رواية الي الطريق المدي البعيد الهادي كاملة بقلم بسنت عبد القارد عبر مدونة دليل الروايات
رواية الي الطريق المدي البعيد الهادي الفصل التاسع 9
كُلِّ شَخْصٍ يَخْتَار جَحِيمُه الْخَاصّ ، ذَلِك الْجَحِيم الَّذِي يَجِدُ نَفْسَهُ فِيهِ أَكْثَرُ رَاحَةٌ و قَلْبِك لَمْ يَتَعَلَّمْ أَنْ يَشْعُرَ ، وَلَا أَنْ يَعِيشَ فِي شُعُورُه ، إلّا فِي حَالَةِ وَاحِدَةٍ ، تَحْوِيل نَفْسِهِ إلَى جَحِيم و الْجَحِيم لَا يَقُلْ دَقَّه عَن مَحْضَر جلسة"
بعد ان اخبرت ماسه موافقتها علي الزواج من نوح
ذهبت الي المنزل و كانت العائله مجتمعه يشاهدون المسرحيه كما وعدوا تامر
قالت ماسه لهم :
هدخل اخد شور و البس و اجي اقعد معاكم
دخلت الي حمام لكي تأخذ حماماً دافئ ، بدأت تبكي و انهارت من البكاء هذا ما كانت تتمني كانت تتمني زوج يحبها و تحبه و لكن نوح كسر كل هذه الاحلام كانت تحبه أصبحت تكره و لن تسمحه مهما طال الزمن و سوف تنتقم منه أشد الانتقام خرجت و ارتدت ملابسها و بعد ان انتهت المسرحيه قالت لهم :
انا هدخل انام عشان الحضانه تصبحوا علي خير
في صباح اليوم التالي :
اجتمع أهل ماسه علي الفطور بعد أن ساعد تامر خديجه في تجهيزات الفطور قالت خديجه بحب :
حبيبي يا تامر تسلم ايدك
أجاب تامر بحب :
العفو يا ماما ديجه
قال له رامي :
إيه رأيك يا تامر نخرج و نتفسح و أعرفك علي اصحابي ؟!
قال تامر بفرحة:
أكيد طبعاً شكراً يا رامي يا حبيبي
كانت ماسه لم تكن معهم بالمره و لم تأكل
سألها عامر بقلق:
مالك يا حبيبتي مش بتكلي ليه ؟
قال تامر بقلق أيضاً :
في حاجه مضايقكي يا ماسي؟
أجابت ماسه بأبتسامة مصتنعة :
مفيش بس أنا هتأخر علي الحضانه هقوم أروح بقي ، باي يا حبيبي
ودعت اهلها ثم ركبت سيارتها و توجهت الي الحضانه
في الحضانه :
دخلت ماسه الحضانه مبكراً و كانت تشرب المشروب الساخن المفضل لديها كانت كل من وهج و فيروزه لم يأتوا بعد كانت تفكر كيف ستخبر صديقتها كل من وهج و فيروزه و ما هو رد فعلهم أسأله كثيرة و لكن لم يكن لها جواب دعت الله ان يمر هذا الموضوع مرور الكرام وصلت وهج و فيروزه الي الحضانه ثم صفت سيارتها و الكل كان يستقبلها بترحاب شديد و كانت ماسه لازال علي وضعها حتي وصلت فيروزه و وهج قالت فيروزه بفرح :
و أخيراً الحضانه نورت بيكي يا ماسي
قال وهج بحب :
نورتي حضانتك يا حبيبتي
قالت ماسه بحب :
بحبكم أنتم الاتنين بس في موضوع مهم لازم احكهلكم و نكلم فيه تعالوا علي المكتب وهج
نظر كل من فيروزه و وهج لبعضهم لبعض ثم تابعوا ماسه و دخلوا الي مكتب و اغلقوا الباب قالت فيروزه بقلق :
ماسه انتي كويسه ؟!
لم ترد عليها ماسه زاد قلق كل من ماسه و وهج ثم سألتها وهج هذه المره بقلق و خوف :
ماسه حصل حاجه سكته ليه ؟!
وقفت ماسه امام كل من فيروزه و وهج و قالت ببرود خالي من المشاعر:
نوح العوامري طلبني للجواز و انا وفقت
قالت فيروزه و وهج في نفس الوقت :
نعم!!؟
في مكتب نوح
ففي صباح دخل نوح شركته و علي وجه ابتسامه انتصار و ها هو حقق مراده و هو ان ماسه ستصبح خاصته ، خاضعته و له وحده فقط رفع نوح الهاتف و طلب من السكرتارية ان تجعل كادر يأتي الي مكتبه للامر هام و كذلك قام نوح بمهاتفه زين حتي يأتي هو ايضا جاء كادر اولا و قال بملل :
خير يا نوح في ايه ؟!
أجاب نوح ببرود :
لم زين يوصل هقولك
بعد حوالي نصف ساعه وصل قال زين الي نوح :
في ايه الضروري الي عايزنا في يا نوح ؟!
وقف امام كل من زين و كادر و قال ببرود:
انا عرضت علي ماسه الجواز و هي وققت و هتجوزها قريب
هدر الاتنين في نفس ذات الوقت :
احااا !! نعم يا خويا !!؟؟
في حضانه :
قالت وهج بأنفعال:
إنتي بتقولي إيه إنتي اتجننتي تتجوزي مين؟! تتجوزي نوح العوامري إزاي لا بجد إزاي بعد كل إلي حصل ده ؟!
قال فيروزه بحزن:
ليه يا ماسه كده نوح ده مجرم و إنسان مش سوي تتجوزيه ليه ؟!
قالت ماسه ببرود:
ماله نوح اتجوزه و أبقي جنب فارس
قالت وهج بأنفعال:
إنتي هبله و لا إيه هو ده سبب لجواز ، ماسه هو نوح هددك صح ؟؛
شهقت فيروزه و قالت بغضب :
إيه هددك ؟! هددك بي إيه قولي عشان نساعدك الرائد زين هيساعدك و جدو شعيب هيقفلوا
قال ماسه ببرود:
اتهددت متهددتش أنا هتجوز نوح خلاص أنا وفقت
قالت وهج بأنفعال:
هددك بينا ، هددك بأهلك طب هددك بتامر ؟ ما أنا متأكده أنه استحاله توفقي كده بسهوله
قالت فيروزه بغضب :
لو هددك هنقفله
أجابت عليهم ماسه قبل ان تغادر المكتب :
خلاص فات الأوان أنا هبقي حرم نوح العوامري و هتتكتب البدايه الجحيم الأبدي ،جحيم نوح العوامري .
