رواية وما معني الحب كاملة بقلم ايه السيد عبر مدونة دليل الروايات
رواية وما معني الحب الفصل الحادي عشر 11
مستنيه رأيكم بعد القراءه
“مش عيب ترسمي حد من غير ما تاخدي إذنه يا فنانه!”
التفتت لمصدر الصوت كانت تتمنى أن يكون مجرد تشابه أصوات وليس هو، لكنه هو بعينه! ازدردت ريقها بتوتر ونظرت له قائله:
-إنت إزاي هنا!
زغدت حالها في ذراعها عسى أن يكون حُلمًا وتستيقظ، ابتسم محدقًا بها وتسائل لماذا رسمته؟وكيف خطت ملامحه بدقه في رسمتها؟ أهذا يعني أنها…. معجبه به!! ارتسمت الإبتسامه على شفتيه بسعاده، تنهد بارتياح قبل أن يضع الورقة نصب عينيه قائلًا: ازاي قدرتي ترسميني وأنا مش قدامك
خطفت الورقه من يده وقالت بتوتر:
-هااه… أصل…
خطر في بالها فكره فضربت ظهر يدها ببطن كفها الأخر قائله: أيوه دا واحد شبهك… إنما مش إنت خالص
اتسعت عينيه يدعي الإندهاش: والله!
أردف متخابثًا: يعني دا مش أنا؟
ردت بثقه: لا خالص
ارتبكت وأردفت: و… أنا…. أنا يعني هرسمك ليه؟!
ابتسم قائلًا بخبث: يعني ممكن تكوني مثلًا يعني معجبه ولا حاجه!
عدل ياقته بغرور وأردف: أصل ليا معجبات كتير لأني وسيم وكدا
ازداد ارتباكها وازدردت ريقها بتوتر، عندما لاحظ توترها تنحنح قائلًا: إنتِ جايه مع مين!
-جايه من بابا وماما وناهد
نظر حوله قائلًا:
-اي رأيك في الفندق… علفكره دا تبعنا
عقدت بين حاجبيها متسائلة:
-تبعكم ازاي؟!
-يعني دا كان ملك جدو الله يرحمه وبعدين ماما وخالتو ورثوه من بعده
التفتت يمينًا ويسارًا كأنها تتفقده وقالت بدهشه: بجد!! دا جميل أوي… على كدا بقا بتيجوا كل صيف هنا!
ابتسم قائلًا: أكيد
قالت بتوضيح:
-أنا أصلًا جايه أحضر فرح ابن خالي هنا
-يبقا إنتوا الفرح الي حاجز الأوتيل ومعطلنا
كرمشت وجهها بتسائل قائله:
-يعني ايه معطلكم؟
تنهد ووضع يده في جيبه بثقة وقال:
-إحنا جاين نعمل فرح أخويا هنا… وفرحكم حاجز الفندق تلت أيام
أومأت رأسها بتفهم وقالت: وطبعًا أنا معزومه
-طبعًا… أنا هكلم دكتور عوض وأعزمه
مد يده لها وأردف متخابثًا: هاتي بقا الرسمه دي
-رسمة إيه! لأ دا.. دا.. بتاعت واحد شبهك…
رجعت خطوات للخلف لتهرب من أمامه وهي تقول:
-سلام بقا أنا طالعه أوضتي
كانت تسير بظهرها وهي تنظر إليه لفت نفسها لتسير بطريقة طبيعيه وقبل أن تدخل من باب الفندق لفت رأسها تنظر إليه كانت تسير بدون أن تنظر أمامها حتى اصطدمت بالجدار، قهقه على ما حدث ووقفت تتحسس رأسها بألم قبل أن تدخل من الباب وتهرول لغرفتها.
وصلت غرفتها أغلقت الباب وسندت ظهرها عليه ثم نظرت لصورته وابتسمت، طوتها بعناية ووضعت يدها على قلبها كأنها تُحدثه قائله: وبعدين معاك!!! بتسحب رجلي للغلط تاني!
___________________________
في مساء اليوم التالي
كان الفندق فارغًا تمامًا من الناس فقد تكسدوا لحضور الحفلة المجانيه بالقاعه لأحد مشاهير الغناء، كانا ناهد ومروى يستعدان للإلتحاق بعائلتهم لتناول وجبة العشاء ويتحدثان بمرحهم المعتاد هتفت مروى ضاحكه:
-أكيد فهد الفهود في القاعه مع المزه بتاعته
ابتسمت ناهد: مش عارفه ليه خالك سماه فهد، اسمه بيفكرني بروايات بير السلم أوي
انفجرت مروى بالضحك: أيوه هو بعينه فهد الفهود الشاب الغني أخر حاجه الي بيقابل بنت جميله أخر حاجه وفقيره أخر حاجه وبعدين بيعذبها أخر حاجه وفجأه يحبها أخر حاجه
دخلتا في نوبة من الضحك، وأردفت ناهد:
-وعملاق يبت… بيحافظ على جسمه أخر حاجه
أدمعت عيني مروى من شدة الضحك وأردفت: أيوه بيحافظ على كرشه أخر حاجه
وبعد أن انتهت نوبة الضحك، قالت مروى:
-لو مرات خالك عرفت إحنا بنتريق عليه ازاي هتاكلنا… ابن أمه بقا!
