رواية خذلان الحب (كاملة جميع الفصول) حصريا عبر دليل الروايات بقلم ميرفت سعيد
رواية خذلان الحب الفصل التاسع والعشرون 29
سليم دخل غرفته وقمر قفلت الباب وفضلوا كده لمده ساعتين كل واحد قاعد لوحده بس سليم زهق واضايق هو مش متعود علي كده كان متعود علي هزارها معاه هي اصلا مكنتش بتسيبه يقعد لوحده علطول بتحب تغلس عليه افتكر انها طالبه الطلاق وانها عايز تمشي من حياته وتبدأ حياة جديده من غيره ومع .. حد تاني؟
سليم قرر انه لازم يتكلم معاه مس هيسيبها اكيد تطلع برا حياته هي فعل لما دخلت حياته خلت فيها روح هو مش طايق البيت بسبب ساعتين بس قاعده في غرفتها امال لما تمشي سليم اتجه الي غرفة قمر وخبط عليها بس مكنش في رد فدخل الاوضه بس لقاها نايمه قال خلاص هي كلمها بكرا ووقف شويه يتأملها وبيتخيل حور في دماغه وحيران في حور وقمر
★**************★
تاني يوم
حور نزلت علشان تستني مالك ييجي ويروحوا سوا الشغل بس هو قال لها ١٠ دقايق واتأخر فقلقت وقالت تنز لتستناه تحت كانت بتكلمه
حور : اي يامالك كل ده ١٠ دقايق
مالك: ياحبيبتي اعمل اي والله حصل حاجه خلتني اتأخر دقايق واكون عندك
حور : ااه الدقايق اللي انا عرفاهم يبقي مش هتيجي
مالك بضحك: لا متقلقيش جاي سلام
حور: سلام
: حور
حور بصدمه: سليم انت بتعمل اي هنا
سليم: حور انا عايزه اتكلم معاكي
حور بغضب: امشي يا سليم
سليم : لا مش همشي يا حور قولت عايزه اتكلم معاكي
حور بغضب وخوف لمالك ييجي: امشي بقا يااخي كفايه مشاكل اي مش عايز تسبني في حالي ليه ابعد عني بقا انا بحب مالك و حياتنا كويسه ليه عايز تخربها
سليم: حور انا بحبك
حور: لا مش بتحبي لو بتحبني هتسبني اكون مرتاحه هتفرحلي لكن انت عايز تغمرني وتخرب عليا حياتي ابعد بقا يا سليم و سبني بقا وامشي من هنا لوسمحت علشان مالك جاي
سليم : ماشي يا حور بس مش هسيبك ومشي
حور : اووف بقا ناقصه عكننه هي
بعد دقيقتين مالك جه وحول ركبت
مالك وهو ملاحظ تعبيرات وجه حور المضايق: مالك يا حور في اي كل ده علشان ١٠ دقايق اتأخرت فيهم
حور : لا يامالك مش عشان ١٠ دقايق اتأخرت فيهم
مالك: امال اي؟
حور بتردد: مالك
مالك: في اي؟
حور : كنت عايزه اقولك حاجه بس خايفه
مالك باستغراب: خايفه من اي؟
حور: انك تتعصب او تزعل
مالك: في اي يا حور؟
حور: مالك. انت قبل ما تيجي كان.
مالك: كملي
حور: سليم جالي
مالك سكت وكانت تعبير وشه غريبه حور معرفتش تفسرها
مالك: قالك اي
حور بتوتر: قالي انه عايز يتكلم معايا
مالك بغيره: يتكلم معاكي في اي
حور: معرفش هو قالي كده بس انا مسمحتش ليه ومشيته
مالك بدون كلام وقف العربيه
حور بتوتر: وقفت العربيه ليه
مالك مسك ايد حور وقبلها وقال بحب: انا بحبك اوي
حور بصدمه من رد فعله : اي؟!!!!
