان عقبه في طريقها مكانتش عارفه اصلا وين متجها
لين اخيرا سمعت اصوات سيارات بس كانت بعيده
تبعت الصوت وهيا تجري مره مره كانت تتريح شوي وقلبها بيطلع من مكانه بسبب الخوف والجري
لين واخيرا شافت ضي السيارات من بعيد وتبعت الضي لين وصلت لي الطريق الرئيسي 🔥
التوتر والخوف والتهور كان بينهم ال3 :-
نصر:ماشي جاي في نفس المكان …….اهو تهورت ودرت العار ومطلعتش عندهم
ادهم:حرقولي دمي يانصر بجديات مفيش غيرهم عندهم مصلحه في خطفها منو يعرفها البنت اصلا باش يطمع فيها !
نصر:مستفدناش شي
باهي حتى مبلغوش علينا بعد ما هديت عليهم
يزن:توا لومكم في بعض مفيشي نتيجة
نصر:مفي شي اصلا فيه نتيجه يا يزن حني صاحب السياره مش قادرين نجيبوه
السياره طلعت ايجار وكانت مأجره بسم واحد مش ليبي اصلا الله اعلم وين دياره توا
يزن:تفجر فيهم ……..لان الحق عليكم بتريس كيف البنت تنقام من وسط حوشكم وانتم متعلموش بيها وين ؟
نصر:الحق عليها هيا مش انا
هيا يلي طلعت بدون شور حد ولا قالت لي اي حد انها طلعه
تي هيا علاش طلعت اصلا !
يزن:رد ع تالفونك انت التاني صرعتنا
ادهم:الو
ايوا ؟
غالطه ……تي غالطه قلنا
وطلع بسرعه من المكان وهوا معصب
نبيله:تفضلو يا ولدي ….وحطت سفرة القهوة على الطاوله
نصر:صحيتي
كريمه:خشت بهدوء …..مصارش معاكم شي جديد
نصر:لا والله ياخويله مفيش اثر ليها ان شاء الله خير
لا طلعت عند عمامها ولا حتى عند صاحبتها
كريمه:قامت حواجبها بي استغراب ……مشيتو لي رباب؟
يزن:اي وخدينا منها اسم عيلة عمامها وكل شي نحتاجوه بس مفيش نتيجه
كريمه:لا حول ولا قوة الا بالله
نصر:مسكينه نخلعت اكتر منا والله ربي يصبرنا وخلاص الواحد حاس بيديه مربطات مش عارف شنو يدير
نبيله:يفرجها ربي ان شاء الله
كريمة :مسكينه ها البنت والله متهنتش بكل في حياتها ان شاء الله غير ميأذوهاش بس
الله يلعن رزق الدنيا يلي يخلي الناس هكي في بعضها حسبي الله فيهم
نصر:تالفونك يشرين يزن
يزن:ايوا
رباب:يزن تعالا بسرعه
يزن:مني؟
رباب:انا رباب مش عطيتني رقمك مبكري
تعالا بسرررررعه ومتقولش لي حد بسرعه
يزن:تم هي
____________________________________
الليله هادي بدات كانت ليلة غريبه على الكل !
فيها يلي قلبه فرحان وفيها يلي كان بيموت من خوفه وفيه يلي كان متفاجأ ومستغرب
وفيها يلي قلبه معبي حقد وغل ومش قادر يوصل لي الشي يلي هوا يبيه وفي يلي قلبه مكسور وميعلمش ربي شنو ضامله من سعاده ❤️
الليل كمل لكن للأسف كل ها المشاعر متكملش مجرد ماتسمع ادان الفجر زي الليل ✨
في المشفى الساعه 5 ونص الصبح :-
شيخه:كانت مقعمزه على الكرسي وسانده نفسها على الحيط بتعب شافتل لي نجم الدين يلي كان يقاوم في النوم بكل قوته وابتسمت …….تو بالله مش كان طلعنا لي فند تريحنا قبل احسن ؟
نجم الدين :مستحيل منقدرش طول وبسرعه احسن باش كان بيديرو شي يديروه بكري
بعدين بعتت الشناطي قبلنا خلي توا يطلعو نتائج التحاليل والصور ونفهمو
رح يرقدوك طول ولا بيحددو موعد
شيخه:عقدت حواجبها بي استغراب ….بس الصور تبي وقت باش تطلع ولا !
نجم الدين:طبس ع ودنها …..يقولو الفلوس ادير طريق في البحر
تتوقعيهم ميطلعوش الصور في ضرف ساعات ؟😂
شيخه:ضحكت من قلبها
نجم الدين:لمس خدها بحنية ……خليك هكي تضحكي باش قلبي يضحك معاك❤️
شيخه:انسجمت معاه وهيا ذايبه مبتسمه
فجاه نجم الدين نزل يده وعقدحواجبه وقال …..قعمزي باهي واشحطي روحك قدام الناس
شيخه:ساوت نفسها وهيا تضحك على تعابير نجم يلي بمجرد ما يكونو بروحهم كل الحب يطلع لكن لما يشوف حد يتحول بطريقه جدا غريبه😂😂😂😂
والشي هادا كان يضحككككك فيها
الممرض:خويا التحليلات مطولين شوي تنجم تروح دارك وتجينا الصباح
نجم الدين :تي وين داري هوا اصلا توا الصبح ياراجل
شيخه:تضحك
نجم الدين :فنص فيها
الممرض:تمام كيف تحب
شيخه:قتلك ولا!🙂
نجم الدين:اسكتي واسمعي الكلام انتي
شيخه:كانت تضحك بشكل هستيري
نجم الدين:يشوفلها وهوا مبتسم وفرحان ان نفسيتها بدت حلوه❤️
_________________________________
يزن:طلع من المحل ورجع ركب سيارته بس قبل ما يولع ويطلع طاحت عينه علي نجمه❤️
يلي كانت راقده ع الكرسي جنبه ومتغطيه بي جاكيته
سرح فيها وهوا يتذكر كلللل تفاصيل الليله يلي فاتت
وشن صار اول ما سمع كلام رباب ومشالها
✨✨✨✨✨✨✨✨✨✨
يزن:طق علي شقة نجمه وهوا مش فاهم
رباب شنو كانت تبي؟!
واصلا شن جيب رباب بكلي شقة نجمه من الاساس!
بعد طقتين بس انفتح الباب
استقبلاته رباب ومدخلتاش لين تأكدت ان مفيش ولا حد معاه!