ضحكت ناهد قائله: بس بقا إحنا مبنحبش نتكلم على حد ولا نتريق على حد
ضحكت مروى وضربت كفها بكف أختها قائله: عندك حق…
وبعد فتره كانوا يلتفون حول طاولة الطعام بجوار والديهم وخالهم وزوجته همست مروى لأختها قائله: مش قولتلك تلاقي فهد الفهود في الحفله
حاولا كبح ضحكاتهما، وأثناء تناول ناهد للعشاء كانت زوجة خالها تنظر إليها بتهكم من وهلة لأخرى ولم تعيرها ناهد أي اهتمام، لفت نظر ناهد سعد الذي يجلس مع عائلته حول طاولة عائلية كبيره يلتف حولها الجميع، وعندما رأها سعد ابتسم على تلك الصدف التي تجمعهم دائمًا وتنهد بارتياح فمن الواضح أن أجازة هذا العام سيكون لها طعم مختلف، همست ناهد لأختها قائلة:
-شوفتي مين هناك!
رمقتهم مروى بعينيها وقالت: أيوه ما أنا عارفه…
ابتسمت مروى مردفةً: نسيت أقولك امبارح قابلت الظابط سيف الي معرفهوش دا وقالي أنهم هنا
عقدت ناهد بين حاجبيها قائلة:
-اوعي تكوني متفقه معاه يا بت!
قالت مروى بتوضيح:
-والله أبدًا… أصلا قالي إن الفندق دا تبعهم وجاين يعملوا فرح أخوه هنا
ابتسمت بسعاده قائله: وهيعزم بابا على الفرح… يارب بابا يوافق عشان نطول في القاعده شويه كمان…
-نطول ايه؟ لا أنا عايزه أرجع اسكندريه
-ليه يا فقريه!! خليكِ في صفي يا بت
وضعت ناهد يدها على قلبها قائله: مش عارفه ليه قلبي مقبوض كدا
-عشان نكديه وهتنكدي عليا أنا عارفاكِ
لكزتها في كتفها قائله: احترمي نفسك يا بت أنا أختك الكبيره!
نظرت زوجة خالها إليهما قائله: هو انتوا علطول كدا مبتبطلوش كلام…. أنا دماغي صدعت
نظرت لها ناهد وقالت بسخريه: متركزيش معانا يا طنط وإنتِ دماغك مش هتصدع
تدخلت أمهم قائله: عيب يا ناهد…
صمتت ناهد وردت مروى: ما احنا مش هنقعد ساكتين يعني!
ردت زوجة خالهم بسخريه: المفروض من الإتكيت مفيش كلام أثناء تناول الطعام
أنهت ناهد الكلام قائله: حاضر يا طنط حضرتك على دماغنا إنتِ والإتكيت… طبعًا منقدرش نزعل الإتكيت مننا
قهقهت مروى على كلام أختها وسرعان ما كبحت ضحكتها، وبعد لحظات التهى الجميع في تناول الطعام لكن مروى تذكرت حوار ناهد وزوجة خالها وانفجرت بالضحك مجددًا، فنظر الجميع إليها، فقالت: معلش أصل افتكرت حاجه…
شاركتها ناهد في الضحك، وشاركتهم والدتهم الضحك، ثم أردفت الأم قائلة:
– بس بقا يا بنات
هبت زوجة خالهم واقفه فسأل خالهم: رايحه فين يا حبيبتي؟
نظرت لهن شذرًا وقالت بغضب: شبعت
هرولت للخارج واستأذن خالهم وتبعها كي يراضيها، نظر لهن عوض قائلًا:
-ينفع كدا!
ضحكوا جميعًا وقالت الأم:
-ربنا يهديها دمها تقبل أوي
وبعد دقيقتين بحثت ناهد عن هاتفها الذي اكتشفت أنها نسيته بالغرفه فاستأذنتهم وذهبت لإحضاره…
_______________________
على جانب أخر كانت نبيله تنظر لهم تحاول أن تتذكر أين رأتهم؟ غمزت أختها بيدها قائله:
-شايفه البنتين الي هناك دول… مش قادره أفتكر شوفتهم فين قبل كدا!
