رواية حبيبي الشبح كاملة بقلم سوس خليل عبر مدونة دليل الروايات
رواية حبيبي الشبح الفصل الخامس و الاربعون 45
تآني يوم كل العيله صحيت وقاعدين علي السفره علشان الفطار
ياسمين لصفاء : انتي كنتي فين امبارح يا صفاء كنا عايزينك تيجي معانا
صفاء : كنت عند صاحبتي خطوبتها كانت إمبارح وهي معندهاش أخوات بنات فأنا كنت معاها طول النهار
ياسمين : آه يا حبيبتي اصلي انا امبارح استغربت لقيتك من معانا علي الفطار يعني الف مبروك يا قلبي وعقبالك انشالله
صفاء ابتسمت ابتسامه صدق : تسلمي يا حبيبتي وربنا يتمملك على خير انشالله
ياسمين بأبتسامه : يارب يا حبيبتي
كريمه قاعده هتفرقع وقالت بغضب : صفاء تعالي عايزاكي وراحت قامت من علي السفره
صفاء بصت ليها بزهق وبعدين قامت
ياسمين بصت ليهم وبعدين وشوشت يونس إللي قاعد جمبها : أكيد عايزه تكلمها علي طريقتها معايا
يونس : طبعا عايزه تقولها كده علي العموم هي نهايتها قربت خلاص
عند كريمه وصفاء فوق
صفاء دخلت : خير يا ماما
كريمه بعصبيه : خير وهيجي منين الخير آنتي خلاص ياسمين بقت حبيبتك هو أنا مش قولتلك قبل ما تيجي هنا انها هتبقي ست البيت وانتي هتبقى خدامه عندها قولت ولا لا
صفاء ببرود :خلصتي
كريمه بغضب : انتي ايه يا بت البرود ده
صفاء : آه برود لأن ياسمين مشوفتش منها حاجة وحشه من ساعه ماجت أنا إللي كنت بدايقها علشان كده بتطلع رد فعلها كده وكله من كلامك انتي أنا مكنتش كده بس بسبب كلامك آنتي إللي خلتيني كده كل ما تكلمني تقولي خليكي أحسن من دي واحسن من دي وخلتيني أشوف الناس كلها عبيد عندي انتي ليه كده أنتي حقوده آوي يا ماما عملت ليكي ايه البنت الغلبانه دي علشان تخليني أعاملها كده انتي بجد حقوده آوي ووحشه يا ماما وخلتيني شبهك حقوده وقلبي اسود بس ياسمين فوقتني هي وجدو عن كل ده وهيخلوني أبعد عن وآحده سودا من جوه وشيطانه
كريمه بصتلها بغضب وراحت ضربتها قلم جامد
صفاء بصتلها بصدمه وحطيت أيدها علي خدها مكان الضربه ودمعت : زعلتي من الحقيقة ما هي دي الحقيقة آنتي حقوده يا ماما ومش بتحبي الخير لحد فرح ياسمين يخلص بالسلامه وتتجوز وهمشي من هنا هسافر برة مصر خالص وحياه ربنا يا ماما تعملي حاجه لياسمين أنا إللي هقف ليكي بعد كده اللهم بلغت وبصتلها بصه اخيره وخرجت بره الاوضه
كريمه بصت على الباب بغضب وقالت : يا بنت ال 🐕 يا ياسمين خليتي بنتي تكرهني ماشي يا ياسمين أنا وإنتي والزمن طويل مبقاش كريمه غير لما اخليكي تندمي ماشي الصبر حلو
عند سامي كان خلاص جهز الحاجه اللي هيفاجاء بيها فاطمة في كفايه حلو حجزة ليهم هما بس
رجع البيت ودخل يدور على فاطمه لاقها في المطبخ
سامي بأبتسامه : ازيك يا فاطمه
فاطمه ابتسمت : الحمدلله يا سامي انت عامل ايه
سامي : تمام يقولك ايه عايزك في حاجه ثواني تعالي بس نتكلم بره
فاطمه هزت دماغها وطلعو
سامي : بصي يا طومه أنا عملت مفاجأه للبنت اللي بحبها فاعيزك تيجي معايا تشوفيها قبل ما اوريها لحبيبتي إيه رأيك
فاطمه بصتله وبتحاول متعيطش : حاضر يا سامي هنروح أمته
سامي بلهفه : انهارده أصلي المفاجأه عاملها انهارده ليها
فاطمه في نفسها : ياااه للدرجادي وبعدين قالت : تمام يا سامي شوف هنروح الساعة كام وقولي
سامي بسعادة : الساعه 7 ها متتاخريش بقي ماشي أنا هطلع أنام قبل بليل بعد اذنك يا طومه وسابها ومشي
فاطمة بتبص عليه وعينها نزلت دموع مسحتها وقالت : ربنا يسعدك يا سامي
بليل سامي خد فاطمه الكافيه
فاطمه دخلت لقت كل الانوار نورت وشافت الكافيه مليان بلالين حمرا وبيضه وشموع وكان الشكل تحفه
فاطمه اتصدمت من شكل الكافيه وكانت بتتمنى انه كل ده يبقى ليها
بصت علي سامي لقته ماسك بوكيه ورد احمر في اسود
وراح عندها بأبتسامه
سامي بحب : إنا بحبك يا طومه تقبلي تكوني حبيبتي وبنتي ومراتي وكل حاجه ليا
فاطمه بصتله بصدمه ومبقتش مصدقه وبعدين قالت بدوخه : إيه
سامي بخضه : فاطمه يا بنت الهبله
- يتبع الفصل التالي اضغط على ( رواية حبيبي الشبح ) اسم الرواية