رواية ميراث العشق الجزء (2) الفصل الخامس 5 - بقلم مريم نصار

  رواية ميراث العشق كاملة بقلم مريم نصار عبر مدونة دليل الروايات 

 رواية ميراث العشق الجزء (2) الفصل الخامس 5

 

بسم الله نبدأ

فيلا العدوي .. الاحفاد الولاد كلهم قاعدين جمب بعض ف صف واحد .. والبنات قصادهم ..

كريم : بياكل .. وبيسرق نظرات غصب عنه ل ليليان ..

ليليان : متوتره لما شافت كريم بيبص عليها كل فتره . وبصت ف الطبق . ومرفعتش عينيها تانى ..

تمارا : بتاكل .. ورفعت عينيها شافت آريان بيبصلها .. قالت بثقه .. ف حاجه يا آريان؟

آريان : قلبه دق . لكن رد عليها وقال لأ مفيش..

چود : بتاكل . وبتهزر مع البنات وبتضحك من قلبها .. وبعدها سكتت وكملت اكل عادى ..

مصطفى : من جواه . كان مبسوط بخفة دم چود .. وبصلها بغيظ لما سكتت . وكان عايز يسمع صوتها ديما ..

ياسين : بياكل وعينيه ع مريم .. وحاسس انها قريبه من قلبه جدا ..

آسر : بياكل . وبيضحك ويهزر مع البنات والشباب عادى جدا ..

آدم : قاعد ياكل ف صمت تام .

ميرو : بتاكل . ومحرجه جدا . ومش قادره تحدد ايه الل بيحصلها ف وجود تيم . وليه عيونها بتلمع بدموع . لما تشوف اهتمام تيم ل آرين . مع إن قبل كده كان عادى جدا … واتنهدت بحيره …

آركان : بياكل .واتكلم . كلى يا آرين .

آرين : ببرآه . نو مش جعانه يا آركان ..

تيم : بياكل .. وبص ل آرين وقال . ليه مش عايزه تاكلى يا آرين ؟

آرين : بصتله ببراه . مش جعانه ياتيمو . انا اكلت شوكيلت كتير . ومش جعانه ..

آدم : بصلها . عشان انتى عنيده ومابتسمعيش الكلام .. قولتلك بلاش الشوكليت كلها . وانتى ماسمعتيش كلامى ..

آرين : اسكت يا آدم . انا بحب الشوكليت والعصير كتير كتير ..

تيم : ابتسم . طيب يا آرين . لو اكلتى الفراخ الل قدامك دى .. انا هجبلك الل انتى عايزاه . اوكي ..

آرين : بتفكير .امم اوكي يا تيمو .. هتحققلى كل حاجه زى بابي فهد الظابط الكبير ..

تيم : ههههه . حاضر ياحبيبتى انتى تؤمري يا آرين .. كلى بقى ..عشان تيم هيزعل منك ..

آرين : بصت ع الاكل . اممم طيب انت هتبقى ظابط زى بابي فهد؟

تيم : ابتسم ع حراكتها .. امم انتى عايزانى اكون ظابط زي فهد ؟

آرين : هزت راسها ايوه . بابي شجاع جدا . وانا بحبه اوى . وبيحقق ل مامي كل حاجه.. وانا عايزاك ظابط كبير ..

تيم : ههههه . كان نفسي يا آرين . لكن انا عايز اكون دكتور كبير ..وانا بقى عايزك تكونى شاطره . ولما تكبرى تكونى دكتوره كمان . ها ايه رايك؟

آرين : هزت راسها نو. انا عايزه لما اكبر اكون ظابط كبير زي بابي فهد ..

تيم : اممم لأ انا عايز . آرين القمر تبقى دكتوره كبيره . زي رينو . وكمان ماما نور . ايه رايك؟

آرين : هتجبلى شوكيلت واكل الفراخ ؟

الكل ضحك عليها لأنها غيرت الموضوع..

آدم : بص قدامه وسكت . مضحكش ..

ميرو : بلعت الاكل بصعوبه . واتخنقت من غير سبب . وقامت .. احم الحمدلله . بعد اذنكم. واتحركت ..

تيم : متابع حركات آرين . وبيضحك عليها ع حركاتها مع آركان ..

آريان : وانتى يا تمارا .. عايزه تكوني ايه لما تكبرى ..

تمارا : انا طبعا بتمنى اكون دكتوره . لكن مش هينفع كل العيله دكاتره كدا .. ف انا هفكر ف مجال تانى ..

آريان : بتمنى تدخلى مجال إدارة الأعمال ..

تمارا : اشمعنى يعنى ؟

آريان : مش عارف يتكلم . احم . يعنى بساعدك ف اختيار المجال ..

تمارا : اممم وانت بقى عايز تكون ايه ؟

آريان : مهندس بترول . او مجال إدارة الأعمال . لأن بابا . طلب من آدم . انه عايزه يشتغل معاه لما يكبر ف الشركات . لكن آدم . رافض عايز لما يكبر .يكون ظابظ ..

تمارا : واو . ظابظ بجد حلو جدا. ولايقه عليك اوى يا آدم .

آريان : بصله . اممم يا آدم ياجامد . لايقه عليك صدق ياض …كح كح ..

آدم : بص ل آريان بغيظ .. وابتسم بتمثيل ..

تمارا : اممم وانت كمان اختياراتك جميله جدا يا آريان ..

آريان : بجد . يعنى المجالات دى عجبتك ؟

تيم : بغيره .. مش مهم تعجبها يا آريان . المهم إنك تكون مقتنع بالل انت بتعمله .. لان محدش غيرك هيحقق ذاتك ..

ليليان : اممم عندك حق ياتيم . ده نفس كلام بابا آدم وماما مريم لينا كلنا ..

تيم : طبعا .. انا اتربيت هنا .. وكل حاجه اتعلمتها هنا ..

