رواية وما كتب العشق الا لها (كاملة جميع الفصول) حصريا عبر دليل الروايات بقلم ندى سمير
رواية وما كتب العشق الا لها الفصل الحادي والعشرون 21
وما كتب العشق الا لها ♥️
بارت 21بقلم Nada Samir
قدر ببرود وهدوء:او ممكن تكون خطيبتك مثلا
رعد باستغراب:وهى خطيبتى من امتى بتكون المسؤوله عن ملفات شركتى
روفيدا بدلع:هاى بيبى سمعت انك بتدور على ملف شركه**** انا خدته عدلت فيه اللى كان محتاج تعديل وجيبته اهو بس انا اول مره اعرف انك مشغل ناس مش بتفهم معاك
قدر:ا..
رعد بمقاطعة:اولا قبل ما تتكلمى عن موظفينى ممكن اعرف انتى هنا وبتعدلى فى الملفات بمناسبه ايه
روفيدا بدلع وهى بتقرب منه:ايه دا ي قلبى هو اونكل محمد معرفكش
رعد باستغراب:يعرفنى ايه مش فاهم
روفيدا بنظره انتصار:بانى هكون السكرتيره الجديده بتاعتك وان خطوبتنا بكره
رعد بغضب:انتوا ازاى تحددوا حاجه زى كده من غير اذنى
روفيدا بدلع:معلش بقا ي بيبى قولنا نعملهالك مفاجاه
قدر كل دا واقفه بتبص ليهم بشرار
رعد خد باله من نظرات قدر وغصب عنه كان فرحان بغيرتها عليه
رعد بمشاكسه:ايوه ي قلبى احلى مفاجاه دى
قدر بعمليه:استاذن انا اروح مكتبى عن اذنك وخرجت قبل ما تسيبه يحاول يفهمها حتى
اول لما خرجت رعد رمى روفيدا بعيد عنه
روفيدا:امم هى دى السنيوره اللى انت بتحبها صراحه زوقك بقى وحش اوى
رعد:قصدك كان وحش اوى انا مش مصدق انك كنتى فى يوم قريبه منى
روفيدا:معلش بقى ي بيبى محدش بياخد كل حاجه المهم اجهز علشان خطوبتنا بقى
رعد بعصبية:أخرجى بره ولو عرفت انك دايقتى قدر هندمك
(فى مكتب قدر)
قدر لنفسها:فوقى بقى ي قدر دا غلطك من الاول كان لازم تبعدى من الاول غبيه غبيه
فى مكتب ملك
الباب اتفتح فاجئه من غير استئذان
ملك بخضه:ايه دا فى اييه مين مات
ايان بضحك:مفيش حد مات بس يلا تعالى معايا
ملك بعصبية:هو فيه حد بيدخل كده مش فيه حاجه اسمها استئذان؟؟!
ايان بابتسامه مشاكسه:امم طيب يلا علشان لو اتاخرتى اكتر من ربع ساعه كمان هخصم من مرتبك
ملك باستغراب:اتاخر على ايه
ايان بمشاكسه:على الشغل ي ملاك اومال هتتاخرى على ايه مثلا
ملك باستغراب:اومال انا فين ما انا فى الشغل
ايان بابتسامه مشاكسه:ايه دا هو طارق معرفكيش
ملك باستغراب:يعرفنى ايه مش فاهمه
ايان بغمزه:انك هتكونى المساعده بتاعتى وعقبال ما تكونى حرمى العزيز باذن الله
ملك فضلت باصه عليه وساكته
ايان بابتسامه: انا عارف انك خجوله وانك دلوقتى مكسوفه منى بس مش.......
ملك بغضب: استنى استنى هو انا لعبه كل واحد بيديها للتانى؟؟!
ايان بمشاكسه:امم قطتى طلعلها ضوافر وبقت تخربش ولسه ملك هتتكلم هو قاطعها بقى فاضل عشر دقايق
ملك وهى مش مستوعبه حاجه:ايوه انا مش فاهمه اعمل ايه دلوقتى
ايان وهو بيمثل البراءه:انا لو منك اروح على الشركه حالا
ملك بتوتر:انا معرفش مكان الشركه ؟!
