رواية ميراث العشق كاملة بقلم مريم نصار عبر مدونة دليل الروايات
رواية ميراث العشق الجزء (2) الفصل السادس عشر 16
بسم الله نبدأ
فهد : سايق العربيه. وجواه غل اكبر من قبل . واتصل ع مالك .وحاطط السماعه ف ودنه. ورد
مالك : بسعاده . الو فهد باشا حمدالله ع السلامه .
فهد : مسح ع شعرو . الله يسلمك يامالك. عامل ايه؟
مالك : انا تمام الحمدلله . ايه يبنى رجعت مصر امتى؟
فهد : وصلت انهردا الفجر . المهم أنا كنت عايز اعرف منك حاجه مهمه ..
مالك : باستغراب . مال صوتك يافهد؟
فهد : بغيظ مكبت . العيال الل آدم ضربهم امبارح موجودين ف قسم ايه؟
مالك : قال جواه ربنا يستر . احم .اه فاكرهم لا يعم انت متقلقش خالص انا هظبطهم ..
فهد : بحده . مالك انا لو عايز اعرف هما فين ؟ هعرف . بس انا بختصر ف الوقت . وكمل بغضب مكبت همااا فيييييين يامااااالك؟
مالك : مسح وشه بايدو . طيب ممكن تهدى شويه وتقولي ناوي تعمل ايه؟
فهد : هتقولي هما فين؟ ولا اقفل؟
مالك : نفخ بحيره . موجودين ف قسم (——)
فهد : هز راسه تمام . سلام وقفل وداس بنزين ……
——————بقلمي مريم نصار
ف القسم .
فهد : داخل بهيبه غير عاديه . وفتح باب مكتب الظابط . وطلع الشاره بتاعته . وطلب المحضر وقراه ..
الظابط : بتوتر . هما إن شاء الله هيتعرضو ع النيابه الساعه ٤ . احم والله يافندم . لولا انا كنت هناك . وسمعت كلام الشهود؟ انا مكنتش هصدق إن الولاد دول مجرمين . لأن الشاب الل اسمه آدم . بجد عمل منهم كفته ..
فهد : بيقرا المحضر ورفع عينيه بنظرة آمر . هما فين؟
الظابط : بلع ريقه بتوتر . اتفضل حضرتك ياباشا . اتفضل انا هوصلك ليهم بنفسي . احم.
فهد : حدف المحضر ع المكتب . وخرج . وماشي بجمود وغضب ..
. وواضح ع معالم وشه .. الهدوء ما قبل العاصفه .
. ايوه هو بيغير ع رينو لانها حبيبته ومراته . ولكم ما تتخيلو بقى بنته حته منه وروحه ..
الظابط : وقف قدام تخشيبه قفص حديد كبير
وجواه ٦ شباب الل اتعاركو مع آدم ..
فهد : بصلهم بكُره كبير . وشاف قد ايه هما مضروبين ووشهم متبهدل .. وقال للظابط روح انت ع مكتبك ..
الظابط : بس يا……..
فهد : رفع ايدو وشاور باشاره معناها .. خلاص قضى الامر ..
الظابط : هز راسه تحت امرك يافندم . ورجع ع مكتبه ..
فهد : للعسكري .. بغضب افتح الباب ده .
العسكري : ادى التحيه برهبه كبيره تمام يافندم . وفتح الباب بسرعه ..
الشباب انتبهوا وقامو وقفو بخوف . وندم مؤقت.
فهد : شد كرسي ودخل .. وحط الكرسي وقعد ع الكرسي بالعكس .. وبصلهم كلهم حوالى دقيقه كامله ف صمت تام ..
الشباب : من هيبة فهد قالو ده اكيد رتبه كبيره جدا . وربنا يستر ..
فهد : قرأ الاسماء ف المحضر . وعارف إن الل اسمه جو هو الل بص لبنته .
. لكن ميعرفش شكله . وقال بذكاء مخابرات . امممم ما انتو شباب زى الفل اهو .
.طيب ليه تورطو نفسكو ف جريمة قتل كبيره جدا ذي دي؟
ومط شفايفه بتمثيل .اامممم بجد زعلت ع شباب زيكم كلها كام شهر ويتعدم ..
الشباب : كلهم بصو لبعض برعب كبير وصدمه . ودهشه اكبر .
# : برجفه …والله يا….ياباشا ا.احنا ماقتلنا حد . ومنعرفش سعاتك بتتكلم عن ايه؟
فهد : بصوت غضبان چوووو.. بتكلم عن جو .
الشباب كلهم اتخضو من صوته . و بصو ع چو
فهد : بطريقته قدر يعرف مين هو چوو وهز راسه تمام .
انتو متعرفوش إن چو .. قبل الخناقه بتاعتكم وانكم تشرفو ع هنا . متورط ف جريمة قتل .
وانتو الخمسه اتورطو معاه .. لأن الل اتقتل ده شخصيه مشهوره جدا..؟
چو : برعب ورجفه .. والله انا ماقتلت حد . ا.انا معملتش حاجه ياباشا ابوس ايدك صدقنى..
فهد : قام من مكانه وحط ايدو ف جيبه ولف حوالين چوو وقال .
إنت امبارح قتلت رجل اعمال معروف اوووى . وف نفس اللحظه هربت وروحت بصيت لواحده وعاكستها .
وجبت صحابك يتعاركو معاك عشان تثبت ع نفسك إنك وقت الجريمه كنت بتتخانق . بس للاسف الكاميرات جابتك . وصحابك انت ورطهم معاك ولبسو قضيه هتكلفهم حياتهم ..
# : بغضب منك لله ياجو الكلب وديتنى ف داهيه..
$ : ياريتنى ماسمعت كلامك بقى انت تقتل وعايز تضيعنا معاك ..
& : منك لله ياشيخ بتوقعنا وبتضحك علينا .
چو : واقف عرقان . وقلبه بيدق بسرعه من الرعب. و.والله معملت حاجه . انا معرفش حاجه ولا قتلت حد . قتل ايه ياجدعان ..؟
فهد : بمكر . ضيعت صحابك ياچو .. يلا الل حصل بقى . عموما القضيه لابساكو .
ويعتبر خلصت خلاص لأن أهل القتيل نفوذهم كبيره جدا .
. واوراقكو اكيد هتتحول للمفتى قريبا . وساب الكرسي وخرج .. اقفل الباب ده يبنى ..
العسكري : قفل الباب ..
فهد : للعسكرى .تعالى معايا . واتحركو كام خطوه وبعدو عن القفص .. وفهد وقف بعيد وبص عليهم …
چو : واقف مزهول .وجواه رعب رهيب.
صحابو بيبصو عليه بغضب شديد. ولعنوه وسبوه . وقربو منه كلهم .
چو : بيرجع لورا بخوف . اسمعوا والله انا معملت حاجه . انا مقتلتش حد . انا معرفش هو بيتكلم عن مين ..؟
الخمسه : كل واحد قال حاجه .. الل قال انت السبب وهنقتلك بأيدينا قبل ما احنا نموت .
والل توعد ليه بااكبر عقاب. وهجمو عليه الخمسه . وضربوه بغيظ كبير جدااااا ..
العسكري : فتح عينيه بدهشه . ينهار اسو…. العيال هتقتل بعض . انا هروح ابلغ سيادة الظابط حالا .. وجه يتحرك ..
فهد : هششش اقف مكانك ومتتحركش . ومش عايز صوت واتحرك افتح الباب ده .
العسكري : بلع ريقه بصعوبه . وادى التحيه . ت…تحت امرك يافندم… وراح فتح الباب ع الشباب ..