في مكتب نوح :
قال زين بأنفعال:
أنت بتقول إيه استحالة ماسه توافق كده أنت هددتها بي إيه بعيلتها، بصحابها و لا بتامر ؟ هددتها بمين بظبط عشان توافق كده أنت شخص مختل لازم يروح يتعالج أنت بتعمل كده ليه أنت مكنتش كده وصلت لتهديد أنا حاسس أني بعرفك للاول مره و يا تري يا نوح عملت إيه تاني شكلك كل طريقك شمال و لو اتأكدت أن ماسه متهدده قسما بالله لهوريك وش زين الشيمي علي اصله
ثم ذهب و تركهم و اغلق باب المكتب بعنف
ثم قال له نوح ببرود الي كادر :
مش عايز تقول حاجه تانيه انت كمان ؟
نظر له كادر نظره مليئه بخيبه الامل و القهر علي ما وصل له صديقه و قال بشجن :
أنا مش عارف أقولك إيه غير أنك بجد بقيت أخاف منك ، اه بخاف منك و خايف عليك ، انت مش نوح إلي كان صاحب عمري مش كل الستات خاينين مش كل الستات رودينا أنت اخترت غلط مش معني كده أنك تنتقم من أي ست و لما ماسه اتحدتك زي ما بتقول ما ممكن يحصل عادي ممكن يحصل معايا أنا شخصياً هقولها عادي و مش هحط الموضوع في دماغي
ثم اقترب من نوح و قال بخيبة أمل:
لكن أنت ، أنت معقد من الستات و أي ست تتحداك ، تقف قصادك أو متتوهمش بيك و تبقي تحت رجلك زي ماسه إلي يمكن أول واحده أصلا تعمل فيك كده و من غير قصد كمان بتدمرها، هتدمر حياه ماسه خلتها توافق تحت تهديد شابوو ليك يا نوح للاني متأكد أنها مش هتوافق بكامل ارادتها عارف ليه؟ عشان عارفه أنك متتقبلش و أنا و زين متأكدين أنك ضغطت عليها عشان توافق طلبت الحمايه من زين في المستشفي زين مش هيسكت لك أنا ، أنا فاض بيا منك يا صاحبي ألف مبروك بس ياريت متندمش بعد ما تكون عملت حاجات كتير غلط فيها يكون ساعتها الوقت فات ياريت يا صاحبي مشوفكش في الموقف ده
ثم غادر كادر و اغلق باب المكتب بهدود مستفز و هو يسمع صوت نوح يصرخ و يزئر مثل زئير الاسد و لان تركه وحده و لم يبالي لقد طفح الكيل و فات الاوان بعد ان دمر نوح المكتب تماما قام بالمغادره و قام بمهاتقه مهندس الديكور الخاص به لتجهيز المكتب ثم استقل سيارته مع اسطول حراسه مشدد
في قصر العوامري :
دخل نوح بطالته البهيه و هو علي وجه إبتسامة لها عده معاني مختلفه هم :
ابتسامه تسليه
ابتسامه انتصار
ابتسامه انتقام
ابتسامه شيطانيه مخيفه
وجد العائله مجتمعه قال لهم و هو لا يزال علي وجه هذه الابتسامه :
عائلتي الغاليه ياريت نتجمع في اوضه ال Livining الي في Hole عشان عايزكم في موضوع مهم جدا
ثم ذهب و تركهم في دهشه قال قادر الي والده بقلق :
هيكون عايزنا في ايه يا بابا ؟!
أجاب شعيب في حيره :
مش عارف بس قلبي مش مطمن
قالت نيره بدهشة :
نوح عمره ما جماعنا اكيد في كارثه او حاجه حصلت
قالت نرجس موجها الكلام للجميع :
معكي حق نيره ، معكم حق ربنا يستر
ثم ذهب الجميع الي غرفه وجدوا نوح يجلس بستمتاع رهيب مما جعلهم يبدأ الشك بداخلهم يزداد اكثر
قال نوح بمرح :
وقفين ليه البيت بيتكم
جلس الجميع ثم قال الجد بصرامه :
في ايه يا نوح ايه سبب أنك تجمعنا كده في حاجه حصلت ؟
وقف نوح امامهم علي ما يقرب من دقيقتين يلعب بأعصابهم حتي رد عليهم اخيرا :
أنا قررت اتجوز
قال الجميع في صوت واحد :
نعم !!؟؟
في خاطر نيره كانت تعتقد انه لم يقل انه سيتزوج ماسه من الممكن انه يقصد ان يتزوجها هي ، قال الجد بسخريه :
مين بقي سعيده الحظ ؟
قال نوح بهدوء ما قبل العاصفه :
انا قررت اتجوز ماسه و هي وافقت و هنروح نتقدم لها بعد ما تفاتح عليتها في الموضوع
هب و وقف الجميع و قالوا بصوت عالي هز اركان القصر و قالوا :
نعم !!؟؟
رد عليهم نوح بهدوء مستفز :
هو أنا كل لما هقول حاجه هتقولولي نعم في إيه يا جماعه بظبط بقول هتجوز ماسه
قال الجد بأنفعال:
ده إزاي يعني ديه بتكرهك ديه تتطييق العمي ولا أنها تبقي معاك عملت إيه عشان توافق تتجوزك ؟؛
قال نوح بهيام مصطنع :
في إيه يا حج شعيب كلمك معايا أنا و كادر و زين أثر فيا و إلي عملته مع تامر ابن الزيني خلاني أحس أن ديه إلي عايز أكمل معاها و تبقي أم عيالي
_____________________________
لحظه الشياطان يريد ان يوجه كلمه الي نوح :
احسنت هايل هايل تربيتي يابني تمرت فيك
______________________________
عوده الي الروايه :
هدر قادر بأنفعال:
يعني إيه يعني مش مكفيك أول جوازه من بره العيله و كانت عيله و شوف عملت فيك إيه اوعي تكون صدقت حوار تامر و الفيلم الهندي و أنها اتنزلت من غير مقابل لا يا حبيبي ديه لعبه عليك يا سي نوح عشان تبان ملاك بجناحات عشان تتجوزها و..