واول ما خش لي الصاله جت عينه علي نجمه
يلي اول ماشفاته حضناته علي طول❤️
يزن؛عاتبها وهوا معصب بس الفرح بي شوفتها باين من لهفته وهوا يقول….كييييييف كيييف تطلعي بدون علم حد من الحوش منو دار فيك هكي؟!
وشن يلي جابك هنايا هاااا!!
مسكها من كتافها بقوه…..نجمه شنو يلي صار تكلممممي!!
نجمه:اااه يزن يدي رد بالك
يزن:يدك خيرها منفوخه هكي!
رباب:قعمز نحكولك يلي صار
✨✨✨✨✨✨✨✨✨✨✨
ورجع يزن من تخيلاته❤️
حط كيسة الدواء يلي جابها لي نجمه ونحا جاكيته من عليها يتفحص في يدها المجبسه عشان يتأكد ان امورها تمام ويدها متحولش لونها للازرق
رجع غطاها وطلع بي السياره لي حوش نبيله من جديد
الساعه10:34الصبح✨
نبيله:معقوله بنت خالتك تنخطف ويجيبوها وانت ولا داري علي الدنيا!؟؟؟؟
ووووينك وخيرك هكي ووين مرتك وعلاش الشقه ضلام!
نذير:امي الله يخليك اطلعي تعبان شويه انا
نبيله:ربعت يديها وهيا تشوفله بي شك
وين مرتك يا نذير ؟!
نذير:في حوش اماليها معش نب…….
نبيله ؛قاطعاته ….اياااااني وياك تطلع مزعلها البنت ورافعها لي حوش اهلها
بوك مش متحمل مشاكل ورعاش اكتر من هكي حرام عليكم المره يلي فاتت خوك وتوا انت لااااا وتوا زاده موضوع نجمه
البنيه كويس وقايمه فيك نشوف فيها طول العرس وهيا ترعش عليك رعيش
يوم نبدا مطيبين حاجه متاكلش فيها تجري بسرعه اطيبلك حاجه تحبها ويد بيد معاي في كل شي
مش راضيه عليك يانذير تخلي البنيه زعلانه واهو كلامي وقلته سامعني!!
وطلعت من الغرفه
نذير:همس بصوت واطي….هاذي كيف بنقنعها اني طلقتها خلاص!
وحط يده علي راسه بألم 💔
كانت صالة الحوش مليانه❤️
عصمان وولده نص ونبيلة وكريمة وولدها يزن وادهم
ونجمه بينهم مخصصيلها مكان ترتاح فيه
عصمان:قال والثقة مالياته ….الوضع غلط يقعد هكي
لازم يصير تفاهم مع اهلها
مهما نديرو في النهايه يقعد بوها لو شنو ماصار لازم نتفاهمو سلمياً ويعطينا البنت بدون ما نقعدو خايفين عليها ويتكرر الشي يلي صار!
نبيله:يعني شنو قدرتنا ،؟كيف بتتصرفو
عصمان:الشي هاذا خليه عليا انا
تو العشيه نرفع ناس كبيره ومحترمه ونمشيلهم باش يعرفو كويس ان البنت وراها اهل وناس مش وحدانيه
نجمة:نزلو دموعها من ها الكلمتين❤️
وحست بي كمية فخر مش طبيعي كأن ربي بلاها بي عمام سيئين لابعد حد
وعوضها بي زوز خالات وراجل خاله وصغارهم بي الدنيا كلها❤️
يزن:قال وهوا يشوف لي ادهم…..مش خلي نعرفو منو يلي كان ورا ها القصه قبل!
نصر:تي هما واضحه يعني
نجمة:قاطعتهم…..اييي اي هما يانصر صدقني
ادهم:طلع فجآه لان كان تالفونه يشرين
كريمه:كانت تبوس وتعاود في نجمه وفرحتها هيا ونبيله لا توصف برجعتها بي السلامه
نصر:شدي حيلك بالك نغلبك في البلايستيشن مدامك بيد وحده
نجمه:تحلممم 😂😂
نصر:تو نوريك راسي وراسك
نجمه:شافت لي نبيله…..خالتي بالله زوجيه باش يخليني في حالي تربحي
نبيله:ااااااه بي الود والشهوة يابنتي لكن منو المضروبه ع راسها يلي بتقبل بيه !
نصر:ضرب راسه خبطه خفيفه….نسييييييت المشوار
الله يذكركم بي الشهاده
وطلع يجررررري
عصمان:شاف لي نبيله …..ولدك كان طقه
ولما طلق راح طقتين
ونفلقو كلهم بي الضحك😂❤️❤️❤️❤️
____________________________________
نجم الدين:كيف يعني!
خلاص طول هكي !
الدكتور؛اي نتمنو ان الورم لايزيد حجمه عن الان لكي يسهل استئصاله انت تعرف اخي ان المخ حساس جدا
نجم الدين:بتوتر….اهاا بب ب به
الدكتور:اعرف جيدا ان العمليه باهضة الثمن لكن للاسف لابد من الاستعجال في هذه المرحله خصوصا ان جميع الفحوصات ممتازه وجاهزه لو ان مبلغ العمليه لي……
نجم الدين:تي فلوس فيه تمام لكن
العمليه ليها اثار جانبيه؟
الدكتور:اخي قبل اي عملية جراحية لازم تكون لدينا نسبة نجاح ونسبة فشل لكن الله قادر علي كل شي
نجم الدين:يعني حسب خبرتك كم نسبت النجاح ؟!
الدكتور:زاد شاف بنضرة اخيره للاوراق…..يمكننا القول ان نسبة النجاح 60%والله ولي التوفيق
نجم الدين:قال بخوف ….اهااا!!
الدكتور:ماقولك!
نجم الدين:تمام نتوكلو ع ربي
وانت لاعرفتك تدوي ليبي لا عربية فصحى زدت وترتني
الدكتور:طلق ورقه كتب فيها كم شي وحدد ان الموعد يكون تاني يوم الصبح الساعه8
واليوم هاذا بدات لازم تقعد شيخه في المشفى تحت الملاحضه ✨
كان نجم الدين جدا حريص ان ميطلعش الخبر لي ولا شخص في العيله
ومحدش يسمع بيه عشان مفيش حد يزيدهم توتر وخوف وبدات لي نفسية شيخه
طلع نجم الدين وجهز كل شي حرفيا كل شي
يلي يخطر ع البال ويلي ميخطرش!