فهد : طلع الفون والمفاتيح وحطهم ع المكتب . وقال كدا بقى ادخل افك الاشتباك رسمي . واتحرك ودخل القفص وقفل الباب . وبصلهم..
كلهم . انتبهو . ووقفو بينهجو . وجو عينيه اتقفلت من الضرب .
فهد : قرب منهم كام خطوه . وقلع الحزام . وموجود ف الحزام قطعه معدنيه مخصصه للتعذيب . وفهد من غير ما يتكلم. قرب منهم وضربهم كلهم .
العسكري : واقف بره . ومزهول . وللحظه اترعب من فهد . وشاف طريقة ضربه فيهم . وقال ينهار اسو….. العيال ماتت اكتر ماهي ميته .
فهد : كومهم كلهم ع الأرض . وبيلبس ف الحزام . وراح عند الباب وقبل ما يخرج لف ليهم و قال . ده درس صغير بس لل يفكر يضايق اي بنت بعد كده . وخصوصاً بنت السيوفي .. وسابهم وخرج . واخد المفاتيح والفون وخارج..
العسكري : مأدي التحيه بخوف كبير . وفاتح بوقه ببلاها . وعينيه ع فهد لحد ما اختفى . .
فهد : خرج من القسم . وركب العربيه . وبص قدامه وكان غضبان جدا . وحاول يهدي نفسه . ويطمن نفسه إن ولاده بخير .. وحمد ربنا إن آدم وتيم كانو موجودين . واخد نفس عميق ومسح وشه بايديه ونفخ بنفاذ صبر. وفاق وشغل العربيه . واتحرك ع فيلا السيوفي ..
——————بقلمي مريم نصار
بعد فتره الساعه ٥ .. ف فيلا عزيز .
كريم : داخل بالعربيه من بوابة الفيلا . وبص جمبه ع البوكس الكبير الل اشتراه لليليان . وابتسم . وهرش ف قفاه بحيره. وقال طيب انا هقدمه ازاى؟ اخلي ماما تقدمه ليها . تؤ مش هتبقى حلوه . طيب آرين. لالا دي بقى ممكن الكل يعرف . اووف طيب مييين؟ ايوووه ميرو. مفيش غيرها . ايوه صح . انا هتصل عليها وافهمها كل حاجه .. ونزل من العربيه . وساب الهديه فيها . ودخل الفيلا . السلام عليكم ورحمة الله ..
كلهم وعيلكم السلام ..
مريم : بصت ف الساعه . ايه ياكريم ياحبيبى اتأخرت كل ده ليه؟
كريم : معلش يا امي عملت كام مشوار مهم . عرفتو إن عمي مراد وعمي فهد رجعو مصر ؟
يوسف : ايوه ياكيمو عرفنا . واتصلنا سلمنا عليهم مؤقتا لحد ما نشوفهم إن شاء الله..
مريم : يلا ياكريم اطلع غير هدومك مفيش وقت
كريم : حاضر يا امي . انا ف ثوانى هاخد شاور واكون جاهز . لكن اهم حاجه . حضرتيلى هدومي ؟ القميص الأبيض والبنطلون الاسود ؟
مريم : بفرحه طبعا ياحبيبي . هدومك ع السرير . والبرفان والساعه وكل حاجه ف اوضتك جاهزه ..
كريم : باس ع راسها .تسلمي ياست الكل . اومال اللمض فين؟
مريم : ههههه مصطفى ف اوضته بياخد شاور وهيلبس ..
كريم : تمام . انا هطلع ومش هتاخر .. وسابهم وطلع يجري ع السلم ..
كلهم ابتسمو بحب وفرحه ع سعادة ابنهم
هنا : أشرف حبيبى تعالى نطلع نجهز نفسنا يكون الكل جهز ..
اشرف : قام وقف ع رأيك . احنا المفروض يدوبك نتحرك ..
يوسف : لسه ساعتين ياحج . إن شاء الله هنكون هناك ع الميعاد .. واحنا كمان هنطلع نلبس ..
وكل واحد طلع يجهز نفسه ..
كريم : اخد شاور . وخرج . واتصل ع ميرو. وردت .
ميرو : الو بالعريس المنتظر ..
كريم : بابتسامه. الو اذيك يامريم عامله ايه؟
ميرو : الحمد لله ياباشمنهدس . ايه فينك كدا . الساعه داخله ع ٦ احنا بنام بدرى . ههههه.
كريم : ههههه لا متخافيش ٧ بالظبط هكون عندكو . المهم بقى انتى اختى وعارفه غلاوتك عندي قد ايه.
ميرو : قعدت ع طرف السرير . وحطت رجل ع رجل . وقالت اممم . انا شامه ريحة مصلحه مش كدا ..
كريم : هههههه . اه ياعفريته انتى . احم هي مش مصلحه اوي يعنى .
مريم : اممم أقل من 50 ٪ مقبلش ياكابتن ..
كريم : ماشاء الله طول عمرك مضحيه يابنتى والله .
ميرو : ههههه اعمل ايه بس . هو انا مودينى ف داهيه غير تضحياتي وتواضعي ده. هههههههه . المهم هات الل عندك . ايه نوع المصلحه يبنى .
كريم : كشر عينيه وقال دليفري ..
ميرو : كشرت عينيها بعدم فهم . ايه ؟ دليفري ؟ انا مش فاهمه.
كريم : اسمعي يستى انا جايب هديه لليليان بوكس كبير . وبصراحه مش عارف اقدمها ليها ازاى . وحقيقي مفيش غيرك انتى الوحيده الل هتساعدينى وتقدميها ليها .
ميرو : رفعت حاجبها. امممم خلاص تمام متقلقش سيب كل حاجه عليا ..
كريم : بابتسامه . يسلام انا قولت مفيش غيرك هيحلها والله .
ميرو : انت بس سيبها ف العربيه . وابعتلى مفتاح العربيه .
كريم : تمام جدااا . وبصي انا هركن العربيه جمب باب الفيلا الخلفي بعيد شويه عن الباب الرئيسى اتفقنا .
ميرو : ههههههههه للدرجادي ..
كريم : ايوه يابنتى البوكس كبير جدا . وبجد بشكرك جدا من دلوقتي..
ميرو : متشكرنيش ياعريس احنا اخوات . ويلا بقى انا هقفل علشان اروح اشوف لي لي ..
كريم : . هي ليليان عامله ايه يامريم؟
ميرو : ابتسمت بحب . لي لي مبسوطه اوى ياكريم . وقالت بدموع . كريم عايزه منك وعد ..
كريم : باستغراب . وعد ؟ وعد ايه الل عايزاه منى؟
ميرو : اوعدني انك تخلي ليليان ع طول مبسوطه وسعيده .
كريم : ضحك بصمت . دا انا مش بس بوعدك بده . انا بوعد نفسي وبوعد العالم كله . إن ليليان ديما هتكون وريدي .. انتى متعرفيش ليليان بالنسالى ايه .؟
ميرو : مسحت دموعها وابتسمت بوجع. اتمنالك انت ولي لي انكو تعيشو مبسوطين ديما ..
كريم : تسلمي ياميرو. . وعقبالك كدا وساعتها بردو انا هاخد منه وعد انه يسعدك ديما.
ميرو : غمضت عينيها ودموعها نزلت .. وهزت راسها وقالت بصوت موجوع إن شاء الله .. احم انا هقفل مامي بتنادي عليا ..
كريم : هز راسه مع السلامه .وقفل . وحط الفون ع الشاحن. وراح يلبس . وبص ع السرير واتفاجئ…..