ايان بابتسامه :تعالى هوصلك
(عايزين واحد من ايان لو سمحت🥹)
عند حور
...:ها عرفتى هتعملى ايه
حور:عيب عليك انا هتصرف
..:تمام عرفينى كل حاجه اول ب اول سلام
_سلام
عند قمر
محمد:ها ي حلوه هتيجى ولا اشوف اختك
قمر:لا هاجى هنتقابل فين
محمد بخبث:هبعتلك اللوكيشن سلام
_سلام
رحيم بغضب:انا هوريك ي حيوا*ن قمر اوعى تروحى المكان دا أو تيجى ورايا انا هتصرف
قمر:بس انا خايفه يكون معاه حد
رحيم بابتسامه:الله هو القمر حن ولا ايه
قمر بسرعه:تروح وتيجى بالسلامه سلام (وهربت🙂 بالله رحيم دا عسل👀)
رحيم بابتسامه:مجنونه بس بتشدنى ليها
فى الكافتيريا_____
غاده :مالك ي قدر فيه حاجه ؟!
قدر بوجع:لا بس عايزه تلج بس
غاده باستغراب:ليه فى اي....استنى ايه دا مال ايدك ورينى كده
قدر بوجع: لا مفيش حاجه مهمه
غاده بشهقه:يلهوى ايدك اتحرقت من ايه؟؟!
قدر:لا مفيش القهوه وقعت على ايدى بس مش اكتر
غاده بعتاب:خدى بالك بعد كده ي قدر واستنى هجيبلك كريم حلو
قدر بحب:شكرا ليكى ي غاده
غاده:بلاش هبل ي بت انتى اختى استنينى مش هتاخر
بعد خمس دقايق
ناصر بحب (زميل قدر فى الشغل):عامله ايه ي قدر ايه اخبارك
قدر بضيق: الحمد لله كويسه عن اذنك
ناصر وهو بيمسك ايديها:قدر استنى بس
قدر بوجع علشان هو ماسك ايديها المحروقه:لو سمحت سيب ايدى
رعد بغضب:والله فاكرين نفسكوا على الكورنيش ولا ايه تحبوا اجيبلكوا اتنين لمون بالمره
ناصر :اا اسفين ي فندم مش هتتكرر
قدر بوجع:سيب ايدى
ناصر وهو بيسيب ايديها:ااه انا اسف مخدتش بالى
رعد كانت عينيه بتطلع شرار
رعد بعصبية:على مكتبى ي انسه قدر وسابها ومشى
قدر بوجع:هى كانت ناقصاه هو كمان ؟؟!
غاده باستغراب:هو الناس كلها واقفه بتتفرج على ايه هو حصل حاجه
قدر بتريقه:بيتفرجوا عليا
غاده باستغراب:ليه حصل ايه
بعد ما قدر حكتلها
غاده:خلاص متضايقيش نفسك تعالى احطلك الكريم دا علشان حلو للحروق
قدر:تسلميلى ي غاده
فى مكتب رعد
رعد بعصبية:كده الموضوع زاد عن حده اوى قاطع كلامه خبط على الباب
رعد بعصبية:ادخلى
قدر بعمليه: حضرتك طلبتنى
رعد وهو بيقرب عليها
رعد :ممكن اعرف ايه اللى كنتى بتعمليه معاه ؟
قدر بثبات:كان بيسئلنى عن حالى
رعد:امم وهو بيسئلك وهو بيمسك ايدك برضو ي انسه ي محترمه لا وكمان حبيتى اللى هو عمله ومحاولتيش تبعدى ايده حتى قال اخر كلماته بضحكه مستهزئه
قدر اتضايقت من كلامه بس مبينتش
قدر بثبات: اعتقد انا حره واكيد مش هنتكلم عليا ونسيب حضرتك يعنى ولا ايه؟! أنهت كلامها بنظره تحدى
رعد وهو بيقرب منها:انا اختلف انا اعمل اللى انا عايزه انتى بنت
قدر بتريقه:يااه هو انت تبع انا ولد اعمل اللى عايزه والحوارات بتاعت زمان دى
رعد بعصبية:قدر انا بحاول أتمالك اعصابى انا...قاطع كلامه صوت اتصال تليفون رعد
رعد:الو اذيك ي حور
حور:....
رعد بصدمه:اييه
ي ترى ايه اللى حصل ل حور وايه هيكون مصير ابطالنا دا هنعرفه بعدين الروايه هتكون 25 بارت بس ي حلوين♥️
•تابع الفصل التالي "رواية وما كتب العشق الا لها" اضغط على اسم الرواية