رواية حبيبي الشبح كاملة بقلم سوس خليل عبر مدونة دليل الروايات
رواية حبيبي الشبح الفصل الثالث 3
رواية حبيبي الشبح الحلقة الثالثة
يونس : اتقتلت
ياسمين بصدمه : نعم
يونس : له مالك اتقتلت واتقتلت مكان مانتي قاعده كده
ياسمين قامت بخضه : كمان علشان كده روحك في الشقه مش عايزه تسيبها
يونس قام وقف واداها ضهرو : أنا روحي متعلقه مش عايزه ترتاح الا لما أخد حقي وابقي مرتاح في تربتي أنا اتخدت علي خوانه خدوني علي خوانه علشان كنت هبطل الشغل معاهم علشان كنت هتجوز وهستقر هو بس إللي هيطلع من الدايره بتاعتهم بيتصفي وأنا مكنتش بخاف من حد قاطعته ياسمين
ياسمين : معلش سوال بس هو إنت كنت شغال في ايه ومين دول إللي خدوك علي خوانه
يونس : أنا كنت بشتغل في المافيا
ياسمين بصدمه : حلاوه حلاوه
يونس بتكمله : وإللي بتكلم عنهم دول المنظمة إللي كنت شغال معاهم
ياسمين لسه في صدمه : حلاوه امك وابوك وعيلتك كلها انت بتهزر صح
يونس لف ليها : وأنا ههزر معاكي ليه
ياسمين : طب ممكن تحكيلي ايه اللي حصل
يونس : ولاونو ملكيش فيه قاطعته ياسمين
ياسمين : مليش فيه إزاي أنا هساعدك علشان تاخد حقك
يونس بسخريه : وهتسعديني إزاي بقي يا سوبر ومن
ياسمين بغضب : هو إنت كنت رخم وبارد كده وإنت عايش
يونس : والله واكتر من كده أنا بقالي20 سنه شغال في المافيا
ياسمين : ليه انت عندك كام سنه
يونس : قصدك كان عندي كام هو أنا لو كنت عايش بعد شهرين كان هيبقي عندي 35 سنه
ياسمين : هو إنت ميت من أمته
يونس : هو إنتي من المخابرات ولا إيه
ياسمين : يعم اتنيل أنا بتسلي
يونس بذهول : اتنيل آنتي عارفه لو آنتي كنتي قولتي كده وأنا عايش كان زمانك لازقه في الحيطه دلوقتي
ياسمين وهي بتعلب حواجبها : لو بقي ربنا يرحمك يا يونس باشا مافيا
يونس : يابت يابت متستفزنيش
ياسمين بضحك : خلاص خلاص هو إنت كان لقبك ايه
يونس بأستغراب : يعني إيه لقبي ايه
ياسمين : كل إللي بيبقو شغالين في المافيا بيبقي ليهم الالقاب زي في الروايات مثلا بيبقي الوحش العقرب المعزه
يونس بأستغراب: معزه؟
ياسمين : ماهو ممكن ده يكون لقبك
يونس بعصبيه : يا بت هضربك هضربك أنا لو عايش كان زماني مت تآني
ياسمين ضحكت : طب كان لقبك ايه بقي
يونس : اوف الشبح
ياسمين باعجاب : واو يعني الشبح ده لقبك من زمان في المافيا ودلوقتي وانت ميت انت ايه لاسم لازق فيك حتي بعد ما موت
يونس : آه تخيلي بقي
ياسمين : طب احكي احكي
يونس : احكي إيه
ياسمين : حكيتك يا اخ يونس يمكن اساعدك تجيب حقك واروح علي تربتك احطلك ورد
يونس ابتسم لأول مره : بجد هتزوريني
ياسمين بانبهار : إيه إنت ضحكت بسم الله مشالله انت عندك غمزات لا وضحكتك حلوه وراحت فجاه عيطت
يونس بدهشه: إيه ده آنتي بتعيطي ليه
ياسمين بعياط : إنت صعبان عليا آوي مش مصدقه إنك مت إنت باين عليك كنت طيب آوي غير شغلك في المافيا صح
يونس بابتسامه : إيه ده يا بنتي انت قلبك رهيف ليه كده