دفع مبلغ العملية وخدالها احسن غرفه في المصحه كلها
وطلع شرالها كل شي عارفها تحب تاكله وخدالها اكتر من 4باقات ورد عشان تخلي نفسيتها حلوه ومرتاحة في هديك الغرفه❤️
___________________________________
نصر:طق الباب الخارجي لحوش ريحانه بس مفيش حد رد!
ولما خش علي غير العاده مفيش ولا عامل برا !
قدم لباب الحوش الرئيسي وطق ع الباب اكتر من مره
ريحانه:قدمت للباب فتحاته وهيا تشوف لي الصاله وتشكي من عاملة الحوش وتقول
والله ياكاثرين لما نوريك التقعميز وضرب اللقني في التالفون كيف تفضلي مام……
وهنا كانت الصدمه
من قوة الموقف نصر ملحقش يوخر اصلا!
كان منضرها يضحكككك 😂❤️
لابسه بجامه وشعرها نص مرفوع ونص لا😂❤️
ريحانه:من خلعتها سكرت الباب في وجها
وتسكيرت الباب هاذي فيقت نصر من صدمته وضحككككك
ريحانه:خبطت ع وجها بهدوء…..غببيييييه غبيييه غبيييه
ياربي متوقعتاش 🤦🏻♀️🤦🏻♀️🤦🏻♀️🤦🏻♀️😭
كيف يشوفني هكي!!!
حي ع تسكيرت الباب
الله لايسامحك ياكاثرين 😥
رجعت فتحت الباب قتحه صغيره وقالت
ريحانه:اهلين نصر
نصر:ماسك ضحكته….صباح الخير
سامحيني لقيت الباب برا مفتوح ومفيش حد
ريحانه:ولا يهمك انت سامحني نسحابها ماما
دقيقه اناديلك بابا يطلعلك
نصر:مفيش داعي اصلا انا مستعجل هاك خاتمك ❤️🩹
مدت ريحانه يدها خدت الخاتم وكان قلبها يرجف
طلع نصر وقعدت ريحانه تراقب فيه لين طلع من الباب البراني
سكرت الباب وحطت يدها ع قلبها
كاثرين:هاذا بابا نصر شن يعمل هنا
ريحانه:الله لاتربحك انتي التانيه بري كملي التفتفيت في التالفون والله لما نقول لي بابا سمير ياخده منك
كاثرين:انت تقول انا نقول
ريحانه:شهقت بصدمه ….غباااااره
شن بتقولي حضرة جنابك!
كاثرين:نقول بابا نصر الطليق اجا
ريحانه:الطليق صار يا خبيثه امشي المطبخ امشششي
كاثرين:امممم مسوين طليق وانتم حب حب
ريحانه:تي اممممشي من قدامي
كاثرين مشت للمطبخ
وريحانه رغم انها كانت معصبه بس ضحكت 😂❤️
___________________________________
فتحي:غريب والله سفرة هكي بين يوم وليله تصير!
انور:ياكل….خلي يهيجو يابوي اصلا معتقدش عمرهم سافرو مع بعض الزوز
فتحي:ان شاء الله خير يارب ❤️🩹
انور:بلع يلي في فمه وقال….بوي شنو بدير مع طه؟
فتحي:خليه زي الكلب طول عمره بلا مرا
منمشيش نحشم روحي مع الناس وناخد بنتهم لي واحد فاسد زي هادا
ولا قرش مزال يحلم بيه يبي فلوس يمشي يخدم عليهم
انور:مشكله والله
ندى:السلام عليكم
انور:وعليكم السلام شن حالك ندي اليوم؟
ندى:حطت سفرة الشاهي جنب بوها…..الحمد الله
فتحي:وين نذير ياندى؟ مطلش علينا بكل !
مش عوايده!
ندى:والله يابابا من ضغط العرس والتعب وهكي ماشي مزرد مع صحابه
فتحي:به الحمد الله المهم مفيش سو
ندى:لالا الحمد الله ….وهيا تقول في خاطرها
انا كيف بنقلهم انه طلقتي!؟
___________________________________
نجمه:واخيرا حست بهدوء في الحوش
نبيله وكريمة كانو في المطبخ❤️
والباقي كلهم طالعين
حطت راسها ع المخده بترقد بس قاطع نومها نبيله
نبيله:هديل هاك هاذي رباب انصلت من تالفون كريمه
نجمه:صحيتي
الو
رباب:ايوا نجمه
كيف حالك اليوم
نجمه:الحمد الله بخير انتي شن دايره!
رباب:تمام مستاحشانك
نجمه:حتي انا والله تعالي عندي هنايا
رباب:تهدرز ودموعها يلمعو …..لالالا منبيش نضايقكم
نجمه:ضيق شنو والله خلاتي يهبلو رح يفرحو بيك
رباب:ضحكت….به ان شاء الله
نجمه:تعرفي رباب من بكري نحاسب في روحي ع اللقطه الغبيه يلي درتها امس جديات
رباب:قامت حاجبها بي استغراب….اي لقطه ؟!
نجمه:كيف حضنته امس الغباء متعي نتحشمممم لما نتذكر
رباب:ابتسمت…..لما تفكري هكي
شنو الشي يلي خلاك تحضنيه!
نجمه:شفته حسيت روحي مرتاحه خلاص معش في شي يقدر يوصل فيا
تصدقي راجعت نفسي لقيت روحي كل ما نلقى روحي في مشكله ولا مصيبه نمشيله هوا
عرفتي من كتر ما يوقف معاي لين بديت نحسه يعني
بديت نحس انه
يزن يعني امان هكي مفهومي ليه
رباب:من كثر مايوقف معاك ولا من كثر ما تحبيه؟
نجمه:اختفت ابتسامتها…..لا ياربي
تخيلي رباب
رباب:مش قتلك بتتزوجو من هديك المره هههههههه
نجمه:لكن هوا مش يعني حسيته لا
رباب:تي اما لا وانا من لما كلمته جاني طاير قلبه سبقه لي الشقه ياحليلي
نجمه:ضحكت…،انتي بكل رباب ره😂😂
رباب:اختفت الضحكه من علي وجها وهيا تقول ….نجمه في شي بنعترفلك بيه
نجمه:بي بصاره….همممم قولي
رباب:عيونها تعبو دموع….اء ااا انا
انا كنت
نجمه:اسمعيني متقوليلي شي وراهو في الليل بتجيني غصبا عنك وقوليلي هنايا عندي
رباب:طاحت دمعتها وهيا تبتسم ….به خلاص تم ❤️
يزن:مرقدتيش؟
نجمه:فزعت منه وخافت لايكون سمعها ….للا لا مجانيش نوم
يزن:اها
اممم تبي شي ؟تبي نطلعك ولا تبي تاكلي شي !
