رواية تحت ضي القمر (كاملة جميع الفصول) حصريا عبر دليل الروايات بقلم روان مسلم
رواية تحت ضي القمر الفصل الثامن 8
بارت ٨
فتحت عينيها ببطئ لتجد سامر أمامها
ضي بصراخ= أمير......أمير
سامر =لو عرف حاجه عن اللي حصل مو*توا هايكون علي ايدي ....فهمه
وهنا دخل أمير مسرعا حيث كان يجلب بعض الأشياء من خارج المستشفي
أمير بغضب =ايه دخلك هنا افهم .... ثم انت مش كنت اتنيلت مشيت
سامر ببرود=بطمن علي ضي.....ولا ايه يا ضي مش بطمن بردوا
حركت ضي رأسها بخوف
أمير نظر إلي سامر بشك=اخرج بره
سامر ببرود=ليه ؟......ايه عايز تقولها كلمه سر
أمير أمسك رقبة سامر وهو يقول بغضب
أمير =صدقني يا سامر انا اللي مصبرني عليك ضي لو مكنتش في الحاله دي وتعبانه كنت قتل*تك وخلصت البشريه منك
سامر ابعد يد أمير عن رقبته وهو يقول = متقدرش وكمان متنساش إنها حولت تنت*حر بسببك
ضي بتعجب =مين قال كده؟
نظر سامر لها فصمتت
أمير =ضي انا مش عايز اعرف ايه اللي حصل بس عايز اسمع حاجه واحده يمكن البتاع ده لما يسمعها يحس موافقه علي انك تكملي معايا حياتك
ضي بتحدي=ايوا .....وكمان عايزه اقولك انك احسن شخص شوفتوا في حياتي وانك مش تتعوض.....وان لو في رفيق للضرب بيتبكي علي فراقه يوم فأنت يتبكي علي فراقك العمر كله
هنا نظر سامر بتعجب وكأنه صدم مما قالت وخرج في صمت وأغلق الباب
وهنا طلبت ضي من أمير ان يقترب من السرير وبدأت تهمس في أذنه
ضي=أمير......سامر هو ....اللي.....اللي ضربني علي رأسي وهو كمان اللي عو*ر أيدي انا مش انتحر*ت والله ..... وهددني انو هايمو*تك لو قولتلك أو اتجوزتك
صمت أمير وكأنه لايريد ان يبدي ردة فعل ولكنه سرعان ما قام واحتضنها وهو يقول بصوت عالي وانا كمان بحبك اوي ياروحي مش متخيله انا مبسوط قد ايه بكلمك
كل هذا كانت ضي مصدومه وغير مدركه ماذا يقول ولماذا فعل هذا لكنه سرعان ما إبتعد عنها ونظر الي الباب
أميربصوت خافت =اسف بس هو كان واقف قدام الباب ولو كان حس انك قولتي حاجه ممكن يحاول يأذيكي
نظرت ضي له ببتسامه
أمير =انا هاخرج اتصل علي علي اطمن علي مايا ولقوها ولا لأ
ضي بصدمه =لقوها ازاي هي حصلها ايه
بدء أمير يقص عليها كل ما حدث
#######################
زحف بدر بتجاه مايا التي كان فوقها ذلك الحقي*ر أسر وحاول إبعاده عنها ولكنه فقد وعيه تماما
وهنا دخل علي ومعه قوات الأمن اسرع علي عندما رأي مايا وأبعد عنها أسر ولكنه وجد ملابسها مليئه بالد*م ولا تتحرك فنادي بصوت عالي
علي =اسعاااااااف