تمارا : آدم انت ف حاجه مضيقاك . مش عوايدك ساكت ؟

آدم : ابتسم . لأ ابدا .. قوليلى عملتى ايه ف واجب مستر علاء ؟

تمارا : خلصته كله قبل ما نيجي ع هنا ..وانت؟

آدم : لأ . لانى روحت النادي مع شباب العيله .. و انا بعد الغدا هطلع اعمل كل الواجبات ..

آرين : نزلت من ع الكرسي ..

تيم : رايحه فين ؟

آرين : بطنى وجعتنى مش عايزه آكل ..مش جعانه .هروح ل تالين .

تيم : قام . طيب تعالى نروح الاول ل رينو . لو ف علاج ليكى تاخديه . وبعد كدا انا مش هجبلك شوكليت غير بعد ما تاكلى اوكي ..

آرين : اوكي .

تيم : مسك ايدها . تعالى معايا . واتحركو ..

————بقلمي مريم نصار

الكل اكل . وكان وقت ممتع وظريف وخصوصاً ع سفرة آدم العدوي ..

بعد شويه .. الكل ف الجنينه ..

تيم : خارج من الفيلا رايح ع الجنينه ..

ميرو : داخله الفيلا .. ووقفت عشان تيم يعدى ..

تيم : ابتسم . اذيك ياميرو ؟

مريم : بتوتر . ا.انا كويسه ياتيم . شكرا ع سؤالك ..

تيم : مبتسم . عيب انتى من عيلتى. وهفضل أسأل عليكى . زي كل يوم وزي ما اتعودنا اننا كلنا نطمن ع بعض ..

مريم : ابتسمت بحرج . احم ميرسي ..

تيم : طلع من جيبه . ٢ شوكليت اتفضلى . دي الشوكليت بتاعة امبارح وانهردا . معلش بقى بصراحه أحرجت اديهالك قدام العيله ..

مريم : قلبها بيدق . احم مش لازم كل يوم تجبلى .. وبعدين انت بتجيب ل آرين وانا كمان ع طول . وكدا كتير .

.حتى ممكن تجبلى انا ف اى مناسبه . لكن مش كل يوم..

تيم : لأ انا من يوم ماعرفت يعنى ايه كلام . وآرين جت ع الدنيا . جبتلها شوكليت . وانتى كمان . وانا بصراحه اتعودت ع كدا وانتى مش غريبه وهفضل اجبلك ديما.. اتفضلى .

مريم : جواها تضاد مش عارفه تفرح . ولا تزعل . هي اصلا مش عارفه ايه الل بيحصل معاها . وهزت راسها بحرج . واخدت الشوكليت . ميرسي يا تيم ..

تيم : العفو ياميرو . بعد اذنك .. وخرج ع الجنينه ..

مريم : واقفه مكانها وعينيها ع الشوكليت . ومش فاهمه حاجه .

. وطلعت بسرعه ع أوضتها . وقفلت ع نفسها . وقعدت ع طرف السرير .

. وقالت ل نفسها . انا مالى كدا ؟ انا بقالى شهر واكتر مش ع طبيعتى .

. من يوم المشكله . وتيم دافع عنى .وانا مش طبيعيه .

.والمصيبه انى حلمت ب تيم مرتين . طيب انا بفكر كتير فيه ليه ؟

.وكمان لما مسكني من ايدى وقدمنى للمدير . واتكلم كأنى شوفت بابا مراد هو الل بيتكلم .

. ليه من وقتها وانا مش ع بعضي ؟.. ليه سعات بفرح جدا . ومره واحده اعيط ؟

.ليه انا بجد مش فاهمه حاجه ؟ وليه بقيت بتوتر لما تيم يكلمنى ؟

مع إن قبل كده كنت عادي جدا . وبخطف منه الشوكليت واجري .

. ليه دلوقتى كل خطوه بمشيها بحساب قدام تيم بالذات ؟

الباب خبط .

فريحه : ميرو ياحبيبتى انتى جوه ؟

مريم : خبت الشوكليت . وقامت فتحت الباب . ايوه يامامي انا هنا ..

فريحه : بتعملى ايه ياميرو . وسايبه اخواتك البنات كلهم تحت؟

تمارا بتسأل عليكى .. وكمان باباكي سأل عليكى ..يلا ياروحي تعالى انزلى ..

مريم : حاضر يامامي . ثوانى هظبط الحجاب وتنزل مع بعض ..

فريحه : ابتسمت بحب . بنتى مريم زي القمر ف كل حالاتها ..

مريم : بتنهيده . مامي ممكن تحضنينى ؟

فريحه : ابتسمت . تعالى ياروحي . وضمتها لقلبها بحنان . وربتت ع ضهرها بحب كبير .. قوليلى ياميرو . انتى كويسه يقلبى ؟

مريم : مغمضه عينيها بحيره . وقالت ايوه يامامي . انا كويسه الحمد لله.

.. وخرجت من حضنها . ميرسي يامامي . انا كنت محتاجه حضنك . ودلوقتي انا كويسه جدا ..

فريحه : باست جبينها . حبيبتي ف اى وقت حضنى موجود لمريوم قلب مامي .. وكمان بابي حبيبك ..

مريم : ابتسمت . ميرسي جدا يامامي .. يلا ننزل للعيله بابي وحشنى اوى..

————بقلمي مريم نصار

ف الجنينه ..

آركان و آرين وحياة و چواد و كارما . وهما طبعا ف ابتدائي .. بيلعبو كلهم وبيجرو ورا بعض .

. لكن تالين هاديه تماما وقاعده ع حجر مراد ..

أما . باقى الشباب من الاحفاد . واقفين مع بعض . وسعات يهزور ويجرو ورا بعض . وصوت ضحكهم وفرحتهم واصل للعيله ..

آدم مراد . بيجرى ورا آريان . ووقعو ع الأرض وكله ضحك حتى آريان بيضحك وكح كتير. كح كح

آدم مراد : اتعدل ووقف . ومد ايدو ل آريان . وساعده . وقرب من ودنه وهمس بغضب .. ع فكره انا عارف انك متصاحب ع ولد اسمه مازن . وبتشربو سجاير بعد السنتر ..

