رواية منقذي (كاملة جميع الفصول) حصريا عبر دليل الروايات بقلم ملك شكري
رواية منقذي الفصل الرابع 4
روايه[منقذي]
الفصل[الرابع]
بقلمي✍🏻[ملك شكري]
______________________________________________
زين مسك ايد ليان وبص في عينها بيطمنها:متخافيش مش هسيبك
وبص للظابط بصرامه:اعتقد ياحضره الظابط مفيش حد بيخطف مراته..ولا اي
الظابط بستغراب:بس اعمامها مقالوش ان حضرتك جوزها
ليان بصت ل زين بصدمه وزين ضغط على ايدها عشان توافقه
ليان:ا اه ه هو جوزي وانا ج جايه هنا برضايه وهو مش خاطفني ولا حاجه
الظابط:تمام اسفين يازين بيه على الازعاج
مشي الظابط وبصت ليان ل زين بغضب:انت ازاي تقولهم اني مراتك
زين ببرود:مش صدقوا ومشيوا يبقا خلصنا
ليان علت صوتها بدون قصد:انا مبحبش حد يعاملني بالطريقه دي..ولما عمامي يعرفوا كده انا الي هتحط ف مصيبه مش انت
زين بيحاول يتمالك اعصابه ويمثل البرود عشان ميعملش حاجه يندم عليها بعد كده:انا هحاول اعمل نفسي مسمعتش انك عليتي صوتك...واعمامك محدش فيهم يقدر ينطق بنص كلمه
ليان بعند:ونا مبقعدش ف بيت حد غريب وكمان راجل ل مده كبيره كده وكمان يعتبر معرفهوش
زين ببرود:خلاص يبقا نتجوز واهو يبقا في سبب تقعدي ف البيت ده عشانه
ليان:انت واعي انت بتقول اي هو انت بتاخد عروسه لعبه....
زين وخلاص فقد كل ذره صبر فيه هو بيحاول يرضيها ب اي طريقه وهي بردو بتعند اتكلم بصوت جهوري خلا ليان تتخض:ليااان...الظاهر انك خدتي عليا اوي..انا بعمل كل الزفت ده علشانك...وانتي بردو بتعندي انتي عايزه اي خلينا نخلص من وجع القلب ده
ليان بدموع:انا وجع قلب..تمام شكراً..عموماً انا مش هدايقك اكتر من كده انا مش هعرف امشي دلوقتي بس عشان الوقت اتأخر لكن اوعدك بكره الصبح هتصحى مش هتلاقيني موجوده..عن اذنك
زين بضيق من نفسه:ليان انا مقصدش
مستنتش ليان تسمع منه حاجه وطلعت جري على فوق
جت الداده وقفت جمب زين وطبطبت عليه:زين يبني تعالى عيزاك
راح زين مع الداده ناحيه الجنينه وقعدت الداده ونام زين على رجلها زي زمان فضلت الداده تطبطب على شعره وهي بتقول:لي يازين زعلتها
زين:عنديه ياداده بحاول ارضيها ب اي طريقه وهي مصره تعند وتكابر ولما عصبتني زعلت من كلامي
عايده:بس اعذرها يابني هي متعرفش لسه طبعك..وبعدين يابني هي دلوقتي ملهاش حد غيرك من الي حكتهولي عليها يعتبر اه ملهاش حد اهلها وبيكرهوها وامها وماتت وابوها والله اعلم لسه منعرفش قصته يبقا بدل ما نساعدها ونكسب ثواب نعمل كده
زين بدون وعي:بس انا مش بساعدها ثواب ياداده
ابتسمت عايده:كنت حاسه..طب بذمتك حد يعرض على حد الجواز بالطريقه دي
زين:انا عايز احميها ومش هعرف احميها طول ما هي متخصنيش
الداده ببتسامه:بتحبها.!
