رواية الليالي الحلوة كاملة بقلم منال عباس عبر مدونة دليل الروايات
رواية الليالي الحلوة الفصل الحادي عشر 11
بعد انتهاء حفل الحناء ..تجمع كلا من أمير وليالى ومراد وشهيرة
للمغادرة ليجدوا أمامهم …ابتسام
مراد باستغراب ..ابتسام ؟!!! وبدأ القلق يظهر على وجهه …
ابتسام بحيرة اكبر : سيلاااااا …معقول انتى لسه …عا …..ولم تكمل ليقاطعها مراد بسرعه
اهلا وسهلا يا ست ابتسام ..تعالى يا سيلا سلمى على والدتك …
ليالى بارتباك : اهلا يا ماما واقتربت لتسلم عليها
احتضنتها ابتسام وهى تقترب منها …
ابتسام وهى تهمس فى أذنها : انتى مين …سيلا ما*ت*ت …
أمير : ازيك يا طنط وحشانى كتير واقترب ليصافحها هو الآخر
ظلت ابتسام تنظر إلى ليالى فهى تريد تفسير لما تراه ..
شهيرة : حمدالله على سلامتك يا ست ابتسام ..احنا كنا مروحين …تعالى معانا فى السيارة
وانت يا أمير خد مراتك واسبقنا
أمير : حاضر يا نانووو ..ما تتأخروش علينا
أخذ أمير ليالى وغادر بها ..
مراد : تعالى يا ست ابتسام ..عارف انك عايزة تفهمى كل حاجه …وأخذها هى ووالدته إلى السيارة
ابتسام : مين البنت دى يا مراد باشا ؟
مراد : هحكيلك كل حاجه بس الاول مين عرفك أن احنا هنا …
ابتسام : جالى رساله من رقم برايفت …لو عايزة تشوفى سيلا روحى على العنوان دا ..
فكرته مقلب ..بس الفضول اخدنى وجيت اشوف فى ايه ….
اعرفكم بابتسام
سيدة تبلغ من العمر 50 عام …لم تتزوج وهى من قامت بتربية سيلا عندما وجدتها وهى طفله صغيرة تائهه فى الشارع …
بدأ مراد يقص على ابتسام كل شئ ….منذ أن رأى ليالى فى المخزن الكبير ..تقوم بتلبيس المانيكان
ابتسام : سبحان الله البنت نسخه من سيلا …كأنها توأمها …ثم صممت لحظات واكملت
وليه ما تكونش فعلا هى توأم سيلا ..وخصوصا أن سيلا مش بنتى ولا اعرف عنها حاجه ..
مراد : ازاى الفكرة دى غابت عن دماغى …مفيش حد شاف ليالى غير لما قال عليها سيلا …
انا لازم ادور فى الموضوع دا …
شهيرة : انتظروا انتم بتتكلموا فى ايه …لازم نعرف مين بعت الرساله ل ابتسام …وايه هدفه ؟؟
مراد : عندك حق يا ماما …دا اكيد حد قاصد يكشف ليالى …
ابتسام : اكيد …انا الحقيقه كنت هتكلم ..لكن الارتباك والرعب اللى شوفته فى عنين البنت دى حتى وهى بتعض على طرف شفايفها …زى سيلا بالظبط …شكيت أنها فعلا سيلا ..فسكت وقولت لازم اتكلم معاكم الاول …
مراد : خير ما عملتى ….بقلم منال عباس
عند أمير
أمير : انا مستغربك اوووى يا سيلا ..
ليالى : ليه ..
أمير : قابلتى طنط بجفاء وحتى ما طلبتيش تيجى معانا …انا ما حبيتش اطلب انا كدا …علشان تيجى منك …ممكن افهم فى ايه
ليالى : ابدا يا أمير هيكون فى ايه يعنى وجلست بقيه الطريق صامته وهى تفكر بأن النهايه قد اقتربت …نزلت دموعها فى صمت …كيف ستعيش بعيدا عن أمير بعد أن أحبته هذا الحب العميق ..
عند سارة
مازن : من الصبح هنروح على الفيلا عندى …
هاجر : بس يا ابنى ..هدومنا وشقتنا وكل حاجه
مازن : اطمنى يا ماما ..كل حاجه هتجيلك لحد عندك ..وبالنسبه ل سارة انا هجيب ليها ممرضه تكون معاها وتاخد بالها منها ..واطمنى يا سارة أن شاء الله حالتك هتتحسن وانا هتابع كل حاجه بنفسي .
سارة : بس احنا كدا هنكون عبئ عليك …
مازن : وانا حابب العبئ دا ..ولو سمحتى بلاش الحساسيه الزيادة عن اللزوم ..وهو انا لو حصل ليا حاجه مش هتبقى جنبي ..
سارة بتسرع : بعد الشر عليك
مازن بابتسامه : هو دا اللى انا عايزة يا سارة عايز يكون ليا أسرة تخاف عليا واخاف عليهم …
يلا اسيبك ترتاحى انتى وماما ومن الصبح بدرى هجيلكم تصبحوا على خير…
الاتنين فى نفس واحد : وانت من اهل الخير
خرج مازن واغلق الباب وراءه …
هاجر : مازن دا ابن حلال وربنا عوضك بيه يا سارة
سارة : فعلا يا ماما …صحيح هو شكله ايه …
هاجر : هو انتى ما تعرفيش شكله يا سارة
سارة : الحقيقه لأ ..يا ماما …مالحقتش اشوفه يا دوب هو جه ينقذنى والولد راح ضربنى على دماغى ما حسيتش بالدنيا …
هاجر : معلش يا حبيبتي..عموما هو زى القمر والف مين تتمناه ..دكتور اد الدنيا ومالوو هدومه ..