نجمه:ابتسمت…..لا صحيت ❤️☺️
يزن:قعمز جنبها وهوا ساكت
نجمه:يزن شن رايك تساعدني في موضوع؟
يزن:ها شنو لو عمامك اعتبري الموضوع منتهي لان م….
نجمه:قاطعاته ……لا
في زوز قاعدين يحبو بعض شن رايك نحاولو نرجعوهم!
يزن:الهي بي يدك المكسوره وارقدي
نجمه:قعمزت بحماس….غير بالله عليك
فكر معاي صدقني بيشكروك عمرهم كله
يزن:منبيش حد يشكرني ارقدي
نجمه:يززززن ع خاطررري🥹🥹😅😅
يزن:شافلها بدون نفس بس عيونها اثرو فيه💓
نجمه:نعرفها النضره هيا معناها تمام ولااااا😂😂😂😂
يزن:بنص ضحكه …..من هما؟!
نجمه:ريحانه ونصر
يزن:قام حاجبه بس هما….
ريحانه:قاطعاته …..وربي يموتو في بعض غير يكابرو يبو دفه بس ويرجعو
يزن:سرح وهوا يفكر في الموضوع!!
✨✨روايات أروى الطاهر المسلاتي✨✨
الساعه11 في الليل:-
في قعدة بسيطة وحلوه❤️
كانت كفاح مقعمزه وبنتها راقده في حضنها
وجنبها ندي ومتين كان راقد علي القعماز جنبها وياكلو في سامينسا
ندى:كفاح ترا تالفونك شوي
كفاح:لاهيه مع التلفزيون ….هاك
ندى:ضربت رقم نذير واتصلت لكن للاسف سكر عليها لان كان يعرف كويس ارقام نساوين خوتها خصوصا كفاح لان ديمه تتصل منه
سكرت ندى التالفون وهيا مستغربه معقوله نذير مشافش المسج يلي بعتاته؟
كيف مصارش ولا ردة فعل!
عاودت اتصلت وهنايا رد نذير وياريته ما رد💔
نذير؛شن تبي؟
ندى:ناضت بسرعه من مكانها…..نذير شفت رسالتي!؟
نذير:شفت
مزال عندك جهد حتى تكذبي وادخلي ناس تانيه معاك الزح متحشمتيش ع روحك مدخله عروسه براجلها في قصص حقيره زيك؟
ندى:نصدمت!
وتأكدت هنايا ان جديات نذير مصدقهاش……كلمه نذير
كلمه الراجل و……
نذير:عصب وفقد اعصابه….معش تتتتتتتتصللللللي
ورقتك توصلك اخطيني صوتك معش نبي نسمعه
ولوح تالفونه ع الارض
حرفيا التالفون تفترش
وندى هنايا تأكدت ان معش في رجوع بينها وبين نذير وادمررررت تماما!💔
فتحت الدولاب طلعت الصور يلي جابتهم معاها
شافتهم بتمعن وكيف وضعيات التصوير كانت مش مزبوطه ابدا
تعودت من الشيطان وقالت ….لا مستحيل
وربي خوتها يقتلوها لالالا ….وردتهم في مكانهم💔
________________________________
كريمه:ولدي الساعه11ره كان بتروح بيا!
يزن:اختفت الضحكه يلي كانت بارزه مع نجمه…علاش مروحه اليوم؟
كريمه:شهقت….كيف علاش مروحه سلم ولدي خلاص العرس تم لازم نروح نشوف حوايجكم ندير دوره ع الحوش سلم ولدي
يزن:الامور طيبه كله درته انا اقعدي اليوم عاوني خالتي الصبح نروح بيك ونردك المغرب
كريمه:شافت لي نبيله …..ريتي ولا؟
نبيله:طبست عليها ويهدوء …..الباين ان الخطه متعك بتتغير 😂
من ادهم لي يزن
كريمه:ضحكت….زعمااا؟!
نبيله :اهو قدامك العرض
نجمه:طلعت فالح🙂
يزن:امالا شنو
المهم خلي نكملك
نجمه:اي حقا كيف كان وجهم ؟😂😂😂
يزن:وقف بوي قال راهو البنت مفي شي بي اسمها وكللللل الرزق كتباته بي اسم اختها كريمه قبل ما تموت وهادم الوراقي
اقسم بالله وجهم كلهم بدو زرق زي السنافر
نجمه:😂😂😂😂😂😂هههههههههه
يزن:كان متحمس بيكمل الموقف لكن سكت شوي وقال
نجمه
نجمة:همم شنو!
يزن:ثقتك في امي مش ناسيها لين نموت
نجمه:ابتسمت…مش حا تموت لين ادير يلي تفاهمنا عليه
يزن:نفاااااخه واااااك
نجمه:😂😂😂😂😂😂
________________________________________
الساعه3في الليل:-
كانت شيخه راقده علي السرير ونجم الدين يلمس في يدها وسارح
شيخه:قالو ان بيقصولي شعري !💔
نجم الدين:مكان العمليه بس
بعدين اهو جاتك الفرصه باش تكسري كلمتي وتقصي شعرك زي ما كان خاطرك🙂
شيخه:هههههههههه
نجم الدين:سرح فيها❤️….نبيك قويه
تقاومي داخل عشان ولدها وع خاطري
نبيك قبل ما تخشي تتأكدي وتعرفي كويس ان عمري ما حبيت غيرك ولا رح نحب
منعرفش شنو يلي حكاته هذيك الخبيثه لكن صدقيني كدابه
انتي دنيتي كلها كنت نحساب ان
ان الحب بيجي بي الغصب والضرب لان هكي تعودت زمان
لو مكليتش ننضرب باش ناكل ولو مقريتش ننضرب باش نقرا
ونتهدد وننحرم
في نص الكلام تنهد وقال ❤️…..انا نحبك✨
شيخه:ابتسمت ودموعها ينزلو ….انا لو مطلعتش حيه ن….
نجم الدين:اششششش لا
الكلام هاذا منبيش نسمعه لان واثق في ربي قبل الدكتور والمصحه والعمليه وكل شي انك رح تطلعي بخير وتاخدي حقك
شيخه:عقدت حواجبها….حقي من شنو؟
نجم الدين:مني مش هذاك اليوم قتيلي خاطري نضربك؟
شيخه:هههههههههه
نجم الدين:ابتسم وهوا يشوف لي ضحكتها ومدرق عليها حزنه وخوفه ان يفقدها❤️💔
_______________________________
ثاني يوم❤️
كان حرفيا يوم حاسم للكل حتي لي الناس يلي مش مخططه لي شي ولا تعرف شن يلي بيصير معاها!
