رواية ميراث العشق الجزء (2) الفصل الثامن عشر 18 - بقلم مريم نصار

  رواية ميراث العشق كاملة بقلم مريم نصار عبر مدونة دليل الروايات 

 رواية ميراث العشق الجزء (2) الفصل الثامن عشر 18

بسم الله نبدأ

بعد مرور كام شهر ..

عند فهد . الساعه ١٢ الضهر

فهد : ف اوضته . وراح ع الدولاب يطلع هدوم .

رينو : ف المطبخ . بتعمل قهوه . وبتتكلم ف الفون . ايوه يانور ياحبيبتى آرين و آركان راحو المدرسه . وغلبوني لما صحيو ..

نور : هههههه معلش ياحبيبتى . ولسه بقى الجامعه ربنا معاكي. المهم نبهتى ع آرين و آركان بعد المدرسه يطلعو ع الشقه عندى؟

رينو : بابتسامه . طبعا أنا قولتلهم خالتكم حبيبت قلبي عزمانا ع الغدا . والسواق هيوصلهم لحد عندك ..

نور : تمام اهم حاجه انتى متتاخريش عليا .

رينو : لا متقلقيش انتى عارفه إن العياده بتتجدد والعمال شغالين فيها .. وانا اجازه لحد ما العياده تبقى فول اوبشن . قوليلى الدكتور محمد فين؟

نور : بابتسامه . ف مؤتمر صحفي . وبعدها هيرجع ع البيت . وبليل هيكون نبطشيه ..

رينو : ربنا معاه يارب . بجد انا فخوره ب أبيه محمد جدااا . ولما بيطلع ف التلفزيون كدا ببقى مبهوره .

نور : بفخر . طبعا يابنتى والله لما بيلبس البدله بقوله رئيس جمهوريه يبنى والله .

رينو : ههههه طبعا . ربنا يحميه يارب . وتيمو حبيب قلبي فين؟ متصلش عليا انهردا . دا انا هعلقه لما اشوفه .

نور : تيم ف الجامعه . نزل من ساعه .

رينو : ربنا يوفقه ياحبيبى . بيتعب اوى وخصوصاً سنة الامتياز دي ..

نور : متعرفيش انا مستنيه آخر السنه بفارغ الصبر . يااااه مش مصدقه نفسي بجد . اخيرا ابنى هيبقى دكتور والله ممصدقه ..

رينو : خلاص هانت اهي كلها شهرين ويخلص .. و تيم يستاهل اكتر من كده . ويارب اشوفه بقى عريس قريب ..

نور : بتنهيده . والله يارينو ياحبيبتى تعبت معاه . ومش عارفه قافل باب الجواز ده ليه؟

رينو : بتفكير اممم طيب مش يمكن تيم بيحب حد؟

نور : والله سألته مليون مره . ومفيش اجابه . وانا المفروض اعرف منك . مش انتى امه التانيه وحبيبته ..

رينو : هههههههه عيونى حاضر . بس انتى عارفه انا مكنتش بسال عن حاجه زي كده عشان يركز ف دراسته . بس دلوقتي بقينا فاضيين نسأل براحتنا ههههه..

نور : هههه ماشي وياريت لو عرفتى حاجه ريحي قلب اختك حبيبتك .

رينو : عيوني ليكى يانوربانو .

نور : هههههههههههه انتى لسه فاكره يابت نور بانو. يخر#بيت كدا..

رينو : قفلت ع القهوه . وبتحطها ف الفنجال . وقالت طبعا اي حاجه بينى وبينك عمرى ما انساها .

نور : تسلمي لقلبى يارينو ياحبيبتى . اسيبك انا بقى واقت#حم المطبخ .

رينو : انتى لوحدك ف المطبخ ؟

نور : لا مامي ربنا يبارك ف عمرها . بعتت مياده تساعدنى .. ارجوكي بقى متتاخريش..

رينو : اوكي هقول لفهد يوصلنى ليكي كمان شويه ..

ونور : ماشي ياحبيبتى يلا باي..

رينو : باي ياحبيبتى ..وقفلو . وشالت القهوه ورايحه الاوضه لفهد ..

——————بقلمي مريم نصار

فهد : واقف قدام المرايا بيسرح شعرو . ولابس بدله شيك جدا . وساعه فخمه . ورش برفان مميز جدا . وكان ف أبهى صوره . كأنه عريس .

رينو : داخله بعفويه . ومفكراه لسه قاعد ع السرير . وقالت القهوه لحبيب………واتصدمت وسكتت وفتحت عينيها بدهشه ..

فهد : لف ليها . وابتسم .تسلم ايدك جت ف وقتها .

رينو : غمضت عينيها وفتحت ببلاها .. ودخلت وقفت قدامه . وقالت ايه ده يا فهد؟

فهد : باسها من انفها بمرح . ايه ياروحي؟ واخد القهوه وبيشرب . اممم تسلم ايدك ياقلبى..

رينو : بغيره واضحه . اييييه الل انت لابسه ده يافهد؟ وانت خارج إن شاء الله ؟

فهد : بيشرب القهوه وكشر عينيه . وقال ف ايه يارينو ؟ ايوه خارج . وماله لبسي؟ عريان هههههههه.

رينو : بغيره . دمك تقيل ع فكره .. وربعت ايديها بغضب ايه البدله دي؟ وخارج رايح ع فين وانت كدا ؟

فهد : قرب من شعرها وبيشم فيه . وبيشم ف كتفها. وقرب من وشها .. شامم ريحة شياط؟ ياترى انتى ناسيه حاجه ع الن#ار .

رينو : هزت رجلها بنرفزه .وقالت بغضب . اه والن#ار هتح#رق كل حاجه دلوقتي .. لو مقولتليش لابس ومتشيك اوووى كدا ورايح فين ؟

فهد : بخبث . اممم القمر غيران بقى ؟

رينو : بغيظ . تقدر تقول حاجه زى كدا . ايوه غيرانه استريحت ؟ قولي بقى انت رايح فين؟

فهد : بسعاده . وقلبه بيرقص . قال بمكر . وهمس ف ودنها . رايح مقابله مهمه اووووى ياروح الفهد ..

رينو : زعقت انت بتنرفزنى اكتر يافهد . انت رايح فييييييين ؟

فهد : ببرود .. بيرفع ايدو يشرب القهوه …

رينو : بنرفزه كبيره . مسكت فنجال القهوه قبل ما يشرب واخدته منه وسابته وخرجت ع المطبخ .

فهد : ابتسم بحب . واتنهد لغيرتها .. وخرج وراها ..

رينو : حطت الفنجال ع التربيزه . وواقفه مضايقه جدااا ..

فهد : قرب منها وحضنها من الخلف . ايه يارينو بقى مالك ؟

رينو : اتنهدت بزعل ومردتش …………

فهد : باسها من خدها . رايح انا ومراد نقابل شخصيه مهمه وحته تقيله جدا ف المخابرات .

رينو : …………

فهد : طيب والله العظيم مافيش اى ضابطه بنت هناك ..

رينو : غمضت عينيها وكاتمه الضحكه . وبتمثل النرفزه ……… احم ..

فهد : بخبث . بس ف بنات تحت التمرين ..

رينو : لفت ليه بغضب . وقالت بنات تحت التمرين؟ والله العظيم يافهد اقت#لك واقت#لهم . وانت رايح تقابل حد مهم وانت بالشياكه دي؟

فهد : بغمزه . قمر مش كدا ؟

رينو : بطفوليه . ايوه . والبنات لو شافوك هيت#جننو عليك .

فهد : باسها برقه . وانا الل يهمنى ويفرق معايا انى انا بتجنن لما بشوفك انتى وبس ..