زين اتنهد:معرفش بس الي اعرفه اني برتاح وهي موجوده ومببقاش زين الي الكل يعرفه ببقا واحد تاني ممكن يضحك ويتكلم كتير عادي على عكس عادته بحب اسمع صوتها بحب ادايقها.ببقا نفسي طول الوقت احميها واخبيها من الناس والمشكله ان كل اللغبطه الي حصلت ف حياتي شوفتها حسيت احساس غريب
الداده ضحكت:كل ده ومش عارف بتحبها ولا لأ امال لو عارف هتقول اي..انت قولتلي قابلتها امتى..ف صلاه العيد صح
زين ضحك:هي اول مره شافتني ساعه صلاه العيد لكن انا شوفتها من بدري اوي..ومن ساعتها وهي مفارقتش تفكيري
الداده بستغراب:شوفتها من بدري ازاي
زين ابتسم وهو بيفتكر
flash back
في يوم تعبت فايزه والده ليان تعب مفاجئ دخلت ليان تدور على الدوا وكان خلصان
نزلت ليان وكان الوقت متأخر جداً فضلت ماشيه كتير لان الصيدليه بعيده عن بيتها لقت شباب بيمشوا وراها وبيدايقوها بكلامهم:اي ياقمر اقفي بس نتكلم
فضلت ليان تسرع من مشيها وهي خايفه لان الشارع ضلمه ومحدش شايف التاني اصلا لحد ما سمعت صوت فرمله عربيه نورت ف وشها ووقفت قدامهم ونزل منها زين الي ملامحه مكانتش ظاهره ل ليان من الضلمه لكن هو شافها من نور العربيه.. وقال بصوته الجهوري:في حاجه ياض انت وهو
الشابين:عايز اي يالا
زين:يالا...طب تعالى بقا ياروح امك اقولك عايز اي
ونزل زين ضرب فيهم وليان واقفه خايفه وبتعيط ولسه شاب منهم هيقوم يمسكها زعق زين بكل صوته:اجريي
بصت ليان وف لحظه كانت خدت الشارع جري
وزين ضربهم او بمعنى اصح كسرهم وبعدها ركب عربيته واتحرك مره تانيه
back
زين:بس كده وشوفتها مره تانيه والعربيه بتاعتي كانت معديه من قدام كليه هندسه وكانت هي خارجه مع صحبتها ساعتها فضلت واقف ابصلها وممشيتش غير لما هي مشيت..ومن ساعتها وانا براقبها وجت فتره مشوفتهاش بتروح الجامعه..ومصدقتش لما شوفتها ف صلاه العيد لكن مبينتش اني فرحت اني شوفتها..وبس كده
الداده ابتسمت ببلاها هي مش مصدقه ان ده زين الي هي تعرفه الي بيتكلم..ده واحد تاني هي متعرفهوش:يبقا متضيعهاش من ايدك يازين يابني عوضها عن كل حاجه خليك انت ابوها واخوها وعيلتها افتح قلبك وحبها يابني ومتعذبش نفسك وتعذبها معاك
زين:خليها على ربنا...هطلع انام انا
طلع زين ولسه هيدخل جناحه لكن للحظه افتكر انها زعلانه منه وكمان هتمشي
راح ناحيه اوضتها وخبط على الباب
كانت ليان قاعده ضمه رجليها وبتعيط بهستيريه على الي بيحصلها وهي عندها ديق تنفس من وهي طفله وبيحصلها ديق تنفس لما بتعيط كتير وده فعلا الي حصلها
زين لما ملقاش رد قلق عليها وفتح الباب من غير ما ينتظر رد
لقا ليان قاعده ضمه رجليها وحاطه وشها بين رجليها
زين بنبره هاديه:ليان
ليان:لا رد
زين فضل يكرر اسمها ولما ملقاش رد راح ناحيتها بسرعه رفع وشها لقا وشها احمر جامد وشفايفها بتزرق
زين بذعر:ليااان
يتبععع....
عايزه تفاعل ع البارت ولو عجبكم قولولي رأيكم بااي❤️🫶🏻
•تابع الفصل التالي "رواية منقذي" اضغط على اسم الرواية