رواية ميراث العشق الجزء (2) الفصل الثاني عشر 12 - بقلم مريم نصار

  رواية ميراث العشق كاملة بقلم مريم نصار عبر مدونة دليل الروايات 

 رواية ميراث العشق الجزء (2) الفصل الثاني عشر 12

 

بسم الله نبدأ

بعد نص ساعه تقريباً .

شاهين . واقف قدام بوابة الفيلا .. وشاف واحد شاب نازل من التاكسي . طول بعرض . ولياقته البدنيه عاليه .. وداخل الفيلا ..وشايل شنطه ع كتفه..

شاهين : وقف قدامه . حضرتك رايح ع فين؟

آدم مراد : رفع طرف عينيه . وقال بعدم اهتمام .. انت جديد هنا مش كدا ؟

شاهين : ابتسم .. ايوه فعلا وده اول يوم ليا . وانا بشوف شغلى .وباقى الحرس جوه بيتغدو .

آدم مراد : طلع كارنيه الكليه ورفعه قدام عين شاهين ومتكلمش ..

شاهين : بيقرا الكارنيه . آدم مراد العدوي.. كليه حربيه.. احم .اتفضل حضرتك. انا بعتذر ..

آدم مراد : هز راسه. متعتذرش انت بتشوف شغلك . ممكن ادخل بقى ؟

شاهين : اتحرك . طبعا يافندم اتفضل ..

آدم مراد : هز راسه تمام متشكر .. واتحرك خطوه . وقال بصوت مسموع . انت جاى من طرف كابتن رعد مش كدا ؟

شاهين : ابتسم . فعلا ياباشا . انا من طرفه ..

آدم مراد : هز راسه . تمام . يا……؟ شاهين ..

شاهين : بدهشه . ايه ده ؟ عرف اسمى ازاى؟

آدم مراد : ماشي ف جنينة الفيلا وظهر شبح ابتسامه بسيطه. وقال.. متفكرش كتير عشان متتعبش .

شاهين : واقف بحيره … وبعدها افتكر الخاتم الل هو لابسه وعليه اسمه ومكتوب بحجم صغير جدا . وابتسم . وقال ماشاء الله . ف ثانيه لمح وشاف اسمي ع الخاتم؟ . واضح عليه أنه ذكي جدا ..

آدم مراد : داخل الفيلا . وجواه حماس متداري . وعيلته وحشاه جدا ..

——————بقلمي مريم نصار

مريم : قامت . انا هروح اقول ل عزيزه . تعمل كيكة النوتيلا . عشان نور .وميرو .. وكمان آرين .. القمر دي وتوتا قلبى ..

آرين : باستها ع الهوا .. والله انتى اجمل ماما مريم ف الدنيا كلها . بحبك اووووووي ..

مريم : ماشيه بتضحك ع آرين .. ورفعت عينيها بالصدفه .. شهقت وفتحت عينيها ع الاخر .. آدم؟

آدم : داخل من باب الفيلا . وعيونه جت ع مريم . وابتسم بسعاده . وقلع الشنطه ونزلها ع الأرض . واتحرك عندها..

الكل انتبه . وفريحه وميرو قامو بسرعه . وقلبهم دق بفرحه كبيره .. وتالين سقفت بفرحه كبيره..

مريم : ضحكت بدموع .. وفتحت ايديها . آدم ابن قلبى وروحي ..

آدم مراد : اخدها كلها ف حضنه . حبيبتى وحشتينى جدا .

مريم : بتعيط بصمت انت الل وحشتنى اوى يانور عيني . حمدالله ع سلامتك ياحبيبى ..

آدم مراد : طلعها من حضنه وباس ع ايديها الاتنين . وباس جبينها . وحشتينى اوى ياماما . عامله ايه ياحبيبتى . ومسح دموعها..

مريم : بتحسس ع دراعاته وكتفه وصدره . انا بخير ياروحي . قولى انت كويس . حصل معاك لاقدر الله اى مكروه . صحتك كويسه طمنى يانور عيني ..

آدم مراد :. والله العظيم انا زى الفل . وجتلك جري . قولت يا آدم مش لازم تطلع ع شركة الحج الأول .

. لأ روح ع البيت وطمن ست الكل . وكمان امي حبيبتي ..

فريحه : من وراه بصوت مبحوح . ودموعها نازله .. همست آدم ابني..

آدم مراد : لف ليها . وابتسم . وقرب منها وباس جبينها . وضمها بحب كبير.. امي وحشتينى اوى..

فريحه : عيطت بصوت عالى . حبيبى قلبى وروحي يا آدم حمدالله ع سلامتك يانور عيني . انت وحشتنى اوى اوى يبنى ..

آدم مراد : طلعها من حضنه وباس ع أيدها . بس بس يا ست الكل بتعيطى ليه دلوقتي ؟. انا قدامك اهو . روقي كدا عشان اسلم ع البت ميرو ..

ميرو : جريت عليه بلهفه واتشعلقت ف رقبته . آدم اخويا حبيبى ..

آدم مراد : رفعها من ع الأرض ولف بيها . مريم حبيبتي وحشانى اوى يابنت اللذين انتى ..

ميرو : بتعيط بفرحه . انت الل وحشتنى اوى يا آدم بجد انا فرحانه اوي انك جيت انهردا ..

آدم مراد : نزلها وباس ع راسها . ومسح دموعها . بس ياميرو . بس ياحبيبتى . بطلي عياط انتى وماما ماينفعش كدا ..

ميرو : ضحكت بدموع الفرح .حاضر ياحبيبى .. آدم انا نجحت انهردا ..

آدم مراد : ضحك بسعاده كبيره بتتكلمى جد ؟. الف مبروك ياروحي . وباسها من خدها وضمها لقلبه . الف مبروك ياحبيبتى..

ميرو : اتنهدت بأريحيه . الله يبارك فيك ياحبيبى..

تالين : جريت عليه بفرحه.. أبيه آدم .. أبيه آدم..

آدم مراد : فتح ايديه وشالها لحضنه ولف بيها كتير. توتا روح قلب آدم انتى ..

تالين : بتضحك بسعاده كبيره . أبيه آدم . الحمدلله انك رجعت بالسلامه.. انا فرحانه اوي يا أبيه ..

آدم مراد : نزلها وباس ع ايديها الاتنين . وابتسم . وانا مبسوط عشانك انتي ياقلبى .

محمد : من الليفنج .. قال مش كفايه بقى سلامات هناك . تعالى يبنى سلم علينا ف ناس موجوده هنا والله ..

آدم مراد : رفع عينيه وابتسم .. لكن عينيه اول ما شافت آرين . قلبه دق بسرعه كبيره . وقرب عليهم . وسلم ع محمد .

محمد : حمدالله ع سلامتك يا بطل . ماشاء الله تبارك الله عليك يا آدم ..

آدم مراد : ابتسم اذي حضرتك يادكتور ..عامل ايه؟

محمد : ربت ع كتفه الحمد لله ياحبيبى ..

آدم مراد : راح سلم ع تيم . وبيسرق نظرات لل فرضت لعنت عشقها عليه .. اذيك يا دكتور تيم ..

تيم : بسعاده كبيره. الحمدلله يا آدم . بجد وحشنى جدا ياوحش .. حمدالله ع السلامه نورت بيتك ..

آدم مراد : هز راسه . الله يسلمك .. واكيد انت كمان نجحت مش كدا؟

تيم : هز راسه ايوه يسيدى الحمد لله ..

آدم مراد : رفع طرف عينيه ل آرين .. الف مبروك ياتيم ..

تيم : ربت ع كتفه الله يبارك فيك. عقبالك إن شاء الله..