رينو : النا#ر الل جواها بدءت تخمد . فهد غير البدله دي ..

فهد : ههههه والله يانجمتى مافيش وقت . وبعدين لازم جوزك يكون مالى مركزه ولا ايه؟

رينو : بغيره . انت شكلك عايزنى ارتكب جر#يمه قريب جدا..

فهد : قربها من وحاوطها من وسطها . هي نجمتى مش واثقه ف عشق الفهد ولا ايه؟

رينو : بتنهيده . لأ واثقه جدا . بس انت بجد طالع اجمل من القمر . انت تجنن يافهد..

فهد : رجع خصلة شعر ورا ودنها وباسها برقه . وانتى مهما يطول العمر هتفضلي مشعوقتى ونجمتى وكل حاجه حلوه ف حياتي .. وضمها لقلبه..

رينو : غمضت عينيها ورفعت أيدها حوالين رقبته وحضنته بحب كبير .. انا امو#ت من غيرك يا فهد ..

فهد : طلعها من حضنه بخ#نقه . وبعدين يالارين . انتى هتفضلى كل شويه تتكلمي عن الموت قدامي . ف ايه مالك ؟ انا مش هنبه عليكي تانى انتى فاهمه؟

رينو : رفعت ايديها ع صدره . وقالت غصب عني والله يا فهد . انت عارف من يوم الحا#دثه وتف#جير عربيتك انت ومراد . وانا خايفه اوي عليك وع مراد .

فهد : نفخ بنفاذ صبر . وانا قولتك قبل كدا متخافيش احنا بنحقق ف الموضوع واكيد الل عمل كدا هنجيبه .

رينو : بدموع..ازاى يافهد ؟ وانت بتقول إن الل عمل كدا ماسبش دليل وراه . حتى مكن الريس لقيتوه ف النيل . والمجر#مين الملثمين مفيش اى دليل أو خيط صغير يوصلك للجاني .. انا بجد خايفه اوي عليك .. انت مش عارف انا من غيرك ممكن اعمل ايه؟ انت كلي يافهد انت روحي . وعيطت ..

فهد : صك ع أسنانه بغيظ مكبت . وشدها لحضنه . هششش بس ماتعيطيش . وربت ع ضهرها . وطلعها من حضنه . ومسح دموعها وقال . رينو حبيبتى صدقينى مفيش حاجه هتحصل . واكيد الل عمل كدا ف يوم مسيره يغلط ويقع . او ممكن يكون حد غيران من نجاحى انا ومراد ووصلنا للرتبه كبيره ف المخابرات وحب يخوفنا ويشوش ع تفكيرنا .

وياروح قلبى انا مآمن كل حاجه كويس جدا . وكمان مآمن عليكى انتى وولادي والجارد ف كل حركه معاكو . والعربيات بتاعتنا بتتفتش كويس جدا قبل ما نستخدمها .

. وغير كدا واهم من كل ده إن ربنا معانا وإن شاء الله مش هيحصل حاجه وحشه . عايزك تفوقي كدا اوكي ياروحي ..

رينو : هزت راسها .. واتنهدت إن شاء الله ..

فهد : بمكر . تفتكرى البنات هتقول عليا ايه اول ما تشوف الفهد . وغمز ..

رينو : صكت ع أسنانها بغيظ واضح . ولسه هتزقه ولكن صر#خت . من الل شالها لفوق . واتخضت . فهد نززززززلنى انا هوريك ولازم انكد عليك انهردا ..

فهد : شايلها . ورايح بيها ع الاوضه . هههههههه طبعا هو انتو ياستات وراكو حاجه غير النكد ههههه ..

رينو : بتحرك رجلها بنرفزه . وبتخبطه ع ضهرو نززززلنى . نززززززلنى انا هوريك ..

فهد : نزلها ع السرير . وبيضحك ع شكلها ..

رينو : واقفه ع السرير مضايقه جدااا وبتنهج .. ونزلت بغيظ عايز تعرف البنات هتقول عليك ايه؟

فهد : هههههههه يابت بهزر معاكى . ومين مجنون يبص لغيرك ياقمر ..

رينو : بترجع شعرها من ع وشها بنرفزه . وقالت مااااشي يافهد بس لما نرجع حااااضر . هتبات ف الليفنج انهردا ..

فهد : بمكر والكنبه هتاخدنا انا وانتى ؟ اممم ياريت

رينو : بحرج . احم ا.انت هتوصلنى عند نور ولا السواق ؟

فهد : ههههه . معقول امشي من غير ما اطمن ع روحي . وبص ف الساعه وقال يدوبك تلبسي .. عشان متاخرش ع مراد اوكي ؟

رينو : . اوكي هلبس مش هاخرك ..

فهد : ماشي ياحبيبتى انا هروح أكمل فنجال القهوه الل خطفطيه منى وانتى البسي.وبعتلها بوسه ع الهوا بحبك ..

وسابها وخرج .

رينو : الضحكه اترسمت ع وشها . وغمضت عينيها بسعاده كبيره ..

——————بقلمي مريم نصار

ف نفس الوقت ف فيلا العدوي ..

آدم : ف الجنينه مع مريم .وقاعدين مع بعض .

مريم : بفضول . ايه يا آدم انت مش هتقولى بقى عايز تقولى ايه؟

آدم : بابتسامه. مستعجله انتى ها؟

مريم : ببراه . عايز الحق. بصراحه ايوه. انت الصبح قولتلى مش هروح الشركه . عشان عندى ليكى خبر حلو اوى.

واهو نزلنا وفطرنا . وكل واحد من ولادك راح ع شغله. وأحفادك الل ف الشغل والل ف الجامعه والمدرسه . وقاعدين لوحدنا اهو وانت ساكت.

آدم : ههههه . وانا ميهونش عليا اسيبك كدا ياروحي . غمضي عينيكى..

مريم : بحرج . بصت حواليها . كلام ايه ده يا آدم اغمض عينيا هنا ف الجنينه . الحرس واقفين ف كل حته . مينفعش ..

آدم : مسك كف أيدها وباس عليه . وانا من امتى بعمل حساب لأى حد ف عشقي ليكي ؟

مريم : اتكسفت ووشها احمر جدا من تحت النقاب . وجت تشد أيدها .

آدم : ضغط ع أيدها وشبك ايدو ف أيدها. وقال تؤ تؤ . اوعى ف يوم تشدى ايدك من ايدى. متعمليهاش تانى ..

مريم : بحرج . ياراجل انت ايه الل انت بتعمله ده . الناس هتبص علينا ..

آدم : بمكر . تحبى اقوم اشيلك قدامهم ..

مريم : شهقت بدهشه . تشيل مين يا آدم ههههه خلاص احنا عجزنا ..

آدم : بخبث افهم من كلامك ده إن شعري شاب وضهري اتحنى ؟

مريم : حطت ايدها ع بوقه . بعد الشر عليك من حانية الضهر .. بس دي سنة الحياه . اجيال بتسلم اجيال . والعمر مافيهوش هزار ..

آدم : انا معاكي. ف كل ده. بس أنا أقدر اشيلك ولا انتى عندك شك ؟

مريم : ابتسمت بحب . طبعا تقدر تشيلنى . بس انا مش عايزه اتعبك خلينى ماشيه جمبك خطوه بخطوه اجمل بكتير وكتفك ساند كتفي. .

آدم : ابتسم .. وقال قصدك كتفك عادل كتفي وساند ضهرى .

مريم : ابتسمت بدموع . ربنا يجعلنا سند لبعض ديما .

آدم : غمضي عينيكى ..

