رواية حبيبي الشبح كاملة بقلم سوس خليل عبر مدونة دليل الروايات
رواية حبيبي الشبح الفصل الرابع 4
يونس راح علي بيت خطيبته لاقي في تجمع هناك وفي ستات عماله تعيط وامها قاعده علي الارض تصوت وتعيط يونس قلبه دق جامد وراح مطرح ما أم خطيبته واقفه وبص علي الارض شاف خطيبتو غرقانه في دمها وواضح من رقبتها إنها مدبوحة اتصدم من منظرها ووقع جمبها على الارض ومسك أيديها وفضل يصرخ ويعيط: يا جميييييييله لاااااااااا جميييييييله متسبنيش لاااااااااااااا وكان عمال يعيط زي العيل الصغير وهو بيفتكر ذكرياته معاها
كانو قاعدين مع بعض في جنينه
جميله : يونس
يونس مركز في التليفون : هممم
جميله : يا يونس بقي
يونس ساب التليفون : نعم نعم يا جميله
جميله : يونس هو إنت بتحبني
يونس بأستغراب : إيه السوال ده أكيد طبعا مانا لو مكنتش بحبك مكنتش خطبتك
جميله : لا ماهو عادي يعني ممكن تكون أعجبت بيا لما شوفتني وكده
يونس بصلها ورفع شفايفه إللي فوق من الجنب : انتي عبيطه يا جميله
جميله ضربته : متحترم نفسك يا يونس الله
يونس : ماهي انتي بجد فظيعه وبعدين هز راسه شمال ويمين: صدق إللي قال الستات ملهاش كتالوج دي هرمونات دي صح
جميله : جاوبني بقي يا يونس
يونس بصلها بحب : بحبك دي كلمه قليله أنا بعشقك يا جميله آنتي احلي حاجه في حياتي والله يا جميله ربنا يديمك في حياتي
جميله ابتسمت بحب : ويديمك ليا يارب صحيح يا يونس إنت مش هتعرفنى علي باباك ومامتك
يونس بتوتر : أكيد يا حبيبتي حاضر مانتي عارفه بقي هما قاعدين في البلد وانا قاعد هنا علشان شغلي
جميله : طيب هو إنت لحد مقولتليش إنت بتشتغل ايه يا يونس
يونس بلع ريقه : بشتغل في شركه شحن كبيره و مرتبها حلو يعني
جميله : ماشي يا يونس أنا مش عارفه حاسه إنك مخبي عليا حاجه
يونس : اخبي عليكي إيه يا عبيطة
جميله : يونس هو أنا لو مت هتزعل عليا
يونس قام بعصبيه : لا بقي انتي شكلك مش هتجبيها لبر أنا ماشي يا ست ومشي
جميله ضحكت وجريت وراه : إستني يا يونس يا ولا إستني يا باشا وجريت وراه وهي بتضحك فاق من ذكرياته معاها لما حد شد أيد جميله منو وهو فضل يصرخ زي الطفل إللي بيتاخد منو لعبته المفضله و الشباب مسكت فيه وفضلت تشد فيه تبعده عن جميله وهو فضل يصرخ بعديها راحو دفنوها وحضر العزا وبقي كل جمعه يطلع المدافن يزورها وبقي يزور مامتها كل شويه ويطمن عليها بعدها عرف بطريقته الخاصه اللي قتل جميله هو البج بوص بتاعه في المافيا وقرر يقتله زي ماقتل حبيبته ومفكرش بالعواقب إللي هتحصل كل إللي فكر فيه ياخد حق جميله
قاعد يونس في الشبكه بتاعته الباب خبط فتح لاقي الدكش ده شاب صاحبه آوي وبيحبه جدا وهو كمان بيحبه آوي بيعتبره أخوه
يونس : خش يا ايمن
ايمن إللي هو الدكش : آه بدل ما قولت يا ايمن يبقي في حاجه ولا اية
يونس : أنا عايز اقتل البج بوص علشان هو إللي قتل جميله
ايمن بصدمه : بجد والله هو اللي قتلها
يونس بتوعد : آه هو وحياه أمي لاقتله