دققت أم مصطفى النظر وقالت:
– دا دكتور عوض وبناته…
أردفت بتوضيح:
– الدكتور الي عالج منى ومرديش ياخد أي فلوس
أردفت وهي تشير لمروى بعينيها: وبنته دي كانت اتبرعتلها بالدم… بنت جدعه أوي
قالت نبيله:
– أيوه افتكرت… ناس محترمه… إحنا كمان لازم نكرمهم زي ما أكرمونا قبل كدا
ابتسمت أم مصطفى وقالت:
-عندك حق… إحنا لازم نخلي إقامتهم في الفندق مجانيه وكمان نعزمهم على فرح الولاد
سألتها نبيله:
-ايه رأيك مصطفى ياخد حد من الولاد ويروح يكلمهم
شرحا لمصطفى وسيف ما يريدن واتجها سيف ومصطفى للطاوله الخاصه بهم، كانت ناهد قد قامت لتحضر هاتفها من الغرفه، وحين رأتهم مروى يقبلون نحوهم قامت مسرعة كأنها تتحدث عبر الهاتف وابتعدت خطوات عن الطاوله وبمجرد أن جلسا، أقبلت مروى مبتسمه للطاولة التي تجلس عليها منى مع باقي الأفراد.
_________________________________
دخلت ناهد غرفتها تبحث عن هاتفها تركت الباب مفتوح فسمعت صوت إنغلاقه التفتت تنظر خلفها لهذا الذي يبتسم بخبث وينظر لها بشغف فيبدو أنه ينوي على شر، ازدردت ريقها بتوتر وقالت:
-إنت إزاي تدخل أوضتي من غير استئذان!
أشارت على الباب قائله: وازاي تقفل الباب!
ابتسم بخبث وأدار المفتاح في الباب يوصده جيدًا ثم أردف:
-الظاهر إن مفيش طريقه تانيه تخليكِ تحبيني زي ما بحبك غير كدا!
هتفت بارتباك: ت..تقصد ايه؟
اقترب منها قائلًا: أنا مجنون بيكِ
أشارت للباب وصاحت بغضب: افتح الباب دا حالًا يا فهد وإلا والله هصوت
ابتسم بسخرية: هو دا المطلوب أنا عايزك تصوتي…
هتفت بارتباك: إنت أكيد شارب حاجه!
اقترب منها خطوتين فرجعت للخلف خطوتين وظل يقترب منها وهي ترجع للخلف، حتى تعرقلت بالاريكه خلفها ووقعت عليها، كان ينظر لها بشغف كانت ستصرخ لكنه أسرع بالهجوم عليها ووضع يده على فمها يكتم صوتها بيده، وقال بجنون:
-بحبك
عضت يده وضربته بقدمها ثم اتجهت للباب تحاول فتحه فوقف وفتح يده بالمفتاح قائلًا: المفتاح أهوه تعالي خديه
خبطت على الباب بخوف وهي تهتف بصوت مرتفع:
-حد يلحقني….
نظرت له بتوسل: حرام عليك يا فهد… إنت زي أخويا… متعملش فيا كدا
صرخ قائلًا:
-نفسي تحسي بيا!
اقترب منها بأعين هائمة تدل على أنه تناول الكثير من المُسكر حتى غاب عقله، وقع المفتاح من يده وحين رأت مكانه هرولت وانحنت لتقبض عليه بين أصابعها، دفعها فهد فرقدت أرضًا بدأت تزحف عل الأرض بظهرها وهو يقترب منها صاحت قائله: حرام عليك يا فهد فوق بقا
حاول تجريدها من ملابسها كانت تمسك المفتاح بيد وتحاول مقاومته بالأخرى وهي تبكي، شد الحجاب من على رأسها ومزق جزء من ملابسها، ثم مسك كلتا يديها ليُشل حركتها، حاصرها جيدًا فأصبحت لا تستطيع الحركه، سالت دموع عينيها برعب وصرخت ببكاء:
-حرام عليك فوق بقا إنت هتعمل إيه!
وفجأه انهارت قوته وارتخت قبضات يديه على يدها قائلًا:
-بحبك يا ناني
أغلق عينيه ويبدو أنه غط في سُباتٍ عميق، أزاحته من عليها وهرولت تفتح الباب بأيدٍ مرتعشه من شدة خوفها وأعين باكيه كانت تلهث بقوه، وبمجرد أن فتحت الباب وجدت سعد أمامها، وعندما رأى هيئتها تجعدت ملامحه وقال:
-فيه ايه؟ مين عمل فيكِ كدا؟!
