رواية عشق الاسد الفصل الرابع 4 - بقلم ندي سامي

  رواية عشق الاسد كاملة بقلم ندي سامي عبر مدونة دليل الروايات 

 رواية عشق الاسد الفصل الرابع 4

 

_ اسددد باشا عشان من شافك

اسد بتوتر : محمد عامل ايه

محمد : الحمدلله انت عامل ايه مبقناش نشوفك يعنى ولا هنا ولا القسم ف القاهره

عشق باستغراب : قسم !!

اسد كان لسه هيتكلم لقى محمد بيقول : ايوه ده الرائ…

اسد بسرعه : اصل هو ظابط ف انا كنت بروحلو كتير إنما دلوقتى مبقتش اروح

محمد استغرب و بعدين فهم انو ممكن يبقى فى مهمه فقال : اه ايوه .. هسيبكو انا بقى يلا سلام

عشق هزت راسها بفهم بس فى نفس الوقت عدم اقتناع و محمد مشى و اسد اتنهد بارتياح و بعدين كملو مشى و وداها مطعم على البحر و طلبو اكل و قعدو ياكلو

عشق : صحيح ما تتكلم عنك شويه .. يعنى انا عماله اتكلم و انت بترد بس مش اكتر

اسد : اقول ايه عنى

عشق : يعنى مثلا لونك المفضل الرياضه المفضله و هكذا

اسد : بصى يا ستى انا لونى المفضل الاسود و رياضتى المفضله ركوب الخيل و ال basket

عشق : الله انا بحب ركوب الخيل اوى .. بس مش بعرف العبه اوى

اسد : مع التدريب هتبقى شاطره فيه

عشق : طب ايه اكتر اكله بتحبها

اسد : مكرونه بالبشاميل و محشى طبعا هى دى محتاجه سؤال

عشق بضحك : وانا كمان بحبهم اوى و ع فكره بعرف اعمل مكرونه كويس اوى .. هبقى اعزمك على مكرونه مره

