رواية دواء قلبي كاملة بقلم سلمي عبد الجليل عبر مدونة دليل الروايات
رواية دواء قلبي الفصل السابع 7
سچا دخلت وكانت لابسه الدريس البيبي بلو وكانت ف غايه الجمال سيف بصلها ولقى دموعه بتنزل لوحدها
سچا بقلق : سيف مالك بتعيط لي حاجه وجعاك
سيف مسح دموعه ولقاهم كلهم بيبضوا عليه قام مسك القلم والكراسه وكتب : لا مش متخيل انك اخيرا بقيتي عروسه سچا الصغنونه تبقى عروسه قمر كدا ربنا يحفظك يارب
عمرو : متقلقش ي اخويا هجيبهالكوا ع طول وبعدين دي لسه خطوبه مش جواز
سيف ابتسم ولكن فيه نار قايده جواه وهناك عينان تنظر اليه من بعيد في صمت
محمد : يلا خلو سيف يشوف الدبل عشان تلبسوها
عمرو طلع الدبل ووراها لسيف سيف ابتسم وشاورله انه يقوم يلبسها الدبله
عمرو قام ولبسها الدبله وهي لبسته دبلته ومامتها حضنتها وكذلك محمد وعمرو حضن محمد وسيف وفضلوا قاعدين سوا لحد الساعه عشره معاد علاج سيف
ندى : استاذ سيف معاد الدوا
منى : هاتيه ي بنتي وانا هديهوله
ندى : اوكي ي طنط وراحت جابت العلاج والميه ومنى ادتهوله قعدوا شويه وبعدها روحوا
سيف ركن دماغه ع المخده وقدامه شريط ذكرياتهم سوا
فلاش باااك
سچا بزعل : هممم ي سيف بوظتلي شعري وسع انا مخصماك
سيف :انا اسف تعالي هظبطهولك
سچا : لا انت وحش متكلمنيش ابعد ي وحش سيف شدها وقام عدل شعرها وعمله بطريقه احلى م الي كانت معموله
سچا بفرح : اي دا ي سيفو انت عملته احلى م الاول انا بحبك اوي وقامت حضناه
سيف بادلها الحضن وكان مبسوط اوي وقال جواه وانا بحبك اوي
باااك
سيف صوته علي ف العياط وصرخ وقال لااااااااااا
ندى كانت بتجيب حاجات من بره الاوضه جت لقته اتكلم جرت عليه
ندى : استاذ سيف اهدى مالك في اي
سيف كان بيعيط ومش بيرد عليها
ندى : طب ممكن تهدى انا هكلم الدكتور دلوقتي ييجي يطمن انت النطق رجعلك
سيف مسك ايديها وشدها ليه وحضنها وفضل يعيط
سيف بعياط : بحبها اويي عمري م شوفتها اختي طول عمري بقول دي حبيبتي وهتبقى مراتي انا بحبها اوي
ندى طبطبت عليه وقالت:الي بيحب حد لازم يتمناله السعاده حتى لو السعاده دي مع غيره
سيف : انا قررت اني هعمل كدا بس صدقيني مش بقدر انا الي خلاني اضحي بحبي اني عارف ان عمرو روحه فيها وهي بردو روحها فيه عشان كدا ضحيت بس والله مش قادر فضل يضمها لحضنه ويعيط اكتر لحد م هدى ونام ولتاني مره بتنطبق جمله “دواء قلبي” احيانا مش بنكون عارفين اي الي هيريحنا بنكابر ف الي احنا بنعمله مع ان ربنا بيبقى سايبلنا خير كتيير اوي هييجي بعد فتره بس لازم نصبر لحد م ييجي ويداوي قلبنا
ندى حطت دماغه ع السرير وقامت وقعدت ع الكرسي
ندى بتفكير: طب طالما هو بيحبها كدا لي معترفلهاش اه هو قال انه عارف ان هي وعمرو بيحبوا بعض طب اي حكايه الحرف المحفور ع مكان قلبه دا انا معدتش فاهمه حاجه كان مستخبيلك كل دا فين ي ندى بس انا ليه عايزه اعرف عنه كل حاجه انا مالي دا مجرد مريض وانا المشرفه ع حالته لا اكتر ولا اقل
