رواية عشق الاسد كاملة بقلم ندي سامي عبر مدونة دليل الروايات
رواية عشق الاسد الفصل السادس 6
_ والدك عندنا فى القسم بقضيه تسليم سلا*ح و عايز حضرتك تيجى و معاكى المحامى بتاعكو
عشق بصدمه : ايييه!!؟
اول ما سمعت كده الفون وقع منها و فضلت واقفه متنحه و مش فاهمه اى حاجه و لا ازاى باباها اتمسك بتسليم سلاح و مسمعتش كلام نرمين ولا فاطمه الى كانو عمالين يسألوها فى ايه و خدت فوزها بسرعه من على الأرض و شنطتها و مشيت برا الشقه من غير ولا كلمه و راحت للمحامى بتاعهم
_______________________
فى مكتب المحامى
دخلت عشق بسرعه و فتحت الباب جامد من غير ما تخبط لدرجه ان المحامى اتخضت
_ انسه عشق خير فى ايه
عشق : انت لازم تيجى معايا حالاً
_ فهمينى طيب حصل ايه
عشق حكتلو كل الى اتقالها و هى ماسكه بنفسها بالعافيه و خايفه على باباها
_ طب تمام اهدى انا هاخد حاجتى و اجى
خد موبايلو و جاكيت البدله و شنطتو و نزل معاها بسرعه و راحو القسم
_______________________
فى القسم
دخلت عشق بسرعه وهى بتسأل عن الشخص إلى كلمها لحد ما قالولها على مكتب الرائد و اول ما دخلت اتصدمت
عشق بصدمه : اسد !!
اسد اول ما شافها اتوتر بس حاول يهدى نفسو عشان طلع العميد عندو حق و احمد طلع تا*جر سلا*ح
اسد : عشق انا …
ملحقش يكمل كلامو و مشيت و سابتو و قعدت تدور على حد تانى تتكلم معاه و هى بتعيط لحد ما لقت ماهر و دخلت معاه المكتب و شرحلها كل حاجه
عشق بصدمه : لا لا بابا مستحيل يبقى كده اكيد فى حاجه غلط
ماهر : للاسف لا و كمان والد حضرتك متهم بقضيه قت*ل
عشق بصدمه اكبر : ايييه ازاى مين
ماهر : متهم بقت*ل طارق المنشاوى منافسو فى السوق
عشق : طارق الشناوى !! لا لا بابا مقتل*وش هو كان بيدافع عنى هو مقتل*وش لا
ماهر بعدم فهم : بيدافع عنك ازاى
كانت لسه هنتكلم لقت الباب بيخبط و دخل عسكرى و كان محتاج ماهر ضرورى فخرج ماهر و هى كمان خرجت و راحت عند اسد بسرعه وهى متعصبه من و اول ما دخلت اسد قام
اسد : عشق ممكن تقعدى و ..
عشق : برافو برافو بجد كان تمثيل هااايل انا من رأيى تروح تمثل احسن
اسد : عشق ممكن تهدى و نتكلم
عشق بعياط : نتكلم فى ايه هاااا نتكلم فى اييييه نتكلم فى انك خدعتنا و دخلت وسطنا و فتحنالك بابنا و قربت منا و فى الاخر طلعت ظابط و عامل الحوار ده كلو عشان تقبض على بابا فى حاجه هو ملوش ذنب فيها .. رددد عليااااا
اسد : عشق باباكى تا*جر سلا*ح انتى مستوعبه
عشق : بابا مستحيل يكون تا*جر سلا*ح بابا عمرو ما يعمل كده عمرو ما شال مسدس اصلا هيبقى تا*جر سلا*ح!!! بذمتك انت تدورت كويس ورا الحوار ده هااا
اسد : انا لقيت ورق فى مكتب استاذ احمد فى المعاد بتاع التسليم
عشق : اه و ياترى بقى اتاكدت أن الورق ده بتاعو و حتى لو بتاعو تفتكر مثلا هيشيلو فى مكتب البيت عشان تيجى المساعده وهى بتنضف تلاقيه مثلا
اسد : ….
