رواية صماء لا تعرف الغزل كاملة بقلم وسام الأشقر عبر مدونة دليل الروايات
رواية صماء لا تعرف الغزل الفصل الثامن و العشرون 28
وعند مساعدتها للاستلقاء سمعتا صوت رنين الباب لتقول غزل:
– أكيد الإسعاف.. لتتحرك غزل بثقة للخارج وهي تقول:
– ها ياجاسر.. إيه الأخبار؟
لتقف مصدومة عند رؤيته واقفًا أمام جاسر ممسك بمقدمة قميصه وتنبعث من عينيه شرارة الاشتعال التي تهدد بحرق الأخضر واليابس.. فيحول نظره لها عند سماع صوتها الرنان وهي تنادي على الاخر بكل مودة لترفع يديها فوق فمها تكتم شهقة انبعثت من قلبها وليس صدرها.. مع جحوظ عينيها بصدمة.. لم تشعر بتراجع قدميها من الصدمة والخوف ليلكم جاسر صارخًا:
– يا ولاد الـ****
لم تجد إلا الهرب كأفضل وسيلة في هذه اللحظة، ولكن ليس كل مايتمناه المرء يدركه لم تخطوا إلا خطوتين محاولة الهرب لتجد ألم شديد برأسها نتيجه قبضته الممسكة بشعرها ويهزها بقوة صارخاً:
– تعالي هنا.. أنتِ فاكرة إني هرحمك يا وسـ** ورحمة أمي لأقتلك واشرب من دمك.. أنا تخونيني؟
ويقوم بلطمها عدة لطمات لم تستطيع حماية وجهها بل كانت يدها مشغوله بحماية بطنها من بطشه لتصرخ من الألم والخوف وتحاول تحرير شعرها برعب:
– يوسف.. اسمعني.. انت.. انت فاهم غلط.. اقسملك يايوسف ما بخونك.
لتجد جاسر ممسكًا بيده ويصرخ:
– سيبها يا مجنون أنت مش فاهم حاجة.. خلينا نتكلم.
ليدفعها يوسف بقوه لترتطم بالحائط وتجده يقوم بثني ركبته ليضرب معده جاسر فينحني الأخير للأمام نتيجة الضربة ليباغته يوسف بمسك ذراعه وكسره لتصرخ غزل من شده الرعب فتدفعها قدمها للهروب خارج الشقه قبل أن يبطش بها لتستغل انشغاله بتسديد لكماته لجاسر الذي يحاول جاهدا تفاديها.. لم تمر سوى لحظات ليكتشف عدم وجودها ليرتفع صوته صارخًا ببعض الألفاظ والشتائم ويجري للخارج للحاق بها.. فيجدها تحاول غلق المصعد بأنفاس مقطوعة وايدي مرتعشه.. فيمنعه من الانغلاق ويدخله لتتفاجأ بوجوده أمامها بوجهه المتعرق وعينيه الدامية التي لا تبشر بالخير فتحاول التماسك لتخرج بعض الكلمات التي خرجت كهمهمات غير مفهومةمع اهتزاز رأسها بحركه رتيبة يمينًا ويسارًا رافضة مايظنه بها.. ولكنها وجدته يرفع يده عاليًا ليلطمها لطمه قويه جعلت توازنها يختل لتستند على الجدار ولكنه لم يمهلها ليمسك شعرها بقوة ويصرخ بوجهها يقول:
– انتِ فاكرة انك هتعرفي تهربي مني؟ أنا هخليكي تتمني الموت ألف مرة من اللي هتشوفيه علي
ى ايدي يا فا***.
لتصرخ بوجهه مترجيه:
– أرجوك.. أرجوك يا يوسف.. اسمعني.. الموضوع مش زي ما انت فاهم.. إديني فرصة اشرحلك.. مل.. ك…. ملك هتقولك.. مل…
ولكنه لم يمهلها أن تكمل ليضرب رأسها بقوه بجدار المصعد عدة مرات مع صراخه الذي تداخل مع صراخها:
– إخرسي.. اخرسي.. مش عايز اسمع صوتك.. اخرسي.. ليشعر بعدها بثقل جسدها وارتخائه فيدفعها عنه لتسقط أرضًا بوجهها الذي تغرقه الدماء نتيجه ضرب رأسها بالجدار الزجاجي ليتهشم ويصيب جزء من جبهتها اليمنى أما هي فبدأت تشعر بانعدام الرؤية رويدًا رويدًا مع ازدياد الألم برأسها نتيجه ضرب رأسها لتسقط أرضا وتستسلم لفقدان وعيها مؤقتا لعلها تتخلص من آلامها.
