رواية حطمت قلبي كاملة بقلم لولا عبر مدونة دليل الروايات
رواية حطمت قلبي الجزء (2) الفصل التاسع عشر 19
عمرو بصدمه خطوبه مين انتي اتجننتي
ليان بوجع اه خطوبتك يا دكتور بتخبي ليه انا اصلا كل ده ميفرقليش عن اذنك
ورايحه تمشي مسكها عمرو واكمل بحده استني يا ليان علشان انا جبت اخري منك ودخلها وقفل الباب ووقفها وحاوطها بايديه وهو ساند علي الباب واكمل بحده مين قالك اني هتخطب
ليان بدموع بنت عمتي
عمرو بحده انهي واحده
ليان بدموع وعصبيه متعصبنيش في غيرها بتحكي معاها ايلين
عمرو فكر لثواني وفهم ان ايلين قصدت تقول كده علشان ليان تتحرك وشكرها جواه جدا فاكمل بخبث وده هيفرق معاكي في ايه
ليان بصدمه انت هتتخطب بجد
عمرو وهو باصص في عنيها اه لاكتر بنت حبيتها في حياتي
ليان بدموع اوعي يا عمرو خليني امشي وعلشان محدش يشوفنا كده
عمرو بهيام في عيونها اكمل محدش هنا بابا وماما مع ستي عند الدكتور بعدين مضايقه وبتعيطي ليه قوليها وريحيني يا ليان
ليان بدموع معنديش حاجه اقولها اوعي
عمرو وهو بيقرب من وشها اكتر اكمل متاكده
ليان. قلبها دق جامد من التوتر واكملت بتحذير ابعد عني احسنلك انا ابن عمتي رائد هخليه يروقك لو ضايقتني
عمرو بابتسامه اسر ده حبيبي قوليله عادي وقرب من وشها اكتر وانفاسهم اختلطت
ليان بتوتر ارجوك ابعد يا عمرو
عمرو بهيام مش هتقولي بردو يا ليان خلاص خليكي ساكته لو مقولتيش هفضل كده وبص علي شفايفها
ليان بحده ايااااااك والله هموتك وهقول لاسر يربيك
عمرو بهيام وهو قريب من وشها اكمل طب خلاص بس اهدي صوت قلبك واصلي ليه كده يا ليان وجيتيلي ليه لما عرفتي اني هخطب انطقي بقي وكفياكي عناد ارجوكي انا تعبت
ليان بتوتر لما تبعد عن وشي علشان اتوترت من قربك
عمرو وهو باصص في عنيها الخضر فهي نفس عيون والدها اكمل بحب وحياه عيونك الحلوين دول ماهبعد غير لما اسمعها
ليان بتوتر هي ايه
عمرو بحده انتي عااارفه مش عايز استعباط
ليان غمضت عنيها واكملت ايوه بحبك يا عمرو استريحت
عمرو بعدم تصديق وفرح اكمل ايه قولتي ايه ??
ليان بدموع ضربته في كتفه واكملت بحبك يا حيوان ومن زمان وانت مش حاسس بيا ورايح تخطب
عمرو بفرح يابت انتي هبله انا كنت اقصدك باني هخطب اكتر واحده حبيتها في حياتي وانا حكيت لايلين اني بحبك فهي ساعدتني بس مكنتش اعرف انها هتقولك كده
ليان بدموع فرح يعني انت بتحبني انا يا عمرو
عمرو بحب حضنها واكمل ده انا بموت فيكي يا بنت حسام
ليان بضحك حسام حاف كده
عمرو بضحك اومال هحطلها ملح
ليان خرجت من حضنه واكملت طب ابعد كده واتلم انا اخويا ظابط فلو شافك هيعلقك
عمرو بضحك مالك بتهدديني باخوكي جتك داهيه فيكي وفي اخوكي
ليان بضحك طب انت قد كلامك ده
عمرو بحب اه بس سيبك من اسر نروح انا وانتي في داهيه مع بعض مش مشكله كفايه اننا سوا
ليان بضحك مجنون انا هروح امشي
عمرو مسك ايديها واكمل استني ده البت ايلين دي برنسيسه مش خساره فيها الشكولاته الغاليه اللي طلبتها
ليان بضحك ده انا هربيها المهزقه وجعت قلبي
عمرو بحب الف سلامه علي قلبك يا لولي المهم شوفيلي حسام بقي
