رواية ميراث العشق كاملة بقلم مريم نصار عبر مدونة دليل الروايات
رواية ميراث العشق الجزء (2) الفصل السادس و العشرون 26
الساعه ٣ الفجر .قبل الفرح ف نفس اليوم.
عند ميرو . بتصلى قيام الليل .
.وساجده بتناجى ربها بذل وانكسار . انه يرفع مقته وغضبه عنها ويرضى عليها ويكشف الغمه ويرحم ضعفها . ودموعها نازله بوجع كبير. ومكسوره بمعنى الكلمه .
. وكانت بتتمنى جوازها يكون غير كدا . ودعت ف الصلاه بشهقات عاليه لدرجة إن صوتها كان عالى ونسيت هي فين . وكانت ف خشوع تام ..
وبتعيط ف السجود وقالت بذل وانكسار .
اللهم أخرجني من حولى إلى حولك … ومن عزمي إلى عزمك … ومن ضعفي إلى قوتك … ومن انكساري إلى عزتك … ومن ضيق اختياري إلى براح إرادتك …. لا اله إلا أنت انتى كنت من الظالمين ..
وخلصت صلاة القيام . وفضلت قاعده ع السجاده تردد بالدعاء اللهم إنك عفو تحب العفو فاعف عني ..
وسمعت صلاة الفجر . وقامت بتعب . وصلت الفجر .. وبعد كده شالت السجاده و قلعت الاسدال . وراحت قعدت ع السرير بتعب كبير وبصت ع اوضتها . وشافت نفسها وهي بتجري فيها وهي صغيره . وجدتها مريم بتنيمها . وشافت مراد وهو بيضحك معاها . وفريحه بتهتم بيها . شافت تيم وهو داخل يطمن عليها بعد العمليه وشافت جدها حبيب قلبها وهو داخل وجايبلها كل حاجه هي بتحبها . شافت طفولتها الجميله والعيله الل بتحبها بجد اكتر من نفسها .. وقالت بدموع .. معقول؟ معقول كل حاجه انتهت . كل حاجه اتغيرت ف يوم وليله .. وبكره هبدا حياه جديده وصعبه ولازم اتحمل .. وشدت عليها الغطا ونامت . وغمضت عينيها بوجع كبير . ع امل ان يحدث الله بعد ذلك أمرا ..
——————بقلمي مريم نصار.
بعد فتره كبيره جدا . الساعه 11 الضهر .
عند فهد .
آرين : بتخبط ع فهد ورينو . باااابي مااااامي اصحووو بقى بقى .
فهد : فتح عينيه . ورينو نايمه ف حضنه .
آرين : بغيظ طفولى . يوووه بقى بااااااابي انا كدا هتاخر ع السنتر ..
فهد : ابتسم . وبيعدل رينو عشان يقوم ..
رينو : بغيظ مكبت .انا صاحيه ع فكره ..
فهد : بضحكه . صباح الجمال .
رينو : بغيظ .. اتعدلت وبترجع شعرها . صباح الخير. هو انا مش هعرف انام من بنتك دي ؟
فهد : اتعدل وباسها من خدها .معلش ياروحي انتى عارفه ان انهردا فرح . ومتحمسه .
آرين : اعاااااااااا والله اتصل ع بابا آدم واقولهم محدش راضي يوصلنى السنتر للعرايس اعااااا.
رينو : ههههه مجنونه رسمي .وشافت الوقت وقامت انا رايحه الحمام اخد شاور واتوضي للضحى . وانت قوم شوف ريبونزل المجنونه دي . وراحت الحمام .
فهد : بابتسامه مسح ع شعرو وقام لبس التيشيرت وفتح الباب . صبا…….وبص ملقاش آرين . وقال راحت فين البت دي ؟.
آرين : فجاءه بخخخخخخخ انا اهووو.
فهد : هههههههههه بخ؟
آرين : بطفوليه ايه دا ؟ هو حضرتك متخضتش؟
فهد : لا طبعا دا انا مخضوض جدا . انتى رعبتينى . صباح الفل الأول تعالى ف حضني .
آرين : بفرحه حضنت ابوها صباح القمر يابابي ياقمر انت ..
فهد : طلعها من حضنه . واخدها وقعدو ع الكنبه.. وقال . ايه بقى الدوشه الل انتى بتعمليها دى؟. لازم يعنى كل يوم ؟ .
. نجمتى مش عارفه تنام بسببك ..
آرين : بغيره طفوليه . نعم يسي بابي؟ . انا بعمل دوشه انا؟ فين ده ؟ وبعدين لما هي نجمتك انا ايه بقى؟
فهد : ههههه انتى ؟ انتى بنتى وحبيبتى وصحبتى واختى وكل حاجه انتى آريني فراشة البيت ..
آرين : بمرح .اممم واووو انا كدا اكتر من نجمتك ههههه..
فهد : انتى حاجه . ونجمتى حاجه تانيه . المهم بقى عامله دوشه ليه ؟
آرين : بزعل طفولي . ااه يابابي انا زعلانه اوى .
فهد : ابتسم من قلبه . وقال ليه بس ياروحي ؟ طيب ينفع تزعلى وبابي حبيبك موجود ؟
آرين : هزت راسها نو نو نو .. بس انا اتأخرت اوى ع السنتر . وميرو ولي لي وتيما وحياة وكارو . راحو ع السنتر من شويه . وا…. احم .وال……
فهد : رفع حاجبه وال ايه؟ كملى .
آرين : بلعت ريقها بتوتر . وقالت تالين اتصلت عليا وقالت إن آدم هيوصلها و…وانا كمان ..
فهد : بغيره .. لأ..!!!
آرين : بدموع ليه بس يابابي .؟
فهد : بغيظ ..مسح وشه بايديه. اسمعى يا آرين !!! مش معنى انى وافقت تروحي تختاري فستان مع تالين وآدم كان معاكم ؟.. انى هوافق ع كدا ع طول . كدا ماينفعش .
آرين : بس…..
فهد : قام وقف بنرفزه . ادخلى البسي . وبعد الفطار انا هوصلك السنتر بنفسي .
آرين : متعرفش ليه قلبها زعل . لكن قالت بحزن حاضر يابابي . وقامت بزعل ومنزلا راسها ..
فهد : اخد نفس عميق ومسح وشه بايديه . استنى يا آرين .
آرين : وقفت وباصه ف الارض نعم حضرتك .
فهد : غصب عنه ابتسم من زعلها البرئ. وقرب منها ومسد ع شعرها .
.وقال حبيبتى انا خايف عليكى صدقينى. وبعدين مش انا بابي حبيبك . ولا انتى مبقتيش بتحبي سواقتي؟
آرين : لا طبعا حضرتك حبيبى وجدا كمان . وكمان بموت ف سواقتك .وكملت بمرح ..موافقه انك توصلنى بس بشرط اوووكي .
فهد : ههههه اوكي .. ايه هو الشرط ؟
آرين : هتعلمنى السواقه . وكمان عايزه يعنى احط لمسات خفيفه جدا ف الفرح . بلييييز ..
فهد : صك ع أسنانه بغيظ كبير…
آرين : فتحت عينيها بخوف. وقالت يامااامااعع . خلاص والله مش عايزه. وجريت من قدامه بسرعه.
فهد : نفخ بنفاذ صبر . وبعدها ابتسم .
بعد : شويه آرين لبست ورينو جهزت الفطار . والكل جهز .وقاعدين بيفطرو .
آرين : بتاكل بسرعه . وقالت مره واحده عندى سؤال مهم جدا ..
فهد . ورينو وآركان بصو لبعض وقالو ربنا يستر ..
رينو : آرين ياحبيبتى مش وقت اسئله ..
آرين : بليييز يامامي انا بقالى كتير افكر ف اجابه. بلييييز .
فهد : بضحكه . اسألي ياروحي .
آرين : سابت الاكل .قلبى يابابي . وقالت بتركيز . ف سؤال بيقول . انا انتى ..انتى انا . معناه ايه؟
فهد : رفع عينيه ل رينو . ورينو بصت ف عينيه
وقالو بصوت واحد . ده يبقى عشق الفهد ..
آركان : ابتسم بحب كبير ..للعشق الل موجود بين عيلته ..
آرين : ببلاها ها؟ يعنى ايه؟
فهد ورينو . انتبهوا .
رينو ،: احم. وكملت اكل وقلبها بيدق..
فهد : بابتسامه . يعنى اتنين ف كيان واحد .
آرين : فجاءه فتحت عينيها بدهشه وحطت أيدها ع قلبها الل بيدق ..وهمست آدم ؟
بعد الفطار ..