……………..
بعد ثلاث أيام
يمر بممر طويل يبحث بعينيه عما يقصده ليجد من ينادي عليه قائلًا:
– استاذ يامن!
فيلتفت ليجد الممرضة المسؤولة عن حالتها ليبتسم ابتسامة روتينية يقول:
– أفندم؟
الممرضة:
– دكتور عاصم بلغني إن أي حد تبع الحالة يوصل يدخله عشان التقرير النهائي.. ليهز راسه متفهمًا يقول:
– تمام.
لينصرف ويتجه إلى الغرفة المنشودة.. يجدها مغمضه العينين يظهر على وجهها آثار البكاء ليقترب منها بهدوء قائلًا بجفاء:
– مش كفاية عياط؟ العياط مش هيصلح الغلط اللي صدر منك.. لتزداد نبرة بكائها وتقول بصوت متقطع:
– لسه مافيش أخبار عنها هي ويوسف.. أنا خايفة يكون عمل فيها حاجة.
يلقي جسده بإرهاق ويرجع رأسه للخلف قائلاً:
– أنا ماسبتش مكان إلا وسألت فيه.. كإن الارض انشقت وبلعتهم.
لتقول بنبرة قاسية:
– هو ده اللي قدرت عليه؟
فيعتدل بجلسته يقول:
– وعايزاني أعمل إيه ياصاحبه الصون والعفاف؟ أبعت منادي ينادي عليهم.. ولا أبلغ الشرطة عشان تبقى فضيحة؟
تبتلع إهانته لتقول:
– أنا عارفة إني غلط.. وغلطي سبب أذى للي حوليا.. بس أرجوك إعمل حاجة حاول تفكر ممكن يكون يوسف اخدها فين؟ أنا خايفة عليها أوي وخصوصًا إنها حامل خايفة لا يأذيها.
يامن:
– أنا خلاص مش قادر افكر دماغي وقفت.
ليسمع طرق على الباب ويظهر من خلفه جاسر يقول:
– السلام عليكم.. أحم.. أنا جيت في وقت مش مناسب؟ لينظر له يامن بطرف عينيه ثم يزفر بضيق ويستقيم قائلًا:
– أنت دايمًا وجودك غير مناسب.. عن إذنك.
إلا أن صوت جاسر يوقفه عن الانصراف:
– يامن!
فيتوقف يامن عن الإنصراف دون إجابته ويسمعه يكمل:
– أنا.. أنا عارف إن اللي حصل بيني وبين ملك كان غلط من البداية.. بس صدقني أنا بحبها ومستعد احارب الدنيا كلها عشانها.. بس هي ماتخسرش اقرب الناس ليها.
يامن:
– وتفتكر ده مبرر لتصرفك.. انك تتجوزها من ورا أهلها واخواتها.. زي اللي بيسرقوا؟ تفتكر هتواجه الناس ازاي؟
جاسر مندفعًا:
– هعملها فرح ومحدش هيعرف.. مافيش حد يعرف غيرنا و.. غزل.
يامن:
– غزل! غزل اللي مش عارفين يوسف عمل فيها ايه؟ غزل اللي حاولت تساعد غيرها فتأذت؟ غزل اللي جوزها معتبرها خاينة! ذنبها إيه؟
جاسر:
– صدقني أنا حاولت افهم يوسف وأنقذها منه بس اخوك كان زي الثور الهايج مش شايف قدامه.. وكسر دراعي وكنت مشغول بملك اللي نزيفها زاد.. المهم نفكر كويس ممكن يكون اختفى هو وهي فين؟! أنا ليا واحد صاحبي بلغته ببيانات يوسف يمكن يقدر يوصل لحاجه.