ليان بضحك يابني اسمه عمو اتلم شويه بس مش هتحرك غير لما اخويا يتجوز الاول
عمرو برفعه حاجب اخوكي كاتب كتاب يا ليان سيبك منه
ليان لا كنت بتكلم مع البنات كلهم قرروا انهم هيبتدوا يتخطبوا لما نطمن علي اسر
عمرو بتنهيده مفيش مشكله المهم انك بقيتي عارفه اني بحبك وانتي بتحبيني ربنا يخلصنا منك بلسلامه يا اسر يا ابن مراد
ليان بضحك يارب يلا باي بقي
عمرو بحب هبقي اكلمك
ليان ماشي ياروحي
———————————-
في اوضه مراد
مراد خرج من الحمام وكان بينشف شعره وابتدي يلبس
عشق بتوتر حبيبي
مراد اممم
عشق بتوتر ممكن طلب
مراد بحده لو موضوع ايلين قفلي احسن
عشق بحزن ليه يا مراد
مراد بحده علشان انا مش هجوز بنتي لابن طارق بسهوله مش هأمنله
عشق بستغراب بسهوله! !! معني كده انك يعتبر موافق
مراد بتنهيده بصي يا عشق الواد لما كلمني اناشوفت في عنيه تحدي وحب واضح لبنتك بس مش هأمن بسهوله صحيح نظرتي مخيبتش ابدااا قبل كده بس اللي مريت بيه من طارق مش سهل فانا هحط مصطفي ده تحت عيني وهشوف فعلا اذا كان بيحبها ويستاهلها ولالا
عشق حضنته واكملت كنت عارفه انك هتحس ببنتك طارق الله يرحمه ومصطفي وايلين ملهمش ذمب فعلا يا حبيبي انا معاك
مراد بحب انتي عارفه اني بقدر الحب جدا يا عشق بس مش بسهوله هرمي بنتي الايام هتبين والكلام ده بينا قدام اي حد انا رافض تماما حتي ايلين لازم توصله فكره اني مش عايزه خالص
عشق حاضر يا حبيبي
مراد واسر بردو لازم يوافق مهما كان ده اخوها الكبير وهو ليه الكلمه من بعدي فا رايه مهم. انا صح ليا الكلمه الاولي والاخيره بس مينفعش اصغره قدام اخته واقول اه وهو رافض
عشق بضحك لو علي اسر فا اطمن
مراد بضحك اسيل صح
عشق بضحك ايوه
مراد رجع ضهره لورا راكمل بضحك لا انا كده اطمنت صحيح ان كيدهن عظيم
————————————-
عند هايدي
هايدي بدموع علشان خاطري اهدي يا بني من الزن هيوافق مراد طيب وبيفهم في الحب وبيقدره متقلقش انت بس متستلمش
مصطفي بوجع واما هو طيب جوزك قتل ابنه ليه وعمل فيه كل ده
هايدي بوجع حطت راسها في الارض واكملت كان غبي والانتقام عماه سامحه يابني ده دلوقتي بين ايدين ربنا
مصطفي بعصبيه اساااامحه اااه اسااامحه علي ايه ولا ايه ولاايه اسامحه علي اخو حبيبتي اللي موته ولا علي ابن عمه اللي ظلمه وقهره علي ابنه ولا انه عيشني حياتي كلها في هروب وخوف انا وانتوا ولا علي جاسر اللي حالف يدمر مراد واكمل بضحك ده لسه جاسر ميعرفش ان البنت اللي انا بحبها دي بنت مراد اكتر حد هو بيكرهو في الدنيا يااااه هي الدنيا ضيقه اوي كده البنت اللي احبها تتطلع هي هي بنت مراد قريبنا واللي اخويا حاالف يموته يعني ابويا يقتلها اخوها واخويا يقتل ابوهااا وكسر اازاز الشباك بعصبيه. بايده واكمل ما عنده حق احنا عيله زباااااله وانا لو مكانه مش هدي بنتي لواحد من العيله دي
هايدي خدته في حضنها واكملت بعياط اهدي علشان خاطري يابني اهدي ابوس ايدك ووعد مني هتتجوز ايلين بس انت صمم
مصطفي بوجع انا مش هسيبها مهما يحصل بس واخويا اللي مصمم يقتل ابوها ده
هايدي بوجع وعياط مش هينفع يعمل كده مش هسمحلوووا ابدا
مصطفي بدموع ده حب ايلين وساعدها من يومين تخيلي لو كان يعرف انها بنت مراد كان قتلها هي كمان
