رواية عارفة حظي كاملة بقلم ميرفت السيد عبر مدونة دليل الروايات
رواية عارفة حظي الفصل العاشر 10
بصت تاليا وزين لمصدر الصوت لقوا بنت لابسة فستان قصير، وضيق جدا وحاطة لينسز زرقا ولابسة باروكة شعر طويلة وفول ميكب الي يشوفها يقول رايحة ترقص بفرح وماسكة بايدها ورقة
زين بصلها وهو مستغرب وتاليا بتتابع الموقف بصمت
تاليا: على فكرة مكتب الانتاج السينمائي الدور الي تحتنا
ضحكت البنت وقالت: دمك. خفيف انا مهندسة هو انت مش عارفني يازين
زين وهو بيكتم ضحكته: الصوت مش غريب عليا
: انا منة كنت معاك بالكلية ودفعتك
_اه أهلا بيكي اصلك اتغيرتي خالص
قربت منه بدلع وقالت بمزاح: بس ايه رأيك للاحسن طبعاً
زين بتوتر وهو ينظر لتاليا الي كانت بتبتسم ومستنية رده
فقالها: آه طبعاً خير انتي مقدمة هنا على شغل ولاايه
: اه هي دي شركتكم صح
_بالضبط عامة استاذة تاليا هاتفهمك عن اذنكم
: استنى بس انا عاوزة رقمك
_معلش انا مشغول دلوقتي يامنة
ودخل مكتب والده
بقلم مرفت السيد
منة بصوت منخفض : طول عمره تقيل وتزرت لتاليا وقالت اتقضلي السي في
تاليا:د ناولتها ورقة وقالت: اوك واتفضلي الابليكشن دة امليه
بدأت مقابلات العمل وحضر اكتر من15 شاب وبنت فالشركة كبيرة ولها اسمهاوالكل يتمنى الحصول على فرصة عمل بها تاليا ادخلت السي فيهات الى عاطف وادهم وزين وبدأت بادخال الموجودين بالترتيب
استمرت المقابلات حتى بعد مواعيد العمل بساعتين وانصرف عاطف تاركا ادهم وزين
وبعد الانتهاء ادهم: ياللا ياتاليا بينا
تاليا: ياللا بينا انا جاهزة
زين؛: ماتيجوا اعزمكم عالغدا
ادهم: لا دة واجب علينا والنهاردة امي وخالتي عاملين وليمة علشاني
زين: بس بدل مااوافق وادبسك
ادهم: طب تعالى وشوف قد. كلمتي ولا لأ
زين: لاحسن تاليا تتضايق
ادهم: ايه رايك يا تاليا
تاليا: دة انت تنورنا
زين: بجد مش هتضايقي
تاليا: بالعكس
ادهم: ياللا بينا يازين
زين: انا وراكم على طول
سبقاه ادهم وتاليا وساعدا الأم والخالة بالتحضير وعندما انتهيا حضر زين محملا بعلبتين شيكولاتة وحلويات فاخرة
رحبت به الأم: ليه مكلف نفسك
فقبل يدها وقال: كفاية اني عزمت نفسي انا عرفت ولادك ورثوا الحلاوة مين
ضحكت الأم: دة بيتك ياحبيبي ربنا يخليك بس ياترى قصدك مين ادهم ولاتاليا
الخالة: متكسفهوش بقى
ادهم: لا انا عاوز اعرف معلش
تاليا: مابلاش تحرج نفسك
ضربها ادهم بمخدة فعضته في يده
ضحك زين: خلاص يااطفال
ولاء: اهو كل شوية على كدة حضانة
ادهم: ماشي يالولا شكرا تعالى يازين جنبي احسن تاليا لما تجوع ممكن تاكلنا عادي
تاليا: متخلنيش اطلع فيديو الاكل وافضحك
ادهم: فيديو بفيديو
زين: خلاص ياجماعة انا هاتفرج وهاحكم
ضحكت الأم: كدة هايسكتوا
ولاء: جدع يازين عرفت مفتاحهم
صمت ادهم وتاليا وضحكوا جميعهم بعدها
ادهم: اتفضل ياهندسة البيت بيتك
كان زين يختلس النظر الى تاليا كانت تأكل بشراهة فهمس ادهم له: مش قولتلك
تاليا: سمعاك بس اخلص وهاوريك
زين: اهدا يامعلم وحقك هايجيلك
تاليا: مابلاش تاخد صفه
بقلم مرفت السيد
زين: لأ انا محايد😅
انتهوا من تناول الطعام وحلسوا يشربون الشاي والعصير
زين: بقالي كتير مااكلتش كدة
تاليا: ليه الحاجه مش بتطبخ
ادهم: عيب ياتاليا
زين: لا مفيهاش حاجة ياادهم ايوة ياتاليا في خدامين بالبيت
الام: ربنا يزيدكم من فضله
زين: بس اسلم ايديكم بجد
ادهم: تعالى اتفرج على البلكونة والعب معايا طاولة
زين: حريف
ادهم: تعالى وانت تشوف
تاليا: ياللا انت طلعت شبهه
ولاء: ‘سيبيهم براحتهم وتعالي احنا نلعب كوتشينة
تاليا: الشايب
زين: لا يبقى نلعب معاكم الشايب
ادهم: موافق
ولعبوا كوتشينة وكان الحكم على ادهم فقالت تاليا: سيبوه سببهولي تعالالي ياابو الاداهيم
زين: اتفضلي
تاليا: هتنزل وتشحت جنيه من اي واحدة معدية
زين: مش مغقول هايوافق
الام لزين: ميقدرش يرفض عشان دة قانونهم من زمان
تاليا: من صغرنا بنلعبها محدش يقول لأ على حكم
وبالفعل نزل ادهم وجريوا على البلكونة وادهم ينظر لتاليا بغيظ وبالنهاية استوقف فتاة وبالفعل اعطته. جنيه ضحك ادهم ونظر الى البلكونة واشار للفتاة علي تاليا فاشارت لها الفتاة ملوحة وهي تضحك
طلع ادهم وهو يضحك وتاليا تقول: تلاقيك صعبت عليها
ادهم: خلاص متخافش مش هانحكم عليك انت ضيف تاليا: استنى بس اشرب قهوتك الاول
زين: طب ممكن اشربها مع تاليا لوحدنا لو تسمحو عاوزهابكلمتين
نظروا لبعضهم البعض وقال ادهم: مفيش مشكله ادخلوا البلكونة اتكلموا
دخلت تاليا وزين جلسوا انام بعض وتاليا صامتة
نظر اليها زين وهو يتأملها وقال:.. تاليا انا عمري ماكنت إنسان متسرع أبداً بس معاكي مش فاهم في إيه انا محتاج اعرف بتفكري في ايه من يوم ماطلبت ايدك اكيد في اسئلةعندك ممكن اجاوبك عليها ويمكن وقتها اعرف رأيك و…..
تاليا: وانا اخدت قراري خلاص
زين بدهشة: بجد طب قررتي ايه
تاليا: انا………
- يتبع الفصل التالي اضغط على ( رواية عارفة حظي ) اسم الرواية