رواية للخلود الفصل التاسع 9

رواية للخلود كاملة بقلم نورهان جمال عبر مدونة دليل الروايات

مرت عِدة أشهر دون حدوث أي جديد إلا أن چاء اليوم الذي أنتقلت فيه أمنية من الشركة

إلى البنك كما أرادت

📞📞📞📞

*رائد*:أيه يا بنتي فينك أنا مستني تحت بيتك من بدري اوي

*أمنية*:خمسة يا بابا ونازلة اهو

📞📞📞📞

*أمنية*:أوعى تكون متعصب 🤫 وخليك فاكر إنك أنت اللي اصريت توصلني ف اول يوم ليا ف البنك

*رائد*:مقدرش أسيبك تروحي لوحدك وهجيبك كمان

*أمنية*:ههههه فكرتني ب بابا ف اول يوم دراسة ليا

*رائد*:ماشي يا غلباوية خلي بالك من نفسك ولو في اي حاجة كلميني علطول

*أمنية*:حاضر وربنا يخليك ليا يارب ☺️

___

وبعد إنتهاء أول يوم عمل لها بالبنك

*أمنية*:في حاجات كتير اوي عايزة احكيهالك

*رائد*:هنروح لمكان ناكل فيه لأنك اكيد جعانة واحنا بناكل قولي كل اللي انتي عايزاه

في المطعم

*رائد*:سأصمت وكلي أذانٌ صاغية إليكِ يا ملكتي الجميلة

*أمنية*:هحكيلك يا أميري العزيز ☺️ نورهان جمال

بُص يا سيدي ف اول اليوم كان في ملل رهيب عشان كان المكان جديد بالنسبالي ومش عارفة لسة طبيعة عملي ايه وازاي+ أن كل الموجودين مكنتش عارفاهم وكل حاجة كانت جديدة وغريبة بالنسبالي

ثم أبتسمت وقالت

لحد ما لاقيت بنت عسولة أسمها لُچين زيي ف كل حاجة حتى الطول والوزن ومولودة ف شهر عيد ميلادي كمان وحسيت أن شخصيتها قريبة جدا من شخصيتي

المهم البنت العسولة دي لاقيتها بتقولي تيجي معايا نشرب قهوة وطبعاً أنا ما صدقت وروحت معاها وفضلت تكلمني عن كل حاجة تخص البنك واللي ف البنك

المهم بقى عرفت ف المكان ده إن عدو المرأة هو المرأة فعلاً نورهان جمال

*رائد*:هههههههه ليه بس كدة

*أمنية*:هقولك يا سيدي

كان في ستات بس أيه يا جدع قرشانات وكان في بنات شابة بس أيه يا جدع حرابيئ نورهان جمال

*رائد*:غلط مينفعش تحكمي على حد من اول يوم كدة ،خلي الأيام اللي هتمُر عليكم وانتوا سوا والمواقف اللي هتحصل بينكم هي اللي تحكم وتعرفك كل حد فيهم شخصيته ايه

والكويس صاحبيه عشان يبقى سند ليكي ف شغلك والوحش اتجنبيه بس خلي المعاملة بينكم كويسة نورهان جمال

*أمنية*: فعلاً عندك حق خلاص مش هثبت وجهة نظري اللي خدتها عنهم غير لما المواقف والأيام هي اللي تحكم

حتى الولاد اللي كنت بقول عليهم سمجة واسترخمتها هديهم فرصة يمكن يطلعوا كويسين زي ما قولت

*رائد*:نعم يااختي أنا كلامي كان ع زميلاتك زميلاتك وبس انتي فاهمة

*أمنية بمكر*:الله وانا مالي يا لمبي مش انت اللي قولت محكمش من اول مرة

*رائد*:😡😡

*أمنية*:هههههههه خلاص انا كنت بهزر معاك مش اكتر

*رائد*:ماشي كملي باقي يومك كان عامل ازاي

وظلّت تحكي معه كثيراً عن كل ما حدث في أول يوم لها بالبنك ولم يمل رائد من حديثها بل بالعكس كان مستمتع جدا

_____

ومرت فترة وكان رائد دائم الإطمئنان عليها مساءً وصباحاً ولو يستطع الإطمئنان عليها كل ثانية لفعل

