رواية عشق الاسد كاملة بقلم ندي سامي عبر مدونة دليل الروايات
رواية عشق الاسد الفصل السابع 7
بعد ربع ساعه كان أحمد و عشق و غاده بيخرجو من المحكمه و هما مبسوطين و اول ما خرجو لقو اسد قدامهم و كان بيقرب منهم
اسد باحراج : مبروك البراءه لحضرتك
احمد كان لسه هيرد عشق قالت : متشكرين يلا يا بابا
احمد : عشق استنى
عشق بصتله جامد و بعدين بصت لاسد بلوم و اسد بصلهم باحراج
احمد : تعالى بليل اكون ريحت شويه و استحميت عشان عايز اتكلم معاك
اسد حس بأمل فقال : اكيد طبعا جاى
عشق : تيجى فين ايه يا بابا انت ناس إلى عمله !؟
اسد فى سره : دمرتى الامل إلى حسيت بيه
احمد : عشق إلى قولتو هيحصل و هيجى بليل و يلا نمشى عشان عايز اخد دش و انام جسمى واجعنى
عشق بحزن : حاضر
احمد مشى و عشق وقفت لثانيه بصت لاسد و مشيت و اسد بصلها بحزن و هو مصمم انو هيخليها تسامحو
_______________________
بليل فى الفيلا
عشق كانت قاعده مع احمد فى الصاله و قاعده بتتكلم معاه بفرحه انو رجع و لقت الجرس بيرن فراحت تفتح لقت اسد
عشق بملل : اتفضل
اسد : هخلص مع استاذ احمد و هيبقى كلامى معاكى
عشق : انسى
قالت كدت و سابتو و طلعت اوضتها و هو دخل لاحمد
اسد : استاذ احمد انا …
احمد بمقاطعه : اسد انا هديك فرصه تشرح كل حاجه عشان حسيت أن عشق اتعلقت بيك و اضايقت من إلى عملته إنما غير كده كان زمانى قاطع علاقتى بيك تماماً و نسيت انى كنت اعرف واحد اسمو اسد
اسد : انا عارف احساس حضرتك و مقدر كل ده بس غصباً عنى والله انا شغلى حكم عليا اعمل كده مع انى مش بحب اعمل نفسى شخص تانى بس العميد اصر عليا انى اطلع المهمه و انا اضريت اوافق بس لما عرفتكو و قربت منكو حبيتكو والله بس للاسف كان لازم اكمل المهمه بس كنت متأكد أن فى حاجات غلط لما لقيت الورق فى مكتب حضرتك و قولت للعميد كده بس مسمعنيش و صمم اكمل بس والله مكنش قصدى اأذيكو و كنت عارف ان حضرتك برئ و هتطلع منها
احمد : مش عارف ارد عليك اقولك ايه الصراحه بس عشان صراحتك دى هديك فرصه و متفتكرنيش عبيط ها أنا اديتك فرصه عشان واضح عليك انك مش بتكدب و لو كنت كداب مكنتش جيت
اسد بفرحه : والله انا إلى مش عارف اقولك ايه .. انا بس عايز طلب صغير
احمد : قول
اسد : كنت عايز حضرتك تخلى عشق تسامحنى
احمد بتنهيد : رغم انى عارف انو صعب بس هحاول
اسد بفرحه : والله ربنا يخليك لينا .. هقوم انا بقى عن اذنك
احمد : اذنك معاك يبنى
اسد قام عشان يمشى و قبل ما يخرج لقى عشق نازله و اول ما شافته كشرت جامد و بصت بعيد و مشيت و هو بص مكانها بحزن و خرج
_______________________
فى بيت اسد
اسد : ست الكل عامله ايه
نعيمه : بخير طول ما انتو بخير يا حبيبى
اسد باس راسها و قال : دايما يارب .. امال فين اسيل
اسيل وهى بتجرى عليه : انا اهووووو
اسد شالها و باسها من خدها و قال : احلى انا اهو سمعتها فى حياتى
نعيمه : اسيل حبيبتى روحى كملى لعبك عشان عايزه اتكلم مع اخوكى
اسيل بطفوله : حاضر
نعيمه : تعالى يا اسد اقعد
اسد باستغراب : خير يا حبيبتى
