رواية منقذي (كاملة جميع الفصول) حصريا عبر دليل الروايات بقلم ملك شكري
رواية منقذي الفصل السادس 6
روايه[منقذي]
الفصل[الخامس]
بقلمي✍🏻[ملك شكري]
_________________________________
زين فضل يكرر اسمها ولما ملقاش رد راح ناحيتها بسرعه رفع وشها لقا وشها احمر جامد وشفايفها بتزرق
زين بذعر:ليااان...ليان مالك ليان
ليان كانت بتحاول تاخد نفسها ومش عارفه وابتدت تكح جامد جداً:ككححح كحح..م.م..مش ق.ا.د.ر.ه. ا..ت.ن.ف.س
خلصت جملتها وشبهه فقدت الوعي
زين بخوف:ليان ليان
فضل يخبط على وشها براحه:ل ليان قومي عشان خاطري..انا اسف والله قوميي ياليان
نده على الداده بكل صوته طلعت الداده تجري شافت ليان بالمنظر ده شهقت بخضه:ليان مالك يابنتي
شال زين ليان لحد الحمام ورفعها كلها ف حضنه ووقف قدام الحنفيه وب ايده التانيه بيغسل وش ليان وبردو مفيش فايده خرج بسرعه وحطها على السرير وقعد جمبها وهو على نفس وضعه:اتصلي بالدكتور بسرعه ياداده
اتصلت الداده بالدكتور وفضل زين يطبطب على ليان وهو خايف جدا عليها وبعد وقت قصير جيه الدكتور وقال ل زين:لو سمحت يازين بيه تطلع تستنى برا
زين بغضب:انا لو سمعتك كررت الكلمه دي تاني اترحم على نفسك...اخلص
خاف الدكتور منه ووقف يكشف عليها وبعد وقت قال:هي عندها ديق تنفس ودي حاله بتحصلها لو زعلت او عيطت وقت كبير...
زين بضيق من نفسه كبير:تمام..داده خدي الدكتور وصليه
نزلت الداده مع الدكتور وراح زين ناحيه ليان بحزن قعد جمبها وبتردد كبير.مد ايده طبطب على شعرها
زين بندم:ا..انا اسف
فاقت ليان..:في اي
وبعد شويه افتكرت الي حصل.
زين بندم:ليان انا مكانش قصدي كده والله..وبعدين انتي فهمتي كلامي غلط.
ليان:زين بيه خلاص..محصلش حاجه.انا نسيت..وبعدين انا خلاص همشي ف عادي
زين بغضب:تمشي فين..ليان مفيش مشي من هنا
ليان:انا فعلا بقيت وجع قلب عليك وتعبت حضرتك زياده..ف لازم امشي
زين:ليان مش عايز اسمع كلمه امشي دي خالص سمعاني..وبعدين انا لما بتعصب ممكن اقول كلام يدايق الي قدامي وانا مش واخد بالي ف مكانش قصدي اجرحك انتي عمرك ما كنتي وجع قلب ولا هتكوني يا ليان..
ليان بخجل:احم..ب بس زي ما قولت ل حضرتك مينفعش افضل قاعده هنا.
زين:انا قولتلك الحل ياليان
ليان بغضب:انا مش هتجوز بالطريقه دي...وفوق كل ده اخد واحد غصب عنه انا مش كده..
زين:ليان انا مبعملش حاجه غصب عني..ابداً ده حل انفع ليكي
ليان:وعشان كده انا مش موافقه..عشان حل انفع ليا
زين:يعني انتي مش موافقه على.حاجه هتنفعك
ليان:لأ مش كده انا مش موافقه على حاجه هتنفعني..لوحدي انا مش انانيه عشان اخد واحد عشان نفسي وبس..طب وحياتك انت فين..خلينا نمشي على كلامك وانا وافقتك واتجوزنا...هتبقا حددت مسيرك بنفسك.. كملت بضيق:هيجي ف يوم من الايام تحب بنت وتعجب بيها..وهتندم على اليوم الي عرضت فيه عرض زي ده..وانا مش هقدر اشوف نظره كره او ندم ف عين حد تجاهي
زين اتصدم من تفكيرها..هي متعرفش اي حاجه:ليان...اسكتي اسكتي خالص...انتي متعرفيش حاجه...و100مره اقولك انا مبعملش حاجه غصب عني
ليان بخجل:يعني الطلب ده مش غصب عنك
زين:لا..لا ياليان انا هبقا مبسوط لما احميكي...صدقيني ثقي فيا مره.
ليان:انا لو مكنتش بثق فيك..احم ف.ف حضرتك يعني مكنتش هقعد هنا..
زين ابتسم على كلامها..:خلاص يبقا كتب الكتاب بكره
ليان بصدمه:نعمم
يتبععع.....
_________________________________
•تابع الفصل التالي "رواية منقذي" اضغط على اسم الرواية