آريان : اتصدم . ايه ده محصلش ..

آدم : بنفس الهمس وصك ع اسنانه بغيظ.

. انت بقالك اكتر من شهرين بتشرب سجاير . وكمان ف حمام اوضتك .. ولو فضلت ع كدا .. انا هاقول لجدو .. ماشي ؟

آريان : بلع ريقه بتوتر . ا.انت كداب . وبعدين انا اكبر منك . اتكلم معايا كويس ..

آدم : بجمود .. انا عارف انا بتكلم ازاى ؟ مازن مصاحبك عشان فلوسك . وبيضحك عليك .

. وابن عمه يزيد زميلى ف الفصل . ووقع بالكلام قدامي وميعرفش إن آريان العدوي ابن عمي .

.اعقل وسيبك من الواد ده . ومن امتى حد ف العيله بيشرب سجاير.. ابوك لو عرف . او جدك . انا مش عارف هيعملو فيك ايه .. تمام ؟

وانا مش هسكت انا بحذرك فاهم ؟ مش معنى انك اخويا الكبير انك مابتغلطش لأ . انت عارف انا لو حطيت حاجه ف دماغي هعملها . وهرجعلك عقلك . ابعد عن مازن مااشي ؟ ومش هقولك تانى يا آريان ياعدوي ..

أما : باقى البنات من الاحفاد . بيتمشو مع بعض ف الجنينه . وبيهزرو مع بعض ..

وباقى العيله . قاعدين كلهم مع بعض . الرجاله جمب بعض . والستات جمب بعض ..

آدم : اتكلم كتير . مع جاسر وأشرف . وزياد . وباقى الشباب . وكان وقت مميز .. وبعد شويه

آدم : منورين بجد ياجماعه ..

طارق : بنورك ياخويا .. رايح تعمل عمره . وتطلع من العمره ع المانيا .. وراجع ماشاء الله عينى عليك بارده .. انت كنت فين ياض ؟

كلهم ضحكو عليه ..

آدم : ههههه . كنت ف لبنان هههههه . وبعدين يعم الله اكبر ف ام عينيك دي . يعم ارحمنى شويه ديما جايبنى ورا . وقوم انت من بكره سافر انت كمان ..

طارق : وحياتك يسطى ناويها . كلها كام سنه واطلع ع المعاش .. وساعتها مش هتعرف تلمنى من مطارات مصر . صح يارانوش ؟

رنا : هههههههه صح يا طارق . ويارب المرادي تكون صادق ف كلامك ههههه ..

كلهم ضحكو ..

مراد : شايل تالين … اوبا بقى ياطاروق . رنا بتحفل عليك .. وانا كدا ازعل ..

طارق : بغيظ. شوفتى . خليتى الواد مراد يشمت فيا . وبصله عيب ياض دا انا الل مربيك . متبقاش زي ابوك ياض انت ..

آدم : بمكر ماله ابوه يا … أسد ؟

الكل ضحك بصوت عالى …

طارق : لاا هي القاعده انهردا عليا ولا ايه ؟

زين : واحنا نقدر ياعمي . دا انت الخير والبركه ..

طارق : تعرف ياض يازين . انت العاقل الل فيهم .

. وبص ل مراد ماطمرش فيك تربيتى ياض انت..

مراد : بخبث .. بإمارة الديك الرومي ياطاروق ههههه…

كلهم ضحكو ..

مريم : قاعده . وقالت ل مريم بنت اخوها تقعد جمبها واهتمت بيها .. وقالت منورين ياجماعه .. والله بجد وجودكم كلكم مبهج جدا ..

كلهم . ابتسمو الله يكرمك ..

رنا : تسلمي يامريم ربنا يكرمك . انتى الل مجمعانا والله ..

ملك : فعلا . ودي حقيقه . ربنا يباركلنا فيكى يا ام مراد ..

هنا : مريم دى كل حاجه حلوه . ربنا يعزها يارب ..

نور : بسعاده . مامي .. مامي بجد ست عظيمه نفسها كل يوم نتجمع كدا ..

مريم : ابتسمت بحب . والله يانور يابنتى بتمنى .. كلنا نتجمع كل يوم .. بنهون ع بعض كتير. وكفايه الضحكه الل طالعه من القلب .

. ربنا يبارك فيكو يارب. .ونتجمع ع طول ف الخير إن شاء الله ..

كلهم .. إن شاء الله ..

آدم : طبعا بيسمع . وكالعاده . قلبه مبسوط من احترام الكل ل اميرته . وخايف يحسد نفسه عليها .. وابتسم بحب كبير .

مراد وزين ونور ورينو . مبتسمين وعندهم فخر كبير إن مريم الجزار . تبقى امهم ..

————بقلمي مريم نصار

مريم : همست ل رينو . حبيبتي معلش شوفي زينب اتأخرت بالضيافه ليه ؟

رينو : قامت حاضر يامامي . واتحركت ..

فهد : عينيه عليها وواحشاه جدآ .. لانه لسه راجع من مهمه هو ومراد من يوم واحد بس.. وجه يقوم وراها ..

مراد : بمكر .. مسكه رايح فين يانجم ؟

فهد : بغيظ . ايه الل رايح فين ؟ داخل جوه ؟

مراد : بمكر . ليه ؟ كلنا قاعدين هنا . انت عايز تقوم ليه ؟

فهد : ياض متبقاش ثقيل . وانت مالك . وسع خلينى اقوم؟

مراد : بغمزه . تؤ .

فهد : شد ايدو . ده انت عيل رخم وفصيل ..

مراد : انا رخم ؟ امممم ماشي يافهودي قوم .

فهد : جه يقوم . شاف رينو راجعه . وصك ع اسنانه بغيظ . وقعد تانى . وبص ل مراد . منك لله يامراد ..

مراد : ببرود . ومنك ياقلب موراد ..

رينو : قعدت وعينيها ع الولاد وفهد . وقالت زينب جايه حالا يامامي ..