ياسمين مسحت دموعها : هو إنت ممكن تقولي مكان المدافن اللي إنت ادفنت فيها عايزه أروح أنا مش عارفه أنا بقول كده ليه بس انا حاسه اني عايزه أعرف عنك كل حاجه ممكن تقولي إنت مت إزاي واللي حصل معاك
يونس ابتسم : طيب هقولك واروح معاكي كمان ازورني
ياسمين ضحكت على التشبيه بتاعه
يونس : طيب تعالي نقعد بقي احكيلك
ياسمين بسرعه : طب إستني أروح أعمل فشار
يونس : فشار ليه انتي عبيطه يا بت انتي انتي المفروض انتي هاديه وجديه آنتى إيه ده
ياسمين : لا يا باشا مين قالك انا شخصيه عبيطه جدا وهبله بس لما أمي وابويا ماتو اتغيرت شويه مبقتش اهزر كتير
يونس : آه ربنا يرحمهم
ياسمين : هو إنت مامتك وباباك فين
يونس بصلها شويه : عايشين
ياسمين بأستغراب : بدل ما هما عايشين معشتش معاهم ليه
يونس ضحك ضحكه وجع : ماهو قاطعوني لما عرفو اني بشتغل في المافيا ولحد دلوقتي ميعرفوش اني مت اصلا
ياسمين بصدمه : لا والله بجد إنت بتهزر
يونس : والله شوفتي علشان كده عشت عمري كله هنا أو إللي عشته يعني قبل ما تقتل تعرفي إن أنا كنت اقوي واحد في المافيا بس هما اللي خدوني علي خوانه زي ماقولتلك
ياسمين : طيب احكي احكي وانا هبقي اعرف موضوع عيلتك دي بعدين
يونس : ليه هتعملي إيه
ياسمين : ملكش دعوه اخلص بقي اقعد واتكلم يلا
يونس قعد وابتدا يحكي
فلاش باك
يونس وهو داخل مقر المافيا بكل هيبه كان لابس طقم اسود في اسود وكان جان آوى مافيا بقي
دخل مكان مقر المافيا مكان الناس اللي شغال معاهم
دخل وقعد من غير ما يتكلم
الدكش واحد من أفراد المنظمه : إيه يا شبح داخل كده لاسلام ولا كلام
يونس بصله ببردو من غير ما يتكلم وبعدين بص للبج بوص وقالو : عايزك في حوار يا بوص
البج بوص : خير يا شبح
يونس ببردو : أنا بعرفك بس علشان أنا هتجوز وعايز أبدا حياتي علي نضيف
البج بوص : يا شبح إللي بيسيب المافيا مش بيعيش مش فاكر البارود عملنا في إيه
يونس : مليش دعوه بحد ده كان أهبل وجبان لاكن انا غير انا الشبح يعني مبخفش من حد
البج بوص : مش هتعيش يا شبح
يونس وهو ماشي : إللي عندك أعملو أنا مبخافش وسابهم ومشي
البج بوص : ماشي يا يونس إنت إللي اخترت
يونس روح الشقه بتاعته إللي هي حاليا شقه ياسمين وغير هدومه لهدوم كاجول عادي علشان يروح لخطيبته علشان هو مش معرفها هو بيشتغل إيه خلص لبس ونزل من الشقه قابل عم طه
يونس بأبتسامه : إزيك يا عم طه
عم طه بأبتسامه : الحمدلله يا استاذ يونس عامل إيه
يونس : كويس خد يا عم طه ده إيجار الشهر ده
عم طه خد منو الفلوس : لسه بدري علي الايجار يا أستاذ يونس معادك من دلوقتي
يونس : معلش يا عم طه محدش ضامن عمره الحق حق
عم طه : مالك يا بني هو في حاجه ولا ايه قلقتني
يونس ابتسم : مفيش حاجه ياعم طه اسيبك أنا بقي علشان ورايا مشوار وسابو وركب عربيته ومشي بيها
طه بص عليه وهو ماشي : ربنا يسترها عليك يا بني
- يتبع الفصل التالي اضغط على ( رواية حبيبي الشبح ) اسم الرواية