كاد ان يكمل قادر كلامه و لكن صفعه الحد شعيب و شهقت كل من نيره و نرجس قال الجد بأنفعال:
أنت إيه يا أخي في هو أنت فاكر الناس زيك مش بني ادمين مفيش في مخهم غير الفلوس
ثم وجه الاكلام الي نوح بأنفعال و غضب جحيمي :
أنا مش مصدق أنا عارف أنك عملت حاجه عشان توافق بس يمين بالله لو طلع ده صح لغضب عليك ليوم الدين يا نوح يا ابن راجح سامع !!
انفعلت نرجس و قالت بغضب :
و مالها نيره بنتي بتحبك و بتعشقك عمرك ما بصتلها متجوزهاش ليه ؟!
رد نوح اخيرا موجه الكلام لكل شخص بعد ان تركهم يقولوا ما في قلوبهم :
قادر يا عمي يا محترم أنا سبق و حذرتك إني مش عايز يجي اليوم إلي أنسي فيه أنك عمي و القاربه و صله الدم و معملكش حساب متعيرنيش عشان البيته من ازاز ميحدفش الناس بالطوب و أنا تكه كمان و لساني هيفلت و مش عارف ساعتها المه فا اتقيني فاهم يا عامر بيه و لا افسر اكتر ؟
بعد كلام نوح شحب وجه عامر شحب الموته كأنه رأي شيطان وليس ابن اخيه ثم وجه نوح الكلام الي نرجس و قال بسخريه :
مين ديه الي بتحبني ؟ بنتك ؟ بنتك ديه كانت هتموت واحده عشان خاطر حاجه كانت وهم في دماغها ، تحبني و مهوسه بيا و عايزة تمتلكني فتموتلي أي حاجه مؤنثه تعدي من جنبي تجبلي مصيبه كل شويه بعدين هي مين ديه إلي بتحبني؟ هي مش بتحبني إنتي الي فضلتي تفهميها من و هي عيله أن نوح ده حقك ، حق إيه يا ام حق ، أنا محدش له حق عليا غير إلي خلقني و الحج شعيب
ثم وجه كلامه مره ثانيه الي قادر الذي كان يريد ان يفر هارب من هذا الوحش الكاسر :
و يا عامر يا شعيب يا عوامري لو جبت سيره الخاينه ديه تاني في البيت ده و لا جبت سيره ماسه مراتي المستقبلية علي لسانك بكلمه معجبتنيش مش هيحصل طيب أمين يا عمي اللهم بلغت اللهم فأشهد
صرخت نيره بجنون :
لا يا نوح مش بعد كل ده أنا بحبك و الله ما حبيت غيرك أنا كله يتمني إني ابص بس عشان ينولوا رضايا بس أنا والله ما حبيت في حياتي غيرك أنا بغير عليك عشان بحبك هي مش بتحبك ديه بتكرهك لكن أنا بعشقك بتنفسك و هبقي تحت طوعك مش هعمل حاجه تضايقك أرجوك يا نوح أنا مش عايزه حد غيرك
ضحك نوح بصوت عالي ساخر و قال:
قولي بتحبي شكل نوح العوامري وشه، عينيه،طوله،جسمه الرياضي، شعره ،طريقه لبسه، تقله، كواريزمته ، قولي بتحبي وضع نوح العوامري المادي و شركات نوح العوامري
قولي بتحبي هيبه و سلطه نوح العوامري قولي بتحبي قوه نوح العوامري قولي أنك بتحلمي أنك تبقي حرم نوح العوامري و عشان تتفشخري قدام الناس أنك مراتي و تتعالي و تتكبري براحتك وعشان تخلفي مني و طبعاً عايزه البيبي يبقي ولد عشان يورثني ، لكن نوح العوامري بس من غير حاجه دول ده لا عشم ابليس في الجنه و لو إنتي أخر واحده في الدنيا مش هتجوزك عشان إنتي لا تنفعي زوجه ولا امغ ده إنتي ابني بتعمليه زي الزفت و بتقولي بتحبيني ، ده الدنيا فيها عحب
قالت نيره بجنون :
والله لو اتجوزتها لا اقتلهالك يا نوح ليها حق رودينا لما كلمتني و قالتلي هتيجي الملكه الي هتنور هشوهلك عشان تقرف تبص في خلقتها
جاء نوح امامها ثم صفعه بقوه نزف فمها و امسكاها من شعرها :
أبقي قربي منها بس و أنا هوريكي هعمل إيه فيكي و هي هتعيش هنا و كاميرات البيت في كل حته و تسجيلات و هكل من الطبق بتاعها و اشرب من كوبيتها و كل حاجه و هحط عليها اسطول حراسه ادي مرتين إنتي سامعه ولا
قال قادر بغضب يخلص ابنته من قبضه نوح :
انت اتجننت ؟!