ايمن : ايوه يا يونس بس ده البج بوص يعني فيها قطع رقاب
يونس قام بغضب : أنا مبخفش من حد يا ايمن ولو هو البج بوص فأنا الشبح مش هسيبه معايا ولا لا
ايمن : معاك يا صاحبي بس أنا خايف عليك
يونس : متخفش يا دكش عمر الشقي بقي بعديها باسبوع دخل يونس قصر البج بوص بطريقته الخاصه ودخل اوضته لاقي البج بوص نايم بصله بصه شر وهز رجله صحي البج بوص بكسل واتصدم لما شاف قدامه يونس
البج بوص بصدمه : يونس إنت دخلت هنا إزاي
يونس قاعد علي الكرسي إللي قدامه : زي السكر في الشاي
البج بوص بصله بغضب : إنت هتهزر إنت إللي جابك هنا أساسا
يونس وهو بيطلع المسدس من جيبه : حاجه بسيطه آوي جي أقتلك
البج بوص اتصدم : إنت اتجننت إنت بتقول إيه
يونس قام وقف قدامه ببرود : زي ما سمعت جاي أقتلك عندك مانع
البج بوص بغضب : إنت متخلف يا يونس إللي بتعملو ده مش في صالحك أنا من إشارة مني ابعت رجالي تصفيك دلوقتي
يونس ضحك بسخريه : هما فين رجالتك دي يا باشا لازم تعرف إن الدنيا دي غداره يوم معاك ويوم عليك زي مانا زمان كنت معاك دلوقتي بقيت عليك زمان كنت بعمل كل حاجه بقلب جامد علشان مكنش عندي حاجه اخاف عليها لحد ماقبلت خطيبتي بقيت أخاف عليها من الدنيا كلها واحاول احميها بس انت كلب لما نهش نهش في اللي خدمه طول عمره وقتلت حبيبتي بأبشع موته علشان كده لازم تروح لها وتعتزر ليها منك ليها بقي وراح رفع المسدس في وشو
البج بوص بخوف: طب بص يا شبح انسي إللي فات وتعالي نبدأ من جديد دانت دراعي اليمين يونس مردش عليه وراح ضرب رصاصه جت في نص رأس البج بوص ومات في ساعتها يونس بص عليه ببرود وانتصار وتف عليه وخرج
وخرج لاقي ايمن مستنيه في العربيه وبيشرب سجاير ركب وخد السجاره من ايمن وشرب منها ونفخ
ايمن : خلاص يا شبح عملت إللي إنت عايزو
يونس نفخ دخان السجاره : خلاص يا دكش خدت حق جميله اطلع علسام عايز انام وارتاح
ايمن هز راسه وساق ورحو بيت يونس تآني يوم يونس صحي وغير هدومه ونزل ركب عربيتة وراح علي بيت اهله نزل من العربيه وهو حاطط النظاره علي عينه وطلع العماره إللي ساكن فيها أبوه وأمه رن الجرس فتحت أمه
يونس وهو بيقلع النضاره : إزيك يا أمي
أمه ببرود : إنت إللي جابك هنا أنا مش قولتلك مش عايزه أعرفك تآني
يونس : طيب ممكن اخش ولا هفضل علي الباب كده
ابوه جه من جوه : مين يا صباح قرب شويه شاف يونس
ابوه بغضب : إنت إللي جابك هنا يلا إنت احنا مش قولنلك اعتبر نفسك معندكش أهل
يونس عينه دمعت : آنتو بس وحشتوني وكنت عايز اطمن عليكو
صباح قلبها وجعها لما شافت دموع ابنها الوحيد بس اخفت ده ببراعه
ابوه : وإحنا مش عايزين نشوفك واتفضل بقي امشي من هنا يا شبح مش ده الاسم إللي بينادوك بيه إللي مشغلينك
يونس بصله بدموع وقال : أنا كنت عايز اجي اشوفكو واطمن عليكو علشان أنا حاسس إن دي آخر مره هتشفوني فيها صباح قلبها اتقبض لما سمعت يونس بيقول كده هي حاسه باحساس غريب من الصبح حاسه إن هيحصل حاجه