نعيمه : مالك مضايق من ايه بقالك كام يوم
اسد بضيق : موضوع كده يا ماما بس أن شاء الله يتحل
نعيمه بخبث : فى واحده !؟
اسد باستغراب : واحده ايه
نعيمه : عليااا برضو ده انا إلى مربياك .. احكيلى و سرك فى بير
اسد بهزار : اه ده نفس البير إلى أول ما بابا بيرجع من السفر بيعرف كل حاجه فيه
نعيمه بضحك : بقى كده طب براحتك
اسد بضحك : هقولك خلاص بصى …
حكالها على عشق و على كل حاجه حصلت من ساعت ما بدا المهمه لحد الان
نعيمه : بص يا حبيبى مدام انتو الاتنين شايلين مشاعر لبعض يبقى متيأسش و افضل وراها لحد ما تسامحك و خليك عارف برضو أن إلى عملتو ده مش سهل و طبيعى تاخد وقت عشان تسامحك و تفهمك لانك كنت سبب فى حبس باباها و خبيت عليهم انك ظابط كمان
اسد : عندك حق بس هى مش طايقه تشوف وشى اصلا عشان اتكلم معاها
نعيمه : خليك واثق فى ربنا و اعرف أن لو ليكون نصيب مع بعض حتى لو كان فى بينكو ايه ربنا هيجمعكو ببعض
اسد براحه : عندك حق .. المهم عملتى اكل عشان جعان !؟
نعيمه بضحك : طفس طول عمرك روح غير على بال ما اجى احط الاكل
اسد و هو بيبوس راسها : ربنا يخليكى لينا
_______________________
تانى يوم فى الفيلا
احمد : حبيبتى قاعده كده ليه
عشق : بذاكر يا بابا عشان بقالى حبه مهمله المذاكره و الامتحانات قربت
احمد : ربنا معاكى يا حبيبتى .. احم فاضيه شويه نتكلم
عشق : لو على اسد فاسفه مش فاضيه
احمد : يا حبيبتى هو شرحلى كل حاجه و نيتو مكانتش وحشه و مكنش يقصد اذيتنا
عشق : مكنش يقصد ايه يا بابا ده ضحك علينا و قرب منا و خلانا نحبو و فى الاخر غدر بينا و حبسك !!
احمد بخبث : خلانا نحبو !!
عشق بتوتر : احم قصدى يعنى حضرتك انا اكيد مش هحب واحد زيو
احمد : و هو مالو يعنى ما هو طول بعرض و رائد قد الدنيا
عشق : انت بتهزر يا بابا بجد !؟
احمد : يا حبيبتى اديلو فرصه و اسمعيه صدقينى هتسامحيه ساعتها
عشق : اسفه يا بابا بس انا مش طيبه زيك
احمد بابتسامه : ايوه فعلا انتى اكتر منى
عشق بصتلو و ابتسمت و سكتت فقال : اسمعيه عشان خاطرى انا تمام !؟
عشق : تمام بس لو مقتنعتش مش هكلمو تانى
احمد : ماشى يا ستى اعملى الى انتى عايزاه ساعتها هروح انام انا بقى تصبحى على خير
عشق : و انتمن اهل الخير يا حبيبى
احمد خرج و عشق فى كلامو و هل هتسامح اسد لما تسمع كلامو فعلا ولا لا
~~~~~~~~ فى اوضه احمد
دخل احم اوضتو و هو مبتسم بخبث و بعت مسدج لاسد و قال فيها : انا ظبطتلك الدنيا و خليتها تديك فرصه تسمعك الدور و الباقى عليك اتمنى متخربهاش و متزودش فيها عشان مجيلكش
بعت المسدج و قفل الفون و اسد اول ما شاف المسدج ابتسم تلقائى و هو مبسوط
_______________________
بعد يومين
صحيت عشق بدرى عن المعتاد و دخلت خدت دش و خرجت مسكت فونها لقت مسدج من اسد و كان فيها عنوان و مكتوب ” اتمنى توافقى اخدك فى المكان ده و نتكلم عشان يبقى هدوء اكتر ” و اول ما شافتها ابتسمت ببلاهة و نزلت على الفطار وهى مبسوطه و بتضحك و احمد اول ما شافها ابتسم بخبث
احمد : خير يعنى نازله بتضحكى ضحكينى معاكى