اجاب نوح بغضب :
لا بنتك إلي اتجننت
و كان الحج شعيب يشاهد هذه الحرب و هو صامت و لم يعلق كان يشاهد حفيده نوح الذي كان يراه يكبر امام عيناه و يفتخر بحسن اخلاقه و تفوقه ام الان اصبح شخص غريب عنه اصبح شيطان و ليس نوح ابن قلبه كما دائما يقول له ثم نظر الي عامر ابنه الوحيد الذي كلما شاهده يحس بخيبه امل و قهر قادر ابنه يفعل كل شئ ما حرمها الله من زنا و خمور و ميسر و اختلاس امواله و زواجه من الثعلبه نرجس و يريد ان يزوج ابنته بأي طريقه هو و الحرباء زوجته الي نوح و تنجب منه صبي حتي يضمن كل من نرجس و قادر ان الارث لن يخرج خارج عائله العوامري يضمن اموال والده شعيب و اموال و شركات نوح و هو يعلم علم المعرفه ان عائله قادر لو لم يكن سيحدث كارثه لقتل فارس لفعلوها حتي لا يصبح له وريث إلا إذا تزوج ، امتعض الجد و احس انه يعيش مع اشخاص ليس لهم شئ من الادميه اوغ الخير احس أن القصر جحيم أحس ان حلت لعنه علي القصر بأكمله قال الجد اخيرا بخيبة أمل :
لا حقيقي عانا أول مره أحس أني عمري و لا عمري ما كنت كبير العيله واحد عايز يجوز بنته عشان الفلوس و التانية عايزه تقتل بنت عشان خاطر نوح و الفلوس و ثالث يقولها هوريكي الشيطان نوح لا حقيقي برافو تمام يا نوح اغلط و اغلط كتير و أنت يا قادر و إنتي يا نيره و اه يا نوح الف مبروك و هنيجي معاك و انت بتقدم لماسه ولا هتروح لواحدك ؟!
قال نوح بأعتذار :
أنا اسف يا جدي
قال الجد بسخريه :
أسف علي إيه هو انت دوست علي رجلي تصبحوا علي خير و اه أنا هنام و معايا فارس جنبي احس ان في ملايكه في البيت عقبال لما الملاك التاني تيجي القصر عشان ترد روحي و اصطبح بها كل يوم
ثم تركهم و ذهب الي جناحه ، ركضت نيره الي جناحها و تصرخ بجنون و والدتها تركض ورائها و تحاول ان تهدئ من روعها
ثم ذهب نوح الي جناحه
ينتظر منها مكالمة اليوم او الغد لتفاتح عائلتها في موضوع الزواج
اما قادر اصبح كره لنوح اكبر و اكثر و اقوي من ذي قبل و يكره هذه الفتاه اللعينه حتي زوجته التي كان يعشقها و يحبها محبوبته اصبح يكرها عندما علم انها كانت تتمني ان تزوج راجح و انها كانت تعشقه لانه الافضل في كل شئ و هذا سبب كره للاخيه لم سحزن عليه عندما توفي بل كان يوم ميلاده من جديد.
عادت ماسه الي منزلها ثم ذهبت الي غرفتها ماذا ستفعل كيف ستخبرهم بهذه الكارثه الكبري اخذت تأخد غرفتها ذهابا و ايابا ثم اخذت القرار و قررت ان تخبرهم خرجت و وجد الجميع يجلسون و يشاهدون التلفاز اغلقته و قالت لهم :
يا جماعه انا عايزكم في موضوع مهم
قال جميع :
خير يا ماسي ؟
قالت ببرود:
نوح العوامري طلب ايدي و أنا وفقت و مستني مني ردك يا بابا علي طلبه عشان يجي يتقدم هو و عيلته
قال الجميع بصوت علي في نفس الوقت :
نعم؟؟!!
______________________________
نعم يا ساده انه يوم "نعم" العالمي"
______________________________
عوده الي الروايه
قال عامر بأنفعال:
ماسه إنتي بتقولي إيه نوح مين إلي هتتجوزيه مش فكره بسبب بنت عمه ديه عملت فيكي إيه أنا مش موافق
قالت خديجه بحزن :
عايزه تحرقي قلبي عليكي تتجوزيه و تعيشي وسط ناس بتكرهك ليه يا بنتي كده
قال تامر بحزن :
لا يا ماسي بلاش نوح ده بقي وحش جدا
أجابت عليهم ماسه و عينيها مليئة بالدموع :
أرجوك يا بابا أرجوكي يا ماما انتوا قولتولي هتعوضوني وافقه علي نوح أنا حاسه أنه شريني و هو حتي اهتم بيا أكتر من قربته و فضل جنبي
قال رامي بأنفعال:
يا ماسه إنتي هتبقي عايشه وسط ناس بتكرهك نيره ديه ممكن تموتك
قال تامر مأيد كلام رامي :
رامي معاه حق يا ماسه
قال عامر بهدوء:
ماسه إنتي موافقه بكامل اردتك علي أنك تتجوزي نوح العوامري؟
قالت ماسه بكذب علي ابيها:
ايوا يا بابا
قالت خديجه بأنفعال:
أنت بتقول ايه يا عامر ؟!
قال عامر بهدوء:
أنا مش هقف في طريقها و حلفت إني مش هرفضلها طلب خلاص يا ماسه بلغي نوح إني مستنيه يكلمني عشان يحدد معاد و يجي يتقدم
قالت خديجه ببكاء:
يا عامر بلاش قلبي مش مطمن
أجاب عامر بغضب :
أنا مش هرجع في كلمتي
ثم تركهم و ذهب الي غرفه قالت خديجه الي ماسه :
بلاش يا بنتي بلاش
قالت ماسه و هي تحاول كتم دموعها :
خلاص يا ماما أنا هروح أكلم نوح عشان ابلغه يكلم بابا
ثم دخلت غرفتها تركت خديجه تبكي و رامي و تامر يحاولون تهدئة خديجه قامت ماسه بمهاتفه نوح و قالت ببرود :
أنا كلمت اهلي و وفقه و بابا مستني تكلمه عشان تحدد المعاد سلام .