يونس مسح دمعتو : هتوحشوني آوي ياريت تسامحوني وسابهم ونزل
أبوه قفل الباب وهو قلبه مقبوض علي ابنه مايعرفش إيه السبب وصباح كمان وبقو يدعو في سرهم إن ربنا يسترها علي ابنهم
ياسين روح بيته دخل الشقه حس بحاجه حاده بتخش في ضهرو بص وراه لاقي واحد من رجاله البج بوص دخل السكينه في ضهرة مكنش قادر يضرب حد علشان كان موجوع راح اترمي علي الكنبة نام علي ضهرو لسه هيحاول يقوم لاقي إللي جه من قدامه وطعنه كذا طعنه في صدره وبطنه ورجله بقي يونس مش قادر ياخد نفسه وبقي مش قادر يقوم خالص علشان اتاخد علي خوانه دخل واحد عليه من إللي شغال معاهم غير البج بوص
الصاوي نزل علي وش يونس : شوفت يا شبح دي اخرتك كان إللي يحصل لو كنت ساكت مش كان زمانك سليم دلوقتي بس أنا غبي قتلت البوص علشان بت متساواش معلش بقي حظ كده الله يرحمك هبقي اجي ازورك وضحك ضحكه عاليه وخرج ووراه الرجاله
ويونس دمع ومبقاش قادر يقوم وكان نفسه قبل ما يموت إن أبو وأمه يسمحوا دخل عليه ايمن شافه كده اتخض وجري عليه وقال بدمع : يونس يونس لا متسبنيش يا صاحبي
يونس وهي الدموع بتنزل من عينه وهو بيتكلم بالعافيه : خدوني علي خوانه يا صاحبي انا مش هسيبك بمزاجي ادعيلي دايما وتعال زورني علي طول واه بقولك امانه عليك تدفني جمب جميله ها هتوحشني اوي ونطق الشهاده ومات
ايمن لما شافه مات بين أيده صرخ : لاااااااااااااا اااا يونسسسسسسسسسس يا صااااااااااحبي قوم يا صاحبي متسبنيش يا يونس يا شبحححححح دخل عم طه بسرعه لما سمع صراخ ايمن شاف منظر يونس اتصدم لما لاقه سايح في دمه الارض عيط هو كمان عليه جدا لإنه بيعتبره ابنه بعدها ايمن دفنه جمب جميله زي ما طلب وجاب ناس يشيلو عفش يونس يحطوه عندو في الشقه اي حاجه من ريحه يونس تفكره فيه كان علي عينه يسيب الشقه زي ماهي علشان يونس بيحبها خد الحاجه بتاعه يونس وخلي عم طه يعمل فيها اللي هو عايزو وبقي كل ماحد يجي يأجر الشقه يونس روحه تظهر تطفشه ويرجع يختفي تآني لحد مجت ياسمين
باك
يونس خلص وهو عينه بدمع مسح دموعه وبص علي ياسمين لاقتها ميته علي نفسها من الهياط
يونس ضحك بسخريه : لا دانتي قلبك رهيف آوي
ياسمين بعياط : إنت صعبان عليا آوي مش عارفه استحملت كل ده إزاي وفي الاخر تموت بالطريقه دي ربنا يرحمك يا يونس
يونس ابتسم : ادعيلي كتير ومتنسيش تيجي تزوريني علي طول
ياسمين : حاضر إنت تأومر
يونس ابتسم وبعدين قال :بص بقي عايزك تروحى لأيمن صاحبي وتجبيه هنا
ياسمين : واشمعني هنا يعني وبعدين وأنا هعرف هو فين إزاي وكمان اشمعني هو
يونس : علشان هو إللي هيقدر يساعدنا وبعدين بصرآحه هو واحشني وعايز اشوفه مش قادر انسي لما كان منهار عليا خليه يجي هنا وأنا هظهر ليه أنا مش مرتاح في تربتي يا ياسمين عايز حقي يجي
ياسمين : طيب هعمل كده بس قبل كده لازم أعمل حاجة الأول
يونس بأستغراب : إيه هي
ياسمين : نروح عند باباك ومامتك
- يتبع الفصل التالي اضغط على ( رواية حبيبي الشبح ) اسم الرواية