رواية ميراث العشق الجزء (2) الفصل الثالث 3 - بقلم مريم نصار

  رواية ميراث العشق كاملة بقلم مريم نصار عبر مدونة دليل الروايات 

 رواية ميراث العشق الجزء (2) الفصل الثالث 3

 

بسم الله نبدأ

فيلا مصطفى عزيز ..

أشرف : راجع من الشغل ودخل .. الفيلا السلام عليكم ..

هنا : باستغراب . قامت من مكانها . وعليكم السلام . ايه ياحبيبى . راجع بدرى خير حصل حاجه ؟

أشرف : باس جبينها حبيبتى . عامله ايه الاول وحشتينى … ويستى مفيش شغل عندى . قومت جيت ل هنايا . فيها حاجه دي؟

هنا : ابتسمت . وانت كمان وحشتنى اوى يا أشرف . واحسن حاجه عملتها إنك جيت .. حمدالله ع سلامتك ..

أشرف : الله يسلمك ياحبيبتي . اومال ماما وبابا فين ؟

هنا : ماما فوق مع بابا ف اوضتهم ومعاهم مصطفى حفيدك ..

أشرف : طيب انا هطلع اسلم عليهم . هي مريم ف الصيدليه ؟

هنا : لأ راحت هي ويوسف النادي واخدو كريم عشان التدريب.

أشرف : هز راسه تمام . تعالى معايا نسلم ع الحج والحاجه . والواد مصطفى ده وحشنى اوى .. وبعدين نريح شويه ف اوضتنا ..

هنا :. يلا ياحبيبى .

أشرف : طلع وخبط ع باب الاوضه ..

شيرين بتكح بتعب . ادخل ..

أشرف : دخل السلام عليكم ياست الكل . وباس ع أيدها وراسها ..

شيرين : وعليك السلام ياحبيبى . انا بخير الحمدلله ..

أشرف : قرب من ابوه . اذيك يا حج وباس ع أيدو وراسه . عامل ايه دلوقتي .؟

مصطفى : بتعب بسيط . الحمد لله يبنى . وكح حمدالله ع السلامه ..

أشرف : الله يسلمك ياحج . وبص ل مصطفى الصغير . اهلا اهلا مصطفى حبيب أشرف .

مصطفى : جري عليه . بابا حبيبى ..

كلهم ابتسمو ..

أشرف : ضمه لقلبه . حبيب بابا الغالى ابن الغالى ..

الباب خبط . وثريا . الشغاله دخلت . ست شيرين هانم . الدكتور محمد والدكتوره نور جم تحت ..

هنا : ابتسمت بحب . خليهم يطلعو ياثريا . وانا هلبس النقاب .. وراحت ع اوضتها ..

شيرين : يارب يكونو جابو تيم معاهم الواد ده بيحلي القاعده ..

أشرف : ههههه تيمو الجنتل . ده واد قمر .

مصطفى : ضحك بتعب . اه لو سمعك وانت بتقول عليه واد . ولا ايه ياحبيبتى؟

شيرين : ضحكت عندك حق ياحبيبى . ماشاء الله عليه راجل من ضهر راجل . بصراحه احفاد العيله كلها اللهم بارك يارب . مريم وآدم بيعاملوهم انهم كبار وليهم رأي وشخصيه .. وده الل انا بحبه ف مريم .. يا ما احتوت ودلعت محمد ووقفت جمبه . ربنا يبارك ف عمرها يارب ..

كلهم : آمين ..

نور : خبطت . ودخلت بمرح السلام عليكم ياقوم .. وكانت شايله علبه ف أيدها..

كلهم : ابتسمو . وعليكى السلام ياحبيبتى ..

محمد : دخل مبتسم . وشايل تمارا .. السلام عليكم جميعاً .. ونزل تمارا . وباس ع أيد شيرين وراسها . وسلم وباس ع ايد مصطفى وراسه .. وسلم ع أشرف ..

نور : سلمت عليهم . اتفضلى ياست الكل. انا عملتلك بسكوت الشوفان الل حضرتك بتحبه . وكمان ده صحي جدا علشان بابا مصطفى.

شيرين : بلوم . ليه بس كده يانور ياحبيبتى. تعبتي نفسك ليه بس ؟

نور : ياريت كل التعب بسكويت الشوفان هههههههه . تعبك راحه ياست الكل..

شيرين : تعيشي يابنتى ..

مصطفى : تسلم ايدك يانور يابنتى .

نور : تسلم لقلبى ياحبيبى . يلا بقى خف بسرعه علشانا ..

مصطفى : ههههه مابقاش ف العمر قد الل راح يانور ياحبيبتى..

نور : ربنا يبارك ف عمرك يابابا يارب ..

كلهم آمين ..

محمد : قعد اذيك يا ست الكل عامله ايه يا حبيبتي؟

شيرين : بتبوس تمارا . وقالت بخير يانور عيني . انت عامل ايه ياحبيبى؟

محمد : هز راسه انا تمام الحمدلله .. وانت يابابا كويس دلوقتي ؟

مصطفى : عيونه متعلقه بيه واتنهد بتعب . انا كويس يبنى الحمدلله ..

نور : يارب ديما كويسين بخير ..

شيرين : اله اومال فين تيم ؟

محمد : تيم ف النادي مع الولاد . ومراد وفريحه معاهم ..

شيرين : كان نفسي اشوفه اوى ..

محمد : ابتسم من عينيا انتى تؤمري امر . انا هتصل ع مراد يجيبه ع هنا .. اصل بصراحه نور حالفه لا تتغدا هنا ههههه..

نور : كشرت عينيها بغيظ . اممم.

شيرين : بفرحه . دى نور تطلب وتتمنى . عينى ليها ..

نور : ضحكت وباست ع ايديها . حبيبتى تسلمى لقلبى ياماما يارب . وع فكره مامي يتسلم عليكى كتير جدا ..

شيرين : اه ياروحي . كلمتنى واطمنت عليا انا والحج . ربنا يكرمها يارب ..

كلهم آمين .

محمد : ايه يا اشرف عامل ايه ؟

أشرف : ربت ع كتفه انا الحمد لله يادكتور .. وبجد مبسوط انكم شرفتونا انهردا ..

محمد : تسلم يحبيبى الغالى . وطلع من جيبه علبتين علاج .. اتفضل ياحج العلاج ده . تاخد منه كبسوله بعد الفطار يوميا .. ولازم تحافظ عليه . وانتى ياست الكل . نفس العلاج تمشي عليه مره واحده يوميا .. تمام ..

