رواية قبر الجد كاملة بقلم رانيا عمارة عبر مدونة دليل الروايات
رواية قبر الجد الفصل الرابع 4
..أول ماسمعت ان عمي مات جاتلي حالة صدمه!..واتأكدت ان الحلم اتحقق!..لقيت بابا خارج وهو مصدوم والحزن على وشه!..معقول جدي وعمي يموتوا ورا بعض؟..ولما روحنا جنازته علشان ندفنه..وقت الدفن ملقيناش جثة جدي!..ودي حاجه أصابت ذهول الموجودين!..و الحاجه الوحيده اللي جات في دماغهم.. ان الجثه اتسرقت!..ولكن اللي جه في بالي انا واخويا وابن عمي..ان اللي حصل ده وراه حاجه كبيره اوي مستخبيه!..وبعد مادفنا عمي..كله مشى..إلا انا وابن عمي..فضلنا مستنين..وبعد نص ساعه بالظبط ابتدينا نسمع دربكه شديده جوا المقبره!..بصيت لابن عمي بخوف!..ومن غير مااحس لقيتني بقرب من المقبره وبقرب ودني منها عشان اسمع!..جه ورايا ابن عمي يشدني وانا زقيته..وهو كان واقف مستغرب من اللي انا بعمله..لحد ماسمعت صوت همهمه غريبه..زادت ضربات قلبي وابن عمي شدني وروحنا بيت عمي..وهناك كانت مراته منهاره وبتصرخ والستات اللي حواليها بيواسوها زي اللي في الحلم بالظبط!..لحد مااتصلت
بـ زميلتي وحكيتلها اللي حصل..وقالتلي ان اللي بيحصل ده من الواضح له علاقه بيا..اشمعنا انا دوناً عن كل العيله..اللي جالي الحلم ده واتحقق بالظبط؟..واتفقت معايا اننا نروح بيت جدي لتاني مره..ولكن المره دي كان معايا ابن عمي..ولما قابلناها وقربنا من البيت..لقينا قبر قصاد بيت جدي..وحواليه دود وحشرات كأن في حاجه ميته!..ولما قربنا اكتر كانت المقبره مفتوحه!..ولما لفينا من الناحيه المفتوحه شوفنا صدمة عمرنا!..كفن فيه ميت!..والدود حواليه!..كأنه ميت من يوم ولا يومين!..وازاي جه هنا اصلاً!.. الا لو حد اللي بناه!..يبقى ده جدي خصوصاً بعد مااختفى من قبره!..زميلتي خافت ورجعت لـ ورا!..واحنا رغم خوفنا كان عندنا فضول شديد نعرف مين اللي جوا؟..ردت عليا زميلتي “مفيش حد عاقل يضحي بنفسه وينزل مكان زي ده!”..رديت وقولتلها”انا مش هرتاح غير لما اعرف مين ده وايه اللي جابه هنا!!”…رد ابن عمي وقال” وانت ايه ضمنك اننا لو دخلنا..هنقدر نخرج تاني؟”..سكت ومردتش وقربت براحه وورايا ابن عمي..وفجأةً..التراب اللي تحت رجلينا تآكل..واتزحلقت انا وابن عمي جوا القبر..وبمجرد مانزلنا اتقفل علينا!..فضلنا نزعق ونخبط..وزميلتي فضلت تصوت وقالتلنا”اهدوا..انا
هتصرف..قولولي عنوان بيتكم!!”..ولسه بقولها العنوان علشان تروح تجيب أهلي..كانت هى شافت العربيه الضخمه جايه من بعيد!..هربت واستخبيت ورا شجره!..ولكن الراجل شافها ونزل يطاردها..كانت بتجري على آخرها واحنا سامعين صوتها ومش عارفين نتصرف!..لحد ماخبطها بالعربيه ونزل سحبها ومشى!..وكل ده واحنا عمالين نخبط يمكن حد يسمعنا ويفتحلنا!..لفيت نفسي الناحيه التانيه..كانت الدنيا ضلمه كُحل..وانا وابن عمي ماسكين في بعض من الخوف!..لحد ماسمعنا نفَس الميت اللي في المقبره!..وتقريباً ابتدا يتحرك!..كنا حاسين بالدود بيطلع على رجلينا..وبنبعده بايدينا لحد مابيقع على الأرض!..علىّ صوت انفاسنا من شدة الخوف..وكنا في حالة صمود تامه..وفي حاجه بتقرب مننا..لحد ماقريت قرآن وكنت بتلغبط من خوفي!..واول ما قرب مننا..زقيته بعيد.. وجرينا في اتجاه منعرفوش!..لحد مالبسنا في حيطه!..كنا بنحاول نحفر التراب بـ صوابعنا!..وبعد شويه دخل ضوء خفيف جداً في المقبره..كنا شايفين نوعاً ما
..وبعد شويه ابتدا الميت يتحرك تاني!..وكنا حاسين انه جاي ناحيتنا!..وأول ماقرب..ابن عمي زقه بـ ايده الشمال!..وبمجرد ما لمسه حس ان ايده اتشلت!..صرخ صرخه قويه..من شدتها المقبره فضلت تتهز بينا..لحد ماأغم علينا!..وبعد ماصحينا لقينا ضوء جاي من بعيد!..فضلنا ماشيين بحذر لحد ماوصلناله..وأول ماوصلناله لقينا الباب مفتوح!..ولما طلعنا من المقبره..لقينا نفسنا في مكان تاني تماماً..وسط المقابر!..وبعيد كان مجموعة ناس جايه ولابسين اسود!!..وبيصوتوا!..بصيت لابن عمي وانا
مستغرب!..وقربنا منهم..لقيت أمي هى اللي بتصرخ!..جريت انا وابن عمي نعري الغطا من على وش الميت وكانت صدمتي لما لقيته شبهي!..صحيت من النوم لتاني مره وأمي وابويا واخواتي جنبي ولابسين اسود بيعيطوا!..مابقتش عارف اللي فات ده
كان حلم ولا حقيقه.. وهل عمي مات فعلاً ولا حلم!.ولما سألتهم”هو ايه اللي حصل؟”..ردت أمي وقالتلي”من ساعة ماعرفت ان عمك مات الله يرحمه..وانت مغم عليك ياحبيبي.. اخوك كلمنا وحكالنا اللي حصل ورجعنا من العزا علشانك..انت كويس؟”…سكت ووقتها عرفت ان عمي مات فعلاً..وان اللي حصل جوا المقبره ده كان مجرد حلم!..ولما افتكرت ان احلامي بتتحقق..عرفت ان انا اللي ورا عمي!..قومت وفضلت أصرخ وحالتي النفسيه كانت بتسوء!..لدرجة ان انا مكنتش عايز اخرج وافضل قاعد في مكاني!..ولما كلهم هدوني..كانوا بيسألوني مالك!.. وانا مكنتش عارف اقولهم ايه!..وأثناء مانا كنت بمسح وشي..لقيت بيتكتب بالدم على ايدي ٥:٣٣..ودلوقتي الساعه ٥!!!
- يتبع الفصل التالي اضغط على ( رواية قبر الجد ) اسم الرواية