اسد بضحك : ماشى يا ستى هنشوف بس كده كده مفيش احلى من مكرونه ست الكل

عشق بتحدى : هنشوف

اسد ضحك و قعدو يكملو كلام شويه لحد ما الوقت عدى و اسد دفع الفلوس و طبعا بعد خناق مين فيهم إلى يدفع و قامو روحو و عشق كانت مبسوطه جدا

~~~~~~~~ فى البيت

عشق غيرت و راحت قعدت قدام التلفزيون و كانت عماله تفكر فى اسد و جه فى بالها كلام محمد بس مفكرتش فيه كتير و فتحت التليفزيون و فى الوقت ده فونها رن و كانت غاده

غاده : عشق عامله ايه وحشتينى

عشق : الحمدلله يا حبيبتى و انتى

غاده : انا الحمدلله .. صحيح انتى فين بقالك حبه مش بتيجى الجامعه كده بيفوتك سكشنات كتير

عشق بضيق : انتى عارفه انى مش بحب اروح

غاده بعتاب : اه بس بتخرجى كل يوم مع چاسمين و الشله دى عادى

عشق : هو انتو مالكو فى ايه انتى و بابا مش بتحبوهم على فكره بقى دول صحابى و مطلبتش من حد يحبهم يعنى

غاده بحزن : تمام يا عشق انا اسفه سلام

قالت كده و قفلت و عشق بصت للفون بضيق من كلامها على صحابها و فى نفس الوقت طريقتها مع غاده

_______________________

تانى يوم

عشق صحيت الصبح بدرى و كانت قاعده زهقانه فبعتت لاسد بس مكنش بيرد فلبست و قبل ما تنزل بعتتلو مسدج أنها هتنزل تقعد على البحر و بالفعل نزلت و قعدت على البحر و هى عماله تفكر ليه محدش بيحب صحابها و بيقولو عليهم مش كويسين

عشق بضيق : بس هما معملوش معايا حاجه وحشه ليه لازم ابعد عنهم بلا سبب

_ هما مين دول

عشق بصت جمبها بخضه لقت اسد بيقعد جمبها على الرمل

اسد : مرنتيش ليه افرضى انا مشوفتش المسدجات و لقدر الله حصلك حاجه و انتى لوحدك

عشق بلا مبالاة : هيحصل ايه يعنى

اسد بصلها و سكت و فضلو ساكتين شويه لحد ما هو قطع السكوت ده

اسد: نزلتى تقعدى لوحدك ليه و كنتى بتتكلمى على مين

عشق : على صحابى و نزلت عشان كنت مخنوقه شويه و زهقانه

اسد : مالهم صحابك

عشق حكتلو على كلام باباها و غاده صاحبتها و كمان حكتلو على غاده و قد ايه باباها بيحبها عشان محترمه و مش زى الباقى

اسد : طب ما باباكى معاه حق انا اه مشوفتش صحابك دول غير مره بس مسترحتلهمش و كمان دول بيشربو مستنيه ايه اكتر من كده عشان تبعدى عنهم

عشق : بس چاسمين مكانتش تعرف أنهم بيشربو و لما وزعو المشروبات سألتها قالتلى معرفش

اسد : يعنى انتى صغيره عشان متعرفيش تفرقى بين الكذب و الحقيقه !؟

عشق سكتت فقال : بصى انا هتكلم معاكى بصراحه و من غير زعل تمام

عشق : تمام

اسد : صحابك مش كويسين و مش بقول كده و خلاص عشان اطلعك غلطانه بس صحبتك إلى شوفتها فى الحفله الى انتى روحتيها دى واضح عليها مش كويسه نهائى و كمان لبسها مقرف اوى و قصير و كمان عامله بيرسينج فى حواجبها و بقها و مناخيرها !؟ يعنى بذمتك ده منظر و كمان انتى باين عليكى غيرهم و محترمه و بنت ناس و برضو ده مش هيمنع انى اقولك أن لبسك انتى كمان غلط و منفتح انتى كبرتى كفايه عشان تبقى عارفه ده و تبقى بتلبسى واسع و حجاب و بعدين انتى مسلمه فالمفروض تبقى عارفه ده

عشق سكتت وهى بتفكر فى كلامو و ده بالظبط نفس الكلام الى باباها بيقولو و فكرت برضو فى حوار اللبس و أن هى عارفه كويس أن لبسها مش احسن حاجه و أن المفروض تلبس واسع و حجاب و تقرب من ربنا اكتر من كده

اسد : فكرى فى كلامى كويس و صدقينى هتلاقى أن ده الصح و أن احنا عندنا حق

عشق هزت راسها بصمت و قعدت تبص للبحر وهى بتفكر و هو سكت و سابها تفكر مع نفسها

اسد و هو بيقوم : هروح اجيب حاجه و اجى

عشق باستغراب : حاجه ايه

اسد كان مشى و مردش عليها وهى استغربت بس طنشت و رجعت تفكر تانى و بعد دقايق كان اسد رجع و معاه اتنين ايس كريم واحد فيهم بالاناناس إلى هى بتحبه ابتسمت بفرحه وهى بتاخده

عشق : شكرااا بجد كان نفسى فيه اوى

اسد بغمز : اى خدمه

عشق ابتسمت باحراج و أبدت تاكل وهى مبسوطه و هو كان باصللها بنظره غير مفهومه و بدأ ياكل هو كمان

_______________________

فى القاهره فى القسم

_ هو اسد فين

– اسد فى اسكندريه مع بنت احمد الى هو شغال عندو

_ اسكندريه !! هو انا موديه يجيب دليل على الراجل ولا يسافر هو و بنتو

– ما هى إلى طلبت منو ده و اكيد مينفعش يرفض عشان هو رايح و المفروض ده شغله

_ طب هيرجعو امتى

– كمان يومين كده يا فندم

_ تمام روح انت

_______________________

بعد يومين فى اسكندريه

اسد كان واقف تحت ساند على العربيه و مستنى عشق و بعد دقايق نزلت و كانت لابسه فستان ابيض جميل جدا و كانت شبه الملايكه بجد و شعرها عمال يطير على وشها من الهوا و اسد سرح معاها و ابتسم تلقائى وهى قربت منو و مستغربه ابتسامتو

عشق : اسددد انت صاحى

اسد بتركيز : اه اه هاتى الشنط

خد منها الشنط وهى ضحكت عليه و ركبت العربيه و هو حط الشنط فى شنطه العربيه و ركب العربيه و بدأ طريقو فى العوده للقاهره

_______________________

فى القاهره بليل

وصل اسد و عشق عند فيلا الشرقاوى بس اسد حس بهدوء غريب فبص جمبو لقى عشق فى سابع نومه فضحك على شكلها و قعد يفوقها لحد ما فاقت و هو نزل طلع الشنط من العربيه و دخلو هما الاتنين و المساعدين خدو الشنط من اسد و ساعتها احمد جه

احمد بابتسامه : حمدالله على السلامه

عشق و اسد : الله يسلمك

احمد : اتمنى تكونى اتبسطى بدل ما كنتى عماله تزنى عايزه تروحى

عشق بضحك : ايوه اتبسطت .. اسد فرجنى على اغلب اسكندريه تقريبا

احمد : تسلم يا اسد تعبناك معانا

اسد : لا ولا تعب ولا حاجه ده شغلى .. عن اذنكو همشى انا

احمد : تمام توصل بالسلامه

اسد : الله يسلمك

_______________________

فى بيت اسد

دخل و هو مرهق من المشوار و خلع الكوتشى بتعب و حط الشنط عند الباب و دخل اوضتو لقى مامتو داخله وراه

نعيمه : حمدالله على السلامه يا حبيبى

اسد بتعب : الله يسلمك

نعيمه : مش هتاكل حاجه

اسد : لا يا حبيبتى انا هنام عشان مش قادر

نعيمه : ماشى يا حبيبى ” كانت هتمشى بس رجعت و قالت ” صحيح العميد كلمنى و قالى اقولك تكلمو لما ترجع من السفر

اسد بقلق : تمام

نعيمه خرجت و هو قلق اكتر لما افتكر انو نسى يبلغه انو مسافر و اكيد لما يكلمو هيتعصب من كده بس مفكرش كتير بسبب انو تعبان فغير و نام و قال هيكلمو بكره

