رواية بيع مليكة الفصل السابع 7 - بقلم مروة حسن

 رواية بيع مليكة كاملة بقلم مروة حسن عبر مدونة دليل الروايات

 رواية بيع مليكة الفصل السابع 7

  

حازم: ابدا يا جدت… لتقاطعه مليكه: حاجه خديجه انا عايزه اقولك على حاجه لو سمحتي.. ممكن؟!…..

خديجه باستغراب: اتكلمي يا حبيبتي..

مليكه: لا مش هنا.. عايزه اتكلم مع حضرتك على انفراد..

خديجه: تعالي ورايا على المكتب.. لتخرج السيده خديجه و وراها مليكه.. ولكن حازم يمسك ذراع مليكه محدثا اياها

حازم بتهديد: لو قولتلها حاجه هخلي عيشتك جحيم يا مليكه.. انا حذرتك..

لتصمت مليكه دون اي رد فعل و تذهب من امامه.. و تدخل المكتب عند الحاجة خديجه..

لينتظر حازم بالخارج يريد ان يعرف هل حقا ستروي لها كل ما حدث..

بعد مرور حوالي ربع ساعه.. كان حازم ينتظرهم و متوتر يريد ان يعرف ماذا يحدث ولماذا كل هذا التأخير.. ليقاطع تفكيره خروجهم من الغرفه.. و لكن مهلا ف جدته يبدوا انها غاضبه.. لتتحدث معه..

خديجه بغضب: اي دا يا حازم.. صحيح اللي بتقوله مليكه دا..

لينظر حازم لمليكه بوعيد: قالت اي ي جدتي..

خديجه: قالت انها عايزه تشتغل ف شركتك و انت مش موافق..

حازم بصدمه: اي..

خديجه: اللي سمعته.. ليه يا بني ما تخليها تشتغل معاك..

مش عشان مش تخصصها متشتغلش.. انت علمها..

حازم: ماهو علشان يا جدتي ميقولوش دا جاب مراته يشغلها و هيه معندهاش فكره..

مليكه ببرود: خلاص متقولش اني مراتك..

حازم: انتي بتقولي اي..

مليكه بابتسامه: لفتره مؤقته يا حبيبي.. لحد ما اثتبت كفائتي..

حازم: ولو ما اثبتيش.. اعمل اي..

مليكه: ابقى اطردني..

خديجه: خلاص يا ولاد.. يلا يا حازم خد مراتك و افطروا و اطلعوا على الشركه..

حازم: حاضر يا جدتي من عينيا… لينظر ل مليكه و يمسك ذراعها بغضب مكتوم.. يلا ي حبيبتي نفطر.. ليذهبوا من امام خديجه… لتبتسم خديجه بخبث..

*******************

كانت تسير تلك الجميله ذاهبه إلي كليتها و كانت شارده العقل فهي كانت تفكر ف اختها.. لانها افتقدتها للغايه ف كانت تتحدث معاها كثيرا و تنصحها عندما تواجهها مشكله.. و لا ترى تلك. الشارده هذه السياره التي تسير بسرعه..

و لكن يراها ذلك الشاب الواقف مع اصدقائه ليسرع اليها و ينتشلها من امام السياره بسرعه ليقعوا على الارض..

ليرى عيناها الجميله انها مثل البحر.. لتقوم من على الارض بسرعه و تنظف ملابسها.. اما هو ف كان يتابعها حتى افاق على صوتها العذب و هيه تقول له..

مرام: شكراً لحضرتك..

الشاب: العفو.. اي واحد مكاني كان هيعمل كدا.. اهم حاجه انك كويسه..

مرام بابتسامه: الحمدلله..

الشاب: انا عمرو.. و انتي؟

مرام: وانت عايز تعرف اسمي ليه؟

عمرو: عادي نتعرف.. و بعدين انا اول مره اشوفك ف الكليه..

مرام: لا معلش انا مش بتعرف.. حضرتك انقذتني و انا قولتلك شكراً .. اعتقد مافيش حاجه تاني.. عن اذنك..

و ذهبت من امامه و هو مندهش من حديثها.. لماذا تتحدث معه هكذا فهو كان محترم معاها.. كان يريد ان يتعرف عليها فقط.. انها مغروره على عكس ما افتكر.. و ظل ينظر لها بغيظ.. و ذهب الي اصداقه..

كريم: مالك يا عموور..

عمرو بغضب: البت اللي نقذتها دي..

كريم: مالها..