هايدي بستغراب وخوف ليه شافها فين وبعدين صح اياااك اخوك يعرف حاجه اياااك يعرف ان ايلين بنت مراد او ان طارق قتل اخوها اياااك هو ميعرفش كل ده
مصطفي بدموع اما ميعرفش الحكايه كلها اصلا وان ابوه شخص زباله عايز يقتل مراد وينتقم منه ليه اصلااا. وعلي ايه
هايدي بعياط ربنا يسامحه طارق قاله االلي يخليه شبهه فكل حاجه حتي كرهو وحقدوا علي مراد حاجات صح بس بطريقته هو وحاجات مش صح خالص وطلع نفسه بريئ يعني جاسر غصب عنه يا مصطفي بردو بس هو شاف حبيبتك فين
مصطفي بدموع لما جالي الكليه كان حد بيضايقها وهو انقذها وقال انه اخوها علشان شبها في بعض تفاصيل الوش زي عنيهم كده فا الواد صدق وخاف وقولت لمعيد الكليه عليه
هايدي بوجع اكملت في سرها هي اختك فعلا يا حبيبي ايلين اختك اه يا طارق انت مت وسبتني اشيل هم كل حاجه انت خربتها وعذاب الضمير اللي انا عايشه فيه وبسبب تربيتك لادم ابنك مصطفي حياته بتتدمر ولو فكر يأذئ مراد هيبقي قتل ابوه ودمر حياه اخوه اللي اتربي معاه اعمل ايه بس يارب ساعدني
مصطفي بوجع ماما انتي معايا
هايدي ها اه يا حبيبي قوم ارتاح وزي ماقولتلك متجبش سيره لجاسر ووعد مني هتتجوز ايلين انت بس صمم ووري مراد انك غير ابوك وانك فعلا بتحبها واخوك سيبهولي انا اياك تنطق معاه ولا اكننا روحنا اصلا
مصطفي بدموع ماشي وقام بص علي صوره باباه بعتاب وحزن شديد ودخل ارضته
هايدي بصت للصوره واكملت بدموع ربنا يسامحك يا طارق مش هقول غير كده
———————————–
في اوضه مكه
مكه باعجاب ايوه طبعا يابني عجبني جدا زوقك في الورد قمر يا يونس تسلملي يارب
دخلت مريم وساب الباب مفتوح
مكه طب سلام اكلمك شويه كده
مريم بحده الورد ده مين جبهولك
مكه بلا مباالاه وهي ماسكه فونها اكملت يونس
مرريم بحده هو انتي مش بتخافي من حد خالص طيب يا بابا بابا
مكه قامت بسرعه ودخلتها لجوه واكملت بخوف بس يا مريم انتي اتجننتي عايزه تقولي لبابا
مريم بحده اه علشان انتي ذودتيها
مكه في ايه احنا صحاب عادي يا مريم بطلي طريقتك دي وانك تعملي فيها اختي الكبيره في ايه انا مبعملش حاجه غلط
مريم بخبث خلاص بلاها بابا انا هتصل بسياده الرائد وناخد رايه سيبك من بابا خلينا شباب مع بعض
مكه بخوف شدت فونها واكملت انت اتجننتي لا طبعاا مش هسمحلك تحكي لاسر ده يموتني
مريم بحده واما انتي عارفه انه يموتك يبقي علشان عارفه انك بتعملي حاجه غلط فخايفه انا مش هسكتلك كتير
مكه بحده يونس بقي كويس يا مريم متظلميش حد
مريم يابت ده بيضحك عليكي بطلي عبط بقي واعقلي
مكه بتحدي اثبتيلي كده وانا اوعدك هبطل اكلمه
مريم بتحدي اكبر هثبتلك بس هتسمعي كلامي
مكه اه بس لو اتثبت انه كويس انا هقوله يجي يقابل بابي واسر
مريم بصدمه وسليم يا مكه
مكه بوجع سليم مقاليش انه بيحبني مش هفضل استناه انا قربت اتخرج فهشوف حياتي
مريم بصدمه مش لازم يقول انتي مش بتحسي خااالص مفيش مشاعر مش شايفه عنيه
مكه احيانا بنعوز نسمعها علشان نتاكد يا مريم وطبعا ربنا يحميكي انتي وزين فمحستيش بكده
كانت ندي معديه فسمعتها ابتسمت ودخلت
ندي ممكن اقعد شويه