وكان أحياناً يوصلها أو يعود بها من عملها

فما أتعس عملها في هذا البنك بالنسبة له ولكن ليس بيده شئ

فهو موافق احتراماً وتقديراً لرغبتها ليس أكثر

و ذات يوم 📞📞📞📞

*أية*: ايه يا نادلة معقول هانت عليكي العشرة ونستينا

*أمنية*:لا طبعاً هو أنا أقدر

*أية*:مش هصدقك غير لو جيتي بكرة كلنا متجمعين

*أمنية*:هو أنا أقدر مجيش.بس في حاجة كدة

*أية*:يلا بدأنا الحجج أهو

*أمنية*:لا أبداً مش هقول حجج كل اللي عايزة أقوله أن في واحدة صاحبتي جدا م البنك متأكدة إنكم هتحبوها عايزاها تيجي معايا بكرة وبالمرة أعرفكم عليها

*أية*:تمام ،بس المهم متتأخريش

📞📞📞📞

وبعد الإنتهاء من مكالمة أية تحدثت مع رائد

📞📞📞📞

*أمنية*:أخبارك ايه طمني عليك

*رائد*:بخير طول ماانتي بخير .طمنيني عليكي

*أمنية*:بخير طول ما انت بخير

*رائد*:باين من صوتك إنك عايزة تقولي ،قولي

*أمنية*:بقيت حاسة اني مع مرايتي من كتر ماانت حافظني

*رائد*:مرايتك أيه .قصدك نفسك.أنا وانتي بقينا شخص واحد خلاص

*امنية*:للأسف مفيش كلام قادر يوصف اللي جوايا ليك .آه صح كنت عايزة اقولك إن بكرة بإذن الله هنتجمع أنا وصحابي

*رائد*:اللي ف البنك ولا صحاب المدرسة

*أمنية*:صحاب المدرسة أية وهنا وساندي

وآه في حاجة كنت عايزة اخد رأيك فيها

*رائد*:أتفضلي

*أمنية*:أستأذنت من أمنية إن أخلّي لُجين تبقى معانا بكرة .ف أيه رأيك شايف إن ده صح ولا اتسرعت ف إني دخلتها وسطنا

*رائد*:من كلامك عليها شايف إنها صاحب صاحبه وجدعة بجد واللي يرد غيبتك ف غيابك يستاهل إنه يتشال ع الرأس مش بس تدخليه ف شلتك نورهان جمال

*أمنية*:عندك حق تسلملي كتير

*رائد*:المهم تقعدوا ف مكان معروف ومضمون وتعرفيني اول ما توصلي ومتتأخريش تمام

*أمنية بإبتسامة*:متقلقش هنفذ كل اللي قولت عليه .أحكيلي بقى يومك كان ماشي إزاي

*رائد*:..........................

📞📞📞📞

_______

في اليوم التالي تجمعت الفتيات

*أمنية*: أحب أعرفكم لُچين أكتر واحدة وقفت معايا ف شغلي بصراحة ،أحب اعرفك ع صحاب عمري واخواتي أية ساندي هَنَا

*لُچين*: ربي يديم لمتكم ويحفظكم ومبسوطة جدا بالقاعدة معاكم

*ساندي*:شرفتينا بوجودك وبإذن الله هتبقى معانا علطول

*أية*: وحشتيني يا بت يا أمنية كتير ووحشني الشغل معاكي ووحشتني مشاكلك مع رائد 😂

*هَنَا بضحك*:الحمد لله أن كل واحد ف مكان مختلف

*لُچين*:للدرجة دي يا أمنية كنتي انتي ورائد ف مشاكسة دايما مع بعض

*أمنية*:ههههه بطريقة متتخيليهاش

*ساندي*:طمنوني عليكم يا بنات بجد وحشتوني ووحشتني لمتكم اوي وآه صح فرحي بعد شهر بقولكم من قبلها اهو عشان تعملوا حسابكم وانتي يا لُچين هستناكي

*لُچين*: حبيبتي ربي يجعلها زيجة مباركة من الله عز و چل وربي يجعل حياتك الزوجية مليئة بالفرحة والود والإحترام والحب اللهم أمين