فهد : مراقب الكل . وبص ع رينو . وهمس بين شفايفه . بحبك .

رينو : ضحكت بسعاده . ونزلت وشها ف الارض بحرج .

زينب : جت . ووراها البنات وشايلين صواني الضيافه . وقدموها ..

آريان : راح عند آدم . احم ع فكره ا.انا مبشربش سجاير ..

آدم مراد : رفع عينيه ليه . وقال أنا مبحبش اعيد واكرر كلامي وانت عارف ده كويس .. وممكن اوي اخدك دلوقتي ونطلع اوضتك واطلعلك علبة السجاير من درج المكتب ..تمام؟

آريان : بلع ريقه بتوتر . طيب انت هتقول لجدو؟

آدم مراد : بص ع الشباب . وقال قدامك اسبوع واحد. لو مرجعتش عن الل انت بتعمله ده. انا هتصرف . بنفسي ..

آريان : انت بتهددني يا آدم ؟

آدم مراد : بصله . انا لو مش خايف عليك . مكنتش نصحتك . الواد ده عايز يبوظك .ويخليك زيه. وبكره هياخدك لطريق اكبر من كدا بكتير . وساعتها انت بس الل هتندم. لكن عايزك تعرف حاجه مهمه. انى مش هسمح لأى حد يجي جمب سمعة العيله . ولو عايز تعتبره تهديد. اشطا مفيش اى مشكله عندى . وقرب من دونه وقال عارف اول واحده من العيله هتعرف ان آريان باشا العدوي بيشرب سجاير هتبقى مين؟

آريان : بصله بقلق. وهز راسه لأ ..

آدم مراد : بنظره تخوف . مريم الجزار . وسابه ومشي ..

بعد فتره

عدا الوقت ع الكل . وكان وقت جميل جدا . وجه آخر اليوم . وكل واحد اخد عيلته ورجعو ع بيتهم ..

————بقلمي مريم نصار

عند يوسف عزيز …

مريم : ف اوضة كريم ..بتراجع معاه . تمام ياكريم ياحبيبى . إن شاء الله هتنجح وتجيب مجموع كبير وترفع راسي زى كل سنه ..

كريم : ابتسم . إن شاء الله ياامي . دعواتك ليا ياحبيبتى ..

مريم : بتنهيده . بدعيلك ديما ياروحي . وكان نفسي تدخل طب .. لكن رغبتك اهم طبعا ..

كريم : يا امي انا لو دخلت طب مش هنفع فيها . انا بتمنى اكون مهندس كمبيوتر . شغل سهل ولذيذ . وكمان انا بحب البرمجيات جدا . يعنى بقى ماليش ف الطب والكلام ده .

مريم : ابتسمت ربنا يوفقك ياكريم ياحبيبى يارب .. وإن شاء الله هتكون احسن مهندس ف الشرق الأوسط كله .. وايا كان انت انا هفتخر بيك ديما .. يلا يا حبيبي نام عشان مدرستك .

. انا هروح اشوف اخوك مصطفى بيعمل ايه . وهبعتو عشان تنامو ..

كريم : بابا بيراجع ل مصطفى اللمض .

مريم : هههههههه انت بتقول فيها . ولد مشاغب اوى ربنا يهديه .. يلا ياحبيبى تصبح ع خير ..

كريم : وحضرتك بخير ..

مريم : خرجت وراحت ع اوضتها ..

يوسف : مصطفى ركز معايا .. السؤال ده مهم جدا ..

مصطفى : منا جاوبت عليه يابابا ..

يوسف : مش بنفس الصيغه المكتوبه يادرش . لازم الإجابه تكون نموزجيه عشان دى هيرفع معاك ف الدرجات . ولازم كمان تفهم قبل ما تحفظ ..

مصطفى : حاضر يا بابا .. بكره إن شاء الله . هراجع مع حضرتك كل الاسئله دى . وهحفظها كويس جدا..

يوسف : وانا واثق انك هتحل بطريقه مميزه . اومال ايه . انت مصطفى عزيز .. ويوسف افتكر جدو . وغمض عينيه باشتياق كبير .. ودعى ل جدو بالرحمه ..

مصطفى : شكرا يابابا . انا هشرفك ..

يوسف : ابتسم . وباس ع راسه .. اسمك لوحدو يشرف يا مصطفى . ربنا يحميك يبنى ..

مريم : خبطت ودخلت .. وابتسمت . مصطفى حبيبى . ها عملت ايه مع بابا ؟

مصطفى : كله تمام يا ماما .. اروح انا بقى عشان عايز انام . جرينا كتير جدا عند جدو آدم ..

مريم : باسته من خدو . حبيب قلبى انا . يلا روح نام . اخوك كريم مستنيك وياريت متضايقوش اوكي .. تصبح ع خير..

مصطفى : قام .وقال بمكر حاضر ياست الكل . وانتى بخير . تصبح ع خير يابابا ..

يوسف : ابتسم وانت بالف خير يا حبيبى ..

مصطفى : خرج ..وقفل الباب وراه ..

مريم : قلعت الاسدال .. وقعدت جنب يوسف . مالك يا يوسف ..؟

يوسف : ابتسم . وحط ايدو ع خدها . انا مبسوط ياقلب يوسف .. مبسوط انك جمبى ومعايا ..

مريم : حطت راسها ع صدره . انا جمبك ومعاك ديما ياحبيبى .. ربنا يخليك لينا يايوسف ..

يوسف : قرب منها وباسها بحب كبير . ويخليكى ليا ياقلب يوسف ..

————بقلمي مريم نصار

عند زياد جمال ..

طالع ع السلم .. وقابل ماليكه ف الطرقه ..

زياد : لسه هيتكلم ………..

ماليكه : حطت ايدها ع بوقه . وهمست . هششش حياة نامت اخيرا .

زياد : هز راسه .. وهمس تمام .. تعالى .. وراحو الأوضه ..