عشق : بابا مقتل*ش طارق المنشاوى و كان مستحيل يعملها و إلى حصل ده كان عشان يدافع عنى
اسد باستغراب : يدافع عنك ازاى
عشق بدموع : كنت قاعده فى البيت لوحدى فى مره و لقيت الباب بيتفتح ففتكرته بابا و روحت على الباب بس مطلعش هو و طلع طارق المنشاوى و انا عشان عارفه انو منافس بابا و أن مش بيحبو عرفت أن نيتو مش خير فجريت عشان ارن على بابا بس لقيتو جه ورايا و كان عايز يخطفنى بس فى الوقت ده جه بابا و معرفش يعمل ايه و لما لقى الفازه جمبو خدها و ضربو بيها عشان يسيبنى و هو ساعتها وقع و هو بينز*ف و أغمى عليه و بابا خاف و طلب من البودى جاردات يخرجوه و يتصرفو بس هما فهمو غلط و سابوه على الطريق و لحد ما الناس شافتو كان نز*ف كتير فلما راح المستشفى كان اتوفى و اتحقق فى الموضوع بس بابا طلع منها و اكيد الى حصل دن كلو دلوقتى متلفق لبابا و اكيد برضو إلى عمل كده حد قريب كده من طارق المنشاوى عشان كده فتح القضيه تانى
اسد معرفش يرد من صدمته من الى سمعه و هو بصتله بلوم و خرجت عشان تطلب من حد تشوف باباها و هو قعد و حط ايدو على راسو و فى الوقت ده دخل ماهر
هار : اسد عشق كانت هنا عندى فى المكتب و لما رجعت ملقتهاش هى جتلك !؟
اسد هز راسو من غير ما يتكلم فماهر استغرب
ماهر : مالك فى ايه
اسد حكالو كل حاجه و لما خلص قال : كنت متأكد أن فى حاجه غلط انا قولت برضو مستحيل الراجل ده يعمل كل ده و مستحيل يسيب ورق زى ده فى المكتب عندو فى البيت و هو عارف أن فى ناس بتدخل تنضف
ماهر : طب هتعمل ايه دلوقتى ازاى هنجيب دليل انو برئ !؟
اسد : تليفونه و حاجته معاك !؟
ماهر : لا بس موجوده فى الامانات
اسد : هاتهم لو سمحت
ماهر : هتعمل ايه
اسد : هاتهم و هقولك
ماهر خرج يجيب الحاجه و اسد قعد يفكر و بعد دقايق ماهر رجع و حط الحاجه على المكتب
ماهر : الحاجه اهى
~~~~~~~~ فى مكان الزيارات فى القسم
احمد خرج لعشق إلى أول ما شافته اترمت فى حضنه وهى بتعيط
احمد : حبيبتى اهدى صدقينى فى حاجه غلط انا والله معملتش كده هما قالولى انك معاهم و حاولت أرن عليكى مكنتيش بتردى و افتكرت أنهم بيتكلمو جد طلعو عاملين كل ده عشان يسجنونى كل ده بسبب ابن طارق عايز ينتقم لابوه
عشق باستغراب : خطفونى !! هما مين انا كنت عند غاده و مين ابن طارق هو عندو ابن !؟
احمد : مكنتش اعرف انك عند صاحبتك و اه عندو ابن و هو إلى عمل كل ده خليهم يسمعو تسجيلات المكالمات و يتأكدو من الورق إلى لقوه فى المكتب و يتأكدو أنها امضتى و خطى
عشق بدموع : حاضر و صدقنى هخرجك من هنا ” قالت من ورا قلبها وهى ماسكه دموعها ” و صحيح لازم نبعد اسد ده عن حياتنا نهائى عشان بعد إلى حصل ده مستحيل اتعامل معاه تانى أو اسمحلو يدخل بيتنا عشان بقيت اكرهو و اكره اشوفو
احمد : لازم نسمع منو الاول يا عشق و نعرف عمل كده ليه اكيد فى سبب و اكيد شغله إلى أجبره
عشق : بابا مستحييييل مستحيل ارجع أكلمه تانى بعد ما تخرج من هنا تمام