مريم : قبضت ع ايدو بتوتر . وغمضت عينيها بحرج ..

آدم : طلع من جيبه علبه صغيره . وحطها ف كف أيدها . فتحي ياروحي .

مريم : فتحت عينيها. وابتسمت . هديه برضو ؟ منحرمش منك .

آدم : افتحيها بنفسك .

مريم : كشرت عينيها بعدم فهم . وقالت دى اول مره تخلينى افتح انا الهديه ..

آدم : هز راسه ايوه لانى عايزك انتى تفتحيها بايديكى وتشوفيها بغصن الزيتون . يلا بقى افتحيها .

مريم : ابتسمت بحب . حاضر ياحبيبى . وقالت بسم الله . وفتحت العلبه وقرأت الل مكتوب ع السلسله . (حورية آدم) . وضحكت بدموع السعاده . وقالت بانبهار . ماشاء الله . جميله اوى اوى يا آدم بجد حلوه اوي..

آدم : ابتسم بحب كبير وحط ايدو ع حجابها وقال بحب . حورية آدم .

مريم : ضحكت . ربنا يبارك ف عمرك ويديمك ف قلبى وروحي ..

آدم : آمين . احم . دي بقى يستى هديه بسيطه . لكن الهديه الحقيقيه انا لسه هقولك عليها ..

مريم : بتركيز . ايه ياحبيبى انا سمعاك ..

آدم : مسك كف أيدها . وبص ف عينيها وقال من انهردا . آدم العدوي هيكون معاكي ليل ونهار .. انا سلمت كل حاجه ل زين و آريان ..

مريم : شهقت بفرحه كبيره . وحطت أيدها ع قلبها بجد ؟ بجد يا آدم . قول بالله بجد صح ؟ يعنى .. يعنى انت خلاص سبت الشغل وهتفضل جمبى ..

آدم : بغرام . طول العمر ياروحي ..

مريم : ههههه انا مبسوطه اوى اوى . والله بجد فرحانه . طيب مقولتش ليه من بدرى وفرحت ولادي ..

آدم : وانا عبيط عشان ماشوفش الفرحه دى منك . انا مايهمنيش حد غيرك . .

مريم : مسكت ايدو بطفوليه . وقالت يعنى مفيش سفر ومؤتمرات وندوات وحفلات تانى صح ؟

آدم : ههههههههه بصي هو ف حاجه بسيطه . لا هو شوية حجات يعنى .

.اولا كدا . اي حاجه متوقفه ع امضا مني . زين وآريان هيجبوها لحد البيت وانا همضي عليها . وهتابع الشغل ع اللاب توب .

. وف حفله ف الشركه طبعا الموظفين لما عرفوا بالقرار ده . زعلو جدا . وقررو انهم يعملو حفله كبيره ف الشركه الأم علشانى.

.. وانا بصراحه محبتش ارفض كفايه حبهم ليا . والحاجه التانيه . إن كل سنه ف احتفالية الشركه انا طبعا لازم اكون موجود . واي حفله بقى لرجال الأعمال اصدقائى لو بعتلى دعوه طبعا أنا مش هتاخر عليهم . لكن اكتر الوقت هكون معاكي يقلب آدم ..

مريم : بسعاده . طيب . طيب انت نويت تسيب الشغل من امتى؟ وليه مقولتليش من بدرى ؟

آدم : هقولك ياحبيبتى . انا طبعا زي ما قولتلك قبل كدا . انى ماينفعش اسيب زين ف نص الطريق . وانا طبعا حكيتلك عن الل زين عمله مع هيكل .. ههههه وزي ما انتى عارفه إن هيكل اخد قلم ومن غير اي مجهود .

ودلوقتي هيكل هيتج#نن عشان يرجع يشتغل مع زين تانى . لكن زين ابنك ماشاء الله عليه شوفت فيه قوة آدم العدوي .

. وأنه يقدر يشيل المسؤليه كامله . وكمان آريان ماشاء الله عليه . استلم مكان زين . وزين استلم مكاني . وليليان اهو شغاله شويه وبتسلي وقتها . وريتال معاهم . وغير كل ده يعنى المجموعه ف آمان الله ..

مريم : بسعاده كبيره . انا مبسوطه اوى اوى يا آدم .

آدم : بضحكه . وانا بعشق فرحتك يااميرة آدم . المهم بقى . بما إن آدم حفيدى ف الجهاز . وآريان ف الشركه واحنا هنا لوحدنا. ايه رايك تقومي تلبسي دلوقتي ونروح زياره مفاجأه لجاسر وملك وأشرف وهنا ؟

مريم : بفرحه زي ما تحب . المهم انك معايا ..

آدم : بص ف الساعه . وقال تمام الضهر ع وشك هي ميرو هترجع امتى؟

مريم : هي ماشيه من نص ساعه . وقالت إنها هترجع ع العصر إن شاء الله. شاهين هيوصلها ويرجع ياخدها ..

آدم : تمام ربنا معاها . احنا إن شاء الله هنرجع بعد العصر وقام . يلا ياروحي ..

مريم : قامت . ف ثوانى هلبس ونصلى الضهر ونتحرك ..

——————بقلمي مريم نصار.

ف الجامعه :

شاهين من آخر موقف من آدم مراد وهو بيحاول يتغير

شاهين : وصل ميرو ونزل .. و فتح باب العربيه ل ميرو. اتفضلى ياهانم.

ميرو : نزلت من العربيه . وهزت راسها ليه ميرسي. وداخله الجامعه . ووقفت وقالت ل شاهين اتفضل انت وانا هبلغ حضرتك قبل ما اخلص ..

شاهين : بص ف الأرض وهز راسه تحت امرك ياهانم .

ميرو : ياريت بلاش هانم دي . انا قولت لحضرتك كتير قولى دكتوره وخلاص .

شاهين : هز راسه ليها احتراما انا اسف لكن المقامات محفوظه . ولكن تحت امرك يا… احم يادكتوره .

ميرو : هزت راسها تمام. اتفضل حضرتك .. ولفت ودخلت الجامعه ..

شاهين : فضل واقف وعينه عليها لحد ما اختفت من قدامه . واتنهد بتعب . وقال يخساره لكن استحاله تكونى من نصيب واحد فقير زيي . وركب العربيه واتحرك ..

ميرو : ماشيه وبصت ف الساعه . وقالت اممم لسه ربع ساعه .. وبصت حواليها ياتري هبه جت ولا لأ؟

تيم : من وراها بتدوري ع حد ؟

ميرو : لفت بسرعه . وقلبها دق . وابتسمت بحب تيم صباح الخير ..

تيم : صباح الخير يامريم. ايه بتدوري ع مين؟

ميرو : احم بدور ع هبه زميلتى . اصل انا وصلت بدرى قبل الميعاد بشويه ..

تيم : اممم وانا كمان لكن الدكتور اعتذر عن المحاضره .

ميرو : بزعل . احم هتروح ؟

تيم : ممكن استناكي لحد ما تخلصي ..

ميرو : قلبها فرح . لكن قالت لأ متتعطلش بسببى انا قدامي لحد العصر.

تيم : اممم فعلا وقت كبير عموما سبيها بظروفها . و تعالى نشرب حاجه ..

ميرو : ابتسمت لأ ميرسي انا صايمه ..

تيم : كشر عينيه ايوووه ايوه انهراد الاتنين. طيب ايه رايك تروحي معايا وتفطرى معانا. انتى عارفه إن ماما عازمه فهد ورينو ع الغدا .

ميرو : بتنهيده . ايوه عارفه. لكن معلش خليها مره تانيه .

تيم : لسه هيتكلم .لكن فجاءه بنت ندهت ع تيم .