ماليكه : قفلت الباب ..ونفخت اووف . ماتعرفش عذبتنى قد ايه علشان تنام .تخيل ٤ حواديت .. ده غير الل جبتهم من ع النت .. وحياة مفتحه عينيها وتقولى قولي كمان . ههههه .. اووف . الحمدلله انها نامت اخيرا ..

زياد : بيقلع جاكيت البدله . ههههه .. غاويه سهر البنت دى . مع انهم لعبو كتير انهردا ..

ماليكه : بتعلق الجاكيت . اه ربنا يهديها .. طفله مشاغبه ..

زياد : تؤ تؤ بنتى انا اجمل بنت ف العالم .. وتعمل الل هي عايزاه .. مدام ده ف راحتها ..

ماليكه : راحت عند الدولاب تطلع لبس ل زياد . ايوه . ايوه . دلع فيها برحتك . لما البنت جننتنى ..

زياد : بيلبس . لأ ف دلع عن دلع يفرق .. انا شايف إن حياة ماشاء الله عليها . هاديه وعاقله . وكمان شخصيتها كويسه جدا . وبتحب القصص والحجات المفيده . ف ليه ما شجعهاش ع كدا . المهم ياسين نام ؟

مالييكه : بتعدل ياقة تيشرت زياد .. وابتسمت امم حظابط ياسين ههههه . ايوه زمانه نام. أقوله نام يا ياسو .. يقولى لو سمحتى انا حظابط ياسين ..

زياد : حاوطها من وسطها .. بجد نفسي يحقق حلمى زمان . ويبقى ظابط .. والحمد لله انه عندو حلم أنه يكون ظابط . وربنا يوفقه واقدمله ف الشرطه إن شاء الله ..

ماليكه : حاوطت رقبته بحب . يارب يقدرنى ع تربيتهم .. واحقق أحلامك فيهم .. ياسين ظابط .. وحياة دكتوره .. وربنا يستجاب لدعواتى …

زياد : اتنهد . ربك كريم اوى ياماكي .. وهيستجيب إن شاء الله … انما قوليلى بقى . انتى قمر ليه كدا ..؟

ماليكه : نزلت عينيها بحرج . احم .. وسكتت

زياد : قرب منها وباسها بحب كبير . وحشتينى اوى ياماكي ..

ماليكه : غمضت عينيها بحب . وانت اكتر يازيزو ….

————بقلمي مريم نصار

عند : مالك الصاوي ..

مالك : بتعب . عشان خاطرى نامي ياكارما ..

كارما : بابي . انا عايزه العب بالعروسه شويه ..

مالك : العبى بالعروسه بكره ياحبيبتى .. كدا انتى مش هتعرفي تصحي بدرى للمدرسه .

كارما : نو بابى مش عايزه اروح المدرسه ..

مالك : نعممم . لأ ماينفعش . ولو مروحتيش . مش هنخرج نتفسح كلنا اخر الاسبوع .

كارما : جريت ع السرير . بسرعه تعالى قولى حدوته عايزه انام عندى مدرسه بكره …

مالك : ضحك بسعاده .يابت يابكاشه انتى .. تعالى . وشد عليها الغطا .. وباس أيدها .. يلا خدينى جمبك اقولك حدوته جميله ..

كارما : اهو سمعاك قول …

مالك : فتح النت ع الفون . وبيقرأ حدوته .. واندمج مع الاحداث ..

ساره : براڤو عليك يا آسر ياحبيبى . كدا احنا قفلنا المنهج . وإن شاء الله هتجاوب كويس جدا ..

آسر : يارب ياماما . وناناه ملك كل يوم أنا وهي نعمل الهيمورك مع بعض . وده الل سهل عليا كتير ..

ساره : نانا ملك عايزاك تكون اشطر واحد ف الدنيا ..

آسر : انا عارف . وكمان قالتلى انها عايزانى لما اكبر . اكون وكيل نيابه زي بابا . او مهندس وأمسك شركات الصاوي كلها .. قالتلى انت آمل العيله بعد ربنا طبعا …

ساره : ابتسمت بحب . طبعا ياحبيبى .. لكن انا عايزاك تكون زي ما انت عايز تشوف نفسك ايه ؟

آسر : انا عايز اكون وكيل نيابه وكمان بتمنى اكون زي جدو جاسر ..

ساره : مسدت ع شعرو . إن شاء الله ربنا يحققلك كل احلامك .. وبصت ف الساعه .. امم انت يدوبك تنام .

.وانا هروح ل كارما هانم ولسه بينا أنا وهي حوار كبير ع العروسه . ههههه . تصبح ع خير ياروحي. وباسته من خدو ..

آسر : وحضرتك بخير ..

ساره : خرجت . وراحت ع اوضتة كارما .. وكشرت عينيها وقربت من الباب .

وقالت .. صوت مالك ده ؟ وقربت راسها من الباب . وشافت مالك مندمج ف قرأة القصه .. وكارما نايمه بعمق كبير .. وابتسمت بحب كبير . وهمست . بسبس .. وشاورت ل مالك ..

مالك : انتبه . وبص ع ساره . وبص ع كارما شافها نامت .. وهز راسه ل ساره . هششش..

ووطي باس جبينها وشد عليها الغطا. وخرج … وراحوا اوضتهم ..

ساره : بتفك زاراير القميص ل مالك . ومبسوطه وقالت . بجد بجد انا مبسوطه جدا انك نيمت كارما .. بتاخد منى مجهود كبير ع ماتنام …

مالك : قلع القميص وبيلبس التيشرت . ياحبيبتي ده اسلوب . عارفه مفيش خمس دقايق ونامت ..

ساره : رفعت حاجبها وقالت اممم بجد . اوكي تمام . خلاص انت بقى عليك تنيم كارما كل يوم باسلوبك الجميل ده اوكي يابيبى…

مالك : فتح عينيه .. لااا . ع فكره بقى . بنتك عذبتنى ع مانامت . وانا بسحب كلامى هههههه . وهتنازل ليكى يقلبى وانتى اتولى المهمه دي ..

ساره : ههههه خلاص هنقسم الايام اوكي ..