واقترب من بدر الذي كان وجهه مغطي بالد*م
علي =اجمد يا بدر .....هاتكون بخير
بعد مرور عدة ساعات في أحد المستشفيات
كان علي يجلس أمام سرير بدر وينتظر أن يستعيد وعيه
ولكن دخلت ممرضه وهي تخبره أن الضابط ينتظره بالخارج خرج علي
علي =حسام باشا تعبينك معانا
حسام=متقولش كده ....بس اهم حاجه مايا تكون بخير هي وبدر
علي=لسه في العنايه المركزه للأسف....اما بدر فاكلها ساعات ويفوق
حسام=هاتكون بخير إنشاء الله بس قولي مين قالك اني هنا في اسكندريه
FLASH Back
علي =انت اتجننت ......انت فاكرني هاسيبك لوحدك يا بدر
بدر =لا انت هاتعمل الأهم
علي =اللي هو ايه
بدر =هاتروح القسم وتسأل علي ظابط اسمو حسام الهواري
علي =انت تعرف حسام الهواري ؟
بدر=ايوا صديقي .... وهو هايخلص كل حاجه واصلا في بلاغ اختطاف اللي اتعمل الصبح من السواق
علي = تمام بس اوعي يحصلك حاجه
بدر=متخفش....احنا جامدين اوي
ضحك علي وترك بدر ورحل
Back
حسام =علي العموم القضيه مقفوله وهو كده كده هايفوق قريب لأن الممرضين قالوا ان هو كويس
وهنا سامعوا صوت من الغرفه فدخل علي ليجد بدر قد استيقظ ويحاول أن يتحرك ولكن رأسه تؤلمه وبدء بدر الحديث
بدر=علي ...... مايا......مايا يا علي هي ايه اللي حصلها
علي =هي كويسه مش تخاف
بدء بدر في تذكر ما حدث والطل*قه
بدر=هي اتصابت......رد هي اتصابت
علي =هي كويسه يا بدر اهدي علي الجر*ح اللي في رأسك
بدر وهو يقوم من علي السرير ولكنه كاد أن يسقط فاقترب علي منه وجعله يستند عليه
علي=بدر بكل تهور واهدي هي بخير مفيش حاجه صبتها
بدر=عايز أشوفها واطمن بنفسي
########################
عند ضي التي عندما علمت ما حدث لصديقتها أصرت ان تسافر للإطمئنان عليها ولكن أمير أخبرها أنها الآن مريضه وان الأطباء لن يسمحوا لها بالخروج
ضي بدموع=طيب اتصل طمني عليها
امير=طب بتعيطي ليه دلوقتي؟....إن شاء الله هاتكون بخير
ومسح دموعها بيده واكمل =دموعك مش عايز اشوفها انتي اهلكتي منها كتير مش هاتسيبي منهم شويه لموتي
ضي =بعد الشر عليك ايه اللي انت بتقولوا ده
أمير وقد شعر بسعاده كبيره =ده شكل في ناس يتخاف عليا بقا
ضي بخجل=لا بس انت انقذت حياتي اكتر من مره وبالتالي محبش يحصلك حاجه
أمير فهم انها بدأت تميل له وهذا ما يهمه ولكنه سرعان ما امسك الهاتف واتصل ب علي ولكن علي لم يجيب
ضي=تفتكر في حاجه وحشه حصلت
أمير =لا يمكن مشغول أو حاجه وهايتصل مش تخافي المهم ....في شوية كلام كده انتي قولتيهم قدام سامر عني
ضي=انا !