ميرو : لفت تشوف مين البنت دي؟ وشافت بنت رقيقه جدا وجميله . والمفاجاه انها بتشبه ميرو كتير..

تيم : شاور ليها بايدو .

البنت : قربت منه بضحكه صافيه ورقيقه . هاي تيم .

تيم : .هاي كاملياا ايه المفاجأة دي وعامله ايه؟

دينا : برقه تمام جدا . وقولت افجاءك انهارده . وبصت ل مريم وهزت راسها بابتسامه هاي .وبصت ل تيم ..

تيم : . اعرفك الدكتوره مريم العدوي بنت خالى دكتورة طب بشري قسم عيون وبتخلص رسالة الماجستير والدكتوراه ..

كامليا : واو بجد . اهلا يا دكتور ..

ميرو : حاسه بلخبطه وتايهه من فرق الشبه الكبير بينهم . لكن ابتسمت بتكليف اهلا بحضرتك ..

تيم : بص ل مريم. وقال . دكتوره كامليا . طب اسنان وآخر سنه. وصديقتى المقربه ..

كامليا : ههههههه صديقتك وبس اوكي ياتيم .

تيم : اسف . وبص ل مريم . كامليا تبقى الإنسانه الل هرتبط بيها قريب يامريم …

ميرو : بصدمه .. لحظة صمت . الأرض وقفت عن الدوران .. كل حاجه حواليها اختفت .. وصوت بيتكرر كتير .. الانسانه الل هرتبط بيها قريب يامريم. هو بس الل بيتكرر ..

كاميليا محمود عبد الباري .. ٢١سنه خامسه طب هي بنوته رقيقه وجميله وطيوبه وفيها شبه من مريم لكن واخيرا حصلت ع حبها لتيم ..و هي لبسها بناطيل ع بلوزات محترمه ومحجبه لكن بتحط ميكب بسيط . والدها محمود عبد الباري رجل اعمال . كامليا بتحب تيم جدا. وبتغير عليه جدا وهنشوف ياتري غيرتها عليه هتاثر ع علاقت تيم ب مريم و آرين ولا ايه الل هيحصل بعد كدا. وهنشوف القدر هيوصلنا لفين ..

كامليا : بدهشه . واو ياتيم انت مش ملاحظ انى انا والدكتوره ومريم فينا شبه كبير جدا من بعض وخصوصاً لون العيون .. ههههه بجد حاجه لا تصدق ..

تيم : ليه انتى متعرفيش المثل الل بيقول يخلق من الشبه اربعين ..

ميرو : …………..عيونها مفتوحه وبتتنفس لكن حاليا جسد من غير روح .. ايوه ماهو تيم كان روحها وخلاص لو كان ف امل واحد ف الميه دلوقتي ما#ت وانتهي .. كل حاجه انتهت يامريم ..

كامليا : بعدم فهم حبيبى هي مالها ..

تيم : مفيش مريم من النوع الخجول شويه .. وبصلها وقال مريم ؟

ميرو : …………والأرض بتلف بيها

تيم : شاور بايدو قدام عينيها . مريم روحتى فين.؟ وحرك الملزمه الل ف أيدها … وكل حاجه وقعت منها ف الارض ..

ميرو : كل حاجه قدامها ضلمه . وبدءت تنهج وبتقاوم لكن الصدمه فاقت كل التوقعات .وخلاص هتعيط لكن مش عايزه تكشف نفسها قدام الكل وغمضت عينيها واستسلمت للأمر الواقع . ووقعت بين ايديه …

تيم : بص ع مريم . واستغرب وكل حاجه وقعت من ايديها . ونزل وجابها . ورفع راسه وبص عليها وشافها غمضت عينيها وهتقع لكن تيم بسرعه ساب كل حاجه ف ايدو وقرب منها ووقعت بين ايديه . وبصوت عالي مررريييييييييم . مرررريييييم .

كامليا : شهقت بصوت عالى . ايه ده؟ ياربي مالها؟

تيم : بخوف كبير . مريم ردي عليا . مررريييم .

كامليا . تيم حبيبى الشباب كلهم بيبصو علينا ..

تيم : شال مريم .وجري بيها ع العربيه ..

كامليا : اخدت شنطة مريم والكتب بتاعتها وجريت معاه . واخدت المفاتيح وفتحت الباب الخلفي . وقالت بقلق هاتها هنا ياتيم ..

تيم : حطها ف الكرسي الخلفي . وقفل الباب وركب بسرعه ..

كامليا : ركبت جمبه .. وبصت ل مريم ف سؤال طوووويل ..

تيم : ساق بسرعه كبيره لتاني مره ف حياته . وطلع ع المستشفى . وكل شويه يبص عليها ف المرايا ..

وبعد شويه تيم وصل المستشفى .. ونزل بسرعه وفتح الباب عشان يشلها..

كامليا : نزلت بسرعه وقالت بغيره. تيم لحظه بس انت هتعمل ايه؟

تيم : بصلها . هعمل ايه يعنى هشيلها وادخلها المستشفى.

كامليا : بغيره كبيره. لأ انت ماينفعش تشيلها وبعدين انت والدك صاحب المستشفى وباشاره واحده بس منك مي#ت ممرض هيشيلوها ..

تيم : بصلها ف نظره غامضه ومردش عليها وشال مريم ودخل بيها المستشفى ..

كامليا : قفلت الباب بنرفزه كبيره ودخلت وراه ..

د/نرمين : قابلت تيم وشافت مريم بين ايديه وجت عندو بقلق .دكتور تيم ؟ مالها دكتوره مريم فيها ايه؟

تيم : بقلق . دكتور نرمين بسرعه شوفي متخصصه تشوف مريم هي اغمي عليها ف الجامعه.

نرمين : طيب دخلها الغرفه دي وانا هشوف دكتوره ايمان بسرعه وفتحت الباب لتيم .. واتحركت .

تيم : دخل الاوضه ونيم مريم ع السرير وشد عليها الغطا ..

كامليا : دخلت بسرعه . وحطت شنطة مريم والكتب بتاعتها بنرفزه . وقالت اتفضل انت وانا هفضل هنا معاها ..

تيم : بص ع مريم وقام وخرج ومسح وشه بايديه ونفخ بحيره ..

كاميليا : قربت من مريم وبصت عليها وقالت ياترى ايه حكايتك يامريم؟

الدكتوره ايمان جت ودخلت تكشف ع مريم ومعاها نرمين .

كامليا : ها طمنينى عليها يادكتوره مريم كويسه؟

د/ ايمان : ثواني انا بكشف عليها وهقولك حاضر لكن اطمنى متقلقيش عليها .

نرمين : بصت ليها بتعجب . وقالت هو انتى تبقى اخت الدكتوره مريم؟

. تؤ لأ انا اعرف تالين اختها الصغيره بس انتى مين وبصراحه الشبه الل بينكم كبير؟

كامليا : ابتسمت انا صديقه جديده ليها . واتعرفنا ع بعض مش اكتر من كدا..

نرمين : عوجت بوقها اه اهلا وسهلا وقالت جواها ع الاقل مريم احلا منك بكتير لابتحط ابيض ولا اسود ولا دهنا وشها بويا ذيك ورقيقه ومحبوبه ..

كامليا : نفخت بنفاذ صبر ها يا دكتوره طمنينى عليها.

د/ ايمان : شالت السماعه وقالت هي ضغطها واطي جدا وانا علقتلها محلول .

.وكمان حقنة فيتامين . وشويه وهتفوق . الف سلامه عليها . ولو احتجتى حاجه يانرمين ابعتيلى بعد اذنكم..