أشارت إلى فهد الذي يرقد أرضًا وقالت ببكاء:
-ابن خالي حاول يتهجم عليا
دلف سعد الغرفه وبدأ يتفقد حالة فهد، كان يغض بصره عن ناهد فلم ينظر لها وقال:
-متخافيش هو نايم…. البسي حاجه غير الي عليكِ دي وأنا هاخده أوضتي لحد ما يفوق
ردت ببكاء: لو سمحت مش عايزه حد يعرف الي حصل ده
اومأ رأسه بتفهم وقال:
-متقلقيش….
دلفتت إلى الحمام وسنده سعد لغرفته التي كانت بنفس الطابق، ارتدت ناهد ملابس أخرى وجلست على طرف السرير، لازالت متوتره ومرتبكه مما حدث كان جسدها يهتز من شدة الخوف، دق الباب فسارت بخطوات ثقيله وهي تسأل بخوف: مين؟
-أنا سعد
فتحت الباب، نظر لوجهها الشاحب وغض بصره قائلًا: هو ابن خالك بيشرب حاجه؟
قالت بارتباك: أ… أيوه أكيد مكنش في وعيه… ممكن يكون شارب خمره
-بس الخمره ممنوعه عندنا في الفندق
هزت رأسها يمينًا ويسارًا قائلة:
-معرفش
-طيب إنتِ كويسه؟!
-الحمد لله أنا بس مخضوضه من الي حصل
-طيب محتاجه أي حاجه أعملهالك؟
-لأ شكرًا لحضرتك…. ياريت الموضوع يفضل سر بينا… لأن ابن خالي فرحه بكره ومش عايزه أعمل مشاكل
أومأ رأسه بتفهم وقال: أنا لو عليا هموت واديله علقه عشان الي عمله فيكِ… لكن الي تشوفيه
استأذنها وغادر وجلست على سريرها مجددًا تحاول تهدئة حالها مما حدث معها قبل دقائق.
____________________________
وضعت مروى يدها على كتف منى قائلة:
-إي الصدفه الحلوه دي…. جايه هنا تقضي الأجازه؟
قامت منى لتضمها وتسلم عليها وبعد التحيه قالت:
-أيوه هنقعد اسبوع كدا وهنعمل فرح هدى وهدير هنا
نظرت مروى لهدى قائله:
-ألف مبروك يا هدى… ربنا يتمملك بخير يارب
-الله يبارك فيك يا حببتي عقبالك
-شكرًا الفرح امته بقا؟
– إن شاء الله أخر الأسبوع
-إحنا كمان عندنا فرح بكره بالليل إنتوا معزومين بقا لازم تيجوا
ابتسمت منى قائلة:
-أساسًا أنا مليش في جو الحفلات… أنا جايه أغير جو
ابتسمت مروى قائله:
-ومين يعني إلي ليه! كلنا جاين نغير جو…
قالت هدى بخبث: منى كمان اتكتب كتابها على مصطفى من شهر كدا
ابتسمت مروى وضمت منى قائله: ما شاء الله ربنا يسعدكم يارب، لايقين على بعض أوي
غيرت منى الموضوع قائلة: هي ناهد مجتش معاكم ولا ايه؟
-ناهد هنا بس طلعت تجيب الموبايل من الأوضه…
ابتسمت مروى قائله: هروح أشوفها وإن شاء الله نتقابل تاني
كانت نبيله تتابع حديثهن وتنظر لمروى بإعجاب تريدها زوجة لإحدى أولادها، ظلت تتابعها بعينيها وتنظر لكل تفصيله بوجهها وملابسها.
وبعد مغادرتها لكزت منى هدى في يدها قائله:
-إنتِ بتقوليلها ليه؟ أحرجتيها!
-أنا تعمدت أقولها عشان أشوف رد فعلها… بس واضح إنها مش فارق معاها أصلًا
قالت منى بثقه:
-علفكره مروى محترمه جدًا وواضح إنها اتغيرت فعلًا
-فعلًا… ربنا يرزقها بالزوج الصالح
___________________________
كانت هدير تجلس جوار نبيله من إتجاه ووالدتها من الإتجاه الثاني، شعرت ببعض الدوار فوضعت رأسها على الطاوله، سألتها والدتها:
-مالك يا هدير!
