رواية مشاكسة اخذت بيدي كاملة بقلم ذات النقاب عبر مدونة دليل الروايات
رواية مشاكسة اخذت بيدي الفصل السادس 6
فرح / اللى تشوفه يابابا ودخلت تعيط فى اوضتها فكره أن حد يشوفها دى تعباها ومش عاوزاها صعب ترفع النقاب مع أنه مش حرام بس صعب فعلا
وعدت الساعه والعريس جه وقعدو مع بعض وأخوها قعد معاهم بس بعيد شويه
العريس / احم ازيك ياانسه فرح
فرح/ الحمد لله
العريس / انا اسمى كريم دكتور جراحه عندى ٢٨ سنه
فرح / انا اسمى فرح لسه بدرس فى كليه تفهنا قسم تاريخ عندى ٢١ سنه
كريم / عندك اساله
فرح / حضرتك انا منتقبه زى مانت عارف وان شاء الله عمرى ما هخلعو خالص ولو حصل نصيب هتكون الخطوبه بطوابط شرعيه
كريم / ضوابط اى مش فاهم
فرح / يعنى حضرتك مفيش مكلمات فون غير ممكن ترن على والدى تطمن منه ولو عاوز تسالنى على حاجه هيكون السبيكر مفتوح علشان مينفعش نتكلم لوحدنا لانه بيكون خلوه غير شرعيه فى الحظه دى فرح افتكرت رعد وأنه بيبعتلها التلخيصات ودا يعتبر برضه خلوه وهى مش عاوزة تفتح باب الشيطان فعزمت انها تتصرف فى الموضوع ده
كريم / بس كده مش هتعرف نتعرف على بعض
فرح / قالت الجواز ده بيبقى بطيخه مقفوله وحتى الخطوبه مبتخلناش نتعرف بشكل سليم اغلب المخطوبين مش ملتزمين بالضوابط وفاكرين أنهم عادى يسيبو مشاعرهم وفاكرين أنه صح بس هو غلط خطيبى راجل اجنبى غريب مش جوزى فبتالى ممكن ننفصل عادى فبالضوابط مش هنكون اتعلقنا ببعض التعلق الوهمى اللى الشيطان بيوريهولنا أنه حب ولو ربنا اراد أننا نتجوز فهيكون مبارك الجواز وحياتنا لاننا مش اغضبناه وعصيناه فمهتنى ؟
كريم / مذهول بس بين أنه عادى وابتسم وقال تمام يافرح فهمت
ففرح / قالت طب عنئذنك
دخلت جوة والراجل مشى وعدى يومين والراجل رن وقال إنه موافق على فرح ومستنى رايكم ويجو يحددو ميعاد الخطوبه
اهل فرح فرحو جدا وفرح كانت مخنوقه مش مبسوطه بس توكلت على الله خصوصا أن مفيش مجال للرفض
وجه يوم الخطوبه وفرح مرضيتش تخليه يلبسها الخاتم ولبستو هيا وعملتها خطوبه اسلاميه وكانت عائليه لطيفه رغم استغراب الكل للجو الاسلامى ده ( عجبا لكم يامسلمين الاغانى الهابطه هيا اللى بتحسسكو بالفرح أما الاسلاميه لا ربنا يردنا إليه رد جميل )
وعدت تلت ايام وفرح مخنوقه وقررت تروح الكليه وفاتها الامتحان ورعد لما سال عليها نور قالت إن خطوبتها ومش هتعرف تيجى رعد كان فى حاله صدمه خطوبه ازاى وكان مضايق مش عارف ليه وفضل منكد طول الفتره دى لحد ما راحت وحظها عمل امتحان مفاجئ ولأن فرح مكنتش بتفتح نت معرفتش تشوف رسالته اللى بتبلغ فيها الامتحان
ودخلت متأخر وكان دبلانه وواضح على عنيها
نور/ فرح مالك يابنتى اقعدى الدكتور عامل امتحان مفاجئ والدفعه كلها هتولع فيكى علشان مش عرفتيهم
فرح / أنا اصلا معرفش لانى مبفتحش نت وانتى عارفه
نور / عارفه وعرفتهم تمام
فرح كانت مضايقه ورعد نده عليها وقال فرح هتلمى الورق بتاع الامتحان فتخلصى حل بدرى تمام
فرح / تمام
وحلت بسرعه وقامت تلم الورق وكان ده عقاب صغير علشان الخطوبه وفضلت تلم وكانت مرهقه والمحاضره خلصت وراحت هيا ونور علشان تديه الورق فقال ليها مبروك الخطوبه ممكن افهم مفتحتيش ليه علشان ابعتلك تعرفيهم
فرح / الله يبارك فيك اولا ثانيا انا هطلب منك طلب ممكن
رعد / اتفضلى
فرح / ممكن تعفينى من موضوع الادمن وهيكون الجروب مفتوح تقدر حضرتك تبعتلهم بنفسك
رعد / ليه يافرح ها ليه علشان خطيبك ميزعقش
فرح / اولا خطيبى ملوش اى خق يزعقلى الموضوع وما فيه وحكتله اللى افتكرته لما كانت بتقول لكريم عالضوابط
ورعد / كان مذهول وقال أنا كل يوم بتفاجى فيكى انتى مشدداها اوى يافرح ليه
فرح / عمر التزامى ماكان تشدد انا مش عاوزة اغضب ربنا عاوزة اموت وانا مش خايفه انى سمحت للشيطان يضحك عليا اعتقد انى مش غلطانه انا مكنتش كده بس ربنا نورلى طريقى وهدانى راجع نفسك يامستر رعد قبل فوات الاوان انا ماشيه تطلب حاجه تانيه