——————بقلمي مريم نصار
مريم : لبست وجهزت. ها يايوسف خلصت ؟
يوسف : ايوه ياعيون يوسف .لبست وكله تمام. ولف ليها . وانبهر . اووو ماشاء الله . ايه الجمال ده .
مريم : ههههه يسلام خلاص ياحبيبى راحت علينا انهردا خطوبة ابنك .
يوسف : قرب منها. بقى بزمتك انتى ام العريس. والله الل يشوفك هيقول ياتري دي اخت العريس الصغيره ولا الاصغر منها ..
مريم : ههههه . ياحبيبى ربنا مايحرمنيش من كلامك الحلو ده . وانت ماشاء الله عليك عيني عليك بارده . اخو مصطفى الصغير .
يوسف : هههههههه . واضح عليا اوي كدا اني لسه صغير .
مريم : بتأكيد .. طبعا ربنا يحفظك يارب ويبارك ف عمرك..
يوسف : ويبارك فيكي ياروحي .
الباب خبط ..
يوسف : ادخل .
ثريا : دخلت . يوسف بيه . سي أشرف بيه بيقول لحضرتك انه جاهز .
يوسف : بص ف الساعه.وقال فعلا احنا يدوبك نتحرك .
مريم : ماشي شكرا يا ثريا روحي انتى واحنا نازلين .
ثريا : هزت راسها تحت امرك . وخرجت ..
مريم : كشرت عينيها . ايه ده .انت سمعت صوت كريم ؟
يوسف : سكت وقال ايوه ده بينادي عليكي ..
مريم : طيب انزل انت وانا هروح اشوفه محتاج مساعده ولا ايه ؟
يوسف : تمام . بس متتاخروش ..
مريم : حاضر .. وخرجت ..
يوسف : نزل .. وشاف اشرف وهنا قاعدين . وقال اومال مصطفى فين؟
مصطفى : نازل ع السلم بفخامه . وقال أنا هنا ياحج جو ..
يوسف : لف ل مصطفى . وابتسم من هيئته الجميله..
كريم : بنرفزه وصوت عالى . مااااااماااااااا .. انتى ياماااااماااااا..
مريم : دخلت تجري . بسم الله ايه ياكريم يبنى بتنادي عليا بصوت عالى اوى كدا ليه؟ ف ايه؟
كريم : مسح وشه بايديه ونفخ بنفاذ صبر .
مريم : اله مالك ياكريم . وانت لسه مالبستش ليه؟
كريم : صك ع أسنانه بغيظ . البس؟ وهو فين اللبس الل هلبسه ياماما .
مريم : حبيبى انا مطلعالك لبسك ع السرير . وبصت ع السرير وقالت ايييه ده؟ ايه اللبس ده ؟ لأ انا مطلعالك الطقم الجديد قبل ما انزل ..
كريم : وزي ما حضرتك شايفه . اللبس الل موجود بنطلون اسود وقميص تانى .
. وقولت يمكن حضرتك اتلخبطى . وقلبت الاوضه كلها . ودخلت غرفة اللبس بتاعتى ودورت فيها كلها . مفيش اى أثر للطقم الجديد ..
مريم : بتعجب . غريبه فعلا . هيكون راح فين ؟
كريم : كشر عينيه بغيظ . وقال بتحذير . عارفه لو كان هو ؟ انتى متعرفيش انا هعملك فيه ايه؟
مريم : بحيره . لأ لأ . اخوك مصطفى مش مجنون للدرجادي . انا طلعتلو طقم . بنطلون وتيشرت . وكملت بتوتر .هو نفس اللون الل ع سريرك ده .
لأ مصطفى مايعملهاش احم وعشان تصدق ثوانى انا هتصل ع باباك . واتصلت ع يوسف.
يوسف : لأ ماشاء عليك يا مصطفى . ده كأنك انت العريس ..
مصطفى : عدل ياقة القميص . تسلم ياحج . دي ااقل حاجه عندي ..
يوسف : هز راسه وضحك . وفونه رن ورد ع مريم. الو . اتاخرتو ليه يامريم؟
مريم : بلعت ريقها بتوتر . يوسف هو.. هو مصطفى نزل ولا لسه؟
يوسف : بفرحه لا نزل . وماشاء الله عليه . انتى لما تشوفيه هتنبهري بيه ..
مريم : تنحت .هو .. هو لابس بدله؟ ولا طقم عادي؟
يوسف : هههههههه بدلة ايه بس ياحبيبتى .ده لابس حتة طقم قميص ابيض وبنطلون اسود بجد مرسومين عليه ..
مريم : تنحت اكتر . وصكت ع أسنانها بغيظ مكبت . وبصت ف الساعه وكانت ٦ وربع . وقالت ماشي يا يوسف ..
يوسف : اله هو العريس المستعجل أتأخر ليه ؟ يلا بجد مفيش وقت كدا هنتاخر ع الناس ..
مريم : بصت ع كريم الل متنرفز . وهزت راسها حاضر نازلين حالا . مع السلامه وقفلت .
كريم : بصلها لابسه صح؟
مريم : بتمثيل هههههههه .انما اخوك ده عليه حركات . عايز يعمل نفسه عريس وخلاص .
كريم : بغضب … ضرب قبضة ايدو ف ايدو التانيه . وقال طييييب مااااشي يامصطفى وحيات … مااااشي انا هروح اقلعه الطقم حالا ..
مريم : وقفت قدامه. خلاص ياكريم .مفيش وقت هنتاخر ع الناس . البس اي طقم جديد تاني..
كريم : بنرفزه بس انا شاري الطقم ده للخطوبه ياماما . ومصطفى اتعدى حدوده . وعشان تكوني عارفه انا مش هعدي الل عمله ده بالساهل…
مريم : بحده . بتعلى صوتك عليا ياكريم ؟ خلاص انت عارف إن مصطفى بيحبك . وبيحب بهزر معاك . انا معاك إن المرادي زودها كتير وانا ليا معاه كلام تانى . ولو كان ف وقت اكتر من كده انا كنت اتصرفت معاه .
كريم : نفخ بديق حقيقي . ماما انا مقصدش انى اعلي صوتي ع حضرتك .
مريم : قربت منه . وحطت أيدها ع دراعه وابتسمت . حبيبى انا عارفه كل ده . وعشان خاطر ماما حبيبتك . البس عشان منتأخرش .
كريم : صك ع أسنانه بغيظ مكبت .. وسكت ..
مريم : ربتت ع ايدو . وحاولت تغير الموضوع . وقالت انت عارف بقى اللون الكحلى عليك يجنن . والاسود كمان ده ملك الالوان .
.انا هطلعلك طقم جديد وع زوقي كمان . وراحت ع الدولاب . وقالت جواها . الله يهديك يا مصطفى انت مش هتسكت غير لما يضربك .. وطلعت طقم شيك جدا .. وقالت اتفضل ياكيمو . الطقم ده هيكون خرافه عليك . تحب اساعدك ؟
كريم : بص ف الساعه . وهز راسه لا متشكر . اتفضلى حضرتك وانا هلبس واحصلك ..
مريم : ابتسمت تمام . وخرجت وهي بتتوعد لمصطفى ..
مصطفى : قاعد جمب يوسف ..
مريم : نزلت ووقفت قدام مصطفى بغيظ واضح عليها ..
مصطفى : فهم . وقام وقف قدامها ها ايه رايك ياست الكل . تسلم ايدك ف زوقك ..