مريم بحب اقعدي يا حماتي
ندي باستها واكملت حبيبت حماتك المهم يا مكه انا مش جايه اديكي مواعظ واقولك بطلي غباء او تصرفك غلط لا انا جايه اقولك حاجه واحده انا حاسه بيكي
مكه بحزن ازاي يا خالتي
ندي بتنهيده من سنين كتير كنت قدك بلظبط وكنت قاعده مع عشق في كافيه الجامعه وكانت هي نسخه عن مريم دايما تقولي بطلي غباء ادهم بيحبك بلاش تخسريه يابت عنيه باينه اصل انتي مش مدياله ريئ وكلام من ده وانا قولتلها نفس الجمله احيانا بنعوز نسمعها علشان نتاكد
مكه بحزن بلظبط طب انتي اتصرفتي ازاي
ندي بصي ياستي انا صممت فعلا اني انا اللي صح وقولت لعشق هو مش عيل صغير علشان ميقولش انه بيحبني او لسه بيكون نفسه ده كبير وواعي ومتخرح ودكتور جامعي فا ايه مانعه يقولي انه بيحبني
مكه بلظبط انا بقول كده والله
ندي اسمعي بس المهم ادهم كان عنيد اوي وانا اعند منه وبقينا قط وفار زيك انتي وسليم بلظبط لدرجه ان مراد وعشق حبوا بعض بعدنا بكتير واتخطبوا قبلنا بس تعرفي ليه لان هما الاتنين كانوا مبينين مشاعر بعض لبعض فمراد اتجرئ وقال انه بيحبها وهو مش خايف انما انا يا مكه كنت مش برضي ابين وهو بيعمل زيي فمحدش فينا اتكلم لحد مااا جيه اسوء يوم في حياتي وده سر بينا مش كتير يعرفوا بيه ها
مريم ومكه اكيد طبعا
ندي بتنهيده كنا في خطوبه ابوكي وامك هنا في الجنينه وكان سوري اني بفتح في القديم بس خلاص ها اللي فات مات هشام كان ميعرفش ان عشق اخته فا كان عايز يأذي ابوكي وكانوا اعداء
مريم اه عارفين
مكه اه عارفه القصه دي
ندي بتنهيده بس اللي متعرفهوش اللي جاي المهم اليوم ده ادهم اتخانق معايا علي لبسي علشان انا مكنتش محجبه وكنت لابسه فستان حماله فهزقني طلعت اوضه عمتك اسراء جبت طرحه ونزلت لقيت مراد عاجن هشام ضرب علشان ضايقه وقاله انه عشق عيونها رمادي زيه ومعاكسات يعني فا في الاثناء دي عزه مرات خالك كانت بتساعد هشام واكمت بضحك سوري علي فضايح العيله يابنات
مريم بضحك لا عادي كملي
ندي بحزن المهم عزه حطت حاجه في عصير مراد وعشق وهما كانوا مضايقين فمشربوش والحاجه دي سوري يعني تخليهم يتخدروا بس مشاعرهم لا فيغلطوا وهشام يفضح مراد
مكه بضحك يا اتش يااللي مش سالك
ندي لا انا قولت ده سر
مريم عيب عليكي يا حماتشي في بير محدش هيعرف بجد احنا كنا عارفين شويه كده كده بس متقلقيش كملي
ندي بحزن المهم انا وادهم شربنا العصير
مكه ومريم بصدمه ايه
ندي بحزن اه وهو صمم يروحني ومش فاكره اي حاجه تاني غير اني صحيت لقيت لبسه لبسي اللي تحت الهدوم بس وفستاني علي الارض وادهم جمبي قالع قميصه وبيحاول يهديني
مكه بدموع يعني يعني انتي حصلك كده
ندي بضحك لا منا بكملك المهم انا انهارت ورفضت يتجوزني احساسا مني انه بيعمل كده شفقه علشان غلطتوا بس هو لا اعترف انه فعلا كان بيحبني من زمان وانا قولتله اني بحبه بردو من زمان بس كان وقت قاسي اوي جيه خطبني زي ماتمنيت من زمان بس مكنتش مبسوطه كنت حاسه نفسي ناقصني حاجه فين وفين بقي ادهم قدر يخرجني شويه من المود ده وعشق كانت عملالنا تحاليل تعرفنا حصل ايه. نسيتها وشافتها بعدين خالص يوم خطوبه حسام وياسمين وقالتلي انها شاكه اني بنت كشفت عليا لقيتني بنت والتحليل قال ان المخدر 3 ساعات وانا وعمك فضلنا فتره طويله في الخطوبه بعد العصير فلما روحني نمنا وملحقش يلمسني طبعا فرحتي كانت مش سيعاني حضنت ادهم و وهو كمان عيط من الفرح بعدين اتجوزنا ودخلت فعلا زي اي عروسه وجبت زين