نرمين : تسلمي يا ايمي ياحبيبتى اتفضلى ..

كامليا : بصت ل مريم بحيره وخرجت . لكن اتغا#ظت من اهتمام تيم وهو بيسأل الدكتوره عليها ..

تيم : ايوه يادكتور هي قالت إنها صايمه

د/ ايمان : امم يبقى ده سبب حالة الاغماء اكيد . لكن هي كدا فطرت لانها اخدت إبرة فيتامين . وشويه وهتفوق متقلقش..

تيم : انا متشكر جدا يادكتور.

د/ايمان : بابتسامه تحت امرك يادكتور تيم ولو احتجت لاي حاجه انا موجوده بعد اذنك..

تيم : متشكر اتفضلى ..

——————بقلمي مريم نصار.

كامليا : جت ووقفت قدامه وقالت بغيره. ممكن اعرف ايه كل القلق ده ؟

تيم : قلق ايه؟ وايه الل انتى عايزه تفهميه؟

كامليا : قلقك الواضح اوى ع مريم . وانك تشيلها ف وسط المستشفى . وكمان خو#فك عليها ممكن اعرف ايه الل بيحصل بالظبط؟

تيم : مسح ع شعرو بنرفزه . وقال بتريقه اه واضح اوي انى قلقان وكس#رت المستشفى . لا كس#رت ايه دا انا دمر#تها .

وكمل بجديه وتحذ#ير. اسمعي ياكامليا اظن انتى عارفه كويس نظامي مع عيلتى عامل ازاى؟

وانا قولتلك وشرحلتك قبل كدا أن عيلتى سعادتها عندى اهم مليون مره من سعادتى .

وإن كنتى انتى ها تغيرى من مريم فا احب اقولك لأ .

. انا مش هسمح بالنقطه دي . ومش هسمح انك تحاولى تغيرى من اي حد من أفراد العيله وخصوصاً مريم و آرين وكمان بنات العيله ..

واحب اقولك كمان أنهم مش عيلتى وبس لأ دول عيلتى واخواتى وبناتي .

. واعمل المستحيل عشان افديهم . وياريت تخلى بالك من كلامك بعد كده وانك تقولى باشاره واحده منى اخلى مي#ت ممرض يشيلها ف ده مرفوض تماما ف عيلتنا .

.ومش هنبه عليكي تانى ف خلى بالك من تصرفاتك بعد كده وخصوصاً مريم خط احمر فاهمه يا كامليا ؟

مريم لأ … هي انسانه حساسه جدا وبريئه وبعتبرها بنتى مش قربتى وبس .. ياريت متحاوليش تعملى مشاكل بغير#تك دي .

.عايزه تغيرى عليا . تمام مفيش مشكله غيرى برحتك لكن بره نطاق العيله كلها .. كلامى واضح تمام ؟

كامليا : قلبها ولع نا#ر من الغيره. وكمان اتخن#قت وبصت بعيد . وخايفه تخسر تيم. هي تعبت عشان توصله اخيرا.

.وغمضت عينيها بتعب وقالت اهدى ياكامليا انتى كدا ممكن تخسري تيم .

. وابتسمت بوجع وقالت . سورى ياتيم متزعلش منى انت عارف انى بحبك اوى ومقدرش اعيش من غيرك .

.وغيرتي عليك طبيعيه اي حد بيحب بيغير ع الإنسان الل بيحبه وانا مش بحبك وبس وانت عارف ده كويس انى بحبك من اولى جامعه وتعبت كتير جدا عشان اوصل لقلبك حتى لو ع طريق الصدفه . وكمان مش قصدى انى اتعدى حدودي مع عيلتك سورى بجد ..

تيم : مسح وشه بايديه .. تمام ياكامليا . انا هدخل اطمن ع مريم ..

كامليا : بغيظ مكبت قالت بسرعه وانا هاجي اطمن عليها معاك ممكن؟

تيم : هز راسه ممكن طبعا . وكفايه تعبتك معايا وانك سبتى محاضراتك وجيتى معايا.بجد شكرا .

كامليا : ابتسمت بحب كلام ايه ده ياتيم انا عيوني ليك ياحبيبى ..

عند ميرو.

ميرو : فتحت عينيها بتعب شديد وغمضت تاني وهمست تيم….

نرمين : واقفه جنبها وابتسمت وحاولت تسمع همس مريم لكن مسمعتش . وقالت حمدالله ع سلامتك يا دكتور مريم ياقمر.

ميرو : بتعب ا.انا فين ؟

نرمين : انتى ف المستشفى ياحبيبتى . الدكتور تيم هو الل جابك لحد هنا. وقال انك أغمي عليكي ف الجامعه .

ميرو : غمضت عينيها بتعب وافتكرت اخر جمله . كامليا الل هرتبط بيها قريب يامريم .

.وجسمها اتشد ومسكت مفرش السرير بايديها وعيطت بصمت ..

نرمين : بقلق . بسم الله الرحمن الرحيم . مالك يامريم يابنتى انتى كويسه ياحبيبتى؟

ميرو : ابتسمت بو#جع متدراي ا.انا كويسه جدا . بس…ا.انا .. ا.انا .

نرمين : ربتت ع ايدها . انتى زي الفل متقلقيش . وتيم وصحبتك كامليا قلقانين عليكى ..

ميرو : فتحت عينيها بصدمه . وهمست كامليا وتيم؟

نرمين : ايوه تيم . وهو كان جاي يجري وشايلك بين ايديه .. والشهاده لله كان قلقان عليكى .

. اله انتى مكشره كدا ليه؟ طيب تعرفي يامريومه ياقمر انتى .

. والله بكلمك بجد انا لو ابنى ياسر كان اكبر منك كنت خطفتك خطف ليه هههههههههه بس هو واد نحس بقى جه بعد منك بسنين كتيره .

. وكمان المقاقات محفوظه كان الواد هيتعلق بيكي ويشم ف شراباته ههههههههه

ميرو : بشبح ابتسامه وسكتت ..

الباب خبط ..

نرمين : اضحكي اضحكي ياقمر .. واهو تلاقيه تيم وصحبتك. ثوانى هقوم افتح.

ميرو : هزت راسها . ومسحت دموعها بسرعه . وقالت جواها ارجوكي حاولى تكوني اقوى من كدا .

ارجوكي خلاص كل حاجه انتهت …

نرمين : فتحت . اتفضل يادكتور تيم دكتورتنا القمر فاقت .

تيم : دخل بسرعه وقعد قدامها . ايه يامريم عامله ايه دلوقتي ؟

ميرو : بلعت ريقها بتعب . وهزت راسها كويسه .

تيم : طيب حاسه بحاجه ؟ ايه الل حصل معاكي قلقتينى عليكى؟

ميرو : غمضت عينيها بتعب وقالت . ابدا حسيت انى دايخه شويه وفجاءه محستش بأي حاجه ..

تيم : بتنهيده الف سلامه عليكي يامريم . وده اكيد من الصيام .

. اكيد صومتى من غير ما تتسحري . ومعقول ماما مريم تسيبك تصومي من غير ما تتسحري مش معقول..

ميرو : لا لا حرام ماما مريم نبهت عليا كتير جدا انى اتسحر .

. وكد#بت عليه وقالت بس…بس راحت عليا نومه . وصحيت بعد آذان الفجر .

.وبصت ل كامليا وقالت بوجع . انا اسفه جدا ع الل حصل ده . كنت اتمنى نتعرف ف ظروف احسن من كده..

تيم : بتتاسفي ع ايه ؟ هو بمزاجك يعنى؟

كامليا : قبضت ع أيدها بغيره كبيره وقالت ايوه فعلا متتاسفيش اكيد غصب عنك يعنى .