عشق باحراج : احم لا دى غاده كانت بعتتلى حاجه مضحكه مش اكتر
احمد : غاده اه .. المهم الحمدلله انك نسيتى صحابك القدام
عشق : عرفت أن عندكو حق و أن فعلا هما مش شبهى و مش كويسين فعشان كده قررت ابعد
احمد : شاطره يحبيبتى
قعدو بفطرو هنا الاتنين و كل ده احمد مستنيها تتكلم لحد ما خلصو اكل و قعدو فى الصالون
عشق : احم بابا
احمد بتمثيل عدم اللامبالاة : ايوه
عشق : اسد عايزنى اروح معاه مكان عشان نتكلم فى هدوء
احمد : و يا ترى انتى موافقه و مقتنعه ولا بتعملى كده عشان متزعلنيش
عشق بتردد : مش عارفه
احمد : على العموم يا حبيبتى روحى براحتك المهم ردك لما ترجعى
عشق بابتسامه : ماشى
عدى وقت و اسد بعتلها عشان تلبس فبصت للفون شويه و بعدين قامت
عشق : انا هروح البس
احمد بابتسامه خبث : روحى يا حبيبتى
عشق طلعت اوضتها و هو قال : انا اتأكدت دلوقتى من سر الابتسامه إلى كانت أول ما نزلتى
بعد ساعه عشق خلصت و نزلت و كانت لابسه جامبسوت اسود و كان شكلها حلو اوى و سلمت على احمد و خرجت و اول ما خرجت لقت اسد ساند على العربيه و باصصلها
اسد فى سره : ادينى الصبر يارب قدام جمالها ده
عشق : احممم
اسد بفوقان : عامله ايه
عشق : الحمدلله
اسد لف و فتحلها باب العربيه و هى بصتلو و ركبت و اول ما ركبت ابتسمت ابتسامه جانبيه و هو لف ركب و اتحرك للمكان
_______________________
فى مكان على النيل
دخلت عشق هى و اسد و اتصدمت من جمال المكان الى كان على النيل و فاضى و مفيش حد و مفيش غير ترابيزه واحده و فاقت من شرودها لما لقت اسد بيحمحم و ماسك الكرسى و مستنيها تقعد فقعدت باحراج و هو راح قعد
اسد : تحبى نبدأ منين .. ولا نجيب حاجه نشربها الاول أو ناكل حاجه
عشق بتوتر : اى حاجه
اسد نده الجارسون و طلب عصير ليهم و بعد شويه الجارسون جه و نزل الحاجه
اسد بجديه : احم بصى يا عشق انا عارف ان مكنش المفروض اعمل كده و عارف ان إلى عملتو غلط بس حقيقى كان غصب عنى
عشق بمقاطعة : مفيش حد بيعمل حاجه غصب عنو انت مش صغير
اسد : ممكن تسمعينى للآخر !؟
عشق سكتت فكمل : انا مكنتش عايز اعمل المهمه دى عشان مش بحب اعمل نفسى شخص تانى بس العميد أصر عليا اطلع المهمه عشان واثق فيا و عارف انى قدها برغم رفضى بس اضريت اوافق فى الاخر و والله مكنش عندى اى نيه انى اأذيكو بس طبعا كان هيبقى لازم اتصرف لو كان هو تا*جر سلا*ح فعلا بس كان فى احساس كبير جوايا بيقول أن فى حاجه غلط و أن مستحيل يطلع منو كل ده .. انا اه معاشرتكوش اوى و هى يادوب فتره بس انا بعرف الناس كويس و كمان لما شوفتك اول مره كنت عارف ان دى مش شخصيتك و انك بتمثلى التكبر و انك جامده عشان محدش يجى عليكى
عشق بتوتر : مكنتش بمثل على فكره
اسد بضحك : ما انا واخد بالى
عشق ابتسمت و سكتت فقال : طب ايه
عشق : ايه !؟
اسد : يعنى مفيش سامحتك ولا حتى اتكلمتى ولا اتعصبتى ولا عملتى اى ريأكشن
عشق : مش عارفه الصراحه يعنى مش عارفه افكر و مش عارفه احكم بس فى كلام مقنع مش هكدب عليك بس برضو حط نفسك مكانى حد يجى يقرب منك و تبقو صحاب قريبين و يدخل بيتك على أساس انو شخص و يطلع شخص تانى و كمان يقبض على باباك
