رواية بيع مليكة الفصل الثالث عشر 13 - بقلم مروة حسن

   رواية بيع مليكة كاملة بقلم مروة حسن عبر مدونة دليل الروايات

 رواية بيع مليكة الفصل الثالث عشر 13

 

انصدمت رحمه من حديثه انه يحب اخرى.. كانت تعتقد انه يحبها من طريقه كلامه هل كان يتلاعب بها و بمشاعرها.. لكن هي لن تسمح بذلك هي لم تعرف حقيقه مشاعرها تجاهه لكن لن تسمح بأن احد يستغفلها..

لتذهب الي اسفل متجهه الي جامعتها و هي تفكر كيف تنتقم منه…

*********************

خديجه بدهشه:جايب عريس ل رحمه ي سالم..

سالم: ايوا ي ماما.. ابن ناس ابوه يبقى صاحبي..

خديجه: ماشي ي بني اهو هنشوفه و رأي رأي رحمه.. هم هيجوا الساعه كام؟..

سالم: الساعه 8..

خديجه: طب اقوم اجهز كل حاجه… اه صحيح انت مقولتش ل رحمه..

سالم: لا هخليها مفاجأة.. و بعدين احنا مش هنغصب عليها..

خديجه: ماشي ي حبيبي..

********************

ف الجامعه..

كانت تجلس مرام مع حور و بقيه زملائها..

حور: انا عزماكم كلكم على عيد ميلادي يوم الجميس اللي جاي.. اللي مش هيجي بجد هزعل منه..

مرام باستغراب: يعني بعد يومين.. ليه مقولتيش من الاسبوع اللي فاتت علشان نعمل حسابنا..

حور بتوتر: هو انا دماغي دفتر ي ختي.. و بعدين معاكي يومين جهزي نفسك براحتك..

مرام: وهتعمليه فين بقى..

حور: ف شقتنا..

مرام: هقول ل بابا لم اشوف..

حور: لا عارفه لو مجتيش بجد هزعل ي مرام.. انا مليش غيرك ي روحي.. انتي بقيتي اقرب واحده ليا..

مرام بابتسامه: ان شاءلله هاجي ي قلبي…

لتبتسم حور بخبث على سذاجه هذه الفتاه..

**********************

كانت تجلس ف غرفتها تفكر به و حزينه انها لم تفتكر اي شئ عن ماضيها.. انه يحبها كثيراً هذا واضح امامها ولكن هي لم توضح انها ايضا تحبه.. و لا تريده ان يبتعد عنها انه يهتم بها اما هي تظلمه بأفعالها.. لتفكر في شئ جديد لتظهر به حبها له.. فهي لم تفعل اي شئ غير الشك به..

لتقوم من جلستها و تنظر ف الساعه فقد قرب موعد وصوله.. لتبتسم و تذهب لتحضر ما فكرت به من أجله..

**********************

كان يجلس ف غرفته حزين جدا على فراقها.. كان يبدوا على وجهه الارهاق الشديد فهو من بعد رحيلها وهو لم يعد ينام ولا يأكل.. فهو يحس بذنب..

لقد اشتاق اليها كثيراً و لحديثها و ل رؤيه وجهها البرئ.. هل هي سعيده ام تعيسه.. هل تفكر به ام لا..

لتدخل عليه زوجته وهي ترى على حاله من بعد ما ذهبت ابنتها.. انه السبب و لكن هي خائفه عليه..

ماجده: مش هتقوم تاكل ي خالد..

خالد بحزن: مليش نفس..

ماجده: حبيبي انت مش بتاكل و لو اكلت بتاكل قليل اووي.. دا مش كويس علشان صحتك..

خالد: خايفه عليا..

ماجده: طبعا ي حبيبي..

خالد: حتى بعت ما ضيعت بنتنا..

ماجده: دا قدر.. و انا مش عايزاك تضيع مننا احنا ملناش غيرك..

خالد بابتسامه: اصيله ي ماجده.. ربنا يخليكي ليا ي حبيبتي..

ليرن هاتف خالد ليعلن عن اتصال من امريكا.. ليتفاجأ خالد من اسم المتصل..

خالد ب استغراب: زين ابن اخويا بيرن عليا..

ماجده: و دا اللي فكره بينا.. بقاله سنين منعرفش عنه حاجه و مكنش بيسأل علينا…

ليرد عليه خالد..

خالد: الوو..

زين بفرحه: ازيك ي عمي عامل اي.. وحشتني اووي..

خالد: وحشتك.. هو انا لو وحشتك كنت سألت عليا..

زين: معلش ي عمي انا مكنتش عايز ارن عليك غير وانا ليا مستقبل تتشرف بيه.. ولا انت نسيت كلامك..