وبعدين لازم تاخدى بالك من نفسك شويه انتى وشك شاحب واصفر وبشرتك بهتانه ..

تيم : بصلها بغ#ضب واضح ..

ميرو : اخدت نفس عميق ومردتش.

نرمين : بغيظ نعمممممم …

هي مين دي الل وشها اصفر وبهتان ؟.

دى الدكتوره مريم زي القمر ف ليلة تمامه . دى بتمشي تنور الدنيا بجمالها الطبيعي .

اظاهر كدا ياحبيبتى انك نظرك ضعيف اه اسمعي منى .

.وعموما كلها سنه والدكتوره مريم تفتح عيادة عيون ولازم تكشفي نظر وتعملى نضاره ولا ايه يا دكتور تيم؟

تيم : ههههههههه لسه زى ما انتي يادكتوره نرمين . وبرضو هقولك انتى عايزه عمليه كبيره . لكن انا بقى الل هعملهالك المرادي ههههه..

نرمين : ههههههههه والله كانت ايام زى العسل يادكتور وانت صغير وقمور كدا . بس دلوقتي الله اكبر برنس المستشفى . دا انت بتتعا#كس من كله يادكتور ههههههههه

كامليا : قربت ووقفت جنب تيم . وقالت طبعا تيم طول عمره جنتل مان وچان ..

نرمين : عوجت بوقها اه معروفه انك ملكة الجان.

. احم انا هروح اشوف الدكتور مروان . ولو احتجتو لأى حاجه ابعتولى ماشي يادكتور تيم؟

تيم : هز راسه متشكر جدا يادكتور ..

نرمين : ع ايه ده واجبي سلامتك يادكتور مريومه .

ميرو : بشبح ابتسامه الله يسلمك..

نرمين : خرجت ..

كامليا : قربت اكتر من تيم وبصت ل مريم ف عينيها بقوه وغيره ..

ميرو : هربت من عينيها وغير#تها حبستها ف قلبها . وكأن كامليا بتوصلها رساله خاصه ان تيم ملكي انا وبس .

. وانتى مجرد اخت مش اكتر . وغمضت عينيها بو#جع كبير ..

تيم : مريم انا هروح اجبلك اى حاجه تاكليها بسرعه

ميرو : لا انا هكمل صيامي ..

تيم : مش هينفع الدكتوره عطتك إبرة فيتامين .

ميرو : بزعل حقيقي ايه؟ طيب ليه كدا بس؟

تيم : عشان أنا عايز كدا . المهم بقى انا هروح اجبلك ميا وحاجه خفيفه تاكليها . واعملى حسابك انى هاخدك معايا البيت .. وهتتغدى معانا كلنا اوكي..

كامليا : واقفه وجواها بر#كان نا#ر ..

ميرو : مفيش داعي انا بقيت كويسه . وهرجع ع البيت ..

تيم : بتهايئلى انتى سمعتى انا قولت ايه؟

واحنا ف الطريق هتصل ع خالو مراد وابلغه . وقام وقف هتيجي معايا ياكامليا؟

كامليا : بغيظ مكبت لكن ضحكت بتمثيل لأ ياحبيبى انا هعقد مع مريم شويه . مش معقول هنسيبها لوحدها كدا ..

تيم : تمام . تحبى اجبلك حاجه ؟

كامليا : بم#كر ايوه ياروحي عايزه شوكليت اوكي .

تيم : هز راسه تمام . وخرج ..

كامليا : قعدت قدامها وقالت بغيظ شنطتك والكتب بتاعتك جمبك ..

ميرو : هزت راسها ميرسي ..

كامليا : بصتلها بحيره وقالت انتى أغمي عليكي ليه يامريم؟

ميرو : اتوترت . لكن قالت ازاى يعنى مش فاهمه حاجه؟ انتى كنتى موجوده وسامعه كل حاجه..

كامليا : قالت جواها ايه ياكامي الل انتى بتقوليه ده . انتى كدا هتخ#سري تيم .

. وهو قالك قبل كده إن عيلته مهمه جدا بالنسباله. اوووف .. احم انا مقصدش حاجه انا قصدى انك أغمي عليكي عشان شكلك ما اكلتيش كويس .. قوليلي بقى انتى وتيم اصدقاء مش كدا؟

ميرو : بوجع كبير . اخوات ..

كامليا : بسعاده . ايوه فعلا هو قالى انك زي أخته . لكن مش غريبه انه مايقولكيش ع قصة حبنا انا وهو .

ميرو : بغ#صه ف قلبها وقالت اكيد مجتش فرصه مناسبه ..

كامليا : سرحت ف تيم . وقامت وقفت وقالت بحب كبير . تعرفي يامريم انا بحب تيم اوووي . بمو#ت فيه بجد من سنه اولى وانا ف الجامعه اول مره شوفته فيها . قلبى دق ليه .

ميرو : بتكابر دموعها وعايزه تص#رخ ومش عايزه تسمع اكتر .

كامليا : كملت بغرام . حبيته وعشقته . عارفه تيم حبنى السنادي . اقولك انا ازاى ؟

. ف آخر الترم الاول كنت داخله الجامعه ونسيت الكارانيه بتاعي والأمن رفض انه يدخلنى الجامعه واتكلمت معاهم ومفيش فايده وزعقت للأمن وقولتله ازاى عايزني ارجع اجيب الكارنيه والوقت من الجامعه لبيتنا ساعتين تقريبا وزعقت .

.ولحظه جه تيم حبيب قلبي واتكلم مع الامن واقنعهم أنهم يدخلونى..

.وانا مش مصدقه معقول تيم عزيز قدامي .. ودخلت الجامعه وجريت وراه ولحقته وشكرته كتير جدا واصريت عليه انى اعزمه ف الكافتيريا ع اي حاجه . لكن هو رفض ف الاول وانا بصراحه كنت مكسوفه لكن تيم بالنسالى حلم حياتى واستحاله اسيبه بسهوله .

.ووافق اخيرا بعد زن كتير منى وقعدنا ف الكافتيريا .

لكن المفاجأة الل مكنتش متوقعاها إن تيم طلب مني رقم الفون بتاعي .

. واااو انتى متخيله وبعد كده اتكلمنا كتير اوووي وتيم اعترفلي انه بيحبنى ومش بس بيحبنى لا ده بيعشقنى .

. واتفقنا مع بعض أنه بعد الامتياز بسنه هيرتبط بيا رسمي ووبعد الماجستير والدكتوراه هنتجوز واااو انا بجد مبسوطه اوى اوى . انتى متعرفيش انا وتيم بنحب بعض قد ايه؟

ميرو : حست بحبل حوالين رقب#تها واتخ#نقت وحست إن الهوا خلص.

. والاوضه دي سجن . وكامليا السجان والجلاد . وقامت بسرعه وشالت الكانيولا من أيدها واخدت شنطتها وخارجه بسرعه . لكن وقفت مكانها.

كامليا : شكها اتحول ليقين إن مريم بتحب تيم . وقالت بجمود رايحه فين يامريم؟

ميرو : وقفت مكانها وقالت بهدوء ماقبل العاصفه . افتكرت مشوار مهم ولازم أخرج دلوقتي . ومستنتش ردها . ومشيت وبتزيد ف سرعة خطوتها .

. وجريت .. جريت اسرع من طرقه لطرقه ونزلت ع السلم وحاسه انها ف سجن تحت الارض

. وجريت ولمحت البوابه اخيرا . وحاسه انها بعيده عنها . وبتعافر عشان تخرج بره السجن ده . جواها صر#خه مكبوته. جواها جبل من الكلام . جواها جرج بينز#ف . واخيرا خرجت من بوابة السجن وجريت بسرعه ع الرصيف جريت اسرع كأنها بته#رب من حد .. ومش عارفه هي رايحه فين ..