مريم : بصوت جهوري انت ازاى تلبس طقم اخوك كريم يامصطفى . انت مش هتبطل حركاتك دي بقى؟
الكل بص لبعض بدهشه ..
مصطفى : بتمثيل الصدمه .ايييييه؟ حضرتك بتقولى ايه ياماما . ده طقم كريم اخويا؟
ينهار مش واضح . صدقينى انا لو كنت أعرف مكنتش لبسته ينهار ابيض ع الل عملته. لأ لأ لأ انا هطلع اغيرو حالا ..
مريم : بغيظ . انت ياولد انت مش هتتعدل . الطقم ده كان ع سرير اخوك كريم ؟ واللبس الل عند كريم كان لبسك انت ..
مصطفى : اها .. يعنى حضرتك حطيتى لبسي عند كريم؟ولبس كريم عندى؟ طيب وانا هعرف منين ؟
يوسف : خلاص بقى يامريم مش عايزين مشاكل . ده يوم مميز بالنسبه لكريم ..
هنا : كشرت عينيها . ولد بكاش ..
أشرف : ههههه . الواد ده نصاب ..
مصطفى : انا ؟ دانا مظلوم والله ..
كريم : لبس ونازل ع السلم . وكان ماشاء الله . الطقم متفصل عشانه . وعضلاته البارزه زودت من وسامته .
مريم : ابتسمت بدموع . ماشاء الله عليك ياكريم يبنى . الله اكبر عليك ..
هنا : بسعاده ماشاء الله . قمر ياحبيب ناناه ..
كريم : ابتسم شكرا جدا ياناناه . شكرا يا امي . وبص ل مصطفى ف نظرة توعد واجرام ف نفس الوقت ..
مصطفى : اوبااا احلى عريس ده ولا ايه؟ قمر ياكيمو باشا ..
كريم : رفع ايدو ع كتف مصطفى وضغط عليه . وضحك بتمثيل . تسلم يادرش . بس حلو الطقم عليك ..
مصطفى : بيتالم . وضحك بتمثيل . شكرا جدا ياخويا ياحبيبى ..
كريم : قرب منه وهمس . وحيات امى ماهعديهالك يامصطفى..
مصطفى : ببرود . بس الطقم جامد عليا صح؟
كريم : بغيظ . جداااا ..
أشرف : يلا بينا كدا هنتأخر ومش حلوه مننا.. واخد هنا وخرجو .
يوسف يلا ياحبيبتى . واخد مريم وخارجين.
مصطفى : جه يخرج بسرعه وراهم عشان خايف من رد فعل كريم ..
كريم : بحركه سريعه . شد مصطفى وحط ايدو ع بوقه . وقال ششش مش عايز اسمع صوتك . وشال ايدو ..
مصطفى : وسع كدا ماتسبنى امشي . وبيعدل ف القميص ..
كريم : بغيظ مكبت . وراح ضربه لكمه ف وشه . وقال دى عشان تحترم نفسك معايا ..
مصطفى : ااااه ووقع ع الأرض . وماسك وشه ااااه منك لله يا كريم اااه..
كريم : عدا من فوق مصطفى وسابه واتحرك .
——————بقلمي مريم نصار
بعد شويه .. فيلا العدوي .. ف الليفنج
كل شباب العيله متجمعين وبتكلمو مع بعض . آدم وطارق وفارس .. جاسر ومالك وآسر .ومحمد وتيم . وزياد وياسين . ومراد وفهد وزين وفارس و آدم مراد و آريان و آركان .
وف مكان تانى . مريم قاعده مع البنات . رنا وملك .وماليكه . ونور ورينو . وفريحه وريتال . ورودي وساره ..
أما الاحفاد الصغيرين مع تالين ف اوضتها .
وباقى . البنات موجودين ف اوضة ليليان.
ليليان : واقفه قدام المرايا . ولابسه فستان جديد ورقيق جدا وحجاب وحطه لمسات خفيفه جدا .
ميرو : لفت ليليان ليها وابتسمت بسعاده . ماشاء الله. انتى جميله اوي يالي لي ..
آرين : واووو بجد قمووووره وكيوت جدا .
چود : اقسم بالله . انتى من الآخر كدا وحش الكون . عتلاق كريم لو شافك هياخدك ع المآذون وقتي ..
تمارا : خبطت چود ع راسها. وقالت بيئه . يابنتى انتى تسكتى كلامك كله يودي فداهيه اسكتى ياماما . وراحت عند ليليان . يؤبرني هالمكسوفه . مالك يالي لي وشك احمر اوى يابنتى . بس بجد اللهم بارك عليكي قمر 14
ليليان : بحرج كبير .ميرسي جدا يابنات . وبلعت ريقها بتوتر . بصراحه انا حاسه ان رجليا مش شايلاني ..
ميرو : تعالى اقعدى . واهدى خالص وبعدين دي مقابله عاديه اتفاق وقراية فاتحه .
آرين : بصت من الشباك . وسقفت بفرحه . واااو كريم جه يابنات . وزي القمررررر .تعالو . تعالو بسرعه .
كلهم : راحو وقفو قدام الشباك ..
ميرو : مسكت ايد ليليان . وراحو وقفو ..
ليليان : عينيها بتدور ع كريم . وشافته بيقفل باب العربيه . وقلبها هيطلع من مكانه . وجماله خطف قلبها اكتر .وضغطت ع ايد مريم ..
ميرو : حست بيها . وربت ع أيدها . وقالت ماشاء الله بجد انتو الاتنين لايقين ع بعض ..
چود : عينيها ع مصطفى . وانبهرت بجماله . لكن ديما بتمثل أنه مش ف دماغها مع انها بتموت فيه . وقلبها دق بقوه كبيره ..
آرين : بزهق . وسعو بقى يابنات انتو هرستونى . اوووف .
كلهم : اتحركو ..
آرين : بتفكير . اممم بت يا چود تعالى ننزل تحت . ونعرف اخر الاخبار . ونطلع نقول للعروسه ههههه.
چود : بتفكر ف مصطفى وأنها هتشوفه عن قرب . وقالت فكره حلوه يا آرين تعالى يلا . وسابوهم ونزلو .
ف الليفنج .. بعد الترحيب والسلامات .
أشرف : اتكلم .وابتسم . وقال والله يا آدم ياخويا الواحد مش عارف يقول ايه هههههه .
آدم : ههههه فعلا يا اشرف. ومن غير ما تقول ياحبيب اخوك . ليليان بنتك وحفيدتك ..
اشرف : ليليان دي بنت الغاليين . ووعد منى ليك انها هتكون ملكه ف بيت عزيز ..
آدم : ربت ع رجله . مش محتاج منك وعد يا أشرف . احنا مش عشرة يوم يصحبى .
أشرف : بابتسامه . ربنا يكرمك وانت ونعم الأخ . وربنا وفقك وجمعت العيله الجميله دي . وانا يشرفنى بجد إن اطلب ايد بنتى وحفيدتى وحفيدتك ليليان العدوي . لابني وحفيدي كريم عزيز ..
الكل قاعد مبتسم .وكريم قلبه ملهوف وعايز يشوف ليليان..
. وزين قلبه مبسوط وزعلان ف نفس الوقت .
. ومراد أخوه قاعد جنبه . وبيتخيل مريم بنته . وقال جواه معقول ممكن ميرو بنتى تبعد عني ؟
آرين وچود . واقفين . جمب العمود وفاكرين نفسهم محدش شايفهم ..
آدم : هز راسه . الشرف لينا احنا يا أشرف . وكريم ده ابنى وحفيدي . ولا ايه ياكيمو ..