آدم مراد : هانت اهي .. وراح سلم ع نور . عمتو حبيبتى عامله ايه؟

نور : ضحكت بدموع .. حبيبى آدم الف حمدالله ع السلامه ياروحي..

آدم مراد : الله يسلمك ياحبيبتي ومسح دموعها وباس جبينها. وراح عند رينو وضمها لقلبه بحب كبير . عمتو لارين حبيبتى ..

رينو : بدموع . آدم حبيب عمتو ياروحي انت . حمدالله ع سلامتك ياقلب عمتك ..

آدم مراد : مسح دموعها . وباس جبينها . الله يسلمك ياحبيبتي .. وبص ع لي لي . وابتسم اذيك يا لمضه هانم ..

ليليان : هههه . آدم اذيك ياواد . وانت داخل علينا كدا . قولت اوبااااااا.

مين الحته الأجنبي الل داخل علينا دا ؟ لا ياجماعه انا هرتبط خلاص .

.يقوم الاقيك انت ههههه . اذيك يا بن عمي . ماشاء الله عينى عليك بارده جدا ههههه..

آدم مراد : يابت افصلي خلينى اطمن عليكي..

ليليان : اختك زى الفل . وكملت بطفوليه وقالت. ونفسها تخرج وتتفسح . والحمد لله انك رجعت بالسلامه . كدا انا ضمنت خروجه لينا وع حسابك ..

آدم مراد : ابتسم . وماله عينيا ليكو . وقرب من آرين باشتياق كبير متدارى . وقلبه بيدق بسرعه كبيره . لكن ظاهر ع ملامحه جمود وجديه .. اذيك يا آرين؟

آرين : بسعاده كبيره الله يسلمك يا آدم . حمدالله ع سلامتك..

آدم مراد : الله يسلمك . عامله ايه؟

آرين : انا كويسه جدا الحمد لله . بجد انت كل اجازه بتنزل فيها بتبهرنا عن المره إلل قبلها . چان بجد . صح يامامي ..

رينو : آدم ابن اخويا طول عمره چان وقمر وكل حاجه حلوه ..

آدم مراد : نفسه يقولها وحشتينى . واكتفى بشبح ابتسامه وهز راسه متشكر..

فريحه : قربت منه بفرحه كبيره.. جعان ياحبيبى ..

آدم مراد : هز راسه لأ ياست الكل . انا بس هطلع اخد شاور وانزل بسرعه ..

فريحه : ابتسمت طيب اطلع معاك . اجهزلك هدومك ..

آدم مراد : باس ع أيدها. لا ياحبيبتي متتعبيش نفسك .. انا هطلع بسرعه ومش هتاخر عليكم .بعد اذنك يادكتور .

محمد : ابتسم . اتفضل ياحبيبى خد راحتك ..

آدم مراد : عيونه ع آرين . واتحرك . وابتسم ل مريم ومسد ع حجاب تالين بهزار وباسها ع الهوا . واخد شنطته وطلع ع فوق ..

فريحه : بلهفه .. ماما انا هقول ل زينب تعمل اكل آدم الل بيحبه .

مريم : ضحكت .. وماله ياحبيبتى . وخليها تعمله عصير المانجا وتجهزو ع ما ينزل ..

فريحه : بسعاده ولخبطه .ا.ايوه . ايوه صح آدم بيحب عصير المانجا . وجريت ع المطبخ بفرحه كبيره ..

——————بقلمي مريم نصار

ف نفس الوقت . فيلا عزيز ..

كريم : ها يابابا .. هنروح نطلب ليليان امتى؟

يوسف : بنفاذ صبر… استغفر الله العظيم يارب . يبنى دي عاشر مره تسالني السؤال ده واقولك ميعادنا بكره . بكرررره . ايه صعبه انك تستوعب؟..

كريم : نفخ بنفاذ صبر. يابابا ياحبيب قلبي . وهي يعنى هتفرق انهردا من بكره ؟

يوسف : ايوه تفرق كتير كمان .. تفرق لأن جدك اشرف ادى كلمه لجدك آدم ..وعيب أننا نرجع ف كلامنا . واهدى يبنى مجتش من يوم ..

مريم : جت وجايبه القهوه . وضحكت معلش ياحبيبي انت عارف كريم عايز كل حاجه تتم بسرعه ..

كريم : ياست الكل بسرعه فين بس ؟ دا انا بقولكو انى اعجبت بليليان من أعدادى .

ده انا اكتر واحد حاسس انى حياتى ابطء من السلحفه نفسها . وتقوليلى عايز كل حاجه بسرعه . انا مظلوم والله ..

مصطفى : بمكر . مش عارف انا . جواز ايه يبنى دلوقتي .

.ولا انت عشان هتخش الجيش خلاص مستعجل ع الجواز .

.. اهدا كدا ياكيمو . واعتبر نفسك داخل الجيش وقدامك ٣سنين وتخلص .. انا بقول ياحج يوسف ايه رايك لو تأجل حوار جواز كريم اخويا ٣ سنين كمان ..

يوسف ومريم ضحكو ع شكل كريم ..

كريم : صك ع أسنانه بغيظ واضح .. وقال بنرفزه اقسم بالله لو ماالحج قاعد كنت علقتك . مااااشي يامصطفى ..

مريم : كاتمه الضحكه . احم بس يامصطفى عيب كدا . كريم اخوك الكبير ولازم تخلى بالك من كلامك معاه مش كل شويه ترخم عليه كدا؟ ..

يوسف : بخبث .. اله . هو مصطفى قال حاجه غلط يامريم . الولد بيقول رائيه مش اكتر .. مش كدا يادرش ..

مصطفى : رقص حواجبه ل كريم . الله ينور عليك يابابا .. انا كنت بقول رأي مش اكتر . ويسلام لو اخدت برأيي ياحج واجلت الجوازه .. وضحك وغمز ل كريم ..

كريم : هز راسه ل مصطفى بتوعد . وقال بحركه من شفايفه بهمس . ماااشي يابتاع چود .. انا هاقول لجدك أشرف ..

مصطفى : بتوتر . احم . انا بقول نطلب ايد ليليان انهارده ياحج .. وخير البر عاجله..

يوسف ومريم بصو لبعض وضحكو ..

مريم : هههه . خلاص ياولاد . زى ما جدك اشرف اتفق هايتم .

.وقومو يلا اطلعو البسو عشان نروح نبارك ل تيم وميرو عند عمو آدم .

كريم : قام وقف بسرعه. ف ثوانى هكون جاهز.

يوسف : بدهشه . الواد ده ماله ملهوف كدا ليه؟

مريم : ههههه معلش ياحبيبى سيبه يعيش حياته بسعاده .. وبصت ل مصطفى . اطلع يامصطفى ياحبيبى . البس عشان جدك اشرف مايستعحلناش . زمانه نازل هو وناناه هنا ..

مصطفى : قام . حاضر يامريوم عشان خاطرك بس . وطلع ..

يوسف : ههههه العيال زى ما تقولى مولودين من فوق روس بعض ..ياستار ايه ده ..

مريم : هههه بصراحه مصطفى ابنك بيعاند كريم كتير . وانت طبعا ع قلبك زى العسل .

يوسف : ابتسم بتنهيده .. وبص قدامه . مصطفى عزيز . مهما يعمل هيكون ع قلبى زى العسل ..

——————بقلمي مريم نصار

فيلا ذياد جمال ..

ماليكه : لبست وجاهزه . واتصلت ع زياد . ورد ..

زياد : الو . حبيبتي.

ماليكه : الو .ايوه يازيزو انت اتأخرت ليه؟

زياد : حبيبتي غصب عني ..انا لسه خارج من المينا مافيش ساعه . بصي كلها نص ساعه واكون عندك..