مريم بحب وهيام احلي حاجه عملتوها اصلا يا ندوش
ندي بضحك ماشي يا واطيه
مكه بدموع الله بجد يا ندوش حكياتكم قمرررر اوي
ندي حضنتها واكملت انا قولتلك كل ده علشان حاجه معينه يا مكه تستفديها وهي ان تبيني مشاعرك قبل فوات الاوان متعمليش زيي يا مكه يمكن ميبقاش في بعد كده وقت خلاص وتخسري ربنا يفرح قلبك ياحبيبتي
وسابتها حيرانه وزعلانه علي حالها وطلعت بس كانت فاهمه قصد ندي كويس اوي وفهمت من قصتها مع ادهم كتير
———————————
في اوضه ايلين بتتكلم في الفون
ايلين بفرح شوفت يا باشا قولتلك هخليها تقولك بحبك يسس يسس
عمرو بضحك مش خساره فيكي الشكولاته
ايلين بحب تسلم يا كبير يلا شدوا حيلكم بقي
عمرو بعد ماخوكي يتجوز مصر كلها واقفه عليه ابن مراد
ايلين بضحك طبعا هو اي حد ولا ايه
ودخلت ليان وهي بصلها بغيظ
عمرو بيضحك فاكملت ايلين بخوف ادعيلي بلرحمه يا دكتور سلام دلوقتي
عمرو بستغراب في ايه يابت
ايلين بخوف عزرائيل دخل عليا
عمرو بضحك حبيبتي صح
ايلين بضحك عليك نور
عمرو بضحك دي ناويالك سلام متخافيش هبقي اوزع قورص كل جمعه عند قبرك كنتي طيبه اوي سلام يا ايلي
ايلين بضحك كده سلام يا ندل
ليان بحده بتكلمي مين
ايلين بضحك حبيبك مبروك يا روحي كده يا لولي مش تقوليلي
ليان بغيظ اقولك اه ده انا هموتك وبتجري وراها في الاوضه وبيضربوا بعض بلمخدات
ايلين بنهج خلاص خلاص تعبت مكانتش كدبه بيضا يعني
ليان. بحزن تعملي فيا كده وتوجعي قلبي يا ايلين
ايلين حضنتها واكملت قصدك عايزاكي تتحركي وتخفي غباء متبقيش زي اختي يا ليان عايزه افرح بيكي وحقك عليا يا حبيبتي الف سلامه عليكي من وجع القلب
ليان حضنتها بحب واكملت ربنا يخليكي ليا يارب
ايلين ويخليكي ليا ياعمري
————————————
بعد شويه جيه اسر وزين واتعشوا وكل واحد طلع اوضته
في اوضه اسر الباب خبط
اسر وهو خارج من الحمام ولافف فوطه علي وسطته وبينشف شعره بفوطه تانيه اكمل ادخل
اسيل دخلت واكملت حبيبي بعدين شافته فاا لفت ضهرها بسرعه وقالت يا نهاااارك اسود ايه ده مش تعرفني وبتقول ادخل ده انت ليلتك سودا اي حد يشوفك كده عادي يا اسر
اسر بضحك جيه وقف قدامها واكمل علشان مفيش حد غريب يا حبيبتي كلكم اهلي
اسيل وهي مغمضه عنيها لااا طبعا محدش يشوفك كده غيري انا مراتك فعادي
اسر بضحك اما مراتي نفسها اهي مغمضه عنيها وشدها وسطها ليه واكمل بحب فتحي يا اسيل
اسيل باحراج بس يا اسر انا متربتش اني قولت كده اساسا البس بعدين.هفتح
اسر بخبث لا مش هلبس براحتك بقي
اسيل باحراج يوووه عليك يا اسر
اسر بضحك لوبتحبيني فتحي
اسيل فتحت عنيها وفضلت باصه في عنيه مش عايزه تبص عليه وتتكسف
اسر بضحك ليه محسساني اني مش لابس خالص كده
اسيل. متعصبنيش يعني هي الفوطه لبس
اسر ولا تزعلي ودخل الحمام لبس بنطلون وطلع
اسيل انت كده لبست يعني ??
