رواية احببتها فغيرتني (كاملة جميع الفصول) حصريا عبر دليل الروايات بقلم سنيوريتا
رواية احببتها فغيرتني الفصل الثالث 3
في الصباح
أسر : صباح الخير يا جميل
أم مريم : صباح النور يا حبيبي اقعد عشان تاكل عشان عندك شغل
مريم بمزح: اومال ما فيش صباح ل رنا و ليا و لا اي هو احنا كياس جوافة يا جدعان
ام مريم و أسر فطسوا ضحك علي كلام مريم
أسر : حاشا و كلا يا روما دا انتي و رنا الغاليين
رنا وشها احمر و حاولت تخبي وشها لانها خجلت
أسر لاحظ كدا فحاول يغير الموضوع
أسر : صح يا مريم مالكيش سواقة اي عربية تاني لوحدك تمام
مريم في سرها: في الأحلام يا جدع
أسر سمعها : بتقولي حاجه يا مريم
مريم شهقت: انا اقدر اقول حاجه يا أبيه دا انا بكح لإن الاكل سخن
أسر ابتسم : ماشي يا حبيبتي . تمام كدا الحمد لله انا شبعت يا مرات عمي تسلم ايدك استأذنكم بقا انا همشي علي الشغل
ام مريم: ربنا معاك يا حبيبي
رنا و مريم : سلام ربنا يوفقك
ملحوظة (أسر اتولد قبل مريم بكام يوم و هما الاثنين أخوات في الرضاعة عشان كدا بيتعاملوا عادي مع بعض ) يلا نكمل الرواية 😊
في مكان تاني
عز نزل من المطار
عز : ياااه المكان دا وحشني اوي بجد زي ما هو بخيره و جماله . اتمنى تكون سامحتني علي اللي حصل يا أسر ياريت نرجع زي الأول
وصل عز لمقر الشغل بتاعه بتاع زمان و هنا هنعرف إن عز و أسر شغالين في المخابرات لصالح البلد و انهم صحاب من زمان بسب ما بينهم مشكلة فرقتهم عن بعض
صباح الخير ازيك يا فندم
حازم بيه : صباح النور حمد لله على سلامتك يا عز اي الغيبة الطويلة دي
عز : الحمد لله علي كل حال يا فندم انت عارف من ساعة اللي حصل و انا وقفت شغل و لما حضرتك طلبتني و انك عايزني ضروري اجيت علي طول لأنك قبل ما كنت مديري في الشغل انت صديق والدي
حازم : الله يرحمه يا عز يا حبيبي دا كان أجدع صاحب ليا و هو دايما في بالي
عز : بما انه كان جدع انا لسه عايز اخد حقه
حازم : انت لسه في الموضوع دا انسى يا عز انسى كدا ممكن تتأذى تاني
عز : عادي يحصل اي شئ اهم حاجه حق ابويا
و فضلوا يتناقشوا و يتكلموا لحد ما بيدخل عليهم أسر و اول ما بيشوف عز بيجري عليه وووووو ........ يتبع
•تابع الفصل التالي "رواية احببتها فغيرتني" اضغط على اسم الرواية