شيرين : بعدم فهم علاج ايه دا يبنى ؟

محمد : ده ياست الكل فيتامين مهم جداً للعضم. وهيخلي عندك باور . وتقدرى تنزلى السلم زى الاول إن شاء الله . وقبل ما يخلص هتلاقى عندك غيرو ..وبالشفا إن شاء الله.

شيرين : ابتسمت بحب .. ربنا يكرمك يارب ويبارك ف اولادك يامحمد يابني يارب .انت وأشرف ورنا .. حبايبى ياولادي ربنا مايحرمنيش منكم ابدا ..

————بقلمي مريم نصار

ف العياده ..

طارق : قاعد ف الانتظار وآدم وبيتر جمبه . وهيموتو حرفيا من الضحك .

بيتر : ل آدم بص بص عليا النعمه الواد ده كان عندو خال اهبل . ابوس ايدك عايز اضحك مش قادر ..

آدم : بص ع طارق . وكح لانه مش قادر مابيضحكش

.هشش الممرضه قاعده ..

طارق : بيتكلم كلام مش مفهوم . هو وشي وارم ؟ انا حاشش بحاكه غريبه . آدم هو انا شفايفى كبرت ..؟ انا حاسس ان بوقى مدلدل .

بيتر : ضحك بصمت لدرجة كتافه بتتهز بسرعه

.همس اااادم همووووت يالا … طارق بيقولك بوقه مدلدل هههههههه . ارحمنى ابوسك ايدك . ااااه يابطنى ..

آدم : مسح دمعه من عينيه من كتر الضحك . اسكت الله يخربيتك . هيبتى راحت بمعرفتكو السودا .. انا حاسس انى خلاص هنفجر واضحك ..

طارق : بصلهم واتكلم بكلام مش مفهوم .. انتو بتتوسوسو بتقوله ايه ؟ اااه بوقي بيكبر .. الله يخنبيتك يالودي الكلب ..

بيتر : ااااه هموووت . هو يقصد يخربيتك يارودي الكلب صح ؟ هههههههه . ااااه قولوني هينفجر . هههههههه .

آدم : ضحك بصمت . ومش قادر يقاوم . بيتر اسكت خالص مش عايز اسمع صوتك . ااه احم ..

طارق : ببلاها وغيظ . انتو مبتردوش عليا ليخ ..

بيتر : بصوته كله هههههههههههه هههههههههههه ليخ . خلااااص مش قادر هههههههههههه .

آدم : وشه بقى احمر جدا . ومسح وشه بالمنديل يدارى الضحك ..

طارق : بيحسس ع وشه . وقال بغيظ . انت جاي تشضحك عليا يلا . آدم انت جايبه ليخ ؟

آدم : بص ف الارض وكاتم الضحكه بصعوبه وبيكح ..

بيتر : هههههههههه انا هكون جاي ليخ يعنى ؟ ههههه ااااه ياضحك السنين هههههههههههه

طارق : بصله بغيظ . ع فكله انا مس هسيبك وانا مس مشامحك يابن العدوي ..

رودي : خلصت الكشف الل موجود .وخرجو . وراحت عندهم . يلا ياطاروق . تعالى .. الربع ساعه خلصت .. وبصت ع آدم وبيتر . وشافت وشهم احمر والضحكه مكتومه . وضحكت غصب عنها. احم يلا ياحج طارق ..

طارق : بصلها ايخ يالودي عايزه تعملى فيا ايخ اكتن من كيدا . اه الكلام مبلحقوش بيقع مني يا لودي الكلب .

رودي : ههههههههه معلش ده من البنج بس . ساعتين كدا . وهترجع لطبيعتك تانى . يلا تعالى معايا ..

آدم : بيضحك من قلبه بصمت .. وكح واخد نفس عميق . وحاول يكون عندو ثبات . وقام احم يالا ياطارق ..

بيتر : مسح دموعه وبيكح . وقام وقف يلا ياطارق عشان الدكتوره هتخلع ضرسك .

طارق : بصله بغيظ . وبص ل آدم انا مش مشامحك عشان جبت الواد ده معاك .

آدم : ضرب بيتر بكوعه ف جمبه . احم عندك حق . المره الجايه . مش هجيبو معايا . يلا بس عشان أثر البنج .. وكتم الضحكه .

بيتر : حط ايدو ع جمبه وقال اااه . سمعت اكتن دي .. وكاتم الضحكه..

————بقلمي مريم نصار

دخلو اوضة الكشف .

طارق : طلع ع السرير .

بيتر : قرب منه متخافش ياطارق تمام ؟

طارق : بصله . اخاف من ايه . مخلاش حطتشتلى بنج. يكش يشيلو رقبتك انت كمان واشتريح منك ..

بيتر : ههههههههه .. حتطشتلك بنج . معلش هتشتريح منى . ههههههههه ..

آدم : شد بيتر . تعالى هنا بقى . خلى البنت تشوف شغلها ..

رودي : جابت الجهاز. وقربت منه . افتح بوقك ياطاروق . ومش عايزه اى حركه .. عشان لو الضرس اتكسر هتبقى مشكله ..

طارق : ربنا يطمنك يالودي ..

بيتر : ااااه بطنى هههههههههههه ..

طارق : بغيظ . اطلع بله يلاااا..

بيتر : هههههههههههه اطلع فين . دانت هتتصور دلوقتي هههههههههههه..

آدم : قرب من طارق . كلام ايه ده يارودي يابنتى . طارق اخويا عندو ثبات .. فاكر ياض ياطارق زمان . لما طلعنا مأموريه مع بعض . ومسكت الاربع رجاله طحنتهم ضرب . وكانو مسلحين كمان .. واترقيت فيها .. طول عمرك وحش واسد …

طارق : هز راسه ااه كانت ايام .. واتحمس شويه . يلا يارودي اخلعى خلينى اروح ..

رودي : قربت منه بسم الله .. وبدأت تخلع ف الضرس .. وطارق يهز راسه كأنه حاسس . وردي اتعفرتت . وبصوت متغاظ أثبت بقى . مش عارفه اتعامل . دى العيال الصغيره مابتعملش كدا ..

طارق : حرك راسه . اسسسستنى اخد نفسي الله يحرقك ..

رودي : نفخت بنفاذ صبر . خد نفسك … ويارب نخلص ..

طارق : بنرفزه . انتى زيهم مابيطملش فيكي حاكه . العياده دى بفلوشي …

رودي : هههههههههههه . وباسته من خدو . عيوني ليك ياطاروق . وهمست ف ودنه انا عايزاك تجمد . هيبتك بتضيع وهتبقى تريند ..