ماليكه : بصت ف الساعه . وقالت توصل بالسلامه إن شاء الله .. مع إن ياسين ابنك مستعجل جدا .. ولابس ومكهربنا انا وحياة. .

زياد : بتفكير . امم طيب بقولك ايه ياروحي . بما انكو جاهزين .. اسبقونى انتو ع فيلا العدوي . وانا هحصلكم ع هناك ..

ماليكه : ايه ده؟ طيب مش هتتغدى قبل ما نروح؟

زياد : لأ ياروحي . بصي احنا هنبارك ل تيم وميرو . ونخرج انا وانتى والولاد ونتغدى بره ايه رايك؟

ماليكه : ايوه ياحبيبى بس انا عامله غدا ..

زياد : يستى خليه لبكره إن شاء الله . احنا من زمان مخرجناش مع بعض . عشان خاطر حياة بنتك حتى ايه رايك؟

ماليكه : ابتسمت بحب . خلاص ياحبيبى زى ما تحب ..

زياد : ماشي ياحبيبتى . يلا انزلى بقى . ونبهي ع ياسين يسوق ع مهله تمام ؟

ماليكه : ههههه حاضر ياحبيبى مدام انا معاه متقلقش هشدو من ودانه ..

زياد : ضحك .تمام ياروحي . نصايه إن شاء الله واكون هناك . مع السلامه ..

ماليكه : توصل بالسلامه إن شاء الله . مع السلامه ياحبيبى .. وقفلو ..

ياسين : خبط بنرفزه . ياااامااااما لسسسه بدرررى؟

ماليكه : اتخضت . وقامت فتحت الباب . ايه ياواد ي ياسين . حاضر انت مستعجل ليه كدا؟

ياسين : بتوتر . احم انتى متعرفيش الجديد ياماكي؟

ماليكه : بتجيب شنطتها لأ ايه بقى الجديد ياروح ماكي ..

ياسين : آدم مراد . جه انهردا ..

ماليكه : ابتسمت بجد؟ والله خبر حلو جدا. وعرفت منين هو كلمك ؟

ياسين : لأ انا اتصلت ع الدكتور تيم . وقالى إن آدم لسه راجع مفيش نص ساعه ..

ماليكه : طيب الحمد لله . يلا بقى بابا قال نسبقه احنا وهو هيحصلنا ع هناك ..

ياسين : بفرحه كبيره تمام اوى اوى . يلا بينا.

ماليكه : بحيره انا مش فاهمه انت مستعجل اوى كدا ليه؟ المهم هتسوق وأحنا معاك ع مهلك . عشان متنرفزش عليك فاهم ياحضرة الظابط ؟

ياسين : خطف بوسه من خدها .. فاهم يقلب ياسين. بس يلا بقى ..

ماليكه : ابتسمت بحب .. وخرجت وندهت ع حياة . وخرجو ع فيلا العدوي..

——————بقلمي مريم نصار

فيلا الصاوي ..

جاسر : قاعد ع طرف السرير .وجاهز من بدرى .

ملك : لبست وجهزت . حبيبى اخدت علاجك؟

جاسر : ايوه ياحبيبتى متقلقيش ..

ملك : ربنا يشفيك إن شاء الله ياحبيبى . يلا انا جاهزه ..

جاسر : قام . وقفل جاكيت البدله . وانا جاهز . يلا بينا..

ملك : هنستنى مالك وساره . ولا هنمشي احنا .

جاسر : لأ انا هاخد كارما معايا . وهما حرين يحصلونا براحتهم ..

ملك : ابتسمت . تمام يلا بينا.. واتحركو ..

عند مالك .

ساره : خارجه من الحمام .. وبصت ع مالك وقالت ايه ده انت لسه مالسبتش؟

مالك : بص من الشباك. وشاف جاسر اخد كارما وخرجو .. وقال هو اسر فين؟

ساره : آسر مع آركان ف الجيم .. ليه ؟

مالك : بمكر . يعنى احنا لوحدنا ..

ساره : ايوه تخيل ؟وبعدين يلا بقى ياحبيبى . انا انهردا سبت الشركه واخدت نص يوم بس عشان ابارك لعمو آدم ع نجاح احفادو..

مالك : قرب منها . وحاوطها من وسطها . طيب ومالك الغلبان ده مالوش ساعه حتى عندك ؟ ده حتى حرام ..

ساره : بحرج . احم مالك ا.احنا متأخرين و….

مالك : قرب منها وباسها باشتياق كبير . وبعدها حط جبينه ع جبينها وقال.. انتى وحشانى اوى اوى ياساره .

.حرام عليكي انتى بقالك فتره كبيره بعيده عني . انا مش وحشتك ؟

ساره : قلبها بيدق بسرعه . ومحرجه . مالك ا.احنا ورانا مشوار ولاز…………

مالك : قاطع كلامها . وباسها برقه وبشوق كبير . وساره تاهت ف عشقها ل مالك . وقرب منها بحب كبير …

——————بقلمي مريم نصار

فيلا العدوي ..

آدم مراد : ف الحمام بياخد شاور وواقف تحت الدش . وسرحان ف عيون آرين .

.وانها كل ما تكبر بتحلا اكتر .. وغمض عينيه . وعايز يعترف بعشقه ليها . لكن شايف انها لسه صغيره . غير كدا كان أعترف قدام الناس كلها انها ملكة قلبه وبس .

. وقبض ع ايديه بغضب شديد . وكل خوفه من إن تيم وآرين يكونو بيحبو بعض . وقتها آدم مش عارف ممكن يعمل ايه؟

بعد شويه . خرج من الحمام . ولابس بنطلون فقط . ورايح ع الدولاب . وطلع تيشيرت وبيلبسه .

الباب خبط .. ومحدش يقدر يدخل من غير إذن آدم . وده طبع فيه ..

آدم مراد : ادخل ..

فريحه : دخلت بابتسامه .. آدم حبيبى انا كنت طالعه اجهزلك هدومك ..

آدم مراد : ابتسم . لا ياست الكل انا خلاص خلصت ..

فريحه : قربت منه وبتعدل ياقة التيشرت . وقالت بدموع فرح . انا مش مصدقه انك رجعت بالسلامه ياروحي . انت كنت وحشنى اوى اوى يا آدم يبنى ..

آدم مراد : باس ع أيدها . وانتى كمان ياست الكل كنتى وحشانى جدا .. لكن غصب عني سامحينى ..

فريحه : اسامحك ع ايه ياروحي . قلبى راضي عنك ديما .. وبدعيلك انت ومراد ربنا يحفظكو فكل طريق ..

آدم مراد : ربنا مايحرمناش منك ابدا ياحبيبتى..

فريحه : مسحت دموعها وابتسمت . ع فكره جدك آدم وصل تحت . وعمك زين .

.احنا مقولناش ليهم انك وصلت بالسلامه .. خليناها مفاجآه لما انت تنزل بنفسك ..

آدم مراد : بابا آدم ده وحشنى بطريقه رهيبه جدا. طيب ياحبيبتى انزلى انتى . وانا هظبط نفسي ونازل ع طول ..

فريحه : حاضر ياحبيبى . متتاخرش علشان الغدا جاهز .. وخرجت..

آدم مراد : وقف قدام المرايه وسرح شعرو . ولبس الساعه ورش برفانه .. وشغل فونه . وخرج من الاوضه …

——————بقلمي مريم نصار

آدم : ف الليفنج . قاعد وواخد ميرو جنبه ف حضنه . ومبسوط وفخور بيها ..

ليليان : بغيره . وبعدين بقى ف قلة العدل والمساواه دي . اشمعنى ميرو يعنى ؟

كلهم ضحكو ..