مالك : اممم فكره مش بطاله انا خميس وجمعه وانتى باقى الاسبوع …

ساره : هههههههه .. لأ جاى ع نفسك اوى ..

مالك : عشان تعرفي انى بضحي ..

ساره : راحت ع السرير .. اممم طول عمرك مضحى ياحبيبي ..

مالك : نام جمبها .. اطفى النور ده بقى .. وتعالى ننام عشان عندى قضيه بكره إن شاء الله مهمه جدا ..

ساره : حاضر ياحبيبى وربنا يوفقك يارب . وقفلت الاضاءه . وباسته من خدو . تصبح ع خير ياحبيبى ..

مالك : اخدها ف حضنه . وانتى بخير ياقلبي.

————بقلمي مريم نصار

عند فارس ..

رودي : بغيظ يلا يا چواد ياحبيبى نام ياروح ماما ..

چواد : لأ انا مش عايز انام .. انا عايز بابا طارق ..

رودي : اوووف يبنى عايزه اتخمد الله يخربيت كدا .. وجدك دلوقتي نام .. تبقى العب معاه بكره ..

چواد : حط صوباعه ف بوقه . لأ بابا طارق مش نايم .. وچود بتلعب معاه ..

رودي : شالت ايدو . وزعقت .. ميت مره اقولك ماينفعش تحط ايدك ف بوقك كدا .. كدا غلط ويجيب امراض .. وچود انا هروح اجيبها من شعرها وانيمها هي كمان . يلا نام ..

چواد : لأ مش عاوز أنام يارودي ..

رودي : زعقت . ياض انت عامل زى الشريك المخالف ليييه . يخربيتك انت وچود انتو خلفة شياطين ياض انت وهي . اتخمد يالا بدال ما اضربك . وبالشبشب وحيات امك ..

چواد : كشر عينيه ومش فاهم ..

فارس : سمع صوتها . ودخل بسرعه . ايه يا رودي بتزعقى لمين ؟ وبص ع ابنه . واستغرب . انتى بتزعقى ل چواد ؟

رودي : بغيظ ابنك مش عايز ينام ياسيادة السفير وانا جبت أخرى منه ..

فارس : بعتاب . رودي مش أسلوب ده ؟ احنا متربناش ع كدا ولا بالطريقه دي.. اتفضلى انتى وانا هتصرف معاه ..

رودي : لأ مش هتفضل . غير لما اشوف اسلوب تربيتك معاه .

. انا بقالى ساعه بحايل فيه . عشا واتعشى ..لبن وشرب . عصير وشرب . ابنك بيضحك عليا ياستاذ ..

فارس : كاتم الضحكه . احم لأ چواد ابنى راجل وشاطر جدا ومابيضحكش ع حد مش كدا يا چواد ؟

چواد : لأ انا ضحكت عليها . عشان مش عاوز أنام .. انا عايز بابا طارق ..

فارس : بص ع رودي الل شايطه . وابتسم بتمثيل . انا هتصرف اوكى ..

رودي : شاورت ليه . اوكي اتفضل انا واقفه اتفرج ع اسلوب تربيتك مع عيالك ..

فارس : بلع ريقه . احم يارب مايكسفنيش .. احم چواد ابنى الشاطر هينام دلوقتي ويسمع الكلام .. عشان عنده مدرسه بكره . وبعد المدرسه هجبله حاجات حلوه كتير جدا…

چواد : هز راسه لأ انا عايز بابا طارق ..

فارس : حاول تانى وتالت . وحاول مع چواد أنه ينام لكن بردو مش عايز ..

رودي : واقفه .وكانت شايطه . لكن قلبت معاها ضحك بصمت . ع شكل فارس وهو جايب اخرو ومضايق ..

فارس : بخنقه . وبعدين معاك ياچواد ؟ يعنى انت مش هتنام ؟

چواد : لأ انا عاوز بابا طارق ..

فارس : اتعدل ووقف .. وبص ل رودي . مش طالعلى ابدا ..

رودي : هههههههه . والله ضحكتنى . ده واد فصيل . تعالى يسي چواد نروح ل طارق . أما نشوف ايه الحجه بتاعتك ..

————بقلمي مريم نصار

عند طارق …

طارق : بس يست چود . وبعدها بقى . العصابه كانت هتهرب .. لكن انا بقى ايه ؟ جريت وراهم زي الأسد . ومسكتهم ضرب وفين يوجعك .. وقبضت ع العصابه كلها .. وبعدها اترقيت لمقدم .. وسمونى الأسد ..

چود : بانبهار . الله جدع وشجاع يابابا طارق . طيب وجدو آدم بقى ؟ ميرو بتقول كان مقدم ف الشرطه وقوى وذكي جدا .

طارق : بتريقه آدم ذكي ؟ يابت آدم ده عمرو ما عمل حاجه غير لما يسالني الاول .. ايه رايك ياطارق نعمل ده؟ ايه رايك ياطارق نروح هنا ولا هنا ؟بصي مكنش يعرف يمشي اى خطوه من غير ما ياخد رأيي …

رنا : هههههههههه .. حصل وع يدي هههههه . يخرابى عليك راجل ..

طارق : بغيظ . مالك ياوليه انتى ؟ انا يعنى كداب ؟ ولا يمكن بكدب ؟ قولى قولى قدام بنت ابنك .. نسوان نكد ..

رنا : شهقت . نسوان ؟ انت بتقول الالفاظ دي قدام بنت ابنك ياطارق ؟

چود : ماما رنا فكك م الحوار ده . فكسان ع الآخر ..

رنا : تنحت .. فكسان .!!؟ طيب يا چود . انا بقى مش هتكلم معاكي تانى غير لما تتعلمى ازاى تتكلمى كويس لأن كدا غلط ..

چود : بصت ل طارق ..

طارق : غمزلها . تصالحها وخلاص..