وآدم وبيتر . هيموتو حرفيا .. م الضحك الصامت ع شكل طارق ..

طارق : بصلهم . انا بكرهك انت وهو ..

وبعد شويه ..

رودي خلعت الضرس بصعوبه . وجابت قطنه حطتها مكان الخلع .

. وقالت بابا ممنوع تاكل اكل سخن ..او تشرب حاجه سخنه.

وده مسكن تاخد منه برشامه اول ماترجع البيت . وده انتبيوتك كل ١٢ ساعه .. الف سلامه عليك ياطاروق . دي چود هتزعل اوى.

طارق : …………وبيخبط ع خدو ومش حاسس بحاجه .

آدم : اخد العلاج . شكرا يادكتوره رودي . تسلم ايدك .. يلا ياطاروق . وكاتم الضحكه.

ونزلو التلاته .. وركبوا العربيه ..

آدم : قفل باب العربيه .

بيتر : بص ع طارق . وانفجر ف الضحك بصوته كله . هههههههههههه هههههههههههه هههههههههههه … بوقه دلدل هههههههه . مش حاشش بحاكه هههههههههههه..

آدم : غصب عنه ضحك هههههههههههه أقسم بالله . ماضحكت كدا من زمان جدا هههههههههههه ….

طارق : بغيظ . والقطنه ف بوقه . خلشتو ضشحك . انا بتبرى منكو ومش عايز اعرفكو تشانى ..

بيتر : هههههههههههه يالهوووى هموووت اااااه يابطنى . اااادم همووووت يالا والله ماقادر . خلشتو . وبتبرى . هههههههههههه … اااه

آدم : بص ل طارق . وكاتم الضحكه ع آخرو . لكن غصب عنه ضحك هههههههههههه .. اعذرني يا اسد . والله ريأكشناتك لوحدها تهلك ضحك . هههههههههههه .

طارق : ماشي ليكو يوم .. اااه وشي منمل ..

————بقلمي مريم نصار

فيلا ذياد جمال ..

زياد : رجع من الشركه . وطلع يغير هدومه ..

ماليكا : طلعت هدومه من الدولاب . اتفضل يازيزو ..

زياد : شكرا ياقلبى . واخد التيشرت ولبسه..

ماليكا : اخدت هدومه . وبتعلقها ف الدولاب ..

زياد : قرب منها وحضنها من الخلف ..عارفه احسن حاجه ف حياة بنتنا ايه؟

ماليكا : قلبها بيدق . ايه يازيزو ؟

زياد : انها نسخه مصغره منك ..

ماليكا : ابتسمت . ربنا يخليك ليا ياحبيبى . ديما كلامك ليا كله جميل اوى يازيزو ..ولفت ليه . وحطت راسها ع صدور . زياد . انا كل يوم بحمد ربنا انى مراتك .. انت عندك حنيه مش عند حد . طريقة تربيتك ل ياسين وحياة جميله اوى . بحب حبك ليهم واهتمامك بيهم .

زياد : ضمها لقلبه. وابتسم . دول مش عيالي وبس ياماكي . دول صحابى واخواتى . والأهم أنهم حته منك .. انا بحبك اوى ياماكي .. وكل يوم حبي ليكى وللعيله الجميله دي بيزيد . ربنا يخليكي ليا . ويباركلى فيكى ياروحي ..

ماليكا : وقفت ع أطراف صوابعها . وباست جبينه بحب كبير . انا بعشقك يازياد .. وربنا يديمك نعمه ف حياتنا ..

زياد : باسها من خدها برقه . روحي انتى ياماكي .. قوليلى فكرتى ف الل قولتلك عليه؟

ماليكا : هزت راسها اممم فكرت . وانا لسه عند قراري . إنا مش عايزه اشتغل انا مبسوطه كدا . طنط مريم رفضت تشتغل عشان خاطر بيتها. وانا عايزه اعمل زيها . وأسس بيتى واولادي صح ..

زياد : قلبه دق بسعاده .. خلاص ياحبيبتى . وانا موافق قرارك ده . انا بس عرضت عليكى تشتغلى عشان متقوليش انى مقيد حريتك . وشهادتك ركنتيها ..

ماليكا : لا ياحبيبى انا مبسوطه كدا . نجاحي الحقيقى ف ذريه صالحه .. وزوج وأب رائع .. وابتسمت بخجل . احم ع فكره بقى انا عملتلك انهردا بسبوسه بالقشطه ..

زياد : هههههه الله عليكي يا ماكي .. هتجنن عليها ..

ماليكا : وشها بقى احمر . احم يلا ننزل بقى . الغدا جاهز . وبابا حسام وماما هدى والولاد تحت …

زياد : حاوطتها من كتفها . وباس جبينها . يلا بينا ياقلب زياد …

————بقلمي مريم نصار

ف فيلا الصاوى ..

مالك وساره راجعين مع بعض . وطلعو يغيروا لبسهم …

ساره : بتغير هدومها بتعب . وماسكه بطنها ..

مالك : قرب منها بخنقه . هاتى ياساره انا هساعدك .. وساعدها ف اللبس ..

ساره : ميرسي جدا يامالك . بجد مكنتش قادره اغير لوحدى ..

مالك : بديق . طيب ممكن بقى تسمعي الكلام وتقعدى من الشغل .. الدنيا مش هتخرب يعنى .. انتى ف الشهر الخامس وتعبانه ياساره ماينفعش كدا .؟

ساره : قربت منه . مالك انت متنرفز ليه كدا ؟ وبعدين ياحبيبى ما انا شرحتلك قبل كده . نخلص من الصفقه دى . وهقعد .. وهسلم كل حاجه ل بابا جاسر ..

مالك : بتنهيده . ساره انتى تعبانه تغور الصفقه ياستى .. الدكتوره قالت لازم ترتاحي .. وكمان ده رائي . ولا بقى كلامي خلاص مالهوش لازمه بالنسبالك .

ساره : من هرومونات الحمل . اتخنقت من كلامه وعيطت …

مالك : مسح وشه بايديه ونفخ بديق حقيقي . وراح عندها . حبيبتى انا اسف. تعالى اقعدى . تعالى ..

ساره : قعدت ع طرف السرير بألم بسيط ف بطنها .وبتعيط.

مالك : نزل ع ركبه قدامها . ساره ممكن تفهمينى . ساره انا بجد خايف عليكى . انا عايز راحتك . وبعدين هو انا بقولك سيبى الشركه خالص .. انتى هتاخدى اجازه . وبعده الولاده إن شاء الله ترجعى تانى .. وبعدين انتى عايزه تزعلى . كارما مننا ؟

ساره : مسحت دموعها بطفوليه . وقالت كارما مين؟

مالك : باس بطنها . كارما الصاوى . بنوتى القمر ..