“احيانا بيكون جوانا مشاعر مش فاهمينها وبنكابر وبنعمل نفسنا مش واخدين بالنا منها وانجذابنا للشخص بنقول انه شئ عادي وانه ممكن يكون عشان قعدنا مع بعص كام يوم كدا ف عايزين نعرف عنه كل حاجه ولكن بيكون القدر مخبي حاجات تانيه خالص”
الدكتور جه الساعه سبعه الصبح
الدكتور : هايل هايل حمدالله ع السلامه ي بطل النطق رجع الحمدلله اخر يوم ليك ف المستشفى انهارده هتاخد محلول دلوقتي ومحلول بالليل وتقدر تمشي بعدها
سيف : الله يسلمك ي دكتور كله بفضل حضرتك بعد ربنا هو الاحسن اقعد هنا ولا ف البيت انا مش معترض اقعد هنا فتره لحد م جسمي يخف تماما
الدكتور: هنا انت مش هتكون محتاج حاجه بل انت هتكون بتدفع فلوس وخلاص عشان انت موجود ف المستشفى وانت بقيت احسن وندى هتعدي عليك كل فتره عشان تطمن عليك وهي الي هتكون المشرفه عليك
فلاش بااك
ندى كلمت الدكتور باليل : السلام عليكم انا اسفه اني بتصل بحضرتك ف الوقت دا
الدكتور : وعليكم السلام ورحمه الله وبركاته مفيش حاجه ي ندى ولا يهمك خير سيف كويس ولا اي
ندى : هو كويس الحمدلله بس هو نفسيا مش كويس ف هو هيخرح امتى ان شاء الله
الدكتور : لما يخلص المحاليل والحاجات بتاعه وكمان لما النطق يرجعله
ندى بتذكر : كنت هنسي سيف النطق رجعله من ساعتين وبعدها نام
الدكتور : بجد طب ازاي
ندى بكذب : مش عارفه انا كنت بجيب حاجات من بره الاوضه رجعت لقيته بيتكلم
الدكتور : العلاج عمل مفعوله بسرعه الحمدلله هو لساله محلولين وهيخرج
ندى : طب ممكن ابقى انا المشرفه ع حالته وبعدين انا دارسه حاجات كتيره عن الطب النفسي واقدر اعالجه لانه هو نفسيا مش كويس
الدكتور : تمام نتكلم ف المضووع دا بكره لما اجي
بااك
سيف : مش لازم تتعبها ي دكتور انا اهلي هيكونوا معايا متقلقش
الدكتور : ولا تعب ولا حاجه دا واجبنا انت ان شاء الله هتخرج بالليل بعد المحلول
سيف : تمام ي دكتور
الدكتور خرج
سيف باحراج : احمم انا اسف ع الي حصل امبارح مكنش قصدي
ندى : حصل خير ي استاذ سيف معاد الفطار وعشان الدوا والمحلول
سيف : تمام
ندى: جابت الفطار وهو اكل وادته العلاج والساعه بقت تمانيه والنبطشيه بتاعها خلصت ومحمود جه وهي بتركبله المحلول
محمود : ندى سيبيه وانا هعملهوله
ندى : لا خلاص انا خلصت
ندى اخدت محمود بره وقالتله ان سيف هيخرج والنطق رجع وفهمته الي هيحصل لكن مقالتلوش الي حصل بردو بالليل
ندى قابلت سچا وعمرو ومنى ومحمد جايين راحت سلمت عليهم وهي مبتسمه
منى : ازيك ي بنتي اخبارك اي وسيف عامل اي انهارده
ندى محبتش تقولهم ان سيف رجعله النطق عشان يتفاجؤا ويتبسطوا
ندى : هو كويس الحمدلله انا نبطشيتي خلصت ومحمود الي هناك دلوقتي بصت لسچا وقالت : وعروستنا اخبارها اي
سچا بابتسامه : بخير الحمدلله
ندى :يارب دايما ي حبيبتي اسيبكوا بق تروحوا تطمنوا عليه عن اذنكوا وسابتهم ومشيت
وصلوا الاوضه لقوا محمود قاعد هناك سلموا عليه وهو خرج عشان هما ياخدو راحتهم
سيف فضل ساكت وبيفكر يفاجئهم ازاي
منى راحت عليه حضنته : حبيبي عامل اي انهارده كويس
سيف هز دماغه بايوه
كلهم سلموا عليه عمرو راح ناحيه الشباك ف سيف انتهز الفرصه وقال : حاسب لتقع ي عسل وقام ضاحك