آدم : بضحكه . يابت ياغلباويه انتى .. دا انتى اكتر واحده واخده الدلع كله . انتى معايه من الصبح ف الشركه وكمان ف مكتبى .. ومهتم بيكى لحد ما بنروح . وبتتكلمى عن المساواه والعدل ..؟

ليليان : بصراحه يابابا انت مايتشبعش منك ابدا . وبصراحه اكتر انا متغاظه وعايزه اقعد جمبك ..

آرين : بطفوليه يسلام .. وليه انا بقى الل مقعدش جمبه؟

. اشمعنى انتى تقعدى جمبه ف الشركه وهنا كمان وانا لأ ؟

.لأ انا مش هسمح بكدا ابدا . ولا ايه ياتيما ؟

تمارا : بغيظ بصراحه البت ليليان دي مكوشه ع بابا آدم. ولو مالمتش نفسها وبعدت عن حقنا ف بابا انا مش عارفه ممكن اعمل فيها ايه؟

كلهم بيضحكو وبيهمسو لبعض ..

آدم : همس ل ميرو . ايه رأيك مش المفروض اتغر بزمتك . ٣ بنات زي القمر بيتخانقو عليا ..

ميرو : كشرت عينيها وقالت بغيره .. خلى بالك هما ٤ بنات .. لكن الل هتقرب منك اكتر منى صدقنى هقتلها .. انت بابايا وحبيبى انا وبس ..

آدم : بتمثيل الدهشه .. ليه كدا بس يابنتى . بتقطعى عليا ليه ؟

ميرو : ابتسمت . تحب نشوف رأي ماما مريم ف الموضوع ده؟

آدم : ضحك لااا . خلينا كدا عايشين بناكل عيش ف آمان الله . مش عايزين نعد الجثث دلوقتي . ههههه ..

ميرو : هههههه مسيطر يابابا ..

آدم : هههههههه جدااا …

آرين : بغيره كبيره وقفت قدام آدم . بابا آدم ممكن اعرف انتو بتهمسو وبتضحكو ع ايه ؟

مريم : ابتسمت بحب كبير . ع احفادها الل بيعشقو جدهم .وغضب آرين الطفولي…

وقامت من جمب آدم . وقالت أنا هطلع البس إسدال عشان العيله زمانها ع وصول . وغمزت ل آدم ع آرين..

آدم : شاور ل آرين . تعالى ياحبيبت جدك اقعدى جمبى هنا ..

آرين : سقفت يس يس يعيش بابا آدم . البقاء للاقوى .. وقعدت جنب جدها ..

آدم : ضحك عليها . وحاوطها من كتفها . ها مبسوطه كدا ؟

آرين : جدااا يابابا . حضرتك ماتعرفش انا بحبك اوى قد ايه؟

ليليان : بغيره .. بس يابت . محدش بيحب بابا قدى انا .

تمارا : بغيظ … لااا بقى مش عشان أنا ساكته .. حقى ف عشق ال آدم يضيع . انا احتج واعترض ..

كلهم ضحكو ..

آدم : ههههه والله وجه اليوم الل أحفادك يتخانقو عليك فيه يا آدم ياعدوي .

. وكمل وقال . طيب خلاص انا هقسمها .. ميرو وآرين القمر دي هيقعدو جمبى ساعه تمام .

.وبعدها ليليان اللمضه وتيما حبيبتى هيقعدو جمبى ساعه بردو .

اما توتا قلبى تقعد جنبي براحتها. اها . عرض منصف لجميع الأطراف ..

رينو : كشرت عينيها بغيره . طيب وبناتك بقى يسي بابي . انت نسيتنا ولا ايه؟

نور : بغيره اكبر . ع فكره بقى . العيال دى اخدوك مننا . وشكلي كدا هتجه لطرق غير مشروعه . واخطفك ياحج آدم ..

الكل ضحك بصوت عالى ..

——————بقلمي مريم نصار.

آدم مراد : نازل من ع السلم ومبتسم …

آدم : بكبرياء . فعلا الامبراطور اسم ع مسمى . العيال بتتخانق عليا. ولسه اميرتى لما تنزل ..

آرين : مدام فيها اميرتك يبقى الله يرحمنا برحمته بقى .

آدم مراد : السلام عليكم…

آدم : سمع صوت حفيدو . ورفع عينيه بدهشه . وابتسم بسعاده . آدم حفيدي…

آدم مراد : قرب من جدو . اذيك يا بابا وحشنى جدا ..

آدم : قام وقف. وشاف آدم حفيدو بهيبه كبيره . وابتسم واخدو ف حضنه . فتره كبيره . كأنه بيحضن مراد ابنه .. وغمض عينيه وقال حمدالله ع سلامتك ياحبيب جدك.

آدم مراد : ابتسم وضم جدو بحب كبير . الله يسلمك يابابا ..

آدم : طلع حفيدو من حضنه . وربت ع كفته بفخر كبير .. ماشاء الله تبارك الرحمن عليك يا آدم . ربنا يحفظك يبنى . ها قولى وصلت امتى ؟ وليه ماجتش ع الشركه زي كل مره..

آدم مراد : ابتسم . وقال اعذرنى بقى المرادي . انا حبيت اطمن امي … وست الكل عليا ..

آدم : زين ما عملت . حمدالله ع سلامتك ياحبيبى..

آدم مراد : الله يسلمك .. وقرب من عمه زين وسلم عليه . وسأله . فين آريان؟

زين : آريان ف اوضته بياخد شاور ونازل لانه كان ف المينا انهردا .. تعالى اقعد جمبى وحشنى اوى يابن اخويا.

آدم مراد : وانت اكتر ياعمى . وقعد جنبه ..

آرين : بهمس ..بابا آدم . بابا آدم ..

آدم : نعم ياروحي .

آرين : بهمس عايزه اوشوشك ..

آدم : ابتسم . توشوشينى؟ طيب وماله .. وقرب منها عايزه تقولى ايه؟

آرين : هو آدم ابن خالو مراد . ع طول مكشر كدا ؟

آدم : أبتسم . لأ هو بس جد شويه ..

آرين : بهمس . جد ايه يا بابا بس؟ انا سعات بحس انه فجاءه هيطلع مسدس ويقتلنا كلنا . ويدفنا ف الجنينه .ده مش آدم العدوي ده آدم المرعب ..

آدم : هههههههه .

كلهم انتبهوا .

آرين : بغيظ . ياباااابا كدا أهُم أخدو بالهم مننا اهو. ولو آدم شم خبر انى بتكلم عليه . هكون انا اول ضحيه ..

آدم : ضحك بصمت . لأ متخافيش آدم مش كدا ابدا . وانتى عارفه انه طيب جدا . ولا ايه؟

آرين : مطت شفايفها . اممم ع الله حكايته .

آدم : نعم ؟ مين ده قولتى ايه ؟

آرين : لأ يابابا مفيش حاجه . بس عندى سؤال مهم جدا . بجد محيرنى ..

آدم : عارفه لو سؤال تافهه من بتوعك انا هسلط عليكى حفيدى آدم ايه رايك؟

آرين : باست كتفه بتمثل الخوف . نو نو خلاص مش هسال ..

آدم : ضحك شاطره ياحبيبتى ..

آرين : بطفوليه اكبر . بليييز سؤال واحد بس .

آدم : أسألي ولما نشوف اخرتها ..

آرين : بهمس .ليه السبت بعيد عن الخميس مع إن الخميس قريب جداً من السبت .؟

آدم : كشر عينيه وبصلها . وقال . عشان البعيد عنك قريب والقريب منك بعيد صح؟

آرين : هههههههههههه .

آدم مراد : رفع طرف عينيه . وبصلها بغيره ..

آدم : شوفتى بجاوب صح مش كدا ؟

آرين : بصراحه اقنعتنى . هههههه .