چود : بتمثيل اتمسكنت … ايه ده انتى مخصمانى .. ده لا يمكن أبدا . وبعدين ياماما احنا بنهزر مع بعض . انا ف الشارع مبقولش كلمتين ع بعض …

طارق : ايوه وانا شاهد ع كدا . چود حفيدتى ملاك وديع بره البيت …

رنا : بغيظ . ملاك اه .. بأمارة زميلها الل فتحت راسه السنه الل فاتت .. دى بتاكل العيال ف المدرسه …

چود : اله ما هو الل يستاهل .. شتمنى انا وصحباتى ..

رنا : وصحباتك . متكلموش ..انما انتى ؟ لأ ازاى لازم تربيه وتاكليه كمان ..

طارق : اله جرا ايه يارنا .. البت اتصرفت صح . اسمعى يابت ياچود . اى حد يكلمك تجيبى حقك ومتخافيش يابت . انتى من عيلة السيوفى فاهمه ياچودى ..

چود : بغمزه فاهمه ياقلب چودى ..

رنا : شهقت ..وغمضت عينيها بنفاذ صبر ..ارحمنى يارب . مش عارفه اربي احفادى .. كويس اوى إن فهد بعيد عنك ..

طارق : وحياتك لا اخلى آرين تاكل بنأدمين صغيرين .. قال بعيد عني قال .. اصبري واتفرجى .. كلها كام سنه . واقعدلك يختى ف ام البيت . والم احفادى حوليا . واهيبرهم ..

رودي : خبطت .. رانوش انتى لابسه .. ههههه.

رنا : بغيظ . الطم . الطم . أدى الدكتوره الكبيره .. وانا هالوم ع البت ليه ؟ لما امها هبله .. استغفر الله العظيم يارب . ادخلى يارودي .

طارق : والله انتى وليه معقده .. وغمزلها بس هفرفشك اصبري عليا …

رودي : دخلت . سالخير يابشر .. اتفضل يسي چواد . أدى بابا طارق اهو ..

چواد : جري عليهم . بابا طارق .. ماما رنا …وطلع ع السرير ..

رنا : باسته قلب ماما رنا انت .. ايه ياچواد انت كل ده لسه ما نمتش ؟

ردوى : وحياتك يارانوش . بقالى اكتر من ساعه ونص بحاول انيم ف الل جايبينه . احم لأ مؤاخذه . بحاول انيمه . وكمان فارس جاب آخرو معاه .. وهو كل الل عليه عايز بابا طارق . بابا طارق ..

طارق : اصيل ياض يا چواد .. تعالى ف حضن جدك حبيبك ..

چواد : قام من حجر رنا . وقعد ع حجر طارق ..

طارق : قولى بقى مش عايز تنام ليه ؟

چواد : كدا . انا مش عايز انام هناك . انا هنام هنا جمبك انت وماما رنا ..

طارق : فتح عينيه بدهشه . ايييه؟ تنام هنا ؟ انهردا لأ .. احم قصدى مش هينفع انهردا ..

رنا : بمكر .. ليه ياطاروق مش هينفع ؟

طارق : بغيظ .. احفادى بينامو كل واحد ف اوضته .. جديده دى انه ينام وسطينا .. وقرب منها وهمس وانهردا لأ يارنا .. انتى وحشانى مووت يابت …

رنا : كشرت عينيها . وقالت جواها .. امم . مش انت بتقول عليا وليه نكد ومعقده .. حااااضرر اصبر عليا.. احم قوم ياچواد نام ف اوضتك يلا …

چواد : لأ انا هنام هنا جمبك .. قومي ياچود عشان انام ..

رودي : تعالى ياچود ياحبيبتى . المهم أنه ينام . معلش بقى ياطاروق . استحمله انهردا بس…

طارق : بغيظ . وانا استحمله ليه يختى .. انتو تخلفوا وتقرفونا .. قوم ياض انت نام ف اوضتك يلا ..

چواد : لأ . انهردا جدو آدم قالى الل بيحب جدو . بينام جنبه . وانا بحبك وهنام جمبك..

رنا : هههههههههههه هههههههههههه…

طارق : وصل لقمة غضبه .. آدمممم … منك لله يا آدم ياعدووووووي …..

————بقلمي مريم نصار

عند محمد عزيز ..

محمد ف الحمام بياخد شاور ..

نور : ف اوضة تمارا بتراجع معاها الاسئله .. وخلصت وقالت . تمام كدا ياحبيبتى برافو عليكي ..

تمارا : ميرسي يامامي .

نور : ابتسمت . ولعبت ف شعرها . تحت امرك ياقلب مامي .. يلا بقى . نامى عشان تقومى إن شاء الله بكره فايقه للمدرسه ..

تمارا : اوكي تصبحي ع خير .. وباستها ..

نور : وانتى بخير ياروحي . يلا تعالى عشان اغطيكى كويس..

تمارا : نامت ع السرير . ونور شدت عليها الغطا . وباست جبينها. تصبحى ع احلام سعيده ..

تمارا : ابتسمت . تصبحى ع جنه ..

نور : ابتسمت . وقفلت النور . وخرجت ..

نور : واقفه ف الطرقه وقالت . اطمن ع تيمو . وبعد كدا ادخل ل محمد .

تيم : بيتكلم ف الفون . ايوه يارينو . طمنينى ع آرين ؟

رينو : ف حضن فهد الل واحشها . اطمن والله ياتيمو هي كويسه جدا الحمد لله ونامت كمان..

فهد : اتنهد بغيره كبيره ..

تيم : طيب يعنى هي اتعشت قبل ما تنام ..؟

رينو : اتوترت من ملامح فهد . احم ا.ايوه اكلت ونامت ..

تيم : هز راسه تمام .. وانتى يارينو اتعشي قبل ما تنامى تمام ؟

رينو : ابتسمت بحب . حاضر ياحبيبى . متقلقش عليا ..

تيم : ماشي ياحبيبتى . انا هطلع بكره من المدرسه بدرى . وهعدى عليكى واطمن ع آرين بنفسي ..

رينو : ابتسمت . ماشي يقلب رينو . هستناك ..