طلعت الشمس وبدت اقدار الدنيا تخدم علي كل حد في قصتنا✨
الساعه8الصبح🌤️
طلعت نجمه من الحمام وهيا سرحانه
كفاح:صباح الخيرات
تعرفي كيف سقدت الصغار مع بوهم نسحابك راقده !
قلت نجي ندير فطور عمي
ندى:اهااا
كفاح:اها؟؟
خيرك بسم الله؟
ندى:كك كفاح
انا بنقولك شي
كفاح:همم ادوي اصلا حاسه ان في مصيبه انا من امس
ندى:منعرفش لو كانت فعلا مصيبه او لا💔
كفاح:شن فيه😰
ندى:الج…..
طه:صباح الخير
ندى:تغيرت تعابير وجها وعطاته بي الضهر
كفاح:صباح الورد غريبه اليوم مبكر النوضع
طه:عندي مشوار اي ….بالله فنجان قهوة تربحي
كفاح:ان شاء الله حاضر
طه:طلع من المطبخ
كفاح:خيرك شن صاير؟
وخيرك مع خوك العفو!
ندى:متعاركه انا وياه خلاص تو نهدرزو بعدين خلي نوتي الفطور
كفاح:هي جايه معاك
____________________________________
علي باب حجرة العمليات كان نجم الدين مازل علي ركبيه ويده في يد شيخه ودموعه للاسف المره هيا مقدرش يشدهم
نجم الدين:كل الوقت 3ولا 4ساعات بس وتشوفيني
شيخه متخافيش
قاومي باش تطلعي وتشوفيني كيف تغيرت انا واثق انك بتطلعي امس طول الليل ندعي لي ربي اكيد ربي بيعطيني فرصه صح!!؟؟
معش بنعلي صوتي بكل و و وحتي الطلوع وين ماتبي نرفعك
وصحباتك كلميهم كلهم واي شي تبيه
المهم تقعدي جنبي الله يخلي متستسلميش داخل 💔
منقدرش بدونك وربي قلبي ما يتحمل
الممرض:وجعت قلوبنا يا خوي الله يهديك معش مزال برشا وقت يزي
شيخه:منطقتش بي ولا حرف غير….انا مسامحانك علي كل شي ونحبك ❤️🩹
خدوها على غرفة العمليات وتسكر الباب
نجم الدين انهار وطول الوقت يطلب في فرصه بس!
فرصه اخيره من ربي 💔
_________________________________
الساعه1الضهر:-
نجمه:وربي احلي شي جبتيها معاك 😂😂😂
رباب:اسكتي منبيش نحكي ع الاكشن يلي دراته باش قنعتها
ربحانه:سكري فمك انتي وياها وربي لو بابا يعلم ان جيت حوش نصر يفرمني
قداش ليا علي الطلعات يلي بي الدرقه😂😭😭
نجمه ورباب:-😂😂😂😂😂😂😂
نجمه:شفتي يناري خالتي نبيله كيف فرحانه بيك!
ريحانه:سكتت
نجمه:امس نصر كلم خالتي عليك❤️
ريحانه :شنوو😧😧😧….شن شن قالها؟!
يزن:قالت لي نجمه انها قاعده تحبك ورايداتك بي الحلال
ولما باعدت عليك حست انها تحبك بجديات
نصر:احلففففف😧
يزن:تي زي منقولك ياراجل
نصر:اي وشن تاني؟
نجمه:وقالها نبي نعرف رايها قبل
يعني مرات مش طايقتني زي قبل منقدرش ندير خطوه من غير ما نعرف مشاعرها اتجاهي ومنبيش نغصب عليها شي
نصر:خطوة!؟يعني هيا موافقه لو نرجعها علي ذمتي !
يزن:علاش جاي ندوي معاك يا غبي امالا؟!
ريحانه:يعني بنرجعله؟
نجمه:والله هاذا الشي واقف عليك انتي في حالة تبيه وتبدو صفحه جديده او لا!
نصر:والله شن بنقولك
البنت باش نقولك طلعت من قلبي لا لكن
نجمه:بفرح…..لكن شنووووو!!!
مدامه في قلبك قاعد
رباب:اي لكن شنو؟؟!
نصر:زعمى ننسو يلي صار ونعيشو من جديد حياة حلوه!؟
يزن:اكيد يافالح مفي شي ميتصلحش اهم شي الحب موجود بينكم❤️
نجمه:ها شن قلتي؟؟؟؟
يزن:شن رايك
نصر:ع بركة الله❤️🩹
ريحانه:خلاص قولوله يجي
رباب:الله اكبررررررررررر😂😭❤️❤️❤️❤️
نجمه:ايوااااا هكي😂😂😂😂❤️
____________________________________
نبيله:كملت صلاتها بس قاعده مقعمزه بي اتجاه القبله
انفتح الباب وكلن نذير❤️
نبيله؛ابتسمت بحنان …..تعالا وليدي زود
نذير:قعمز ع الارض وحط راسه علي حجر امه
وبدت امه تمسح عليه كأنه طفلها يلي مكبرش
نبيله:قاعد متبيش تحكي شن صاير؟!
نذير:متبينيش يا امي
حاولت معاها بكل جهدي لكن عقلها مع اي راجل تاني الا انا
نبيله:أستغفر الله شن ها الكلام يا امي
نذير:ضحك وحيله مهدود…..واخر شي لصقت التهمه في بنت نسترت ومليهاش مع راجلها شهر
نبيله:سترك ياربي
نذير:بدي سارح وكلامه معش حسبله….ااااااه
هه فوزي صاحبها قتلي💔
نبيله:وجها تلون ونوضت نذير من عليها بسرعه
البنت يلي مليهاش مع راجلها شهر اختكككك؟؟؟؟؟؟؟؟؟
نذير:عقد حواجبه بي استغراب….كيف عرفتي
نبيله:البنيه متكدبش حرام عليك
هديل الخايبه كانت تكلم فيه وشديتها مره بي الثابت وخليت نصر يتصرف معاها مقتلكش
حرام عليك ياولدي متضلمش بنت الناس
نذير:كأن حد كب عليه اميه سخونه …..ششش شنو!!!!