——————بقلمي مريم نصار

زينب : جت سي آدم بيه الغدا جاهز ..

آدم : قام وقف .. يلا بينا ياشباب ..

الكل قام . ومريم نزلت . والكل قاعد بيتغدى ..

آدم ومريم وأولاده ع سفره ..

والأحفاد كلهم ع سفره ..

فيلا السيوفي ..

عند طارق

طارق : لابس وقاعد ف نص السرير .. وبينفخ بغيظ كبير . يااااارب تنجزى يارنا . ياااارب تخلصي ف ام اليوم ده ..

رنا : بتلبس . حاضر .اصبر شويه ..ياستار عليك راجل ..

طارق : بغيظ . اصبر عليكى . تصدقي بالله؟ هتصدقى إن شاء الله . إن أمنية حياتى اشوفك لابسه ومجهزه نفسك قبل منى .. روحي يابعيده الهي تنجزى وتلبسي قبل منى ..

رنا : ههههه .. ياحبيبى خلاص اهو .. فاضل الحجاب ..

طارق : رفع ايدو لفوق . يااارب انا مش طالب كتير . غير الوليه دى تنجز . وتبطل الروح الطويله دي ..

رنا : كشرت عينيها بغيظ . ولفت ليه . جرا ايه ياطارق . ماتهمد بقى شويه. اييييه؟ ساعه عمال تتكلم في نفس الحوار .. بلبس هو انا يعنى بتدلع . اووف .

طارق : اه. ده الل بناخدو منك . صوت وخلاص ..

رنا : شهقت بصوت عالى . شوفو الراجل .. هتخلينى احلف منا رايحه ف حته ايه رايك بقى؟

طارق : بغيظ مكبت . ورفع راسه لفوق وقال بهمس .كلما زاد “نكد” الست، زاد معه “استغفار” الرجل لربه؛ فيكون هنا “نكد” الست رزقً لجوزها.

رنا : كشرت عينيها اممممم بتقول حاجه ياطارق؟

طارق : ها؟ احم ايوه بقول . ياروحي انتى تلبسي برحتك . وخدى وقتك . دا انا بكون منشكح كدا وانتى بتلبسي ف 5 سعات يسلام . جايه ع نفسك والله ..

رنا : كاتمه الضحكه . احم .. ايوه كدا اتعدل . ولولا مريم حفيدتى نجحت انا ممشيش معاك ف طريق . بتفضل تتخانق مع دبان وشك . اهدا شويه ..

الباب خبط .. ودخلت چود . مسا مسا عليكوووو ..

رنا : رفعت راسها للسما . كتير عليا والله يارب . اهلا بحفيدتى الل جايالى من المدبح ..

چود : يلهوز انتى لسه بتلبسي ياماما . الله يكون ف عونك يابابا .. وراحت قعدت جنبه .

طارق : بهمس هشش اكتمى عشان كلمه زياده . هتعلن علينا الحرب ..

چود : اوووف وبعدين يابابا . ده الحج فارس ورودي هانم لابسين وجاهزين . والواد چواد اخويا لابس وقاعد ف العربويه ..

طارق : ف العربويه؟ اسكتى يابت انتى عشان أنا ع أخرى من الوليه دي..

چود : إلا . قولى يابابا صح . هي ماما رنا شخصيتها جد كدا ع طول؟

طارق : جد ايه يابت؟ دى زمان اول ما شوفتها كانت مهيبره ودماغها طاقه بعيد عنك .

.بس بعد الجواز عملت حادثه بسيطه كدا . قلب معاها شخصيه رخمه . عارفه انتى فيلم اللمبي الل بالي بالك ؟

چود : ههههه اه بتاع فيحاء . وانا رميو ههههه.

طارق : الله ينور ع امك . هو ده . شوفتى اللمبى لما عمل حادثه . ودخل ف بوقه واحد وتقمص دور الظابط رياض ..

چود : ههههه شت انا رياض البنطلونى . اصغر مدير سجن ف تاريخ البنئادمين ههههه.

طارق : ايوه شاطره يابت . اهو ستك عملت حادثه زمان . دخل ف بوقها واحده نكد . ومن ساعتها وهي كدا ..

چود : هههههههههههه .

رنا : سامعه الحوار . ولبست الحجاب . وقربت منهم . وقالت بغيظ .

.ماهو ده الل انت وهي فالحين فيه . تريقه وحورات فاضيه . انا هسيبلكم البيت ده ومحدش فيكو هيعرفلى طريق ايه رايك بقى ؟

طارق : قام بسرعه . ومسك ايدها وباس عليها . اخيرا لبستى ياقلب طارق .. إنجاز والله إنجاز ..

رنا : شدت ايدها بنفاذ صبر .

طارق : بغمزه . واهون عليكى تسبينى لوحدى يارانوش . ده انا طارق يابت . العشق يانوسه..

رنا : غصب عنها ضحكت .. ياخرابى عليك راجل ..

طارق : همس ف ودنها.. انما ايه الحلاوه دي يابت . يابياض التلج انت ياقشطه .

چود : وقفت ع السرير . وقالت بمرح . تلاته بالله العظيم ماهو تمثيل واهو بحق وحقيق . ما تيلا بقى اجودعان اتأخرنا ..

رنا. : شهقت وحطت ايدها ع قلبها . يلهوى شوفت البت ياطارق .

. وبصت ع طارق شافته بيغمز لچود بهزار .. رنا قالت وانا هشتكي لمين؟ امها هبله وجدها حالته متأخره .. الله يكون ف عونك يافارس يبنى ..

فون چود رن . وكانت رنة فونها شعبى .

.

( مع السلامه لل عايز يمشي . المركب الل تودي مترجعشي وعادى وعادى وعادى ..)

رنا : فتحت عينيها بدهشه .. ايه الرنه ده ياچود ؟

چود : بكبرياء . دي كارما بتستعجلنى . وده مهرجان للمطرب العالمي اوشا الصغير وعمر حفظى ياماما . وبتغنى وتقول كلمات المهرجان ..

رنا : بصت ل طارق …

طارق : هز راسه ليها معلش يارانوش عيال صغيره..

رنا : قعدت ع طرف السرير بغضب . انا مش رايحه ف حته ياطارق . اتفضل خد چود وروحو انتو . بجد كدا كتير . انت هتفضل لحد امتى كدا ..

طارق : ايه بس يارنا ف ايه ياحبيبتى؟

رنا : ف إن كدا غلط ..وتصرفات چود كلها غلط .ماينفعش وايه الرنه الزفت الل هي حطاها دي ؟ وانت بدال ما تعقلها بتقول صغيره؟

چود : ايه بس ياست الكل انا مش فاهمه زعلتك ف ايه ؟ ده انا حبيبتك والله..

رنا : بغضب واضح .. بت ياچود . نغمة الفون دي تتغير . يا إما والله العظيم . انا هاخد منك الفون ده وهكسرو قدام عينيكي انتى فاهمه ..

چود : تنحت من طريقة جدتها ..

طارق : بغمزه ل چود . ايوه صح انتى كلامك صح جدا يارنا . احم چود غيرى الرنه دى .

.وحطى دعاء ولا اى حاجه غير الاغانى دى . من امتى واحنا بنحط اغانى ها؟

چود : كشرت عينيها وقربت من طارق وهمست ف ودنه . والله يابابا طارق؟ اومال مين الل طلب منى ابعتله مهرجانات ع الواتس اب ها؟

طارق : بهمس هشش اكتمى عشان كلمه زياده مننا ستك هاطين عيشتنا . ومشي حالك وعيشي اشطا ..

چود : رفعت حاجبها . ماشي عشان خاطرك انت بس . احم وبصت ل رنا .