ساره : ابتسمت الله اسم حلو اوى يامالك..

مالك : اسف انا بجد مخنوق جدا من الشغل والقضيه الجديده فيها الغاز كتير . ومشوشه ع تفكيرى . ده غير خوفى عليكى .

ساره : حاضر يا مالك . انا هظبط كل حاجه ف الشركه . واسلم كل حاجه ل بابا جاسر . واخد الاجازه . انا مش عايزه ازعلك . وكمان آسر حبيبى . اهتم بيه اكتر الفتره دى ..

مالك : بسعاده حبيبتي . انا دلوقتى بجد مبسوط جدا .. ويلا تعالى . ننزل نشوف آسر باشا . عمل ايه مع ملك . تعالى …

ساره : قامت . ومسكت ايدو . ونزلو مع بعض ..

ملك : قاعده ع السفره . وبتأكل آسر . حبيب ناناه انا . بالف هنا ع قلبك ..

آسر : ثوكرا ناناه .. ثاره اهي ناناه .مامي بيبى وسقف ..

ساره : قربت منه وضمته لقلبها . آسر حبيب مامي انت .. وسلمت ع ملك ..

مالك : اذيك يا أمي عامله ايه انهردا ياحبيبتى وباس ع أيدها.. وراح سلم ع آسر ..

ملك : بحب . حبايبى حمدالله ع سلامتكم .. وانا بخير الحمد لله ..

جاسر : جه عليهم . وقعد جمب ملاكه . وباس ع أيدها . حبيبتي عامله ايه ياروحي ..

ملك : بحب كبير . حمدالله ع سلامتك ياحبيبى. انا بخير طول ما انت بخير ..

وبصت للكل . يلا عشان نتغدا .. الكل قعد وكان وقت جميل بينهم …

————بقلمي مريم نصار

عند رعد الجوهري..

رعد : داخل البيت .. وبينده ع هيلينا . هالي ؟ حبيبتي انا جيت انتى فين ؟

هالي : قاعده ع تربيزة السفره من فوق . وماسكه المقص . وضحكت بفرحه هااااي رعد انا مبسوط كيتير انك جيت بدرى ..

رعد : وقف بدهشه . ايه ده؟ انتى قاعده ليه كدا؟ وانتى بتعملى ايه؟ وفين سفيان؟

هالى : قاعده وقدامها كميه كبيره من المولخيا . وماسكه عود مولخيا

وبتقص الورق بالمقص . وقالت سفيان نام بعد بكاء كيتير جدا …وانا بقص الموخليا .. تعال شوف انا شاطر كيتير رعد..

رعد . ببلاها بتقصي الموخليا ؟ وكشر عينيه بغباء. موخليا؟

المفروض اسمها ملوخيا صح؟ هي اسمها كدا ولا انا اتلخبط؟ وقال انتى جبتيها منين دي ياهالى؟ وايه كل الكميه دى.؟

هالى . انا اتصلت وجبتها دليفيري حبيبى .

رعد بيبى انا امبارح كنت بتفرج ع التي ڤي. واتفرجت ع مسلسل جميل اوى . وكانت الست بتعمل الموخليا زي دي . وطشخت فيها .. وا……

رعد . قاطعها بسرعه . ايييه؟ الست عملت فيها ايه؟

هالى ..طشخه بيبى . قالت هييييييييه . ودي تكون طشخة الموخليا..

رعد : بصلها بقرف . مش دي ياهالى لأ ارجوكي متكمليش ..

هيلينا . بمرح .طشخة موخليا . وجبت الطريقه من الانترنت

رعد : طشخه؟ ياشيخه بعد الكلمه دى اقسم بالله ما حاططها ف بوقي تانى ..

هالى :. واي؟ . ليه بس يارعد . الموخليا حيلوه كيتير . وانا تابعت الشيف . وكمان قالت لازم شخقة الموخليا. ولازم يابيبى .

رعد : حط ايدو ع بوقه . خلاص ياهالي هرجع … والله ما انتى تعبه نفسك . انا الل هعملها .

هالى . نو نو بيبى انا إلى اعمل موخليا . انا عايز اكلها من زمان . وحبيت كتير انى اش……

رعد : باااس والله ما انتى مكمله خلاص. الانسان طاقه ياهالي .

هالى :. رعد انت ادخل خد شاور وانا اعمل الاكل .

رعد : احم طيب ممكن اساعدك؟.

هالى : نو بيبى… باري بنت انا عايز انا اعملها .. وحطت أيدها ع بطنها وابتسمت . موش كيدا باري حبيب MoM انتى عايز موخليا. .

رعد : ههههه اقسم بالله ماحد ضحك قدى . بصي يا حبيبتي مبدايا كدا اسمها ملوخيا .

هالى . موخوليا.

رعد : هههه نو نو . قولى ورايا . مو

هالي . مو

رعد . لو

هالي .لو .

رعد . خيا

هالى خيا .

رعد . نجمعهم ع بعض بقى تبقى ملوخيا.

هالى . بصعوبه . مو ءلوخياااا. وسقفت يس جود … فيري جود هالي..

رعد ..ابتسم بحب. وقال برافو ياحبيبتى لكن من غير حرف الهاء . اسمها ملوخيا ع طول .

هالى . اه يعنى انا انتش صح كيدا.

رعد . هههههههههههه اه انتش ياوحش الكون . انتش وقول ملوخيا ع طول هههههههههههه.

هالى . اوكي مولوخييا واااااو نايس هالى.

رعد : هههههههههههه . قوليلى بس انتش دى جبتيها منين .

هالى . من التي ڤي والانترنت بيبى الإنسان المصري بيجاد انا بحب كيتير المصطلح بتاع هو . بحس انى ناقصنى حجات كيتير جدا . ولازم انا اتعلم لغة مصر بسرعه كيبيره .

رعد : هههههههههههه مصطلح ؟ انتى بتسمى الالش ده مصطلح . وبعدين ياحبيبتى انتى زى الفل والله وبتتعلمي بسرعه .

. وقرب منها بمكر . قوليلى بقى لما انتى بتصحينى من النوم انتى اتعلمتى تقوليلى ايه؟

هالي : بعفويه . حطت ايدها ف جمبها وقالت ..أيصحا ياراجل قووووم قامت قيامتك يابعيد ..