آرين : قامت يلا يابابي انا جاهزه واتاخرنا الساعه ١٢ ونص .
فهد : قام . ماشي يلا بينا وع فكره انا موافق ع……
آرين : صرخت بفرحه .وااااووووو اجمل بااااابي ده ولا ايه ؟ يس يس يس ..ميررررررسي كتييييير .
رينو : اتخضت . وآركان بصلها باستغراب وهمس متخلفه .
فهد : بثقه . ع فكره انا قولت موافق ومكملتش . ممكن تدينى فرصه اكمل؟
.. انا موافق ع انى أعلمك السواقه .اما الشرط التاني ده انسيه خالص . ولو طلبتيه تاني . النقاب هو الل عندى ماشي ياحبيبتى؟
آرين : بتذمر . اممم طيب طيب .
فهد : بتقولى ايه مسمعتش ؟
آرين : ابتسمت بغيظ . تحت امرك يابابي ياقمر نمشي بقى .
فهد : اسبقينى انتى و آركان ع تحت ..
آركان وآرين : سلمو ع رينو ونزلو .
فهد : قرب من رينو وباسها من خدها . وهمس الطقم الل انتى اشتريته امبارح لونه يجنن . وانا هتجنن واشوفه عليكى انهردا بعد الفرح . وغمز ..
رينو : وشها بقى احمر جدا . وهمست هو عرف ازاى وشافه امتى؟. احم .
فهد : رجع خصلة شعر ورا ودنها. وبيرسم ملامحها الل بيعشقها .. وقال أنا انتى .. انتى انا . وباسها بحب كبير .. وقال وحشتينى اوى .
رينو : قلبها بيدق . وبصت ف عينيه … وانت كمان وحشتنى اوى يافهد.
——————بقلمي مريم نصار.
فيلا العدوي ..
عند آدم مراد . ف اوضته.
آدم : خارج من الحمام . ولابس بنطلون فقط . وبينشف وشه وشعرو بالفوطه . وخرج وقف ف التراس . وبص ف الساعه ..
فونه رن .. ودخل وشاف الرقم المنتظر . ورد بهدوء ما قبل العاصفه . هاا؟
= : حصل ياباشا ..
آدم مراد : قبض ع ايديه . فين دلوقتي؟
= : ف المكان القديم ياباشا ..
آدم مراد : بتهديد وصوت غضبان .. عينيك متغفلش ثانيه واحده . وانا جاى حااالا ..
= : تحت امرك ياباشا ..
آدم مراد : قفل المكالمه وضرب قبضة ايدو ف كفه .بغضب واضح . لكن بعدها كشر عينيه بتوعد كبير جدا ..
—
عند محمد عزيز .. ف اوضة تيم ..
تيم : ماسك الفون . ورايح جاي بتوتر كبير جدا وغضبان ومتنرفز زي الإعصار وكل غضب العالم جواه
.وكل ثانيه يبص ف الساعه . وحدف الفون ع السرير بخنقه كبيره . ونفخ وقال بصوت غضبان . اوووووف ماتتصل بقى .
وفونه رن . وراح جابه بلهفه من ع السرير . ورد بسرعه . عملت ايه؟ ..
آدم مراد : حصل .
تيم : قبض ع ايديه . وقال من بين أسنانه بغيظ هووو فييييين ؟
آدم مراد : بهدوء خليك انت انا……
تيم : قاطعه . وقال بصوت عالى هووووو فييييين؟ الكلب ده والل معاه بتاعى انا . والل هيجي جمب اى حد فيهم ويلمس شعره واحده منهم مايلومش الا نفسه حتى لو انت .
آدم مراد : بشبح ابتسامه . قال ف المخزن القديم .
تيم : قفل المكالمه وبيتنفس غضب . وخرج من البيت زى الاعصار .. وركب العربيه وساق بسرعه كبيره جدا ..وبيقسم أنه مش هيرحم اى حد حاول يأذي ملاكه ..
آدم مراد : لبس بسرعه وحط مسدس ف جيبه ونازل . ودخل المكتب ل جدو. وقال انا رايحله ..
آدم : من غير ما يرفع عينيه من ع اللاب توب. قال .. انت قولتله؟
آدم مراد : ايوه . وانا هحصله ع المخزن.
آدم : رفع عينيه وبص ف عيون حفيدو بغضب مكبت.. وقال سيبه يتصرف وانت حذاري تتدخل بينه وبينهم ..
——————بقلمي مريم نصار.
بعد فتره ..
تيم : وصل المخزن .. ونزل زى الاعصار .. وزعق افتتتتتتح البااااااب ده .
الجارد : تحت امرك ياباشا ..و فتح الباب بسرعه..
تيم : دخل جري . وشاف ٢ مربوطين . الجارسون . وواحد ميعرفوش .
تيم : قبض ع ايديه . وفك الحبل من غير ما يتكلم . ومسك الجارسون بوكسات بغضب واضح ..
آدم مراد : وصل ودخل بسرعه . وشد تيم بالعافيه . وقال اهدا ياتيم . خلينا الاول نعرف مين الل وراه؟
تيم : بينهج . وبص ل آدم بتحذير . اوعا تحاول تتدخل و تبعدنى وانا بجيب حق مراتى . يا اما هولع ف الكل فااااهم ..؟
وبص للجارسون بكُره كبير ومسك الجارسون من ياقة قميصه بشر واضح . وقال بنبره تخوف .
..والل خلق السما والأرض لو ماقولت مين السبب ف كل ده .؟
لا اولع فيك واحرقك بالبطيء لحد ماتتمنى الموت ومش هتنوله . وزعق انطق يااالا .
الجارسون : بيتنفس بسرعه وبيتالم بخوف كبير . وشاور بعينيه . ع الشخص الل جنبه . وقال د…دا ياباشا . ده ال اتفق معايا ع كل حاجه . والله انا ماليش زنب ..وا……
تيم : ضربه روسيه بين عينيه عشان يسكت .وزقه ع الأرض. ولف وشه والشر ف عينيه . وقال بصوت غضبان انت مييييين ؟
آدم مراد : بثبات عكس النار الل جواه ..لكن ساب تيم يتصرف . بأمر من جدو. ومبسوط جدا من حب تيم لاخته .. وقال .بهدوء . ده عامر ياتيم ..
تيم : بصدمه كبيره وعينيه اتحولت لسواد كاتم .
عامر : قلبه اتقبض من نظرة تيم ليه. كأنها حكم عليه بالاعدام ..
تيم : ف مخيلته إن ده الل اغتصب روحه ..و دخل ف حته ضلمه.
. ومسك عامر من هدومه . وصرخ بغضب شديد جدا ف وشه بصوته كله .
.كأنه اتحول لوحش كاسر .. وقال بصوته كله مع مع صرخة وجع كبيره ليييييييييييييه !!!؟ .
(ويقصد اغتصاب ملاكه)
عامر : قلبه هيقف من الرعب . وشاف أنه بقي ف هلاك حقيقي لا مفر ..
الجارسون : بينزف لكن اتخض وخاف من تيم جدا ..
تيم : مسك شعر عامر بايدو الشمال ورجع راسه لورا .
. ورفع ايدو اليمين بقوة غضب غير محتمل . ونزل بيها بين عينيه . مره واتنين وتلاته ورا بعض. وتيم . بيضرب ويصرخ . ويقوله لييييييييه . ليييييييييه ..
عامر : بيموت حرفيا . وبينزف . وأنفه اتكسر .وحاول ينقذ نفسه. وهمس بتعب . مالمستهاش . هي لسه زي ما هي ..
تيم : سمع عامر . ووقف ضرب. وقلبه دق جامد. وبص ل عامر بعدم تصديق . وقال بصوت مهموس انت قولت ايه؟
عامر : كح كح . وبينهج وعينيه اتقفلت. وبيتالم جدااا. وهمس وهو بيكح . الد…. الدكتوره مريم محدش لمسها . دا…. كح كح . دا مكنش دم حقيقي . ودي كانت .خطه عشان …عشان…كح كح . وبلع ريقه بتعب ……
تيم : ضغط ع فك عامر بقوه وغيظ انطق اتكللللم . عشااااان اييييه؟ وانت ميييين وتعرفها منيييييين ؟ ومييييين الكلب الل باعتك؟ اننننننطق ..
آدم مراد : سمع عامر. واتصدم . يعنى تيم غير ف الحقيقه؟
وماسك نفسه بالعافيه .. ولكن فكر بإيجابيه .. إن أخته بخير . وتيم خبي عليهم عشان كرامة العيله .. وشاف حب تيم واضح ف غضبه الل اول مره يشوفه . ومستهونش بقوته ابدا ..