كريم : بتوتر . ا.ايوه . طبعا طبعا ياجدو .
يوسف : احم انا اسف طبعا . لكن ممكن نتكلم ف التفاصيل . وانت عارف ياعمي انا تحت امرك ف اي طلب . وخلى عروستنا تشاور بس . واحنا علم وينفذ .
آدم : ابتسم . تسلم يايوسف يبنى . لكن احنا الل يهمنا كريم . انه يحافظ ع الامانه..
كريم : ابتسم بحب كبير . وانا إن شاء الله قدها ياجدو . واوعدك أن الانسه ليليان هتكون مصانه . ومقامها عالى . ودي بنت عمتى قبل اى حاجه . ومن دمي . وربنا يقدرني وأقدم ليها السعاده ..
زين : عيونه لمعت بدموع . وانا مش عايز حاجه تانى غير كدا . اهم حاجه انى بنتى تكون فرحانه . ودي عندى بكنوز الدنيا ياكريم يابني ..
كريم : اوعدك ياعمي ..
آدم : قبل ما نقرا الفاتحه .. انت اخر ميعاد ليك للجيش امتى؟ ومدتك سنه صح؟
كريم : إن شاء الله . هسافر مركز التدريب . كمان ٤٥ يوم ..
آدم : هز راسه تمام . يبقى كتب الكتاب قبل ما تسافر بيوم . والفرح بعد ماتخلص جيش .. يعنى بعد سنه ونص تقريبا ..
كريم : بص للكل بصدمه .. لانه كان عايز يكتب الكتاب قبل كده بكتير ..
مراد وفهد. وآدم مراد . ابتسمو من تفكير آدم العدوي . وانه مايديش فرصه لكريم يقرب من ليليان هههههههههههه .
أشرف : ع خيرة الله . نقرا الفاتحه؟
طارق : انت لسه هتسال؟ انجزو بقى انا جوعت . ما احنا عارفين إن كل ده هيحصل . والقبول موجود .. ورفع ايدو وقرا الفاتحه بصوت عالى . بسم الله الرحمن الرحيم ……
الكل بص لبعض وضحك . وقرو الفاتحه ..
طارق : بصوت عالى آميييين ..
زينب .: بفرحه . شايله الضيافه . ووراها البنات . وحطو الضيافه للشباب . وزينب . شالت صينيه تانيه كبيره. ودخلت ع الستات. وزغرطت بفرحه . وقالت الف مليون مبروك ياهوانم . اييييهييي انتو لسه ماقرتوش الفاتحه .
مريم عزيز : قامت بسرعه وراحت عند زينب. بجد يازينب . هما قرو الفاتحه ؟
.
زينب : زغرطت تانى . والكل اتخض وضحك . وقالت ايووووه ياست الدكتوره . سي آدم بيه وافق وقرو الفاتحه . والجواز بعد سنه ونص إن شاء الله . وزغرطت تانى . الف مبروك ياست ريتال هانم . الف مليون مبروك ياست مريم ياست الكل ..
مريم : ضحكت بسعاده الله يبارك فيكي يازينب . تعالى امسكي .. خدي الفلوس دي وزعي ع البنات ف المطبخ . ودي ليكي انتى ..
زينب : بسعاده إلهي يكرمك ياست الكل . الهي تيعشي وتفرحي باحفاد احفاد أحفادك قادر ياكريم انتى وسيدي آدم بيه . الف مبروك ياهوانم متجمعين ف الفرح ديما ..
ريتال : قامت بسرعه وقلبها بيدق بفرحه كبيره . امسكي يازينب . الفلوس دي . واعملى زي ما ماما مريم قالتلك .. انتى ديما بتجيبى الاخبار الجميله زيك ..
زينب : بفرحه انا جميله؟ الهي يجبر بخاطرك . وكتاب الله عشان الكلمتين الحلوين دول . لا اخلى الجيران تسمع صوت فرحتنا .. وخرجت وهي بتزغرط ..
مريم عزيز : حضنت ريتال . مبروك . مبروك ياريتال .
ريتال : بدموع الف مبروك عليكي ليليان يامريم . بس امانه عليكي . اوعي تزعليها. ارجوكي ..
مريم عزيز : ههههه يابنتى كلامك ده يزعلنى والله . وانتى بتعيطي ليه دلوقتي . دي ليليان رايحه بيتها وعيلة عزيز . عيلتك يعنى مش حد غريب ..
هنا : سيبيها يامريم يابنتى . هي ريتال حساسه حبتين . وبعدين لي لي حفيدتى الغاليه ..
فريحه : قامت الف مبروك ياروتي . الف مبروك يامريومه . وسلمت عليهم ..
الكل سلم وبارك وهنى .
——————بقلمي مريم نصار
چود : سقفت بفرحه ايوووه بقى . انا هطلع جري للبنات اقولهم ..وجريت من قدامها ..
آرين : عيونها ع ابوها . وكشرت عشان رافض الحربيه . ولفت وشها . واتخضتت ورجعت خطوه وخبطت ف العمود بضهرها. هييييي . بسم الله .
آدم مراد : قرب منها . ورفع ايدو ع العمود . ورفع حاجبه . واقفه هنا ليه؟
آرين : حطت ايدها ع قلبها . ايه يا آدم مش تكح ؟ خضتنى ..
آدم مراد : بيرسم تفاصيلها . وقال . واقفه هنا ليه يا آرين؟
آرين : فتحت عينيها.. وبلعت ريقها بتوتر. ا.ابدا انا كنت بتصنت عليهم .
. يووووه لااا لأ مش بتصنت بالمعنى ده. هو يعنى انا كنت…. وبعدها كشرت بزعل .سبنى بقى يا آدم عشان أنا زعلانه اوي ..
آدم مراد : خمس دقايق وتكوني ف الجنينه .ومشي بسرعه لأن فهد كان هيشوفو.
آرين : بتهمس خمس دقايق؟ تؤ طيب ليييه؟ انا كنت عايزه اقولهم ع الخطوبه ؟
. يووووه . لما اشوف حضرته عايز اي؟ وافتكرت . وقالت ايوووه صح انا لازم أسأله ليه رافضين انى ادخل حربيه ؟ واتحركت .
تيم : قام وبارك ل كريم . والشباب سلمو و باركو لكريم
مصطفى : كل شويه يعدل ياقة القميص ويغيظه . ويبص ل كريم ويضحك . وقام سلم عليه . مبروك ياباشمهندس كيمو ..
كريم : ضغط ع ايد مصطفى جامد جدا..
مصطفى : غمض عينيه وبيحاول يدارى الألم عشان الناس الل قاعده ..
كريم : شد مصطفى لحضنه . وهمس ف ودنه الله يبارك فيك . ويرحمك مني ع الل هعمله فيك اول ما نروح ..
مصطفى : ماتهمد بقى شويه . ايه مكنش طقم ده؟ وسع كدا . لما اروح اشرب حاجه .
..
البنات : فوق سمعو الزغاريط وچود طلعت بلغتهم الخبر. وليليان ضحكت بسعاده كبيره وعيونها دمعت من الفرحه وقرأت الفاتحه. والكل سلم عليها ..
ميرو : افتكرت . الهديه . ومحتاره تاخد المفتاح من كريم ازاي؟ وقالت بقولكو ايه يابنات انا هنزل اسلم ع ناناه هنا وملك . ونزلت بسرعه.
ياسين : فونه رن .. وقاعد جمب تيم . وقام بعد اذنك ياتيم اعدى جالى مكالمه مهمه جدا .
تيم : هز راسه . واتحرك . اتفضل يا ياسو ..