في جناح نوح :
لقد اغلقت الهاتف في وجهي هذه اللعينه تراكمات وقحتها في ازدياد كل يوم قال نوح بصوت عالي نوعا ما :
هوريكي يا ماسه الكلب
في صباح اليوم التالي :
في منزل ماسه :
في غرفه ماسه :
استيقظت ماسه في فزع رهيب من كثره الكوابيس كانت تري نوح علي هيئه شيطان يقوم بتعذيبها و اهانتها و اشياء كثيره لن تقدر علي تحملها جاء صوت داخلي بداخل ماسة يقول :
اعوذ بالله من الشيطان الرجيم ايه ده هو ممكن يكون هيعمل كده بجد فيا اه مش بعيد ده خلاه سكرتيرة تنتحر مش هيعمل فيا كده
جاء صوت داخلي بداخل ماسة مره اخري :
أنا بحبه ، للاسف بحبه يمكن أقدر اساعده زي ما عملت مع تامر هستحمل و في نفس الوقت هبقي قويه مش هيهزمني يا قاتل يا مقتول في المعركه ديه أن شاء الله حتي أموت بعدها بس يرجع نوح الملاك من تاني الي ياما جدو شعيب حكالي عنه
ذهبت ماسه الي الحمام الموجود بالغرفه اخذت حماما دافئ ثم ادت فروضها و ارتدت ملابسها و هي خائفه من مواجهه كل من بالمنزل خرجت ماسه من غرفتها وجدت الكل علي طاولة الطعام جلست كانت خديجه تنظر لها بحسره و الم و خوف عليها من نوح و عائلته ما يطمأئنها قليلا الجد شعيب اما عامر فبتسم الي ماسه و القي عليها الصباح و نظر لها نظره تدل علي دعمه لها و انه بجانبها و سيفعل اي شئ للارضائها اما تامر فكان خائف علي ماسه من نوح هو ليس بشخص صالح مثل اخيه ايهم السادي اي نعم نوح ليس لديه اي نزعه ساديه و لكن ليس سوي و لم يعد نوح الشخص طيب القلب الحنون الذي كان يري منذ زمن و ايضا هو يريد ماسه لايريد ان يفترق عنها ، نعم اصبح لديه عائله خديجه و عامر حتي رامي عوضه عن كل شيء مال الدنيا لن يعوضه عنهم و لكن ماسه هي كل شئ في حياته اما رامي احس بالسعاده ستتزوج اخته اخيرا و من من؟ نوح العوامري سلطان اقتصاد الشرق الاوسط من اعرق العائلات و هذا يدل علي الرخاء التي ستعيش فيه اخته و لا يمنع ان ينوب من هذا بوظيفه بأحدي شركات نوح العوامري .
قاطع الاب تفكير الجميع و قال :
نوح كلمني انهارده و قالي هيجي هو عيلته عشان يتقدملك يا ماسه
ثم اخرج بطاقه الائتمان البنكية و اعطها الي ماسه و قال بحب :
ماسه بعد الشغل روحي و معاكي وهج و فيروزه تشتري فستان حلو و كل الي نفسك فيه
أجابت ماسه معترضة:
ملوش لازمه يا...
قاطعها عامر بغضب :
مش عايز اعتراض
اخذت ماسه البطاقه بعد ان اكلت الفطور و ذهبت بعد ان استقلت سيارتها قبل ان تتوجه الي الحضانه و هي في سيارتها قامت بالاتصال بنوح
في قصر العوامري
في جناح نوح :
لم ينم الا ساعه فقط حتي يتصل بوالد تلك اللعينه سمع صوت رنين الهاتف الخاص به اخذه ثم أجاب دون رؤيه من المتصل قال بصوت ناعس مبحوح:
الو
في سياره ماسه :
عندما سمعت صوته الناعس في الهاتف
جاء صوت داخلي بداخل ماسة يقول بهيام :
يخربيت جمال صوتك و انت لسه صاحي من النوم
في جناح نوح :
أجاب مره ثانيه بصوت غاضب :
مين معايا؟!
في سياره ماسه
قالت في ثبات :
صباح خير يا نوح بيه العوامري معاك ماسه مراتك المستقبلية أن شاء الله ممكن أتكلم معاك لو عايز تكمل نوم عادي يعني مش فراقها
قالتها بنوع من الاستهزاء و السخريه
في جناح نوح
اعتدل نوح في جلسته و قال بصوت غاضب:
بصي يا بتاعه إنتي عشان إنتي رصيدك معايا خلص خلاص لو قفلتي السكه تاني زي امبارح او اتكلمتي بالطريقه الزباله ديه صدقيني مش هرحمك و بعدين يا بومه عايزه إيه علي الصبح
في سياره ماسه :
قالت ماسه بسخرية :
عايزه أقابل حضرتك او اجبلك الشركه عشان عايزه اتنقش معاك في كام حاجه و عايزه أقولك علي كم شرط
في جناح نوح :
اجاب نوح بسخرية:
و كمان هتشرطي أنا محدش يحطلي شروط
في سياره ماسه
اجابت ماسه ببهدوء :
أعتبرها طلبات مش شروط
في جناح نوح :
قال نوح ببرود:
تمام بعد لما تخلصي شغلك تعالي علي الشركه
ثم اغلق الهاتف .
في سياره ماسه :
نظرت الي هاتف حتي تأكدت انه اغلق الخط
قالت بصوت عالي غاضب :
بتقفل في وشي يا كلب البحر انت ما هقول إيه حتت حيوان
في جناح نوح:
قال نوح بغضب و صوت عالي نوعا ما :
قلقتي نومي الله يحرقك يا شيخه
ثم نهض من فراشه و ذهب الي حمام و اخذ حماما دافي و ارتدي ملابسه و خرج من غرفته و نزل علي درج متجه نحو غرفه الطعام وجد الجميع علي الطاولة في من كان في حاله حزن و قهر و من كان في حاله حقد و غل و حاله لا يعجبه كل ما يحدث ابدا
ثم جلس و قال بسخرية:
وحده
ثم نظر الجميع اليه و تتم الجميع و قالوا :
لا اله الا الله
قال نوح بسخرية:
مالكم زي ما يكون في حد مات و قاعدين في عزا ده حتي أنا بكره هروح اتقدم و أبقي عريس
رد الجميع بصوت عالي :
نعم؟!
