رواية اسيرة قلبي (كاملة جميع الفصول) حصريا عبر دليل الروايات بقلم انجي جمال
رواية اسيرة قلبي الفصل الثامن عشر 18
البارت الثامن عشر:
أسيرة_قلبي بقلم 👈 انجي جمال
مرام بفرح: انا طلبت من طنط صفية أنها تطلب من أيان أنه يشغلني سكرتيره عنده بحِجة اني ادرب عنده و منها أعرف أقرب منه و الفت انتباهه. .
مروة بسعادة غامرة: أيوة كدا شغلي دا شوية و اثبتيلي انك بنتي .
مرام بإبتسامة: من هنا و رايح لازم اكون قريبه من أيان طول الوقت علشان حتى ميكونش عنده وقت لا يفكر و لا يبص لواحدة غيري و لازم يعرف اني أد مسئولية أن يكون عندي بيت و بشتغل و هكون مسانداه في شغله .
مروة بتمني: يا ريت بس صفية تقدر تقنع أيان لان زي ما هو بيحب مامتها و بينفذلها كل اللي بتطلبه بس يكون برضاه مش غصب عنه .
مرام بضيق: تقصدي اي يعني يا مامي أن أيان هيكون مغصوب عليا و ألا اي .
مروة بهدوء: انا مقصدتش كدا انا قصدي إن أيان دماغه ناشفه و مش من السهل أنه يقتنع .
مرام بإصرار: و انا هفضل وراه لغاية ما يوافق أيان لالي و مستحيل اسيبه او اسمح لاي واحده تانيه تاخده مني مهما حصل .
مروة بسعادة: أيوة كدا أيان من حقك و أوعي تتنازلي عنه .
مرام برفض : مستحيل طبعاً.
مروة: خلاص هسيبك بقا تشوفي هتعملي اي .
مرام بإبتسامة: اوك تصبحي على خير.
مروة بإبتسامة: و انتي بخير .
*****************************
عند حازم و من معه ...........
حسام بتساؤل: مش خايف إن جدتك تعرف.
حازم بلا مبالاة: لا يا عم عادي و بعدين هي عمرها ما رفضتلي طلب مهما كان و بعدين انا ولي عهد امبراطوريه السويفي يعني اعمل اللي انا عايزه من غير ما حد يعارضني .
حسام : يا ريتني كنت مكانك يا اخويا و اعيش في العز دا كله .
حازم و هو يستنشق السيجارة بشراهه : قفل علي الموضوع دا يا عم و بلاش تطير الدماغ اللي الواحد عاملها و سيبنا مبسوطين و بعدين فين باقي الشله .
حسام: مش عارف يا صاحبي بس تلاقيهم شويه و جايين والا براحتهم مش ييجوا .
حازم بإبتسامة: علي رأيك
و يستمروا في السهر .
*****************************
انجي بتأكيد: فعلاً هو عمل كدا عل ليقطع كلامها دخول أحدهم للشقه مع البواب فيلفت انتباه الجميع .
البواب : دا واحد عايز حضرتك يا آنسه أسيل .
الشخص المجهول : حضرتك الانسه أسيل عمران .
انجي بإستغراب : ايوه مين حضرتك .
الشخص المجهول: انا كِنت جايي لهون منشان الشغل تبعك والدة حضرتك طلبت مني هيك .
آسر بإستغراب : هو انت من هنا .
انجي بإبتسامة: لا من لبنان بس شو عم تعمل هون هلا و بها الوقت .
المجهول بإبتسامة : انا ايجيت لهون كرمالك .
انجي بإستغراب : كرمالي لالي لشو .
المجهول بتأكيد: اي انا اسمي امجد و بكون بشتغل مع والدة حضرتك وهي طلبت مني اني كون معك لحتي تلاقي شغل و بعدا راح فِل من هون علبنان عطول .
انجي بإبتسامة: وانت بشو عم تشتغل .
امجد بإبتسامة : انا عم اشتغل بنفس مجالك .
انجي بإبتسامة: بس انا لقيتوا لشغل و بكرة بالكتير راح امضي العقد .