تيم : ماشي ياحبيبتى تصبحي ع خير ..

رينو : وانت بخير ياتيمو .. وقفلو ..

نور : هههه ممكن ادخل ؟

تيم : رفع عينيه . وابتسم . نورى . تعالى ادخلى ..

نور : اممم انا مش بتصنت ع فكره .لكن انت سايب باب اوضتك مفتوح ..

تيم : عادى انا كنت بطمن ع رينو . وخارج اعمل نسكافيه عشان ف عندى مراجعه مهمه . دى اخر سنه ولازم اجيب مجموع طب إن شاء الله ..

نور : قربت من تيم .. وعدلت ياقة القميص بسعاده . طبعا إن شاء الله . انت الدكتور تيم . وبإذن الله هتحقق كل احلامك .. وانا واثقه من ده ..

تيم : ابتسم . وباس ع أيدها . والفضل يرجع لله ثم ليكى انتى والدكتور محمد .. احسن اب ف العالم كله ..

نور : عيونها لمعت بدموع . انا مش مصدقه . تيمو ابنى كبر . وخلاص امتحاناته ع الابواب.

. وكلها سنه ويبقى ف الجامعه . انا بجد اسعد ام ف الدنيا كلها ..

تيم : حبيبتى يانورى . إن شاء الله ربنا يقدرنى وافضل اسعدك كدا ع طول ..

نور : مسحت دموعها وابتسمت . تحب اراجع معاك ف اي حاجه؟

تيم : لا شكرا جدا . الدكتور محمد شرحلى كل حاجه .. انا بس هراجع شويه .. وبعدها انام ..

نور : ربتت ع ايدو . طيب ياروحي . راجع انت وانا هعملك النسكافيه ..

عند فهد ..

رينو : قفلت مع تيم . وبصت ل فهد الل مغمض عينيه . وواضح ع ملامحه الغيره ..

رينو : بلعت ريقها بتوتر . احم حبيبى انت نمت؟

فهد : اخد نفس عميق واتنهد . لحد امتى يارينو ؟

رينو : فهمت ..لكن قالت لحد امتى ايه؟

فهد : اتعدل . لحد امتى تيم هيفضل يهتم ب آرين .. وكمان حوار ام الشوكليت واللعب ده . انا جبت أخرى بجد ..

رينو : حبيبى حاول تهدى . وبصت ف عينيه . فهد انت كنت بتهتم بيا بردو . ليه تظلم تيم بما إن كل حاجه بيعملها بتقدير وحب واحترام كمان ..

فهد : مسح وشه بايديه ونفخ بديق واتعدل. انا كنت بهتم بيكى اه ..

..عشان بحبك فا ده اكيد . لكن عمرى ما قدمت ليكى لعبه أو هديه قدام آدم .

ديما كنت بعمل ليه حساب . ومتنسيش انى وانا ف ثانوى ابوكي كان مطلع عينى وكنت بشحت منك الكلمه.

رينو : كتمت الضحكه . احم . طيب انت عايز ايه دلوقتي وانا اعمله ؟

فهد : بص ف عينيها . رينو انا طبعي الغيره . ومش جديد عليكى . وآرين بنتى .

. انا عارف إن تيم محترم جدا كمان . وبيخاف عليها . وآرين لسه صغيره .. لكن خايف .

.مش عايز حد يتعلق بالتانى . مش عايز حد يتعذب .. وغير كدا من واجبى احمي بنتى وده ماينفعش .. انا لما بشوف تيم بينادى عليها بولع نار .

رينو : بتنهيده . صدقنى يافهد . الوضع مختلف . تيم ابنى . ولما عرف انى خلفت آرين و آركان . قال إنهم اخواته . واتربى وكبر ع الاساس ده .

. تيم مش حاسس نفسه غريب عننا . لأ .. تيم واخدنى امه . وكمان انت ليك حب كبير ف قلبه .

. وكان بيغير منك وهو صغير .

. لكن لما كبر واحده واحده بدء يستوعب كل حاجه . وكبر وآرين أخته وكمان آركان. وميرو وليليان . زي ما اتربينا اننا كلنا اخوات .

. احنا كمان ربيناهم أنهم اخوات . فهد احنا مانجيش نزرع الحب والحنيه ف قلوب ولادنا . ودلوقتي نقولهم لأ .. ماينفعش ..

فهد : بصلها كتير . انتى مش هتفهمى احساسي كأب بيغير ع بنته ..

رينو : حطت راسها ع صدره . انا فاهمه كل حاجه .. وانا كمان بغير ع بنتى . ولو ف يوم حسيت إن ف تهاون انا هاخد موقف .. لكن انا شايفه حاليا إن تيم اخ ل آرين .. صدقنى ..

فهد : غمض عينيه . وضمها لقلبه وسكت ..

رينو : سمعت دقات قلبه سريعه وبيتنهد بخنقه.

عرفت أنه مخنوق جدا .. ورفعت راسها . وخرجت من حضنه . وهمست بحب . تعرف انك وحشتنى اوى ..

رينو : قربت منه وباسته . وقالت برقه . وانا كمان ايه ؟ انت بعيد عنى وكنت مسافر اكتر من اسبوعين ..

هو انا مش معشوقتك ونجمتك .. انا رينو حبيبتك يافهد.

فهد : قلبه دق بحب . وقال انتى روحي يارينو . وانتى فعلا معشوقتى ونجمتى . اسف انا بس كنت مخنوق شويه.

رينو : قربت منه اكتر .. وحاولت تخرج فهد من زعله ..

وفهد : قرب منها بحب كبير . وعاشو وقت مميز مع بعض ..

————بقلمي مريم نصار

آريان : ف الحمام . فاتح نت بيكلم مازن صاحبه . وبيشرب سِجاره .. وكتب ل مازن . لأ لأ يامازن انا خايف ..

مازن : كتب . خايف من ايه ؟ هو حد هيشوفك ؟ —–

يتبع الفصل التالي اضغط على ( رواية جريمة عشق ) اسم الرواية