ملك ببكاء:
– انا خايفة لا يكون جرالها حاجة.. مش هسامح نفسي لو حصلها حاجة.
يقترب منها ويهدئها:
– وبعدين ياملك احنا ما صدقنا حالتك استقرت.. اللي انتِ بتعمليه ده هيرجع النزيف تاني.. إهدي واحنا هنتصرف.
…………
محمد:
لسه مافيش اخبار؟ ماتعرفيش مختفيين فين؟
سوزان بانتباه:
– طيب قول السلام الأول.. عمومًا لسه الكل اختفى فجأة ومش من عادة المهندس يوسف يختفي كده من غير مايبلغني ولا يدي تعليمات ليا أنا والمهندس شادي.. أنا قلبي مش مطمن…
محمد:
– ولا أنا، حاسس إن في حاجة.. سألت تقى وقالتلي بقالها مده مكلمتش غزل.. وبحاول اتصل بيها تليفونها مغلق هي ويوسف.. حتى روحت الڤيلا مالقتش حد نهائي غير هناء.
سوزان:
– انا قلقانه.. في صفقتين مع شركتين من أوروبا كان اجتماعهم إمبارح والنهاردة، ولغيت الاجتماع مافيش حد موجود حتى شادي مش معاه توكيل يتمم الصفقات في غياب المهندس يوسف.. بقولك ماتتصل بالدكتور يامن يمكن يكون عارف.. المهم تعالا هنا أنت هتنسيني، هننزل نشتري اوضه النوم امتي ولا هتضحك عليا
محمد:
– أنا برضوا اقدر.. في اقرب فرصة هننزل نشتريها ونحدد ميعاد الفرح خلينا نخلص بقى وتبقى تحت إيدي.
…………
تشعر بألم يسري في سائر اطرافها لا تستطع فتح أعينها كلما قاومت ألمها وتفتحهما تشعر بالدوار الشديد وتسمح أصوات من حولها بعيده كأصوات شجار وصراخ يصدر من أنثى غريبة عنها تتوسل من معاها بشيء ما وصوت رجولي غاضب تحفظ
نبرته عن ظهر قلب صوت زوجها وحبيبها يوسف.. تشعر كأنها في كابوس طويل لم يكتب له ان ينتهي بعد هتحاول رفع يدها اليمني لتزيل خصلات شعرها المبعثرة فوق وجهها فتشعر بثقل غريب بأيديها وهذا الثقل بدأت تلاحظ وجوده في باقي اطرافها من اول قدمها لذراعيها لتهز رأسها ببطئ لتتفادي ألم رأسها وتهمس بصوت غير مسموع كأنها همهمات ضعيفة تناديه لعله يوقظها من كابوسها كما يفعل دائمًا لتشهق شهقة عالية عندما شعرت بتساقط المياة الباردة على وجهها وجسدها.. لتحاول فتح أعينها فتصدم أعينها الرمادية باعينه المنبعث منها شرارة الكره والبغض يشرف عليها بجسده من علو وبيده زجاجة المياة التي أفرغها فوقها منذ لحظات لتكتشف انها ليست بكابوس كما اعتقدت بل لحقيقه موجعة لتنتقل أعينها على أيديها المكبلتين في فراش الحجره.. مع تكبيل قدميها أيضًا نعم هذه الحجرة تعلمها عن ظهر قلب كانت غرفتها التي قضت بها أيام
اثناء احتجازه لها من قبل.
ليزداد خوفها ورعبها فتترائى أمامها بعض المشاهد لضربها وضرب جاسر تسمعه يهمس بصوت ميت:
– حمدلله على السلامة.. كل ده نوم؟
تحاول إخراج صوتها لتنطق باسمه برجاء.
يقاطعها:
– تعرفي إن من حسن حظي إنك مستمرة على ادويتك، لولاه كان زمانك ميته بسبب جرح رأسك بس ماتستعجليش على الموت ياغزل.. هموتك بالبطيء.
تحاول نطق اسمه تستجديه أن يسمعها فيصرخ بوجهها ويلطمها لطمه قوية قائلًا:
– اخرسي.. أنا مش طايق اسمع اسمي منك.
