رواية العشق الممنوع كاملة بقلم مارلي ايهاب عبر مدونة دليل الروايات
رواية العشق الممنوع الفصل الثالث 3
في غرفة حورية كانت تجلس بحزن وهي تتذكر اهانة زياد لها و معايرتها بمال الذي عليهم
حورية بدموع… انا لازم انزل اشتغل احسن من الاهانة دي مستحيل اقبل بكدة بس هشتغل اية وانا لسه مش معايا شهادة ولسه قدامي اربع سنين علي ما اتخرج اوف بقي يارب حلها من عندك
،..،.،.،.،..،.،،..،.،…،.،.،..،.،.،..،.،.،..،،..،.،.،
في غرفة انجي كانت تجلس وهي تنظر لصورة زوجها الراحل وتقول بدموع…. اتبهدلنا من بعدك يا يوسف كان نفسي تكون معانا دلوقتي ربنا يرحمك ويجعل مثواك الجنه و نتجمع في الآخرة سوا امين
وحط الصورة بدموع علي الكيمودينو ومسحت دموعها و قامت وخرجت من غرفتها وخبطتت علي غرفة ابنتها
حورية مسحت دموعها وقالت… اتفضلي يا ماما
انجي دخلت بابتسامتها…. حبيبتي كنت جايه اطمن عليكي
حورية ابتسمت… انا كويسة يا ماما انتي عاملة اية
انجي بهدوء… انا الحمدلله انتي محكتيش ليا علي اللي حصل في الجامعة انهاردة يومك كان عامل ازاي
حورية قالت بضيق…. روحت الموقف اركب المكروباص المهم لقيت شاب رخم ودمه تقيل قعد جنبي وفضل يعكسني و يقولي انتي رايحة الجامعة زي وانا كنت بصده لغاية ما وصلت للمكان اللي قبل الكلية بشوية لانه مش هيقف قدامها لقيته نزل معايا وانا مشيت ومتكلمتش ولكن فضل ماشي ورايا ويعاكسني لغاية ما هددته وقولتله لو اتكلم معايا ولا قرب مني تاني ساعتها بقي هلم عليه لا اله الا الله ده غير اني قولته احترم نفسك بقي يا جدع انت قالي انا اسمي عمار فرحت زعقتله وقولتله انا مالي باسمك هو انا هتجوزك رايح يقولي اية وماله دانا اكتب عليكي وقتي وقتي
انجي ضحكت جدا علي طريقة تقليد بنتها ليه….
حورية بضيق.. انتي بتضحكي يا ماما
انجي بهدوء…. يا حبيبتي انا بضحك علي تقليدك ليه مش اكتر كملي بقي
حورية بضيق… ولا حاجة سبته ومشيت وروحت الكلية اتفاجئت انه معايا في الكلية في نفس المحاضرة معايا وجه قعد جنبي واجي ابعد عنه يقرب هو لما زعقتله قولتله يبعد قالي زي ما كنا قاعدين في المكروباص هنقعد هنا وكنت لسه هتخانق معه لقيت الدكتور دخل وسكتنا بقي وخلاص بعد ما المحاضرة خلصت وخرجت لقيته ورايا وبيقولي
كانت تتحدث وهي تقلد طريقة كلامه
تعالي اعزمك علي بيبس ولما معبرتوش قالي خلاص خليها فطار وروحت قولتله ابعد عني يا غبي وسبته ومشيت
انجي كانت تضحك وبتقول…. شكله دمه خفيف وبعدين قالت بجدية… بس خدي بالك من نفسك يا حبيبتي تمام
حورية حضنت والدتها وقالت…. متخفيش بنتك راجل يا انجي متقلقيش عليا
انجي قبل جبينها وقالت…. ربنا يخليكي ليا حبيبتي يلا نامي علشان تروحي الجامعة بكرة
حورية ابتسمت…. حاضر تصبحي علي خير
انجي بهدوء… وانتي من اهله يا حبيبتي
وخرجت انجي اما حورية كان مشغول بالها بالفلوس الايجار
،.،..،. ..،…،..،……،.،،.،.،.،.،.،..،.،.،..،.،.