~~~~~~~~ تانى يوم

صحى اسد و دخل الحمام خد شاور و خرج كلم العميد

_ انت فين يا اسد من امبارح و قافل فونك

اسد : معلش يا فندم بس كنت قافلو عشان كنت مسافر مع عشق و مكنتش عايزها تشوف أن حضرتك بترن بالغلط

اسد : معلش والله يا فندم انا نسيت خالص عشان هى قالتلى مره واحده و ملحقتش اقول لحضرتك

_ طب مش مهم دلوقتى المهم تتصرف و تجيبلى أى دليل على انو تاجر سلاح زى ما هما قالو و متقولش هو ميطلعش منو كده

اسد : حاضر يا فندم

قفل معاه و هو يتنهد و عمال يفكر هل فعلا ممكن احمد يطلع منو كده و هو واضح عليه الطيبه دى كلها بس شال كل ده من دماغو و راح يلبس عشان ينزل

_______________________

فى الفيلا

وصل اسد و خبط على الباب ففتحتلو عشق

عشق : الله اكبر جيت فى وقتك كنت لسه هرن عليك .. رايحه الجامعه عشان فى محاضره مهمه فعيزاك توصلنى

اسد بابتسامه : تمام روحى البسى و انا هستناكى هنا

عشق : تمام

راحت تلبس وهو دخل الفيلا و اتأكد أن احمد مش موجود فدخل اوضه المكتب يدور فيها لحد ما عشق تلبس و لقى ….

_______________________

• يتبع الفصل التالي اضغط على ( رواية عشق الاسد ) اسم الرواية