فصمت الجميع

مالكم سكتوا ليه أسفة لو قولت حاجة غلط

*أية*:لا ابدا مقولتيش حاجة غلط .بس انا دلوقتي بس عرفت ليه أمنية صاحبتك بالسرعة دي

*لُچين*:مش فاهمة

*ساندي*:وانتي بتتكلمي حسينا إن سلمى هي اللي بتتكلم

ف لمعت عيون الجميع بالدموع

*أمنية وصوتها الملئ بالحزن*:سلمى دي صاحبة أطيب قلب فينا كلامها بيطيب قلوبنا وضماد لجروجنا زي كلامك بالظبط وطريقتها كفيلة تخليها تدخل قلب اي حد من غير إستئذان

بتفرح لأي حد حتى لو متعرفوش .كانت أكتر واحدة بتسألني عن حدوتي مع رائد وكأنها كانت حاسة إنه في يوم من الأيام هيبقى في بينا رابط متين .لو موجودة دلوقتي كان زمان الفرحة مش سايعاها لفرح ساندي.لو كانت بينا كانت هتبقى فخورة اوي بينا باللي وصلناله ف عملنا .لو كانت بينا كانت أول ما شافتنا حضتنا جامد اوي الحضن اللي قادر يديكي الامان ف عز خوفك ،يمنحك الطمأنينة ف عز قلقك،يمنحك الهدوء ف عز شتاتك

ربنا يرحمها ويصبرنا ع فراقها يارب

وسالت من عيونهم الدمع

*لُچين*:مش عارفة أتأسف ولا أعمل ايه بالظبط بس بجد أنا حبيتها اوي وبتمنى لو كانت موجودة عشان اشوفها وابقى معاها و أحظى بجزء من حنيتها وطيبتها وحبها

وليا الشرف لو زيها بجد

*هَنَا*:الظاهر أن ربنا سبحانه وتعالى حب يعوض غيابها بيكي

وأصبح محور القاعدة حول الحديث عن سلمى وكل ما يخصها

____

حين وصلت أمنية لمنزلها اتصلت ع رائد ليكون على عِلم بوصولها. 📞📞📞📞

*امنية*:وصلت البيت أهو وهنام دلوقتي

*رائد*:أنتي كويسة

*أمنية*:آه

*رائد*:اومال ليه حاسس عكس كدة .في حاجة حصلت دايقتك

*أمنية*:لا ابدا أطمن أنا تمام .انت أخبارك ايه

*رائد*:هكون تمام لما أطمن عليكي ف طمنيني عليكي بقى وقوليلي مالك

*أمنية*:مفيش

*رائد*: حبيبي هتقوليلي مالك ولا اجيلك عند بيتك دلوقتي

*أمنية*:لااا عارفاك مجنون وتعملها ،كل الحكاية إننا النهاردة فضلنا نتكلم كتير عن سلمى ولما وصلت البيت لاقيت نفسي مطلعة كل صورنا وافتكرت كل ذكرياتنا سوا ،وبصراحة كدة أنا تعبانة اوي ونفسي اشوفها واتكلم معاها اوي ،دايما بسمع أن الوقت بينسي وإن الموت هو الحاجة الوحيدة اللي بتبدأ كبيرة وبتصغر مع الوقت بس الحقيقية إن كل ده غلط

الواضح أن اشتياقي ليها شئ مُخلد ومش الوقت اللي يقدر يمحيه نورهان جمال

*رائد*:بنتي الجميلة قولتهالك قبل كدة وهقولهالك تاني والذين إذا أصباتهم مصيبة قالوا إنا لله وإنا إليه راجعون أولئك عليهم صلوات من ربهم وأولئك هم المهتدون ف أرضي بوفاتها عشان ربي يجازيكي خير ع كل إشتياقك وحزنك ووجع قلبك عليها