رعد هههههههههههه هههههههههههه

————بقلمي مريم نصار

بعد اسبوع ف المالديف .. الساعه ١٠ مساءاً

فهد : صحي من النوم ونزل . تحت ع الشط جمب اليخت .. و رسم قلب كبير جدا . وحط شموع ع رسمة القلب .

. ورسم دايره اكبر . وكتب فيها . معشوقتي .. عشق الفهد .. وحط شمع كتير . . وحط اسلاك اضاءه حوالين الشجر . واضاءه ع الكوخ .. وكمان حط اضاءه ع سلم اليخت .. وجهز كل حاجه لمعشوقته الصغيره .. وطلع بسرعه .. وشافها لسه نايمه . واتحرك ببطء شديد عشان آرين و آركان مايصحوش .. وقرب من رينو . وهمس ف ودنها . نجمتى ..

رينو : ………

فهد : رينو قومي .

رينو : فتحت عينيها . امم ايوه ياحبيبى ..

فهد : بيرتب شعرها . وهمس قومي عشان محضرلك مفاجئه هتعجبك اوى . بس قومي ع مهلك مش عايز صوت . عشان الولاد مايصحوش . ولو فاقو ..ساعتها المفاجأه تبوظ ..

رينو : حطت ايدها ع خدو بحب.. حاضر ياروحي .

فهد : اتعدل بحظر . واخد رينو وخارجين بشويش .. وفهد قفل عليهم الباب بالمفتاح ..واخد رينو . وراحو ع غرفتهم الخاصه ..

رينو : فتحت عينيها بدهشه . ايه الفستان ده يافهد؟

فهد : باسها برقه وهمس البسيه .. وانا هلبس بسرعه اوكي .. وسابها واتحرك ..

رينو : قلبها بيدق بسعاده .. وشافت فستان سهره أسود بيلمع وتصميمه تحفه .. ودخلت اتوضت وصلت العشا . ولبست الفستان . وكان مبهر بجد عليها .. وفردت شعرها زى ما فهد بيحب يشوفه . وحطت ميكب ..وكانت جميله جدا

فهد : لبس بدله جميله جدا عليه ورش برفان. ودخل وشافها . وقلبه دق من جمالها ..

رينو : لفت ليه بابتسامه خطفت قلبه … وكانت مهلكه ف جمالها للفهد .

فهد : قرب منها . ومسك ايديها الاتنين وباس عليهم . وقال انا بجد مش لاقى وصف ل جمالك ..

رينو : اتنهدت بحب . وقالت انت ماشاء الله عليك تجنن يافهد ..

فهد : طلع من جيبه علبه وفتحها . وقال ممكن .

رينو : بسعاده . شافت سلسله رقيقه جدا . وهزت راسها ممكن جدا . ولفت ضهرها ليه..

فهد : اخد السلسله . وجاب شعرها كله ع جمب . ومبتسم . ولبسها السلسله . ورجع شعرها تانى . وضمها لقلبه من الخلف . بحبك يارينو .. بحبك اوى..

رينو : رجعت راسها ع كتفه .. وانا كمان بحبك اوى يافهد . قولى بقى ياترى مفاجأة ايه الل قولتلى عليها ..؟

فهد : بغرام . رسمتلك قلب كبير زى ما وعدتك . تعالى معايه . وحط ايدها ف دراعه . وخرجو ع سطع اليخت.

رينو : انبهرت لما شافت الاضاءه وكمان ع سلم اليخت والشجر . وخصوصاً الكوخ وكان منظر رائع جدا.

فهد : نزل قدامها ع السلم. ومسك كف أيدها وبينزلها .. ع مهلك ياروحي.

رينو : بانبهار . واو روعه بجد يا حبيبى ونزلو..

فهد : ابتسم . تعالى . وخطى خطوه ف نص القلب وهي معاه .وشغل المييوزك .. ومسك ايديها وحطها حوالين رقبته . وحاوطها من وسطها . وبيرقص معاها . وقال. انا مش ناسي انك طلبتى انى ارسملك قلب .. وانا قولتلك هرسملك قلب اكبر من الل قبله . وفهد مستعد لاي حاجه ف الدنيا يعملها عشان سعادة معشوقته الصغيره …

رينو : قلبها بيدق بحب كبير . وحطت راسها ع صدره . وغمضت عينيها . انا محظوظه اوى انى حبيبتك ومراتك ..

فهد : ابتسم . ع فكره انتى ماطلبتيش هدية نجاحك ..

رينو : تؤ مش عايزه .. انا عايزاك انت .

فهد : ضحك . بس كدا وانا بين ايديكى . لكن انا عايز اقولك إن ف مفاجآه كبيره ف انتظارك اول ما نرجع . وهي عياده الدكتوره لارين آدم العدوى ..

رينو : رفعت راسها بسرعه بدهشه . وقالت بفرحه كبيره بجد يا فهد ؟ بجد ؟

فهد : بحب . بجد ياقلب فهد. ودى هديتى ليكى انا والحج طارق ..

رينو : حضنته بفرحه كبيره بجد ميرسي ياحبيبى .. انا بحباااااااك اوووى يافهد …

فهد : حضنها .. وبعدها رفع راسها . ومسك دقنها . وقرب منها وباسها باشتياق كبير .. وبعدها قال . وانا بعشقك . ودي حاجه صغيره انا عن نفسي اتمنى احققلك كل امنيه . لكن أمنية انى اقول ليكى شعر . ف دى صعبه ..

انا مش عارف اقولك شعر .. انا مش لاقى كلام يوصف حُسنك وجمالك .. ولا ف اى كلمه تقدر تقاوم سحر عيونك الل آثرت قلب فهد يارينو .. لكن كل الل أقدر أقوله ..

“رُبّما لو سألتنيِ اليوم عن الحُب لن تجدِ تفسيرًا واضحًا، لكنّني سأخبركِ شيئًا، أتعرفين كيف يسقطُ المطرُ ع الأرض الجافّه فتبتلّ ثمّ ينمو العُشبُ والزهر؛ فتسكنُها العصافير والفراشات، مع ظهور قوس قُزح ف مشهد يبهج من يُحضره؟

هكذا كان حضورك، وكذلك كان قلبي تمامًا.”

رينو : عيونها لمعت بدموع ومبسوطه . وقالت اوعدنى يافهد . اوعدنى إنك تحبنى كدا ديما.

فهد : رجع شعرها الل بيتحرك من الهوا . ورا ودنها . وابتسم . وسكت ……

رينو : حطت ايدها ع قلب فهد . اوعدنى يافهد انى مهما كبرت ف السن .. قلبك ع طول ينبض علشانى ..