في صباح يوم جديد في مكان راقي جدا في الاسكندرية في كمبوند كليوباترا بلازا فيلا كبيرة جدا
في احدي الغرف كان يقف عمار قدام المرآة ويهندم ملابسه
وحط برفانه اللي انتشر في غرفته من قوته
خلص ونزل تحت كانت تجلس والدته ووالده
عمار بإبتسامة…. صباح الخير
وجيه والد عمار… صباح النور يا عمار
سهر والدته…… صباح النور
عمار جلس علي السفرة… نور لسه منزلتش
وجيه بضيق… هي عاملة زي الفاشل ايهم مفيش فرق
سهر بضيق… انتوا اللي عايزين تخنقوا العيال ما تسبوهم البنت في ثانوية عامة ومحتاجة نفسيه حلوة
وجيه بسخرية…. ليه يا حبيبتي محدش دخل الثانوي العام غير حبيبة ماما بس ولا اية
سهر بضيق… افضل اتريق عليا كدة لما نشوف اخرتها معاك يا وجيه
وجيه بضيق… لا اول ولا اخر انا هقوم اروح الشركة علشان متأخرش.
سهر بضيق… اوك
اما عمار كان يأكل بدون اهتمام للحديث التي يتحدثون فيه
وجيه خرج اما سهر قالت بضيق لابنها…. انا مش عارفة لما اروح النادي و صحابي يسألوني ابنك دخل كلية اية اقولهم اية حكومي
عمار بلامبالاة…. اه عادي يعني
سهر بتكبر وغرور… بقي ابن وجيه وسهر يدخل كلية حكومي مش قادرة اصدق انت مش عارف اهلك مين انا لحد الان مش قادرة استوعب ان وجيه سمحلك بالهبل ده
عمار. ببرود… باي باي يلا ماما علشان متأخرش علي المحاضرة سلام
وخرج ببرود وكانت سهر تستشيط غضباً
خرج عمار وابتسم وقال…. اركب العربية ولا امشي لغاية المكروباص يمكن تصيب معايا ونتقابل تاني
عمار… انا هخرج بالعربية لغاية الموقف وهسيبها هناك احسن
وركب عربيته سقف ولونها اسود وكانت اخر موديل السنه وطلع علي موقف المكرباصات علشان يشوف البنت تاني
عمار وصل لغاية الموقف ور كن عربيته بعيد شوية
ونزل اتمشي لغاية المكروباص اللي كان واقف بيحمل وركب فيه واستني شوية وكان كل شوية
وبعد عشر دقايق ابتسم بمشاكسة لما شافها جاية وهو كان حاجز مكان جنبه نزل بسرعة قبل ما تشوفه و ترفض تجلس بجنبه ووقف بعيد وشافه ركبت وراح هو كمان يركب وهو بيكتم ابتسامته
جلس جنبها وهي نظرت له بصدمه وهو قال بمشاكسة كالعادة…. صباح الجمال
حورية بغضب…. صباح الزفت عليك
عمار بمشاكسة…. ليه بس يا قمر علي فكرة انا معرفتش اسمك امبارح مش هتقوليه
حورية بتحاول توطي صوتها وتهدي نفسها….. اسمع لو مسكتش حالا هنزل انت سامع
عمار ابتسم…. طيب علي ايه خلاص يا ستي زي ما انتي عايزة
وفضل ساكت بعد خمس دقايق المكروباص طلع وعمار كان ينظر لها ويبتسم
وبعد ربع ساعة وصلوا للمكان اللي بينزلوا فيه ويكملوا مشي نزلوا الاتنين بعد دفع الاجرة
وحورية كالعادة مشيت بدون اهتمام
اما هو كان بيصفر وبيقول وبيغني
شوكولاتة سايحة جوة كيك
مشوفتش بنت جامدة هيك
انتي الاساس والباقي فيك
حلوة اوي في كل حالاتك