ياسين : ابتسم شكرا جدا. واتحرك وخرج يتكلم ف الجنينه.
فهد : قعد جمب تيم . ايه يادكتور تيم مش مندمج معاهم ليه؟
تيم : ابتسم . انا مندمج بس محتاج فنجال قهوه وهتلاقينى مندمج اكتر ههههه.
فهد : قهوه . بس كدا . ماشي يسيدي .. وبص قدامه . وقال چواد تعالى اقولك ..
چواد : جه جري نعم ياعمو ..
فهد : روح ل زينب المطبخ . وقولها تعمل فنجال قهوه للدكتور تيم ..
چواد : هز راسه حاضر ياعمو. واتحرك ..
تيم : ابتسم . متشكر يا فهد . وبصله ايه مش عوايدك يعنى ؟
فهد : ليه ياعم مش عوايدي . عمرى ما جبتلك قهوه؟
تيم : اتعدل . وبص ف عينيه .. وقال لأ انت جبتلى كتير . بس دلوقتي حاسس إن نظرتك مختلفه ليا. فيها راحه يعنى .
فهد : ابتسم . وقال . فعلا بس عايزك تعرف انى ديما بحبك . ومن وانت سن يوم . ولحد دلوقتي.بس كنت ديما قلقان ..
تيم : هز راسه بابتسامه . والقلق ده راح لما عرفت الحقيقه مش كدا ..
فهد : مش البظبط . الحقيقه حتى لو غير كدا . انا معنديش مانع طبعا . لكن كل خوفي من التعليق المزيف . الحب من طرف واحد ده ياتيم مميت. واتمنى انك متجربوش . ولو انى شايف ف لمعة عينيك وجع كبير متدارى ..
تيم : هههههههه . لا يافهد اطمن . انت عارف تيم . لو جواه حاجه هيقولها وقدام الكل .
فهد : ولو ف حاجه . هتعمل مشكله . انت بتدفنها جواك ياتيم . بس هل تفتكر ده الصح ؟
تيم : بص لفهد بصمت كبير وسكت ..
فهد : هز راسه .. وربت ع كتف تيم . الل جواك صعب حد يعرفو غيرك .
. لكن ف فئه معينه من الل جربو الوجع اكيد هيحسو بيك . وقرب منه وهمس . فهد موجود ديما . يوم ما تحب تطلع المدفون جواك . هتلاقي اب وصديق ف ضهرك .
.وده الل عمله معايا زمان ابوك محمد عزيز . وقام وقف . وساب تيم ف امواجه . وحيرته .
——————بقلمي مريم نصار
ميرو : واقفه عند السلم . ومحتاره تعمل ايه . بتتصل ع كريم . لكن مبيردش . ومسمعتش صوت فونه رن ف الليفنج . ونفخت بغيظ.وبعدين بقى ؟ هو فونه صامت ولا سابه ف العربيه؟ وبصت بالصدفه وشافت ياسين من شباك الصاله . واقف ف الجنينه بيتكلم ف الفون . وقالت ايوه هو ياسين الل هيجبلى المفتاح من كريم .. وخرجت من باب الفيلا.
كريم : قاعد جمب ابوه وقال بابا . مش المفروض اقدم الخاتم لليليان؟
يوسف : تنح . هو انت جايب خاتم ؟
كريم : ايوه يابابا ..
يوسف : بغيظ . ولسه جاي تقول ياغبي . المفروض بعد قرابة الفاتحه كنت وقفت وقولت عايز اقدم خاتم الخطوبه للعروسه ..
كريم : ما انا بقى. كنت متلخبط يابابا. وبعدين هندخل ع ليليان من غير هديه؟
يوسف : اتكلم عن نفسك يابغل انت . انا جبت لخطيبة ابنى طقم الماظ حر وحياتك . وزمان امك قدمته ليها ..
كريم : بغيظ . لأ بقى كدا كتير عليا اقسم بالله . مش كفايه جدى آدم كروتنى ف كتب الكتاب . انا من ساعتها وانا متغاظ ..
يوسف : هههههههههههه جدك آدم حسبها صح ف ثانيه . هههههههه معلش مش جديد عليه . المهم أنا هتصرف متقلقش ..
كريم : ابوس ايدك اعمل اي حاجه ..
يوسف : حس إن ابنه تفوق عليه ف العشق . وابتسم بحب كبير. وهز راسه . وبص ل آدم . وقال لو سمحت ياعمي .. كريم عايز يقدم خاتم الخطوبه للعروسه . ده بعد اذنك طبعا انت وزين . وكمان عمها مراد ..
مراد : ههههههههه بلاش انا هههههه .. عشان ممكن كريم يزعل مني هههههههههههه.
فهد : هههههه . وهمس ف ودن مراد . اه عارفك تحب تفرق الناس موووت
مراد : اله . وانا مالي يالمبي . هو انا هقول حاجه اكتر من شرع ربنا . أنه لا يجوز .
فهد : هههههههههههه . لا صح انت بلاش تتدخل احسن .
آدم : هز راسه تمام . ثواني هبعت حد يشوف عروستنا ..
تيم : اخد فنجال القهوه . وخرج يشربه ف الجنينه .
كريم : همس بفرحه . شكرا جدا يابابا ..
يوسف : ربت ع كتفه . الف مبروك ياكيمو ..
ميرو : راحت عند ياسين . وندهت عليه .احم ياسين..
ياسين : سمع صوتها وقلبه دق بسرعه . ونزل الفون من ع ودنه ولف ليها …
ميرو : ابتسمت بعفويه . اذيك ياحضرة الظابط مقدما ..
ياسين : بلخبطه . رفع الفون ع ودنه وقال الله يسلمك.
.احم قصدى طيب يصحبى مع السلامه انت دلوقتى وهكلمك اول ما اروح البيت . وقفل . وقال بهيام اذيك يامريم ؟
ميرو : الله يسلمك . معلش كنت عايزه منك تعملى خدمه صغيره ..
ياسين : بسعاده كبيره . قرب منها خطوه مع حفظ المسافه . ياخبر انتى تؤمري أمر . خير ..
ميرو : ميرسي جدا ياياسين بصراحه انا كنت عايزه منك تجيبلى مفاتيح عربية كريم . بس ياريت من غير ما حد من العيله ياخد باله . انت بس قول ل كريم هات مفاتيح العربيه لمريم ..
ياسين : بس كدا . حاضر من عينيا ..
ميرو : عن عمد . الف شكر بجد انت اخ ونعم ربنا يكرمك..
ياسين : انتبه . وكأنه فاق من الوهم بسرعه . وقال بحزن متدارى . احنا اخوات ومفيش كلمة شكر بينا يا دكتوره ..بعد اذنك وسابها ودخل ..
ميرو : وقفت مكانها . وزعلت جدا ع ياسين . هي حاسه بيه . لكن قلبها رافض يتقبل اى حد غير تيم وبس …
——————بقلمي مريم نصار
آدم مراد : واقف عند البيسين الخاص بيه .. وحاطط ايدو ف جيبه .. وباصص للميا . وقال اتأخرتي ليه؟
آرين : جايه من وراه ووقفت وتنحت . ايه ده؟ عرف ازاى انى موجوده؟
آدم مراد : تعالى يا آرين . وبطلى تكلمي نفسك ..
آرين : بحرج . احم وجت وقفت قدامه . ممكن اعرف بقى انت عرفت انا جيت ازاى؟
آدم مراد : اظن انتى ماشيه ع الأرض مش جايه طايره .ولا ايه؟
آرين : اممم نظريه بردو . طيب انت ليه قولت اجيلك هنا . واختفيت مره واحده من قدامي ..