رعد / لا يافرح اتفضلىى
ومشيت فرح خطوتين فرعد نده عليها وقال ممكن اطلب منك طلب طيب
فرح / لفت ورجعت اتفضل يادكتور
رعد/ محتاج مساعده عاوزك تقوليلى اى اللى انا مقصر فيه لانى الطلبه مفيش استجابه خالص وحاسس انى مبعملش حاجه وانا مبحبش كده
فرح/ ابتسمت وقالت اممم بص يامستر حضرتك مقصر من ناحيه واحده الا وهى النظام والشد دفعتنا عاوزة الشد فالمذاكره يعنى مثلا تحاول أن كل محاضره تسال ودا ازاى يعنى انا دى هساعد عملى ممكن بس قائمه اسمائنا وانا هعمل الاسماء فى ورق وهحنحطهم فى بوله وانت تسحب كل محاضره خمس أسماء فى اخر المحاضره
وتسالهم
رعد / ليه آخرها
فرح / لأن فى ناس هيتاخرو قصدا لحد متسال وناس ممكن تتأخر غصب عنهم واللى. هيحضر أغلبهم هيغش من صحابه او ممكن يلزق المعلومه لزق مش متثبته فاهمنى
رعد/ ايوه تمام كملى
فرح / طعبا الخمسه هتندهم ويطلعو كلهم بره المدرج خالص قدام عارف الوقفه دى ليها سببين اول واحد أنهم ميغشوش من حد تمام هيكونو قدامك تانى سبب الوقفه لوحدها كفيله تهز كيان اى حد مش مذاكره فبالتالى هيجبرهم محاضره اتنين وهيظبطو
رعد / طب مهم ممكن يغيبو
فرح/ اللى هيغيب هو الخسران ولما يلاقى اللى بيحضر بقا قوى فى الماده دى هيلتزم غصب عنه وبكده اكون قولت فكرتي كلها عند حضرتك اى تعليق
رعد/ لا يادكتورة شكرا عالمساعده وانا موافق عالفكره وإن شاء الله هتتنفذ
فرح / أن شاء هتجيب نتيجه ومتشكرنيش دول اخواتى
عنئذن حضرتك سلام عليكم ورحمه الله وبركاته
رعد/ وعليكم السلام ورحمه وبركاته
ومشيت فرح هى ونور وتانى محاضرة فرح راحت لأنها كانت مخنوقه من البيت ودخلت بدرى بس حرفيا كانت دبلانه خالص
نور / هلا هلا بالغاليه لا محاضرتين ورا بعض كده كتشير قلبى الصغير لا يتحمل
فرح / ابتسمت بارهاق وقالت سلامت قلبك ياعمرى
نور/ مالك يافرح فيك. اى
فرح/ دمعت وقالت مخنوقه جدا يانور حاسه انى بموت
نور/ قامت بلهفه وقالت طب تعالى نطلع بره ونتكلم
جم يخرجو لقو الدكتوره دخلت قعدو تانى
المهم عدى ساعتين وخلصت المحاضره وخرجو راحو غرفه فاضيه وقعدت فرح تعيط بحرقه وتقول مش مرتاحه يانور حاسه أنه بيخنقنى كل مايجيى وانهارده أهله جاين وبنات خالاتو واخواتو يتعرفو عليا وانا معنديش طاقه خالص حتى اتكلم اااااه رب انت تعلم كيف حالي اااااه وتعيط بحرقه ونور تتبطب عليها وجه رعد وهو رايح المدرج لمحهم وسمع صوت عياطها ووقف وصعبت عليه جدا وخبط وقال ممكن ادخل ففرح نزلت النقاب ونور وقفت وقالت اتفضل يادكتور
رعد/ احم انتو بخير
نور / أيوة يادكتور بخير
رعد/ يعنى انتى مش بتعيطى يانور
نور / قالت أنا ابدا والله
رعد / متاكده
نور/ أيوة يادكتور متاكده
رعد/ طب تمام عموما ربنا قال ( فصبر جميل ) يلا بقا علشان المحاضره
نور / تمام يادكتور ولسه هتكمل
فرح / بصوت واطى فديلك فديلك
نور / بعد مارعد مشى فطست ضحك لو سمعك هياكلك
فرح / الله يسامحك يارعد كنت لسه هتشحتف وهشحت كمان شويه طلعتنى من المود
فرح/ ياناااس انا مش بتاعت تعليم طلعونى رحله ذهاب بلا عوده للملديف اى حاجه كده
نور/ بس يابنت مراد ابوكى لو سمع كده مكنش خلفك
فرح / امشى يابت دنا فرح ابويا والعيله كلها
ودخلو المدرج ولقو رعد مبدأش حاجه خالص مستنيهم
قعدو فبدأ رعد المحاضره وقال
رعد/ السلام عليكم ورحمه الله وبركاته كل اللى فات كوم واللى جاى كوم تانى فى نظام جديد هنمشى عليه واى حد هيخالفو يبقى ميلومش الا نفسه تمام وقال على كل اللى فرح قالتو
نور/ ابت يافرح الدفعه هتولع فيكى
فرح / ونا مالى دكتورهم اللى قال يثبتو انها فكرتى بقا
الدفعه كانت مصدومه وخايفه لأن رعد مبيهزرش وفعلا بدا المحاضره وقال
- يتبع الفصل التالي اضغط على ( رواية مشاكسة اخذت بيدي ) اسم الرواية