عامر : بتعب .. الدم…الدم ده لون عشان..عشان تشوف الدكتوره بنظره تانيه . ….كح كح..
تيم : رغم الغضب لكن ظهر ع وشه شبح ابتسامه إن ميرو . ملاكه .محدش لمسها. وقلبه بيدق .
. لكن اتحول تاني لهلاك . انطق وكمل مييييين الل خطط لكل داااااا.؟
عامر : خاف وسكت ……….
تيم : اتغاظ اكتر . ورفع ايدو بقوه وضربه بين عينيه.
عامر : اغمى عليه.
تيم : بشر كبير .. طلع مسدس .
الجارسون : شاف شكل عامر .وتيم والمسدس . واترعب حرفياً .. وهيشتري نفسه وقال بخوف كبير . انا هتكلم . انا هقول ع كل حاجه. الل عمل كدا وطلب مننا وحط الخطه دي . هي الدكتوره كامليا خطيبة حضرتك ..
آدم مراد : كشر عينيه بعدم فهم . كامليا؟وخطيبته.؟.
تيم : اتصدم صدمة عمره . ورجع خطوتين لورا. ومش مصدق!!!؟ وفتح عينيه ورايحه يمين وشمال من الصدمه. وهمس بتوهان .. كامليا؟
آدم مراد : شاف حالة تيم .. وقرب منه وقال .. تعالى معايا يا تيم واخد منه المسدس .وساند تيم الل مصدوم حرفيا .. وماشي مع آدم وتايه..
آدم مراد : بصوت غضبان . هاروووون ..
هارون : تحت امرك ياباشا ؟
آدم مراد : الكلاب دول خليهم يفوقو . وتربطهم وتسيبهم هما ومياده الل جوه لحد ما رجعلهم تانى .. فااااااهم؟
هارون : تحت امرك ياباشا ..
تيم ماشي بينهج بصوت عالى وضايع حرفياً . لأن الل حصل لميرو كدا يبقى بسببه هو .وسرح وهو ضايع بصدمه وافتكر الل حصل
فلاش باك..
ف شقة تيم . بعد ماقفل مع نور المكالمه. تيم جاب رقم الشاب .. واتصل ع الرقم وغير متاح .. ونفخ بغضب كبير . وغمض عينيه بتفكير . وقال اهدا ياتيم وفكر . انت واثق ف مريم صح ياتيم؟
تيم : بتنهيده طبعا مريم ملاك ع هيئة بشر ومستحيل تعمل حاجه زي دي ابدا . دي تربية مريم الجزار وآدم العدوي وعمري ما اتخيل اصلا .. بس .. بس ف حاجه غلط ..
تيم : للحظه فتح عينيه وقال باستفهام .. المفتاح؟ وكشر عينيه وقام وقف وقبلها الجرسون؟
وفتح عينيه بدهشه اكبر كاميرات الفندق ؟ ايوه هي الكاميرات الل هبدا بيها ..
واخد الفون والمفاتيح ونزل بسرعه البرق وركب العربيه واتحرك بسرعه ع الفندق . ووصل الفندق. وطلب من مدير الفندق تفريغ الكاميرات …
وبعد شويه تيم نزل غرفة المراقبه. وقلبه بيدق بقلق .
. لكن الصدمه الكبيره إن جزء من الوقت ده تحديدا محذوف من التسجيل .
. تيم الغضب اتملك منه. وشكه اتحول ليقين إن دي مؤامره ع مريم . واقسم انه هيرجع حقها بايديه.
وافتكر الجارسون . وسأل عنه . ووصف شكله لمدير الفندق . واكتشفو أنه ساب الشغل من يومين ..
تيم : قبض ع ايديه واتنفس غيظ واتأكد كدا أن الجرسون مشترك معاهم .
. وخرج وقف قدام الفندق . بينهج ويفكر . فكر ياتيم . فكررر . وغمض عينيه . وجاب احداث اليوم ده. مريم جت معايه ع الفندق . وقالت أنا طالعه اعمل مكالمه مهمه. وبعد كدا الفون رجعلى مع الجارسون . الل هو اكيد متفق مع ال كان ف الشقه. وبعد كدا الفون وصلته رسايل .. السؤال ياتيم .. هو المفتاح ؟ ازاى مريم راحت وفتحت بالمفتاح . ولما انا روحت كان المفتاح لسه مكانه ؟
الاجابه . عشان الل يشوف الرساله يروح ويفتح ويدخل ويشوف ال……. وصك ع اسنانه بغضب وقال ياولاد الكلب .ياولاااد الكلب . وديني ماهرحمكو .
.ومسح ع شعره بحيره . وعايز دليل .. دليل واحد . طرف خيط . وهو الجرسون الوحيد . لأ ياتيم لأ. الرقم . لازم نعرف صاحب الرقم . طيب مين ؟ مييييين الل هيجبلى الرقم من غير شوشره.
خالو مراد استحاله يعرف بحاجه زي كدا. ولا بابا آدم. ولا آدم .
. انا عايز اجيب حقها من غير محد يعرف عشان كرامتها.
. ايووه لقيتها.مفيش غيرو .. واتصل ع طارق السيوفي. بسرعه .
واتكلم بثبات لكن جواه طوفان .. الو اذيك ياعمي طارق. انا كنت عايز اطلب من حضرتك طلب خاص . احم . هو مش ليا انا .
. ده لواحد صحبى . وهو صحبى اوى . وعندو مشكله حصلت.
.وواحد بعتله رساله وسرقه والرقم اتقفل بعد كده . عايز اعرف من حضرتك وتقولى ع حد ممتاز ف المجال ده ويعرف مين صاحب الرقم ده .. اه اه. تمام . ايوه انا معاك .
طارق : انا هبعتلك رقمه ف رساله . وخلى صحبك اول مايتصل عليه . يقوله انا من طرف اللواء طارق السيوفي ..
تيم : بجد متشكر جدا ياعمي. وانا منتظر الرساله. وقفلو . وواقف ع أعصابه. والرساله وصلت. اخيرا . وسجل الرقم ولسه هيتصل .!!
حد جه جمبه وسحب الفون منه بهدوء..
تيم : رفع عينيه بصدمه. آدم..!!؟
آدم مراد : قفل الفون . وقاله ايوه آدم ياتيم . قولى بقى ايه الحكايه؟
تيم : بينهج .وخايف ع مريم. لكن قال مفيش حكايه . ا.انا كنت داخل الفندق . احم . ا.انت جاي هنا بالصدفه . ولا ….
آدم مراد : بثقه . لأ مراقبك.
تيم : كشر عينيه بعدم فهم . نعم ؟ مراقبنى؟ انا مش فاهم حاجه وقال بنرفزه .. ممكن تفهمني مراقبنى ليه وماشي ورايا ليه ؟
آدم مراد : بص ف عينيه . جدك هو الل أمر الجارد أنهم يراقبوك ٢٤ ساعه .
تيم : فتح عينيه بصدمه اكبر . بابا آدم؟ طيب ليه؟
آدم مراد : تعالى ندخل نشرب حاجه وهقولك . وشاور للجارد يمشو ….
تيم : بص ع جهة الاشاره . وشاف هارون الجارد ومعاه ٢ كمان ..وبص ل آدم . وجواه مليون علامة استفهام .
آدم مراد دخل . وتيم معاه . وقعدو ف الفندق .
تيم : بحيره مش عارف يعمل ايه لكن قال ايه سبب المراقبه دي ..؟
آدم مراد : اتصل ع آدم . وقال ايوه يابابا هو قاعد معايا . تمام تيم معاك اهو . وعطا الفون ل تيم. جدك عايزك وهيفهمك ..
تيم : اخد الفون. ورد . صباح الخير يا بابا ..
آدم : بهدوء صباح الخير ياحفيدى الغالى. ساعه انت وآدم تكونو ف مكتبى. وقفل .
آدم مراد : قام . وتيم قام وراحو ع الفيلا وتيم جواه خايف ع مريم جدا .
. وخايف حد يعرف باالاغتصاب . وغمض عينيه بتعب شديد. ودخلو المكتب ل آدم
آدم : بهدوء . تيم يبنى انا واثق أنه ف حاجه حصلت. وانت مخبى علينا .
آدم مراد : قاعد ومركز وبيتكلم ف الشات ..
تيم : بلع ريقه بتوتر. حاجه؟ حاجة ايه يابابا..مفي….
آدم : بعتاب . هتخبى ع جدك آدم ياتيم ؟
تيم : بحيره . لكن قال طيب حضرتك ليه مصمم انه ف حاجه حصلت؟
آدم : اخد نفس عميق واتنهد وقال . ميرو .