ردت هدير بهبوط:
-دايخه شويه
همست والدتها لها: إنتِ شكلك حامل
سمعتها نبيله فالتفت تنظر لها وقالت:
-ارفعي راسك يا حببتي كدا هتدوخي أكتر
ساعدتها لترفع رأسها وقالت: اشربي العصير دا
وبمجرد أن ارتشفت منه وضعت يدها على فمها وقالت: لا مش قادره… هرجع
نظرات مديحه ونبيله لبعضهما بريب من حالتها فكل الأعراض توحي أنها حامل، قالت هدير:
-أنا عايزه أطلع الأوضه
طلبت نبيله من هدى ومنى أن يرافقها لغرفتها
وبمجرد أن دخلت هدير الغرفه هرولت للحمام لتفرغ ما بمعدتها، كانتا هدى ومنى ينظران لبعضهما، يشفقان عليها وعلى ما يحدث معها ويراقبانها بقلق
منى: هدير… إنتِ كويسه يا حببتي؟
هدى: افتحي يا بنتي إنتِ قفلتِ على نفسك ليه؟
فتحت الباب وخرجت تستند على الحائط وتتأوه، سنداها وساعداها لتستلقي على السرير، وضعت يدها على بطنها وبدأت تبكي وهي تقول: بيقولوا أن أنا حامل!
سألت الدموع من عيني هدى ووقفت مصدومه ومشفقة على أختها، نظرت منى لهدى تحثها على التماسك، وبدأت بإزالة حجاب هدير ملست على شعرها قائلة:
– الأطفال دول رزق من ربنا، طيب إيه المشكله لما تجيبي بنوته قمر شبهك كدا!
شهقت هدير ببكاء قائله: المشكله في باباها… أنا عمري ما هسامحه أبدًا
انخرطت في بكاء عميق
ربتت منى على كتفها تحاول تهدئتها وقالت بإشفاق: طيب اهدي عشان خاطري
ظلت منى جوارها تهدئها حتى سحبت عيناها في النوم، أما هدى فكانت تستند على الحائط ولا تنبس بكلمه، سحبتها منى من يدها لخارج الغرفه شهقت هدى باكيه: حسبي الله ونعم الوكيل
في أي حد ظلم أختي
ضمتها منى تهدئها خرجت هدى من بين ذراعيها، وجففت دموعها قائلة:
-خليكِ جنبها دقيقتين وجيالك
لم تنتظر هدى اعتراض أو موافقة منى وهرولت غاضبه…
______________________
كان معاذ يجلس على الطاوله استأذنهم وقام يتمشى لحاله، على جانب أخر كان هدى تبحث عنه رمقته بغضب وأقبلت تجاهه كانت تستشيط غضبًا تريد أن تقتله بيدها هتفت غاضبة:
-معاذ
التفت لمصدر الصوت وتنهد قائلًا:
-ازيك يا هدى
صاحت بغضب:
-مش كويسه… ولا أختي كويسه… حسبي الله ونعم الوكيل فيك كسرت أختي وكسرتنا كلنا… لو أطول أقتلك كنت عملت كدا منك لله
تركها تفرغ غضبها ثم عقب قائلًا: خلصتِ
كانت سينصرف من أمامها لكن أوقفه صوتها المرتفع:
-إنت شخص بارد… معندكش إحساس ولا أخلاق
ابتسم بسخرية وقال ببرود:
-شكرًا… عايزه تقولي حاجه تانيه؟
بكت هدى قائله:
-أختي حامل منك… كل الأعراض بتأكد كدا…. أختي منهارة بسببك… وإنت بقا فاكر نفسك صلحت كل حاجه لما اتجوزتها…. ربنا ينتقم منك
فاض الكيل صاح غاضبًا: انتوا ليه مش حاسين بيا مش شايفين إن أنا اتظلمت زيها! أنا مكنتش عايز أعمل كدا أنا تعبت من نظراتكم ليا تعبت من كل حاجه ارحموني بقا
انصرف من أمامها غاضبًا وتركها تلعنه في سرها
على جانب أخر كانت هناك عيون تتابعهما وتبتسم بخبث فقد سجلت كلامهما بالصوت والصورة، وقفت تفكر ماذا ستفعل بالفيديو لكن قاطع شرودها صوت:
-ازيك يا فاتن؟
عندما رأته ابتسمت له فهو الكراش الذي تمنت أن يحدثها، مد يده ليصافحها فمدت يدها تبادله التحيه
-ازيك يا رامي عامل ايه؟
-كويس وبقيت كويس أكتر لما شوفتك… إنتِ جايه تقضي الأجازه هنا؟
ابتسمت قائلة:
-أيوه…
ابتسم قائلًا:
-طيب طلما إنتِ هنا إيه رأيك تيجي معايا في رحلة على اليخت بكره
-ياريت أصل أنا هنا لوحدي يعني معيش غير أخويا…
اتيعت ابتسامته أكثر وقال:
-خلاص نتقابل بكره الصبح… هاتي رقمك بقا عشان أصحيكِ
تبادلا الأرقام واستأذنته فاتن لتذهب لأخيها، وقف رامي يحدق بقوامها بشغف وينوي أن يوقعها في شباكه، حدث حاله قائلًا بخبث:
-دي شكلها هتبقى أجازة طريه خالص
___________________________
حين رأى أحمد هدى تقف مع معاذ أقبل نحوهم لكن قبل أن يصل كان معاذ قد غادر غاضبًا من كلمات هدى، وقف أحمد جوارها قائلًا: مالك؟!
