رواية جنون الحب (كاملة جميع الفصول) حصريا عبر دليل الروايات بقلم يارا عبد العزيز
رواية جنون الحب الفصل الثلاثون 30
ندى : ايه مش هتقوليلي ادخلي
حور بغضب : انتي جاية هنا تعملي ايه
ندى وهى بتدخل : جاية اتكلم معاكي شوية و همشي
حور بغضب وعصبية مفرطة: ايه دا فيه انا مسمحتلكيش تدخلي يلا امشي بدل ما هنزل لمرات عمي تيجي تخرجك من هنا
ندى بسخرية : محدش هيقدر يخرجني من هنا وبعدين اهدي كدا قولتلك كلمتين وهمشي
حور : وانا ايه الكلام اللى هيكون ما بيني وما بين واحدة زيك
ندى : اوعي تكوني مفكرة ان اللى انتي فيه دا بسببي انا وهيثم تؤ تؤ اللى انتي فيه دا بسبب ان فارس مش بيثق فيكي بسهولة قدرنا نبعدكوا مع بعض انا جاية اقولك بصفتي دكتورة واكبر منك وعندي خبرات اكتر منك اطلقي واخرجي من الارتباط دا عشان هتتعبي ولو هتقولي ابنك انا اعرف دكتورة كويسة هاخدك عندها وننـ’زله
حور بسخرية وهي بتربع أيدها : اوقات الواحد بيزعل عليكي بجد انتي وصلت بيكي لدرجة دى عايزه تخـ’ربي بيت وتقـ’تلي طفل لسه مجاش الدنيا عشان بس توصلي لجوزي بجد صعبانة عليا بصي بقى يحبيبتى انا وجوزي فيه ما بينا ثقة أو لا دي حاجه تخصنا احنا لا انتي ولا غيرك ليكوا حق تدخلوا فى اي حاجه ما بيني وما بين جوزي ويلا بقى زي الشاطرة يا دكتورة ندى جوزي زمانه جاي من شغله عشان يوديني للدكتورة اطمن على ابنه فا اتفضلي يلا من غير مطرود مش فاضيلك ولا تستني فارس يجي يطردك من بيته بنفسه وانتي عارفه فارس بقى
بصتلها بغيظ شديد وغضب وكانت لسه هتتكلم بس قاطعها دخول فارس
فارس بغضب : انتي بتعملي ايه هنا هو انا مش قولت البيت دا متدخليهوش تاني
ندى : فارس انا كنت
اللهم صلي وسلم وبارك على سيدنا محمد وعلى اله وصحبه اجمعين ♥️
حور بمقاطعة وهي بتحط ايديها على كتف فارس وبتطبع قبـ’لة صغيرة على خده : حمد لله على سلامتك يا حبيبي
كملت وهي بتبص لندى متتعبيش نفسك هي خارجة دلوقتي
فارس وقتها استغل الفرصة ودفـ’ن رأسه فى عنقها واتكلم بهمس : وحشتيني اوي
حور حاولت تبعد بس معرفتش بسبب ايده اللى كانت محاوطها بشدة من خوفه من بعدها عنه
ندى بصتلهم بضيق وغضب شديد اتكلمت بغضب
: متفكريش انك هتخـ’لصي مني بالسهولة دى يست حور
حور بسخرية : أعلى ما فى خيلك اركبي يا نودي
ندى خرجت بغضب وهي بتبص على فارس اللى كان متجاهلها ومش مركز غير مع حور وكأنه غايب عن الوعي
حور : فارس ابعد خلاص هي مشيت
فارس بهمس : انا مكنتش مقرب عشانها يا حور خلينا كدا شوية والله انتي وحشاني جدا
حور : طب مش هنروح لدكتورة
فارس بعد بصعوبة وهو بيمسح على وشه: روحي اجهزي
حور : تمام
كانت لسه جاية تدخل الاوضة بس وقفها صوت فارس
فارس : حور
حور : نعم
فارس بدموع : هو انا حالي مش بيصعب عليكي
حور : انت قولت انك مش هتضغط عليا صح
فارس : طب على الاقل نامي معايا فى الاوضة وفي حضـ’ني يا حور انا مش هطلب حاجه غير كدا والله
حور : اما نيجي من عند الدكتورة نبقى نشوف الموضوع دا
فارس: تمام
خرجت حور بعد ربع ساعة وهي لابسة النقاب
حور: يلا انا جاهزة
فارس: اعمل ايه في عينيكي دي طيب دي بتوقع اكتر من ملامحك كمان
حور : بجد يعني بتـ’فتن
فارس: اوي اوي
حور : ما انا مفيش قدامي اى حل
فارس: طب يلا عشان منتأخرش على معياد الدكتورة
حور : تمام
هنا كانت قاعدة فى اوضتها بتبكي وهي مش عارفه السبب بس حسيت ان قلبها وجـ’عها من فكرة انه ممكن يكون فعلا بيحب واحدة تانية فاقت من شرودها على صوت رنة فونها
هنا : الو السلام عليكم
علي : وعليكم السلام ازيك يا هنا دا رقمي انا مستر علي
هنا : مستر علي حضرتك بترن ليه ايه هتعمل شبه الروايات وتعزمني على فرحك صح
علي : اهدي يا هنا فيه ايه انا بس رنيت اطمن عليكى الصبح كان باين عليكي زعلانة فيه اى حاجه لو فيه حاجه قولي وانا هحلها انا معاكي
هنا : مفيش حاجه يمستر وشكرا لسؤال حضرتك يلا سلام