تيم : اتوتر وبلع ريقه بصعوبه..
آدم : شاف الخوف ف عينيه . وكمل وقال والخوف الل عينيك دلوقتي .
. وطريقة الخطوبه وانك تخرج وتاخد مريم معاك ومتسلمهاش لحد عندى بنفسك .
وميرو تدخل ف حالة هستيريا ويغمى عليها ويجيلها انهيار عصبي .
. وكمان انت ترجع تاني يوم عينيك زي الدم وايديك بتنزف .
.وتتقدم لميرو وتطلب قبل ما تاخد مني الموافقه تحدد كتب الكتاب والفرح .
. كل ده ومش عايزني اشك يادكتور تيم ..ده غير إدانات كتير منك ومنها ف ردود الفعل . والحاله الل فيها حفيدتى .
تيم : قلبه دق بوجع . واتصدم . ميرو .. وهمس انهيار عصبي؟ وغمض عينيه بتعب شديد علشانها ..
آدم مراد : قفل االشات وقال بغضب مكبت .تيم تعرف إن ميرو كانت هتتخطف يوم عيد الميلاد من قلب الفندق ؟
تيم : مرعوب عليها . ومثل …وفتح عينيه بصدمه اكبر . انت بتقول ايه يا آدم محصلش مريم بخير محدش خطفها ..
آدم : بشك كبير ..وقال.احكيله يا آدم يبنى يمكن يتكلم عشان نعرف ايه سبب تغيير وضعف حفيدتى بالشكل ده ..
آدم مراد : . محدش يعرف من العيله انى مركب كاميرات مراقبه خارج الفيلا . مفيش غير الجارد وبس . عشان لما اراجع عليها واشوف غلط يتحاسبو .وانا مهددهم بكده . ولازم عينيهم تبقى ف كل حته ..
ويوم عيد الميلاد .. انا كنت ف المكتب. وجالى اتصال من شاهين . وقالى ف عربيه وكلها جارد خاص طلعت ورا عربية تيم ومعاك مريم اختى.
. انا طلبت منه بسرعه انه ياخد عربيه ويمشي ورا العربيه دي وانا جاي .. بعدها خلصت شغل بسرعه .وشاهين قالى أن العربيه وقفت عند الفندق ورا عربيتك انت.
. انا خرجت بسرعه وركبت الريس . ووصلت عند الفندق . وشوفت 4 جارد خاص . انا ركنت الريس بعيد .
.ولبست نضاره وكاب. ووقفت قريب منهم عشان اسمع .. واكتشفت انهم مخططين إن الساعه ٦ ونص بالظبط لو مريم العدوي مخرجتش من الفندق . هيدخلو وهيخدروها وهيخطفوها علشان…… وصك ع اسنانه بغيظ واضح ومقدرش يقول السبب .
(الل هو يغتصبوها ويصوروها ويبعته الفيديو للصحافه )
(ودى تبقى الحفره الأكبر الل لو كانت وقعت فيها ميرو مكنتش خرجت منها ابدا . وده حلم تالين )
. آدم مراد : بينهج بغيره وعينيه اتحولت لغضب كبير. وسكت ..
تيم : عينيه مفتوحه ع الاخر بصدمه كبيره جدا…
آدم : بهدوء اهدا يا آدم اختك دلوقتي ف آمان كمل ..
آدم مراد : بغيظ مكبت ..وكان وقتها الساعه ٥ ونص يعنى قدامي ساعه واحده بس.
. المهم فكرت انى مش عايزهم يهربو . لأ انا عايزهم تحت ايدى لانى هدفنهم وهما عايشين .
. قربت منهم عادي جدا . وسألتهم ع عنوان كأنى غريب عن المنطقه .
. وعلشان الوقت طلبت من واحد سِجاره وولاعه وشتت انتباهم وف لحظه رشيت مخدر ووقعو .
. وشاهين اخدهم ف العربيه . وطلعنا ع المخزن . وده سبب اني رجعت متأخر ..
(وده سبب عدم وجود شاهين ع بوابة الفيلا وقت وصول ميرو)
تيم : بينهج كانو عايزين مريم ليه يا آدم ؟ وزعق وهما مين دوووووول .؟
آدم : صك ع أسنانه بغيظ مكبت . وقال بكُره كبير. رؤوف الجبالى . كان عايز يحط راسي ف الارض . ويستخدم ميرو ف الفضيحه دي .
تيم : بينهج بصوت عالى وساكت . وقال جواه عملها . عملها واغتصب مريم ..وغمض عينيه.
آدم مراد : بغضب . انت الل مانعتني اقتله يابابا .انا كنت رايح اقتله وافجر بيته انت الل منعتنى.
آدم : هز راسه . الصبر ياحفيدى . الجبالى بدء الحرب . وانا الل هانهيها .
تيم : عينيه بقت حمرا اوي .. بينهج بسرعه . وحاسس انه مش قادر يتنفس .
آدم مراد : بقلق قام وقف تيم .. تيم؟
آدم : بتفهم . اهدا ياتيم يبنى . والحمدلله ان اخوها لحقها . لو كان لاقدر الله حصل مكروه لميرو بنتى . انا ومريم كنا هنروح فيها. لكن الحمدلله إن ميرو بخير .
تيم : قعد بأحباط . وحكالهم الل حصل . ما عدا إن مريم ف السرير والدم .
. وكمل من وحي خياله . وقال وجريت ورا العربيه ولحقتها. وكان الكلب ده ركن العربيه وانا كسرت الازاز . ولحقت ميرو . لكن الكلب ده هرب . وجبت ميرو وجيت ع هنا.
آدم . و آدم مراد. بيسمعو بصدمه كبيره ..
تيم : بتوعد محدش هيجيب حق مريم غيرى. ولو سمحتو عايز منكم وعد إن ميرو متعرفش حاجه او انكم عرفتو لانى وعدتها بكده ..
. أما بالنسبه للخطوبه انا وقتها خوفت وحسيت انى خايف اخسرها وفكرت هستنى ايه. ؟ واتقدمتلها ..
وبعد كدا . اتفقوا انهم هيدورو ع الجرسون والشاب ده ولما يوصلوله ..
تيم الل هياخد حقها وعايز يعرف مين الل عمل كدا ومين الجبالى ده الل بيشترى الموت ببلاش .. تيم خرج بسرعه ومش عايز يقابل ميرو.
وبعد كدا. بدؤو بالتحريات. تيم وصف شكل الجارسون ل آدم مراد وجدو .
. وحاولو يوصلو لصاحب الرقم . لكن كان من غير اسم . ومقفول.
.وامبارح تيم جاتله فكره. وراح ع الفندق مع آدم مراد . وتيم طلب السي في بتاع الجارسون . واخدو معلوماته . وآدم مراد . جاب الجارسون .وجاب عامر عن طريق الجارسون .. واتصل ع تيم .
عوده للوقت الحالي ..
بحث عن
بحث عن
عوده للوقت الحالي…..
بعد شويه . ف الطريق .
آدم مراد : سايق العربيه واخد تيم معاه. وشايفه تايه وسرحان ومصدوم وساكت. وركن العربيه. وقال ايه ياتيم مش هتفهمني ؟
تيم : رفع عينيه ل آدم وبصله كتير كأنه سرحان ..
آدم مراد : شاف دموع متحجره ف عيون تيم ..وقال مين كامليا دي ياتيم ؟
تيم : بيأس وخيبة امل . دمعه نزلت منه غصب عنه . وقال ف اللاوعي دي مراية مريم .
آدم مراد : كشر عينيه . وقال مراية مريم؟ مش فاهم حاجه؟
تيم : دخل ف عالم تانى ..ونسي آدم تماماً . واتكلم . بتوهان .
. مريم؟ وابتسم بفرحه. مريم محدش لمسها هههه ايوه محدش لمسها .
.عارف انا كدا مش عايز حاجه تانى . حتى لو مبتحبنيش مش مهم صدقنى .
.انت متعرفش انا فرحان قد ايه .لما مريم تعرف انها …؟ ههههه احلا خبر سمعته ف حياتى .
(خبر يشبه الجنه ).
اصل مريم متستاهلش كدا ابدا . دي ملاكي . ملاك ع هيئة بشر .
.انا ع قد ما انا زعلان إن مريم مبتحبنيش .. ع قد ما انا فرحان اوي ليها .
. تعرف مريم دي تشبه قوس قزح بالوانه وجماله الل بيخطف .