ليقبض على خصلات شعرها ويهزها بقوة ويكمل:
– أنا عملتك إيه عشان تعملي فيا كدا؟ عملت إيه عشان تطعنيني وتخونيني؟ ومع مين.. عدوي؟! عملت فيكي ايـــه اتكلمي!
غزل بانهيار من شدة البكاء:
– أرجوك.. أرجوك اسمعني.. اديني فرصة اقولك! حرام عليك تظلمني يايوسف.. ما تهدش اللي بيننا يا يوسف.
لتصدح ضحكته بقوه مخيفة ويقول:
– اللي بينا؟ تصدقي شوية كنت هصدقك.. طلعتي ممثلة بارعة.. لا بحد برافو.
ليشد على خصلاتها أكثر وتصدر صرخة منها تتوسله تركها:
– انا مراقبك بقالي مدة وعارف كل تحركاتك.. يوم ما روحتيله الفندق ويوم جالك الفيلا.. نمتي معاه على سريري ياغزل؟ ردي عليا عملتي ايه؟
غزل بصراخ:
-؛حرااام عليك.. الكلام ده مش صحيح.. اسال ملك هتقولك كل حاجه.
يوسف بغضب:
– إياكي.. شوفي إياكي تجيبي سيرة اختي على لسانك القذر ده.. من امتى مستغفليني انتو الاتنين؟ ردي عليا!
غزل ببكاء شديد:
– انت ظالم يا يوسف
. ظالم.. ارجوك ارحمني.
يوسف:
– ارحمك! انتِ مالكيش رحمة في قانون يوسف الشافعي.. اللي يلعب عليه مايلمش غير نفسه.. غزل بصوت مهتز:
– فكني.. فكني.. انت فاكر انك كده راجل وبتنتقم لشرفك؟
يوسف بابتسامه مخيفة:
– صح انتِ عندك حق..
انا هفكك بس هخليكي تبوسي رجلي عشان ارحمك.
ليقوم بفك أربطة يدها وأرجلها ويتجه جهه طاولة صغيرة بجوار الفراش ويتناول ملف به عدة أوراق ويوجه إليها قلما قائلًا بثبات:
– امضي على الورق ده! لتمرر أعينها بينه وبين الأوراق وتقول:
– ورق ايه ده؟
يوسف ينحني ليكون بمستواها:
– الورق ده.. حقي.. حقي اللي بظهورك اتسرق مني.. حقي في الشركة اللي بنيتها وكبرتها.. وانتِ جيتي علي الجاهز تمتلكي الجزء الأكبر.. بإمضتك حقي هيرجع.. اعتبريها مكافئة نهايه الخدمة.
لتهز رأسها بصدمة من حديثة:
– مش معقول، أنت أكيد مش يوسف اللي اعرفه.. يوسف:
– ماتتصدميش أوي كده.. انتِ كنتي عارفة إن جوازي منك جواز مصلحة بس كنتي بتكدبي نفسك.. ايه اللي يخليني أتنازل واتجوز واحدة زيك! واطية.. وتربية حواري.. وخرسا وطرشة.. تفتكري كل ده عشان إيه؟
غزل بصدمة:
– عشان بتحبني يا يوسف.. ايوه أنا عارفة انك بتحبني زي ما أنا حبيتك؟ مستحيل يكون كلامك ده صح.
يوسف:
– اخلصي.. وامضي ..بلاش نضيع وقتنا اللي جاي احلى من كده.
غزل بتحدي:
– ولو قولت مش همضي؟
يوسف:
– يبقى انتِ مستعجله على اللي هتشوفيه مني.
عزل:
– انا مش هسيب حقي لواحد زيك.. يمسك وجهها بين أصابعه ويضغط عليه بقوة مؤلمة إلا ان أصرت ألا تُظهر له ضعفها ويقرب بجهه لها فتلفحها انفاسه الساخنه ويقول بين اسنانه:
– بلاش الثقة دي.. لانك لسه ماتعرفيش يوسف الشافعي ممكن يعمل فيكي إيه.