*أمنية*:ونعم بالله ،بجد يا حبيبي وقفتك جنبي وكلامك ليا بيهون عليا كتير اوي

*رائد*:هو أنا يعني ليا مين غيرك

*أمنية*:ربي يباركلي فيك ويحفظك يارب

*رائد*:يلا تصبحي ع خير ،روحي نامي عشان تعرفي تصحي بدري

*أمنية*:وأنت من أهل الخير

📞📞📞📞

______

في صباح اليوم التالي

🗨️🗨️🗨️🗨️

*رائد*:مروحتيش الشغل ليه النهاردة

*أمنية*:أخويا جيه النهاردة م السفر 🤩🥳

*رائد*:حمد الله على سلامته إذا كان كدة ف هجيلكم النهاردة أسلم عليه وأقعد معاكم شوية

*أمنية*:تنورنا يا فندم

*رائد*:هتعزميني ع أيه بقى

*أمنية*:ولا أي حاجة المياة قاطعة والشاي والسكر خلصوا ف ولا هتاكل ولا هتشرب

*رائد*:هههههههههه أيه البخل ده

*أمنية*:الكلمة دي تقولها لنفسك يا فندم بما إنك جاي تزورنا ف حضرتك اللي هتجيبلنا حاجة حلوة وانت جاي ويا بخت من زار وخفف يا عمنا

*رائد*:طب أنا بقول مجيش أحسن

*أمنية*:لا طبعاً نريد رؤية الوجه الحسن

*رائد*:أنا كدة أتثبت وهاجي

*أمنية*:هههههه،في إنتظارك يا عزيزي ❤️

🗨️🗨️🗨️🗨️

_______

في منزل أمنية

*أحمد*:أيه الروائح الجامدة دي ،الواضح إننا هناكل حاجة حلوة

*أمنية*: طبعاً حلوة أصلها عمايل إيديا وحياة عنيا ومن حلاوتها هتاكل صوابعك وراها

*أحمد*:ده احنا بقينا ستات بيوت وشاطرين أهو

*والد أمنية*: طبعاً بأمارة المطبخ اللي كان مولع الأسبوع اللي فات

*أمنية بصوت عالي نسبياً ممزوج بغضب وضيق وحزن*:يا ماما شوفي بابا بيقول عليا أيه

*والدة أمنية*:أيه الصوت ده حرام عليكي خضتيني

*أمنية*:ده اللي ربنا قدرك عليه

*أحمد*:وحشتيني ووحشني صداعك

*أمنية*:وانت كمان وحشتني كتير ووجودك دلوقتي جيه ف الوقت المناسب

*والد سلمى*:ربنا يحفظكم ويباركلي فيكم ويديم الود والحب بينكم يارب

الجميع ف نفس الوقت :اللهم أمين

______

وفي المساء

وصل رائد لمنزل أمنية

*أحمد*: أبو نسب ليك شوقة

*رائد*:أبو حميد عاش مين شافك يا عم

*أحمد*:أعمل أيه الشغل عايز كدة

*رائد*:لا كدة مينفعش أنت لازم تستقر

*والد أمنية*:قوله ياابني قوله

*والدة سلمى *:ياريت لأحسن أنا ريقي نشف معاه

*أمنية*:أنا لاقيت الحل أحنا نجوزه ف غصب عنه يستقر

*رائد*:فكرة ويكون فرحنا احنا الاتنين سوا

*أمنية*:لا يا عم فرحه لوحده وفرحي لوحده ،والبس ف فرحه فستان ساك جامد كدة ويكون أحمر وهيلز وكوافير واوعى بقى دي هتبقى خراب يا معلم

*رائد بغضب *:والله ومين اللي هيسمحلك بكدة إن شاء الله ،بقولك أيه لبسك أنا اللي هوافق عليه

*أمنية*:أيه! لا طبعاً ده فرح أخويا أعمل فيه اللي انا عايزاه

*أحمد*:أيه مالكم انتوا لاقتولي العروسة وجوزتوني وحددتوا الفرح وكمان بتتخانقوا عليه ،ايه يا رائد انت اتعديت منها ولا ايه