امجد بتأكيد: خلاص انا بحضر بكرة الامضاء و بطمن عليكي وبعدا بفل من هون عطول بس راح انطر يومين تانين بس امتين راح تمضي لها العقد .
ثم ينظر لمن خلفها شو ما راح تعرفينا بالرجال.
انجي بإبتسامة: دا الرائد آسر المحمدي ودا المقدم أيان الجارحي ودا حضرة الظابط مراد سالم
امجد وهو يسلم عليهم : اكتير تشرفت بمعرفتكم .
أيان بإبتسامة: تشرفنا .
آسر بمرح: يا لهوي وانتوا بتتكلموا ولا المسلسلات المدبلجه واي دا يا أسيل اللي يسمعك وانتي بتكلمينا مصري مش يشوفك وانتي بتتكلمي لبناني .
امجد بإبتسامة : عنجد عم تحكي مصري منيح .
انجي بإبتسامة: اه بحب اتكلم مصري .
امجد بتأكيد: انتي كتير بتعئدي حاصلوا انا ويقطع كلامه رؤيته للشقه مقلوبه رأسا على عقب لك شو اللي صاير هون عنجد ها المنظر قصفلي ركبي كتير مين ياللي مساوي هيك .
انجي بتأكيد: مفيش حاجة .
أمجد بإستغراب : لكان ليش البيت مكركب هيك .
مراد بجديه: طب استأذن انا يا جماعة و لو حصل حاجة هتواصل مع الانسه أسيل .
انجي بإبتسامة:. خلاص تمام يا حضرة الظابط .
ثم ينصرف و بعد ذلك تذهب انجي لغرفتها وتقوم بأخذ بعض الأغراض المهمة وبعد ذلك تتوجه لمكان و قوفهم.
انجي بإبتسامة: طب يا جماعة يلا علشان لسه بدي احجز في فندق لغاية مدور علي بيت جديد .
أيان بإستغراب: انتي هتقعدي في فندق .
انجي بتأكيد: ايوه يومين بالكتير لغاية ما الاقي بيت لالي .
آسر بإبتسامة: طيب علي راحتك بس هنشوفلك احنا بيت اقعدي فيه .
انجي برفض: لا شكرا انا هعمل سيرش عالنت و هختار .
آسر بتأكيد: تمام علي راحتك و لو عوزتي اي حاجة في أي وقت احنا موجودين معك في أي وقت تحتاجيلنا هتلاقينا .
أيان بإبتسامة: بالظبط كدا .
انجي بإبتسامة: شكراً بجد .
امجد بتأكيد: و انا نفس الحكي معي باي وقت و اي شي بتحتاجيني بس تلفنيلي و راح تلاقيني .
انجي بإبتسامة: اكيد يلا سلام .
ثم تنزل للاسفل و بعد ذلك تركب السيارة الخاصة بها وتتوجه للفندق ....................
*****************************
عند أيان و آسر يقوم أيان بإيصال آسر للڤيلا الخاصة به ..
آسر بإبتسامة: العمليه النهارده مش كدا .
أيان بتأكيد : بإذن الله كمان ٣ ساعات يعني ساعتين و نص والاقيك في المكان اللي اتفقنا عليه .
آسر بتأكيد: تمام يا صاحبي سلام .
أيان بإبتسامة: سلام ...ثم ينزل آسر من السيارة و يقوم أيان بالتوجه للڤيلا الخاصة به و ينزل من سيارته و يدخل فيجد والدته في انتظاره كالعاده
أيان بإبتسامة: ايه اللي مصحي حضرتك لغاية دلوقتى يا ماما .
صفية بإبتسامة: و لا حاجة يا حبيبي انت عارف اني مش بعرف انام غير لما اطمن عليك .
أيان بإبتسامة: يا ست الكل أنا الحمد لله تمام و بعدين انا مبقيتش صغير علشان تستنيني لغاية دلوقتى .
صفية بفرح : العمر كله ليك يا ابني بس انا مش برتاح غير لما اطمن عليك لتكمل بتوتر وبعدين في موضوع تاني كنت عايزاك فيه .
أيان بإستغراب: موضوع اي دا يا ماما .
صفية بتوتر: هو بصراحة بخصوص مرام .