فهد : بص ف عينيها بعشق . وقال . اوعدك يالاري . إن قلبى طول ما فيه نبض هيكون ليكى انتى وبس .. واوعدك يا لاري . انك ديما ومهما عدى علينا من عمر هتكونى معشوقتى الصغيره . انتى قلبى ورحي انتى نجمتي . انتى عشق الفهد ….

————بقلمي مريم نصار

ونقول بعد مرووور فتره كبيره من الزمن ..

فيلا العدوي .. الساعه ١٢ الضهر .

آدم : راجع من الشغل .. وبيتكلم ف الفون . ايوه يازين ..مين؟ الجبالى ؟ ايوه ايوه فاكرو .. مناقصة ايه؟

لأ سبلى انا الموضوع ده . وركز ف الشركه الجديده . لأ انا خلصت الاجتماع و رجعت ع البيت . لا مريم كويسه متقلقش عليها . انت خلص شغلك ونتكلم بعدين . مع السلامه .. وقفل . وبص ف الليفنج . مفيش حد . ونده ع زينب ..

زينب : جت بسرعه . حمدالله ع السلامه ياسي آدم بيه ..

آدم : الله يسلمك يازينب .. مريم فين ؟

زينب : بزعل . ست مريم .. كانت قاعده هنا من شويه . وكملت بتوتر .. احم بصراحه شوفتها وهي قاعده بتعيط .. وجريت عليها اصبرها .. بس طلعت ع الجناح وهي بتعيط ياكبدي ..

آدم : غمض عينيه بتعب .. وهز راسه ماشي روحي انتى يازينب .

زينب : تحت امرك ياسي آدم بيه . وجت تمشي ..

آدم : اسمعى يازينب . اعملى عصير فريش وابعتهولى ع الجناج ..

زينب : حاضر من عينيا وراحت ع المطبخ..

آدم : اخد نفس عميق .. وطلع ع السلم .

مريم : واقفه وماسكه صوره ف ايديها .وضمتها لقلبها. وبتعيط بفقد كبير . وقالت وحشتونى اوي .. فراقكم واجع قلبى .

آدم : دخل وشافها . وزعل علشانها جدا .. وقرب منها . ووقف قدامها ..

مريم : دموعها نازله . وعيونها حمرا جدا .. وحضنا الصوره . وغمضت عينيها ..

آدم : رفع ايديه . ومسح دموعها .. وبعدين يامريم . انتى كدا بتعذبينى ..

مريم : انتبهت . وفتحت عينيها . وبصت ل آدم بعياط .. غصب عني يا آدم . فراقهم واجعنى اوي ..

آدم : مستحملش . وضمها لقلبه . هششش . بس حاولى تهدى .. الله يرحمهم . انا عارف ان الفراق صعب .. لكن الموت هو الحقيقه الموجوده .. وبعدين يامريم .. انتى مؤمنه بقضاء الله .والحج مصطفى والحاجه شرين وكمان حسام وهدى كانو ليهم معزه وتقدير خاص ع قلوبنا كلنا. ادعيلهم بالرحمه والمغفره .

مريم : كلبشت فيه اكتر . وقالت بشهقات . انا مؤمنه بقضاء الله . وراضيه بكل حاجه .. لكن الفراق صعب اوى يا آدم .. اخواتى الاتنين . والحج مصطفى وهدي .. ومش مصدقه أنهم ماتو وعدى عليهم ٣ سنين .. بجد وجع فراقهم بيزيد مابيقلش يا آدم .. شرين كانت امي واختى . والحج مصطفى كان ونعم الاخ والاب .اخواتي وحشوني اوي يا آدم .. وعيطت بوجع كبير …

آدم : غمض عينيه بوجع . وضمها اكتر . ومسد ع شعرها .وسابها لحد ما تهدى ف حضنه .

وبعد لحظات. طلعها من حضنه . ومسح دموعها . ومسك أيدها وسندها . تعالى اقعدي وحاولي تهدي .. وقعدها ع طرف السرير . وقلع الجاكيت وحطه جمبه . وقعد جنبها . واخد راسها ع صدره . وبيمسد ع ضهرها بحب كبير .وقال.

.مريم ربنا انعم علينا بنعمة النسيان .. يعنى انا اهو . امي نور الله يرحمها . انا كنت متعلق بيها جدا . وعمري ما كنت اتخيل حياتى من غيرها . ولما اتوفت . قولت بس الحياه وقفت لحد هنا.. ومش هقدر اكمل . وعمري ما هنسى .. زعلت وبكيت كتير .. لكن بعدها عدت سنه . ورا سنه . وراها سنين .. واكتشفت إن الدنيا ماشيه زي ما هي . وبفضل الله ورحمته علينا . رزقنا بنعمة النسيان .. ونسيت .. انا طبعا ما نستهاش .. لكن نسيت الوجع . وطعم الفراق . بدء يختفى .

. وبدأت اتعايش مع الحياه . وقابلتك .. قابلت الجوهره الناعمه الل نستنى أي لحظة حزن ووجع عيشته وشوفته ف حياتي.. ورفع دقنها ليه . وكمل با ابتسامه .

. تعرفى إنك دوايا .. انتى إدمان يامريم .. ووجودك جمبى نسانى اى لحظه وجعتنى مرت عليا ف حياتى . دخلتى حياتى ومحيتى كل ذكرى مؤلمه .. انتى إدمان ل آدم .. وآدم هيتجنن لدموعك دي .. وماينفعش .

. ماينفعش ملهمتى واميرتي والماستي وقمري وروحي دموعها تنزل … حتى لو دموع وجع .. ممنوع .. انتى تدعيلهم بالرحمه . وحاولى تنسى .. وكملى حياتك معايا .

. ع فكره يامريم .. انا موجوع حقيقى بسبب دموعك دي .. عشان خاطر آدم . عشان خاطر بذرة الحب . الل فروعها وصلت للاحفاد .. حاولى تكونى بخير عشانى .. انا مستاهلش تكوني مبسوطه علشاني ؟

مريم : عينيها متعلقه ف عيونه بدموع . وبتسمعه . وكأن جبل من الجليد ع قلبها داب ف لحظه .. وغمضت عينيها. واخدت نفس عميق وحطت راسها ع صدره . وسكتت ….

آدم : ضمها لقلبه بحب كبير .. حبيبتى انتى يامريم ..

الباب خبط ..

مريم : طلعت من حضن آدم . وساكته ..

آدم : باس جبينها . حاولى تهدى تمام .. وقال أدخل ..

زينب : فتحت الباب . ودخلت . وقالت العصير ياسي آدم بيه ..

آدم : هز راسه . متشكر يازينب حطيه عندك ..