.وبعدها كمل بحزن. وقال بس لما مريم تعرف الحقيقه كدا هتبعد عنى وهترجع لل بتحبه . انا مش عارف ازاى هقدر اعيش من غيرها.
بعد مافرحت انها من نصيبى . كانت امنيتى إن ميرو تحب تيم ..
آدم مراد : بيسمع تيم بتركيز . وفهم كل حاجه. وضحك بصمت ع عشق تيم . وافتكر نفسه زمان لما كان مفكر تيم بيحب ارين . وربت ع كتف تيم وقال . تعرف ؟
تيم : فاق من شروده. وانتبه .وبص حواليه . شاف نفسه ف العربيه ..وبص ل آدم ف نظره معناها انا جيت هنا ازاى ؟
آدم مراد : حس بيه لانه اكتر من عاشق . وقال ميرو اختى مش بتحبك ياتيم ..
تيم : غمض عينيه بوجع كبير جدا ..وسكت ..
آدم مراد : كمل بمكر . ميرو اختى عشقها ليك عدى المدى يا…..دكتور ..
تيم : فتح عينيه بصدمه كبيره جدا وقلبه بدء بالنبض من تانى ودقات مختلفه وخفقان .ودقات مسموعه . وبيتنفس بصوت مسموع . وقال ا.انت بت …بتقول ايه يا آدم؟
آدم مراد : هههههههه .. وشغل العربيه . وقال يدوبك نروح عشان نلبس وانت كمان تلبس يا ..عريس هههه وهقولك ف الطريق كل حاجه . بس قبلها قولى مين كامليا مراية مريم دي ؟
——————بقلمي مريم نصار.
بعد شويه ..فيلا زياد جمال ..
زياد : ماكى ابنك ياسو فين؟
ماليكه : ف الجنينه نزل البيسين ياحبيبى . بس الل مزعلني بيقولى مش جاي الفرح .. وهيبقى موقف وحش منه .
.انا مش عارفه ماله امبارح وانهارده . حابس نفسه ودلوقتي بقاله ساعه واكتر ف الميا. كدا هنتاخر ع الفرح . باقى 4 سعات بس . ولسه مجهزناش..
زياد : ابتسم بتمثيل . اهدى يا حبيبتي وهنوصل قبل الميعاد إن شاء الله وياسين هيروح الفرح متقلقيش. انا نازل ل ياسو .. ونزل .
ياسين : ف البيسين . ومخنوق وكل مواقف ميرو بتيجى قدامه . وبيجاهد ينسى لان كدا حرام ومينفعش مجرد التفكير ف حاجه بقت محرمه عليه . وكل مايفتكر يعافر برفض الفكره ..
زياد : بحزم .. مش كفايه كده ياحضرة الظابط؟
ياسين : فاق ع صوت ابوه . وبصله وسكت ..
زياد : بجديه . ايه هتفضل كدا لحد امتى .مش هتفوق بقى ؟
ياسين : خرج من الميا . وقال انا كويس يابابا..
زياد : بصوت جهوري . لأ ياكابتن انت مش كويس . انت حسستنى إن خلاص نهاية الكون .
وكمان بتهرب ومش عايز تروح الفرح .
. ايه مش هتفوق لنفسك . انا عمرى ما ربيتك ع الضعف ده.؟
. امك كل يوم بتسالنى ابنك متغير . وانا اكدب عليها.
. اختك لاحظت بُعدك عنها وقالت ياسين مبقاش يسأل عليا. حتى الشركه بطلت تجيلى لما تكون فاضي . ايييه؟ ياحضرة الظابط ؟ اومال لو مكنتش ف شرطه كنت انتحرت ؟
ياسين : بابا انا……
زياد : بنفس النبره . انت هتدخل دلوقتي وتغير هدومك . وتلبس احسن بدله . وتقنع نفسك ومن دلوقتي انك عمرك ما حبيت نهائى. وبرضو تقنع نفسك أنك ف يوم هتقابل الحب الحقيقي الل بجد . انت فاهم يا ياسين ؟
ياسين : هز راسه .فاهم يابابا ..
ف السنتر .
البنت : يلا يا عرايس عشان تلبسو الفساتين
ليليان : قامت بحماس ممزوج بخجل ومبسوطه جدااا ..
تمارا : قلبها بيدق وقامت ومحرجه ..
البنت باستغراب . فين انسه مريم ؟
آرين : مريم بتصلي العصر جوه ..
البنت : بابتسامه . تمام . حضراتكم هاتصلو قبل ما تلبسو ..
كلهم ف صوت واحد صلينا الحمد لله ..
البنت اخدت ليليان . وتمارا وطلعو فوق ..
چود : واقفه قدام المرايا . وبتختار الوان الميكب الل هتحطها ..
آرين : انتى بتعملى ايه؟ انتى هتحطى ميكب .
چود : بتأكيد .. طبعا يابنتى دى أول فرحه ف العيله . يعنى لازم اكون طالعه صاروخ . ههههه.
آرين : بتذمر . امم يابختك بابي مش موافق ..
چود : ههههه طيب اكيد معروفه إن عمي فهد يرفض .
آرين : بغيظ . وانتى عمو فارس وافق ؟
چود : لأ محدش يعرف . انا هحطهم أمام الأمر الواقع . امم هيزعقو شويه بس عادي مشي حالك .
آرين : بقلق . بلاش ياچود تحطى حاجه زي كده من غير علم عيلتك عشان متعمليش مشكله .
چود : بكبرياء . يابنتى انا خلاص اخدت قراري ومفيش ف الدنيا حد يقدر يخليني أتراجع ..
فون چود رن . وكان مصطفى . وآرين شافت الاسم وقالت بعدم فهم . تيفا؟ مين تيفا ويعنى ايه؟
چود : قلبها دق . وقالت بتوتر .. دي واحده صحبتى ثوانى وراجعه واخدت الفون وجريت ..وردت . الو .
مصطفى : الو چودي .
چود : بتمثيل . ايوه مين معايا ؟
مصطفى : سماح كوبايه . ايه ياعم فيلم الابيض والاسود ده . انتى عبيطه ..
چود : بغيظ مكبت .انا عبيطه ياهبل .عرفتك من عبطك والله ..
مصطفى : عتلاق كدابه . يابت منا ببعتلك راسايل ع الواطيس من نفس ذات الرقم .
چود : اتكسفت واتغاظت منه .
مصطفى : ايه كوثر كلت لسانك هههههههه .
چود : بغيره . نعم كوثر مين دي ..
مصطفى : ايوه الغيره الجامده دي . و ده تعبير مجازي عادي يعنى انا عمرى ما حب غيرك ياچودى .
چود : قلبها دق. وقالت بغيظ انت متصل ليه أنجز عشان عايزه اقفل ؟
مصطفى : هقولك يسلام . بس كدا . انا متصل عشان عرفت من كيمو أنك ف السنتر مع ليليان .
چود : بتريقه . وانت مالك انت..
مصطفى : بنفس النبره . وانا مالى؟ ده انا مالى ومالى ومال العيله كلها .
.اسمعى يابت عارفه لو شوفتك ف الفرح وحطه اى حاجه ع وشك هلعبلك ف وشك . هخليكى كوثر تو انتى فاهمه؟
چود : حست بغباء . وقالت . بهمس انا بت؟ و كوثر تو ؟
.وزعقت وانت مال اهلك انت . تطلع مين انت عشان تقولى اعمل ايه ومعملش ايه؟
.انا هحط وميكب كامل كمان . يلا غور ياض من هنا ومش عايزه اشوف رقمك تانى عندي سلاااام.
مصطفى : بغيره . اقسم بالله العظيم ياچود لو لقيتك ف الفرح حطه حاجه ماهتعرفي وقتها انا هعمل ايه؟ انا مجنون وانتى عارفه . ولا يهمنى اى حد .وبلاش تشوفي الوش التاني ..
چود : بعند .. هحط يامصطفى . وانا بقى عايزه اشوف هتعمل ايه ..وزعقت كبيرك اييه تعملوووو يالا انت ؟
مصطفى : قام وقف بغيره وقال . اقسم بالله هبوسك قدام كل الناس .
چود : اتخضت وشهقت بصوت عالى.. وقالت . تب….تبو……
مصطفى : ايه اتشليتى ياحبيبتى . لأ واسمعى الباقى بقى .
لما اعملها قدام الكل ؟ . وقتها هقول ل ابوكي يكتب كتابنا عشان استر ع الل حصل . فاهمه ولا لا . وع فكره ورحمة جدي الغالى انا مبهظر . ولو مش مصدقه اعمليها وشوفى ..وقفل المكالمه ..