لسه هيتكلم العسكرى جه وقال : الوقت خلص
احمد مسك أيدها و قال : خلى بالك من نفسك لحد ما اخرج تمام
عشق بابتسامه حزن : تمام
العسكرى خدو و هى راحت الحمام و قفلت عليها و قعدت تعيط على باباها و على اسد الى كان فكراه بيحبها زى ما هى بتحبو و فى الاخر غدر بيهم
~~~~~~~~ عند اسد و ماهر
اسد : امضتو على ورق الصفقه غير امضتو على ورق الشغل
ماهر : ورينى
اياد خد منو الورق و بص فيه و لقى أن فعلا مش نفس الامضى
ماهر : عندك حق بس ده مش دليل يتقدم فى المحكمه
اسد : عايزين حد يفتح الفون بتاعو عشان نلاقى أى دليل
ماهر لسه هيتكلم لقى الباب بيتفتح و دخلت عشق و هى باين عليها العياط و قفلت وراها و هما بصو لبعض باستغراب
عشق : عايز دليل صح !!؟
اسد بص لماهر و بعدين بصلها و قال : اه
عشق : هات موبايلو
اسد بصلها و سكت فقالت : هااات موبايلو
اسد : خدى
خدت الفون و فتحتو و جابت تسجيلات المكالمات و فتحت اخر مكالمه و علت الصوت و شغلتها و اول ما اسد و ماهر سمعوها استغربوا
اسد : ايه ده و عندهم ايه ما انتى قدامنا اهو !؟
عشق : انا هقولكو الحقيقه إلى حضرتكو معرفتوهاش و انتو بتحققو فى القضيه و بتحاولو تجيبو دليل على أن بابا غلطان عشان تقبضو عليه انا هقولكو الدليل على أن كل الكلام ده متظبط عشان بابا يتقبص عليه و ينتقمو لموت المنشاوى و أن هما إلى تجا*ر سلا*ح مش بابا
اسد و ماهر بصولها باستغراب و هى كملت و قالت كل حاجه احمد قالهالها
عشق : و لو عايزين دليل على انو مقتل*وش قصد فتسجيلات الكاميرا بتاعت البيت لسه موجوده تقدرو تشوفوها
اسد داس على حاجه فى التليفون عندو و دخل العسكرى
اسد : هات عسكرى تانى و تعالى هنروح فيلا الشرقاوى
العسكرى : تمام يا باشا
عشق ابتسمت بوجع و قالت بسخريه : شكرا يا سياده الرائد
قالت كده و خرجت قبل ما تعيط قدامه و اسد بص لماهر بمعنى كل حاجه باظت
ماهر : متقلقش كل حاجه هترجع تمام ثق فيا
اسد : هترجع تمام ازاى يعنى انت مش شايف طريقتها !؟ هى لو طلعت صح و فعلا الشرقاوى برئ فهى مستحيل تسمعنى اصلا
ماهر : ساعتها انا هحلهالك اسمع منى
اسد : ربنا يستر
دخل العسكرى و معاه العسكرى التانى و ساعتها اسد قام هو و ماهر و راحو الفيلا مع عشق
_______________________
فى مكان تانى
_ عرفت حصل ايه
– بايت فى القسم يا كبير و المحكمه بعد بكره
_ مكنتش اعرف ان الخطه هتبقى بالسهوله دى و انو يطلع مغفل و ميعرفش حتى بنتو موجوده ولا فين
– طب يا باشا افرض عرفو كل حاجه و عرفو أن احنا إلى تجا*ر و أن احنا إلى ملفقين كل ده
_ هيعرفو منين يا ناصح
– بنتو مش ناويه تسكت يا كبير و هتفضل ورا الموضوع حتى لو فيه موتها
_ يبقى نتصرف ” كمل بنبره صارمه ” مش كده ولا ايه
– اايوه ايوه يا كبير هنتصرف
_ عايزك تفتخر بابنك يا منشاوى و تقول خلفت راجل يجيب حقى
_______________________
فى بيت عشق
دخلو اوضه الكاميرات و شافو التسجيل بتاع اليوم ده و فعلا حصل كل حاجه عشق قالتها فخدو نسخه من الفيديو و ماهر خد العساكر و خرجو و عشق كانت لسه هتخرج اسد مسك أيدها