——————بقلمي مريم نصار

كامليا : بعد ما مريم مشيت قعدت مكانها بصدمه . واتاكدت إن مريم مش بس بتحب تيم ؟ لا دي ف عينيها عشق كبير . وعيونها لمعت بدموع . وخايفه تخسر تيم بحب مريم ليه .

تيم : جاب الاكل وماشي ف الطرقه . وفونه رن وكانت نور . ورد عليها الو يانورى ..

نور : الو ياقلب نور ايه ياروحي خلصت محاضراتك؟

تيم : بحيره . لأ احم شويه كدا . ف حاجه ياحبيبتى؟

نور : ف إن رينو حبيبتك جت من بدري . وآرين و آركان ع وصول .

. وباباك وفهد كلها ساعه ويكونوا موجودين ع الغدا . ورينو خنق#تنى كل شويه تيمو أتأخر جدا. انا عارفه مواعيده ههههه زهقتنى ..

تيم : ابتسم . سلميلى عليها كتير . وقوليها ساعه بالظبط إن شاء الله وهكون عندها ..

نور : توصل بالسلامه ياحبيب مامي خلى بالك من نفسك..

تيم : حاضر ياحبيبتى وانتى كمان . مع السلامه وقفل .

.وماشي ف الطرقه وشاف الاوضه مفتوحه ودخل وشاف كامليا لوحدها. وقال مريم فين ياكامليا؟

كامليا : قامت ومسحت دموعها بسرعه . وقالت خرجت ياتيم ..

تيم : كشر عينيه بعدم فهم وحط الاكل ع السرير وقال ايه خرجت دي؟ خرجت فين بالظبط؟ وراحت فين؟

كامليا : بخوف من تيم. ا.انا معرفش هي راحت فين. هي قامت مره واحده واخدت شنطتها وخرجت .

وانا وقفتها صدقنى . وقولتلها رايحه فين؟ قالت إنها افتكرت مشوار مهم جدا . وسابتنى ومشيت ..

تيم : بصوت جهوري . مريم استحاله تمشي كدا من غير سبب . انتى قولتى حاجه ضايقتها ؟

كامليا : بصتله بزهول. ودموعها نزلت . انت ازاى تفكر فيا بالطريقه دي ياتيم ؟

انا كل الل قولته ليها بداية حكايتنا مع بعض . وحتى مكملتش كلامي ومشيت. هي الل محتر#متنيش ياتيم وسابتنى ومشيت وانا قاعده عشانها. هي الل مقدرتنيش وتقولى انا ضايقتها؟ انا بجد مش مصدقه؟

تيم : مسح وشه بايديه . مفيش حاجه اسمها مريم ماحتر#متكيش .

.مريم انتى متعرفيهاش عشان تتكلمى عليها بالطريقه دي .

. مريم ملاك عمرها ماجر#حت حد ولا اتسببت ف اذي لأى حد .

.ومش هقولك تاني ياكامليا خلى بالك من كلامك وانتى بتتكلمى عن اي حد يخص عيلتى فاهمه ولا لأ؟

كامليا : بصتله بصدمه . وقعدت مكانها وحطت وشهاب بين ايديها وعيطت ..

تيم : قعد قدامها . ممكن اعرف انتى بتعيطى ليه دلوقتي؟

كامليا : بشهقات . انت انهردا جر#حتى اوى ياتيم وكل كلمه تقولى عيلتك . عيلتك طيب وانا ؟ انا عادي مش من حساباتك ..

تيم : كامليا انا مقولتش كدا .لكن انتى ديما متسرعه ف كلامك ولازم تفكري قبل ما تتكلمي .

.وكمان انتى عارفه الظرف الل انا بمر بيه. وغير كدا مريم تعبت وانا مسؤل عنها والمفروض كمان انك تقفى جمبى . يعنى لما جت تمشي كنتى امنعيها او اتصلى عليا هجيلك جري ..

كامليا : قامت بنرفزه. امنعها ليه؟ هي صغيره؟ واتصل عليك عشان ست هانم افتكرت مشوار مهم ومشيت .. ده بدل ماتزعل عشانى .. انا بنت ناس ياتيم ماتنساش؟

تيم : بصلها . وهز راسه ليها وسكت . وطلع الفون واتصل ع مريم .. وجرس ومردتش. واتصل تانى وجرس وقال ردي يامريم ررردي . اوووف . هتكون راحت فين؟ طيب اتصل ع الفيلا يمكن أتصلت بحد . لأ لأ افرض هي متصلتش اعمل قلق للعيله ..

كامليا : واقفه بصدمه من تصرف تيم . وازاي العيله تهمه اوى كدا اكتر منها . ومسكت شنطتها بنرفزه وقالت انا عايزه اروح ياتيم لو سمحت .

تيم : مردش . واتصل ع مريم . واتصدم فونها مغلق . وغمض عينيه بحيره كبيره راحت فيييين؟

كامليا : فقدت السيطرة ع نفسها من الغيره. وزعقت بصوت عالى تيم انا قولت عايزه اروح حالا ..

تيم : صك ع أسنانه بغيظ واضح ..وقال بتحذ#ير صوتك لو على تانى عليا . اقسم بالله ماهعديها ع خير . واتفضلى عشان اوصلك . عشان ادور ع مريم . وزعق اتفضلى ..

كامليا : اتخض#ت وشهقت بصوت مهموس . وعيطت وجريت من قدامه بسرعه .

تيم : مسح وشه بايديه ونفخ بنفاذ صبر . روحتى فين يامريم…

——————بقلمي مريم نصار

ف الشارع

ف مكان أشبه بجنينه كبيره جدا . مريم بتجري . وتعبت وبتنهج بسرعه . ووقفت ف وسط الجنينه . ونزلت ع الأرض مكانها بيأس وإحباط كبير . وصر#خت بصوت عالى جدا .

.وطلعت كل الو#جع الل جواها وقالت بعياط وشهقات ..

ليييييييه.؟ لييييييه زرعت حبه ف قلبى ليييييه. انا مش عارفه اعيييش . انا مش قادره اتنفس .

يومي بيدا بيه . نبضي بيدأ ع صوته . نور حياتى بنظره منه .

.روحي فيبييييييه . انا مش عارفه اعيش من غيرو .

كنت عايشه ع امل انه ف يوم يحس بقلبى وعقلى وروحي الل مش كاملين غير بيه..

. كنت عايشه ع امل انه يكون ف يوم من نصييييبى .

. دلوقتي طلع عندو حبيبه .. قلبه بيدق لغيري ..

انا تعبااااااانه ياااارب . تعبانه من وهم العشق ده . عايزه افووووق . عايزه ارتاااااح . ااااااه..

. يعنى آدم ومريم عشقو بعض وطارق ورنا عشقو بعض . واولادهم ورثو العشق ده. وكريم وليليان وآريان وتمارا . وآدم اخويا……..؟ اااااااااه لييييييييه . ليه انا وآدم مكتوب علينا وج#ع العشق ليييييه . ده مش ميراث العشق لأ .ده وهم وااااااااهم.

. اخويا متع#ذب ف حب اريييين وعايش ع فكرة انها ل تيم .

. كفايه بقققققي . كفايه الإحساس بالو#جع …

. انا مش عارفه اعيش من غير تيم.

انا مش عارفه ابدء حيااااتى مش عارفه اتعايش مع حد غيرو .

.دعيت كتير انه يكون من نصيبي . بس مفيش امل . انا عااااايزه اعيش..