علي : هو ايه اللي يلا سلام انتي بتتكلمي كدا ليه اصلا
هنا : دي طريقتي وياريت لو نخلي اللى ما بينا فى حدود طالبة واستاذها مش اكتر يلا تصبح على خير
قفلت من قبل ما يرد عليها ، بص للفون بغضب كبير
علي : هي مالها دي انا عملت ايه لكل دا
صالح : بتكلم نفسك يا علي ولا ايه فيه ايه مالك
علي : مفيش حاج انا هقوم احضر العشا عشان تاخد دواك
صالح : هتضحك على ابوك يا علي و تهرب من سؤالي قولي فيه ايه
استغفر الله العظيم الذي لا اله الا هو الحي القيوم و اتوب اليه ♥️
علي بتنهيدة وهو بيفتكر هنا : بحب بنت من تلت سنين من اول مرة شوفتها فيها اما كانت لسه فى سنة اولى ثانوي
صالح: حلوة
علي بأببتسامة : حلوة دي كلمة قليلية جدا عليها زي القمر واحلى
صالح : دا انت واقع واقع
علي : ومحدش سمى عليا يا حاج
صالح : طب ما تعترفلها
علي : بتحب واحد تاني من سنها
صالح: لو ربنا كاتبهالك مش هتكون لغيرك
علي بتنهيدة : يا رب
فى عيادة دكتورة النسا
حور : انا خايفه اوى
فارس وهو بيمسك ايدها وبيتكلم بحنية مفرطة: من ايه يا عمري
حور: خايفة تقول حاجه على ابني هي كانت طول الوقت بتقول حملك فى خطـ’ر
فارس : متقلقيش يا حور كل اللى انتي فيه دا طبيعي انا بس جبتك هنا عشان الحمل لازم يتابع مش اكتر
حور : ربنا يستر
فارس : متخافيش يحبيبتى
: مدام حور المالكي اتفضلي دور حضرتك
حور بتوتر: ما تيجي نروح
فارس بحنية مفرطة: يعمري متخافيش عشان نطمن عليكى وعلى الجنين بس
حور مسكت ايده بقوة : ماشي
الدكتورة: اهلا مدام حور اتفضلي هاا صحتك عاملة ايه
فارس: مش بطيق الأكل يا دكتورة بدأت تحس الغثيان و الدوخة كتير وطول الوقت عايزة تنام
حور بصتله بحب كبير وابتسامه وهو بيتكلم مع الدكتورة أنه واخد باله من كل تفصيلة فيها برغم شغله الكتير
الدكتورة: طب اتفضلي معايا اكشف عليكي واعملك سونار عشان نطمن على الجنين
حور وهي بتمسك ايد فارس: تعالي معايا
فارس : حاضر يعمري
الدكتورة: من الواضح انك بتحبي دكتور فارس اوي
بصيت حور لفارس بخجل وبدالها هو ابتسامته اللى مليانة حب قعد على طرف سرير الكشف وهو ماسك ايدها ، الدكتورة بدأت تكشف عليها
حور : ابني كويس صح
الدكتورة: ايوا انتي خايفة كدا ليه يا مدام حور جنينك صحته كويسة جدا ما شاء الله حتى حضرتك دخلتي خلاص فى التاني
حور : طب هو انا ليه مش بحس بحركته
الدكتورة: الحركة دي فى الرابع لسه حتى شوفي اهو ثابت فى مكانه
حور بصيت على شاشة السونار بفرحة هي وفارس
فارس وهو بيبص لحور : بتمنى انه يكبر بسرعة ويخرج بقى
الدكتورة ببأبتسامة وهي بتقوم : انا هكتب لحضرتك على شوية ڤيتامينات زيادة ومعلش حاولي تاكلي على اد ما تقدري وتعاليلي كمان اسبوعين باذن الله
فارس وهو بياخد الروشتة: تمام يا دكتورة شكراً لحضرتك
الدكتورة: على ايه المهم بس تهتم بأكلها وبلاش عصبية يا مدام حور عشان غلط جدا عليكي
حور : تمام يا دكتورة
فى عربية فارس
فارس: اطمنيتي كدا
حور : ايوا الحمد لله
لا حول ولا قوة الا بالله العلي العظيم ♥️
فارس: كل التفاصيل دي بتخليني اسعد واحد في الدنيا بجد فكرة ان حتة مني بتكبر جواكي بتخليني مبسوط حتى فى اصعب اوقاتي
حور : طلع شعور جميل اوى بجد اني اشوف ابني كنت حاسة انى عايزة اعيط من فرحتي بيه
فارس وهو بيمسك ايدها وبيقـ’بلها بحب : شكراً لانك خلتيني اب دلوقتي انا هبقى أب لاتنين ليكي ولابننا
حور بعدت ايديها بخجل: اممم
فارس بحزن : مفيش فايده برضوا تمام تيجي نتعشى برا انهاردة
حور : لا مش عايزة
فارس: بالله عليكى نفسي نطلع مع بعض شوية من غير اي خنا’ق منك
صعب عليها شكله اتكلمت بقلة حيلة: تمام
فارس بأببسامة: شكراً يحوري
فى القسم
الشاويش: هيثم عاصم السيوفى
هيثم : ايوا أنا
الشاويش: فيه حد جايلك زيارة فى اوضة حضرة الظابط تعال معايا
هيثم: مين
•تابع الفصل التالي "رواية جنون الحب" اضغط على اسم الرواية