اسد : عشق ممكن ثانيه
عشق بصت لايدو و شدت أيدها و قالت بجمود مزيف : معلش مفيش وقت لثانيه غير لو ليها علاقه ببابا
قال كده و مشيت و هو اتنهد بضيق و خرج و نزل تحت و مشى هو و ماهر و العساكر و عشق دخلت اوضتها و قفلت وراها و قعدت تعيط جامد و فونها كان عمال يرن و كانت غاده فردت عليها
غاده : عشق انتى كويسه حصل حاجه !؟ مشيتى فجأه و مفهمتش حاجه و برن عليكى مش بتردى
عشق بعياط هيستيرى : كل حاجه بتبوظ يا غاده كل حاجه بابا بيضيع منى و اسد غدر بينا و طلع ظابط و قبض على بابا
غاده بصدمه : ايييه ازاى يعنى انا مش فاهمه حاجه
عشق بعياط : ولا انا والله ولا اناااا حاسه انى فى حلم و عايزه اصحى منو و الاقى كل ده مش حقيقى
غاده : حبيبتى اهدى طيب و انا جيالك اهدى تمام
عشق : الساعه 1 يا غاده هتيجى ازاى
غاده : هخلى اخويا يوصلنى اهدى انتى بس لحد ما اجى عشان ميحصلكيش حاجه تمام !
عشق : حاضر
غاده قفلت معاها و راحت تلبس بسرعه و قالت لاخوها و جابها لعشق و اول ما دخلتلها عشق قعدت تعيط و حكتلها كل حاجه و غاده كانت بتهديها لحد ما نامت
_______________________
تانى يوم
بدأ اسد يجمع كل الادله إلى تثبت أن احمد برئ و جاب حد من رجالة ” محمد المنشاوى ” ابن طارق و خلى العساكر تتعامل معاه لحد ما اعترف على كل حاجه و اعترف أنهم بيشتغلو فى تجاره السلاح و اسد عرف العميد كل حاجه و العميد أدى أمر بالقبض على محمد و رجالته و فعلا قبضو عليهم بس فى منهم إلى هرب و فى إلى اتقبض عليه و من ضمنهم محمد و عشق اول ما عرفت كده فرحت كده و راحت لاحمد و قالتلو الخبر وهى مي*ته من الفرحه و أن خلاص احمد هيطلع من السجن و بعد ما الوقت خلص خرجت و لقت فى وشها اسد فبصتلو بحزن و مشيت و هو كان لسه هيمشى وراها العميد وقفو
العميد : رايح فين !!؟
اسد باحراج : احم معلش سرحت شويه
العميد : المهم دلوقتى المحامى بتاعو عرف كل حاجه صح
اسد : ايوه يا فندم و كل الادله هتتقال فى المحكمه و بأذن الله هيطلع منها .. زى ما قولت لحضرتك من معاشرتى ليهم كنت عارف ان مستحيل يعمل كده
العميد : هى الفتره دى بقت معاشره
اسد : هى فتره قصيره اه بس انا بعرف الناس كويس و كمان الفتره دى يغيرت حاجه فى حياتى و خلتها احسن بس واضح انها مش هتكمل
اسد كان لسه هيقول عشق بس استوعب هو بيكلم مين و قال : لا لا و لا حاجه عن اذنك هروح اشوف الشغل
قال كده و مشى و العميد استغرب بس مهتمش و راح مكتبو
_______________________
فى المحكمه تانى يوم
غاده بصوت واطى : عشق اهدى خير ان شاء الله هيخرج انتى مش بتقولى فى كل الادله إلى تثبت انو برئ
عشق بتوتر كبير : ايوه بس خايفه يحصل حاجه تانى
غاده : متخافيش هيطلع أن شاء الله
القاضى خبط بالمطرقه و قال : حكمت المحكمة حضورياً و بأجماع الآراء على ….
_______________________
- يتبع الفصل التالي اضغط على ( رواية عشق الاسد ) اسم الرواية