.حاضر ياماما انتى تؤمري ياست الكل ياقمر. انا هغير الرنه دي . بس والله ماتزعلي نفسك .. وهو احنا عندنا كام رانوش ف العيله يعنى ؟ هي واحده بس . وچود حضنت رنا بمرح .. يلا بقى فوكيها يامااااامااا .

رنا : بشبح ابتسامه . احم غيرى النغمه دى قدامي حالا . يا اما…….؟

چود : والله ما انتى مكمله . حاضر اهو . غيرتها عشان خاطر عيونك .. نمشي بقى ؟

طارق : رانوش حبيبتي . يلا بقى . العيله كلها زمانها هناك دلوقتي….

رنا : قامت بنفاذ صبر . يلا ياخويا . ديما مستعجل كدا ؟

طارق : ابدا ياروحي فين الاستعجال ده . تحبى تريحيلك ساعتين كمان ؟ خلاص الساعه ٤ ريحي واصحيكي ع ٦ لو عايزه..؟

رنا : نفخت بنفاذ صبر . استغفر الله العظيم يارب ..واتحركت .

طارق : متهوره بس قمر .. ااه يابنت عزيز عسل قشطه ف نفسك كدا ..

——————بقلمي مريم نصار

بعد فتره . ف فيلا العدوي ..

كل العيله وصلت وسلمو ع آدم مراد . وانبهرو بيه . وفرحانين لوجوده .. ومتجمعين مع بعض .

والأحفاد كلهم ف جنينة الفيلا ..

تيم : ماشي مع الشباب . وقال . نازل اجازه قد ايه يا آدم؟

آدم مراد : حط ايدو ف جيبه وقال . ١٥ يوم إن شاء الله . يادكتور ..

آريان : احسن حاجه بجد . هيبقى احلى ١٥ يوم . انت الل بتشجعنى ع التمرين ف النادي ..

آدم مراد : ليه بس يادكتور .وانت ماشاء الله عليك انا شايف إن لياقتك البدنيه عاليه ولا انا بتهائلى ..

آريان : لا عندك حق . انا ف الدراسه كنت بروح الجيم بالعافيه ومش ديما كمان ..

.يعنى جامعه الصبح . وبعد الضهر بروح الشركه مكنش ف وقت .. لكن وقت الاجازه بروح يوميا . لكن وانت معايا هتشجع اكتر ..

تيم : فونه رن وأستاذن الشباب وراح يتكلم ..

آدم مراد : بص ل آريان وقال . الف مبروك ياض يا آريان عرفت انك اتشجعت وهتخطب تمارا اخيرا ..

آريان : ابتسم الله يبارك فيك يا اتش . وبعدها كشر عينيه مين الل قالك؟ آرين مش كدا؟

آدم مراد : لأ مش هي . الل قالى عمتو ريتال حبيبتى الل مبتخبيش عليا حاجه ..

آريان : هرش ف قفاه بحرج . والله كنت هقولك بس ع رواق يصحبى انت عارف انى مبخبيش عليك حاجه ..

آدم مراد : ابتسم ولا يهمك الف مبروك يصحبى ..

آريان : الله يبارك فيك .. وشاف تمارا واقفه لوحدها . احم طيب بقولك ايه يا آدم ثوانى وجاي اشطا .

آدم مراد : ضحك بصمت و هز راسه تمام روح بس خلي بالك .

آريان : كله ع الله . ومشي ..

كريم : ايه يادفعه . عامل ايه يانجم ..

آدم مراد : اهلا بالعريس المنتظر .. مبروك يا كيمو .

كريم : الله يبارك فيك وعقبالك كدا افرح فيك قريب .

آدم مراد : لا انا لسه مشواري طويل ..

كريم : ع الله حكايتك يانجم . ويعالم . كل شئ باوان ..

آدم مراد : شاط حجر برجله . وهز راسه . ونعم بالله ياكريم ..

——————بقلمي مريم نصار

ليليان : بقولك ايه ياميرو . انا عايزه أخرج . وبابا آدم مبيأمنش علينا غير ف وجود آدم اخوكي ..

ميرو : ايوه وانا كمان بجد نفسي اتفسح اوى . بس انتى عارفه إن العيله كلها موجوده . ومش هينفع نخرج ..

ليليان : تؤ لا هينفع . وانا بجيب فونى من جوه دلوقتي . سمعت جدو جاسر أنه هيستاذن وماشي عشان عندو زياره لأصدقاء ليه.

. وكمان عمو زياد . وباقى العيله مش هتقعد كتير .. احنا نخرج ع الساعه ٨ ايه رايك؟

ميرو : هزت كتفها موش عارفه.. الرأى هيرجع ل آدم وتيم ف الاخر ..

ليليان : كشرت عينيها بتفكير . امممم . لأ ماهو انا لازمن أخرج . بدال ما اقلب عليكو انهردا . انا هروح أقنع اخويا دومي حبيبى . سلام يابت .. وسابتها وجريت بسرعه ع آدم ..

ميرو : ههههه مجنونه رسمي ياليليان ولو سمعك وانتى بتقولى يادومي دي هيقتلك ..

ياسين : من وراها ..قال بحرج . مساء الخير يا مريم ؟

ميرو : لفت وابتسمت بعفويه . اهلا مساء الخير. اذيك يا ياسين عامل ايه؟

ياسين : قلبه بيدق .. وبيحب لون عيونها الصافى .. وقال الف مبروك يادكتوره ..

ميرو : الله يبارك فيك. وعقبالك كدا إن شاء الله . وتشرف العيله كلها . وتكون احسن ضابط شرطه ف مصر كلها ..

ياسين : احم . إن شاء الله .. ع فكره . ا.انا .. انا فرحت جدا لنجاحك يامريم ..

ميرو : حست بنبرة صوته . ولمعة عينيه .. لانها اكتر واحده عشقانه .. ولكن اتصرفت بنضج . وقالت . ميرسي جدا لحضرتك .. احنا اخوات ولازم نفرح لفرح بعض . وخصوصاً افرح لاخويا الصغير

انا بفرحلك زى آدم اخويا بالظبط . احم اومال حياة فين انا مش شايفاها ..

ياسين : اتنهد بتعب .. وهمس اخوات؟ وهز راسه ليها تمام. احم حياة مع كارما وتالين بعد اذنك لأن بابا رن عليا . لاننا خارجين ..

ميرو : ابتسمت . اتفضل .

ياسين : اتحرك بإحباط ومشي .

ميرو : عيونها لمعت بدموع . وبصت ع ياسين .. وقالت انا أسفه ي ياسين. حاولت أخطي خطوه معاك لكن قلبى مقفول ع تيم . انا عايشه ع امل واحد بس. وهو تيم . اسفه بجد سامحنى ..

ورفعت راسها للسما . وقالت

“اللهم وإن إستحالَت.. بأمرك تكون.”

ليليان : بتجري ووقفت قدام آدم . وقالت بعفويه . واد يا آدم يادوم…. احم انت يعسل هتخرجنا مش كدا ؟

آدم مراد : . ع فكره يالمضه كريم كان واقف جمبي . وشوفتك جايه تجرى زى الهبله . قولت بس اكيد هتعك الدنيا . وكريم هيشوف شغله معاكى ساعتها … فخليته يخلع بالطريقه ..

ليليان : بكبرياء . يشوف شغله مع مين يايبنى انت . وكملت بتمثيل الزعل . وبعدين يا آدم انت هتسمح ل كريم انه يجي ع اختك ليليان ..

آدم مراد : وحياتك لا كريم ولا غيرو . يقدر يمس شعره واحده من بنات العيله . وخصوصاً بنات العدوي .. انتى اخت آدم مراد العدوي . يعنى صعب جدا الل يزعلك يا هبله ..