أمير =ايوا قولتي اني شخص يتبكي عليه العمر مش كده بردوا
ضي احمرت خجلا ونظرت الجهه الأخرى
أمير وهو يمسك وجهها ويديره إليه =لا دي مش طماطم يا ربي دي فراوله
ضي=أمير....بطل بقا
أمير =طب لو مش بطلت هاتعملي ايه يعني
#####################
اتجه بدر وعلي الي غرفة العنايه التي كانت بها مايا ونظر بدر من الباب ليجدها نائمه كالملاك ملامحها هادئه الي حد كبير متصل به العديد من أجهزة التنفس ورسم القلب وغيرها
شعر بنغزه في قلبه لماذا هي ؟....لماذا تعاني بهذا القدر ؟......ماذا فعلت لتستحق هذا؟
بدر بألم =الرصا*صه جات فيها صح
علي =لا
بدر =امال ايه كمية الاجهزه دي ....هي حصلها ايه ....هو...هو عمل فيها حاجه ....انطق يا علي
علي =يا ابني اهدي .... محصلهاش حاجه الط*لقه اصلا جات فيه لكن في مكان مش خطر بس هي متلجه ومش بتتنفس وفي الاسعاف تم إنعاش قلبها اكتر من مره للأسف المره دي النوبات اللي بتجي المره دي كانت شديد وأدت لأزمة قلبيه ولما وصلنا المستشفي الدكتور قال انها كويسه وانها دخلت العنايه تحت المراقبه علشان استقرار حالة القلب
بدر = الحمد لله...... انا افتكرت انها حصلها حاجه وانك مخبي
علي =وهاخبي ليه ؟....مايا زي اختي الصغيره وكنت خايف عليها فوق ما تتخيل والحمد لله انها بخير وفي خلال ساعات هاتكون فاقت
بدر=ضي عامله ايه ؟
علي =تصدق تليفوني في العربيه وزمان أمير قالب الدنيا
بدر=طب روح يلا اتصل اطمن منو علي وطمنوا علي مايا
تحرك علي وترك بدر الذي تسلل الي غرفة العنايه الفائقه
########################
عند ضي التي استسلمت للنوم مره اخري وكان أمير يجلس أمامها وهو ينظر لها في صمت
ولكن قاطع الصمت رنين الهاتف فأخذه وخرج بسرعه حتي لا تستيقظ
أمير = كنت فين يا ز*فت ومش بترد عليا ليه؟
علي =ما براحه يا عم ....
وبدء يروي له كل ما حدث
أمير = اهم حاجه انتوا كويسين
علي=ايوا مش تخاف ونام كويس بكره يومنا طويل وعندنا حسابات لازم نقفلها كلها
أمير =كل اللي غلط هايدفع التمن غالي اوي يا علي
علي=طبعا يا صاحبي
أغلق أمير الهاتف ودخل الي الغرفه وطلب أحد الممرضات
الممرضه =حضرتك عايز حاجه ؟
أمير = مخدر
الممرضه بتعحب =ليه ؟.....ثم إن ده مش مسموح من غير الدكتور ما يقول
أمير =انا عايز أتأكد انها هاتفضل نايمه لحد بكره الصبح
الممرضه= وده ليه حضرتك ؟
أمير بتوتر=عندنا طريق سفر طويل وهي تعبانه ومش حابب تتألم بسبب التعب والطريق
الممرضه =هاكلم الدكتور لحضرتك
#########################
في غرفة العناية الفائقه حيث وقف بدر امام سرير مايا
بدر =كنت فاكر اني لما افوق هاتكوني واقفه قدامي وبتقوليلي ابعد عني علشان مش تتأذي وانا طبعا كنت هاتوجع من بعدي عنك لكن مكنتش عارف انك مجهازلي اللي بيوجع اكتر بكتير شكلك ده بيهدني من جوا مش بيوجع بس فياريت تقومي وتبطلي هزار لأن هزارك بقا تقيل يا مايا
وبدأت عينيه تترغرغ بالدموع وركع علي ركبته بجانب السرير وامسك يدها
بدر بدموع=يلا قومي مش توجعي قلبي عليكي يلا بقا ......كفايه هزار من التقيل ده والله قلقت واتوجعت عليكي يلا
لكن شعر بيد أحد توضع علي كتفه
علي =مش قولتلك اجمد وهي هاتبقا بخير اما انت بتعيط كده امال هي تعمل ايه....... بدر انا عارف شعورك وعارف قد ايه صعب يكون قدامك شخص انت بتحبوا ومش قادر تساعدوا
بدر نظر له =مش قادر يا علي ...... انا عمري ما اتعلقت بحد ولا حبيت حد قبل كده اول مره يحصلي كده من يوم ما شوفت مايا وانا مبقتش انا الشاب الجامد اللي مش هاموا حاجه اللي يفوت في الحديد انهارده بقيت ضعيف قدامها وقدام اي حاجه تخصها وبالأخص لو حسيت اني هاخسرها
علي =عارف و حاسس بكل اللي انت بتقولوا ......اصلي مجرب.
بدر بتعجب =مجرب!