چود : فتحت عينيها بصدمه كبيره . ومش مصدقه ..
وهمست يابن المجانين ..
——————بقلمي مريم نصار.
عند محمد عزيز .
تيم : بعد ما عرف من آدم إن ميرو بتحبه هو وبس .كان هاين عليه يحضن الناس كلها .
.وكان من أسعد الناس . والضحكه مرسومه ع وشه. وفكر ازاى يعوض ميرو عن الوجع الل شافته .. وجاتله فكره . وطلب من آدم أنه ينفذ كل حاجه هيقوله عليها.
ودلوقتي : تيم بيلبس واكتر من مبسوط حرفيا. وفونه رن وكانت كامليا.
وشه قلب ١٨٠ درجه وصك ع اسنانه بغيظ كبير . لكن بص قدامه بتوعد وقال حسابك معايا هيكون معنوي مش جسدي ياكامليا . اصبرى عليا. واخد نفس عميق ورد عليها بهدوء . الو .
كامليا : من جواها هتموت وتعرف ايه رد فعل تيم بعد ما شاف ميرو ف الموقف ده . وردت بلهفه . الو تيم حبيبى اذيك وحشتنى اوى .
تيم : ههههه ع مهلك يا كامي خدي نفسك ..
كامليا : بفرحه . كامي؟ واو بجد انت عمرك ما دلعتني قبل كده.
تيم : بمكر .اصلى مبسوط اوى انهردا .
كامليا : بغيظ. مبسوط؟ ليه؟
تيم : بخبث اصل ميروووو ……….
كامليا : قامت بلهفه وغيره. ايه مالها ميرو .حصل معاها حاجه؟
تيم : قبض ع ايديه بغضب مكبت .وقال لأ . وانتى عايزه يحصل معاها حاجه ياكامليا؟
كامليا : انتبهت وكحت بتوتر احم . لأ .ا.انا .ا.نا ….اصل انت بتقول مبسوط . قولت يمكن هتتجوز ولا حاجه؟ وضحكت بصمت بشماته..
تيم : ابتسم بتوعد . فعلا ميرو هتتجوز . وأنهردا ياكامليا ..
كامليا : ايييييه؟ هتتجوز طيب اززاى؟ مستحيل
تيم : بغيظ مكبت . ليه مستحيل ؟ انتى ف حاجه حصلت عشان تعترضي ع جوازها كدا ؟
كامليا : ضغطت ع شفايفها بغيظ ولخبطه .وقالت بتلعثم .ا.ه .. احم لأ لأ ابدا . وا….وايه يعنى الل هيخلينى اعترض . ا.انا بس استغربت لانها مش مخطوبه ..
تيم : بص ف المرايا وابتسم وقال .. اصل انتى متعرفيش إن ميرو جوزها ده بيعشق التراب الل بتمشي عليه .
.وبيتمنالها انها تشاور بس. اصله بيعشقها من زمان جدا ٨ سنين وحطى عليهم الضعف ياكامي ..
كامليا : قبضت ع أيدها بكُره كبير . وصكت ع أسنانها بغيظ كبير وقالت ااه وهي بقى وافقت عليه بسرعه كدا ؟
تيم : ههههه بقولك بيدوب فيها . لأ وكمان دي هي بتعشقه . ومش هتتخيلي مين الل جمعهم مع بعض؟
كامليا : بتركيز وغيره. مين ؟ مامتها؟
تيم : بيرش برفان وقال تؤ . وبص قدامه بشر كبير وقال .. الل جمعهم اكبر عدو للعريس .متخيله .
بس العريس وعد أنه هيدمره . امممم الله يكون ف عون الخصم ده . اصله عبيط اشترا عداوه ببلاش . عارفه هيعمل ايه؟
كامليا : بلعت ريقها بتوتر. وخافت للعريس ده يعرف الل عملته فيها . وقالت ايه ؟
تيم : من بين أسنانه بتوعد . مش هايخيله يشتغل ف اي مكان ف مصر . وهيلغي شهادة المهنه بتاعته. وهيدمرو أصله كتب نهايته بايديه ع ايد (الهلاك) ..
——————بقلمي مريم نصار.
فيلا العدوي .ف اوضة آدم مراد
آدم مراد : بيلبس . و آركان اتصل عليه. ورد .الو يبنى .
آركان : بزهق .. الو ياعم آدم . والله حرام عليكم المشوره الل انا فيها دي .
آدم مراد : أنجز عملت كل الل قولتلك عليه . مفيش وقت. وتيم عايز كل حاجه تكون زي ما طلب .
آركان : ياعم انا خلصت. بس معلش يعنى الدكتور تيم اتفاجئ أنه هيتجوز انهردا ؟
ماهو من اسبوعين بيرتب ف كل حاجه. وبعدين دي طلبات تاخد يوم كامل .
آدم مراد : بحزم . اخلص قولى هببت ايه؟
آركان : حاضر حاضر . انا اتصلت ع بابا وهو قالى. مالكش دعوه انا هظبط كل حاجه ل تيم وميرو . ورحت معاه. ووصلتله الحجات الل انت سلمتهالى . ووقفنا مع العمال وخلص ورجعنا ع البيت. وبابا دلوقتي بيلبس عشان يدوب نطلع ع السنتر.
آدم مراد : هز راسه تمام. وقفلو ..
وآدم بص قدامه بحيره . وافتكر . انه أول مارجع ع البيت شرح لجدو . ولكن جزئية ميرو والشقه مقلهاش لأن تيم طلب منه كدا. علشان كرامة ميرو .
.وقال لجدو انا هتصل ع ياسين عشان نظبط شوية حجات لتيم وميرو. طلبها مننا ..
آدم : رفض وقاله بلاش ياسين .. وآدم ربط الأحداث ببعض . تيم قال ميرو بتحب غيرو. وجدو قال بلاش ياسين ؟ امممم انا كدا فهمت .. وكمل لبسه وخرج ..
…
ف جناح آدم ..
مريم بتلبس ..
آدم : بيتكلم ف الفون . ايوه يابيتر . انت فين يبنى ؟
بيتر : ايوه يا آدم انا لسه داخل البيت حالا اهو . هاخد شاور وهطلع ع القاعه لانى مش هلحق العرسان .
آدم : بهدوء. يعنى كان لازم حوار العربيات ده؟ ما العربيات كتير وجاهزه .
بيتر : هههههههه ياض انا ماشي ع العهد . زفيتك انت وولادك . وكمان هعملها مع احفادك ..
وعشان دلوقتي مش هلحق. انا بعت ال٣ عربيات مجهزه ومتزينه ع السنتر. وهتبقى مفجأه للعرسان. الف مبروك يصحبى .
آدم : ابتسم الله يبارك فيك ياحبيبى. منتاخرش بقى انا خمس دقايق ونازل .
بيتر : تمام .مع السلامه .
آدم : قفل والإبتسامه ع وشه ..
مريم : ايه ياحبيبى ماله الاستاذ بيتر ؟
آدم : قام وقف قدامها وقال . بيتر مصمم ع العربيات هديه للعرسان . ٣ عربيات لاموزين . وهيبعتهم ع السنتر ..
مريم : بابتسامه ماشاء الله تبارك الرحمن .
آدم : ابتسم بحب . ورفع دقنها وباسها برقه . انما ايه الجمال ده . انا بحسد نفسي عليكى .
مريم : هههههههه . خلاص يا آدم احنا كبرنا ..
آدم : لف وشها للمرايا . ووقف خلفها وضمها لقلبه. وقال كبرتى فين؟ انتي اصغر من بناتك وحقيقه مش كدب .
مريم : حطت راسها ع كتفه . وابتسمت بحب كبير . ربنا يديمك تاج فوق راسي يا آدم ..
——————بقلمي مريم نصار.
بعد شويه ..
كريم : لبس وخرج .. ومتحمس جدا . وقلبه مبسوط .
وآريان : لبس وخرج .. وف قمة السعاده .
تيم : لبس وف الطريق. وسايق وقلبه أول مره يحس بالسعاده دي ..وقال وعد منى انى هقدملك السعاده . واكون آدم يامريم ..
——————بقلمي مريم نصار.
ف نفس الوقت ..
فيلا الجبالي .
رؤوف : قاعد ع كرسي ملكي فخم جدا وحاطط رجل ع رجل . وفاتح اللاب توب قدامه . وعينيه ع الكاميرات .. وقال بأمر ها ياعاشور . اتصلت ع الصحافه؟
عاشور : حضرتك أمرت اتصل اول ما العرسان يوصلو القاعه حضرتك .
رؤوف : مط شفايفه اممم ايوه ايوه. انا قدامى اهو القاعه . بس مفيش حد وصل هناك ..