نبيله؛مبتش تخش في تفاصيل….نوض روح بمرتك نووووض
نوض تحرك
نذير:ناض بسرعه وقلبه سبقه❤️
ركب السياره وعشان يزيد يتأكد اكتر اتصل بي الولد
__________________________________
جميله:كلمتني امس رباب
سمير:من رباب؟!
جميله:رباب صاحبت ريحانه
سمير:اي قلتيلي انها استأذنت منك علي الطلعه صح ولا!
جميله:اي لكن مش هاذا السبب
رباب قالتلي ان نصر يبي يرجع ريحانه
سمير:قام حواجبه بي استغراب ….كيف!!!
جميله:بفرح….والله زي ما حكيتلك
نجمه بنت خالة نصر تكون صاحبت رباب هلبا وهيا يلي قتلها
سمير :والله الكلام علي بنتك تو هيا كيف تبي
جميله:انت شن رايك به مبدئيا!؟
سمير:معنديش مشكله
الولد الله يبارك عليه مشاء الله
جميله:فرحت والابتسامه كانت شاقه فمها❤️
نجمه:واقفه تحت الشمس وتتكسل….وهاذا يلي صار
يزن:خلاص معناها غضوا يمشي نصر يرفع بوه ويتم الامور
نجمه:اي الحمد الله ….شكرا بجديات ديمه في الخدمه
بناخد تالفون بنسجل رقمك فيه قوة التدخل السريع😂❤️
يزن:ابتسم ع جنب
نجمه:انا بنخش نرقد شوي تعبت
يزن :نجمه
نجمه:همم
يزن؛انا صارلي زي مقتيلي
نجمه:عقدت حواجبها بي استغراب ….شنو؟
✨✨✨✨✨✨✨✨✨✨✨
نجمه لازم لما تتزوج تاخد وحده يفز قلبك لما تشوفها
مطيقش فراقها
وكان تلقى تقضي عمرك كله معاها
الحب يلي في قلبك وقتها هوا يلي رح يخليك تسامحها وتحترمها وتكون سند ليها
✨✨✨✨✨✨✨✨✨
نجمه:اءء اي !؟
شن دخل كلامي خيره؟!!!!
اختفت الابتسامه من علي وجها …في حد انت حسيت معاه هكي ؟!
يزن:بلع ريقه بتوتر….انا
انا قلبي بدي لما يشوفك يرعش ويفز زي ما حكيتيلي
وبديت نراجي امتى نشوفك وبديت حاس روحي مسؤل عليك ونبي نقعد جنبك نحميك وندير بالي عليك من كل شي
نجمه:صمتتتت
يزن:عارف تقدمت مره ورفضتي لكن ها المره غير
جايك وجايب معاي قلبي و…..
براحتك مترديش فكري قبل
كريمه:قاطعتهم….نجمه تعالو الغدي واتي
______________________________
ندى:خشت للمربوعه وسفرة القهوة ترررررررعش بين يديها
فتحي:هههههههه والله حالة ها الناس شن بدير هي
نذير:اي والله ياعمي
ندى:تفضل بابا
فتحي:لالا عندي مشوار انا وانور
ندى:قدمت لي نذير ….تفضل
نذير:خذي القهوا وعيونه فيها …يسلمو يديك
فتحي:لاحض يدين بنته ترجف وعرف ان في موضوع صاير بينهم الاثنين ميبوش يحكو فيه لي حد !
فتحي:هي نوض انور سلم ولدي
انور:هي يا بوي
وقعمزت ندى مقابل نذير وشابكه يديها في بعض بتوتر
نذير:حط الفنجان ع الطاوله وقرب منها …..عندك الصور
ليش مطلعتيهمش!!
علاش خليتينا نوصلو للمرحلة هاذي؟!
ندى:ف فف فكرت ان لا
منبيش نوريهم ونفضحها
نذير:تي هيا تخلت عليك!
ندى:قامت عيونها بي استغراب ….كيف!
نذير:علاش بس !
علاش انا كيف بنصلح الغلط والمصيبه يلي درتها معاك
كيف بنفهم اهلك واهلي اني طلقتك وبنرجعك
ندى:مفيش داعي ترجعني لان خلاص
نذير:قلبه طاح وانفجر كلام……لاااااا ياندى
متقدريش تلوميني ع يلي صار ندى انتي مش حاسه بي الناري يلي فيا ندى حرام عليك انا…..
ندى:قاطعاته…..انت مطلقتنيش اصلا عشان ترجعني
نذير:شن تحكي؟!
ندى:طلقتك مش ماشيه فيا لاني
لاني حامل💓
نذير:انا مش م….. شني؟!!
كيف كيف
شن تقولي وين؟؟؟؟
ندى:ضحكت …..شني وين؟!😂
نذير؛يرججججف…..وين عرفتتتتتي؟؟؟؟
ندي:تحليل منزلي و عندي هلبا اعراض
نذير انا مش زعلانه منك لانك ياما سامحتني
حاسه بي الشي يلي حسيته و…..
نذير:تي خليني في حمللللللككككككك
نوضي البسي بنتأكدو بسررررررعه تحركي
ندى:ضحكت ….منقدرش
نجم الدين مسافر ومخلي ولده معاي
نذير:تي جيبيييييه نوضي
ندى:ناضت وهيا تضحك❤️
كانت المصحه مقلوبه وكل الناس يلي كانت تراجي في دورها ويلي جايين زياره وحتي يلي يخدمو في المصحه
متأثرين بي نجم الدين 💔
يلي ماسك دموعه ويلي دموعه نزلو ويلي يشوفله بصدمه
و و و
علاش!
لان اول ما سمع الدكتور انهاااااااااااااار طاح ع الارض. وهوا يقول
ياجباااااااار يارحييييييييييم يلي رحمتني كنت عارف انك رح تعطيني فرصه تانيه والله ما مضيعها💔
ياربي شكرااااا
يالله موسع فضلك يا الله وشهقة البكي كانت عاااالية❤️❤️
________________________________
بعد مرور 3أيام بزبط❤️
كانت رجعة ريحانه لي نصر في نفس يوم خطبة يرن من نجمه❤️
ومرواحة نجم الدين بي شيخه يلي وفي بي وعده وجابلها زكرة اول ما طلعت من المطار!❤️✨
كان الفرح يعم المكان❤️
الكل سعيد بي كل ها الاخبار الحلوه لكن هل الفرحه رح ادوم؟!
