رواية منقذي (كاملة جميع الفصول) حصريا عبر دليل الروايات بقلم ملك شكري
رواية منقذي الفصل الاول 1
____________________<•••>____________________
هي بنت بسيطه هاديه جداً اتخذلت من ناس كتير واولهم باباها واعمامها ملخصه حياتها ل مامتها وبس
هو شخص جادي جدا كل حياته شغل ورياضه عايش لوحده ملخص كل حياته ل شغله وبس
______________________________________________
في احدى المساجد
كان في بنت بتعدل الحجاب بتاعها وبتقول ل مامتها:ياماما استنى اعدل الحجاب وبعدين الشيخ لسه بيكبر الصلاه مش هتبدأ دلوقتي
الأم:طب يلا ياليان عايزه الحق ياحبيبتي
ليان وهي بتقف قدام ازاز عربيه وبتبص فيه وهي بتعدل حجابها:حاضر هخلص اهو..
قطع كلامها ازاز العربيه وهو بيتفتح وجوا العربيه شاب وسيم اوي وملامحه جاده جداً:في خصله من شعرك باينه على فكره اعدليها بقا....خلص كلامه وقفل ازاز العربيه مره واحده
ليان برقت بصدمه وخجل:اي ده
اتعدلت بسرعه وقالت ل مامتها:ي ي يلا ياماما يلا
جوا العربيه
بص زين على البنت دي وابتسم لا ارادي
مامته كانت متبعاه وقطعت شروده:زين يلا ياحبيبي ننزل
زين:لي ياماما طلبتي اجيبك تصلي هنا مكنت بوديكي جامع ارقى كتير عن ده حصل اي يعني
غاده:زين انا بنزل مصر ف العيد عشان الاجواء بتاعه الناس والشوارع والفرحه الي بين الناس الطيبه مش بدور على الرقي والناس الهاي...كفايه عايشه معاهم ليل ونهار
زين اتنهد:ماشي ياماما يلا ياحبيبتي ننزل
نزل زين مع مامته ووصلها لحد صف السيدات وكانت مامته واقفه جمب ليان وامها
بص ل مامته:هدخل انا الجامع جوا ياماما ولما نخلص هخرج اخدك
وقبل ما يمشي بص على ليان وشاورلها على شعرها وبعدها مشي
ليان اتحرجت ولمست الحجاب لقت الحجاب شويه وهيقع رفعته بسرعه وظبطته
خلص الشيخ التكبيرات وابتدت الصلاه وبعد وقت خلصت الصلاه وخرج زين لقا الاطفال بتجري ورا بعض بالصواريخ وهما فرحانين
بص زين عليهم وافتكر ايام طفولته
خرج ل مامته الي قالت:زين هات الشنط من العربيه عشان نوزع على الناس ياحبيبي
زين:حاضر
راحت ليان خدت شويه شنط عشان توزعهم على الناس وكانوا تقال على ايدها جامد
كانت ماشيه ولسه هتقع لقت الي بيسندها ب ايده وبالايد التانيه بياخد الشنط من ايدها
ليان:في اي انت بتراقبني ولا اي
زين بجديه كعادته:انا غلطان كنت سيبتك تتقلبي زي بطرمان المخلل
ليان:انا بطرمان مخلل
زين بعند:اه..وهاتي الشنط دي عشان متتقلبيش تاني
ستوووب[زين المحمدي 29سنه عيونه عسلي فاتح شعره اسود لامع طويل جسمه رياضي جداً بشرته خمريه مايله للبياض نوعاً ما]
خد الشنط بكل برود وراح ناحيه ما كانت ليان واقفه وكانت واقفه ست وخمن انها والدتها
فايزه:مين ده يا ليان
ليان لسه هترد رد زين:كانت هتقع خدت الشنط ووصلتها هنا عن اذنك
ومشي بكل برود
ليان:رخم
ابتدت ليان توزع على الأطفال وكانت بتلعب معاهم وبتضحك معاهم بطفوله غافله عن العيون الي بتتابعها
بعد وقت روحت ليان بيتها هي ومامتها
فايزه:والله يوم حلو
ليان بفرحه:ايوا اوي
ستووب اعرفكم على ليان[ليان 20سنه خلصت ثانويه عامه بمجموع كبير واختارت كليه هندسه لان ده حلم مامتها عيونها خضرا بشرتها بيضا طولها قصير مايل للمتوسط عندها غمازات بتميز ضحكتها شعرها سلوك من الدهب طويل رموشها طويله]
~نرجع للروايه💖~
خبط الباب