*رائد*:أختك ڤيروس و بينتشر بسرعة وكمان هي أستفذتني اوي

*أحمد*:هههههههه خليها عليك نصيبك خلاص

*رائد*:الله معي ويعيني عليها

*أمنية موجهة كلامها لرائد بغضب*:والله 🤨 أحمد أخويا مش دايملك

*رائد*:هو أنا ليا غيرك

*أحمد*: هههههههه

*والدة سلمى*:يلا الأكل جاهز

___

أثناء تناول الطعام

*أحمد*:الله المحشي حلو أوي تسلم إيدك يا أمنية

*أمنية*:بس ماما هي اللي عملاه

*رائد*:تمام ،يبقى انتي اللي عاملة الفراخ تسلم إيدك

*أمنية*:بس دي بردك ماما. هي اللي عملاها 🥺

*والد أمنية*:أنتي من الصبح ف المطبخ بتعملي أيه بالظبط

*أمنية*:🥺🥺🥺🥺

*والدة أمنية موجهة كلامها لوالد أمنية*:أيه يا محمد مالك براحة ع البت شوية ،أنت عارف إنها مبتعرفش تطبخ ودخلت معايا النهاردة عشان تتعلم

*أمنية بتلقائية*:والله عرفت أعمل السلطة لوحدي

فضحك الجميع

أنتهى اليوم وحين وصل رائد لمنزله

📞📞📞📞

*رائد*:أيه يا حبيبي اوعي تكوني لسة زعلانة

*أمنية*:لا أبداً متدايقة شوية بس

*رائد*:متدايقيش نفسك وعلى فكرة دي أحلى سلطة كلتها ف حياتي

*أمنية بضحك*: فعلاً

*رائد*: فعلاً ،وفرحت كتير إنك قررتي تتعلمي الطبخ

*أمنية*:بتعلم عشانك يا سيدي يلا على الله يتمر

*رائد*:هههههه هيتمر متقلقيش

*أمنية*:بابا تصبح على خير

*رائد*:وانتي من أهل الخير يا روح بابا

📞📞📞📞

_____

مر يومان دون حدوث أي جديد وفي بداية اليوم التالت تجمعن الفتيات لإختيار فستان عِرس ساندي

في الأتيليه

*أية*:اللهم بارك الفستان ده جميل عليكي

*ساندي*:بس واسع اوي ، أنا هقيس ده

*أمنية*:ما شاء الله عليكي جامد يا صاحبي

*ساندي*:بس ديله طويييييل اوي ،أنا هقيس ده

*هَنَا*:مفيش كلام بعد ده هياكل منك حتة

*ساندي*:بس ضيق وحساه تقيل وكاتم على نفسي ومش هعرف اخد راحتي فيه

وظلّت ساندي هكذا تقيس ذلك وذاك و مِنْ أتيليه لأتيليه حتى فاض الكيل منها

*أمنية*:يووووه بقولك ايه أعملي حسابك ده اخر أتيليه هندخله أتشقلبي كدة وأختاري حاجة منه أنا بقولك أهو

*ساندي*:حاضر يا ماما ،خضتيني يا بنتي

*أية*:هههههه طب يلا نختار فستان بقى

وأخيراً قد تم إختيار الفستان

*هَنَا*:يلا نروح بقى

*ساندي*:في مشوار صغير لحد الخياط هنا عشان فستان كتب الكتاب جهز وعايزة أخده

*أمنية*:يلا بينا يا أخرة صبري

____

*ساندي*:في حاجة بسيطة عايزة أجيبها تاني بس خايفة من أمنية بصراحة

*أمنية*:قولي يا حبيبتي متخافيش 🤨

*ساندي*: عايزة أشتري طرحة لفستان كتب الكتاب وجزمة الفرح وشوية أكسسوارات وميكب .....

*أمنية*:أيه حيلك حيلك كل ده وحاجة بسيطة اومال الوقت ده كله بتعملي أيه

*هَنَا*:تلاقيها مشغولة ف عزالها وفرش شقتها أعذريها يا حاجة أمنية قريباً اوي هتبقي مكانها