سارة بدموع : ودا هيتجوزنى على ايه وانا عاميه كدا
هاجر : استغفرى ربنا يا حبيبتي ..وانتى زى القمر واكيد ربنا ليه حكمه ..
سارة : ونعم بالله…
عند محسن يتصل على الخادمه فى فيلا الاسيوطى
محسن : ايه الاخبار
الخادمه : مفيش يا باشا . كلهم رجعوا من الفرح ومعاهم الست ابتسام . .
محسن باهتمام : طب وبعدين …ايه بيتكلموا في ايه …
الخادمه : كلهم بيتعشوا وقاعدين يهزروا ويضحكوا
محسن بضيق : يعنى ايه ..وابتسام ما قالتش اى حاجه ؟
الخادمه : لا ..فرحانه أن الست سيلا اتجوزت أمير والكل هنا فرحان ..
محسن : طب اقفلى واغلق الهاتف
محسن بضيق : مش معقول …ازاى ابتسام تسكت
ازاى تلاقى بنت غير بنتها والأمر يعدى كدا ..
معقول مراد اتكلم معاها …كفايه لحد كدا
لازم اكسرك يا مراد زى ما كسرتنى زمان واخدت منى حب حياتى أميرة ..بقلم منال عباس
فلاش بااااااااااك
أميرة : محسن …
محسن : نعم يا مرمر ..
أميرة : عندى خبر حلو ليك
محسن : قولى فرحينى ..
أميرة : عارف مين هيجى يتقدم ليا النهارده
محسن : يتقدم ليكى !!! وانا يا أميرة
أميرة : انت صديقي ..ومشاعرى ناحيتك مشاعر اخويه مش اكتر ..
محسن : بس انا بحبك يا أميرة
أميرة : كل شئ قسمه ونصيب …يا محسن واكيد ربنا هيعوض عليك بالاخسن
محسن بحزن : مين يا أميرة اللى هياخدك منى
أميرة : دا مراد يا محسن انت عارفه ..انسان محترم وانا الحقيقه منجذبه ليه
محسن : ماشي يا اميرة ربنا يسعدك ..
عودة من الفلاش
مش كل حاجه هتاخدها منى يا مراد ..اخدت منى أميرة وعيشت سعيد معاها …حتى شغلي بتنافسنى فيه …مش هتنازل المرة دى وأسمى انا محسن السرجاني هو اللى هيفضل فى السوق لوحده
لازم اق*ض*ي عليك بأى طريقه .. وخصوصا أن نقطه ضعفك هى ابنك …
عند حمدى
يعود حمدى إلى منزله وقد تأخر الوقت ليجد تهانى
فى انتظاره
تهانى : ايه يا سي حمدى …كل الوقت دا كنت فين …ومن امتى بتخرج من غير ما تعرفنى
نظر لها حمدى ولم يرد
لتجذبه تهانى إليها
تهانى بعصبيه : مش بكلمك انا مش كفايه مستحمله قرفك انت وبنتك …رد عليا
يبعد حمدى يدها عنه ويتحدث بعصبيه لم تشهدها تهانى من قبل
حمدى : مش عاجبك غورى من هنا ..انا حياتى باظت من وقت ما دخلتى فيها .. بقلم منال عباس
تهانى : الله الله ..ودا من امتى
حمدى : من دلوقتى وفى كل الاوقات …انتى فاهمه
انا مش عايزك امشي من هنا لو عندك كرامه …
تهانى : اللى مش عاجبه هو اللى يمشي
حمدى : مش من حقك ..تقعدى لانى كتبت الشقه باسم ليالى …وكمان الشركه …
تهانى : انت شكلك اتجننت ..لا ما انا مش هطلع من المولد بلا حمص ..
حمدى : تهانى …روحى وانتى طالق
تهانى : بتطلقنى يا حمدى ..دا انا اق*ت*لك
جذبها حمدى من يدها وطردها خارج الشقه واغلق الباب خلفها …
تهانى :والله لاتندم على عملتك دى وتذكرت محسن وقررت الذهاب إليه …
حمدى : دا اللى كان لازم اعمله من زمان ..وتذكر ليالى وقرر من الصباح الذهاب إليها عند سارة للاطمئنان عليها…
بعد مضي بعض الوقت وصلت تهانى عند محسن
محسن باستغراب : تهانى …فى ايه وازاى جايه بملابس البيت كدا
تهانى بدموع التماسيح: حمدى ..به*دلن*ى وض*ر*بنى وكمان طل*قنى وطردنى برا البيت
ومش بس كدا خلى بنته تمشي فى الح*را*م
وعلشان واجهته أن البنت صغيرة حرام يعمل فيها كدا راح طردنى ..ارجوك احمينى منه
محسن والد*م قد غلى فى عروقه ..حسابك بقي تقيل اوووى يا حمدى …
اطلعى فوق هتلاقى هدوم كتير غيرى هدومك وانا جاى وراكى …
تهانى وهى تحتضنه : انا عارفه انك الوحيد اللى هتجيب ليا حقى …بقلم منال عباس
بينما أمير يستبدل ملابسه ..دخلت ليالى الحمام هى الأخرى لأخذ شاور
يأتى أمير رسالة على هاتفه
يفتح أمير الرساله ..ليجد بها ..
- يتبع الفصل التالي اضغط على ( رواية الليالي الحلوة ) اسم الرواية