كلهم بصوله بصدمه عمرو جرى عليه : اي دا انت بتتكلم انت اتكلمت النطق رجع
سيف : اه الحمدله
عمرو حضنه اوي : الحمدلله الحمدلله انا مبسوط اوي اخيراا اخيراا الحمدلله يارب
كلهم باركوله
سيف قالهم انه هيخرج بكره وان ندى هتتابعهم وقالهم الي الدكتور قاله
محمد : الحمدلله الحمدلله ربنا يشفيك ويقومك بالسلامه يابني
كلهم : يارب
فضلوا قاعدين لحد معاد الغدا واتغدوا وسيف اخد علاجه والساعه جت سبعه محمود ركبله المحلول لحد الساعه تمانيه ونص وبعدها خلص
الدكتور جه اطمن عليه ولكن ندى مكانتش جت لانه خلاص هيخرج
الدكتور : حمدالله ع سلامتك هتخرج دلوقتي وتنتظم ع العلاج وبص لمنى وقال لازم يتغذى كويس عشان العلاج كتير وتقيل ويرتاح عشان جسمه محتاح راحه لحد م العلاج يخلص وندى هتبقى تيجي تتابع حالته
محمد : تمام ي دكتور شكرا لحضرتك
الدكتور : دا واجبي ي استاذ محمد وبعدين دا زي ابني ربنا يحفظهولك يارب
محمد: يارب
عمرو اخد سيف ف عربيته ومحمد ومنى وسچا روحوا ف عربيه محمد
وصلوا البيت عمرو اخد سيف طلعه الشقه بتاعه ودخله ع السرير
همرو : اجيبلك بق لبس واغيرلك
سيف : اتلم يلاا انا هغير لنفسي
عمرو : بتتكسفي ي بيضه
سيف : بتستغل اني تعبان ي معفن افوقلك بس
عمرو : متخافش ي قمر انت لست نوعي المفضل
سيف: استرجل يلاا
عمرو راح قعد جنبه وحضنه : وحشتني اوي ووحشني هزارنا وحشتني اوي ي سيف قلبي كان هيقف م الخوف عليك الحمدلله انك قومت بالسلامه
سيف : الحمدلله فتره وعدت وخرج من حضنه وقال : يلا بره بق عشان اغير هدومي
عمرو : استنى عشان عمى ومرات عمي وسچا هيطلعوا يطمنوا عليك
سيف : ماشي
ما هي الا دقائق وكانو وصلوا
محمد : انا هقعد معاك هنا عشان اخد بالي منك
عمرو : ي عمي ارتاح ف شقتك انا هقعد الفتره الجايه كلها معاه متقلقس
منى : لا انا هقعد مع ابني يحتاج حاجه اعملهاله
سيف : عمرو هيقعد معايا ي ماما متقلقيش وانتو تحتي يعني الفرق بينا سلمتين بس متقلقوش هبقى كويس
سچا :لو احتاجت حاجه كلمنا وانا هجيبهالك واطلع
سيف : متحرمش منكوا ابدا يارب يلا انزلوا ارتاحوا انتو صاحيين بدري وانا كمان هاخد علاجي وانام
مخمد : م احنا قاعدين معاك ي ابني
سيف : لاا كل واحد يرجع لحياته كفايه الفتره الي انتو قعدتوها من شغلكوا وجامعتك ي سچا انا خلاص بقيت كويس يلا اسمعوا الكلام بق
كلهم : ماشي
منى ومحمد حضنوه واخدو سچا ونزلوا
عمرو بضحك : بتنزلهم عشان ناخد راحتنا ي بيبي
سيف : كلمه كمان وربنا هطردك معاهم
سيف : ولااا بره
عمرو طلع وهو بيضحك اخيرا شاف صاحبه بيضحك تاني وبيتكلم الفرحه مكانتش سيعاه
سيف قاك يغير هدومه فتح الدولاب لقى صوره ليهم سوا ف دموعه نزلت بالغصب وشالها ولم كل الصور بتاعه وحطهم ف بوكس وعانه ف الدولاب وطلع ترينج وخلع هدومه ولبس البنطلون وخرج بدون تيشرت عشان كان داخل الحمام فتح وخرج لقى عمرو ومعاه ….
هنعرف مين الي كان معاه بق البارت الجاي
وي ترى اي حكايه حرف N دا؟
- يتبع الفصل التالي اضغط على ( رواية دواء قلبي ) اسم الرواية