عمرو: بعرفها اسمي و عايز اعرف اسمها.. كلمتني بطريقه زي الزفت.. شايفه نفسها مش عارف على اي..

كريم: بس البت شكلها حلوه..

عمرو وهو يفتكر ملامحها: ملكه جمال يا بني..

كريم بضحك: الله.. عمرو باشا وقع ولا اي..

عمرو: انا مفيش واحده توقعني.. هيه بس عجباني..

كريم: طب ماهي كلمتك بطريقه زي الزفت..

عمرو بابتسامه: ماهو دا حلاوته.. فهمت.

كريم بضحك: فهمت..

******************

حازم بنرفزه من تأخرها: يلا يا مليكه اتاخرت على الشركه..

مليكه ببرود: خلصت اهو.. اهدى شويه..

اما هو عندما رأها لم يقدر ان يتفوه بأي كلمه اخرى.. ف سحره جمالها ف كانت ترتدي فستان زيتي و طرحه سوداء..

مليكه: استاذ..يا استاذ انت معايا..

حازم فاق من شروده: اي استاذ دي.. انتي نسيتي اني جوزك ولا اي..

مليكه بضحك: جوزي.. يا شيخ اتنيل..

حازم بغضب: اتنيل؟!!.. و ابتدا يقرب منها..

مليكه بزعيق: يا تيتاااا.. حازم اسرع ليضع يده على فمها ليكتم صوتها..

حازم: يخربيتك محدش يعرف يهزر معاكي ابدا.. يلا قدامي..

مليكه: انا مش هركب معاك.. هركب تاكسي…

حازم: ليه ان شاءلله..

مليكه: علشان احنا اتفقنا محدش يعرف اني مراتك..

حازم: تمام لما اشوف اخرتك اي…

مليكه بخبث: كل خير يا جوزي..

ليذهب يركب سيارته.. اما هي ف ركبت سياره اجره..

****************

ف مكان اخر

شخص ١: جيبت اللي قولتلك عليه..

شخص٢:ايوا يا ست هانم.. لتعطيها دواء..

شخص١:مفعوله مضمون..

شخص٢:ايوا يا هانم..

شخص١:عارفه لو حصل العكس هقتلك..

شخص٢ بخوف: لا يا هانم..هو انا مستغنيه عن روحي..

شخص ١:يلا غوري من هنا.. و اياكي حد يشوفك.. فاهمه

شخص٢:فاهمه يا هانم فاهمه..

**********************

دخل حازم الشركه و الكل يقف احتراما له و خوفا.. فهو معروف بشدته ف الشغل.. و اغلب الفتيات ف الشركه ينظر إلي جماله الساحر ليزيد من غروره.. ليصل إلي باب مكتبه و ينظر إلي السكرتيره الخاصه به و التي تدعى *امل*…

أمل: صباح الخير يا افندم

حازم بالامبالاه: صباح الخير.. هاتيلي قهوتي على المكتب

امل: حاضر يا افندم..

حازم بتذكر: شريف جه..

امل: ايوا يا افندم ف المكتب جوه..

حازم: تمام.. في واحده هتيجي تسأل عليا اسمها مليكه ابقي دخليها علطول عندي..

امل باستغراب: تمام يا افندم.. ليذهب حازم من امامها و يدخل المكتب..

امل لنفسها: ودي عايزها ف اي ان شاءلله.. هو مش بيشبع من البنات..

*******************

داخل المكتب..

شريف بصدمه: هتشغلها معاك..

حازم: ايوا.. اوامر جدتك.. عرفت تلوي دراعي بنت الايه.

شريف: وانت هتسيبها..

حازم بتفكير: عيب عليك دا انا هخليها تكره الشغل و اليوم الي فكرت فيه انها تشتغل..

شريف: هتعمل اي..

حازم: بص انت هتاخد امل تكون السكرتيره بتاعتك.. و سيبلي انا مليكه علشان اعرف اربيها..

شريف: ماشي.. و ربنا يستر على البت منك..

****************

امل خارج باب المكتب و هي تحاول ان تستمع لهم.. امل لنفسها: ما تعلو صوتكم شويه..

لتدخل عليها مليكه و هي بذلك الوضع..

مليكه: انتي بتعملي اي.. لتنفزع امل منها..

امل بتوتر: انتي اللي مين؟

مليكه: انا مليكه..

امل بغيظ: هو انتي..

مليكه باستفزاز: اه انا يا روحي..

امل: ثانيه واحده هدي حازم بيه خبر.. لتطرق امل الباب و يسمح لها بدخول..