غزل:
– ابعد عني! مش طايقه ايدكً تلمسني ولا طايقة ريحتك.. فتصلب جسده من كلماتها كأنها خنجرًا طعنه بقسوة ليخفي تأثره ببرود وهو يمرر أصابعه على وجهها قائلًا بسخرية:
– ليه! مش معقول تكوني نسيتي إنك بتدوبي من لمستي.. وكنتي بتستنيها بفارغ الصبر.. فيلاحظ انحباس الدموع بأعينها واحمرار وجهها لتقول بين أسنانها:
– كنت مغفلة بس صدقني مش ندمانة إني كنت بيضة معاك ونضيفة، على الأقل بياضي ده دليل على سوادك وقذارتك اللي ملهاش حدود.
يشعر ببعض الألم في جوانب صدره لا يعرف سببًا له فيتجاهله سريعًا ويقول:
– قذارتي انا! القذرة هي تنام مع عشيقها وتخون جوزها.. بس هنتظر إيه من واحدة زيك مالقتش حد يربيها.. ويلا بلاش رغي وامضي عشان نخلص.
ويقوم بتوجيه القلم أمام ناظريها لتنظر له لبرهه كأنها انفصلت عن عالمه حتى ظن أنها استسلمت للأمر إلا أن كلمة واحدة همست بها شلت أطرافه ليرفع عينيه لها ليجد ملامحها متبلدة فيظن انه اخطأ السمع ليقول بهسيس منخفض:
– انتِ قولتي ايه؟ لتنظر له بتحدي مع ابتسامة جانبية رسمتها شفتيها تدل على انتصارها وتكرر ببطء:
– انا حامل يا يوسف.
فتهتز حدقتيه بعصبية ظاهرة ويمسك شعرها بعنف ليصرخ بوجهها:
– آه يابنت الـ*** أنا هقتلك بس بعد ما اصفي حسابي معاكي.. هقتلك واقتل ابنه.. هخليه يتحسر عليه.
ويقوم بجرها من شعرها الملتف على قبضته ليصل إلى جارور بطاولة صغيرة يفتحه ويلتقط مقصا حادًا ..لتقول بصراخ:
– مافيش غيرك اللي هيتحسر لأنك لو قتلتني أنا وهو يبقى بتقتل ابنك.
فينحني إليها وبيده المقص لتصدح ضحكة خشنة منه يتبعها دموع من جوانب عينيه المغلقة بشده ويقول:
– إبني! إبني أنا! مش قادر اتخيل مدي قذارتك.. وصلت بيكي الوقاحة تنسبيلي إبن مش من صلبي؟ كنتي بتخططي لإيه كمان يا غزل؟ ها.. ردي؟
لتنظر إلى ما بيده برعب لتقول مؤكدة:
– أنا.. حامل.. في ابنك يا يوسف.
لتخرسها صرخته ووجهه المحتقن:
– انا عقيــم.
لتفرغ فاهها من قوة الكلمة كأن دلو من الماء البارد اسقط عليها.. ليقول مرة اخرى:
– انا.. عقيم.. مابخلفش ياغزل هانم.. ياشريفة.. يانضيفة.
تهز رأسها بقوة:
– مش معقول.. انت كداب.. أكيد كداب.. أنت.. انا حامل منك.. أنا غزل مراتك يا يوسف واللي في بطني ابنك.. أكيد بتكدب صح؟
يوسف بسخريه:
– انا مابخلفش ولا عمري هخلف وبسببك.. انتِ السبب.. لو مكنتش لحقتك في الاسانسير يوم الحادثة مكنش حصلي كده.. عشان كدة اعتبرتك حقي وانك لازم تكوني ليا.. وتتحملي وضعي اللي انتِ كنتي سبب فيه.. ودلوقتي لازم تدوقي اول عقاب.
لترتعب من كلماته المبهمة وتصرخ بوجهه محاولة التحرر منه وتحرير شعرها من قبضته:
– انت هتعمل ايه؟ ابعد عني.. أنت مجنون؟
فتشعر اثناء صراخها ومحاولتها الهرب من بطشه بسير المقص علي خصلات شعرها البنية كأن هذا المقص يسير بجسدها كأنها تشعر بألم فقدان عضو من أعضاءها لتستمر بالصراخ والبكاء تتوسله:
– ارجوك يا يوسف.. ماتعملش كده.. سيب شعري.. ارجوك.