نظرت إليه بتهكم وقالت: مفيش يا أحمد… أرجوك سيبني دلوقتي
-أسيبك ازاي وإنتِ في الحاله دي… احكيلي مالك!؟
لم تنبس بكلمه فأردف: هو معاذ زعلك في حاجه!
شهقت ببكاء وقالت: مش عايزه أتكلم يا أحمد
-من امته وإنتِ بتخبي عليا حاجه!
شهقت ببكاء وصرخت في وجهه: أنا حقيقي مش طايقه نفسي دلوقتي الأحسن أمشي من قدامك
هرولت من أمامه وتركته مزهولًا من حالتها ووقف ينظر لأثرها بحنق فكيف تتحدث معه بتلك الطريقه!!
___________________________
كان فؤاد يشاهد إحدى الأفلام الإباحيه عبر جهاز الابتوب الخاص به حين طرقت أخته الباب فأغلق الجهاز مسرعًا وقال:
-ادخل
كانت تبتسم بسعاده أخرجت الفديو الذي صورته لهدى ومعاذ وقامت بتشغيله، لفت الهاتف لأخيها قائله:
-شوف واسمع بنفسك
ارتسمت الإبتسامه على محياه وقال:
-يا بنت اللعيبه… عملتيه ازاي دا!
قالت بخبث:
-عشان تعرف إن أنا دماغي شغاله
ضحك بسخريه وقال:
-لأ دا إنت مبتخافش عليكِ… إنتِ كدا سهلتي مهمتنا… استني بقا عليا يوم ولا اتنين وأنا هظبطهملك…
____________________________
وفي اليوم التالي، نظرت منى من الشرفه فوجدت مصطفى يقف مع فتاة جميله، ومتبرجه فشعرها ينسدل خلف ظهرها وترتدي جيب قصيره تبين ما بعد ركبتيها، جلست على الأريكه تخبط قدميها في الأرض بتوتر وتنتظره، وبمجرد دخوله الغرفه سألته:
-مين الي كنت واقف معاها دي؟
-واقف فين؟
وضع يدها على رأسه كأنه تذكر للتو
-أيوه دي زميلتي من أيام الجامعه
هزت قدميها بتوتر وقالت:
-تمام….
صمتت لوهله وسألت مجددًا
– وكانت عايزه إيه بقا؟
قال بخبث:
-مفيش كانت بتطمن عليا
هتفت بدهشه: بتطمن عليك!
-أيوه زملاء عادي
تذكرت كلام هدى أيعقل أن تكون صديقتها على حق وسيزوغ عينه على غيرها، وتلك الفتاه صاحبة الأعين الزرقاء والبشرة الحليبيه وشعرها الذهبي الامح الذي ينسدل على ظهرها بالتأكيد أغرته وزاغت عينيه عليها، فهي لا تجلس جواره إلا بحجابها ولا يظهر من جسدها سوى الوجه والكفين وكأنه رجل أجنبي عنها، ظلت تخبط قدميها بالأرض في سرعه وتوتر، كان يعبث بهاتفه لكنه يتابعها بطرف عينه ويشعر بفحيح النيران التي تشتعل بداخلها أردف ليثير غيرتها أكثر:
-اسمها مايان كانت أجمد مزه في الجامعه ومازالت بصراحه
رمقته بغيظ فأردف:
– طلبت رقمي واتحرجت أرفض فاديتهولها
هبت واقفه ونظر له بغضب عارم: خدت رقمها؟!