عملتي جوة مني حرب
عقلي قل كل مافينا بيندهلك
جمع طرح قسمة ضرب شرق غرب
انا لازم اكلم اهلك
ضحكتها تخطف القلوب
خطوتها تعمل حروب
على ايدها اتعلمت ادوب
دوبت فيها وحبيتها
تعالي سكة ايه النظام ايه الكلام
هتموتيني يخربيتك
حورية غصب عنها ابتسمت وابتسامتها مكنتش باينه ومكن من طريقته المضحكة
سمعت واحد ماشي في الشارع بيقول بغضب…. ما تتلم يلا بدل ما اجي المك عمال تعاكس في بنات الناس مفيش تربية
حورية اصطنعت الحزن والدموع وقالت…. ايوه يا استاذ طول الطريق وهو بيتعرض ليا انا ولله معدتش عايزة انزل من بيتي بسبب الاشكال دي
عمار كان ينظر ليها بصدمه
اما الرجل قال…. انا بقي هعلمك الادب علي حق اللي اهلك نسوا يعلمهلك
عمار بغضب… وانت مالك انت
الراجل بغضب… انا هعلمك انا مالي ازاي يا روح ام*ك
ومسك عمار من هدومه وضربه في البوكس في وشه ده غير اتنين تانيين عرفوا الحوار وانه واحد متحر*ش ونزلوا التلاته ضرب فيه
اما حورية صعب عليها في الاول ولكن قالت بعدين…. يستاهل و سابته ومشيت وهي مبتسمة…. يستاهل
وجريت جدا علي الكلية
،،.،..،.،.،..،..،.،..،..،.،…،.،.،.،،.،..،.، .،
في فيلا ايهم نزل وهو مضايق ومش عايز يروح الجامعة
شاهندا بحزن… معلش استحمل شوية بس وتعالي نام براحتك بابا مشي وعارف انك رايح الجامعة
ايهم بضيق… يعني يرضي مين ده مش عارف اخد راحتي في بيتي ولا عارف انام
شاهندا بهدوء طلعت الكريدات كارد وقالت… خد ايه في السر اوعي تقول لحد وبعدين اتبسط انت وصحابك يا قلبي بس متتأخرش علشان بابا ميفضلش يزعق ممكن
ايهم قبل جبهتها وقال… حبيبتي يا ماما باي
وخرج بره وركب عربيته وطلع علي بيت ريهام ورن عليها وقال… يلا انا برة تعالي بسرعة
ريهام بدلع…. دقايق يا بيبي باي
ايهم كان قاعد في العربية زهقان جدا لغاية ما جت ريهام وقبلته علي شفتيه وهو كمان تقبل قبلتها وقال…. اتأخرتي يا ريهام
ريهام بدلع…. كنت بجهز نفسي يا حبيبي
ريهام كالعادة وجهها في الكثير من المستحضرات التجميل
طلع ايهم علي الجامعة هو ريهام اصغر منه بسنه يعني تبلغ من العمر 20 عام
وصلوا الجامعة ونزلوا الاتنين مع بعض وريهام مسكت ايد ايهم بتملك شديد ودخلوا كانت بعض البنات تنظر بغل لريهام بما انها مرتبطة بابن اغني عيلة في مصر وغير انه وسيم كمان
ريهام بدلع قصاد الطلاب بدون حياء….. حبيبي انا هروح المحاضرة هشوفك بعد المحاضرة باي
وقبلته من خده امام جميع الطلابة
ريهام… تمام
ودخلت الي الكلية اما هو اتجه الي الكافتيريا
وجلس ولسه هيطلب مشروب ليه لقي واحدة بتقوله
اهلا بالبيه اخيراً ظهرت ولا كنت خايف مني لاني مستحيل اسيبك بعد اللي عملته
.،..،.،..،..،.،.،..،.،.
يتبع الفصل التالي اضغط على ( رواية العشق الممنوع ) اسم الرواية