ليان بستغراب:مين الي جاي بدري كده
فايزه:معرفش شوفي مين
راحت ليان فتحت الباب ولما شافت الي بيخبط اتجمدت مكانها بخوف:ع ع عاصم
عاصم ببرود:كل سنه وانتي طيبه يابنت عمي...اي مش هتقوليلي ادخل
جت فايزه ورا ليان:عايز اي ياعاصم اي الي جابك
عاصم وهو بيبص ل ليان نظرات مش كويسه:جيت اعيد عليكوا يامرات عمي وبالمره اشوف ليان
فايزه بقوه:ملكش دعوه ب ليان ياعاصم ويلا امشي من هنا بدل ما اصوت والم عليك الناس..جاي عايز اي يا ابن يوسف
عاصم:الحق عليا...بس يلا كلها فتره واتجوز ليان وتبقا معايا غصب سواء بموافقتك او بغيرها
ليان حاولت تمثل القوه:و و وانا م مش موافقه ياعاصم و ويلا امشي من هنا
عاصم غمزلها بلذاجه:متخافيش اوي كده انا مبعضش..انا همشي دلوقتي بس هرجع وهمشي تاني بس بيكي وانتي مراتي سلام يامرات عمي
قفلت فايزه الباب ف وشه وبعد ما مشي حطت ايدها على قلبها واتنهدت:استر يارب
______^__^___
عند زين راح الشركه ودخل ل مكتبه بكل هيبه
رنيا سكرتيره زين برقه مصتطنعه:ابعت القوه ل حضرتك يازين بيه
زين بجديه:اه واوراق الصفقه الجديده..حالاً
رنيا:تمام
مشيت رنيا وبعد وقت دخل صاحب زين:حبيب قلبي
زين:عايز اي
مازن:دي مقابله تقابلني بيها يابيبي بردو
زين:كنت فين يازفت
مازن:عديت على امك ف البيت وحشاني
زين:اي امك دي يابيئه انت
مازن بضحك:مش عاجبك طلقني
______^__^___
بعد اسبوعين كانت ليان ف الجامعه ولما رجعت كانت مامتها قاعده تعبانه
ليان بخوف:ماما انتي كويسه
فايزه بلعت ريقها بتعب:ايوا ياحبيبتي كويسه
[فايزه مامت ليان عندها الضغط والقلب..وده بيسببلها التعب دايما]
ليان:مش باين عليكي ياماما قومي يلا نروح للدكتور
فايزه:لا لا لا مش عايزه انا كويسه ياليان خلاص
ليان:لا ياماما قومي يلا
بعد محاولات اقناع كتير وافقت فايزه
وهما خارجين من باب الشقه قابلهم عاصم:على فين العزم
فايزه بتتكلم بالعافيه من التعب:اي الي جابك تاني
عاصم:مش قولتلك هاجي اخد ليان وامشي
ليان بخوف:ل ل لا م م مش ه هاجي ف ف حتى
عاصم بصوت زعق:لا هتيجي احسنلك
فايزه التعب بان عليها اكتر وليان لاحظت ده وعيطت:ط ط طب سيبني اروح ب ماما المستشفى اطمن عليها الأول
عاصم بقلب قاسي:مفيش مستشفيات غير لما تيجوا معايا ونبقا نوديها اي مسشتفى لما نوصل اسكندريه
ليان بعياط:ابوس ايدك سيبني اوديها انت شايف شكلها تعبان ازاي
عاصم:مفيش مرواح يابت بقولك يلاا
مسك عاصم ايد ليان جامد وبيجرها على السلم
حاولت فايزه تزقه بكل قوتها:سيب بنتي بقولك
عاصم زق فايزه جامد:اوعي ياست ياخرفانه
لما زقها عاصم وقعت على السلم الي كانت قريبه منه وفضلت تقع لحد ما وصلت ل تحت
برق عاصم بصدمه
وليان وقفت تترعش:م م م ماما م ماما
صرخت ليان ب اعلى صوتها:ماما ماما
جريت ليان على السلم ولما وصلت ل امها لقتها بتنذف من كل حتى
طلع عاصم يهرب وساب ليان منهاره وحضنه مامتها وهي بتصرخ:الحقونيي امي بتموووت
فتحوا الجيران باب شققهم ولما شافوا المنظر ده اتصدموا:لاحول الله يارب
جري واحد من العماره وده دكتور ف العماره على ام ليان وحط ايده عند رقبتها يشوف النبض وبعد شويه شال ايده بحزن:لاحول ولا قوه الا بالله....ا ا الحجه ي ياليان تعيشي ا انتي
ليان ضحكت بهستيريه: هههه ا انت ب بتقول اي...
يتبععع...
•تابع الفصل التالي "رواية منقذي" اضغط على اسم الرواية