*أمنية بخوف*:نعم

*ساندي*:أينعم قريباً هتبقي مكاني وهفرح فيكي

*أية*:طب يلا بينا ناكل ونشرب اي حاجة عشان نعرف نكمل باقي مشاويرنا

*أمنية*:أهو ده الكلام الصح 🤩

أثناء الطعام

*أية*:بنات صح احنا لسة مخترناش فساتينا أيه رأيكم نلبس اللون الأسود

*أمنية*:لأ جسمي رفيع ومش هيبقى حلو ف الأسود

*هَنَا*:لأ الأسود جميل وبيداري كل ديڤوهات الجسم

*أمنية*:قولت أسود لأ

*هَنَا*:وأنا قولت أسود آه

*ساندي*:صلوا ع النبي كدة وأهدوا

عليه أفضل الصلاة والسلام

*أية*:خلاص يا جماعة أنا غلطانة ع اللون ده ،تعالوا نشوف لون تاني

_____

وأتى المساء وأنتهت مشاويرهم

*ساندي*:بنات أعملوا حسابكم هتيجو معايا الكوافير

*أية*:هتروحي أمتى

*ساندي*:بعد عشر أيام كدة هبدأ أروح

*هَنَا*:قشطا كل واحدة فينا هتروح معاكي مرة

*ساندي*:تسلمولي كتير ومعلش تعبتكم بس انتم عارفين أنا مليش أخوات بنات وانتم اللي ليا

*أمنية*: حبيبتي ربنا يديم لمتنا

___

📞📞📞📞

*رائد*:وصلتي البيت

*أمنية*:آه يا بابا أخيراً وصلت

*رائد*:ليه أخيراً ،اليوم كان متعب ولا ايه

*أمنية*:آه كان متعب اوي ،لفينا كتير اوي لحد ما جسمي كله بقى ف ذمة الله

*رائد*:ههههه معلش عقبالك يارب

*أمنية*:عقبالي اه بس مش عايزة تعب اللف والبهدلة دي

*رائد*: حبيبتي متقلقيش

*أمنية*:المهم هتيجي معايا الفرح

*رائد*:مش عارف بصراحة

*أمنية*:يعني أيه مش عارف ،هتيجي معايا أكيد

*رائد*:خلاص إن شاء الله هاجي

*أمنية*: تمام ،تصبح على خير

*رائد*:تصبحي على خير

📞📞📞📞

______

وجاء يوم زفاف ساندي وكانت الفتيات معها بالكوافير وكانت لُجين معهن أيضاً

*أمنية وهي توجه كلامها للميكب*:لا لا زودي الهايلايتر سيكا

*أية*:وخلي كمان الأيلاينر عريض شوية عشان هي لسة هتحط الرموش

*هَنَا*:الله مالكم يا بنات في أيه هي عارفة شغلها كويس مش تصدعوها معاكم بقى

*الميكب*: حبيبتي تسلميلي باين عليكي انتي العاقلة اللي فيهم

*هَنا*: شكرا ☺️،بس بالله عليكي أدمجي الكونتور حلو عشان شكله كدة مش لطيف

*الميكب بغضب*:بقولكم أيه أطلعوا برا

فأنفزعوا كثيراً وظلّوا بالخارج

*لُچين*:بنات جبتلكم أكل اهو عشان اكيد انتوا واقعين م الجوع ،بس انتوا ليه قاعدين برا كدة

*أمنية*:معرفش يااختي الكوافيرة شايفة نفسها علينا ليه ،طردتنا الهانم

*لُچين*:اكيد عملتوا حاجة عصبتها أنا هروح أكلمها عشان ناكل سوا ،لأن ساندي يا حرام تلاقيها مفطرتش وكمان لسة مش هتاكل غير بليل خلاص

وتجهزت الفتيات وكانوا مع عروستهم في المقدمة

وكان الفرح عبارة عن سيشن تصوير

أثناء تجمعهم كان هناك شاب يتحدث مع أمنية ولاحظ رائد ضحكها معه مما أثار غضبه

*رائد*:أنا بقول كفاية كلام لحد كدة وأنت يا اخ روح شوف ماما بتنده عليك ثم أمسك بذراع أمنية بقوة

*أمنية*:أيه ما براحة شوية يا جدع في ايه كسرت دراعي في إيدك

*رائد*:والله لو حصل يبقى أقل حاجة ،لولا الناس موجودة كنت كسرت دماغك ،مين ده وإزاي بتتكلمي معاه كدة لأ وكمان بتضحكي معاه

*أمنية*: رائد في ايه ده هاني

*رائد بغضب*:نعم يااختي

*أمنية*:قصدي ده هاني أخو ساندي ومعانا من واحنا أطفال هو آه طويل بس أصغر مني + إن كلامنا كان عن ساندي وضحكت لما أفتكرت ايام الطفولة مع ساندي