علي بألم =بين السطور في حاجات كتير مش بتتحكي وحاجات كتير مش بتتسمع وما بين ده وده الألم عمروا ما يتنسي
بدر فهم أن علي لديه ما يخفيه لديه الكثير من الألم والذكريات التي لا نعرف عنها شئ
علي = يلا قوم علشان ترتاح....بكره يوم طويل
تحرك بدر مع علي خارج الغرف وذهبوا لغرفة بدر حيث ارتاح بدر علي السرير وجلس علي الكرسي يحكي لبدر ما حدث عند أمير وضي
########################
مر الليل علي ابطالنا بصعوبه
في الصباح الباكر كانت ضي نائمه وبدأت تفتح عيونها لتجد نفسها في غرفتها وسمعت صوت طرقات علي الباب
ضي =مين؟
أمير =انا يا نور حياتي
فتح الباب ودخل الي غرفه وبيده فستان ابيض طويل
ضي =ايه ده
أمير =فستانك يا ضي ...... هو في عروسه من غير فستان
ضي=عروسه ايه برأسي وايدي دول بس .....ثم مايا عامله ايه؟...وانا جيت هنا ازاي ؟
أمير =ايه ....دي كلها اسئلة براحه عليا .....اولا ايوا عروسة وزي القمر كمان ....ثانيا مايا فاقت الصبح وبقت كويسه وخرجت من العنايه ......ثالثا بقا جيتي هنا عن طريق دهري المسكين اللي وجعني ده
ضي =انا خفيفه عالفكره......يعني المشكله في دهرك انت
ضحك أمير =طبعا طبعا ....امال ..... المهم قومي يلا علشان تجهزي لأن اليوم طويل
ضي =مش ملاحظ انك متسرع وعايز كل حاجه بسرعه
أمير =خالص...... انا بلحقك قبل ما تغيري رأيك بس مش اكتر اصلي عارفك موسوسه
ضي بغضب=أنا
أمير =ايوا انتي هههههههههه
وضحك بصوت عالي علي شكلها وهي غاضبه وتنظر له بغضب طفولي
أمير =تعرفي انك بتكوني احلي لما تتعصبي
احمرت خجلا ورمت الوساده علي وجهه
ضي=انت عديم التربيه
أمير =حصل جدا.......وساعات بكون قمة في عدم التربيه وخصوصا مع اللي بحبها
اقترب أمير منها وهي تبعتد وتكاد تفقد الوعي من الخجل
أمير = فراوله هانم
فتحت ضي عيونها لتجده يقف عند الباب ويخرج
ضي=قليل الادب
أمير ببرود=جدا قولتلك
وخرج وأغلق الباب
نظرت ضي للفستان الذي كان في غاية البساطة والرقي وكأنه صمم لها خصيصا
#########################
عند بدر حيث كان يقف أمام سرير مايا التي بدأت تفتح عينيها
مايا بتعب =بدر ..... انت بخير
بدر بسعاده=بخير جدا جدا.....ياقلب بدر
مايا =مالك يا بدر فرحان زياده
بدر =طبعا مش انهارده فرحي لازم اكون فرحان
مايا =فرحك
بدر =ايوا....هو انا مقولتلكيش......يعني انا مقولتلكيش
مايا بغضب=لا مش قولتلي
بدر =يقطعني......اصلي هاتجوزك انهارده
مايا =انت اتجننت صح .....الخبطه اثرت علي رأسك مش كده
بدر=ده انا عقلت.....ثم لازم الحق قبل ما تغيري رأيك وتخشي في كوما ولا حاجه
مايا =بدر انت حصلك ايه
حملها بدر من السرير وبدء يدور بها
بدر بسعاده=بحبك ..... حصلي اني بحبك ومش هأجل وجودك في حياتي دقيقه زياده
مايا =انت بتتكلم بجد
بدر =اكيد مش بهزر ..... انا حاليا لازم اخدك ونروح القاهره علشان تلحقي تقيسي الفستان قبل الحفله
مايا =حفله وفستان....لا ده انت لاسعت نزلني
بدر =انزلك فين ....انا ما صدقت يلا ورانا شغل يلا