أيان بتجهم: لو سمحتي يا ماما لو كان الموضوع عن مرام فهيكون مش مهم بالنسبة لي .
صفية بغضب: بس هو مهم بالنسبة لي .
أيان بتنهيده: اتفضلي يا ماما اي هو الموضوع المهم اللي بخصوص ست زفته .
صفية بضيق: أيان .
أيان بإبتسامة مستفزه: نعم .
صفية بتوتر: انا كنت عايزاك تعين مرام سكرتيره عندك في الشركة انت عارف انك عايز واحد تشتغل معاك و هي ال cv بتاعها هيكون عندك واحنا عارفينها و انا شخصياً واثقه فيها .
أيان :.............
صفية بضيق: هو انا مش بكلمك مش بترد عليا لي .
أيان بعصبية: حضرتك عايزاني ارد عليكي أقولك اي انتي عارفه إن أنا مش قابلها و مش عايز اشوفها ُادامي فمن حبي فيها عايزاني اشوفها أُدامي علطول .
صفية بغضب : أيان انت ازاي تعلي صوتك عليا انت نسيت أن اللي بتكلمها دي مامتك مش واحده عندك في القسم .
أيان و هو يحاول أنه يتمالك أعصابه: انا اسف يا ماما بس ارجوكي بلاش تجيبي سيرة مرام دي أُدامي مرة تانيه .
صفية بعصبية وزعيق: مالها مرام بنت ادب واخلاق ونفس مستوانا الاجتماعي مناسبه جدا لشخص في مكانتك .
أيان بضيق : خلاص يا ماما بعد اذنك اقفلي علي الموضوع دا دلوقتي .
صفية بزعيق: لا مش هقفل و زي ما قولتلك انك هتعينها عندك سكرتيره.
أيان بنرفزه : انتي لي حضرتك مُصره تعصبيني انا مش هشغلها سكرتيره و لا زفت و لا هشغلها في الشركة من أساسه .
صفية بعصبية: لا هتشغلها يا أيان و غصب عنك كمان .
ليدخل في هذه اللحظة ايهاب ...
ايهاب بإستغراب : في أي صوتك عالي ليه يا صفية و انت يا أيان معصب مامتك كدا ليه .
صفية بتوتر: مفيش انا كنت عايزة حاجة من أيان و هو هيعملها مش كدا يا أيان .
أيان بنرفزه: لا يا ماما مش هعملها .
صفية بعصبية وزعيق: برضوا بتقولي لا طب اي رأيك بقي انك هتشغلها و غصب عنك كمان .
أيان بضيق: انا مفيش حاجة تغصبني اني اشغلها عندي .
ايهاب بزعيق : في أي يا أيان انت بتكلم مامتك كدا ازاي و انتي يا صفية متعصبه كدا ليه و عايزة تغصبيه علي اي .
صفية بعصبية وزعيق متجاهله ايهاب : الشركة دي مش بتاعتك دي بتاعت باباك يعني انا ليا راي فيها و انا عايزها تكون سكرتيرتك و هخليها سكرتيرتك .
أيان بعصبية و صوت عالي : خلاص الشركة دي مش هعتبها تاني و لا هشتغل فيها و خلي الست مرام بتاعتك هي اللي تشتغل و انا مش هروح الشركة دي تاني و لو حضرتك فتحتي موضوع مرام دا تاني انا هسيبلك البيت و هسكن. في بيت لوحدي .
لتصمت صفية من الصدمه
ثم يتوجه للصعود لغرفته ليوقفه حديث والده معه
ايهاب بعصبية وزعيق: والله عال بقا انا واقف و لا ليا اي لازمه و انتوا واقفين تردوا علي بعض اي الطريقة اللي انت بتكلمنا بيها دي و ازاي تعلي صوتك علي والدتك .
أيان و هو يتمالك أعصابه: انا آسف يا بابا بس ماما اللي خرجتني عن شعوري و هي عارفه اني مش بقبل اشوف مرام دقيقتين علي بعض و هي عايزة تجبرني اني اشغلها عندي سكرتيره فده وضع انا مش هقبل بيه ابدا و الشركة بعتذر من حضرتك مش هدخلها تاني بما اني مليش الحق اني اخد قرارتي فيها و بعد إذن حضرتك لاني عندي مهمة بعد ساعتين و لازم ارتاح شويه .ثم يتوجه للصعود إلى غرفة نومه لأخذ قسط من الراحة .