اسد : حاسس بيكى والله بس حقيقى كان غصب عنى و حاولت اقنع العميد أخرج من المهمه قالى مينفعش و مش بنشتغل بأحساسنا هنا .. انا كل إلى طالبه منك انك تسامحينى و نبدأ من جديد مش اكتر ممكن !؟
عشق سكتت شويه و هى بتفكر و بعدين قالت بابتسامه : ممكن
_______________________
بعد مرور 3 اسابيع
عدى 3 اسابيع و عشق خلصت امتحانات و اسد فى الفتره دى مكنش بيتكلم معاها كتير و اتفق مع احمد على حاجه و احمد رحب جدا بيها و فرح جدا و طول الفتره دى كان بيحاول يخبى على عشق لحد ما فى يوم عشق كانت خارجه مع صحابها و رجعت البيت و كانت بتدور على احمد
عشق : بابا بابااا انت فين
احمد من جوا : تعالى يا حبيبتى
عشق راحت لاحمد الصالون بس اتفاجئت لما لقت اسد و معاه نعيمه و اسيل و محمد أبوه إلى رجع من السفر مخصوص لليوم ده و اسد اول ما شافها خد بوكيه الورد و راح ناحيتها
قال و هو بيديها البوكيه : تتجوزينى !؟
عشق مكانتش بترد من الصدمه و مكانتش عارفه تفهم حاجه
اسد : عشقق
عشق : ها !!
اسد : موافقه تتجوزينى و نكمل حياتنا مع بعض !؟
عشق خدت البوكيه بفرحه ممزوجه بخجل و قالت : موافقه
نعيمه زغرطت و كلهم باركولهم و قرأو الفاتحه و كانو بيتفقو على الخطوبه بس اسد قاطعهم
اسد : ما نخليها كتر كتاب على طول ليه نطولها و هى بسيطه
احمد بضحك : بسيطه ايه يبنى دى فيها تجهيزات كتير
اسد : الشقه جاهزه مفيش غير الفستان و البدله و القاعه نكتب الكتاب كمان يومين و بعد كده نحجز فى قاعه للفرح ” بص لعشق و كمل ” ولا انتى ايه رأيك
عشق بخجل : إلى بابا يشوفه
احمد ضحك عليهم و قال : و أنا موافق
كلو فرح و كان بيضحك و اسيل راحت ناحيه عشق و قالت : انتى هتبقى مرات اسد
عشق بابتسامه : أن شاء الله .. انتى اسيل مش كده
اسيل بطفوله : ايوه احنا هنبقى صحاب صح
عشق وهى بتشيلها : طبعا هو ينفع حد يشوفك و ميصاحبكيش يا قمر انتى
_______________________
بعد مرور شهرين
عدى شهر و بالفعل اسد و عشق كتبو الكتاب و اسد كان كل ما يبقى فاضى يكلم عشق أو يخرج معاها و هى اتعلقت بيه اكتر من الاول و بعد حفله تخرجها عملو الفرح و عشق كان شكلها حلو جدا و كانت لابسه فستان ابيض سيمبل و طرحه بيضه كانت مخليه شكلها حلو اوى .. صحيح نسيت اقولكو اسد أقنعها بالحجاب و اتحجبت و شكلها بقى احلى من الاول
فى بيت عشق و اسد
الفرح خلص و اسد و عشق رجعو و عشق خرجت اسد من الاوضه عشان تلبس فخرج يلبس فى الحمام و بعد شويه رجع و عشق كانت لبست بيجامه حلوه اوى و كان شكلها حلو و اول ما اسد شافها سرح فيها و بدأ يقرب منها و هى تبعد لحد ما لزقت فى الحيطه و هو حاوطها و حط ايدو على الحيطه و فضل مركز على كل تفصيله فى وشها
عشق بخجل و صوت واطى : اسد
اسد بتوهان : عشقه
عشق بابتسامه وهى باصه فى عينه : بحبك
بس كفايه كده السلام عليكم 😂❤️
_______________________
- يتبع الفصل التالي اضغط على ( رواية عشق الاسد ) اسم الرواية