بعد مرور اسبوعين✨
نذير:ايااااه عادد
ندى:به به والله معاد طالبه منك حاجه امشي
نذير:ياستي اطلبي عيوني ليك وربي لكن مش تقولي نبي لحم ثعبان وخيتي خيرك حامل من ضبع وانا مندريش؟
ندى:نذييييييير قتلك طلعتلي طريقته في الفيس 💔
جي في خاطري
نذير:تو نمشي نقتل هديل ونطيبهالك
ندى:ههههههههههه بايييييييخ حرام عليك
نذير:حط وذنه علي بطن ندى…..احساسي يقول ولد مدام خاطره في لحم حنش بيطلع وحش زي بوه 💪🏻
ندى:وراسك ماجايه الا بنت خشمها كبير زيك
نذير:😂😂😂😂😂😂
ندى:متين خلا مكانه استاحشته
نذير:الفرخ النفاخ هوا كل ما يحلى الجو شويه يرك عيطه اريح
ندى:😂😂😂😂😂
_________________________________
يزن:متقولش بعد كل ها الوقت يلي فات نحنا ناسيين ومفيش حد ورقلك !
ادهم:شن تحكي؟!
يزن:نحكي علي تسليمك نجمه لي عمامها
وعلي رباب يلي اتصلت بيك بتقولك تعالا خود نجمه وقتلها غالطه يومها
ادهم:شن تقول !؟
يزن:فاهمني كويس شنو نقول ….بس حني متغاضيين ع الموضوع بكيفنا!
ودايرين حساب لي امك المريضه داخل والا وربي يا ادهم
راك شفت شي ما يسرك
واهو ولت مرتي وريني شنو بدير وكيف بتوصلها
ادهم:توتر……اصلا اشبعو فيها البلاد بيلي فيها انا مسافر
وطلع بسرعه هارب من نضرات خوه
كفاح :وربي ياشيخه لو ما حاسباتك زي اختي راهو حرجت عليك معقوله ورم اللهم عافينا وعمليه وانا اخر من يعلم؟
شيخه:والله نجم الدين الا هكي يبي هي
كفاح:يالله مش مشكله خلي انوض انديرلكً الغدي
شيخه:يبارك فيك كفاح تعبتك
كفاح:من بعيد….تعبك راحه
ناديه(مرت بو شيخه):الله يبارك سلفتك عسل
من بكري تحوس في حوشك خلاته يلمع لمع
شيخه:تتوجع….اي والله مش مقصره معاي
ناديه:نوضي خوديها ع جنب بروحكم واشكريها نوضي
شيخه:ابتسمت هي وانتي قلتيها❤️
وناضت شيخه قربت للمطبخ
كانت بتخش بس سمعت كفاح تتعارك في التالفون وحست انها تتعارك مع راجلها محبتش تحرجها بس قبل ما تمشي سمعت اسمها وهاذا يلي خلاها ترجع
كفاح:نفسييييييتي تعبت!
قلتيلي مرض بلي يرفعها من عليا
تروح وهيا في حاله الله يبارك احسن من لما مشت؟
معقوله انتي ع شنو الفلوس يلي تاخدي فيهم سحر العازه متعك هاذا م……
ونصدمت لما شافت شيخه
شيخه:طاحت دمعتها وهيا تقول…..علاش!
كفاح:نزلت التالفون بهدوء وهيا ساكته
شيخه:علاش!💔
كفاح:تبدلت ملامحها …..شن مزال تبي تاني ها!؟
حصلتي الولد
وراجل يموت فيك
شقتك اكبر مني وكل شي يمشي لييييييك قبلي
وانا ياحسرتي شنو؟؟؟؟
زوز بنات والحمل معش شد معاي
حتي ذهبي بعته شن قعدلي
علاش تبي تاخدي كل شي علاااااااااش!!!
شيخه:تبكي بشهقه…..ياحماااااره انا اختك💔
يعلم ربي اني مكنتش مستريحه في حياتي حرام عليك علاش درتي فيا هكي
كنت مستعده نعطيك كل شي حرام عليك
كفاح:تبكي بشهقه…..انا انا كنت
شيخه:اطلللللللعي برا اطلللللعي💔💔💔💔💔
كفاح؛طلعت ودموعها ع خدها💔
_______________________________
في المطبخ💓
نجمه:هههههههههههه وربي ياخالتي
نبيله:هاتيلي باقي الكوسه هي
نجمه:تفضلي
يزن:السلام عليكم
نبيلهم:يا اهلا بخطيب الغاليه
نجمه:ابتسمت …..ششن جابك عندنا في ها الوقت
نبيله:تحشمي يا بنت شنو ها اللزه هاذي هههههه
يزن:وجها ميتفسرش ….نجمه نبيك في الصاله شوي
اختفت الابتسامه من علي نجمه وخالتها لما عرفو ان الموضوع جدي وطلعت نجمه وراه
نجمه:شن في!
يزن:هاذي ليك….ومدلها ورقه
نجمه:فتحتها وكان مكتوب فيها
صاحب عمري انتي❤️
نحبك هلبا واحلى شخص خش حياتي انتي طيوبه ودرتي هلبا حجات ع خاطري هذاك اليوم قتلك بنفتحلك موضوع وحسيتك فرحانه منبيش انكد عليك او تنشغلي عليا
انا قررت نرجع لي اهلي 💓
مكانهم بعيد بس اكيد رح تزوريني خليت ها الورقه في شقتك لان شفرتي كسرتها باش ميعرفهاش طه
نحبك❤️
نجمه:ابتسمت ….تحكي جديات هادي !!
يزن:خدي تفس
رباب رباب توفت
نجمه:الابتسامه قاعده علي وجها ….شن تحكي !
يزن:اهلها قتلوها يا نجمه اول ما شافوها علي طول
نجمه :لا لالالا مستحيل
نحي من قدامي لا
يزن:ماسكها بي السيف وهيا منهاااااااااره بكي وعياط 💔
اي للاسف كانت كل اتهاماتكم لي رباب غلط
عاشت وماتت اوفى واحن واصدق صاحبه ممكن تحصلها نجمه 💔❤️
__________________________________
مر علي قصتنا 4سنين كاملات ❤️
كل ابطالنا حالهم تغير ❤️
فيه يلي نسي احزانه زي شيخه وراجلها❤️
شيخه:فرختك تعبتني
نجم الدين:ابتسم وهوا واقف ع الشوايا….خليها تاخد راحتها دلوعت بوها
هي هي متييييييين العب غادي بي الكوره سلم ولدي امشيي
نددددددي تعالي ارفعي ولدك غادي بي الكوره متعه
نذير:توا ع اساس ولدي هوا يلي مضايقكم🙂
شوف ولدك زي الجن
ندى:يارررربي توا بنبدو في عراك الكبار😂
شيخه:ههههههههههههههه حاله وربي احرف من الصغار شن هاذا
ندى:سيف حبيبي برا العب انت ومتين غادي ع العشب
تصدقي حاسه بروحي حامل ومنبيش نقول لي نذير منبيشي يفرح ع الفاضي
شيخه:😂😂😂😂ردي بالك غضوا تو نحللو لان نبيك تطلعي معاي بناخد شوي حاجات لي ماسه
ندى:من ماسه العفو؟!