ليسود في المكان السكوت ليقطع هذا الهدوء ايهاب
ايهاب بترقب : اي الكلام اللي أيان قاله دا .
صفية بإبتسامة متوتره: و لا حاجة يا حبيبي انا بس كنت عايزة أيان يشغل مرام معاه و منها تساعده لأنه لسه بيشتغل في المخابرات و كدا و منه هي كمان تكتسب خبره .
ايهاب بهدوء مريب : و لما هي عايزة تكتسب خبره مش الاولي أنها تكتسبها في شركتهم .
صفية بتوتر: مهوو. اصل يعني هو ..
ايهاب بعصبية وزعيق: و هو انا مش قايلك النهارده بلاش تفتحي مع أيان موضوع مرام قولت و ألا مقولتش قولتلك بلاش تخسرينا ابننا و انتي بتخسريه بأيدك و انتي روحتي تعملي اي رايحه تجبريه أنه يشغلها معاه و بتقولي دي شركة باباك و هو انا عامل الشركة دي ليه مش علشان أيان بعد ما فضلت ازن عليه علشان ينزل يشتغل معايا خلتيه مش هيقبل يبص عليها من برا مش يدخلها بس .
صفية بضيق: وهو انا كنت عملت اي بدأ كله علشان اسمع منك الكلام دا و اشوف طريقة ابنك في الكلام معايا مهما كان انا مامته المفروض ميزعقش أُدامي بالطريقة دي .
ايهاب بسخرية: و هو أيان بالعادة يتعصب الا إذا خرج عن شعوره .
صفية بتوتر: هو بس زعلان دلوقتي بس بكرة يعرف اني عايزة مصلحته .
ايهاب بسخرية: الكلام معاكي ممنوش فايدة ليتركها و يرحل لتظل مكانها وبعد مدة تذهب لغرفتها هي الآخري .
*****************************
وبعد مرور الوقت و حان الان موعد المهمة يتوجه كلا من أيان و آسر و بعض الضباط المؤكلون للقيام بالمهمة بقيادة أيان و بعد أن اجتمعوا يقومون بوضع الخطة ..
أيان : احنا هننقسم ل ٣ فرق ا و ب و ج الفرقة ا ٣ عساكر مع الرائد آسر و الفرقة ج ٣ عساكر مع الرائد عمر و الفرقة ب هكون انا و الباقيين الفرقة ا هتكون بجهة اليمين و الفرق ج بجهة اليسار و انا هكون من النص مفهوم .
الكل : مفهوم يا فندم .
أيان بإبتسامة: تمام كله مكانه زي ما انا قولت و بعد ٥ دقايق بالظبط الكل يهجم مفهوم .
الكل : تمام يا فندم .
أيان : يلا كل واحد مكانه ..
و بعد مرور دقيقتين كان هناك تبادل المال بالمخدرات و الفتيات القاصرات و بعد مرور ال ٥ دقائق بالظبط تم الهجوم و كان أحد أفراد العصابة يقود السيارة للتظليل مما أحدث دخان و لكن استطاع أيان أن يصيبه و بعد ذلك قبضوا علي أفراد العصابة واطلقوا صراح الفتيات الصغيرات و في أثناء ذلك كان هناك رجل متخفي في نهاية السيارة الموجود بها الفتيات و في أثناء خروجهم جاء ليصيب أحدي الفتيات ولكن ....
.......: حاسبي. و هناك صوت رصاصة اخترقت ذراع أحدهم ...
وحشتوني والله ☺️☺️ يا ريت الكل يقولي رأيه في الكومنتات ويتفاعل مع البارت ❤️❤️❤️
و يا ريت يكون في تفاعل اكتر ☺️ و الكل يعلق ب 10 ملصقات ليصلك الجزء التالي ☺️
•تابع الفصل التالي "رواية اسيرة قلبي" اضغط على اسم الرواية