امل: حازم بيه مليكه وصلت.

حازم: دخليها علطول..

امل بغيظ لمليكه: اتفضلي..

مليكه ببرود: شكرا.. لتدخل مليكه لمكتب حازم..

مليكه: صباح الخير..

شريف: صباح النور.. اما الاخر تجاهلها..

حازم: لسه عند رايك..

مليكه بثقه: ايوا.. ولا انت غيرت رأيك..

حازم: لا ابدا.. انا بس خايف عليكي.. انا معنديش ياما ارحميني ف الشغل دا..

مليكه ببرود: وانا قدها.. ليبتسم لها فهي لم تخف منه..

حازم محدثا امل ف الهاتف: امل عايزك..

لتدخل امل: امرك يا افندم..

حازم: هتاخدي الانسه مليكه و تعرفيها الشغل بتاعنا.. وبعدين تنقلي حاجتك علشان هتبقي سكرتيره شريف بيه.. و مليكه هتمسك مكانك هنا.. لتنصدم مليكه من حديثه

امل: طب ما تمسك مع شريف بيه وانا افضل زي ما انا..

حازم بغضب: انتي هتديني اوامر اللي قولته يتنفذ فاهمه ولا لا..

امل بخوف: تمام يا افندم..

امل موجهه حديثها لمليكه: اتفضلي قدامي..

لتخرج امل و مليكه من المكتب..

امل بغيظ: انتي تعرفيه منين؟

مليكه: وانتي مالك؟

امل: تمام.. روحي اعملي قهوه لحازم بيه..

مليكه ببرود: حاضر.. و ذهبت مليكه لتحضر القهوه..

امل بخبث: اما خليتك تطردي من هنا طردت الكلاب مبقاش انا امل…

بعد عشر دقائق تاتي مليكه و معاها القهوه..

امل: ادخلي اديها لحازم بيه وبعدين تعالي علشان اعرفك شغلك..

مليكه: حاضر… لتدخل مليكه المكتب و تضع القهوه على المكتب..

مليكه: اتفضل يا افندم..

حازم بابتسامه: انتي اللي عامله القهوه دي..

مليكه: ايوا..

حازم: طب روحي انتي..

مليكه:عن اذنك..

و تخرج مليكه من الغرفه و تجلس على المكتب مع امل لتعرفها شغلها و تذهب امل من المكتب بعد ان اخذت متعلقاتها و تترك مليكه تشتغل…

لتسمع حازم وهو يامرها بأن تأتي الي مكتبه.. لتذهب اليه..

مليكه: افندم..

حازم و هو ينظر الي صف الملفات الذي امامه: هتاخدي الملفات دي كلها و تسجليها على الكومبيوتر.. و تخليصهم النهارده..

مليكه وهي تنظر ببلاهه: كل دول..

حازم بشماته:مش انتي عايزه تشتغلي اشتغلي بقى..

مليكه بغيظ: حاضر.. و تقول ف سرها: منك لله يا شيخ اللهي تقصر يا بعيد..

حازم: انتي بتبرطمي بتقولي اي؟

مليكه بغيظ: ولا حاجه.. و تاخذ الملفات و تخرج..

وجلست مليكه تشتغل حتى انتهى موعد الشركه و هي لم تنتهي بعد و ظهر عليها التعب.. ليخرج حازم من المكتب و يراها هكذا..

حازم: لسه مخلصتيش..

مليكه: حضرتك شايف ان الملفات دي كلها تخلص بسرعه..

حازم: هتفضلي قاعده لوحدك..

مليكه: هو انت هتمشي..

حازم بابتسامه و هو بيقرب منها: انتي عايزاني اقعد معاكي..

مليكه بتمثيل البرود: لا طبعا.. دي حاجه براحتك..

حازم بضيق: كدا.. طيب انا ماشي.. تخلصيهم كلهم.. فاهمه

مليكه: فاهمه.. ليذهب و يتركها لتشتم نفسها لانها جعلته يتركها فهي خائفه.. لا تريد ان تجلس بمفردها في هذه الشركه الكبيره…

لتقوي من نفسها و تقول: انا اروح اعمل قهوه علشان شكلي مطوله..

لتقوم من جلستها و لكن احست بدوار و حاولت ان تتمالك و تذهب لدور الاسفل و لكنها لم تقدر لتغيب عن الوعي و تقع من على السلالم لينفتح رأسها…..

• يتبع الفصل التالي اضغط على ( رواية بيع مليكة ) اسم الرواية