شيخه:الاسم اختاره نجم الدين متضحكيش عليه
ندى:خيره حبيبتشي ذوق خوي زي العسل
شيخه:اممممم ياحليلي ع خوك
نذير:شواك زي وجهك تي مش هكي اللحم
نجم الدين:زيد غادي شن عرفك انت
ندى:ايااااه علينا
شيخه:لقو حاجه يتعاركو عليها ياربي الصبر😂😂😂
_________________________________
نجمه: جزء صغيرون من الحلقه الاخيره❤️🩹
منو تتوقعوه يلي يحكي!
ياريتني ما درتك صاحبتي 💔
ياريتني ما استندت عليك بعد اهلي وياريتني ما حبيتك ولا حتى تعودت عليك مكنتش نعرف ان بيجي اليوم وبديري فيا هكي 💔
رح نعيش حياتي كلها وانا نسأل………علاش؟
علاش بس !
علاش مشيتي وخليتيني بعد ما علقتي قلبي فيك علاش
علاش حرقتيلي قلبي 💔
يزن:نجمه ياسرك هيا نوضي
نجمه:مسحت ع القبر ….بنتي رباب بدت تكبر❤️🩹
ضحكت ودموعها ينزلو تصدقي امس قتلي ياماما نحب اسمي ❤️
يزن:نجمه هيا الله يهديك
نجمه:وقفت …..ان شاء الله توصل فيك الصدقات يلي نبعتلك فيها ياقلبي انتي الله يرحمك ويجعل مثراك الجنه يارب❤️💓
_____________________________
انور :السلام عليكم
نذير:اووووو انور ….نورت تفضلو تفضلو جيتو في وقتكم
انور:يبارك فيك خشي كفاح
نصر:اهلا تفضل ياغالي
نجم الدين:زود شد علينا خوك نفخهم محاضراته هلبا
انور:هههههههههه
خشت كفاح وهيا متحشمه ومش قادره ترفع عينها💔
سلمت علي الكل وقعدت معاهم في هدوء
تخيلو ان 4سنين تامات مفيش حد حاس ان شيخه مقاطعه كفاح!💔
ندى:الله يبارك هلي صبايا خوي هي حبيباتي يالله تعالو معاي نساعدو خويله نبيله ونجيبو سلايط هي
وخشو معاها❤️🩹
كفاح:شيخه نبي نحكي معاك
شيخه:ترتب في القعده…..تفضلي
كفاح:نبوس علي رجليك💔
والله تبت ورب العزه الحقد والكره عماني الله يخليك سامحيني
شيخه:يسامحك ربي كفاح وانا مش شايله منك بس مستحيل نقدر نرجع معاك زي قبل صدقيني
خلينا عادي جدا نتعاملو مع بعض والباقي علي الايام
ريحانه:هاك كفاح سفرة الطواسي وحركي يديك ياماما مش كان كيف جيتي خلاص حبيبتي بطني ع ركابي انا وشيخه
نجمه:مطوووول لسانككككك
ريحانه:جيتووووو …..ياعمري رباب تعالي في حضني ❤️❤️❤️
نجمه :ضحكت وسلمت ع الكل
نبيله:العفو ياربي وين كريمه!؟
نجمه:امي كريمه اهو وراي
نبيله :تلود بي البخور زي العاده ……الله مايحرمنا من ها الجمعه يااااارب
ندى:خاشه بي السلايط اللهم امين يارب هيا الشواء قريب يكملوه
نذير:ياودي مش ح يعجبكم
نجم الدين:ارفعوه من قدامي هادا خير ما نشويه هوا
يزن:مقدرت علي دجاجه بالله اهو كله قاعد احمر 😂
نجم الدين:حتي انت صار🙂🙂🙂
كل الموجودين حياتهم تغيرت للاحسن❤️🩹
الا زوز قاعدين زي ما هما
ريحانه:الله يرحم ايام تبعتلي من بعيد تبي ترجعني
نصر:اناااااا
قوليها لي روحك يافالحه تتلصقي ع نجمه باش توصلي المعلومه
ريحانه:شافتله مده طووويله ….بالله سكرلي فمك وانت مولي زي السنجاب
نصر :علاش سنجاب يعني بدات !
ريحانه:اسكتتتتت وووه مكتر دوتك
نصر:هرمونات الله غالب
نصر:ياعيونه انتي🥹❤️
هديل رغم يلي دراته سامحوها بس كانت عايشه مع راجلها بشكل مش لطيف هلبا ومشاكلهم كاثره وهاذا يلي يبدا حياته علي كذب!
اما كفاح عرفت ان راجلها تزوج عليها وخسرت حبه بي عملتها وسلفه زي العسل 💔
طه كمل حياته بين الجوامع بعد موت رباب يحاول ان يخفف ذنوبه وبذات ذنب المسكينه رباب يلي حبها بطريقه غلط وخلاها تخسر حياتها 💔
اما ادهم هاجر من البلاد وتروج اجنبيه ويكلم في اهله بدون زيارات❤️
عاش الكل حياة سعيده متخلاش من المشاكل بس الحلو ان كل حد تعلم من غلطه وخدي فرصته ومضيعهاش ❤️
النهايه مش خياليه النهايه واقعيه لي اي شي مر بضروف صعبه اكيد رح يجي الوقت وربي يعوضه
والناس يلي كانت نيتها سيئه مهما طال الزمان وبي رح يجازيه💓
خليكم ديمه حذيرين من اقرب الناس ليكم لان في كل مكان موجودين ملائكة حاشه ملائكة السماء منهم لكن هما في الحقيقة بألف وجه
الحب في كل مكان صدقوني لكن كله يعتمد علي اختيارك
اختارو صح ❤️🩹
يتبع الفصل كاملا اضغط هنا ملحوظة اكتب في جوجل " رواية ملائكة بالف وجه دليل الروايات" لكي يظهر لك الفصل كاملا
- يتبع الفصل التالي اضغط على ( رواية ملائكة بالف وجه ) اسم الرواية