*رائد*: فعلا

*أمنية*: فعلاً ،بقولك ايه ما تيجي نتمشى شوية كدة كدة العروسة هامشي والهيصة خلصت

*رائد*:يلا يا اختي

تركوا مكانهم وظلوا يسيروا في مكان هادئ

*أمنية*:يبدو أن أحدهما قد غار قليلاً

*رائد*:انتي عايزة تغظيني وخلاص

*أمنية*:محدش قالك قبل كدة إنك قمر وانت متغاظ

*رائد*:قالولي كتير بس مهتمتش عشان عارف اني قمر ف كل حالاتي

*أمنية*:تباً لتواضعك يا عزيزي،هاا بقى لسة زعلان

*رائد*:هعديهالك

*أمنية*:آه يا مَنْ سدد سهم الهوى و سمى و رمى

*رائد*: أمنية أنتي بتحبيني بجد

*أمنية*:أيه السؤال الغريب ده

*رائد*:مش غريب ولا حاجة أوقات كتير بحس بجفا من ناحيتك

*أمنية*: أولاً كدة خلينا متفقين إن طبيعة شخصيتي صعبة وغريبة وممكن تكون هي السبب ورا إحساسك ده ،ثانياً بقى و ده الأهم أنت عارف إن علاقتي ب بابا مش متينة أوي و ده أدى إن في حاجات كتير أتحرمت منها بس معاك حسيتها

مش هنسى ثقتي ف نفسي أنا عمرى ما هنكسر و هنحني لأن عندي سند قوي وكتف مهما حملت عليه عمره ما هيميل ولا هيمِّل السند والقوة بجد حسيتهم معاك لما كنت بلاقيك دايما وقفت معايا في موضوع هَنَا و سلمى ومسبتنيش لحظة

حتى حزني قدرت أتخطاه عشان وجودك معايا ، مناكفتك معايا دي الحاجة اللي كانت بتهون يومي ،والأمان اللي حسيته معاك من خوفك عليا لما جيت على ملى وشك عند مكتب هادي عشان تاخدني وأتصدرت أنت

أنا لما تعبت أنت الوحيد اللي كلمته عشان عارفة إنك أكتر واحد بتخاف عليا وعمرك ما هتخذلني

وتشجيعك ليا إني أطور من نفسي وإصرارك عليا

كل دي مواقف ليك خليتك قدرت تحتويني بمعنى الكلمة يعني مفيش كلمة تقدر توصف اللي عايزة أقوله

حبيت جدعنتك وشهامتك اللي ملقيتهاش في حد

وحبيت غيرتك اوي اللي بتخليني ف عالم تاني حرفياً

بحب ضحكتك اللي بتطلع لما تصفى من ناحيتي بعد ما أعصبك

منكرش إني معجبة بيك من اول ما عرفتك بالرغم من عصبيتك وخناقتنا اللي مبتخلصش

بس عارف أمتى أول مرة حسبت بمشاعر غريبة وبصوت جواية دايما بينطق أسمك وكل كلمة بتقولها وكل موقف حصل بينا بيردده

*رائد*:أمتى

*أمنية*:ساعة الحفلة لما أدركت إنك مرتب لكل ده عشان تفرحني وتخرجني من كل اللي أنا فيه ،أول ضحكة طلعت بعد موت سلمى الله يرحمها كانت ف اليوم ده معاك

لمعة عينك اللي لاحظتها أول ما لاقيتني داخلى الحفلة خليتني أحب نفسي اوي ، لمعة العين دي قدرت تفضحك وتعكس كل مشاعرك اللي جواك ناحيتي

طب عارف اول مرة جربت فيها إحساس قلبي هيطير من كتر الفرحة كانت امتى

*رائد*:أمتى

*أمنية*:لما جيت تتقدملي ،حبيت اللحظة دي اوي

فعلاً لو فضلت أتكلم لعمر قدام مش هقدر اعبرلك قد أيه أنا بحبك فعلاً

حبيبي انا حبيت نفسي معاك،حبيت العالم لما شوفته بعيون حبك

حبيت عصبيتي عشان بتخليني أشوف جناتك

شوفت يا سيدي حتى عيوبي خليتني أحبها

حرفياً كلمة بحبك قليلة عليك

*رائد*:يااه عمري ما كنت أتخيل إنك تكوني بتحبيني للدرجة دي

*أمنية*:متقدرش تتخيل مدى حبي ليك ولا أنا شايفاك ازاي يعني لو كل العيون شافوك زي ماانا بشوفك هيعشقوك مش بس هيحبوك