أجاب نوح ببرود:
ايوا أنا كلمت عامر أبو ماسه و اتفقت معه علي بكره عندهم عشان نتقدم و نشوف طلبتهم
قال عامر بأنفعال:
أنت لسه مصمم علي الموضوع ده
أجاب نوح ببرود :
اه خلاص الموضوع انتهي
قال الجد بحزن في صوته :
مش كنت تقولي أنا اكلمه و لا أنا خلاص مليش لازمه
وقف نوح و قبل يد شعيب و قال بحب:
أنت الخير و البركه و بكره أنت الي هتتكلم أنا مش هفتح بقي يا كبير عيله العوامريه
هبت نيره و قالت بغضب :
برده مصمم طب ما تتجوزني أنا و هي برده و هي تربي فارس انا بحبك يا نوح
نظر لها الجميع بأحتقار ، ثم ذهب نوح و اخذ معه فارس استقل سيارته و معه اسطول سيارات الحرس الخاص به و اوصل فارس الي الحضانه ثم توجه الي شركه
وصلت ماسه الي الحضانه ثم توجه الي مكتب وهج و قالت بمزاح :
صباح الخير يا وهجي
أجابت وهج ببرود :
صباح الخير
قالت لها ماسه بهدوء:
عارفه أنك مضيقه إني هتجوز نوح بس لازم أعمل كده يا وهح أنا يمكن سبب أني احمي ناس من شر نوح هو الحامي هو ربنا بس نوح نار هتكلنا كلنا مش عايزه ده يحصل و ادي لنفسك فرصه يا وهج إنتي مش شايفه أن في حد مستعد يديكي روحه بس تديله قلبك و حبك بصي حولكي هتلاقيه مدي ايدك و خدي بي أيده عشان لو أنا في مكانك هعمل كده متبصيش تحت رجلك يا وهج .
كادت ان تذهب ماسه و علامات الدهشه علي وجه وهج دخلت فيروزه و علامات الضيق علي وجهها قالت ماسه موجهها كلامها الي فيروزه:
و هقولهلك إنتي كمان حظكم أحسن مني بصوا حواليكم أنتم الاتنين في اتنين مستنين بس نظره حب عشان تبدا الحياه بدل ما انتم مش شايفنهم كده عشان أنتم عمي.
ثم تركتهم و توجهت لتكمل عملها قالت فيروزه بدهشة :
هي قصدها ايه ؟!
أجات وهج بحيرة :
اكيد زين و كادر
اندهشت فيروزه مع وهج هي الاخري .
بعد ان ان انهت ماسه عملها توجهت الي شركه نوح و تذكرت اول مره توجهت الي الشركه ذكريات لا تنسي و انتحار رولا
قالت ماسه الي السكرتاريه:
لوسمحتي انا ماسه عامر الشناوي عندي معاد مع نوح بيه
رمقتها السكرتارية بحقد و قالت :
اه نوح بيه مبلغني انك تدخلي اول ما تيجي
وبالفعل دخلت ماسه مكتب نوح صافحها نوح و قال بسخريه نوعا ما :
أهلاً بيكي مره ثانيه في مكتبي
لاحظت ماسه ان المكتب و ديكوراته لم يعدوا كما سبق لم تعطي للموضوع اهتمام و ردت عليه ببرود :
أهلاً بيك ياريت تدي موبيلك السكرتيرة
قالت ماسة ببرود :
تمام
و بالفعل اعطت ماسة هاتفها للسكرترية و اغلق السكرتيرة الباب و توجهت إلى مكتبها
سألها نوح ببرود :
تحبي تشربي حاجه ؟!
اجابت بالنفي:
لا شكرا أنا جاي اتناقش معاك في كام حاجه
رد عليها نوح بفضول :
سامعك يا ماسه
اخذت نفس عميق و قالت :
حضرتك طلبت مني الجواز و اقبلت أنا عارفه أنك مش بتحبني و لا بطقني أنت اصلا كل الجواز عشان خاطر فارس عايز ام ليه أنا موافقه بس ليا طلب بعد أذنك
اجاب نوح ببرود :
طلباتك إيه يا ماسه ؟!
قالت له ماسه بهدوء :
عايزه يكون جواز علي ورق يعني أنا عارفه أنك مش بطقني ده أول طلبو الطلب التاني أنك لو حبيت تتجوز عليا بقي نيره قربتك أو واحده تاني مش مشكله هبقي اقول لي أهلي إني عندي عقم و مش هخلف طول عمري و أنت من حقك تخلف تاني
هدر بها نوح:
نعم ياختي
اجابت ماسه بهدوء :
ده طلبي لو سمحت اقبله
أجاب نوح ببرود متوعد :
تمام يا ماسه تمام
همت للذهاب و قالت ببرود :
أنا متأكده أنك راجل و قد كلمتك و تنوزنا انهارده ان شاء الله
اجاب نوح ببرود :
أن شاء الله
ذهبت ماسه و هو يتوعد لها ذهبت و التقت بوهج و فيروزه و ذهبوا الي احد المتجر ملابس السهر و بالفعل وجدت ماسه ما تريد و ذهبت الي منزل
كانت تجهز لجحيمها الابدي :
دق باب غرفه ماسه :
اجابت ماسه :
ادخل
كان ذلك تامر وجه حزين قالت ماسه بقلق :
مالك يا تامر ؟!
قال تامر بحزن :
هددك بيا و بينا إنتي ليه لازم تضحي كده ما تعيشي سعيده ليه يا ماسه ما كل واحد يشيل شيلته
قالت ماسه بحب اخوي :
تعالي يا تامر
ثم جلس تامر علي مقعد امام ماسه و تم تابعت الكلام و قالت بهدوء :
أنت مؤمن أن في يوم قيامه و هنتحاسب قدام ربنا و في اخره صح ؟
أجاب تامر ب تلقائيا:
طبعا كلنا هنتحاسب
أجابت عليه ماسه بهدوء :
حلو أنا عايزه الأخري مش عايزه الدنيا لو يا سيدي ربنا بيبتليني بنوح أو أي حد عشان يبقي ليا مكان في الجنه أنا موافقه و أنا وفقت عشان مش عايزه فارس يبقي زيه علي اقعل نوح جده ربه كويس بس هو اتبتر و بقي شيطان انما فارس لو متلحقش هيبقي ابشع من نوح كمان لما يبتدي يستوعب أمه مش موجوده ليه و عملت إيه هيبقي شيطان بجد أنت الوحيد الي هتفهم يا تامر .