زينب : حطت العصير . وبصت ع مريم . وزعلت عشانها .. ونفسها تهون عليها . وقالت بعفويه .. ست مريم وشك احمر اوى . والله الدنيا مامستهله زعلك ده . قومي كدا استحمي وروقي .. وانا وكتاب الله لانزل دلوقتي اعملك كوباية عناب زى الفل .. وكمان هعمل شوية مهلبيه ترمي بيهم عضمك .. ولا ايه ياسي آدم بيه …

آدم : ههههه .. عندك حق يازينب .. لازم ترم عضمها .. ولا ايه يامريم ..

مريم : مسحت دموعها وضحكت .. الله يجازيكى خير يازينب . مالوش لازمه . شوفى انتى الولاد عايزين ايه واعمليه ..

آدم : بتفكير .. اممم اسمعى يازينب . احنا انهردا هنتغدى سمك .. وبص ل مريم مش انتى من عشاق السمك …

مريم : بتنهيده . اى حاجه مش هتفرق ..

زينب : خلاص ياسي آدم بيه . انا هنزل واخد عوض . ونروح نجيب السمك من الراجل الل بنجيب منه ع طول .. بس انتى روقي كدا ياست مريم . والله لما بتزعلى البيت كله بيضلم وبيزعل ..

مريم : ابتسمت شكرا يازينب ..

زينب : تحت امرك ياست مريم ياست الكل يانوراتنا . بالاذن انا . وخرجت ..

آدم : هههههه …

مريم : رفعت عينيها بعدم فهم .

آدم : ماخدتيش بالك من كلام زينب لما قالت قومي استحمي . هههههههه..

مريم : ابتسمت . زينب بريئه وعفويه . ربنا يصلح حالها ..

آدم : امين . ويصلح حالك يامريم ويارب اشوف ضحكتك الل بتنور قلبى دى ديما ..

مريم : ربنا يخليك ليا يا آدم ..

آدم : اخد كوباية العصير . ويخليكى ل آدم ويبارك ف عمرك .. يلا اشربي من ايدى العصير ده ..

مريم : شربت منه .. وبعدها قالت شكرا يا آدم ..

آدم : حط الكوبايه . وباسها برقه . شكرا ليكي انتي يامريم .. انك ضحكتى ..

مريم : بتنهيده . حبيبى انا اسفه . انا عارفه الفتره الل فاتت دى كلها . انت تعبت معايا علشان تخرجنى من الل انا فيه . بس كان غصب عني الحزن كان مسيطر عليا ..

آدم : مسك كف ايديها . وبص ف عينيها وقال.

لا تحزن ..

لأن القضاء مفروغ منه ، و المقدور واقع ، فحزنك لا يقدم ف الواقع شيئا و لا يؤخر، و لا يزيد ولا ينقص.

لا تحزن .

لأنك مسلم آمنت بالقضاء خيره و شره ..

لا تحزن

و أنت تملك الدعاء ، و تجيد الانطراح ع عتبات الربوبية ، و تحسن المسكنة ع أبواب ملك الملوك ، و معك الثلث الأخير من الليل ، و لديك ساعة تمريغ الجبين ف السجود

لا تحزن

فإن الله خلق لك الأرض و ما فيها ، و أنبت لك حدائق ذات بهجة ، و بساتين فيها من كل زوج بهيج ، و نخلا باسقات لها طلع نضيد ، و نجوما لامعات ، و لكنك تحزن.

لا تحزن

فإن عمرك الحقيقي سعادتك و راحة بالك ، فلا تنفق أيامك ف الحزن ، و تبذر لياليك ف الهم ، و توزع ساعاتك ع الغموم ، و لا تسرف ف اضاعة حياتك فإن الله لا يحب المسرفين ..

آدم : لا تحزني .. ف اني ف أشد الاحتياج اليكِ …

مريم : عيونها لمعت بدموع.. ورمت نفسها ف حضنه .. آدم حبيبى وروحي وعمري كله .. ربنا يديمك تاج فوق راسي وسند ديما ل حياتى . انت نعم الزوج والسند والصديق والحبيب .اسفه انى وجعتك. اوعدك اني هرجع زى الاول واحسن .اوعدك يا آدم ..

آدم : اتنهد بأريحيه . وحب كبير . وضمها اكتر . وقال وانا مش عايز اكتر من كدا .. اميرتى تبقى ف حضنى وضحكتها ع وشها .. وكمل بمكر .. ولازم تستحمي ع رأي زينب ..

مريم : ضغطت ع شفايفها بحرج كبير . وسكتت ف حضنه..

آدم : رفع دقنها ليه وقال .. انا مشتاقلك اوي اوي يا اميرتي .انتى بقالك فتره كبيره جدا بعيده عندى.

مريم : اتكسفت ووشها احمر…

آدم : قرب منها وباسها بحب كبير .. وقدر يخترق حصونها بطريقته .. وقدر بحبه يخرجها من حزنها …

————بقلمي مريم نصار

ف المدرسه الثانويه .. وقت الفسحه ..

ف فصل تانيه ثانوى .. كام بنت واقفين بيبصو من الشباك ع حوش المدرسه ..

ميار : بت يا لمار مريم مراد هناك اهي ف الحوش ..

لمار : بغيظ . اه التنكه والمغروره هانم .؟ والله نفسي اديلها علقه عشان تتعدل رافعه مناخيرها ع ايه؟ ده انا ابويا وزير ومبعملش ربعها ..

روان : ايه يا لمار انتى وميار حرام عليكم بجد . مريم بنت جميله اوى ومؤدبه وف حالها . هي بس مابتحبش تتكلم مع اى حد..

لمار : بغيظ اكبر . اه ياست روان ما هي صحبتك وخدتك مننا .. لازم تدافعي عنها .. وهي اصلا تطول اننا نتكلم معاها ..

ميار : جرا ايه ياروان . ولا عشان هي بتساعدك ف المذاكره .. وكمان كل مانحاول نتكلم معاها ترفع مناخيرها ف السما . وتقول آسفه مستعجله بعد اذنكم .. قال مؤدبه قال . وانتى بتصدقى الكلام ده . ده خبث بنات يابنتى ..

روان : بحده . لأ ياميار انتى ولمار انتو غلطانين . مريم مؤدبه جدا . وكمان محجبه . وانتو عارفين كويس السبب انها متجنباكو ومبتتكلمش معاكو بسببه ..

ميار ولمار بصو لبعض بعدم فهم ..