واخذها وخرج من الغرفه وهي تضحك من افعاله المجنونه وخرج من المستشفي ليجد علي ينتظره في السياره
علي =يلا معشوق النساء اركب وركب الأميره
بدر=بطل غتاته....ابوشكلك عيل تنح .....اتنيل سوق وانت ساكت
#########################
مر اليوم كله والجميع منشغل في التحضير لزواج ضي وأمير ومايا وبدر
كان أمير يقف أمام المرأه وهو يعدل البدله السوداء التي يرتديها
أمير =شياكه صح
علي =جدا الصراحه باين عليك إنسان محترم
أمير =انت مش لبست بدله ليه؟
علي =بص انا هاحضر كده
أمير =لا هاتلبس بدله وانا مجهزها كمان
علي =أمير مش حابب البس بدله انهارده
أمير =مش يمكن لما تشوف البدله تعجبك.....ثم فين السلسله والخاتم اللي قولتلك توصي عليهم لضي
علي =فكرتني هاروح استلمهم من عند المحل
أمير =البس البدله اللي في الدولاب الاول
اتجه علي الي الدولاب وفتحه ليجد بدله بلون الابيض وفي قمة الجمال و لكن عند ياقة البدله يوجد دبدوس بالون الذهبي يحمل حرف M نظر علي الي أمير ببتسامه ألم ولكن أمير حرك رأسه بإيجاب وهو يقول
أمير =هو انت تعلم مش يمكن تيجي....أو يمكن تسامح
علي =تفتكر؟
أمير =ومفتكرش ليه ..... اللي بيحب بيسامح وانت اتغيرت ومبقتش علي بتاع زمان
علي =بس هي متعرفش ..... هي مش هتسامح يا أمير
أمير =سيبها للزمن وهو يحدد.... ويلا البس علشان تلحق تجيب السلسله
وهنا قاطعهم دخول بدر الذي كان يرتدي بدله باللون الأزرق الفاتح لتتناسب مع فستان مايا
بدر =ايه يا جماعه مش هانتجوز ولا ايه ....وانت يا مش لبست ليه انت كمان
أمير =انا عارف انت هاتموت وتتجوز عارف والله بس اهدي ده لسه في خطه وشغل كبير اوي يا خال
بدر =طب ننجز وقت ....وانت ياعم الحزين البس وانت يا عريس تعالي نشوف البنات
##########################
في غرفة ضي حيث وقفت بفستانها الابيض وحجابها الرقيق وبعض من الميك آب الخفيف علي وجهها يبرز جمال ملامحها وخلفها كانت مايا بفستان ازرق فاتح وشعرها الكيرلي الجذاب وميك اب حاد يبرز حدة ملامحها
ضي =طالعه جميله مشاء الله عليكي يا روحي
مايا =مش اجمل مش ضي القمر اللي القدامي
ضي=بدر بيحبك اوي يا مايا
مايا =عارفه يا ضي ..... بس مش اكتر من أمير
لأنو بيحبك اوي ومتمسك بيكي تحت أي ظروف
ضي =مش عارفه .....يمكن
مايا=يمكن ....انا شكلي هاتغبي عليكي
قاطع حديثهم دخول أمير وبدر
بدر فتح فمه وهو متعجب =بسم الله مشاء الله ايه الجمال ده
أما أمير فكان في عالم آخر لقد كانت تشبه الاميره حقا
ضي=أمير انت مالك ساكت ليه؟.....هو مش حلو؟
أمير وعيونه بدأت تترغرغ بالدموع =ده احلي بكتير مما اتصورت انا
ضي خجلت كثيرا =انت اللي طالع حلو في الاسود ....اقدر اقولك ان الأسود يليق بك
#########################
عند علي الذي خرج من عند الصائغ ومعه قلاده ذهيبه علي شكل كوكب الأرض وحوله مدار فيه قمر والخاتم نفس الشكل وبدء ينظر لهم هو يتذكر الماضي
FLASH Back