ليليان : هههه عسل عسل يادومي … احم اسكت يالسانى ..

آدم مراد : بتحذير . عارفه لو قولتى دومي دى تانى ساعتها انا ممكن اتغابى عليكي وحسابك هيبقى صعب جدا معايا . وانجزى عايزه ايه؟

ليليان : بخوف . حاضر حاضر . والله ما اقصد . وكملت ببراه . انا وميرو وتمارا و آرين عايزين نخرج بلييييز بليييييز ..

آدم مراد : بتفكير .. وقال بصمت آرين ؟ امممم وهز راسه ليها تمام يالي لي . لكن هنخرج شويه لما العيله تتحرك من هنا . انا هتكلم مع بابا آدم ..

ليليان : سقفت بفرحه . حبيبى انا ياناس…

آدم مراد : رفع طرف عينيه . وشبح ابتسامه . وقال اوبس . كريم واقف وراكي وشكله سمعك ياليليان هانم ..

ليليان : فتحت عينيها بصدمه . وبلعت ريقعا بصعوبه . احم قول والله العظيم كريم سمعنى؟

آدم مراد : والله كريم سمعك .. يلا اطير انا بقى . واروح اشوفلى حاجه اشربها . سلام . ومشي وهو بيضحك ..

ليليان : بهمس ولا يا آدم . انت رايح فين ؟ خد يالا .. وبتلف بتوتر .. وشافت كريم واقف وراها . ومتغاظ جدا ..

كريم : قرب منها . انتى قولتى ايه ل آدم ياليليان؟

ليليان : بتوتر : احم ا.انا ما . ما ..

كريم : انتى هتمأمأي ياليليان ..

ليليان : شهقت بصوت مهموس .. ايييه؟ هامأمأ ؟ قصدك ايه ياكريم ؟ انا معزه ياكريم ؟

كريم : لا مش قصدى كدا . لكن انتى بتنقطينى بالكلام ..

ليليان : قالت جواها . اثبتى ع موقفك عشان انتى الل غلطانه . وهيسمعك كلمتين ف جنابك.

. ايوه جتلى فكره .. ومثلت انها هتعيط .. ميرسي جدا ياكريم . يعنى قبل ما تتقدملى بيوم . تشبهنى بالمعزه؟اومال بقى لما اوافق عليك ؟

هتعمل ايه هتمد ايدك عليا؟ طيب كويس جدا إن حصل كدا واحنا لسه ع البر .. ميرسي جدا ياكريم …اهئ اهئ اهئ ..

كريم : تنح وفتح بوقه. لسه ع البر؟ انتى يابنتى هتقلبى الموضوع انتى الل غلطانه ع فكره .. ازاى تقولى ل آدم حبيبى؟ انتى ازاى تنطقى كلمه زي دي؟ دا انا الل بموت فيكى . ممرمطانى عشان اسمع كلمه منك .. تقولى لسه ع البر؟

ليليان : بحيره . احم ا.انا مش قصدى اقول حبيبى بالمعنى ده . انت عارف ان انا وآدم متربين مع بعض وانا اكبر منه .. يعنى اخويا الصغير. وا….

كريم : مسح وشه بايديه. وقال بتحذير. اول واخر مره يالي لي . اسمع منك كلمة حبيبى دى لغيري انتى فاهمه ؟

ليليان : وشها احمر جدا . وهزت راسها احم اوكي ياكريم ومثلت الزعل ..

كريم : بنفاذ صبر. ياليليان انا بحبك اوى وبغير عليكى من نفسي . عشان خاطرى خلى بالك من كلامك مع شباب العيله بعد كدا . عشان خاطرى لانى ممكن اتغابى عليكي ياحبيبتى تمام ؟

ليليان : صكت ع أسنانها بغيظ مكبت . تمام حاجه تانى ؟

كريم : ابتسم لغيظها . ايوه .

ليليان : بغيظ . خير ؟

كريم : بحبك يا لي لي..

ليليان : قلبها دق جامد وجريت من قدامه بسرعه…

كريم : حط ايدو ع قلبه اااه بحبك اوى ياليليان ..

مصطفى : من وراه وانا بموت فيك ياكيمو ههههه ههههه..

كريم : صك ع أسنانه بغيظ مكبت . وقال تعالالى دا انا هشلفطك انهردا . بقى انت يالا بتقول لابوك يأجل الجوازه ؟

مصطفى : بكبرياء طبعا يبنى . باشاره واحده منى اعطل الدنيا ..اومال ..

كريم : هز راسه هتعطل الدنيا تمام تمام . هوب مره واحده كريم اداله لكمه ف وشه ..

مصطفى : ااااه . ااااه ياعينى منك لله ياكريم..

كريم : بتحذير . كلمه زياده هخليك متشوفش قدامك .. وغور من وشي عيل بارد ورخم .. وسابه ومشي ..

مصطفى : اااه ياوشي . فينك ياكوثر ..

بعد شويه . الكل استأذن ومشي .

——————بقلمي مريم نصار

آدم مراد : قال . بعد اذنك طبعا يابابا انت وست الكل . كنت عايز اخد اخواتى ونخرج شويه ..

آدم : هز راسه تمام مفيش مشكله ياحبيبى . لكن مين الل عايز يخرج ..

تالين : موش انا . انا هفضل هنا مع تيته وماما .

مريم : ربتت ع ايديها حبيبتي ياتوتا ربنا يكملك بعقلك ياروح تيته ..

ليليان : رفعت أيدها انااااااا

آرين : وانا بلييزززز انا كمان عايزه أخرج ..

تمارا : بحرج عشان آريان قاعد . احم . وانا ..

آدم : بص ل ميرو. وانتى ياروحي مش عايزه تخرجي؟

ميرو : ابتسمت بحرج . زى ما تحب يابابا ..

آدم : تمام . يبقى كل واحد هياخد أخته وهيخرج . لكن كلكو مع بعض . ومتفارقوش بعض ثانيه واحده .

آرين : واااو . انا عايزه اروح السينما بلييييز ..

كلهم ضحكو ..

رينو : بتوتر . شدت آرين. اقعدى هنا . انتى ناسيه إن باباكي لو عرف انك هتخرجي . هيبهدل الدنيا .

آرين : بزعل مااامي ارجووكي . آركان وتيم وآدم معايا. بليز انا كنت مطحونه ف الامتحانات ارجووووكي ..

آدم مراد : عمتو . متقلقش آرين هتكون تحت عينى . واوعدك مش هيحصلها اى حاجه ..

آرين : بفرحه ميررررسي كتير يا آدم ..

آدم : خلاص يارينو ياحبيبتى. حفيدي بما أنه وعد . هينفذ . لكن يا آدم انت هتخرج بالعربيه . ممنوع الريس دلوقتي .

آدم مراد : تمام ياحج زي ما تحب . كدا كدا الريس مش هينفع واحنا كلنا مع بعض ..

آدم : تمام . تيم هياخد تمارا . و آرين و آركان معاه ف العربيه. وانت يا آدم خد ميرو وآريان وليليان معاك .. ف العربيه ..

آدم مراد : بغيره كبيره مكبوته. هز راسه تمام .

مريم : يلا يابنات كلكو اطلعو البسو عشان متتاخروش ..

البنات كلهم طلعوا بسرعه .

آدم مراد : بغضب . انا طالع اغير هدومي . وطلع بسرعه ..

آدم : اتنهد .. وبص ل مريم وسكت ..

محمد : تيم . خلي بالك من تيما اوعى تسيبها لوحدها فاهم؟

تيم : متقلقش يادكتور . تيما ف عينيا ..

بعد شويه الكل لبس وجهز .وخارجين من الفيلا .