ولا اقولك مش عايزة حد يشوفك زيي كفاية عليك انت ولا انت عندك رأي تاني يا سي رائد 🤨

*رائد*:لا طبعاً ،بس ايه اللي خلاكي تطلعي الكلام الحلو ده كله

*أمنية*:زكاةً عن نفسي

*رائد*: والله

*أمنية*:بُص يا ابني الواحدة مننا بيبقى عندها لحظات ضعف بتبقى فيها هرمونات الإرتباط والرومانسية عالية عندها اوي

*رائد*:وبتبقى أمتى اللحظات دي

*أمنية*:في وقت الأفراح والأعياد الرسمية

*رائد*:فصلان

*أمنية*:مش بفصلك والله دي حقيقة البنت ف الفرح بتبقى محتاجة شريك تفرح معاه ف اي لحظة حلوة بتبقى محتاجة تحس إنها من أهم أولويات شخص ما

*رائد*:آه منكِ يا مَنْ تُلقي بإحساسي المتيم چانباً

*أمنية*:والله عيب بعد كل ده تقول كدة

*رائد*:تعالي اوصلك يا ست البنات

وختمت أمنية يومها بنشر صورة تجمعها مع رائد تحت عنوان "هو العمر أيه غير ليلة زي الليلة ❤️"

____

في اليوم التالي

*لُچين*:ممكن أعرف ايه سر الإبتسامة الجميلة اللي مرسومة ع وشك م الصبح

*أمنية*:مبسوطة شويتين إمبارح ولأول مرة أكلم رائد وأوضحله مشاعري تجاهه مش عارفه ليه كل ما افتكر الكلام اللي كان بينا امبارح أحس نفسي مبسوطة اوي

*لُچين*:يا سيدي يا سيدي ع العاشق الولهان

*أمنية*:خفة أسكتي بقى عشان هو بيتصل

📞📞📞📞

*رائد*:هتخلصي أمتى

*أمنية*:نصاية كدة

*رائد*:طب قشطا أيه رأيك أجي اخدك

*أمنية*:في إنتظارك

📞📞📞📞

___

*رائد*:أيه رأيك ناكل سوا وبعد كدة أبقى أوصلك البيت

*أمنية*:قشطا

*رائد*:في كاتشيب جنب شفايفك

*أمنية*:أتمسح كدة

*رائد*:همسحولك أنا فأمسك المنديل وأقترب منها أكثر مما جعل أمنية أكثر إحمراراً وتسارعت دقات القلب

*أمنية*:احم ممكن تبعد شوية حاسة إني مش قادرة اتنفس

*رائد بضحك*:مش قبل ما اقولك إن ملامحك عن قرب غاية ف الجمال

*أمنية برفعة حاجب*:قصدك إني وحشة من بعيد

*رائد*:ههههههههه فصلان كملي أكلك

____

وعندما أنهوا طعامهم حان وقت القهوة

*أمنية*:تعالى أقرألك الفنجان

*رائد*:بتعرفي

*أمنية*:عيب عليك ياابني

ثم أخذت فنجانه وظلت تنظر بداخله بتركيز وتبعد الفنجان عنها وتقربه بإستمرار ثم تحولت ملامح وجهها للدهشة والإستغراب مما أثار فضولي رائد لمعرفة سبب هذا التحول

*رائد*:مالك

*أمنية*:فنجانك بيحكي كتير اوي....................

*رائد بإستغراب شديد*:عرفتي كل ده ازاي

*أمنية بغضب*:يعني ده حصل فعلاً

أنتظر توقعك في الشئ الذي قرأته أمنية وطلع صح

يتبع الفصل التالي اضغط على ( رواية للخلود ) اسم الرواية

رواية للخلود الفصل التاسع 9

Default