تفهم تامر ثم رد عليها بشجن :
تمام يا ماسه
ابتسم تامر و خرج من الغرفه و دخلت فيروزه و وهج حتي يأتي موعد وصل نوح و عائلته
في قصر العوامري
كانت نيره تتحدث في الهاتف بغضب و قالت بغضب :
بقولك رايح يتقدم لها و هيتجوزها و هيعملها فرح
اندهشت رودينا مما سمعته و قالت بدهشة:
إيه هيتجوزها بجد و هيعملها فرح لا ده عايزلها خطه سريعه متخفيش هيبقي ليكي و هاسعدك
ثم اغلقت سمعها ايهم و قال :
هو مين الي هيتجوز يا حبيبي
اجابت رودينا بسخرية:
ماسه هتجوز نوح و هو رايح يتقدملها انهارده
قال ايهم بغضب :
نعم ياختي إنتي عرفتي منين ؟؛
أجابت رودينا ببرود:
نيره قالتلي
قال ايهم بغضب :
يا اعبن الكلب يا نوح
في منزل ماسه
دق باب المنزل قام عامر بفتح باب المنزل كان يقف كل من :
-الجد شعيب
-نوح العوامري
-قادر العوامري
-نرجس زوجة قادر العوامري
نيره لم تأتي معهم بأمر من الجد شعيب و نوح حتي لا تفتعل المشاكل و بسبب ما فعلته بماسه سابقا قال عامر مرحباً :
اهلا و سهلا نورتونا
دخل الكل الي المنزل و نرجس تنظر الي المنزل بتعالي و احتقار و لكن نظر لها نوح نظره قاتله ارتعبت منه فبدأت تبتسم ابتسامة مصتنعه حتي لا تنول من غضب نوح
جلس الجميع في الصالون
جلس الجميع في صالون المنزل قالت خديجه بأبتسامه مصطنعه :
اهلا و سهلا بيكم في بيتنا المتواضع
قال الجد ببشاشه :
منور بأهله و ناسه أمال عروستنا فين ؟
قالت خديجه :
تامر و رامي بيجبوها من جوا مع فيروزه و وهج
هنا قال قادر بتسأل :
تامر مين أنا اعرف ان ماسه بنت حضرتك عندها اخ اسمه رامي حضرتك تقصدي تامر الزيني ؟!
قالت خديجه بحب :
اه تامر الزيني ابني عايش معايا و باباه عامر و اخوه رامي و اخته و امه الروحية ماسه
اندهش كل من نرجس و عامر علي حديث هذه المرأة .
في غرفه ماسه دخل تامر ثم رامي الذي بدأ يدقدق علي باب الغرفه و يقول بمرح :
مع السلامه مع السلامه مع السلامه يا أبو عمه نيمه ما يكتب الكتاب و يخدك و تطلي بالابيض بقي عشان أخد الاوضه ديه طمعان فيها
ضحك الجميع ثم قال تامر :
يلا يا ماسي عشان الجد شعيب بيسأل عليكي
أجابت عليه ماسه :
حاضر يا تيكو
أجاب بحب اخوي :
قلب تيكو
و هنا تدخل رامي بنرح :
خلي بالك وحش الكون إلي برا ده الي إسمه نوح العواع يسمعك عشان يعملك عمليه استئصال قلب
ضحك الجميع ثم خرجت ماسه و هي تحمل المشروبات البارده و الساخنه تقدمت ناحيه الجد اخد الجد الكوب الساخن و سأل بتعجب :
عرفتي منين اني بحب القرفه بالبن حلوه اوي تسلم ايدك
قالت ماسه بحب :
عرفت من فارس كان بيقولي كل حاجه الحمد لله أنها عجبتك يا جدو
ثم تقدمت الي عامر و اخذ عصير الليمون بالبن بتعجب ايضا و قال بدهشة :
فارس برده قالك إني بحبه
اجابت عليه ماسه :
فارس كان بيقولي كل مشروبتكم المفضله
ارتشف منه قادر و همم بتلذذ و قال بسعادة :
طعمه حلو اوي زي ما كانت امي الله يرحمه بتعمله ابقي اعملهولي علي طول يا ماسه
قالت الي قادر ببشاشه :
حاضر يا عمي
ثم تقدمت الي نرجس التي وجدت شئ ساخن سابقتها ماسه و قالت:
ده Mocha caramel sauce معلقه و نص سكر زي ما حضرتك بتحبيه
اندهشت نرجس و احست احساس غريب ناحيه ماسه و بدأت تلين ناحيه هذه الفتاه ثم ارتشفت منه و قالت بسعاده و اعجاب :
ده احلي من ما بعمله أكيد هتعمليلي و نشربه سوي كتير
قالتها بسعاده ، اعجاب و حب حقيقي و ليس مصطنع مما ادهش الجد شعيب و قادر و نوح ايضا ثم تقدمت اخيرا الي نوح و قالت :
عصير رمان معاه توت بري و توت احمر من غير سكر زي ما انت بتحبه و زي ما فارس قالي
اندهش نوح من ما تفعله ماسه احس احساس غريب لم يشرب هذا المشروب منذ زمن ثم ارتشف منه و قال بتلذذ و همم بسعاده :
ده احلي من الي روح ما بتعمله بجد تسلم ايدك
فرحت ماسه من قلبه انه ابتسم و اعجبه المشروب احست ان امامها نوح الملاك
جلس الجميع كان تامر بالداخل حاول رامي اقناعه ان يخرج و لكن رفض قالت ماسه بأعتذار :
عن اذنكم بس ثانيه
نهضت ماسه و اتجهت الي داخل تحت دهشت الجميع و اتت و معاها تامر و الذي جعل وجه نوح يمتعض قالت ماسه موجه الكلام الي جميع :
بعد اذنكن تامر هيقعد معانا لأنه من العيله
قال الجد بحب :
تامر
رفع تامر رأسه اخيرا و أجاب بأحترام :
نعم يا شعيب بيه لو حضرتك مضايق من وجودي هدخل و أنا اسف عن اذنكم
هم تامر بالمغادره اوقفه صوت الجد شعيب و قال له بحب :
تعالي يا تامر
وقف الجد و تامر امامه و اكمل الحديث و قال:
اول حاجه أنا ماسميش شعيب بيه أنا اسمي جدو شعيب ده غصب عنك مش بي مزاجك لانك حفيدي التاني
اجاب تامر رأسه بدهشه ثم قال :
حض...