مالك : اي اول مره تسمعيها
حور : لا بس بصراحه مكنتش متوقعه رد الفعل ده
مالك بضحك: امال كنتي متصوره اي يا حور اغضب و ازعل واقول ازاي جالك وازاي وقفتوا تتكلموا عارفه انا كان ممكن اعمل كده امته
نظرت له حور باهتمام
مالك: لو مكنتيش قولتيلي كنت هزعل اووي يا حور
حور: وانت كنت هتعرف منين لو مكنتش قولت
مالك : هعرف زي ما عرفت المره اللي فاتت
حور : طيب انا مخبتش اهو
مالك:مانا بقولك بحبك وبموت فيكي كمان
حور: ياسلام اهو ده بقا فايدة الراجل المتفاهم والحنين
مالك ضحك وكمل سواقه
★*************★
عند ليلي راحت الشغل واول حاجه عملتها دخلت علي صقر
صقر: ازيك ياليلي
ليلي: ازي حضرتك اتفضل
صقر باستغراب: اي ده. ثم قال بصدمه: استقاله
ليلي: ايوه. لوسمحت امضي عليها
صقر: امضي علي اي
ليلي : علي الورقه
صقر : وانيت عايزه تستقيلي ليه ؟
ليلي: انا حره
صقر: لا مش حره مفيش استقاله
ليلي: ليه ان شاء الله انا عايزه امشي مش عايزه استغل تاني
صقر قام وقف قدامها: عايزه تمشي ليه ياليلي
ليلي: وانت عايزني ليه افضل موجوده وجودي فارق ليك في اي
صقر: ليلي انتي عرفه كويس وجودك بالنسبه ليا اي
ليلي: معرفش ومش عايزه اعرف
صقر: في اي ياليلي
ليلي: لو سمحت امضي علي الورق
صقر: ده اخر كلام
ليلي : ايوه
صقر كان لسه هيمضي علي الورق بس فونه رن برقم مهم وكان لازم يرد
صقر: الو....... بجد... طب كويس...... لا وعلي اي ده واجبي....تمام شكرا
ليلي: لو سمحت امضي
صقر وهو بيلم حاجته : مش دلوقتي بعدين
ليلي: هو اي اللي بعدين امضي بسرعه قبل ما تمشي
صقر: قولت بعدين ...ومشي
ليلي : اوووف بارد
وخرجت
★*****************★
عند علي وعليا
عليا: مالك ياحبيبي مضايق من اي
علي:مش مضايق يا عليا
عليا:لا ياعلي انت بقالك يومين زعلان من اي
علي بضيق هو انتي مش شايفه ياعليا انك بتيجي من الشغل تعبانه ده غير امبارح لما شغلك يصحيكي الساعه ٣الفجر ويطلبوكي وطبعا مش عارفه تقولي لا
عليا فعلا عندك حق
علي: يعني انتي مقتنعه ومش زعلانه
عليا: لا مش زعلانه انا كنت مفكره ان انا هقدر اني مأثرش بين الشغل والبيت بس انا اللي تعبت انا بكرا هقدم استقالتي لدكتور مالك
علي: يعني انتي مش زعلانه
عليا: لا مش زعلانه
علي بحب وفرحه لانها اتفهمت الموضوع: حبيبة قلبي
★***************★
عند ليلي روحت البيت وكانت بتفكر تعمل اي بعد ما تستقيل من الشركه استقالتها معناها انها مش هتشوف صقر تاني هي كانت بتروح علشان تشوفه بس من ساعة تللي حصل وهي مش عايزه تروح تاني مش عايزه يضحك عليها بكلامه تاني
قطع تفكيرها رنة فونها وكانت تسنيم
تسنيم: الو ياليلي انتي روحتي بدري ليه
ليلي: كنت تعبانه شويه وعايزه اروح مش اكتر حصل حاجه
تسنيم : انتي متعرفيش اللي حصل لصقر بيه
ليلي بقلق: اي اللي حصل
تسنيم:********
•تابع الفصل التالي "رواية خذلان الحب" اضغط على اسم الرواية