رواية بلوتي القمر كاملة بقلم لؤلؤة محمد عبر مدونة دليل الروايات
رواية بلوتي القمر الفصل الثاني عشر 12
قصي لبتول / ايه يابتول مش هتعملي عصير للناس والا ايه
حسام وأحمد/لا لا عصير ولا حاجه متتعبوش نفسكم
شعيب / لا طبعاً انتوا بتستعبطوا والا ايه ده انتوا أصحاب بيت هتعملوا نفسكم ضيوف لا انطلقوا كده ازيكم يا بنات مين فيكم بقى ملك ومين فيكم هناء عشان وقت ما احنا سافرنا كنتم صغيرين خالص
ملك/ انا ملك ودي هناء
شعيب / وانتي في كلية ايه بقى دلوقتي يا ملك
ملك/ انا في كلية دراسات اسلاميه شعبة شريعه وهناء كمان معايا
قصي/ وهو بيبص لهناء بجنب عينه ماشاء الله ربنا معاكم
أحمد/ وانت نقلت مباحث المنصوره بقى يا قصي والا هتفضل انت في القاهرة
قصي/ لأ نقلت هنا وكمان شعيب نقل جامعة المنصوره قسم الآلام معاك يا حسام
حسام/ طب كويس اوي بس انا قسم الأورام
انتهت الزياره وكله روح بيته هناء في أوضتها فتحت الأكونت بتاعها وكتبت ( مين غيرك يقف جنبي ويسندي في وقت ضعفي يقويني ووقت احتياجي في حضنه يحتويني أقسم بكل أيمان الله لا اخ ولا ابن ولا زوج يعوض حضنك يا ابويا ولا هلاقي حضن فيه دفئك وحنانك ومين يقف جنبي للأخر غيرك كنت بتصد عني هم الدنيا ووقت ماتقسى عليا تحن في ثانيه وتاخدني في حضنك وتقولي ده انتي اللي ليا ده انا من بعدك الدنيا بتكسر فيا ومين غيرك كان بيصد عني هم الدنيا يا غالي ومفيش منك ولا فيه لا قبلك ولا بعدك : بقلم /أمل محمد (لؤلؤه)
عدى الليل بسرعه وجه نهار يوم جديد
بتول/ يلا ياقصي يلا يا شعيب الفطار جاهز
قصي/ جينا أهو تسلم ايدك يا توته انا مش هقدر أفطر انا عندي شغل مهم ولازم امشي افطري انتي وشعيب
بتول/ طب خد معاك السندوتشين دول
شعيب/ اه ومتنساش الزمزميه 🙂
بتول/ بس يا بارد يعني اسيبه ينزل من غير فطار
شعيب/ يا ماما بتول هو يعني من قلة الماركت في الشوارع دي بقت زي الرز
بتول/ يعني أكل الشوارع والا اكل البيت يا سيادة الضاقطور
قصي وشعيب / ضاقطور 😳
قصي / بس كفايه انتوا الإتنين هاتي السندوتشات دي كده انا همشي انا بقى ومشى بسرعه
شعيب / طب كنتي حطيهمله في لانش بوكس بدل الكيسه دي
بتول/ يا عم بطل رزاله
شعيب / ياستي لا رزاله ولا برود سايبهالك وماشي خالص سلام
عند هناء / هو حسام فين يا ماما
ماما/ شعيب اتصل عليه وقاله يعدي عليه يروحوا الشغل مع بعض
هناء/ طب تمام انا خارجه اشتري شوية حاجات سلام خرجت هناء وصلت عند المول وفجأه واحد بموتوسيكل سرق شنطتها
- يتبع الفصل التالي اضغط على ( رواية بلوتي القمر ) اسم الرواية