نظر له الجد نظره تحذير اكمل تامر و قال:
جدو شعيب و حفيدك
أجاب شعيب بحب :
اه يا تامر أنت من انهارده حفيدي و نور عيني و غالي عندي اوعي في يوم تتردد تكلمني او تجيلي البيت مفتوحلك تعالي يا حفيدي الغالي في حضن جدك شعيب الي فخور بيك لحد اخر يوم في عمره
احتضانه تامر و بكي بشده و قال تامر الي شعيب بحب:
أنا بحبك اوي يا جدو شعيب اغنت طيب اوي أنا فرحان بقي عندي بابا و ماما و جدو و اخ
أجاب الجد بحب :
أنت الجميل يا عيون جدك تعالي اقعد جنبي
وبالفعل جلس تامر بجانب الجد بدأ نوح ينزعج من كل تلك الاحداث الدرامية السخيفه مال نوح علي جده و قال بصوت منخفض و بنوع من السخرية :
جدو ممكن تتكلم في المهم ده بعد إذن معاليك يعني
ضحك الجد و قال بسعادة :
حاضر يا نوح
قال الجد موجه الكلام الي جميع :
احنا يا جماعه يشرفنا اننا نطلب ايد ماسه لي حفيدي نوح
قال عامر بحب لهذا الرجل الذي بمثابة والده :
طبعا يا بابا شعيب أنا يشرفني ان احنا ننسبكم كفايه حضرتك يا حج شعيب
أجاب الجد بحب:
الله يخليك يا عامر يا حبيبي
هنا كان قادر ينظر لهم بحقد و غل علي حب والده لهذا الرجل ثم اكمل الجد و قال :
نوح كمل انت بقي
تنحنح نوح و قال بأحترام :
بص يا اونكل عامر ان شاء الله انا هعامل بنتك بما يرضي الله و هحطاها في عنيا
كانت ماسه تنظر له بأندهاش و قالت بصوت منخفض لم يسمعه سوي فيروزه و وهج:
"يا ابن الكدابه"
ثم اكمل نوح بسعادة مصطنعه :
طلبتك ايه يا اونكل من شبكه و مهر و مؤخر صداق ؟!
أجاب عامر :
كفايه انك تعاملها كويس
قال نوح مره اخري و قال :
طلباتك يا اونكل عامر ؟!
أجاب عامر بحرج :
يا بني مش هنختلف
قال نوح بهدوء:
بص يا عمي مهر ماسه هو أنها هتشارك وهج في الحضانه لأني سمعت أن الانسه وهج كانت عايزه شريك او قرض عشان تكبر الحضانه ٣ اضعاف فال ٣ اضعاف دول مهر ماسه و كده وهج ضمنت شريك عمره ما هيضيقه و هيبقي متفق معاها في كل حاجه
شهق الجميع قال عامر بالنفي و الرفض :
ده كتير يا إبني أنت بتكلم في ملايين
نظر نوح الي ماسه و قال بحب :
ميغلاش علي ماسه العقد هيوصل لي الانسه وهج بكره و هي ماسه هيمضوا و بعدين هيتوثق في الشهر العقاري
قالت ماسه برفض :
بس أنا مش موافقه أنا عايزه أفضل مدرسه
رد عليها نوح بهدوء:
ما إنتي مش هشتغلي بعد الجواز هتفرغي لبيتك و جوزك و فارس و أن شاء الله بالبيبي الي هنخلفه
أجابت ماسه ببعض من الحده :
إنتي عايز تلغي كياني ؟!
أجاب نوح و لقد بدأ ينفذ صبره علي تلك اللعينه و لكن تمالك اعصابه و قال بهدؤء و حب مصطنع :
أكيد لا ما إنتي هتبقي شريكه ممكن تروحي ساعه ساعتين تبشري الحضانه كشريكه و كده أبقي مش بلغي كيانك ولا إيه ؟!
سكتت ماسه و نظرت الي نوح بغصب و نظر لها هو بأبتسامه تسليه شيطانية ثم اكمل نوح و قال بسعادة مزيفة :
و ياريت يا اونكل الفرح و كتب الكتاب يكونوا بعد اسبوع
شهق الجميع ثم قالت خديجه بقلق :
ليه مستعجل كده لسه جهازها و حاجاتها
قاطعها نوح مجيبا عليها :
كل حاجه جهزه حضرتك أنا مش بتاع أخطب و انزل و كده عايز ماسه تبقي معايا و هي مراتي الأصول إلي اتربينا عليها لكن دخول و خروج من غير حاجه هتبقي عيب في حقي و حق بنت زي ماسه جوهره تتحط في القلب
______________________________
لحظه عزيزتي الشيطان الاكبر ابليس يريد أن يوجه كلمه الي نوح العوامري :
حقيقي أنت بهرتني بذكائك و علي رأي محمد رمضان تعالي يابني امسك الشوكه بدالي ده ايه ده بس عظمه عظمه احسنت يا ابني اصمله عليك و علي الي حواليك يحميك لشبابك يابني
______________________________
عوده للرواية:
نظرت خديجه الي عامر ثم اردف عامر و قال :
أنا شايف أنك راجل محترم و عداك العيب و عشان كده أنا موافق
قال نوح بأنتصار :
نقرا الفاتحه
أجاب عامر و الجميع :
نقرا الفاتحه
بعظ انتهاء قراءه الفاتحه و قام نوح بأعطاء ماسه خاتم الزواج و البسها إيه و هي البسته خاتم الزواج ايضا
نظر نوح الي ماسه ثم مر من جانبها قبل يذهب و قال بجانب اذن ماسه و قال باللغة العربية الفصحي :
مَرْحَبًا بيكي فِي جَحِيمِي يَا ماستي خَاصَّتِي أَنَا وَحْدِي .
ثم نظرت له وجد وجه اشبه بالشيطان ثم رحل و تركها و هي علي يقين ان هذه الزيجه و الايام القادمه ستشهد انها اشبه بجحيم جهنم .
- يتبع الفصل التالي اضغط على ( رواية الي الطريق المدي البعيد الهادي ) اسم الرواية