عاشور : الجارد سالم ياباشا قال إن آدم العدوي وكل العيله خرجت وراحو ع السنتر .. يعنى نقدر نقول كمان ساعتين كدا ياباشا . ويروحو القاعه.
رؤوف : ابتسم بخبث. ولا وهتتفضح يا آدم ياعدوى. وع ايدي ..
صوت من عند الباب. للأسف ياباشا خطتك اتكشفت ..
رؤوف : اتعدل بدهشه ..
عاشور : طلع المسدس ووجهه ع الشخص الل واقف عند الباب .
رؤوف : كشر عينيه ..انت مين؟ وازاي تدخل هنا؟
= انا فاعل خير يا رؤوف باشا ..
عاشور : كشر عينيه وقال أنا شوفتك قبل كدا . بس مش فاكر . انت مين ؟ وانطق قبل ما اقتلك مكانك ..
= انا اسمي شاهين ..شغال جارد خاص عند آدم باشا العدوى ..
رؤوف : بصدمه . اييييه؟ انت شغال عند عدوي اللدود وجاي لحد عندي . وتقولى فاعل خير؟
شاهين : دخل ووقف قدامه وقال . انا قولتلك فاعل خير . ولو مش عاوز تشتري خلاص اعتبر انى مجتش . وخليك قاعد فاتح اللاب توب لبكره . سلام وجه يخرج ..
رؤوف : بغيظ. استنى عندك ياجدع انت ..
شاهين : وقف ولف ليه وقال . شاهين . أسمى شاهين يا باشا ..
رؤوف : بغيظ . انت جاي ليه؟ وايه الل انت عايز تقوله؟
شاهين : انا ف الحقيقه. ليا تار عند آدم باشا . وشغال معاه من زمان . ودلوقتي هو بيثق فيا. ولما لقيته كشفك قولت بس فرصتى . ابيع ليك . وانت تشتري ..
رؤوف : بعدم تصديق . وايه الل يضمنلي انك بتقول الحقيقه ؟ مش يمكن آدم هو الل بعتك بنفسه عشان توقعنا؟
شاهين : هههه ياباشا. ده حتى انت عارف إن مش دي دماغ آدم باشا خالص . وبعدين. هو هيبعتنى ليك ازاى؟ وهو اصلا هيبعتلك هديه انهردا الساعه ١٠ بليل ..
رؤوف : بلع ريقه بخوف وبص ع عاشور .
عاشور : قرب من رؤوف . وهمس انا مش مطمن ياباشا . وكمان خايف لايكون بيقول الحقيقه . وازاى اتكشفنا ؟
رؤوف : بتوتر. ل شاهين طيب قولنا تعرف ايه؟
شاهين : قبل ما اقول .. انا عايز ٣ مليون ..
رؤوف : نعمممممم انت اكيد مجنون . انت بتساومني ياحيوان انت .انت مش عارف بتتكلم مع مييين؟ دا انا ادفنك هنا .
شاهين : والله ياباشا انا مش بساومك . انا واحد عندو معلومات ليك مهمه جدا . وانا بصراحه خدام الل يدفع اكتر . ولو انت مش موافق خلاص اعتبرني مجتش ولا قولت حاجه..
رؤوف : بتفكير . امممم طيب قول الل عندك . واما اشوف هتثبت ولائك ليا ازاى ؟
شاهين : انحنى ليه باحترام .تحت امرك ياباشا . وعشان تعرف انى صادق معاك .
انا هقولك .. سيادتك فاتح اللاب توب . ومنتظر فضيحة العدوي قدام الدنيا كلها . وخصوصاً ان فرح أحفاده انهردا . وإن الحكومه تقبض عليه هو وابنه زين وحفيده آريان ..بتهمة الإتجار ف المخدرات ..
..احب اقولك إن آدم باشا . مراقبك من زمان . وكمان انت من اسبوع طلبت كمية كبيره من المخدرات . وحطتيها امبارح ف مخزن من مخازن العدوى . وبالاماره ف صندوق شبه البضاعه . ف كونتينر ٢٧ ولا انا غلطان ؟
——————بقلمي مريم نصار..
ف السنتر ..
كل عروسه لبست وجهزت.
ميرو : لبست الفستان واستغربت . لانه ده الفستان الل قاسته قدام تيم . ولما سألت البنت قالت إن الفستان التاني كان فيه غلطه . ورجعناه وجبنا ده. وميرو صدقت.
ليليان : لابسه فستان جميل جدا. وكانت قمر. ومتوتره .
تمارا : ملاك وجميله جدا . ومحرجه جدا ..
آرين : لبست الفستان وكانت تشبه عالم ديزني وكانت فاتنه بجد .رينو الصغيره فعلا. والكل انبهر بيها وبجمالها ..
وحياة وكارما وتوتا لبسو وقاعدين مع بعض.
چود : لبست فستان احمر . والحجاب وقاعده . وكانت زى القمر .. لكن متوتره من تيفا ..
آرين : ايه ياچود . انتى لبستى وليه محطتيش ميكب؟
چود : اتخضت وافتكرت تهديد المجنون . وقالت بتوتر. لأ . احم انا اقتنعت بكلامك ومش هحط ميكب. احم .
آرين : ابتسمت فعلا انتى كدا قمر بجد .
چود : بغمزه .انا برضو الل قمر . اومال انت ايه ياقشطه انت . يلهوز ع الجمدان .
آرين : ههههههههه بيئه ياچود جدا .
چود : بخبث .تفتكرى آدم هلبس بدله ولا كلاسيك؟
آرين : اتوترت .وقالت بلخبطه . احم . مع….معرفش .احم تعالى ندخل للعرايس نشوفهم .
چود : رقصت حواجبها وقامت ..واتحركو .
آرين : شافتهم وانبهرت وقالت بسم الله ماشاء الله . ووووااااااووووو . بصي ياچود تيما تخطف العقل ازاى؟ جميله اوى اوى بجد ..
چود : صفرت .اوباااا ياجودعان كفايه جمال بقى .
آرين : هههههههه وانبهرت واااووو لي لي او ماي چاد ليليان هتجنن كريم بجمالها .
چود : واتكا . اقسم بالله حاجه كدا جامده جامده يعنى .
آرين : هههههههه انتى رهيبه .وشهقت بانبهار اكبر. وقالت وهي متنحه. چود . بصي ع ميرو .
چود : بانبهار ماشاء الله . اوبااا ايه ده انا هيغمن عليا . ميرو شبه الملايكه. ميكب اب خفيف مع حتة فستان يهبل . والعا معاك يادكتور تيم . خربانه يابا..معاك حته جاااااامده جمدان السنين ..
آرين : بنفس الانبهار . بصراحه ميرو خطفت قلبى انا شخصيا. وبجد ملاك فعلا . ماشاء الله. ده تيمو هيغمى عليه بجد ..
چود : تعالى نتصور معاهم . قبل العرسان ما يوصلو عشان يدوبك ..
آرين : تعالى ..واتصورو مع بعض كلهم . وتالين جت عليهم يابنات . ابيه كريم وأبيه آريان وصلو ..
ليليان وتمارا . يتنفسو بحرج ومتوترين جدا ..
ميرو : قاعده ومنزله وشها وساكته ومش حاسه الفرحه ولا اللهفه. جسد من غير روح ..
كل العيله وصلت قدام السنتر ومتجمعين. ف انتظار العرسان. والكل انبهر بالعربيات بتاعة العرسان ..
جه كريم : بلهفه واخد لليليان الل اتجنن من جمالها وخرج من السنتر.
ودخل : آريان وشاف الل خطفت قلبه اكتر واكتر . واخدها وخرج من السنتر .
——————بقلمي مريم نصار.
تيم : اخيرا وصل . وكان ف قمة جماله . والقريب والغريب مبهور بيه.
نور : تنحت وقالت محمد ابنك بيضحك اخيرا. وفرحت جدا ..
محمد : ضحك بسعاده . الحمدلله يانورى . وانا بقى كان وحشنى ضحكتك هههههههه..
تيم : راح وقف قدام آدم وبص ليه بشكر كبير وامتنان اكبر وباس ع أيدو .
آدم : ربت ع كتفه واخدو ف حضنه . وقال ميرو امانه بين ايديك وانا واثق وع يقين انك هتحافظ عليها..
تيم : ف حضنه . ورجع لطبيعته الل جواه هيقوله قدام الكل .
. وقال بصوت مسموع للكل .. وعد من تيم عزيز أنه هيكون ل مريم العدوى . نسخه مصغره من آدم العدوي التانى ..