تخدش أظافرها يده الممسكة بشعرها، فيدفعها بقوة أرضًا محيطة بخصلات شعرها البنية وتحاول لملمته بأصابع مهتزه وجسد منتفض من شدة الصدمة وتجمعه بين أحضانها تبكي على حياتها تبكي على حبها وعلى فرحتها بجنينها التي لم تكتمل.. تبكي على شعرها.. لتقول بين انفاس متقطعة:
– ربنا ينتقم منك.. ويحرق قلبك زي ما حرقت قلبي.
ليلقي بالمقص أرضًا فيصدر صوتًا مزعجًا ويلقي بوجهها القلم ليقول بين انفاس لاهثة:
– امضي الورق.
لتنظر له وترفض الإمضاء.. فيمسك أصابع يدها اليسري ويضغط علي أصابعها بقوة لتصرخ من شدة الالم ويقول:
– صدقيني مش هتقدري تتحديني كتير مش هتقدري تتحملي الألم.. احسنلك وفري تعبك.
لتشعر بالم شديد بأصابعها ليضغط أكثر وأكثر حتى سمع صوت تكسير عظامها متزامنًا مع صراخها.. الذي شق السكون من حولهم.
……..
تنظر بالأسفل بسيقان مهتزة لم يهدأ جسدها من الانتفاض كل لحظة.. تحيطها سحابة من الدخان نتيجة احتراق علبة كاملة من سجائرها.. لا تعلم كيف لبت رغبته في المجئ.. عندما انهار بين أيديها لتحتويه محاولة تهدأ نوبات غضبه ليطلب منها الحضور معه بكل إصرار لتشهد بعدها نوبات صراخه وصراخها مانعة نفسها أكثر من مرة من التدخل للفصل بينهما بعد اخر مرة صعدت فيها محاولة منها أثنائه عما يقوم به، إلا انه صرخ بوجهها ونصحها بعدم التدخل.. لينتفض جسدها فجأة نتيجة سماع صراخ متألم إلا انها هذه المرة لم تستطع الصمود اكتر لتجري بحذائها العالي السلالم الفاصلة بينهما وتتجه إلى الحجرة المحتجزة بها فتدفع الباب بقوة لتشاهد ماشل اطرافها.. غزل متكومة أرضًا بجسدها الضعيف حليقة الرأس وحولها خصلات شعرها مبعثره بجوانب الحجرة.. تمسك بكف يدها تبكي بحرقة ويقف أمامها شخص غريب عنها لم تعرفه من قبل.. شخص يسيطر عليه غضبه ليؤذي اقرب الناس إليه.. ليرفع نظره لها وتنتظر موجة غضبه بسبب كسر أوامره بعدم التدخل.. لتتفاجأ بمد يده إليها كدعوة منه لتتحرك اتجاهه بأرجل مهتزة ويلف ذراعه حول خصرها بقوة ليقول:
– كويس انك جيتي.. عشان اعرفكم على بعض.. اكيد انتِ عارفة مين دي؟ بس غزل ماتعرفش انتِ مين بالنسبة لي؟ لترفع غزل أعينها عند ذكر إسمها فتشاهد أمرأه ذات شعر اشقر مرتديه ملابس قصيرة وكعبًا عاليا.. تحاول التذكر متى رأتها من قبل؟ ولماذا يضمها يوسف بتلك الطريقة الحميمية.. وقبل أن تسأل نفسها عن سبب وجودها في هذا المكان البعيد معهم.. سمعت صوته يقول:
– اعرفك يا غزل بنانسي.. نانسي اللي استحملتني كتير في اوقات ضعفي وقوتي.. نانسي اللي حضنها كان بينسيني كل همومي.. المخلصة ليا حتى بعد ما سبتها وبدلتها بواحدة زباله زيك.. زمان كنت خايف تكتشفي فيوم علاقتي بيها بس دلوقتي احب أكون دقيق في تعريفها ليكي.. اقدملك نانسي، مراتي الاولي!
- يتبع الفصل التالي اضغط على ( رواية صماء لا تعرف الغزل ) اسم الرواية