خالد بخوف: لا منسيتش.. بس قولي كنت عايز اي..

زين: عايز اي ف اي.. انا جاي مصر بكره انا بقيت من اكبر رجال الاعمال ف اميركا و عندي كمان صفقه ف مصر..

خالد: ربنا يكرمك ي بني و تيجي بسلامه

زين: يارب.. وانتو عاملين اي و مليكه ازيها..

خالد بتوتر: الحمدلله كلنا كويسين..

زين: يارب دايما.. ع العموم لما اجي كل حاجه هتتصلح.. سلام..

خالد: سلام.. ليغلق الخط..

ماجده: مالك وشك اتغير كدا ليه..

خالد بقلق: زين منساش مليكه ي ماجده.. دا شكله جاي علشانها..

ماجده: وانت خايف ليه.. قوله اتجوزت دا قسمه ونصيب..

خالد: انتي عارفه ان زين بيحب مليكه اووي و بيغير عليها و بعدين دا مش راجع زين الواد اللي على قده.. دا من اكبر رجال الاعمال ف امريكا..

ماجده بخوف من اللي جاي: طب وهتعمل اي..

خالد بحيره: والله منا عارف ي ماجده.. ربنا يستر..

*****************************

دخل غرفته بابتسامه لتتحول علامات وجهه لاستغراب وهو يرى الغرفه مظلمه بعض الشئ و تنيرها الشموع..

ليفهم ان زوجته تحضر له مفاجأه..

حازم بابتسامه: مليكه.. انتي فين ي روحي..

ليسمع خطواتها ليلتفت لها ل يرى جمالها الذي ادهشه كانت ترتدي فستان اسود يصل لركبتيها.. و تاركه لشعرها العنان..

لتقترب منه اما هو ف كان ف عالم اخر.. ف كان سارح بجمالها و رقتها و عيونها الجميله.. لتبتسم و هي تراه يحدق بها هكذا..

مليكه بابتسامه: انت هتفضل تبص عليا كدا كتير.. و مش هتتكلم..

ليفيق حازم: انتي مش شايفه حلاوتك و جمالك ولا اي..

مليكه بخجل: بس بقى علشان بتكسف..

حازم: بتتكسفي مني..

لتهز رأسها بمعنى نعم..

حازم: تيجي نرقص..

مليكه: طب مش هتتغدى الاول..

حازم: انا شوفتك شبعت من حلاوتك..لتبتسم لحديثه..

ليشغل الموسيقى.. و يقترب منها ليبدأو الرقص.. ليصبحوا ف عالم اخر.. هو وهي فقط..

هي احست بالأمان اكثر.. وهو تأكد من شعوره تجاهها لم يصدق انه احبها..

ليقوم بحملها و يتجهه نحو الفراش دون الاعتراض منها.. استغرب فهى وثقت به و بسرعه عما كان يتوقع..

لتصبح زوجته قولا و فعلاً..

و بعد فتره من زمن تبتعد عنه …

مليكه بصدمه: ازاي.. مش انا مراتك.. و متحوزين عن حب..

حازم: ممكن تهدي.. ايوا طبعاً مراتي.. بس انا ملمستكيش علشان كنتي خايفه وانا محبتش اغصب عليكي..

هي لم تتذكر شئ لذلك سوف تصدقه مؤقتا حتى لا تظلمه معاها..

****************************

ف المساء…

كان كل شئ جاهز لاستقبال عائله العريس..

و العائله متجمعه ماعدا رحمه فقد اخبر شريف حازم بأنه سيأتي عبدالرحمن الرشيدي ليخطب اخته لابنه طبقا لاوامر والده..

لتأتي عائله الرشيدي و يستقبلها سالم و السيده خديجه..

عبدالرحمن بابتسامه: امال العروسه فين..

سالم: جايه بس بتجهز..

ليميل سالم على زوجته: فين رحمه..انتي مش قولتلها ان في ناس تحت..

سالم: ربنا يستر..

لتدخل رحمه بابتسامه بارده: مساء الخير..

سالم بابتسامه: رحمه بنت اخويا.. تعالى سلمي ي رحمه..

لتقترب رحمه و تسلم على عبدالرحمن و زوجته.. و لكن مهلا من هذا الشاب.. لماذا ينظر لاسفل هكذا..

عبدالرحمن: ما تسلم ي بني.. هتودينا فداهيه..

ليرفع الشاب وجهه بابتسامه مستفزه و كانت الصدمه من نصيب رحمه..

رحمه: كريم……….

 

• يتبع الفصل التالي اضغط على ( رواية بيع مليكة ) اسم الرواية