آدم مراد : انا قولتلك تيجي هنا عشان اعرف مالك؟ وزعلانه ليه؟
آرين : بطفوليه . ااه اسكت يا آدم . بابي رافض انى ادخل كليه حربيه .
آدم مراد : بصلها بغضب وقبض ع ايديه انتى قولتي اييييه؟
آرين : خبطت برجليها ع الأرض مكانها . وقالت بنرفزه . هو ايه ده بقى . كل ما اقول حاجه انت ومامي تتنرفزو عليا .. اعااااااا ..انا اتخنقت.
آدم مراد : غضبه اختفى ف ثواني . بس ياطفله … انتى اصلا ازاى تفكري مجرد تفكير ف الحربيه؟
آرين : ببراه لدرجة انها خلت قلب آدم يدوب ف عشقها . آدم ممكن تفهمني طيب ليه رافضين انا بقتنع بيك انت . قصدى يعنى بكلامك انت .
آدم مراد : . تعالى اقعدى هنا يا آرين وانا هشرحلك كل حاجه . بس حتى لو مقتنعتيش انسي فكرة الحربيه دي تماما فاهمه .
آرين : نفخت بطفوليه . وبتقلدو . حتى لومقتنعتيش انثي الحلبيه دي تماما . اوووف..
آدم مراد : بتحذير . بتقولى ايه يا آرين؟
آرين : قعدت بنرفزه .. مابقولش حاجه . ممكن بقى حضرتك تقولى كل حاجه عن الحربيه وايه وجه الاعتراض؟
آدم مراد : هز راسه . وقال جواه اصبر عليها يا آدم لسه طفله .
.وشد الكرسي بغضب وقعد ع الكرسي بالعكس قدامها . بصي يا آرين. اولا كدا ماينفعش بنوته رقيقه ذيك كدا تدخل الحربيه . ليه؟ لان الحربيه مش سهله . وكلها أمور خطيره من ناحية التدريبات والسلاح والسفر ومواجهة الموت .. المخابرات صعبه جدا يا آرين ..
آرين : قالت بتمنى …. بس انا عايزه اكون زي بابي . عايزه اكون زى خالو مراد وزيك يا آدم . انا نفسي اكون بطله وقويه وشجاعه عايزه يكون ليا كارير معين لحياتى . انتو ليه مش قادرين تفهموني ؟
آدم مراد : ابتسم . وقال بذكاء . طيب جدك آدم ايه رايك فيه؟
آرين : بفخر . بابا آدم؟ ده ايكونه كدا محصلتش . شخصيه جميله جدا . بيجمع بين حجات كتير جدا . أولهم القوه والذكاء والشجاعه والدهاء . كون امبراطوريه آدم وجمع العيله . وماشي ع مبدأ الاتحاد قوه والتفرق ضعف . بيعامل الصغير ذي الكبير بيحترم الكل . عنده ثقه ف نفسه جميله جدا. عنده حب ل ماما مريم.. حب ايه ؟ عندو حاله مابعد العشق . لحد دلوقتي العشق موجود بينهم . بابا آدم زي العمر مش هيتكرر مرتين ..
آدم مراد : بيسمعها وعينيه ف عينيها . وعشقه بيزيد وابتسم من نضج وصفها لجدها آدم . وضحك بصمت . وقال . طيب ايه رايك انك تكوني حليفة آدم العدوي . وتوصلي لنفس ليفل القوه والشجاعه .بصي يارينو ياصغيره. مش لازم تعرضي نفسك للخطر عشان تثبتي انك قويه .. ومش لازم تدخلي حربيه عشان يكون ليكي كارير معين؟ ومش لازم تختاري الاصعب عشان توصلي .. وبعد ماتوصلي هتكوني هلكتى تماما . لأ انتى قدامك فرص كتير جدا انك توصلي للقمه . ايوه هتتعبى عشان توصلي . بس تعب عن تعب يفرق . يعنى انتى ربنا ميزك ودماغك حلوه وذكيه وبتطلعي من الاوائل. ليه متحطيش هدف قدامك ومن غير مخاطر و بذكائك هتوصلى وهتكوني حاجه كبيره جدا .
آرين : بتفكير . اممم طيب انت شايف انى ممكن اكون ايه؟
آدم مراد : غمض عينيه وقلبه قال. نفسي اشوفك نصي التاني .
آرين : كشرت عينيها . انت يا ااادم روحت فين؟
آدم مراد : قال شايفك حاجه كبيره اوى يا آرين . وعايزك تشوفي انتى متميزه ف ايه ف دراستك . وتركزي فيها. وصدقينى هتكوني فخر للعيله كلها.
آرين : هزت راسها بزعل حقيقي . عارف يا آدم . انا بجد كان حلم حياتى كلها انى اكون ف حربيه. وديما شايفه نفسي ظابط آرين السيوفي . والحلم كبر جوايا. وبشبح ابتسامه قالت. بس انا مقدرش اعيش يوم واحد وبابي زعلان منى . وعيونها لمعت بدموع وابتسمت بتمثيل . بس هحاول اغير حلمي . وقامت بحزن . انا هروح للبنات لانى اتأخرت عليهم . وجريت من قدامه ..
آدم مراد : شاف دموعها . وصك ع اسنانه بغيظ واضح .
——————بقلمي مريم نصار
ميرو : واقفه عند عربية كريم .وشافت ياسين جاي عليها ..
ياسين : ابتسم بتمثيل .. اتفضلى المفتاح ..
ميرو : بفرحه . ميرسي بجد يا ياسين . انا مش عارفه اقولك ايه بجد ..
ياسين : ابتسم . متقوليش حاجه . انتى قولتى قبل كده اننا اخوات ..
ميرو : ابتسامتها اختفت . وزعلت ع ياسين. وقالت ياسين انا كنت عايزه اقول حاجه . وياريت ماتفهمنيش غلط .
ياسين : أتأكد من نظرتها .. وقال مافيش داعي يادكتوره . وكل جرح مع النسيان هايتلم من تاني .
ميرو : افتكرت تيم . ولا إراديا. كررت جملة ياسين. كل جرح مع النسيان هايتلم من تاني . وغصب عنها دموعها نزلت.
ياسين : اتخنق لدموعها . انا اسف يامريم . انا قولت حاجه ضايقتك . وطلع منديل ورقي اتفضلى وياريت متعيطيش وانا اسف بجد . انا مقصدش حاجه صدقينى .
ميرو : اخدت المنديل ومسحت دموعها . وهزت راسها بلاء . انت مقولتش حاجه غلط يا ياسين . وانا حاسه بيك.
. ومش عايزاك تعاني وتتعلق باأمل كداب . وتعيش ف سراب . انا من زمان كنت عايزه اقولك انك زي اخويا فعلا .
. ودي حاجه مش بايدي . وعيطت بصمت وصدقينى كلامي ليك بيد#بحنى لانى مقدره جرحك دلوقتي. انا بجد اسفه اوي يا ياسين .
. انت انسان محترم جدا وطموح. وانت مكسب كبير لاي واحده ف الدنيا . لكن….. وبصت بعيد وضغطت ع شفايفها وعيطت بشهقات وجع . ومش قادره تقول اكتر من كده.
ياسين : قلبه اتقسم نصين. وعايز يختفي ف مكان لوحدو . لكن دموعها صعبه جدا عليه.