وقفت أمامه وحاولت أخذ الهاتف من يده فرفعه بعيد عنها وابتسم بخبث يشعر بلذة اشعال غيرتها، هتفت بغضب:
-هات كدا الموبايل ده
ضحك قائلًا ببرود: لأ…
مدت يدها لأعلى لتأخذ الموبايل لكن رفعه لأعلى، وقفت على أطراف قدميها تريد الوصول للهاتف فلم تستطع، وبعد أن يأست أنا تنال الهاتف وقفت تنظر إليه بتجهم واضعة كلتا يدها على خصرها وقالت بتوعد:
– ماشي يا مصطفى!! والله ما أنا قعدالك في الأوضه
اتجهت نحو الباب وشعرت بحرارة الدموع الدافئه التي تخرج من عينيها التفتت له قائله: يا أبو عين زايغه…
حين رأى دموعها هرول إليها قائلًا: والله العظيم ما أعرفها دي واحده شغاله في الفندق هنا وكنت بسألها عن حاجه
إغرورقت عينيها بالدموع وقالت بتجهم:
-ماشي وبتضحك معاها ليه؟
-يا منى أنا محبتش ولا هحب غيرك
اقترب منها يحاول تهدئتها وضمها فدفعته، وقاومته لكنه اقترب مجددًا وضمها قائلًا: يا بت بحبك حني عليا بقا وخلينا نعمل الفرح هنا
مسحت دموعها وأنفها بالتيشرت الذي يرتديه وقالت: وأنا موافقه
___________________________
ارتدت فاتن مايوه يكشف من جسدها أكثر مما يستر ارتدت فوقه ملابس أخرى واستعدت لتنزل مع رامي للبحر لفت شعرها بالبونيه العازل للمياه وأخذت البشكير لتجفف جسدها بعد السباحه، ركبا اليخت ليدخلا للبحر وابتعدوا مسافه عن الشاطئ، نظر لها رامي قائلًا:
– يلا جهزي نفسك هنغطس هنا
خلعت ملابسها، فنظر لجسدها يتفحصها بشغف عازمًا أن يتذوق جمالها قبل أن يخرج من البحر، ارتديا ملابس الغطس وقضيا وقت ممتع بداخل البحر وبعد فترة خرجوا من المياه وجلست تجفف جسدها من أثر المياه، نظر لها بشغف ومسكها من يدها قائلًا بكذب: أنا كنت معجب بيكِ من زمان أوي…
ويوم ما طلبت رقم هدير كان عشان أتكلم معاكِ كنت خايف ترفضيني…
ابتسمت بسعاده فما تسميه الكراش كانت معجبًا بها من البدايه نظر بعينيها قائلًا: أنا كنت معجب بيكِ لكن دلوقتي بحبك
ارتسمت الإبتسامة على محياها قائله: أنا كمان بحبك من زمان وبكراش عليك، وزعلت أوي لما طلبت مني رقم هدير
وبحركة سريعة ضمها إليها وإنهال عليها بقبلات متتاليه واستلمت له تمامًا بل وبادلته بكل حب ولم تأبه لأي شيء.
وبعد فتره فتحت عينيها كأنها قد أفاقت للتو، لكن قد فات الآوان، قامت من جواره تغطي جسدها ارتدت ملابسها في سرعة كان ينظر لها بانتصار فقد أخذ منها ما أراد، نظرت له.قائله بتجهم:
-طبعًا إنت فاكر إني مش محترمه…
أدمعت عيناها قائله:
– بس والله أنا بحبك
اقترب منها يمسح دموعها بيديه وقال:
-أنا كمان بحبك بس متعيطيش عشان خاطري… أنا عارف إنك بنت محترمه
ضمها لتهدأ فخرجت من بين ذراعيه وسألته:
-هتتجوزني؟
ارتبك قائلًا: إيه!! أ.. أيوه طبعًا هتجوزك
ضمها مجددًا وهو يبتسم ساخرًا وقرر أن يراوغها حتى يقضي معها أطول فترة ممكنه….
____________________
حين رآها معاذ تتمشى لحالها أقبل نحوها ووقف جوارها، وحينما شعرت بوجوده حاولت الفرار من أمامه تبعها بخطوات سريعه وهتف قائلًا:
-هدير لو سمحتِ لازم نتكلم
حاول مسك يدها لتتوقف فقد كانت تهرول من أمامه حتى لا يفتح معها الحوار مجددًا، سحبت يدها ونظرت له بغضب قائلة:
-قولتلك متقربش مني… ومتمسكش إيدي…
رفع يديه الإثنين قائلًا: طيب مش هقرب ولا هلمسك… بس اديني فرصه واسمعيني
نظرت له بتهكم، لكنها تريد أن تسمعه هذه المره نظرت لوجهه المتجهم، وعيناه المليئة بالشجن، وتلك العبرات الحبيسة خلف زجاج نظارته الطبية، قررت أن تسمعه ولو لمرة واحدة، قالت:
-اتكلم عايز تقول ايه؟
نظر لعينيها قائلًا:
-عايز أقولك إن أنا اتظلمت!