الكل ضحك بفرحه من وعد تيم . ونور ومحمد فرحو جدا .
مريم : ضحكت بدموع السعاده لما سمعت وعد تيم .
واخدته ف حضنها.
وبعد كده سلم ع مراد ووعده تانى. وفريحه الل بتعيط من الفرحه . ونور ومحمد .
وسلم ع آدم مراد بحب كبير . حبيبى يا آدم شكرا جدا.
آدم مراد : عيب يادكتور . والف مبروك..
تيم : سلم ع فهد. شكرا جدا يا فهد تعبتك معايا
فهد : ربت ع كتفه ياريت كل التعب ف الفرح ..
تيم : بسعاده . عملت كل حاجه زى ما انا عايز ؟
فهد : ههههه لأ . لانك جاهل . وانا بقى عملت كل حاجه ع طريقة الفهد ومتقلقش هبهرك ..
تيم : ههههههههه ربنا يستر ..
تيم : رفع عينيه للسنتر . واخد نفس عميق . ونفخ بتوتر . من اول لقاء واعتراف .
. وقال مريم تستاهل مفاجاءه تفرحها. وطلع يجري ع السلم بحماس. وكل الشباب بتصفر .
——————بقلمي مريم نصار.
تالين : قاعده جمب مريم وقالت ابله مريم. انتى جميله اوي . انتى حوريه بجد .
ميرو : اول مره تبتسم وضمت تالين لحضنها. وانتى جميله اوى اوى ياتوتا. وهتوحشيني اوي .
تالين : طيب انتى ليه مش واقفه تشوفى نفسك ف المرايا زي ابله ليليان وابله تمارا ؟ ممكن تقومي لو سمحتى انتى جميله اوي اوي يا ابله ..
ميرو : حاضر ياحبيبتى. وقامت وهي تايهه وضايعه
ميرو : قامت وقفت قدام . قدام المرايا وشافت إن الفستان جميل جدا عليها . لكن الحزن كاسي ع ملامحها .
تيم : دخل السنتر . والبنت بتقدم ليه بوكيه الورد . واخده .. وادخل بتوتر.
آرين : سقفت بطفوليه تيم جه يابناااات ..
تيم : ابتسم . ل آرين. وقال اذيك ياا…… ومكلمش وشاف ميرو ف المرايا ورغم الحزن الا انها اخترقت قلبه .. وقلبه دق بسرعه وتنح من جمالها.ومن جمال اول فستان شافه عليها . وجابه ليها من يومين .. وقلبه هيطلع من مكانه وهمس مريم ..
آرين : سقفت بفرحه والله قولت انك هيغمى عليك من جمالها. ههههه .
تيم : شاف ميرو مغمضه عينيها بوجع كبير وزعل جدا عشانها . . وقال ل آرين امسكي الورد ده يا آرين.
آرين : اخدت البوكيه. ومتابعه تيم الل راح بسرعه عند ميرو ..وفتحت عينيها بانبهار وشهقت لانه بيشيل ميرو . وصورت بسرعه اللقطه دي فيديو .
ميرو : سمعت آرين .وقلبها دق بخوف .وغمضت عينيها بتعب لأن الل جاي صعب جدا عليها.
.ولكن فجاءه شقهت بصوت عالى لانها اتشالت من ع الأرض . وغمضت عينيها من الخضه . وفتحت تشوف مين شايلها وشهقت بصدمه ..تيم؟ ..
تيم : شالها بين ايديه وبص ف عينيها وقال بحُب .. عمر تيم الل جاي يامريم ..
ميرو : قلبها بيدق بقوه .. واتوترت جدا . وبتترجف ومش فاهمه حاجه . وحاسه انها بتتخيل لأن الل سمعته ده عمره ما يحصل ..
تيم : شايلها . وقلبه بيدق وشاف حالة الصدمه الل ع ملامحها . واتجرأ وقرب من وشها وباس جبينها بحب كبير وقلبه هيطلع من مكانه . لانها اول مره..
ميرو : جسمها اتشد . واترجفت وبتتنفس بسرعه. وحست انها عطشانه .. من هول المفاجأة والاحساس الل هي فيه . وجت تتكلم صوتها راح خالص .
تيم : شاف توترها الكبير . ونزلها قدامه .
ميرو : بتترعش . وكانت هتقع لورا لانها رجليها مش شايلاها .
تيم : لحقها وشدها عليه وايدو ع ضهرها. وبص ف عينيها وشاف دموع مكبوته. وجمع كل قوته وقال .عايز اعترفلك بحاجه مهمه جدا ..
ميرو : ……….ومش عارفه تتكلم تيم قريب منها جدا ..
تيم : شافها تايهه . وقرب وباسها من جبينها بحب كبير جدا . وغمض عينيه وقال بعشق …
( انتى أساس حكايتى) ..
ميرو : اتصدمت .. ورفعت عينيها ليه . وبتنهج بسيط ومش مستوعبه واقنعت نفسها انها بتحلم . ودموعها اتجمعت ف عينيها.
تيم : شاف نظرتها ولمعتها .. وزعل علشانها . وقرب من ودنها وهمس تانى حاجه. انا آسف . وعايز اعترفلك .. انا بحبك وبعشقك وبموت فيكى .
ميرو : حاسه انها هتقع . و غمضت عينيها ودموعها نزلت بتعب وافتكرت انه بيشفق عليها لانها مغتصبه .. ومش مصدقه ..وهمست بوجع. كفايه لو سمحت.
تيم : قرب من دونها و بنفس الهمس . انا جبتلك حقك ولسه . والحادثه دي كانت لعبه مش اكتر . ومفيش حد …….وقبض ع ايديه بغيره . لكن كمل علشان يشوف الفرحه ف عينيها .
.مفيش حد لمسك . وده كان لون مش اكتر . وسكت وصك ع اسنانه بغيظ مكبت ..
ميرو : رفعت عينيها بسرعه بزهول كبير جدا جدا . ورايحه يمين وشمال بعدم تصديق . ا.انت بت….بتقول ايه؟ تيم انت بتقول ايه ؟
تيم : قلبه وجعه عليها . ومسح دموعها . وقال . انا بقول الحقيقه يامريم.
.والل حصلك ده بسببى أنا . ودي كانت خطه اني اشوفك كدا واشك فيكى ونفترق بس مستحيل ابعد عنك خطوه انا عارف انك زعلانه منى لانى جرحتك .. أنا اسف . انا بجد اسف . صدقينى الموقف كان اكبر منى ..
ميرو : مزهوله . وقلبها دقاته مسموعه . و بتنهج بسرعه من الدهشه ومش مصدقه . ومسكت ايد تيم بترجي . وقالت بعياط .وآمل حلفتك بالله تقول الحقيقه . ا.انا……وعيطت.
تيم : مسح دموعها هششش . بس اهدى وانا هفهمك كل حاجه بعدين . آرين وتالين واقفين. وابتسم وكفايه دموع . انتى عروسه . وزى الملاك . والملاك مابيعيطش ..
ميرو : ف حالة صدمه ..ومش مصدقه. وبصت ف عينيه وساكته. كأنها بتقوله انا مش فاهمه ولا مستوعبه انا بحلم ..
تيم : مسك كف أيدها وباس عليها وقال بحبك ..والله العظيم بحبك ..
ميرو : تايهه …………..وف حالة صدمه مؤقته من هول الخبر ورجليها مش قادره تقف عليها وبتترجف ..
تيم : ابتسم . ننزل عشان اتأخرنا ع السيشن .؟
ميرو : لسه بصه ف عينيه ومبتردش …………..
تيم : حس بيها . وأنها مش مستوعبه كل الاخبار الجميله دي .. وابتسم . ومره واحده رفع ايديها حوالين رقبته .وقال حرم تيم عزيز ملكه تتشال وبس. وبعدها شالها بين ايديه. وخارج بيها من السنتر .
ميرو : ايديها حوالين رقبته ..لسه باصه ف عينيه وهي حاليا ف اللاوعي . ومسلوبه تماما . ومش مستوعبه . تيم اعترف بحبه ؟ انا محدش لمسنى؟ ا.اناااا……؟
آرين : خرجت بسرعه وراه مع تالين. ومش مصدقين إن تيم العريس الوحيد الل شال عروسته …عكس كريم وآريان ..
الكل : واقف قدام السنتر .. وفجاءه الكل اتصدم حرفيا . وتنحو .
تيم : شايل مريم بين ايديه بتملك وثقه كبيره ورافع راسه بكبرياء. كأنه بيثبت وبيقول للعالم كله. هذه خاصتى . وانتهي الأمر . ———