انا من حقى اعيش من حقى احب واتحب . مش عايزه معيد مش عايزه مستشار انااااااا عايززززززه تيم يااااارب تيم وبس . تيم وبس .

. وحطت وشها بين ايديها وعيطت بصوت مكسور . يقطع القلب ..

——————بقلمي مريم نصار.

ف الجامعه.

چود : ماشيه ف الجامعه مع اصحابها وبياكلو سندوتشات . وحاجه ساقعه .

دينا : بتاكل . وقالت اوبااا الحقى ياچودي الواد المز المجنون جاي علينا هناك اهو ..

چود : بغيره وغيظ . بقولك ايه متقوليش عليه مز ولا تشتميه ماشي ..

دينا : اله . والله انتى غريبه اوي . وفيها ايه لما اشتمه.

چود : وتشتميه ليه إن شاء الله . هو قريبى انا وشتمتى فيه حلال اشطا بختى؟

سمر : هههههههههه والله انتى غريبه جدا فعلا .

وهو ف واحده عاقله ترفض حب اشيك واجمل شاب ف الدفعه كلها .

. اممم دفعة ايه بس .؟ ده مصطفى عزيز اجمل شاب ف الجامعه كلها .. ياريته بس يبصلى وانا اقوله شبيك لبيك.. سمر بين ايديك..

دينا : هههههههههههه البت مخها فوت ..

چود : بغيره كبيره . ومثلت انها هتقع . ووقعت الحاجه الساقعه كلها ع سمر . وشهقت بتمثيل .. ورفعت أيدها وفيها الساندوتش وجه ف وش دينا . والاتنين اتبهدلو . وقالت بمكر يااااخبررررر ..

سمر : شهقت بصوت عالى . البيبسسي سااااقع . يلهوى هدوووومي الطقم الجديد اعااااااا..

دينا : اااه وششي الاكل حراق وجه ف عييييينى ااااه ياعينى ..

چود : بخبث . ينهار ابيض . بجد انا .. انا اسفه يابنات . هو ام الحجر ده اتكعبلت فيه وكنت هقع ع بوزي . معلش انا بجد بجد. مقصدش ..

مصطفى : من وراها . مثل الدهشه وقال ايييييه ده ؟ ينهار مش واضح انهردا . ايه ده ياحبيبتى . المهم انتى كويسه ؟

چود : بغيظ وانت مالك ياجدع انت امشي من هنا يلا طرقنا ..

سمر : بتنضف هدومها بحرج كبير وقالت احم عيب ياچود . الاستاذ جاي يطمن علينا ..

دينا : بغباء. بتفتح عينيها ومش عارفه من الشطه وقالت اعااااااا مش عارفه اشوفه .

هووو فيييين الم#ز ده . وصر#خت ااااااااه ف بقره داست ع رجلى مييييين انا مش شايفه حاجه ..

چود : داست ع رجلها بغيره .. وحطت ايدها ف جمبها ممكن تمشي من هنا بقى انت كل يوم هنطلى كدا . دي مكانتش قرابه دي يا اخي ..

مصطفى : لف حواليها . وقال أنا جاى اطمن ع البنات البريئه دي . وبص لسمر انتى يا انسه اااا…اسمك ايه؟

سمر : ببلاها ها . اه س….سمر اسمي سمر ..

مصطفى : اممم اسم موسيقى جدا . وانتى يا انسه اسمك ايه؟

دينا : مش شايفه وبتشاور ..

مصطفى : انا قدامك لو مش شايفانى . وبص لچود وقالها عميتى البت يامفتريه ..

چود : بهمس وانت مال اهلك ..

مصطفى : ماااااشي هعرفك انا بحوشلك عشان تكوني عارفه. وبص لدينا الل بتفرك ف عينيها ها اسمك ايه يا انسه دينا ؟

چود : ههههههههه يا ام الغباء اسمك ايه يادينا ههههه . حتى مش عارف تشق#ط ههههه..

دينا : بغيظ وبعدين معاكي ياچود ماتسكتى شويه ..

مصطفى : رفع حاجبه وقال انسه دينا وانسه سمر روحو الحمام ونضفو نفسكو ..

سمر : نعمممم ؟

مصطفى : احم قصدى يعنى شكلك انتى وهي متبهدل ولبسكم مبقاش نافع . وشكلك انتى وهي يدمر بصراحه يسد النفس ..

دينا وسمر . نعمممم؟؟؟

چود : هههههههههههه.

مصطفى : يخربيت جمال ام ضحكتك ..

چود : قلبها دق وبتعاند .. وبصت بعيد ..

دينا وسمر .بعد اذنكم . مشيو راحو الحمام.

مصطفى : وقف قدامها . ها الحته بتاعتى عامله ايه انهردا ؟

چود : انت عبيط يبنى انت ؟ حتة ايه هي فرخه ؟ يلا بقى فكك مني وسبنى ف حالى ..

مصطفى : هو انتى يابت مش هتهمدى بقى . انا بحبك وانتى بتحبينى . ماتنجزى بقى وتعترفي؟

چود : بصتله من فوق لتحت وقالت أنا احبك انت ؟ طيب هاتلى فيك حاجه تتحب ؟

مصطفى : ههههههههه لا بجد . انا هقولك .

وبدء يوصف فيها هي وقال أنا بحب عيونك العسلي الل خطفت قلبي .

. وبعشق بشرتك الخمري وبمو#ت ف ام غمازاتك دي . ولا خفة دمك . بصي ياچود انا بمو#ت فيكى كلك ع بعضك . وهاخدك لو ف حض#ن امك وقولتهالك كتير ..

چود : قلبها بيدق بسرعه كبيره . لكن قالت كلمه زياده وهعلم عليك . امشي من هنا ياض..

مصطفى : ببرود مش همشي . واعترفي انك بتمو#تى فيا . يابت ده وشك جاب الوان دهانات البويا كلها هههههههههههه ..

چود : رفعت حاجبها وقالت يبنى فوق لنفسك انت مافيش حاجه فيك تتحب . فين عضلاتك الل توقعنى ف حبك ..

فين الباي؟ فين التراي؟ امشي ياض من هنا ..

مصطفى : بغيظ وبالنسبه لعضلة القلب مالهاش لازمه ولا ايه؟

هو لازم اكون بعضلات عشان تحبينى . طيب ايه رايك انى هفضل زى ما انا وهتحبينى اكتر ياچود ..

چود : بثقه احلم يبنى الحلم بداية النجاح برضو ..

مصطفى : سؤال اخير ياچود بتحبينى ولا لأ؟

مصطفى : غمز#لها وضحك ضحكه بسيطه وغماواته ظهرت وسابها ومشي..

چود : اوووف يخر#بيت جمال امك . عسل قشطه كدا .

——————بقلمي مريم نصار.

بعد فتره ..

ميرو : قاعده ع السرير . وحاسه بخيبة أمل . وبتفكر انها لازم تنسى تيم . خلاص مبقاش من حقها ..

ليليان : دخلت تجري ع ميرو وبتنهج..

ميرو : بقلق . ف ايه ياليليان؟

ليليان : انتى قاعده ومش حاسه بحاجه؟ ف عريس تحت جه وطلب ايدك للجواز ..

ميرو : قامت من مكانها بسرعه . عريس؟.

ليليان : ايوه واسمه ساهر الجبالي . وسمعته بيقول عايز كتب الكتاب والجواز ف اسبوع واحد ..

ميرو : بصت قدامها بجمود . وقالت من غير تفكير . وانا موافقه ——–

يتبع الفصل التالي اضغط على ( رواية جريمة عشق ) اسم الرواية