اسر نام علي السرير وسند ضهره واكمل اه انا بنام كده عايزه ايه بقي علشان كده جيتي
اسيل قعدت نامت في حضنه واكملت عايزه اطلب منك طلب يا حبيبي
اسر بستغراب جايه تنامي في حضني وحبيبي بصراحه انا مش مطمن خير يا اسيل ده كده مصيبه
اسيل بضحك اخص عليك وعلي تربيتك هو علشان انا حاضنه جوزي يبقي مصيبه
اسر بستغراب وضحك اسيل انتي واعيه ?? هو بصراحه انا مش مصدق ليه الرومانسيه اللي نزلت عليكي فاجاه دي بس عايزه الصراحه
اسيل بحب وهي باصه في عنيه اكيد
اسر بضحك عجباني
اسيل نامت علي صدره وحضنته واكملت هفضل كده يا نورعيني بس متكسفنيش في الطلب علشان خاطري
اسر خييير يا اسيل استر يارب
اسيل بخوف ايلين
اسر بحده اتعدل واكمل ايوه منا بقول مش طبيعي اللي بيحصل مالها ايلين بقي
اسيل بحزن بليز يا اسر متجيش عليها هي بتحبك وبتحب خالي اوي افهموها مره
اسر بحده قام وقف واكمل اسيل انتي اتجننتي انتي عايزاني ادي اختي لابن اللي قتل اخويا انت بتستعبطي شكلك
اسيل بحزن لا مش قصدي والله بس مصطفي باين عليه كويس اوي يا اسر ومش زي عمو طارق الله يرحمه وحرام مكنش يعرف بأي حاجه تخص ادم الله يرحمه
اسر بحده مضمنش بردو طارق قال لبابا وعد هوجعك في حاجه غاليه اوي تقدري تقوليلي بابا عنده ايه اغلي مننا وبعدين تمر السنين ابنه يحب اختي. هل ده طبيعي ????
اسيل بحزن عارفه حقكم متثقوش فيه بسهوله بس جربوا
اسر بتفكير.ثواني طارق لما قال كده لبابا كان مصطفي وايلين مجوش الدنيا اصلا كانوا في بطن اهلهم وطارق اصلا مكنش يعرف ان مراته حامل ساعتها لانه هرب لما عرف انها رجعت مصر وحامل يعني هدد بابا بلحاجه الغاليه عليه دي قبل مايعرف بحمل مراته يعني مش اذي مصطفي لايلين + انه مكنش يعرف ان امي حامل بردو ولو يعرف اي عرفه انها هتجيب بنت وان مراته هتحمل في ولد فكده لا
اسيل بفرح ايوه بقي يا حبيبي ايه الجمال ذه دماغ الرائد بتشتغل اهي وحضنته واكملت وحياه. اسيل عندك ماترفض مصطفي وفكر فيها هو فعلا بيحبها ومالوش ذمب
اسر بتنهيده حاضر يا اسيل هفكر في الموضوع ده بس بردو طارق هدد بابا يعني في تهديد صريح فمش هأمنله علي اختي بسهوله هو عايزها يثبت بقي حبه ليها
اسيل بفرح يعني موافق
اسر بحب باسها واكمل موافق يا اسيل هديه فرصه وهحط عيني عليه
اسيل باست خده واكملت والله انت احلي اسور في الدنيا بحبك
اسر بحب وانا اكتر يا نورعيني
——————————–
تاني يوم قاعدين علي اافطار ومراد قام لان عنده شغل مهم في الشركه وهما كملوا فطار
عشق بحب خلي بالك من نفسك
مراد بحب باس راسها واكمل ماشي يا حبيبتي
وخرج وركب عربيته واثناء سيره في الطريق ادم عدي من قدام العربيه فمراد داس فرامل بسرعه بس خبطه خبطه خفيفه وقع علي دماغه
- يتبع الفصل التالي اضغط على ( رواية حطمت قلبي ) اسم الرواية