آدم مراد : ركب عربيه فخمه جدا .. وآريان جمبه. وميرو وليليان معاهم . وخارج من بوابة الفيلا وبص ل شاهين ف نظره غامضه ..ومشي .

تيم : ركب العربيه . و آركان جنبه . وتيما و آرين معاهم …

——————بقلمي مريم نصار

شاهين : واقف بعيد عن باقي الحرس وسرحان ..

عوض : شايل صينية قهوه . وبيقدم للحرس .. وشاف شاهين واقف لوحدو . وراح عندو . اتفضل قهوتك ..

شاهين : انتبه .. ها؟ اه تسلم ياريس . واخد القهوه . جت ف وقتها ..

عوض : بألف هنا . انت بس لو احتجت ل ايوتها حاجه. نادي عليا طوالى ..

شاهين : تسلم يا….. اسم الكريم ايه؟

عوض : محسوبك الريس عوض . انا هنا الجنانينى وكمان بجيب طلبات البهوات الكبار . وانت اسمك ايه؟

شاهين : بيشرب القهوه . وقال اسمي شاهين ياريس عوض .وقعد .احم اقعد ياريس عوض لو انت مشغول؟..

عوض : ولا مشغول ولا حاجه . وادي قاعده اني كدا كدا . زهقان العيال عاملين دوشه ..

شاهين : ماشاء الله عندك اولاد ؟

عوض : ايوه احمد ودعاء ..

شاهين : ربنا يخليهوملك يارب . إلا قولى ياريس عوض . انت شغال هنا من زمان ؟

عوض : يااااه انى هنا من سنين طويله . اتجوزت هنا ف الفيلا . وسيدي آدم بيه الله يكرمه بنى ليا البيت الل ورا الفيلا ..

شاهين : اممم . ع كدا تعرف كل واحد من عيلة العدوي؟

عوض : كشر عينيه …. انت عايز تعرف ايه ؟ وبتسال ليه؟

شاهين : اهدا ياريس عوض . انا بسال عادي . انت عارف ان ده اول يوم ليا هنا . وماشاء الله الفيلا كان موجود فيها ناس كتير جدا . وكل واحد اقوله رايح فين . يطلع من العيله . لكن الل محيرني إن اسم العيله العدوي . وسمعت يعنى احم الاحفاد كلهم بيعتبرو بعض اخوات . انا طبعا مقصدش حاجه . لكن انا كنت واقف وبراقب الجنينه من الداخل والخارج .. فسمعت غصب عني . رغم إن العائلات مختلفه . وكمان حسيت و آدم باشا الصغير .. خارج من شويه بصلى كتير جدا ههههه ساعتها استغربت شخصيته ..

عوض : لا انت متستغربش . اني اقولك . الل اني عرفتو زمان إن عيلة العدوي ناسبو عيلة عزيز . وعيلة عزيز ناسبو عيلة الصاوي. وعيلة السيوفي ناسبو عيلة عزيز . وكلهم بقو عيله واحده . والل جمعهم كدا . سيدي آدم بيه . والبهوات ولادهم . كبرو ع أنهم كلهم اخوات برضو . وكل العيله دي ناسبو بعض من تانى . ودلوقتي موجود الاحفاد وكلهم برضو ماشيين ع نفس الطريقه إن كلهم اخوات وعيله واحده.

آركان باشا . متربي هنا ..ورغم صغر سنه إلا أنه بيحب تربية الكلاب. والكلب ماكس مدربه كويس اوي . وعندو كلبين ف بيت المزرعه . تحس انهم وحوش مش كلاب .وسي آركان مجدع ورجوله .

آريان باشا . طبعه هادي بس وقت غضبه تقول ع نفسك يارحمن يارحيم . بس رجوله ومجدع .

أما آدم باشا الصغير .. غضبه من نار . وقراره من دماغه . وهو الوحيد الل يقدر يغير قرار سيدي آدم بيه . عشان دماغهم واحده .

هو طيب وقلبه كبير والله . بس عندو شويه حجات كدا مايسامحش فيها أبدا. لو حد مثلا . دخل اوضته من غير ما يسمحله بالدخول .

. ومحدش فينا يقدر يهوب ناحية صالة التدريب بتاعته ف الاوضه التانيه الخاصه ليه هو وبس .

.ولو حد من الشغالين هوب ناحيتها يبقى نهارو مدوحس .

.عندو مكنة الريس بتاعه ده اغلى من اى عربيه موجوده .

.وكمان لما بنروح كلنا بيت المزرعه . عندو حصان اسمه سهيل اسرع حصان ف المزرعه.

.محدش يعرف يروضه غير آدم باشا الصغير وبس .

. ومبيحبش يكرر كلامه كتير. ولو حصل اى مشكله او حد أتعرض لحد من بنات العيله بيضرب وهو ساكت .

. وماشاء الله عليه بيضرب نار من ع بعد أمتار ويصيب الهدف . اومال ايه . اصل انت متعرفش ابوه سي مراد باشا هو الل مدربه ع النيشان وضرب النار . حاجه كدا عظمه .

. وسي الدكتور تيم باشا مايتخيرش عنه بس سي تيم باشا . هادي وبيصاحب الكل وبيخاف ع مصلحة الكل . وعندو حصان اسمه صعب كدا مش فاكرو..ومحدش يقدر يهوب جمب منه غيرو هو وبس .

بص هي عيله كدا كلها عظمه والله . الله اكبر عليهم ..

شاهين : بيسمع . وسرحان بتفكير .. وعايز يسأل عن أهم واحده شغلت تفكيرو . . احم ماشاء الله ربنا يزيد ويبارك …

.وف لحظة غباء منه قال. احم طيب كدا عرفنا الشباب . طيب وال….. احم اقصد الدكتوره مريم . يعنى اقصد …

عوض : قام وقف بخوف ..هششش وطي صوتك لحد يسمعك من الحرس وساعتها هيبلغ سيدي آدم بيه وانت تروح ف داهيه .

. اسمع انت شكلك طيب وابن حلال . واني هنصحك نصيحه لوجه الله .

اوعاك تسأل اى مخلوق عن بنت من بنات العيله دي بالذات.

. سيدي آدم بيه لو عرف ان حد من الحرس أو اي حد .. جاب سيرة اي واحده من احفادو أو الحريم عموما هيخلص عليه . ومش بهزر معاك . الحريم ف العيله دي كلها خط احمر ..

عوض : اني هقولك الخلاصه . سيدى آدم بيه . بيصلى الفجر ف الجامع هو وزين باشا والأحفاد . وبيرجعو من صلاة الفجر يعملو رياضه . وكلهم يجرو ف الجنينه دي كلها ساعه كامله . وبعدها يدخلو صالة التدريب الكبيره كلهم يتدربو فيها . أما آدم باشا الصغير . بيتدرب ف اوضته الخاصه . وبعد كدا سيدى آدم بيه يطلع ع جناحه . أما بقى زين باشا و آريان باشا يشربو عصير وبعدها بينزلو البيسين . وآدم باشا الصغير . بينزل البيسين التاني وده خاص بيه لوحدو .. وبعد كده الكل يفطر ويروحو ع شغلهم ..

لكن بنات العيله . اني نفسي اخاف اقول اي حرف واحد . دول يقتلوني فيها . فهمت ياشاهين باشا؟

شاهين : بتنهيده .. فهمت .. فهمت ياريس عوض…

بعد شويه ..

آرين : طلعت من حضن آركان وبتعيط بشهقات .. ا.انا عايزه ارجع البيت .. انا عايزه ماااااامي .. وفتحت عينيها بسرعه وصرخت حاااااسب يا آااااادااااااام —-

يتبع الفصل التالي اضغط على ( رواية جريمة عشق ) اسم الرواية