أشاح بصره عنها ورفع يده يمسح رأسه بتوتر وارتباك، فكلما تذكر حالته في ذالك اليوم شعر بنغزه تضرب قلبه، ونار تضطرم بجسده، أردف:
-إنت متخيله يعني ايه أفتح عيني ألاقي نفسي في سرير مع بنت معرفهاش…
ازدرد ريقه بتوتر وتجعدت ملامحه بحزن مردفًا:
-طيب متخيله الكسره الي أنا كنت فيها لما باباكِ دخل وبعديه أمي واخواتي
ارتفعت دقات قلبه وازداد معدل تنفسه، وبدأت دمعته السجينة تشق طريقها لتخرج من مقلته فخلع نظارته ومسح تلك الدمعه بطرف إصبعه قائلًا بألم: أنا اتكسرت…
ولى ظهره لها لتسيل دموع عينيه، أدمعت عيناها على حالته وأشفقت عليه فمن الواضح أنه قد عانى مثلما عانت تمامًا….
فتحت علبة المناديل التي تحملها بيدها ولفت الجهة الأخرى لتقف مقابله وتمد بيدها بالمنديل قائله:
-اتفضل
أخذه من يدها ليمسح وجهه فنظرت إليه وأردفت بدموع:
-بيقولوا إن أنا حامل! أنا خايفه أوي
-ممكن متعيطيش!… إي المشكله يعني إحنا متجوزين ومحدش ليه عندنا حاجه…
مسحت دموعها وأردفت:
-بس أنا لسه صغيره!
أردف يبرر لها:
-بنات كتير بيتجوزوا ويخلفوا في سنك
ملئ رئتيه بالهواء وزفره من فمه قائلًا:
– أنا عمري ما هغدر بيكِ يا هدير اطمني… أنا أتمنى أكون أب لطفل منك
أكد بارتباك:
– د… دا لو كنتِ حامل يعني!
نظرت للفراغ وشردت تفكر بكلامه، أفاقت من شرودها ونظرت إليه فوجدته يحدق بها ويتأملها بعينه يكاد يخترقها بنظراته يتفحص كل إنش بوجهها ولم لا وهي زوجته وحلاله فلينظر كيفما شاء، أشاحت بصرها بتوتر ونظرت أرضًا بحياء،
أدرف قائلًا:
-إيه رأيك نجيب جهاز اختبار الحمل من الصيدليه عشان نتأكد؟
ازدردت ريقها بتوتر وأومأت رأسها بالإيجاب، تنهدت بارتياح وابتسمت وهي تنظر إليه، فابتسم لها، ازدادت حمرة وجهها حياء منه ومن نظراته المسلطة عليه، طرقت السعادة باب قلبها تريد الولوج إليه، فمن الواضح أن الألوان ستدخل حياتها بعد أن خيم عليها الأسود، قاطع شرودها قائلًا: مسمحاني؟
نظرت له قائله: مسمحاك
تنهد بارتياح وقال: ممكن نبقا أصحاب يعني أحكيلك كل حاجه وإنتِ تحكيلي كل حاجه؟
ابتسمت قائله:
– ومالو نجرب نبقا أصحاب
ارتسمت الإبتسامه على شفتيه بسعاده وقال: مش هتندمي
_________________
وفي المساء ارتدت مروى فستانها الذي اختاره لها سيف، نظرت لحالها في المرآة باعجاب، تبتسم كلما تذكرت كلام سيف، أما ناهد فارتدت فستانها لكنها تنوي الهروب من حضور هذا الزفاف، لا تريد أن ترى فهد في تكرهه وتكره النظر إليه، فما فعله ليس بالهين، خرجت من شرودها على صوت مروى:
-يلا يا نوده
-لأ أنا لسه…. لسه هعدل الطرحه اسبقيني إنتِ
جلست ناهد على الأريكه قائلة:
نظرت لها مروى شذرًا وقالت: هتفضلي نكديه وكئيبه طول عمرك
حملت مروى حقيبتها وغادرت، وجلست ناهد على طرف السرير تفكر للحظات ثم حملت حقيبة اليد ونزلت للأسفل.
كانت تتمشى بجوار حمام السباحه ويتابعها سعد من شرفة غرفته، شردت فيما حدث وكيف تهجم عليها فهد، فلو عرفت مروى ما حدث لقلبت حفل الزفاف لميتم، رأتها زوجة خالها، تذكرت أن لديها فوبيًا من المياه الكثيفه فخطر لها فكرة شيطانيه، نظرت حولها لتتأكد من عدم وجود أحد، وسارت على أطراف أصابعها ثم دفعت ناهد لداخل المياه وركضت على الفور كي لا يراها أحد….. لو تعرفوا تعبت أد إيه في الحلقه دي وكتابتها وأنا حالتي ايه مش هتمشوا إلا لما
- يتبع الفصل التالي اضغط على ( رواية وما معني الحب ) اسم الرواية