لمار : وسبب ايه ده بقى إن شاء الله ..؟

روان : ايه انتى نسيتى يا لمار انك قولتى ل مريم إن اخوكي ماهر عايز يتكلم معاها . وكمان بسبب انكم بتتكلمو مع ولاد جوه وبره المدرسه .

لمار : هههههههه وهي تطول تتكلم مع اخويا ماهر واخويا شاف غيرها خلاص .. وبعدين هي مالها نكلم ولد ولا نكلم عشره . هي مالهاش فيه اصلا ..

روان : فعلا مالهاش فيه .. وعشان كده مريم ف حالها وهي مش بتاعة الكلام ده .. ومركزه ف دراستها ..

ميار : بغيظ .. طيب ولما انتى بتدافعي عنها كدا . واقفه معانا ليه ؟ ومصحبانا ليه؟ ماتروحي صاحبيها هي ومالكيش دعوه بينا ..

روان : بصتلها بزعل . فعلا عندك حق . بس انا مصحباكم لأننا من الاعدادي مع بعض . بس الظاهر اننا مش صحاب حقيقيين . بعد اذنكم .. وسابتهم ونزلت الفسحه ..

لمار : صكت ع أسنانها .. والله العظيم لاربيكي يامريم .. تعالى معايا يا ميار .. ونزلو الحوش..

ميرو : كانت قاعده بتاكل السندوتشات .. وبتراجع ف المذكره . وبعدها خلصت اكل . وحطت اللانش بوكس ف الشنطه . والكتب .. ومسحت بوقها بمنديل .

ليليان : ف اولى ثانوى .وجت قعدت جمب مريم . هاى عليكى ..

مريم : ههههه هاي يختى . كنتى فين كل ده؟

ليليان : اسكتى ياميرو . حتة امتحان صعب جدا . لكن بابي ربنا يخليه ليا يارب . سهل عليا كتير لما راجع معايا ..والل أخرنى كنت مع الميس ف اوضة المدرسين . باخد منها النتيجه..

مريم : بلهفه . ها درجه حلوه مش كدا ؟

ليليان : سقفت بفرحه ايوووه كان ع نص درجه لكن حلو اوى اوى ..

مريم : بفرحه كبيره ايوه كدا . بنات العدوي لازم يبقو مميزين .. مبروك ياقلبى..

ليليان : بتاكل .امم الله يبارك فيكي ياقلبى . انتى اكلتى ..

مريم : ايوه بصراحه كنت جعانه . من ساعة ما شربت شوب اللبن كالمعتاد من ماما مريم . ومن وقتها ما اكلتش حاجه ..

ليليان : اممم ماما مريم دى انا لما اكبر بفكر انحت ليها تمثال هي وبابا آدم .. بعشقهم عشق كدا ..

مريم : انتى بتقولى فيها .. انا بقى لما اكبر شرطي الوحيد عريسي يبقى نسخه مصغره من بابا آدم ..

ليليان: ههههه ربنا يحققلك كل احلامك ياميرو . وكملت بتوتر . احم انتى ماشوفتيش كريم ف الفسحه ..

مريم : بعفويه . تؤ بس انتى اكيد عارفه . إن تيم وكريم و آريان ف الوقت ده بيصلو الضهر ف مسجد المدرسه ..

ليليان : اتنهدت امم ربنا يتقبل .. وبعد دقايق . ليليان اكلت . وخلصت . وقالت يلا بينا الفسحه قربت تخلص ..

مريم : قامت يلا بينا. وماشيين ف المدرسه . وفجأه .. حد جه من ورا مريم وخبط فيها جامد . وكانت هتقع ولحقت نفسها . وبتلف تشوف مين ؟ اضايقت .. انتو ؟

ليليان : شهقت . مريم انتى كويسه …

لمار : بخبث . اوو سورى يامريم خبط فيكي بالغلط ..

مريم : بخنقه . خبطى فيا بالغلط ازاى يعنى؟ وانتى جايه من ورايا . المفروض بتبقى ماشيه شايفه قدامك ..

ميار : ايه يامريم انتى بتعلى صوتك ليه؟ ما قالتلك سورى ..ولا انتى عايزه تتخانقى..؟

مريم : لو سمحتى اتكلمى معايا بأسلوب احسن من كده .. وهي اكيد عملت كدا بقصد منها .. مش كدا ؟

لمار : ببرود هزت راسها ايوه .. انا قصداها . كبيرك ايه تعمليه؟ انا بابي وزير ولا تقدرى تعملى حاجه ..

ليليان : بغيظ . ايه يعنى باباكي وزير . بجد اترعبنا اوى ..

مريم : ربعت ايديها . من جهة اقدر اعمل . ف انا ممكن اعمل كتير جدا .. لكن انا معنديش وقت اضيعو ف حاجات تافهه . بعد اذنكم يلا يا لي لي .. وجت تلف ..

لمار : مسكتها من كتفها .. وقالت احنا تافهين يابت ؟ طيب والله لاجبلك ماهر اخويا وهيجرسك ف المدرسه اوكي .. وشاورت لاخوها …

مريم : نزلت ايد لمار بقوه .. بقولك ايه يا انسه انتى وهي . انتو بنات بتوع مشاكل . وانا مبتكلمش معاكم .

ماهر : جه . ف تالته ثانوى . ايه يالمار ف ايه حد كلمك ؟

لمار : بتمثل العياط. الحقنى يا ماهر . البت دى زقتنى وانا ماشيه انا وميار ف حالنا .. وبقولها ليه عملتى كدا . قالت انا قصداها …

ليليان : شهقت .. ينهار ابيض . ياكدابه ..

مريم : فتحت عينيها بدهشه .. وهزت راسها . وزعقت انتى كدابه .. الل انتى بتقوليه ده محصلش .. واسمعى ابعدى عنى ومالكيش دعوه بيا تانى انتى فاهمه؟

ماهر : اله يعنى هي هتكدب ليه .. وبعدين انتى بتزعقى لاختى انا .. انتى مش عارفه هي تبقى بنت مين؟

مريم : مردتش عليه . وقالت اسمعى يا لمار انتى وميار .

. ياريت بجد تبعدو عنى .. انا من اول الدراسه وانا عارفه انكم مضايقين منى . والصداقه مش بالعافيه .. ونصيحه ليكى حاولى تغيرى من نفسك .. وسابتهم وماشيه ..

ماهر : بسرعه . مسك دراعها . هو انا مش بكلمك يابت انتى ؟

وفجاءه …. حد جه مسكها من ايدها وشدها ورا ضهرو . ووقف قدام ماهر وضربه بوكس ———

يتبع الفصل التالي اضغط على ( رواية جريمة عشق ) اسم الرواية