من ٨ سنوات كان علي شخص مختلف تماما فكان الخمر له ملاذ والوجود مع النساء اسلوب حياة ولكن كان هناك نقطه مضيئة في حياته وهي صديقة طفولته ميرا تلك الفتاه التي طالما كانت بجانبه في كل وقت رغم كل عاداته السيئة
وفي يوم ميلادها والتي كانت تقيمه في حديقه مفتوحه وكانت ترتدي فستان اسود طويل عاري الاكتاف
ونظرت للقمر الذي كان مكتمل في هذه الليله وابتسمت لجماله وقالت في نفسها اتمني ان حلمي يتحقق وانو يكون بيشوفني زي ما انا بشوفوا ورفعت هاتفها لتتصل بعلي
ميرا=انت مجتش لحد دلوقتي ليه يا علي
علي بغضب =جاي جاي
كان علي يشرب الخمر في أحد الملاهي الليليه وخرج وهو لا يري أمامه وذهب الي الحفله وعندما دخل وجدها وحيده فهي كانت تريد أن تكون الحفله لهم فقط
ميرا=أخير جيت ...... بس انت مالك مش قادر تقف ليه ؟
علي وهو ينظر لها برغبه=ايه الحلوه دي ياقطه
ميرا بإنزعاج= علي انت بتتكلم كده ليه؟
علي =ايه ....بتكلم حلو اهو بس ايه الصاروخ ده
ميرا و قد فهمت إنه ليس بوعيه= علي انت شارب صح ..... ليه كده ..... ليه في يوم زي ده انا جهزت كل حاجه علشان ....علشان
وبدأت عينيها تدمع
علي =علشان ايه انطقي ؟
ميرا =علشان اقولك قد ايه انت شخص غالي عليا وقد ايه انا بحبك
اقترب منها علي وهو يضحك وامس*ك شعرها بقوه فصر*خت
علي بسكر=وانا لما احب هاحبك انتي ...... ليه مش بشوف مثلا ....اوعي تكوني فاكره نفسك حلوه انا بشوفك زيك زي اي بدله في حياتي اقلعها وقت ما اعوز وألبسها وقت ما اعوز فاهمه
بكت ميرا وابعدت يده عن شعرها وهي تقول
ميرا =انت حيو*ان...وعمرك ما هاتكون إنسان ابدا وانااللي غلطانه اني حبيت إنسان مش قادر يحب نفسوا علشان يحبني
وصفعته بقوه علي وجهه =انا فضلت احبك من واحنا اطفال كنت بالنسبالي الصديق والحبيب بس فعلا كنت مغفله واوعدك انك عمرك ما هتشوفني تاني يا علي
وتركته ورحلت
ومنذ ذلك اليوم لم يقابل علي ميرا ابدا ولو عن طريق الصدفة حتي ذهب لها يوم طلب منه أمير
Back
علي =انا كنت علي ومقدرتش وجودك ولا حبك كنتي بس عايزه حد يقدر قد ايه انتي طيبه وجميله
وبدء يتحرك بتجاه القاعه المقام بها الفرح
#########################
في القاعه حيث دخل بدر وامير وكل منهم ينتظر عروسه لتأتي وهنا دخل والد مايا الذي دعاه بدر
واشار بدر الباب الذي ستخرج منه ضي ومايا
وفتح الباب وخرج والد ضي يمسك بالفتاتين ولكن ما ان رأت مايا والدها حتي اقتربت منه واحتضنته
وامسك بها دون كلام واتجه نحو بدر وضي تسير مع والدها بتجاه أمير
امير=عن اذنك ياعمي هاخد شي حياتي علشان نكتب الكتاب
بدر =طبعا انا هاخد أميرتي علشان تكون علي اسمي للأبد
واتجهو الي طاولة كبيره كان يتواسطها المأذون والذي بدء بمراسم كتب الكتاب
ولكن توقفت المراسم بدخول عامر الذي رفعه مسدس بتجاه ضي وهو يقول
عامر=انتي السبب في كل حاجه ايوا انتي السبب وانا لازم انتقم منك
وأطلق رصاصه
روان مسلم السيد
•تابع الفصل التالي "رواية تحت ضي القمر" اضغط على اسم الرواية