. ورغم أنه مجروح أتأكد من أنها مجروحه زيه . وف نفس الوقت احترم شجاعتها ف انها فوقته لنفسه . وغمض عينيه وجمع قوته . وفتح مره واحده وابتسم بتمثيل .
. تعرفي اول مره اشوفك بتعيطي .ولو الحج آدم العدوي شافك بتعيطي وانا واقف كدا سايب اختى تعيط كان عمل منى بطاطس محمره .
. ولا آدم مراد بقى كان دفني مكاني. بس متقلقيش عليا انا ظابط برضو واعرف اتعارك هههههههه..
ميرو : غصب عنها ضحكت لكن بوجع لانها حاسه بيه.
ياسين : بتنهيده . ايوه كدا . اضحكي . المهم بقى مقولتليش انتى كنتى عايزه مفاتيح كريم ليه؟ ممكن تاخدي عربيتى نفس اللون والماركه ع فكره . هههههههه
ميرو : مسحت دموعها وابتسمت . ميرسي جدا اولا لتفهمك بسرعه .
. وكمان ميرسي لانك فعلا انسان راقي جدا . أما عربية كريم بقى . كنت عايزه منها البوكس الكبير ده ..
ياسين : شاف البوكس . وقال وااو . الواد كريم هيتحفل عليه لو الشباب شافو البوكس ده ..
ميرو : هههههه وعشان كدا . قالى خدي البوكس واستري عليا ههههه ..
ياسين : طيب وانا هساعدك . ممكن . بعد اذنك خدي جمب ..
ميرو : ابتسمت باريحيه . واتحركت خطوتين .
ياسين : فتح باب العربيه . وجاب البوكس . وقفل الباب . وقال بهزار . اتفضلى ممكن تقبلى مني الهديه المتواضعه دي؟
ميرو : ههههه ممكن جدا . وهديه مقبوله. وكريم هيقتلنا من غير تردد ..واخدت منه البوكس.
ياسين : ههههه يلا ع البركه . هههههههه . طيب هتحتاجي انى اوصلك للباب؟
ميرو : لأ ميرسي متتعبش نفسك . انا هروح من الباب ده . بعد اذنك . متنساش تطمن كريم وتقوله إن كل حاجه تمام . والمهمه تمت بنجاح..
ياسين : هز راسه تمام. اتفضلى انتى.
ميرو : لفت ضهرها وابتسامتها اختفت. وعيونها لمعت بدموع تاني. عشان ياسين. وحاسه انها جرحته. وحاسه بالذنب من ناحيته . ودخلت ..
ياسين : سند ع العربيه .. وحاسس إن قلبه بينزف من الحقيقه المره. ورفع راسه للسما. وقال كل حاجه جواه ف نظره واحده للنجوم. ونزل راسه. واتفاجئ بدمعه فراق نزلت ع خدو ..
بعد شويه
تمارا : قاعده مع البنات .. وسمعت صوت همس . وبصت حواليها. لمحت آريان بيشاور ليها ..
آريان : بهمس .. بسبس . تمارا. تماراااا ..
تمارا : هزت راسها ليه ايوه ؟
آريان : بص حواليه وشايف الكل مندمج . وبصلها وقال . انا عايزك ثوانى . تعالى ..
تمارا : بتوتر . بصت لمريم وابتسمت بتمثيل. ميرو انا ثواني وراجعه .
ميرو : ابتسمت بتكليف . وهزت راسها ليها.
تمارا : قامت .. وشافت آريان خارج ع الجنينه . وراحت وراه بحرج كبير ..
آريان : وقف تحت شجره كبيره .. ومتسنيها . وشافها جايه عليه. وابتسم بحب.
تمارا : بكسوف . احم كنت عايز حاجه يا آريان؟
آريان : ههههه اذيك الاول ياتيما ..
تمارا : هزت راسها الله يسلمك . وانت اذيك؟
آريان : انا دلوقتي كويس اوي. آسف انى ندهت عليكي بالطريقه دي . بس بصراحه مكنش قدامي حل تانى . انا من زمان جدا كنت هموت واسلم عليكي..
تمارا : بعفويه . لا بعد الشر عليك متقولش كدا تانى من فضلك ..
آريان : نفسه يعبر عن عشقه ليها لكن هي حاطه حدود للعلاقه . ومسح وشه بايديه .. احم تمارا انا عارف لو قولت اى حاجه دلوقتي انتى ممكن تضايقي مني . وانا مش عايز كدا ..
تمارا : ابتسمت بحب ع تقديره ليها . وقالت الحكايه مش حكاية انى اضايق يا آريان . الحكاية حكاية حلال وحرام .حكاية خوف من الل ممكن يحصل بعد كده .. حكاية ثقة اهلى فيا . يعنى انا متاكده دلوقتي إن لو بابي شافنى دلوقتي وانا واقفه معاك اكيد هيكون واثق ف بنته انها متعملش اى حاجه تكسر الثقه دي .. وكمان لازم ثقتك فيا تبقى كبيره .. الثقه يا آريان .. الثقه عندى اهم من الحب نفسه. لأن الثقه هي الل بتوصل لأعلى مراحل العشق . فهمتنى ؟
آريان : بابتسامه خطفت قلبها .. وقال . انا مش هقولك غير أن كل كلامك مفيش عليه أي غبار . وثقتى فيكي عدت عدد عمري بمراحل .. وانا محظوظ جدا ومبسوط إن قلبى نبض ليكي انتى مش لحد تانى ياتمارا .. لكن ف حاجه انا جبتهالك ويتمنى انك تقبليها مني .. ممكن ؟
تمارا : قلبها بيدق بسعاده كبيره . وهزت راسها ممكن .
آريان : طلع علبه قطيفه من جيبه . اتفضلى . ويارب تعجبك ..
تمارا : وشها احمر جدا .. وبلعت ريقها بتوتر . واخدت الهديه ميرسي جدا يا آريان ..
آريان : عيونه متعلقه ف جمال عيونها . وابتسم . افتحيها اول ما تروحي اوكي؟
تمارا : بابتسامه . هزت راسها اوكي ..
——————بقلمي مريم نصار
كريم : لبس الخاتم لليليان. الف مبروك ياحبيبتى . بجد انا مش مصدق نفسي ..
ليليان : بحرج . وقلبها هيطلع من مكانه . الله يبارك فيك يا كريم .
ليليان : هزت راسها ايوه . ميرسي جدا .تعبت نفسك .
كريم : انا بحب اتعب نفسي عشانك يا ليليانو. بجد مع انى زعلان من اتفاق كتب الكتاب . لكن مبسوط انك خلاص هتبقى من نصيبي ..
ليليان : معلش ياكريم . انا عرفت كمان إن بابا آدم هيكتب كتاب آريان وتمارا قبل الفرح باسبوع واحد .. متخيل بقى؟
كريم : ايوه عرفت من آريان. بس وجهة نظر جدو آدم ناحية آريان صح . لانه ماينفعش آريان يكتب كتابه سنه ونص . وتمارا بتكون موجوده هنا ديما. انما انا بقى مش حرام ؟ انا هكون ف الجيش . يعنى مش هشوفك غير كل اجازه انزلها .
ليليان : عيونها لمعت بدموع . انت هتمشي امتى ياكريم….
كريم : كلها ٤٥ يوم ان شاء الله
ف الشركه
زين : راح وقف عند الشباك واتصل ع هيكل ..
هيكل : ف العربيه. وفونه رن وابتسم بخبث . ورد الو كل حاجه جاهزه . زي ماخطط بالظبط ياباشا
تيم : بينهج . خالو مراد انت فين . عربية فهد انف#جرت قدام عينيا. ——–